31 C
Bangalore, IN
Monday, April 23, 2018
Home ಸಿನಿಮಾ ನ್ಯೂಸ್

ಸಿನಿಮಾ ನ್ಯೂಸ್

CiniAdda.com -  Kannada New Movies

  • Get latest Kannada New Movies & Films Releases from CiniAdda.com.
  • Trailers & Teasers.
  • Reviews & Ratings

ಹುಚ್ಚನಾದ ಡಾರ್ಲಿಂಗ್ ಕೃಷ್ಣ

ಕಿಚ್ಚ ಹುಚ್ಚ ಅಂತಾ ಫೇಮಸ್ ಆಗೋಕು ಮುಂಚೆ ನಟ ಸುದೀಪ್ ಅಷ್ಟೆ.. ಯಾವಾಗ ಹುಚ್ಚ ಸಿನಿಮಾ ರಿಲೀಸ್ ಆಯ್ತೋ‌ ಅಲ್ಲಿಂದ ನಟ ಸುದೀಪ್ ಸ್ಟಾರ್ ವ್ಯಾಲ್ಯೂ ಬದಲಾಗಿ ಹೋಯ್ತು. ಸಿನಿಮಾಗಾಗಿ ತನ್ನ ಕೂದಲನ್ನು ನಿಜವಾಗಿಯೇ ತೆಗೆಸಿಕೊಂಡ ನಟ ಸುದೀಪ್. ಯಾವುದೇ ಹಮ್ಮುಬಿಮ್ಮು ಇಲ್ಲದೆ ಅಭಿನಯಕ್ಕೆ ಬೆಲೆ ಕೊಟ್ಟ ಅಭಿನಯ ಚಕ್ರವರ್ತಿ. ಆದ್ರೆ ಮತ್ತೆ ಹುಚ್ಚ 2 ಸಿನಿಮಾ ನಿಮ್ಮನ್ನು ರಂಜಿಸಲು ಬರುತ್ತಿದೆ. ಆದ್ರೆ‌ ಈ ಬಾರಿ ಸುದೀಪ್ ತೆರೆ ಮೇಲೆ ಬರೋದಿಲ್ಲ ಬದಲಿಗೆ ಡಾರ್ಲಿಂಗ್ ಕೃಷ್ಟ ಹುಚ್ಚನಾಗಿ ಬರುತ್ತಿದ್ದಾರೆ.

ಕಿಚ್ಚ ಸುದೀಪ್ ಅಭಿನಯದ ಹುಚ್ಚ ಸಿನಿಮಾ ರಿಲೀಸ್ ಆಗಿ 17 ವರ್ಷ ತುಂಬಿದ ಬಳಿಕ ಹುಚ್ಚ 2 ಸಿನಿಮಾ ಬರುತ್ತಿದ್ದು, ಡಾರ್ಲಿಂಗ್ ಕೃಷ್ಣ ಹುಚ್ಚ 2 ನಲ್ಲಿ ಅಮೋಘವಾಗಿ ನಟಿಸಿದ್ದಾರೆ. ಹುಚ್ಚ 2 ಸಿನಿಮಾದ ಹಾಡುಗಳನ್ನ ಇತ್ತೀಚಿಗೆ ಕಿಚ್ಚ ಸುದೀಪ್ ರಿಲೀಸ್ ಕೂಡ ಮಾಡಿದ್ದಾರೆ.. ಅನೂಪ್ ಸೀಳಿನ್ ಚಿತ್ರದ ಹಾಡುಗಳಿಗೆ ಟ್ಯೂನ್ ಕಂಪೋಸ್ ಮಾಡಿದ್ದು ಸುದೀಪ್ ಹಾಗೂ ರಾಜ್ಯದ ಜನ ಹಾಡು ಮತ್ತು ಟ್ರೈಲರ್‌ಗಳ ಬಗ್ಗೆ ಮೆಚ್ಚಿಕೊಂಡಿದ್ದಾರೆ.. ಚಿತ್ರದಲ್ಲಿ ದೊಡ್ಡತಾರಾ ಬಳಗವೇ ಇದ್ದು ಹಿರಿಯ ನಟ ಅವಿನಾಶ್, ಡೈಲಾಗ್ ಕಿಂಗ್ ಸಾಯಿಕುಮಾರ್, ಸಾಧುಕೋಕಿಲಾ, ಶ್ರಾವ್ಯ, ಮಾಳವಿಕಾ ಅವಿನಾಶ್ ಸೇರಿದಂತೆ ಹಲವರು ಬಣ್ಣ ಹಚ್ಚಿದ್ದಾರೆ. ಸಿನಿಮಾ ಬಿಡುಗಡೆಗೆ ಕೆಲವು ದಿನಗಳು ಬೇಕಾಗಿದ್ದು, ಬಿಡುಗಡೆಗೂ ಮುನ್ನವೇ ಸದ್ದು ಮಾಡ್ತಿದೆ..

ಜ್ಯೋತಿ ಗೌಡ, ನಾಗಮಂಗಲ

ರಜನಿಕಾಂತ್ ನಟನೋ.. ಸಾಧುವೋ.. ರಾಜಕಾರಣಿಯೋ.. ?

ಕಾಲಿವುಡ್ ಸೂಪರ್​​ಸ್ಟಾರ್ ರಜಿನಿಕಾಂತ್ ಕರ್ನಾಟಕದಲ್ಲಿ ಹುಟ್ಟಿ ಬೆಳೆದರು ಖ್ಯಾತಿ ಪಡೆದಿದ್ದು ತಮಿಳುನಾಡಿನಲ್ಲಿ.. ರಜನಿಕಾಂತ್ ಸಿನಿಮಾ ಬರುತ್ತಿದೆ ಅಂದ್ರೆ ಪೂಜೆ ಪುನಸ್ಕಾರ  ಮಾಡುತ್ತಾ ಜಪ ತಪ ಮಾಡುವ ಅಭಿಮಾನಿಗಳು ತಮಿಳುನಾಡಿನಾದ್ಯಂತ ಸಾವಿರಾರು ಜನರು ಸಿಗ್ತಾರೆ.. ಏ ನಿರುಪ್ಪುಡ ಅಂತ ಕೈ ತಿರುಗಿಸಿದ್ರೆ ಥಿಯೇಟರ್ ನಲ್ಲಿ ತಲೈವಾಗೆ ಚಪ್ಪಾಳೆಗಳ ಸುರಿಮಳೆಯೇ ಆಗುತ್ತದೆ. ಕರ್ನಾಟಕದಲ್ಲಿ ರಾಜ್ ಕುಮಾರ್ ಅವರನ್ನು ಕನ್ನಡಿಗರು ಆರಾಧಿಸುವ ರೀತಿಯಲ್ಲೇ ತಮಿಳಿಗರು ರಜನಿಕಾಂತ್ ಅವರನ್ನು ಆರಾಧಿಸುತ್ತಾರೆ. ಆದ್ರೆ ಸಿನಿಮಾ ರಂಗದಲ್ಲಿ ಗಳಿಸಿದ ಖ್ಯಾತಿಗೆ ಫುಲ್ ಸ್ಟಾಪ್ ಇಟ್ಟಿರುವ ರಜನಿಕಾಂತ್, ಇದೀಹ ರಾಜಕಾರಣ ಶುರು ಮಾಡಿದ್ದಾರೆ.
ಇತ್ತೀಚಿಗಷ್ಟೇ ತಮಿಳುನಾಡು ರಾಜ್ಯ ಸುತ್ತಾಡಿದ ರಜನಿಕಾಂತ್, ಹೊಸ ಪಕ್ಷ ಘೋಷಣೆ ಮಾಡಿದ್ದಾರೆ. ತಮಿಳುನಾಡಿನ ಜನರಿಗೆ ಸರಿಯಾದ ಅಧಿಕಾರ ಮಡೆಸುವವರು ಸಿಕ್ಕಿಲ್ಕ ಅನ್ನೋ ಕಾರಣಕ್ಕೆ ನಾನು ರಾಜಕೀಯಕ್ಕೆ ಬರುತ್ತಿದ್ದೇನೆ. ತಮಿಳುನಾಡು ಹಾಗೂ ಇಲ್ಲಿನ ಜನರನ್ನು ಅಭಿವೃದ್ಧಿ ಮಾಡಬೇಕಿದೆ ಎಂದು ಹೇಳಿಕೊಂಡಿದ್ದರು. ಆದ್ರೆ ಇತ್ತೀಚೆಗೆ ಅಂದ್ರೆ ಭಾನುವಾರ ಹಿಮಾಲಯದಲ್ಲಿ ಕಾಣಿಸಿಕೊಂಡಿದ್ದಾರೆ. ಹಿಮಾಲಯದಲ್ಲಿ ರಜಿನಿಗೆ ಅವರ ಆಪ್ತರು ಜೊತೆಗಿದ್ದು ಸ್ವಾಗತ ಕೋರಿದ್ದಾರೆ. ಎಂದಿನಂತೆ ಶ್ವೇತ ವರ್ಣದ ಶುಭ್ರ ವಸ್ತ್ರದಲ್ಲಿ ಕಾಣಿಸಿಕೊಂಡಿರುವ ರಜನಿಕಾಂತ್, ಹಿಮಾಚಲದ ಪದ್ಧತಿಯಂತೆ ತಲಗೆ ಟೋಪಿ ಧರಿಸಿರುವುದು ವಿಶೇಷವಾಗಿದೆ.
ವರ್ಷಕ್ಕೆ ಒಂದೆರಡು ಬಾರಿ ಧ್ಯಾನಕ್ಕಾಗಿ ಹಿಮಾಲಯಕ್ಕೆ ಹೋಗುತ್ತಿದ್ದ ರಜನಿಕಾಂತ್, ತುಂಬಾ ಗುಟ್ಟಾಗಿ ಹೋಗಿ ಬರುತ್ತಿದ್ರು.. ಆದ್ರೆ ರಾಜಕೀಯಕ್ಕೆ ಎಂಟ್ರಿ ಕೊಟ್ಟ ಬಳಿಕ ಮೊದಲ ಬಾರಿಗೆ ತೆರಳಿರುವ ತಲೈವಾರನ್ನು ಸ್ವಾಗತಿಸಲು ರಜನಿಕಾಂತ್ ಸ್ನೇಹಿತರು ಅಲ್ಲಿದ್ರು‌.. ಜೊತೆಗೆ ಭಾರೀ ಪ್ರಚಾರವನ್ನು ಪಡೆದುಕೊಂಡಿದ್ದು, ಈ ಬಾರಿ ಐದು ದಿನಗಳ ಕಾಲ ತಪಸ್ಸು ಮಾಡಲಿದ್ದಾರೆ ಎನ್ನಲಾಗಿದೆ. ಹಿಮಾಲಯದಲ್ಲಿರುವ ರಜನಿಕಾಂತ್ ನಂಬಿರುವ ಬಾಬಾ ಹೇಳಿದ ಬಳಿಕವೇ ರಾಜಕೀಯಕ್ಕೆ ಧುಮುಕಿರುವ ರಜನಿಕಾಂತ್, ಇದೀಗ ಸಕ್ರಿಯವಾಗಿ ತೊಡಗಿಸಿಕೊಳ್ಳುವ ಮೊದಲು ತಪಸ್ಸು ಮಾಡ್ತಿರೋದು ತಮಿಳುನಾಡಿನಲ್ಲಿ ಮಾತ್ರವಲ್ಲ, ಇಡೀ ಭಾರತೀಯರ ಕುತೂಹಲಕ್ಕೆ ಕಾರಣವಾಗಿದೆ. ರಾಜಕೀಯದಲ್ಲಿ ಗೆಲುವು ಸಾಧಿಸಲು ತಂತ್ರಗಾರಿಕೆ ಜನ ಬೆಂಬಲ ಚೆನ್ನಾಗಿರಬೇಕು. ಆದ್ರೆ ಹಿಮಾಲಯದಲ್ಲಿ ತಪಸ್ಸು ಮಾಡಿದ್ರೆ ಗೆಲುವು ಧಕ್ಕುತ್ತಾ ಅನ್ನೋದು ಜನರನ್ನು ಚಕಿತರನ್ನಾಗಿ ಮಾಡಿದೆ..
ಜ್ಯೋತಿ ಗೌಡ, ನಾಗಮಂಗಲ

ನಟಿ ಸಿಂಧು ಮೆನನ್ ಸಹೋದರ ಅರೆಸ್ಟ್..!! ನಟಿಗೂ ಬಂಧನ ಭೀತಿ..

ಸ್ಯಾಂಡಲ್ ವುಡ್ ನಲ್ಲಿ ಖುಷಿ , ನಂದಿ , ಸೇರಿದಂತೆ  ಮಲಯಾಳಂ , ತಮಿಳು ಭಾಷೆಗಳಲ್ಲಿ ನಟಿ‌ಸಿ ಸೈ ಎನಿಸಿಕೊಂಡಿರುವ ನಟಿ ಸಿಂಧು ಮೆನನ್ ಸಹೋದರ ಅರೆಸ್ಟ್ ಆಗಿದ್ದಾರೆ.‌ ಜೊತೆಗೆ ನಟಿ ಸಿಂಧು ಮೆನನ್ ಗೂ ಬಂಧನ ಭೀತಿ ಕಾಡುತ್ತಿದೆ. ಕನ್ನಡದ ಖ್ಯಾತ ನಾಯಕ ನಟಿಯಾದ ಸಿಂಧು ಮೆನನ್ ವಿರುದ್ಧ ಬೆಂಗಳೂರಿನ ಆರ್ ಎಂ ಸಿ ಯಾರ್ಡ್ ಠಾಣೆಯಲ್ಲಿ  ಎಫ್ಐಆರ್ ದಾಖಲು ಆಗಿದ್ದು ಬಂಧನ ಭೀತಿ ಎದುರಿಸುತ್ತಿದ್ದಾರೆ. ಬ್ಯಾಂಕ್ ಆಫ್ ಬರೋಡಗೆ ನಕಲಿ ದಾಖಲೆ ಕೊಟ್ಟು ಹಣ ಪಡೆದ ಆರೋಪದಲ್ಲಿ ನಟಿ ಸಿಂಧು ಮೆನನ್, ಸಹೋದರ ಮನೋಜ್ ಕಾರ್ತಿಕೆಯನ್ ವರ್ಮ, ನಾಗಶ್ರೀ ಶಿವಣ್ಣ , ಸುಧಾ ರಾಜಶೇಖರ್  ಮೇಲೆ ಎಫ್ಐಆರ್ ದಾಖಲಾಗಿತ್ತು.. ಇದೀಗ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಮನೋಜ್ ಅರೆಸ್ಟ್ ಆಗಿದ್ದು ನಟಿ ಸಿಂಧು ಮೆನನ್ ಗೂ ಬಂಧನ ಭೀತಿ ಕಾಡ್ತಿದೆ..
ಕಾರ್ ಖರೀದಿಗೆ ಬರೋಡಾ ಬ್ಯಾಂಕ್ ಗೆ ನಕಲಿ ದಾಖಲೆ ಕೊಟ್ಟು 36 ಲಕ್ಷ ಹಣ ಪಡೆದು ನಟಿ ಸಿಂಧು ಮೆನನ್ ಹಾಗೂ ಸಹೋದರ ವಂಚಿಸಿದ್ದಾರೆ ಅಂತಾ ಆರೋಪಿಸಿ ಬರೋಡಾ ಬ್ಯಾಂಕ್ ಮ್ಯಾನೇಜರ್ ರಮೇಶ್ ಬೆಂಗಳೂರಿನ ಆರ್ ಎಂ ಸಿ ಯಾರ್ಡ್ ಠಾಣೆಗೆ ದೂರು ಸಲ್ಲಿಸಿದ್ದರು. ಪೊಲೀಸರ ವಿಚಾರಣೆ ವೇಳೆ ನಕಲಿ ದಾಖಲೆ ನೀಡಿರುವುದು ಸಾಬೀತು ಆದ ಹಿನ್ನೆಲೆಯಲ್ಲಿ ಆರೋಪಿ ಸಿಂಧು ಮೆನನ್ ಸಹೋದರ ಮನೋಜ್ ಕೆ.ವರ್ಮ ಹಾಗೂ ನಾಗಶ್ರೀ ಎಂಬುವರನ್ನು ಬಂಧನ ಮಾಡಲಾಗಿದೆ. ಸದ್ಯ ಆರ್.ಎಂ.ಸಿ ಯಾರ್ಡ್ ಪೊಲೀಸರು ನಟಿ ಸಿಂಧು ಮೆನನ್ ಸಹೋದರ ಮನೋಜ್ ಹಾಗೂ ನಾಗಶ್ರೀ ಅವರ ವಿಚಾರಣೆ ಮಾಡ್ತಿದ್ದಾರೆ. ಜೊತೆಗೆ ಉಳಿದ ಆರೋಪಿಗಳಿಗಾಗಿ ತಲಾಶ್ ನಡೆಸುತ್ತಿದ್ದಾರೆ.
ಪ್ರಕರಣ ಮೂರನೇ ಆರೋಪಿಯಾಗಿರುವ ನಟಿ ಸಿಂಧು ಮೆನನ್, ಸದ್ಯ ಅಮೆರಿಕದಲ್ಲಿ ಬೀಡುಬಿಟ್ಟಿದ್ದಾರೆ.. ಬಂಧನ ಭೀತಿ ಎದುರಿಸುತ್ತಿರುವ ಸಿಂಧು ಮೆನನ್ ಭಾರತಕ್ಕೆ ಬರುತ್ತಿದ್ದ ಹಾಗೆ ಬಂಧಿಸುವ ಸಾಧ್ಯತೆ ಇದೆ. ಸಾಲ ಮರು ಪಾವತಿ ಮಾಡದೆ ಇದ್ದರೆ‌ ಬೇರೆ.. ಆದರೆ‌ ಸಾಲ ಪಡೆಯುವ ಉದ್ದೇಶದಿಂದ ನಕಲಿ ದಾಖಲೆ ಸೃಷ್ಠಿಸಿರುವುದು ದೊಡ್ಡ ಪ್ರಮಾಣದ ಪ್ರಕರಣವಾಗಿದೆ. ಆರ್ ಎಂ ಸಿ ಪೊಲೀಸ್ ಠಾಣೆಯಲ್ಲಿ ಐಪಿಸಿ ಸೆಕ್ಷನ್ 420 ಅಡಿ ಪ್ರಕರಣ ದಾಖಲಾಗಿದ್ದು, ಮುಂದೆ ಕಾನೂನು ಯಾವ ರೀತಿ ಕ್ರಮ ಕೈಗೊಳ್ಳಲಿದೆ ಕಾದು ನೋಡ್ಬೇಕು..
ಜ್ಯೋತಿ ಗೌಡ, ನಾಗಮಂಗಲ

ಕಣ್‌ಸನ್ನೆಗೆ ಕೋಟಿ ಕೋಟಿ ಕಮಾಯಿ..! 

ಅವಳ ಅಂದಕ್ಕೆ ಜಗವೇ ತಿರುಗಿ ನೋಡುತ್ತಿದೆ. ಅವಳು ಒಂದು ಫೋಟೋ ಹಾಕಿದ್ರೆ ಲಕ್ಷಾಂತರ ರೂಪಾಯಿ ಆದಾಯ ಬರುತ್ತಿದೆ. ಯಾವ ಹುಡುಗಿ ಅನ್ನೊ ಡೌಟ್ ಬೇಡ. ಅದೇ ಕಣ್ಸನ್ನೆ ಮಾಡಿ ಹುಡುಗರ ಹಾರ್ಟ್ ಬೀಟ್ ಜಾಸ್ತಿ ಮಾಡಿದ್ದ ಮಲಯಾಳಿ ಬೆಡಗಿ ಪ್ರಿಯಾ ವಾರಿಯರ್. ಪ್ರಿಯಾ ವಾರಿಯರ್ ಅದ್ಯಾವ ಗಳಿಗೆಯಲ್ಲಿ ಮಲಯಾಳಂನ ‘ಒರು ಅಡಾರ್ ಲವ್’ ಸಿನಿಮಾದಲ್ಲಿ ಆ್ಯಕ್ಟ್ ಮಾಡಲು ಒಪ್ಪಿಕೊಂಡಳೋ ಏನೋ, ಆಕೆಯ ನಸೀಬು ಅಡ್ಡಡ್ಡ ಉದ್ದುದ್ದ ಹೇಗೆಲ್ಲಾ ಬೇಕು ಹಾಗೆ ಬೆಳೆದುಬಿಟ್ಟಿದೆ. ಆಕೆಯ ಒಂದೇ ಒಂದು ಕಣ್‌ಸನ್ನೆ, ಒಂದು ಕಣ್ಣು ಮಿಸುಕಾಟ, ಹರೆಯದ ಹುಡುಗಾಟ -ತುಂಟಾಟಗಳು ಹಣ ಗಳಿಸುವ ಅಸ್ತ್ರಗಳಾಗಿವೆ..
ಆ ದಿನ ಒರು ಅಡಾರ್ ಲವ್ ಟ್ರೈಲರ್ ಬಿಡುಗಡೆಯಾದ ದಿನ ಒಂದೇ ರಾತ್ರಿಯಲ್ಲಿ ವಿಶ್ವದ ತುಂಬಾ ಆಕೆಯನ್ನು ಪರಿಚಯ ಮಾಡಿಬಿಟ್ಟಿತ್ತು. ಕುಂತಲ್ಲಿ ನಿಂತಲ್ಲಿ ಹುಡುಗರು ಆಕೆಯ ಜಪ ಮಾಡತೊಡಗಿದರು. ಆಕೆಯ ಫೇಸ್‌ಬುಕ್ಕು, ಇನ್‌ಸ್ಟ್ರಾಗಾಮ್, ಟ್ವಿಟರ್‌ಗಳು ಕೋಟಿ ಕೋಟಿ ಅಭಿಮಾನಿಗಳಿಂದ ತುಂಬಿ ಹೋಯಿತು. ನೋಡ ನೋಡುತ್ತಿದ್ದಂತೆಯೇ ಆಕೆ ಇಂಡಿಯಾದ ನಂಬರ್ ವನ್ ಕ್ರಶ್ ಬಿರುದನ್ನು ಪಡೆದು ಬಿಟ್ಟಿದ್ದಳು.  ಪ್ರಿಯಾ ವಾರಿಯರ್ ಕಣ್ಸನ್ನೆ ನೋಡ್ತಿದ್ದ ಹಾಗೆ ಆಕೆ ಹುಟ್ಟಿದ ದಿನದಿಂದ ಹಿಡಿದು ಇಲ್ಲಿವರೆಗೆ ಏನೇನು ಮಾಡಿದ್ದಳೊ ? ಎಲ್ಲೆಲ್ಲಿ ಓದಿದ್ದಾಳೊ ? ಎಲ್ಲಿಂದ ಬಂದಿದ್ದಾಳೊ ? ಯಾಕೆ ಸಿನಿಮಾ ಆರ್ಟಿಸ್ಟ್ ಆದಳೊ ? ಈ ಎಲ್ಲಾ ಪ್ರಶ್ನೆಗಳ ಬಗ್ಗೆ ಉತ್ರ ಹುಡುಕಲು ಅಭಿಮಾನಿಗಳು ಶುರು ಮಾಡಿದರು. ವಿಶ್ವದಾದ್ಯಂತ ಅಲ್ಲೋಲ ಕಲ್ಲೋಲ ಉಂಟು ಮಾಡಿತ್ತು.
ಒರು ಅಡಾರ್ ಲವ್ ಈಕೆಯ ಮೊದಲ ಸಿನಿಮಾ. ಕೇವಲ ಹದಿನೆಂಟರ ಹರೆಯದ ಪ್ರಿಯಾಗೆ ಮೊದಲ ಸಿನಿಮಾ, ಮೊದಲ ಟೀಸರ್ ಇಷ್ಟೊಂದು ಎದ್ವಾತದ್ವಾ ಹೆಸರು ಮಾಡುತ್ತದೆಂದು ಆಕೆಯೂ ಊಹೆ ಮಾಡಿರಲು ಸಾಧ್ಯವಿಲ್ಲ ಈಕೆಯ ಕಣ್‌ಸನ್ನೆಯನ್ನು ಕಣ್ಣು ಮಿಟುಕಿಸದೆ ಅದ್ಯಾಕೆ  ನೋಡಿದರು, ಎರಡು ಬೆರಳನ್ನು ತುಟಿಗೆ ಒತ್ತಿದ್ದನ್ನು ಕಣ್ಣು ಕಣ್ ಬಿಟ್ಟು ಅದ್ಯಾಕೆ ಹಾಗೆ ನೋಡಿದರೋ ಆ ದೇವರೇ ಬಲ್ಲ. ಆದ್ರೆ ಅದೆಲ್ಲರ ಪರಿಣಾಮ ಪ್ರಿಯಾ ಪ್ರಕಾಶ್ ವಾರಿಯರ್ ಕೋಟಿ ಕೋಟಿ ಒಡತಿ ಆಗ್ತಿದ್ದಾಳೆ.
 ಒಂದೇ ಒಂದು ದಿನದಲ್ಲಿ ವಿಶ್ವದ ನಂಬರ್ ವನ್ ಸೆಲೆಬ್ರಿಟಿಯಾಗುವುದು ಅಂದ್ರೆ ಸಣ್ಣ ಮಾತಲ್ಲ. ಎಂಥೆಂಥಾ ಘಟಾನುಘಟಿನಗಳನ್ನು ಹಿಂದಿಕ್ಕಿ, ಮುಂದಕ್ಕೆ ಹೋಗದಂತೆ ಅಡ್ಡಗಾಲು ಹಾಕಿದ ಪ್ರಿಯಾ ವಾರಿಯರ್ ಜಗತ್ತನ್ನೇ ತನ್ನ ಕಡೆ ನೋಡುವಂತೆ ತಿರುಗಿಸಿಕೊಂಡಿದ್ದಳು. ಇದನ್ನೇ ಬಂಡವಾಳ ಮಾಡಿಕೊಂಡ ಮಲ್ಟಿ ನ್ಯಾಷನಲ್ ಕಂಪನಿಗಳು, ಈಕೆಯ ಇನ್‌ಸ್ಟ್ರಾಗ್ರಾಮ್‌ನಲ್ಲಿ ತಮ್ಮ ಒಂದು ಪ್ರೊಡಕ್ಟ್‌ಗೆ ಮಾಡೆಲ್ ಆದರೆ ಎಂಟು ಲಕ್ಷ ಕೊಡುವುದಾಗಿ ಹೇಳಿದವು. ಕೆಲವೇ ದಿನಗಳಲ್ಲಿ ಈಕೆ ಕೋಟಿ ಕೋಟಿಗಳ ಒಡತಿಯಾಗುತ್ತಿದ್ದಾಳೆ.. ಒಂದಲ್ಲ ಎರಡಲ್ಲ ಹಲವಾರು ಕಂಪನಿಗಳು ಈಕೆಯನ್ನು ಬ್ರಾಂಡ್ ಅಂಬಾಸಿಡರ್ ಮಾಡಿಕೊಳ್ಳಲು ಕ್ಯೂ ನಿಂತಿವೆ. ಮನೆಯಲ್ಲಿಯೇ ಕುಳಿತು ಒಂದೊಂದು ಕಂಪನಿಯ ಪ್ರೊಡಕ್ಟ್ ಹಿಡಿದು ಪೋಸ್ ಕೊಟ್ಟರೆ ಸಾಕು ಲಕ್ಷ ಲಕ್ಷಗಳು ಈಕೆಯ ಖಜಾನೆ ಸೇರುತ್ತಿದೆ.
ಯಾರಿಗುಂಟು ಯಾರಿಗಿಲ್ಲ ಈ ಲಕ್ಕು..? ಅಲ್ವಾ..?
ಜ್ಯೋತಿ ಗೌಡ, ನಾಗಮಂಗಲ

ಮಾಸ್ತಿಗುಡಿ ಮಾಲೀಕನಿಗೆ ಕಂಕಣ ಭಾಗ್ಯ..!!

ಕನ್ನಡದಲ್ಲಿ ಸಾಕಷ್ಟು  ವಿಚಾರಗಳಲ್ಲಿ ಸದ್ದು ಮಾಡಿದ ದುನಿಯಾ ವಿಜಿ ಅಭಿನಯದ  ಮಾಸ್ತಿ ಗುಡಿ ಮಾಲೀಕ ಅಂದ್ರೆ ಮಾಸ್ತಿಗುಡಿ ಸಿನಿಮಾ ನಿರ್ಮಾಪಕನಿಗೆ ಮದುವೆ ನಡೆದಿದೆ.. ಸಿನಿಮಾ ನಿರ್ಮಾಪಕನ ಮದುವೆ ಅಂದ್ರೆ ಭಾರೀ ವೈಭವೋಪೇತವಾಗಿ ನಡೆದಿರಬಹುದು ಎಂದು ಊಹೆ ಮಾಡಿಕೊಂಡ್ರೆ ನಿಮ್ಮ ಊಹೆ ತಪ್ಪು. ಯಾಕಂದ್ರೆ ಮಾಸ್ತಿಗುಡಿ ನಿರ್ಮಾಪಕ ಸುಂದರ್ ಪಿ ಗೌಡ ಕದ್ದು ಮುಚ್ಚಿ ಮದ್ವೆಯಾಗಿದ್ದಾರೆ. ಅದೂ ಕೂಡ ಹುಡುಗಿಯನ್ನು ಎತ್ತಾಕ್ಕೊಂಡು ಹೋಗಿ ರಾತ್ರೋ ರಾತ್ರಿ ಮದುವೆಯಾಗಿದ್ದಾರೆ. ಮೈಸೂರಿನ ಚಾಮುಂಡಿ ಬೆಟ್ಟದಲ್ಲಿ ಮದುವೆಯಾದರು ಅಂತ ಹೇಳಲಾಗ್ತಿದೆ ಆದ್ರು ಫೋಟೋ ನೋಡಿದ್ರೆ ಚಾಮುಂಡಿ ಬೆಟ್ಟ ಎನಿಸುತ್ತಿಲ್ಲ.
ಎಂಎಲ್ಎ ಮಗಳ ಜೊತೆ ಎಸ್ಕೇಪ್..!
ದಾವಣಗೆರೆ ಜಿಲ್ಲೆ ಮಾಯಕೊಂಡ ಕ್ಷೇತ್ರದ ಕಾಂಗ್ರೆಸ್ ಶಾಸಕ ಶಿವಮೂರ್ತಿ ನಾಯ್ಕ್ ಮಗಳು ಲಕ್ಷ್ಮೀ ನಾಯ್ಕ್ ಜೊತೆ ಮದುವೆಯಾಗಿದ್ದಾರೆ. ಅದೂ ಕೂಡ ಪ್ರೇಮ ವಿವಾಹ. ಹಲವು ದಿನಗಳಿಂದ ಲಕ್ಷ್ಮೀ ನಾಯ್ಕ್ ಹಾಗೂ ನಿರ್ಮಾಪಕ ಸುಂದರ್ ಗೌಡ ಪ್ರೀತಿ ಮಾಡ್ತಿದ್ರಂತೆ. ಈ ವಿಚಾರ ಶಾಸಕ ಶಿವಮೂರ್ತಿ ನಾಯ್ಕ್ ಗೆ ಗೊತ್ತಾಗ್ತಿದ್ದ ಹಾಗೆ ಬೆಂಗಳೂರು ಮೂಲದ ಉದ್ಯಮಿ ಪುತ್ರನ ಜೊತೆ ನಿಶ್ಚಿತಾರ್ಥ ಮಾಡಲು ಸಜ್ಜಾಗಿದ್ರಂತೆ ಈ ಮಾಹಿತಿ ತಿಳಿದ ಲಕ್ಷ್ಮೀ ನಾಯ್ಕ್, ಸುಂದರ್ ಗೌಡರನ್ನು ಸಂಪರ್ಕಿಸಿದ್ದಾರೆ. ಬಳಿಕ ಇಬ್ಬರು ಒಂದು ಯೋಜನೆ ರೂಪಿಸಿ ಓಡಿ ಹೋಗಿ ಮದ್ವೆಯಾಗುವ ಪ್ಲಾನ್ ಮಾಡಿದ್ದಾರೆ. ಬಳಿಕ ಪ್ಲಾನ್ ನಂತೆ ಮನೆಯಿಂದ ಓಡಿ ಹೋದ ಬಳಿಕ ಯಲಹಂಕ ಠಾಣೆಯಲ್ಲಿ ಶಿವಮೂರ್ತಿ ನಾಯ್ಕ್  ನಾಪತ್ತೆ ದೂರು ಸಲ್ಲಿಸಿದ್ದರು. ಆದ್ರೆ ಮಾಧ್ಯಮಗಳಿಂದ ವಿಷಯ ಮುಚ್ಚಿಟ್ಟರೂ ಇವತ್ತು ಮಾಧ್ಯಮಗಳಲ್ಲಿ ಸುದ್ದಿ ಪ್ರಸಾರ ಆಯ್ತು. ಮದುವೆ ಫೋಟೋ ಗಳು ಮಗಳೇ ಮಾತನಾಡಿದ್ದ ಸೆಲ್ಫಿ ವೀಡಿಯೋ ಕೂಡ ಬಹಿರಂಗವಾಯ್ತು.
ಮದುವೆ ಹಿಂದೆ ಇರೋದು ಕರಿ ಚಿರತೆ..!
ನಿರ್ಮಾಪಕ ಸುಂದರ್ ಗೌಡ ಹಾಗೂ ಶಾಸಕರ ಪುತ್ರಿ ಲಕ್ಷ್ಮೀ ನಾಯ್ಕ್ ಪ್ರೇಮ ವಿವಾಹದ ಹಿಂದೆ ಇರೋದು ಕನ್ನಡದ ಕರಿ ಚಿರತೆ ದುನಿಯಾ ವಿಜಯ್. ಮಾಸ್ತಿಗುಡಿ ಸಿನಿಮಾದ ದುರಂತದ ಬಳಿಕ ತುಂಬಾ ಹತ್ತಿರವಾಗಿದ್ದ ನಿರ್ಮಾಪಕ ಹಾಗೂ ನಟ ದುನಿಯಾ ವಿಜಿ, ನಡುವೆ ಪ್ರೇಮ ವಿಚಾರ ಹಂಚಿಕೆಯಾಗಿದೆ. ಮೊದಲು ಲಕ್ಷ್ಮೀ ಮನೆಯಲ್ಲಿ ಬೇರೊಂದು ಗಂಡಿನ ಜೊತೆ ನಿಶ್ಚಿತಾರ್ಥ ಮಾಡುವ ಯೋಜನೆ ಸುಂದರ್ ಗೌಡಗೆ ಗೊತ್ತಾಗ್ತಿದ್ದ ಹಾಗೆ ದುನಿಯಾ ವಿಜಯ್ ಗೆ ಮಾಹಿತಿ ಕೊಟ್ಟಿದ್ದಾರೆ. ಆ ಬಳಿಕ ನಡೆದ ಎಲ್ಲಾ ಸ್ಕ್ರೀನ್ ಪ್ಲೇ ಕೂಡ ನಟ ವಿಜಯ್ ಡೈರಕ್ಷನ್ ಅಂದ್ರೆ ತಪ್ಪಲ್ಲ. ಯಾಕಂದ್ರೆ ನಟ ದುನಿಯಾ ವಿಜಯ್ ಯಾವ ರೀತಿ ಯೋಜನೆ ಮಾಡಿದ್ರೋ ಅದೇ ರೀತಿ ಎಲ್ಲವೂ ನಡೆದಿದೆ. ಮಾಧ್ಯಮ ಗಳಿಗೆ ವಿಚಾರ ಗೊತ್ತಾಗದ ಹಾಗೆ ಮದ್ವೆಯಾದ ಜೋಡಿ, ಕೊನೆಗೆ ವಿಷಯ ಬಹಿರಂಗ ಮಾಡಲು ಮಾಧ್ಯಮಗಳನ್ನೇ ಬಳಸಿಕೊಂಡಿದ್ದಾರೆ. ಸೆಲ್ಫಿ ವೀಡಿಯೋ ಮಾಡಿರುವ ಲಕ್ಷ್ಮೀ ನಾಯ್ಕ್, ನಾನು ಮೇಜರ್ ಆಗಿದ್ದು, ಸ್ವಂತ ನಿರ್ಧಾರದಿಂದಲೇ ಮನೆ ಬಿಟ್ಟು ಬಂದು ಸುಂದರ್ ಗೌಡನನ್ನು ಮದ್ವೆಯಾಗಿದ್ದೇನೆ ಎಂದಿದ್ದಾರೆ. ಒಟ್ಟಾರೆ ಗುಪ್ತ್ ಗುಪ್ತ್ ಆಗಿ ಮಾಸ್ತಿಗುಡಿ ಮಾಲೀಕ ಮದ್ವೆ ಆಗಿದ್ದಾರೆ..
ಜ್ಯೋತಿ ಗೌಡ, ನಾಗಮಂಗಲ

ಶುಕ್ರವಾರ ಹೊಸ ಚಿತ್ರ ಏಕಿಲ್ಲ ?

ಕನ್ನಡ ಚಿತ್ರರಂಗ ಈ  ಶುಕ್ರವಾರ ಯಾವುದೇ ಹೊಸ ಚಿತ್ರ ಬಿಡಯಗಡೆ ಮಾಡದಿರಲು ನಿರ್ಧರಿಸಿದೆ.. ಉಪಗ್ರಹ ಆಧಾರಿತ ಚಿತ್ರಪ್ರದರ್ಶನಕ್ಕೆ ದುಬಾರಿ ಶುಲ್ಕ ವಿಚಾರದಲ್ಲಿ ದಕ್ಷಿಣ ಭಾರತೀಯ ಚಿತ್ರರಂಗ ಮಾರ್ಚ್ 2 ರಿಂದ ಹೋರಾಟಕ್ಕೆ ಇಳಿದಿದ್ದ, ಕನ್ನಡ ಚಿತ್ರರಂಗ ಕೂಡ ಅಧಿಕೃತವಾಗಿ ಶುಕ್ರವಾರದಿಂದ ಬೆಂಬಲ ನೀಡ್ತಿದೆ.. ಉಪಗ್ರಹ ಆಧಾರಿತ ಚಿತ್ರಪ್ರದರ್ಶನ ಮಾಡುವ ಸಂಸ್ಥೆಗಳಾದ ಯು.ಎಫ್.ಓ ಹಾಗೂ ಕ್ಯೂಬ್ ಸಂಸ್ಥೆಗಳಿಗೆ ಹೊಸದಾಗಿ ಕಂಟೆಂಟ್ ಕೊಡುವುದನ್ನ ನಿಲ್ಲಿಸಲಾಗಿದ್ದು, ತೆಲುಗು, ತಮಿಳು, ಮಲಯಾಳಂನ ಯಾವುದೇ ಹೊಸ ಚಿತ್ರ ಬಿಡುಗಡೆಯಾಗುತ್ತಿಲ್ಲ.
ಪ್ರತಿಭಟನೆ ಶುರುವಾದ ಮಾರ್ಚ್ 2 ರಿಂದಲೇ ಸಾಂಕೇತಿಕ ಬೆಂಬಲ ನೀಡಿದ್ದ ಕನ್ನಡ ಚಿತ್ರರಂಗ ಬರುವ ಶುಕ್ರವಾರದಿಂದ ಪೂರ್ಣ ಪ್ರಮಾಣದ ಹೋರಾಟಕ್ಕೆ ಇಳಿಯಲಿದೆ. ಅದಕ್ಕಾಗಿ ಮಾರ್ಚ್ 9 ರಂದು ರಾಜ್ಯದ ಯಾವುದೇ ಚಿತ್ರಮಂದಿರದಲ್ಲೂ ಚಿತ್ರ ಪ್ರದರ್ಶನ ಇರುವುದಿಲ್ಲ. ಶನಿವಾರದಿಂದ ಎಂದಿನಂತೆ ಈಗಾಗಲೇ ಥಿಯೇಟರ್‍ನಲ್ಲಿ ಬಿಡುಗಡೆ ಆಗಿರೋ ಚಿತ್ರಗಳು ಪ್ರದರ್ಶನ ಮುಂದುವರೆಯಲಿದೆ ಅಂತ ಫಿಲ್ಮ್ ಚೇಂಬರ್ ಅಧ್ಯಕ್ಷ ಸಾ ರಾ ಗೋವಿಂದು ಹೇಳಿದ್ದಾರೆ.
ಯು.ಎಫ್.ಓ ಹಾಗೂ ಕ್ಯೂಬ್ ಸಂಸ್ಥೆಗಳು ಈಗ ವಿಧಿಸುತ್ತಿರೋ ಶುಲ್ಕ ದುಬಾರಿಯಾಗಿದ್ದು, ಅದರಲ್ಲಿ ಶೇಕಡ 25ರಷ್ಟನ್ನು ಕಡಿಮೆ ಮಾಡಬೇಕು ಎಂದು ದಕ್ಷಿಣ ಭಾರತ ಚಿತ್ರರಂಗ ಬೇಡಿಕೆ ಇಟ್ಟಿದೆ. ಆದ್ರೆ ಈ ಶುಲ್ಕ ಕಡಿಮೆ ಮಾಡುವ ಕುರಿತು ಚಿತ್ರರಂಗ ಹಾಗೂ ಉಪಗ್ರಹ ಆಧಾರಿತ ಚಿತ್ರಪ್ರದರ್ಶನ ಮಾಡುವ ಸಂಸ್ಥೆಗಳ ನಡುವೆ ಇದುವರೆಗೂ ಒಮ್ಮತ ಮೂಡದೇ ಇರುವ ಕಾರಣ  ಅನಿರ್ಧಿಷ್ಟಾವಧಿ ಬಂದ್ ಮುಂದುವರಿಯುತ್ತಿದೆ. ಮುಂದೇ ಚಿತ್ರ ಪ್ರದರ್ಶನ ಎಲ್ಲಿವರೆಗೂ ಬಂದ್ ಆಗಿರುತ್ತೋ ಅಲ್ಲೀವರೆಗೂ ಎರಡೂ ಕಡೆಗೂ ಸಾಕಷ್ಟು ನಷ್ಟವಾಗಲಿದೆ.

ಉಪ್ಪಿ ಹೊಸ ಹೊಸ ಸಾಹಸ !

ಪ್ರಜಾಕೀಯ ಅಂತ ಹೇಳಿಕೊಂಡು ರಾಜಕೀಯಕ್ಕೆ ಬಂದ ಉಪೇಂದ್ರ ಇದೀಗ ಮತ್ತೊಂದು ರಾಜಕೀಯ ಪಕ್ಷ ಸ್ಥಾಪನೆಗೆ ಮುಂದಾಗಿದ್ದಾರೆ. ಇದನ್ನು ಸ್ವತಃ ಉಪೇಂದ್ರ ಅವರೇ ಘೋಷಣೆ ಮಾಡಿದ್ದಾರೆ. ಈಗಾಲೇ ಕರ್ನಾಟಕ ಪ್ರಜ್ಞಾವಂತರ ಜನತಾ ಪಾರ್ಟಿ (KPJP) ಸೇರಿದ್ದ ನಟ ಉಪೇಂದ್ರ, ಪಕ್ಷದಲ್ಲಿ ಉಂಟಾದ ಸಣ್ಣ ಪುಟ್ಟ ಭಿನ್ನಮತೀಯ ವಿಚಾರಗಳಿಂದ ಬೇಸತ್ತು ಪ್ರಜಾಕೀಯ ಎಂಬ ಹೊಸ ರಾಜಕೀಯ ಪಕ್ಷ ಸ್ಥಾಪನೆಗೆ ನಿರ್ಧಾರ ಮಾಡಿದ್ದಾರೆ.
ಈ ಮೊದಲು ಕರ್ನಾಟಕ ಪ್ರಜ್ಞಾವಂತ ಜನತಾ ಪಾರ್ಟಿ ಯಲ್ಲಿ ಕೆಲಸ ಮಾಡ್ತಿದ್ದ ಉಪೇಂದ್ರ ವಿರುದ್ಧ ನಿನ್ನೆ ಸಂಸ್ಥಾಪಕ ಅಧ್ಯಕ್ಷ ಮಹೇಶ್ ಗೌಡ ಸಿಡಿದೆದ್ದಿದ್ರು. ಪಕ್ಷದಿಂದ ಉಪೇಂದ್ರ ಅವರನ್ನು ಉಚ್ಛಾಟಿಸುವ ಹೇಳಿಕೆಯನ್ನೂ ನೀಡಿದ್ರು. ಈ ಬೆಳವಣಿಗೆ ಬಳಿಕ ಬೇಸರಗೊಂಡಿದ್ದ ಉಪೇಂದ್ರ ಬೇರೊಂದು ಪಕ್ಷ ಸ್ಥಾಪಿಸಿ, ರಾಜಕೀಯ ಮಾಡಲು ನಿರ್ಧಾರ ಮಾಡಿದ್ದಾರೆ. ಈ ಬಾರಿಯ ವಿಧಾನಸಭಾ ಚುನಾವಣೆಗೆ ಆಯೋಗ ಮಾನ್ಯತೆ ನೀಡದಿದ್ರೆ, ಬಿಬಿಎಂಪಿ ಚುನಾವಣೆಗೆ ಸ್ಪರ್ಧಿಸುವುದಾಗಿ ತಿಳಿಸಿದ್ದಾರೆ.
ರುಪ್ಪೀಸ್ ರೆಸಾರ್ಟ್ ಬಳಿ ಸೇರಿದ್ದ ನೂರಾರು ಕಾರ್ಯಕರ್ತರು ಉಪೇಂದ್ರ ಅವರಿಗೆ ಬೆಂಬಲಿಸಿದ್ದಾರೆ. ಉಪೇಂದ್ರ ಯಾವುದೇ ನಿರ್ಧಾರ ಕೈಗೊಂಡರು  ನಮ್ಮ ಒಪ್ಪಿಗೆ ಇದೆ ಎಂದಿದ್ದಾರೆ. ಈ ನಡುವೆ ಬಿಜೆಪಿ ಸೇರ್ತಾರೆ ಅನ್ನೋ ಮಾತಿನ ಬಗ್ಗೆ ಮಾಧ್ಯಮದವರು ಕೇಳಿದಾಗ ನಾನು ಯಾವುದೇ ಪಕ್ಷ ಸೇರುವುದಿಲ್ಲ. ನಾನು ನನ್ನ ಸ್ವಂತ ರಾಜಕೀಯ ಪಕ್ಷದ ಮೂಲಕವೇ ಕೆಲಸ ಮಾಡ್ತೇನೆ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ. ಆದ್ರೆ ಇದೀಗ ಒಮ್ಮೆ ಎಡವಟ್ಟು ಮಾಡಿಕೊಂಡಿರುವ ಉಪೇಂದ್ರ ಮತ್ತೊಮ್ಮೆ ತೊಂದರೆಗೆ ಒಳಗಾಗದಿರಲಿ ಅನ್ನೋದು ಅಭಿಮಾನಿಗಳ ಆಶಯ.
ಜ್ಯೋತಿ ಗೌಡ, ನಾಗಮಂಗಲ

ಅತಿಲೋಕ ಸುಂದರಿ ಶ್ರೀದೇವಿ ಆಸ್ತಿ ಎಷ್ಟು ಗೊತ್ತಾ..?

ಅತಿಲೋಕ ಸುಂದರಿ ಶ್ರೀದೇವಿ ನಮ್ಮನ್ನು ಅಗಲಿ ಪಂಚಭೂತಗಳಲ್ಲಿ ಲೀನವಾಗಿದ್ದಾರೆ. ದುಬೈನ ಹೋಟೆಲ್ ಬಾತ್ ಟಬ್ ನಲ್ಲಿ ಮುಳುಗಿ ಸಾವನ್ನಪ್ಪಿರುವ ಸಿರಿದೇವಿಯ ಸಂಪತ್ತು ಎಷ್ಟಿರಬಹುದು ಅನ್ನೋದು ಕೋಟ್ಯಂತರ ಅಭಿಮಾನಿಗಳ ಮನದಾಳದ ಪ್ರಶ್ನೆಯಾಗಿದೆ. ಯಾಕಂದ್ರೆ ಶ್ರೀದೇವಿ ನಮ್ಮ ಸಣ್ಣ ಹುಡುಗರ ಕಾಲದಿಂದಲೂ ನಮ್ಮನ್ನು ರಂಜಿಸಿದ ಸ್ಟಾರ್ ನಟಿ. ಆ ಕಾಲದಲ್ಲೇ ಸ್ಟಾರ್ ಆಗಿದ್ದ ಶ್ರೀದೇವಿ ಅದೇ ಸ್ಟಾರ್ ಪಟ್ಟವನ್ನು ತನ್ನ ಕೊನೆಯ ಯಾತ್ರೆ ತನಕವೂ ಉಳಿಸಿಕೊಂಡೇ ಸಾಗಿದ್ದಾರೆ. ಅಂತಿಮ ಯಾತ್ರೆ ವೇಳೆಯೂ ಕೂಡ ತಾನೊಬ್ಬಳು ಸ್ಟಾರ್ ಅನ್ನೋ ಹಾಗೆ ಸಿಂಗಾರ ಮಾಡಿಕೊಂಡೆ ಸಾಗಿದ ಬಾಲಿವುಡ್ ಸ್ಟಾರ್ ಹೀರೋಯಿನ್ ಶ್ರೀದೇವಿ ಸಂಪತ್ತು ಕಡಿಮೆಯಂತೂ ಇರಲ್ಲ ಻ನ್ನೋದು ಅಭಿಮಾನಿಗಳ ಲೆಕ್ಕಾಚಾರ.
ಸಿರಿದೇವಿ ಶ್ರೀದೇವಿ ಸಂಪಾದಿಸಿರುವ ಆಸ್ತಿ ಬರೋಬ್ಬರಿ 300 ಕೋಟಿಗೂ ಅಧಿಕ. ಅಂದಿನ ಕಾಲದಲ್ಲಿ ಸಾಕಷ್ಟು ಕಡಿಮೆ ಸಂಭಾವನೆಗೆಲ್ಲಾ ನಟನೆ ಮಾಡುತ್ತಿದ್ದ ಶ್ರೀದೇವಿ ಸ್ಟಾರ್ ಪಟ್ಟ ಗಳಿಸಿದ ಮೇಲೆ ಸಂಭಾವನೆ ತುಸು ಹೆಚ್ಚಾಯ್ತು. 1 ಸಿನಿಮಾದಲ್ಲಿ ನಟನೆ ಮಾಡಬೇಕು ಅಂದ್ರೆ ಶ್ರೀದೇವಿ ಪಡೆಯುತ್ತಿದ್ದ ಸಂಭಾವನೆ ಕನಿಷ್ಟ 3 ಕೋಟಿ 40 ಲಕ್ಷ ರೂಪಾಯಿ ಯಿಂದ ಗರಿಷ್ಟ 4 ಕೋಟಿ ರೂಪಾಯಿ ತನಕ ಿತ್ತು ಅನ್ನೋದು ಬಾಲಿವುಡ್ ಅಂಗಳದ ಮಾಹಿತಿ. ನಮ್ಮ ಸ್ಯಾಂಡಲ್ ವುಡ್ ಸ್ಟಾರ್ ನಟರು ಪಡೆಯುವ ಸಂಭಾವನೆ ಅಷ್ಟನ್ನೇ ಶ್ರೀದೇವಿ ಪಡೆಯುತ್ತಿದ್ರು ಅನ್ನೋದು ಗಮನಾರ್ಹ..
ಶ್ರೀದೇವಿ ಬಳಿಯಿದ್ದ 300 ಕೋಟಿ ಆಸ್ತಿಯಲ್ಲಿ 3 ಬಂಗಲೆಗಳು ಸೇರಿವೆ. ನಟಿ ಶ್ರೀದೇವಿ ಹೆಸರಿನಲ್ಲಿ ಒಟ್ಟು ಮೂರು ಬಂಗಲೆಗಳು ಇದ್ದು, ವಾರ್ಸಾ ಹಾಗೂ ಲೋಖಂಡ್ ವಾಲಾದಲ್ಲಿವೆ.. ಈ ಮೂರು ಬಂಗಲೆಗಳ ಮೌಲ್ಯ ಬರೋಬ್ಬರಿ ಅಂದಾಜು 62 ಕೋಟಿ ರೂಪಾಯಿ. ಇನ್ನೂ ಶ್ರೀದೇವಿ ಬಳಿ ವಿವಿಧ ಬ್ರಾಂಡ್ ನ 7 ವಾಹನಗಳು ಇದ್ದು, ವಾಹನಗಳ ಮೌಲ್ಯ ಸುಮಾರು ೯ ಕೋಟಿ ರೂಪಾಯಿಯಾಗಿದೆ. ಲಕ್ಸ್, ತನಿಷ್ಕಾದ ಬ್ರಾಂಡ್ ಅಂಬಾಸಿಡರ್ ಆಗಿದ್ದ ಶ್ರೀದೇವಿ ಜಾಹಿರಾತು ಮೂಲಕವೂ ಸಾಕಷ್ಟು ಹಣ ಗಳಿಸುತ್ತಿದ್ದರು. ಒಟ್ಟಾರೆ ಶ್ರೀದೇವಿ ಅಂತಾ ಹೆಸರಿಟ್ಟುಕೊಂಡಿದ್ದ ಬಾಲಿವುಡ್ ನ ಬೊಂಬೆ ಚಾಂದಿನಿ ಆಸ್ತಿಗಳಿಕೆಯಲ್ಲಿ ಸಿರಿದೇವಿಯೇ ಆಗಿದ್ದಳು..

ರಜಿನಿ ಸಾಕಿರುವ ಕಾಳ ಇವತ್ತೇ ಬರ್ತಾನೆ..!!

ತಮಿಳುನಾಡಿನ ಸೂಪರ್ಸ್ಟಾರ್ ಕಮ್ ಪೊಲಿಟೀಷಿಯನ್ ರಜನಿಕಾಂತ್ ಅಭಿನಯದ ಕಾಳಾ ಚಿತ್ರದ ಟೀಸರ್ ಇಂದು ಬಿಡುಗಡೆ ಆಗಿಲಿದೆ.. ಸಿನಿಮಾ ರಂಗದಿಂದ ದೂರ ಆಗ್ತಿರುವ ಈ ವೇಳೆಯಲ್ಲಿ ಚಿತ್ರ ಅಭಿಮಾನಿಗಳು ಸಾಕಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದಾರೆ. ರಜಿನಿಕಾಂತ್ ಸಿನಿಮಾ ಬರುತ್ತಿದೆ ಅಂದ್ರೆ ವಾರದಿಂದಲೇ ಸಿದ್ದತೆ ಮಾಡ್ತಿದ್ದ ಅಭಿಮಾನಿಗಳು ಇದೀಗ ಟೀಸರ್ ಬಿಡುಗಡೆಗೂ ಕಾಯುವಂತಾಗಿದೆ. ಕಾಳಾ ಸಿನಿಮಾ ರಿಲೀಸ್ಗೆ ರೆಡಿಯಾಗಿದ್ದು, ಚಿತ್ರತಂಡ ಇವತ್ತು ಫಸ್ಟ್ ಟೀಸರ್ ರಿಲೀಸ್ ಮಾಡುತ್ತಿದೆ.
ಈ ಹಿಂದೆ ರಜಿನಿಕಾಂತ್ ಅಭಿನಯದ ಕಬಾಲಿ ಚಿತ್ರ ನಿರ್ದೇಶನ ಮಾಡಿದ್ದ ಪಾ ರಂಜಿತ್, ಕಾಳಾ ಚಿತ್ರಕ್ಕೂ ಡೈರೆಕ್ಷನ್ ಮಾಡಿದ್ದಾರೆ. ಸದ್ಯ ಪೋಸ್ಟರ್ ಬಿಡುಗಡೆಗೊಂಡಿದ್ದು ರಜಿನಿ ಫಸ್ಟ್ಲುಕ್ನಿಂದ ಅಭಿಮಾನಿಗಳ ನಿರೀಕ್ಷೆ ಹೆಚ್ಚಾಗುವಂತೆ ಮಾಡಿದೆ. ಸಿಕ್ಕಾಪಟ್ಟೆ ಕ್ಯೂರಿಯಾಸಿಟಿ ಹುಟ್ಟಿಸಿರುವ ರಜಿನಿ ಕಾಳಾ ಚಿತ್ರದ ಟೀಸರ್ ಹೇಗಿರಲಿದೆ, ರಜಿನಿ ಯಾವ ರೀತಿ ಕಾಣಿಸಿಕೊಂಡಿದ್ದಾರೆ ಅನ್ನೋ ಕುತೂಹಲದಲ್ಲಿ ಅಭಿಮಾನಿಗಳಿದ್ದಾರೆ.
ರಜಿನಿ ಅಳಿಯ ನಟ ಧನುಷ್ ನಿರ್ಮಾಣ ಮಾಡಿರುವ ಕಾಳಾ ಚಿತ್ರ ಬಿಗ್ ಬಜೆಟ್ ನ ಸಿನಿಮಾ ಎನ್ನಲಾಗ್ತಿದೆ.. ರಜಿನಿಕಾಂತ್ ಜೊತೆಗೆ ಹುಮಾಖುರೇಶಿ, ನಾನಾ ಪಟೇಖರ್, ಸಮೃತಿಖಣಿ, ಅಂಜಲಿ ಪಾಟೀಲ್ ಸೇರಿದಂತೆ ಹಲವು ಖ್ಯಾತ ನಾಮರು ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿದ್ದಾರೆ. ಏಪ್ರಿಲ್ 27ಕ್ಕೆ ವಿಶ್ವಾದ್ಯಂತ ಬಿಡುಗಡೆಯಾಗಲು ಸಜ್ಜಾಗಿರುವ ಕಾಳಾ ಜನರಿಗೆ ಯಾವ ರೀತಿ ಹತ್ತಿರವಾಗ್ತಾನೆ ಅನ್ನೋದನ್ನು ಕಾದು ನೋಡ್ಬೇಕು. ಆದ್ರೆ ಕಾಳನಿಗಿಂತಲೂ ಮೊದಲೇ ಶೂಟಿಂಗ್ ಶುರು ಮಾಡಿಕೊಂಡಿದ್ದ 2.0 ಚಿತ್ರ ಕೂಡ ಬಿಡುಗಡೆಗೆ ಬರಲಿದ್ದು, ಮೊದಲು ಕಾಳನ ಎಂಟ್ರಿ.

ಪ್ರಕಾಶ್ ರೈ ಮಾನ ಕೇವಲ 1 ರೂ.. ಅಷ್ಟೇನಾ..?

ಮೈಸೂರು ಕೊಡಗು ಕ್ಷೇತ್ರದ ಬಿಜೆಪಿ ಸಂಸದ ಪ್ರತಾಪ್ ಸಿಂಹ ವಿರುದ್ದ ಬಹುಭಾಷಾ ನಟ ಪ್ರಕಾಶ್ ರೈ ಮಾನಹಾನಿ ಕೇಸು ದಾಖಲು ಮಾಡಿದ್ರು. ನಿನ್ನೆ ಕೋರ್ಟ್‌ಗೆ ಹಾಜರಾಗಿದ್ದ ನಟ ಪ್ರಕಾಶ್ ರೈ, ನೋಟಿಸ್‌ಗೆ ಉತ್ತರ ಕೊಡದ ಹಿನ್ನೆಲೆಯಲ್ಲಿ ಮಾನಹಾನಿ ಪ್ರಕರಣ ದಾಖಲಿಸುತ್ತಿದ್ದೇನೆ. ಅದೂ ಕೇವಲ 1 ರೂಪಾಯಿ ಮಾನಹಾನಿ ಪರಿಹಾರ ಕೇಳುತ್ತಿದ್ದೇನೆ ಎಂದಿದ್ರು. ಇದೀಗ ಸಂಸದ ಪ್ರತಾಪ್ ಸಿಂಹ ವಾಗ್ದಾಳಿ ಮಾಡಿದ್ದು, ಸಮಾಜದಲ್ಲಿ ಪ್ರಕಾಶ್ ರೈ ಅವರ ಮಾನ ಮರ್ಯಾದೆಗೆ ಇರುವ ಮೌಲ್ಯ ಕೇವಲ 1 ರೂಪಾಯಿ ಮಾತ್ರ. ಈ ಸತ್ಯವನ್ನ ಪ್ರಕಾಶ್ ರೈ ನ್ಯಾಯಾಲಯದಲ್ಲಿ ಒಪ್ಪಿಕೊಂಡಿದ್ದಾರೆ ಹಾಗಾಗಿ ನಾನು ಪ್ರಕಾಶ್ ರೈ ಅವರನ್ನ ತುಂಬು ಹೃದಯದಿಂದ ಅಭಿನಂದಿಸುತ್ತೇನೆ ಎಂದು ಚಾಟಿ ಬೀಸಿದ್ದಾರೆ. ಸಮಾಜದಲ್ಲಿ ಅವರ ನಡಾವಳಿಕೆಗೆ ೩ ಕಾಸಿನ ಬೆಲೆ ಇದೆ. 1 ರೂಪಾಯಿ ಮಾನ ಹಾನಿ ಕೇಳಿದ್ದೂ ಕೂಡ ಜಾಸ್ತಿ ಆಯ್ತು ವ್ಯಂಗ್ಯವಾಡಿದ್ದಾರೆ..
ಅಖಾಡಕ್ಕೆ ಬರುವಂತೆ ಸಿಂಹಾಹ್ವಾನ..!
ನಟ ಪ್ರಕಾಶ್ ರೈ ನಿಜ ಜೀವನದಲ್ಲೂ ಕಳನಾಯಕರಾಗಿದ್ದು, ಅವರ ನಿಲುವುಗಳಲ್ಲಿ ದ್ವಂದ ಇದೆ. ಈ ಮುಂಚೆ ಪ್ರಕಾಶ್ ರಾಜ್ ಹೆಸರಿನಲ್ಲಿ ನೋಟೀಸ್ ನೀಡಿದ್ರು. ಆದ್ರೀಗ ಮೈಸೂರಿಗೆ ಬಂದು ಪ್ರಕಾಶ್ ರೈ ಹೆಸರಿನಲ್ಲಿ ಕೇಸ್ ಹಾಕಿದ್ದಾರೆ. ಇದು ಅವರ ದ್ವಂದ ಮನಸ್ಥಿತಿಯನ್ನು ತೋರಿಸುತ್ತದೆ ಎಂದಿದ್ದಾರೆ. ನಮ್ಮ ಕಡೆ ಬೊಟ್ಟು ಮಾಡಿ ಇಂಥವರಿಗೆ ಓಟು ಹಾಕಬೇಡಿ ಅಂತೀರಲ್ಲ, ಬೆಂಗಳೂರಿನ 28 ಕ್ಷೇತ್ರಗಳಲ್ಲಿ ಎಲ್ಲಾದ್ರೂ ಚುನಾವಣೆಗೆ ನಿಲಿ, ನಿಮ್ಮನ್ನ ಸೋಲಿಸಿ ಕಳುಹಿಸ್ತಿವಿ ಅಂತಾ ಸವಾಲು ಹಾಕಿದ್ದಾರೆ.. ನೀವು ಓಟು ಹಾಕಬೇಡಿ ಅಂತ ಹೇಳಿದ ತಕ್ಷಣ ಜನ ನಿಮ್ಮ ಮಾತನ್ನ ಕೇಳಲ್ಲ ಅಂತಾನೂ ಸಂಸದ ಪ್ರತಾಪ್ ಸಿಂಹ ದಾಳಿ ಮಾಡಿದ್ದಾರೆ..
ರೈ ಪ್ರಕಾರ 1 ರೂಪಾಯಿ ಮಾನಹಾನಿ ಯಾಕೆ..? 
ನಟ ಪ್ರಕಾಶ್ ರೈ ಮಾನಹಾನಿ ಕೇಸಿನಲ್ಲಿ ಪರಿಹಾರವಾಗಿ 1 ರೂಪಾಯಿ ಮಾತ್ರ ಹಾಕಿದ್ದಾರೆ. ಇದು ಅವರ ಮಾನಕ್ಕೆ ಇರುವ ಬೆಲೆ ಅಂತಾ ಬಿಜೆಪಿ ಸಂಸದ ವಾಗ್ದಾಳಿ ಮಾಡಿದ್ದಾರೆ. ಆದ್ರೆ ನಟ ಪ್ರಕಾಶ್ ರೈ ಪ್ರಕಾರ ಒಂದು ರೂಪಾಯಿ ಭಾರೀ ಅರ್ಥವಿದೆ. ಯಾಕಂದ್ರೆ ನಾನು ಸಮಾಜದಲ್ಲಿ ಸಾಕಷ್ಟು ಹೆಸರು ಮಾಡಿರುವ ವ್ಯಕ್ತಿ, ಆದ್ರೆ ಈ ವ್ಯಕ್ತಿ ಸಮಾಜದಲ್ಲಿ ನನಗಿರುವ ಮರ್‍ಯಾದೆ ಶೇಕಡ ೧ರಷ್ಟು ಹಾಳು ಮಾಡಿದ್ದಾರೆ. ಹಾಗಾಗಿ ನನಗೆ ಒಂದು ರೂಪಾಯಿ ಭಾಗದಲ್ಲಿ ಮಾನಹಾನಿ ಆಗಿರುವ ಕಾರಣ ಒಂದು ರೂಪಾಯಿ ಪರಿಹಾರ ಸಾಕು ಎನ್ನುವುದಾಗಿದೆ. ಮಾನಹಾನಿಯಿಂದ ಹಣ ಪಡೆಯುವ ಉದ್ದೇಶ ನಟ ಪ್ರಕಾಶ್ ರೈರದ್ದಾಗಿಲ್ಲ. ಬದಲಿಗೆ ೧ ರೂಪಾಯಿ ಮಾನಹಾನಿ ಕೇಸ್ ಹಾಕಿ ಕೋರ್ಟ್ ಕಟಕಟೆಗೆ ತಂದು ನಿಲ್ಲಿಸೋದು ಪ್ರಕಾಶ್ ರೈ ಅವರ ನಿಲುವಾಗಿದೆ.. ಈ ರೀತಿ ಅನ್ನೋದು ಸಂಸದ ಪ್ರತಾಪ್ ಸಿಂಹ ಅವರಿಗೂ ಗೊತ್ತಿದ್ದು, ತಿತುಗೇಟು ನೀಡಲು ಈ ರೀತಿ ಬಳಸಿಕೊಂಡಿದ್ದಾರೆ.

Like Us, Follow Us !

122,699FansLike
1,826FollowersFollow
1,409FollowersFollow
2,513SubscribersSubscribe

Trending This Week