18 C
Bangalore, IN
Monday, December 18, 2017
Home ಸಿನಿಮಾ ನ್ಯೂಸ್

ಸಿನಿಮಾ ನ್ಯೂಸ್

CiniAdda.com -  Kannada New Movies

  • Get latest Kannada New Movies & Films Releases from CiniAdda.com.
  • Trailers & Teasers.
  • Reviews & Ratings

ಬಿಗ್ ಬಾಸ್ ಗೆದ್ದ ಬಾಯಿ ಬುಡುಕ ಪ್ರಥಮ್ !?

ಬಿಗ್‍ಬಾಸ್, ಕನ್ನಡದ ಕಲರ್ಸ್ ವಾಹಿನಿಯಲ್ಲಿ ಕಿಚ್ಚ ಸುದೀಪ್ ನೇತೃತ್ವದಲ್ಲಿ ಮೂಡಿ ಬರುತ್ತಿರುವ ಬಿಗ್‍ಬಾಸ್ ಗ್ರಾಂಡ್ ಫಿನಾಲೆ ಇವತ್ತು.. ರಾತ್ರಿ 8 ಗಂಟೆಗೆ ಕಾರ್ಯಕ್ರಮ ಆರಂಭವಾಗ್ತಿದ್ದ ಹಾಗೆ ವಿನ್ನರ್ ಯಾರು ಅನ್ನೋ ಬಗ್ಗೆ ಸಾಕಷ್ಟು ಸಂದೇಶಗಳು ಹರಿದಾಡಿವೆ.. ನಿನ್ನೆಯಿಂದಲೂ ರೇಖಾ ಸುದೀಪ್ ಮೊದಲ ಸಿನಿಮಾದಲ್ಲಿ ಹೀರೋಯಿನ್ ಆಗಿದ್ದವರು ಹಾಗಾಗಿ ಅವರನ್ನೇ ಗೆಲ್ಲಿಸಲು ಮಾತುಕತೆ ನಡೆದಿದೆ ಅನ್ನೋ ಬಗ್ಗೆ ಮಾತುಗಳು ಕೇಳಿ ಬರ್ತಿತ್ತು.. ಆದ್ರೆ ಭಾನುವಾರ ರಾತ್ರಿ 8 ಗಂಟೆಗೆ ಕಾರ್ಯಕ್ರಮ ಆರಂಭವಾಗ್ತಿದ್ದ ಹಾಗೆ ರೇಖಾ ಮೂರನೇ ಸ್ಥಾನ, ಕೀರ್ತಿ ಕುಮಾರ್‍ಗೆ 2ನೇ ಸ್ಥಾನ, ಮನೆಯಲ್ಲಿ ಎಲ್ಲರನ್ನು ಹಿಯ್ಯಾಳಿಸಿ, ಎಲ್ಲರಿಂದಲೂ ಕಡೆಗಣನೆಗೆ ಒಳಗಾಗಿದ್ದ  ಪ್ರಥಮ್‍ಗೆ ಮೊದಲನೇ ಸ್ಥಾನ ಲಭಿಸಿದೆ..

pratham images

ಪ್ರಥಮ್ ಬುದ್ಧಿ ಶಕ್ತಿ, ಜ್ಞಾಪಕಶಕ್ತಿ ಬಗ್ಗೆ ಯಾವುದೇ ಮಾತಿಲ್ಲ.. ಆದ್ರೆ ಪ್ರಥಮ್‍ಗೆ ಯಾವುದನ್ನು ವಿರೋಧಿಸಬೇಕು, ಯಾವುದನ್ನು ಖಂಡಿಸಬೇಕು ಅನ್ನೋ ಬಗ್ಗೆ ಯಾವುದೇ ಸ್ಪಷ್ಟತೆ ಇರಲಿಲ್ಲ.. ಕಡೆಯ 2 ವಾರಗಳಲ್ಲಿ ಸ್ವಲ್ಪ ಸುಧಾರಣೆ ಕಂಡಿದೆ… ಈ ಮಾತನ್ನ  ಸ್ವತಃ ಬಿಗ್ ಬಾಸ್ ವಿನ್ನರ್ ಆಫ್ 2016 ಪ್ರಥಮ್ ಕೂಡ ಹೇಳಿದ್ದಾರೆ.. ಆದರೂ ಕರುನಾಡಿನ ಜನರು ಪ್ರಥಮ್ ಆಯ್ಕೆ ಮಾಡಿದ್ದಾರೆ ಅನ್ನೋ ಮೂಲಕ ಶಾಕ್ ನೀಡಲಾಗಿದೆ.. ಒಂದು ವೇಳೆ ಪ್ರಥಮ್ ಆಯ್ಕೆಯೇ ಅಂತಿಮ ಆಗಿದ್ದರೆ, ಜನ ನಕಾರಾತ್ಮಕ ವಿಚಾರಗಳನ್ನು ಮನರಂಜನೆಗಾಗಿ ಅಪ್ಪಿಕೊಳ್ಳುತ್ತಿದ್ದಾರೆ ಎಂದರ್ಥ..

pratham 2

ಟಿವಿಗಳಲ್ಲಿ ಗಂಡ ಹೆಂಡ್ತಿ ಜಗಳ, ಸೆಕ್ಸ್ ಸುದ್ದಿಗಳು, ಅತ್ಯಾಚಾರದ ವಿಚಾರಗಳು ಹೆಚ್ಚೆಚ್ಚು ಪ್ರಸಾರ ಆಗಲು ಇದೇ ಕಾರಣ.. ಜನರು ನಕಾರಾತ್ಮಕ ವಿಚಾರಗಳಿಗೆ ಕಿವಿ ಕೊಡುವಷ್ಟು ಉತ್ತಮ ಸಕಾರಾತ್ಮಕ ವಿಚಾರಗಳಿಗೆ ತಲೆ ಕೆಡಿಸಿಕೊಳ್ಳುವುದಿಲ್ಲ ಅನ್ನೋದು ಬಿಗ್‍ಬಾಸ್ ಮೂಲಕವೂ ಮತ್ತೆ ಸಾಬೀತಾಯ್ತು. ಪ್ರಥಮ್ ಬಗ್ಗೆ ನಮಗೆ ಯಾವುದೇ ತಕರಾರು ಇಲ್ಲ.. ಆತನೇ ಹೇಳಿದಂತೆ ಬಿಗ್‍ಬಾಸ್ ಮನೆಯಿಂದ ಬರುವಾಗ ಯಾವುದೇ ಪ್ರತಿಭಟನೆ, ಖಂಡನೆ ಇರುವುದಿಲ್ಲ ಅಂತಾ ಸುದೀಪ್‍ಗೆ ವಾಗ್ದಾನ ಮಾಡಿರುವ ರೀತಿ ನಡೆದುಕೊಂಡರೆ.. (ನಮ್ಮ ವಿರುದ್ಧ ಪ್ರತಿಭಟಿಸಿದರೂ ಅಚ್ಚರಿಯಿಲ್ಲ)

ಬಿಗ್‍ಬಾಸ್ ಫೈನಲ್‍ನಲ್ಲಿ ಸುದೀಪ್ ಭಾವನಾತ್ಮಕ ದೃಶ್ಯಗಳ ಸಂಗ್ರಹ ತೋರಿಸಿ, ಆ ವೀಡಿಯೋ ಬಗ್ಗೆ ಎಲ್ಲಾ ಸ್ಪರ್ಧಿಗಳನ್ನು ಕೇಳುತ್ತಾರೆ.. ಆ ವೇಳೆ ನನಗೂ ಬಿಗ್‍ಬಾಸ್ ಮನೆ ಎಲ್ಲಾ ಭಾವನೆಗಳ ಬಗ್ಗೆ ತಿಳಿಸಿಕೊಟ್ಟಿದೆ ನಾನು ಇನ್ಮುಂದೆ ಹೀಗೆ ಇರಲ್ಲ ಎನ್ನುತ್ತಾರೆ.. ಆದರೆ ಜನ ಗೆಲ್ಲಿಸಿದ್ದು ಹೀಗೇ ಮುಂದುವರಿಯಲಿ ಅನ್ನೋದನ್ನು ಮರೆತುಬಿಟ್ಟರು.. ಏನೇ ಆಗಲಿ, ಜನ ನಕಾರಾತ್ಮಕವಾಗಿ ಇದ್ದಿದ್ದಕ್ಕೆ ವೋಟ್ ಮಾಡಿ ಗೆಲ್ಲಿಸಿದ್ದರೂ ಆತ ಮುಂದಿನ ಜೀವನದಲ್ಲಿ ಸಕಾರಾತ್ಮವಾಗಿ ಬದಲಾಗಲಿ.. ಕಲರ್ಸ್ ಕನ್ನಡದಲ್ಲಿ ವಿನ್ನರ್ ಘೋಷಣೆಯಾಗಲು ಇನ್ನೂ 3 ಗಂಟೆಗಳು ಬೇಕು.. ಆದರೆ ciniadda.com ತನ್ನ  ಸುದ್ದಿಮೂಲಗಳಿಂದ  ವಿನ್ನರ್ ಘೋಷಣೆಯನ್ನು ಪಕ್ಕಾ ಮಾಡಿಕೊಂಡಿದೆ..

-ಸರ್ವಸಮರ್ಥ, ನಾಗಮಂಗಲ

ಏಪ್ರಿಲ್ 14 ಕ್ಕೆ ಅಪ್ಪಳಿಸಲಿದ್ದಾನೆ ಚಕ್ರವರ್ತಿ !!

ವೀರ ಫಿಲ್ಮ್ಸ್ ಅಡಿಯಲ್ಲಿ ತಯಾರಾಗಿರುವ ಏಪ್ರಿಲ್ ತಿಂಗಳ ಬಹು ದೊಡ್ಡ ಸಿನಿಮಾ ಚಿಂತನ್ ಅವರ ಪ್ರಥಮ ನಿರ್ದೇಶನದಲ್ಲಿ ಛಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ದೀಪ ಸನ್ನಿದಿ ಅಭಿನಯದ `ಚಕ್ರವರ್ತಿ’.   ಸಿದ್ದಾಂತ್ ಅವರ ನಿರ್ಮಾಣದ ಚಿತ್ರ ಸೆನ್ಸಾರ್ ಮನ್ನಣೆ ಪಡೆದಿದ್ದು 14 ರಂದು ಬಿಡುಗಡೆ ಅಂತ ತೀರ್ಮಾನಿಸಿದೆ.

ದರ್ಶನ್ ಅವರ ಅನೇಕ ಸಿನಿಮಾಗಳಿಗೆ ಸಂಭಾಷಣೆ ಬರೆದು ಅವರ ಅಚ್ಚು ಮೆಚ್ಚಿನ ವ್ಯಕ್ತಿ ಎನಿಸಿಕೊಂಡಿರುವ ಚಿಂತನ್ ಈ ಚಿತ್ರಕ್ಕೆ ಅನೇಕ ಹೊಸ ಬಗೆಯ ಪ್ರಯತ್ನಗಳನ್ನು ಮಾಡಿದ್ದಾರೆ. ದರ್ಶನ್ ಅವರನ್ನು ಮೂರು ವಿಭಿನ್ನ ಸಮಯ, ಮೇಕಪ್ ಅಲ್ಲಿ ಪ್ರೇಕ್ಷಕರು ಕಾಣಬಹುದು

.
`ಚಕ್ರವರ್ತಿ’ ಚಿತ್ರದ ಹಾಡಿನ ತುಣುಕುಗಳು ಹಾಗೂ ಟ್ರೈಲರ್ ಒಂದು ಕಡೆ ಸುದ್ದಿ ಮಾಡುತ್ತಿದ್ದರೆ, ಇತ್ತೀಚಿಗೆ ಕೇವಲ ಸನ್ನಿವೇಶಗಳ ಸಂಗಮವನ್ನು 200 ಶಾಟ್ಸ್ ನಲ್ಲಿ ಪ್ರಯೋಗ ಮಾಡಿ ಮತ್ತೊಂದು ವಿನೂತನ ಬಗೆಯ ಟ್ರೈಲರ್ ಸಹ  ಬಿಡುಗಡೆ ಮಾಡಿ ಚಿಂತನ್  ಮೆಚ್ಚುಗೆ ಪಡೆದುಕೊಂಡಿದ್ದಾರೆ. ಅಂತರ್ಜಾಲ ಮಾಧ್ಯಮದಲ್ಲಿ ಈ ವಿಶೇಷ ಟ್ರೈಲರ್  ಲಕ್ಷಾಂತರ ವ್ಯಕ್ತಿಗಳು ವೀಕ್ಷಿಸಿದ್ದಾರೆ.


ಡಾ ಅಂಬೇಡ್ಕರ್ ಜಯಂತಿ ದಿನ  ಬಿಡುಗಡೆ ಆಗುತ್ತಿರುವ ಚಕ್ರವರ್ತಿ ಸಿನಿಮಾದಲ್ಲಿ ದಿನಕರ್ ತೂಗುದೀಪ ಖಳನಟನ ಪಾತ್ರ ಮಾಡಿದ್ದಾರೆ. ಸಿದ್ದಾಂತ್, ಕುಮಾರ್ ಬಂಗಾರಪ್ಪ, ಸೃಜನ್ ಲೋಕೇಶ್, ಆದಿತ್ಯ, ಯಶಸ್, ಶರತ್ ಲೋಹಿತಾಶ್ವ ಹಾಗೂ ಇನ್ನಿತರರು ತಾರಾಗಣದಲ್ಲಿ ಇದ್ದಾರೆ.
ಅರ್ಜುನ್ ಜನ್ಯ ಅವರ ಸಂಗೀತದಲ್ಲಿ ಹಾಡುಗಳು ಬಹಳಷ್ಟು ಮೆಚ್ಚುಗೆ ಸಂಪಾದಿಸಿದೆ. ಕೆ ಎಸ್ ಚಂದ್ರಶೇಖರ್ ಈ ಚಿತ್ರದ ಛಾಯಾಗ್ರಾಹಕರು. ಕೆ ಎಂ ಪ್ರಕಾಶ್ ಅವರ ಸಂಕಲನ, ಡಾ ವಿ ನಾಗೇಂದ್ರ ಪ್ರಸಾದ್ ಅವರ ಗೀತ ಸಾಹಿತ್ಯ, ಈಶ್ವರಿ ಕುಮಾರ್ ಕಲೆ, ಕಲೈ, ಮದನ್ ಹರಿಣಿ, ಗಣೇಶ್, ಆನಂದ್ ಅವರ ನೃತ್ಯ ನಿರ್ದೇಶನ, ಫಳಣಿ ರಾಜ್ ಅವರ ಸಾಹಸ ಈ `ಚಕ್ರವರ್ತಿ’ ಒಳಗೊಂಡಿದೆ.

“ಬಿಗ್ ಬಾಸ್”ಪ್ರಥಮ್ ಪಡೆದ ವೋಟ್ ಇಷ್ಟು .

ಒಂದು ಕಡೆ ಯಾವೋನಪ್ಪ ಇವ್ನು ? ಎಲ್ಲಿಂದ್ ಎಳ್ಕೊಂಡ್ ಬಂದ್ರಪ್ಪ ಈ ಹುಚ್ಚನನ್ನ ? ಆ ವೆಂಕಟ್ ಎಷ್ಟೋ ಪಾಲು ವಾಸಿ ಅನ್ನುವ ಮಾತುಗಳು ಕೇಳ್ತಿದ್ರೆ ಮತ್ತೊಂದು ಕಡೆಯಲ್ಲಿ ಅದ್ರಲ್ಲೂ ಸಾಮಾಜಿಕ ಜಾಲತಾಣದಲ್ಲಿ ಪ್ರಥಮ್ ಫಸ್ಟ್ ಕ್ಲಾಸ್ ಕಣ್ರೀ. ಇದ್ದಿದ್ ಇದ್ದಂಗೆ ಮುಖಕ್ಕೆ ಹೊಡ್ದನ್ಗೆ ಹೇಳ್ತಾನೆ. ಬಣ್ಣ ಕಳಚಿ ಹಾಕ್ತಾನೆ. ಪ್ರಥಮ್ ಈಸ್ ಅವರ್ ಫೇವರೆಟ್ ಅಂತ ಮುಗಿಬಿದ್ದು ಎಸ್ ಎಂ ಎಸ್ ಮೂಲಕ ಮತ ಹಾಕಿದ್ದಾರೆ.  ಸರಿನೋ ತಪ್ಪೋ..ನ್ಯಾಯವೋ ಅನ್ಯಾಯವೋ.. ಫಲಿತಾಂಶವಂತೂ ಹೊರಬಿದ್ದಿದೆ. ಪ್ರಥಮ್ ಗೆದ್ದಾಗಿದೆ. ಬಿಗ್ ಬಾಸ್ ನ ನಾಲ್ಕನೇ ಅವತರಣಿಕೆಯ ಟ್ರೋಫಿ ಪಡೆದಿದ್ದಾನೆ  ಪ್ರಥಮ್. ಯಾರ್ಯಾರಿಗೆ ಎಷ್ಟೆಷ್ಟು ವೋಟ್ ಬಂದಿರಬಹುದು ಎನ್ನುವ ಕುತೂಹಲಕ್ಕೆ ciniadda.comಗೆ ಲಭ್ಯವಾದ ಮಾಹಿತಿ ಇಲ್ಲಿದೆ .
ಗ್ರಾಂಡ್ ಫಿನಾಲೆಗೆ ಬಂದವರು ಗಳಿಸಿದ ಮತವೆಷ್ಟು ?

BigBossKannada4-TopContenstant-VoteShareಪ್ರಥಮ್ : 986018

ಕೀರ್ತಿ : 601742
ರೇಖಾ : 252907
ಮೋಹನ್ : 30107
ಮಾಳವಿಕಾ : 5890
bigboss finale 2
ಜನರು  ಮೆಸೇಜ್ ಮೂಲಕ ಬಿಗ್ ಬಾಸ್ ಕಂಟೆಸ್ಟಂಟ್ಸ್ ಗೆ ನೀಡಿದ ವೋಟುಗಳು ಇಷ್ಟು ..
ಒಟ್ಟು ವೋಟುಗಳು 1876664
ಕನಿಷ್ಟ ಒಂದು ಮೆಸೇಜ್ ಗೆ 3 ರೂಪಾಯಿ ಅಂದ್ರೂ 56,29,992 ರೂಪಾಯಿಗಳನ್ನ ಕಲರ್ಸ್ ವಾಹಿನಿಗೆ ನೀಡಿದ್ದಾರೆ.. ಅದರ ಪೈಕಿ  ಪ್ರಥಮ್ ಗೆ 50 ಲಕ್ಷ. ಟ್ಯಾಕ್ಸ್ ಕಳೆದು ಸಿಗೋದು ಹೆಚ್ಚು ಕಡಿಮೆ ಮೂವತ್ತೈದು ಲಕ್ಷ.

“ರಾಜ್ ಲೀಲಾ ವಿನೋದ ” ಕಥೆ -ವ್ಯಥೆ

ಇದು ಹೆತ್ತೊಡಲ ಕಿಚ್ಚಲ್ಲದೆ ಮತ್ತೇನು? ಮಗುವಿನ ತಂದೆ ಯಾರೆಂಬುದು ಹೆತ್ತ ತಾಯಿಗೆ ಮಾತ್ರ ಗೊತ್ತಿರುವ ಆತ್ಯಂತಿಕ ಸತ್ಯ. ಅದನ್ನಿಲ್ಲಿ ಲೀಲಾವತಿ ಹೇಳಿಕೊಂಡಿದ್ದಾರೆ. ಅವರದೇ ಧ್ವನಿಯ ದಾಖಲೆಗಳು, ರಾಜ್ಕುಮಾರ್ ಅವರು ಬರೆದ ಆತ್ಮೀಯ ಪತ್ರಗಳು ರವಿ ಬೆಳಗೆರೆಯವರು ಅಕ್ಷರ ರೂಪ ಕೊಟ್ಟ  ” ರಾಜ್ ಲೀಲಾ ವಿನೋದ” ಪುಸ್ತಕದಲ್ಲಿದೆ.

raaj-leelavinoda-cover

ನಟನೆಯಿಂದಲೇ ನಟಸಾರ್ವಭೌಮ, ಜನರೊಂದಿಗಿನ ನಯ-ವಿನಯ, ವಿಧೇಯತೆ , ವೃತ್ತಿ ನಿಷ್ಠೆ ಯಿಂದ ದೇವತಾ ಮನುಷ್ಯನೆನಿಸಿಕೊಂಡವರು  ಡಾ .ರಾಜ್ಕುಮಾರ್ . ರಾಜ್ಕುಮಾರ್ ತಮ್ಮ  ಜೀವಿತಾವಧಿಯಲ್ಲಿ ಹೇಳಲೇಬೇಕಿದ್ದ , ಹೇಳಲಾಗದ ಪರಮಸತ್ಯವನ್ನು ತಾನು ಅಳಿದು ಹೋಗುವ ಮುನ್ನ ಹೇಳಿ ಹೋಗುವ ಕಟ್ಟಕಡೆಯ ಪ್ರಯತ್ನ ಲೀಲಾವತಿಯವರದ್ದು.

leelavati

ಸತ್ಯ ಗೊತ್ತಿರುವ ಕೆಲವರ ಬಾಯಿಗೆ ಬೀಗ ಜಡಿಯಲಾಗಿದೆ. ಮತ್ತಲವರು ದೊಡ್ಡವರ ಉಸಾಬರಿ ತಮಗೇಕೆ ಅಂತ ಬಿಗಿದುಕೊಂಡಿದ್ದಾರೆ. ಅವರ ಆಪ್ತವಲಯದಲ್ಲಿದ್ದ ಅನೇಕರಿಗೆ ಗೊತ್ತಿರುವ ವಿಷಯವಾದರೂ ಗುಸು ಗುಸು -ಪಿಸು ಮಾತಿನಲ್ಲೇ ಬೂದಿಮುಚ್ಚಿದೆ ಕೆಂಡವಾಗಿದೆ ವಿನೋದ್ ರಾಜ್ ನ ಹುಟ್ಟಿನ ಗುಟ್ಟು.

ಆಕೆ ಹೆಣ್ಣು . ರಾಜ್ಕುಮಾರ್ ಅವರಿಗೆ ಇದ್ದ ,ಇರುವ ಅಭಿಮಾನಿ ಬಳಗವಿಲ್ಲ . ಅಲ್ಪಸ್ವಲ್ಪವಿದ್ದರೂ ಅವರ್ಯಾರು ಸಂಕಟ ಬಂದಾಗ ವೆಂಕಟ ರಮಣ.. ಎಂದು  ಆರ್ತನಾದ ಮಾಡಿದರೂ ಬಂದು ನಿಲ್ಲುವ ದೇವರುಗಳಲ್ಲ. ಕಾಳಗಕ್ಕಿಳಿಯುವ ಕಾರ್ಯಕರ್ತರಿಲ್ಲ. ಇವತ್ತಿಗೂ ಕನ್ನಡದ  ಯಾವ ಕಲಾವಿದೆಯ ಪಾಲಿಗೂ ಅಂತಹ  ದಂಡು ದಕ್ಕಿಲ್ಲ.ಭೀತಿಯಲ್ಲೇ ಕಾಲ ಸವೆಸಿದ ಕಲಾವಿದೆ ಲೀಲಾವತಿ .  ಎಂದೋ ತೆರೆದಿಡಬೇಕಾದ ಮಗನ ಹುಟ್ಟಿನ ರಹಸ್ಯವನ್ನು ಇಷ್ಟು ಕಾಲ  ಗಟ್ಟಿ ದನಿಯಲ್ಲಿ ಹೇಳಲಾಗದಿದ್ದಕ್ಕೆ ಇದೂ ಒಂದು ಕಾರಣ.

Actor Leelavati and son Vinodraj seen at Upparpet Police Station after an attack on their car in Bangalore on Saturday. --KPN
Actor Leelavati and son Vinodraj seen at Upparpet Police Station after an attack on their car in Bangalore on Saturday. –KPN

ವಿನೋದ್ ರಾಜ್ಗೆ ರಾಜ್ಕುಮಾರ್ ಅವರೇ ತಂದೆ. ಮಗನೆಂಬ ಹಕ್ಕು ಸ್ಥಾಪಿಸಿ ಆಸ್ತಿಯಲ್ಲಿ ಪಾಲು ಕೊಡಿ ಅಂತ ಇಲ್ಲಿ ಲೀಲಾವತಿ ಕೇಳಿಲ್ಲವಲ್ಲ. “ನನಗೂ ವಯಸ್ಸಾಯಿತು ಈಗ..ಈಗಲಾದರೂ ಒಂದೇ ಒಂದು ಸಾರಿ ವಿನು ನಿಮ್ಮ ಮಗನೆಂಬ ಸತ್ಯಸಂಗತಿಯನ್ನು ಜಗತ್ತಿಗೆ ಹೇಳಿಬಿಡಿ.ತನ್ನ ತಂದೆ ನೀವೇ ಎಂದು  ಗೊತ್ತಿದ್ದರೂ ನಿಮ್ಮ ಪ್ರೀತಿಯ ನೆರಳಲ್ಲಿ ವಿನು ಬಾಳಲಾಗಲಿಲ್ಲ. ಯಾರ ಮುಂದೆಯೂ ಇವರೇ.. ಈ ಮಹಾನುಭಾವರೇ ನನ್ನ ತಂದೆ ಎಂದು ಹೇಳಿಕೊಳ್ಳಲಾಗದೆ ದಿನದಿನವೂ ಕೊರಗುವ ನಮ್ಮ ಒಂದೇ ಒಂದು ಕರುಳ ಕುಡಿಯ ಯಾತನೆಗೆ ಕೊನೆಯಾಡಿಬಿಡಿ” ಹೀಗೆ ಅಂಗಲಾಚಿ ಬೇಡಿಕೊಳ್ಳೋಣವೆಂದರೆ ಅಪ್ಪಾ.. ಎನಿಸಿಕೊಳ್ಳದೆ ಬರಿಯ ಬಸಿರುಗಟ್ಟಿಸಿದ ದೊಡ್ಡವರೆಂಬ ದೊಡ್ಡ ಜೀವ ಉಳಿದಿಲ್ಲವಲ್ಲ. ಲೀಲಾವತಿಯಲ್ಲದೆ ಮತ್ಯಾರು ಹೇಳಿಯಾರು ಬಚ್ಚಿಟ್ಟ , ಮುಚ್ಚಿಟ್ಟ ಕುದಿವ ಸತ್ಯವನ್ನು ?

ಅವರೇಕೆ ಹೇಳಲಿಲ್ಲ?

ಅವರು ಅಗಲಿದ ಮೇಲಿರಿಲಿ ,ಬದುಕಿದ್ದಾಗಲೇ ಅವರನ್ನೊಂದು ಪ್ರೇಮಿನಲ್ಲಿಟ್ಟು (ಚೌಕಟ್ಟು) ನೀವು ಹೀಗೆಯೇ ಇರಬೇಕು. ನೀವು ಹೀಗಿದ್ದರೇ  ಸರಿ ಎನ್ನುವಂತೆ ನೋಡಿದ ಮಂದಿ ಇಂಥದೊಂದು ಸತ್ಯವನ್ನು ಬಿಚ್ಚಿಡಲು ಬಿಟ್ಟಾರೆಯೇ ? ಪಾತ್ರಗಳಲ್ಲೇ ಇಮೇಜ್ ಮೀರಲಾಗದೆ ಚಡಪಡಿಸಿದ ರಾಜ್ಕುಮಾರ್ ಸಮಾಜದ ಕಟ್ಟಳೆಗಳನ್ನೂ ಮೀರಿ ನಿಲ್ಲಲು ಸಾಧ್ಯವಿತ್ತೇ ? ಎಲ್ಲಕ್ಕೂ ಮಿಗಿಲಾಗಿ  ಗಂಡನ ಶ್ರೇಯಸ್ಸು ,  ಮಕ್ಕಳ ಹಿತಕ್ಕಾಗಿ ಸಂಸಾರದ ನೊಗದ ಜೊತೆಗೆ  ಚಿತ್ರಗಳ ಚುಕ್ಕಾಣಿ ಹಿಡಿದ ಪಾರ್ವತಮ್ಮ ಎಂಬ ಮಡದಿಯನ್ನು ಒಪ್ಪಿಸಿ, ಲೀಲಾವತಿಯವರನ್ನು ಉಳಿಸಿಕೊಳ್ಳುವುದು ಸಾಧ್ಯವಿತ್ತೇ ? ರಾಜ್ಕುಮಾರ್ ಪಾಲಿನ ಭಾಗ್ಯ ಲಕ್ಷ್ಮಿ ಪಾರ್ವತಮ್ಮ.  ತನ್ನ ಗಂಡ ತನಗೆ ಮಾತ್ರ ಮೀಸಲಾಗಿರಬೇಕು ಎಂಬ ಆಸೆಯಲ್ಲಿ ಮತ್ತೊಬ್ಬರ ಪ್ರವೇಶಕ್ಕೆ ತಡೆಯೊಡ್ಡಿದ್ದರೆ ತಪ್ಪೆನ್ನುವುದಾದರೂ ಹೇಗೆ ? ಆಕೆಗೆ ವೈಶಾಲ್ಯತೆಯ ಪಾಠ ಬೋಧಿಸಲು ನಾವ್ಯಾರು ? ಆದರೆ ತನ್ನದಲ್ಲದ ತಪ್ಪಿಗೆ ಇಷ್ಟುಕಾಲ ತಲೆತಗ್ಗಿಸಿ ಬದುಕಿದ ವಿನೋದ್ ರಾಜ್ ಗೆ ನ್ಯಾಯ ಸಿಗಲೇಬೇಕು. 

ಕತ್ತಲ್ಲಲ್ಲಿ ಕರಗುತ್ತಿದ್ದ ಸತ್ಯಕ್ಕೆ ಬೆಳಕು 

ravi-leelavati

ಒತ್ತಡಗಳು ಏನೇ ಇರಲಿ ಇದು ಕೇವಲ ಹೆಣ್ಣಿನ ಸಂಬಂಧದ ವಿಷಯವಲ್ಲ ಮಗನ ಭವಿಷ್ಯದ ವಿಷಯ. ಅವರಿರುವಾಗ ಇದೊಂದು ವಿಷಯ ಹೇಳಿಬಿಡಬೇಕಿತ್ತು ಅಂತ ರಾಜ್ಕುಮಾರ್ ಆಪ್ತವಲಯದ ಅನೇಕರಿಗೆ ಅನ್ನಿಸಿದ್ದರು ಯಾರಿಗೂ ಹೇಳುವ ಧೈರ್ಯ  ಬರಲೇ ಇಲ್ಲ. ಇದೀಗ ಅಂಥದ್ದೊಂದು ಧೈರ್ಯಕ್ಕೆ,ಸಾಹಸಕ್ಕೆ  ನಿಂತಿದ್ದು ಹಿರಿಯ ಪತ್ರಕರ್ತ ರವಿ ಬೆಳಗೆರೆ.

ravi-lelavati-vinod

ತಂದೆ ಇದ್ದೂ ,ಇಲ್ಲದಂತೆ ಕಣ್ಣೆದುರಿನಲ್ಲೇ ಸುಳಿದಾಡಿದರೂ, ಒಡನಾಡಿದರೂ ಹೊರ ಜಗತ್ತಿಗೆ ಹೇಳಿಕೊಳ್ಳಲಾಗದೆ ಒಳಗೊಳಗೇ ಬೆಂದ ಜೀವ ಬೆಳಗೆರೆ. ಇವತ್ತಿಗೂ ಅವರ ಸಾಧನೆಯ ಎತ್ತರದ ಬುಡಕ್ಕೂ ನಿಲುಕದ ಒಂದಿಷ್ಟು ಜನ ಅವ್ರ  ಹುಟ್ಟಿನ ಬಗ್ಗೆ ಕೀಳಾಗಿ ಮಾತಾಡುವುದನ್ನು ಪ್ರಶ್ನಿಸುವುದನ್ನು ಬಿಟ್ಟಿಲ್ಲ. ಅವಮಾನವನ್ನು ನುಂಗಿ ಅಕ್ಷರವನ್ನೇ ಅಪ್ಪಿ ಅಪಾರ ಮನ್ನಣೆ ಗಳಿಸಿದ್ದು ಶ್ರದ್ದೆ ಶ್ರಮದ ಬಲದಿಂದ. ಅಪ್ಪನಿಗಾಗಿ ಹಂಬಲಿಸಿದ ರವಿಬೆಳೆಗೆರೆ ಮಾತ್ರ ಇಂಥ ಒಂದು ಗಾಢ ನೋವಿಗೆ ಕಿವಿಯಾಗಬಲ್ಲರು. ಅಕ್ಷರವಾಗಿಸಿಬಲ್ಲರು.

ಅಪ್ಪ ಸತ್ತು ಅಮ್ಮನ ಆಸರೆಯಲ್ಲೇ ಬೆಳೆದಾಗ ತಂದೆಯಿಲ್ಲದ ನೋವು ಕಾಡುವುದು ಬೇರೆ .ಕಣ್ಣೆದುರಿಗೇ ಇದ್ದು ,ಉಳಿದ ಮಕ್ಕಳೊಂದಿಗೆ ಬೆರೆಯುವ, ಅಪ್ಪಿ ಮುದ್ದಾಡುವ ಅಪ್ಪನನ್ನು ಅಪ್ಪಾ .. ಎಂದು ಕರೆಯಲಾಗದ, ಅಪ್ಪಿಕೊಳ್ಳಲಾಗದ ಒಡಲ ಸಂಕಟವೇ ಬೇರೆ. ಅನುಭವಿಸಿಯಲ್ಲದೆ ಅರ್ಥವಾಗದ ರಣ ಗಾಯದ ಹಸಿ ಹಸಿ ನೋವಿದು.

babruvaahana

ಲಂಕೇಶರ ಮಡದಿ(ಹುಳಿಮಾವು ಮತ್ತು ನಾನು ) ಹೇಳಿರುವಂತೆ “ನೀಲು ಕವನಗಳಂತೂ ಹೆಣ್ಣಿನ ಮನಸ್ಸು ಏನೆಲ್ಲಾ ಯೋಚಿಸುತ್ತದೆ, ಅನುಭವಿಸುತ್ತದೆ ಎಂಬುದನ್ನು ಸ್ಪಷ್ಟವಾಗಿ ಬಿಂಬಿಸುತ್ತಿದ್ದವು. ಮಹಿಳೆಯರ ಮನಸ್ಸನ್ನು ಇಷ್ಟು ಚೆನ್ನಾಗಿ ತಿಳಿದಿದ್ದ ಲಂಕೇಶರು ನನ್ನ ಮನಸ್ಸನ್ನು ಯಾಕೆ ಅರ್ಥ ಮಾಡಿಕೊಳ್ಳಲಿಲ್ಲ ಎಂದು ನನಗನ್ನಿಸುತ್ತಿತ್ತು”.  ಬಬ್ರುವಾಹನ ಚಿತ್ರದಲ್ಲಿ ತಂದೆ ಇಲ್ಲದೆ ಬೆಳೆದು ,ಕೊನೆಗೆ ತಂದೆ ಯಾರೆಂದು ತಿಳಿದ ಮೇಲೂ ಅನುಭವಿಸಿದ ಅವಮಾನವನ್ನೆಲ್ಲಾ   ಬಬ್ರುವಾಹನನೇ ಮೈವೆತ್ತಂತೆ, ಹೃದಯಕ್ಕೆ ಮುಟ್ಟುವಂತೆ ಅಭಿನಯಿಸಿದ ರಾಜ್ಕುಮಾರ್ ಅವರಿಗೆ ತನಗಾಗಿ , ತನ್ನ ಪ್ರೀತಿಗಾಗಿ ಹಂಬಲಿಸುವ ಮಗನ ನೋವು ಅರ್ಥವಾಗದೆ ಹೋಯಿತಲ್ಲ ಎಂದು ವಿನೋದ್ ರಾಜ್ ಗೆ ಅನ್ನಿಸದೆ ಇದ್ದೀತೆ ?

File photo of actor Leelavati and son Vinodraj, seen at Vidhana Soudha on Jan 26 09, in Bangalore. --KPN

ಇದೆಲ್ಲ ಒಂದೆಡೆಗಾದರೆ ಈ “ರಾಜ್ ಲೀಲಾ ವಿನೋದ” ಪುಸ್ತಕ ಬಂದ  ಮಾತ್ರಕ್ಕೆ ಅವರ ಮೇಲಿನ ಅಭಿಮಾನಕ್ಕೇಕೆ ಧಕ್ಕೆಯಾಗಬೇಕು ? ತೆರೆಯ ಮೇಲೆ ಅವರ ಬದುಕಿನ ಬಹುದೊಡ್ಡ ಭಾಗವನ್ನು ನೋಡಿ ಆನಂದಿಸಿ, ಅನುಭವಿಸಿಯಾಗಿದೆ. ಬಂಗಾರದ ಮನುಷ್ಯನನ್ನು ಒಪ್ಪಿಕೊಂಡವರು ಹಿರಣ್ಯಕಶಿಪುವನ್ನು ಒಪ್ಪಿಕೊಂಡಿದ್ದೆವಲ್ಲ. ಹಾಗೆಯೇ ಅವರ ಬದುಕಿನ ಮತ್ತೊಂದು ಮಗ್ಗುಲನ್ನು ನೋಡುವುದು ಕಷ್ಟವೇ?

ಈ ಪುಸ್ತಕದಲ್ಲಿ ಬೇರೇನಿದೆಯೋ ಇಲ್ಲವೋ ವಿನೋದ್ ರಾಜ್ ,ರಾಜ್ಕುಮಾರ್ ಅವರ ಪುತ್ರ ಎಂಬುದನ್ನು ದಾಖಲಿಸುವ ಪ್ರಾಮಾಣಿಕ ಪ್ರಯತ್ನವಿರುವುದನ್ನು ಒಪ್ಪಲೇಬೇಕು. ಲೀಲಾವತಿ ತನ್ನ ಸುತ್ತಲಿನ ಸಂಗತಿಗಳನ್ನು ಬಿಚ್ಚಿಟ್ಟಿರುವ ಉದ್ದೇಶವೇ ಅದು. ರವಿ ಬೆಳಗೆರೆಯಲ್ಲದೆ ಮತ್ಯಾರೂ ಬರೆದು ಬಯಲಾಗಿಸಲಾಗದ  ಸತ್ಯವಿದು.

-ಭಾನುಮತಿ ಬಿ ಸಿ

 

ದಿ ವಿಲನ್ ಫಸ್ಟ್ ಲುಕ್ ನಲ್ಲಿ ವಿಶೇಷ ಏನಿದೆ ಗೊತ್ತಾ?

ನೋಡಿದಾಕ್ಷಣ ಸೆಳೆಯುವ ಹಸಿರು -ನೀಲಿ ಕಣ್ಣು.
ಕಿವಿ ಮೇಲೆ ಎಕ್ಸ್ ಮಾರ್ಕು.
ಮುಖದಲ್ಲಿ ಚಿಮ್ಮುವ ರೋಷ
ಕಿವಿಯಲ್ಲಿ ಓಲೆ
ಸಿಡಿದು ನಿಂತಿರೋ ಮುಂದಲೆ
ಬಿಗಿದ ತುಟಿಗಳು
ಅಟ್ಯಾಕ್ ಲೈಕ್ ಎ  ಟೈಗರ್ ತರಹದ ಮುಖಭಾವ
 ಎದುರು ನಿಂತವರನ್ನ ಹಿರಿಯುವಂಥ ಸೀಳು ನೋಟ
ಅದು ಸುದೀಪ್!!
ಜಗ ಜಟ್ಟಿಯಂತೆ  ಜುಟ್ಟು ಕಟ್ಟಿರುವ  ಕೂದಲು.
ಗ್ರೀಕ್ ಯೋಧನಂತಹ ತೀಕ್ಷ್ಣ ಗುರಿಕಾರನ ಕಣ್ಣೋಟ.
ಬಿಟ್ಟೂ  ಬಿಡದೆ ಕಾಡುವುದು ಆ  ನೋಟ.
ಪಕ್ಕಾ ಲೆಕ್ಕ ಹಾಕಿ ಎದುರಾಳಿಯನ್ನ ಬಡಿಯುವ ಬಿರುಸು
ಅದು ಹ್ಯಾಟ್ರಿಕ್ ಹೀರೊ ಶಿವರಾಜಕುಮಾರ್ !!
ದಿ ವಿಲನ್ ಎಂಬ ಬಹುನಿರೀಕ್ಷಿತ ಸಿನಿಮಾದ ಫಸ್ಟ್ ಲುಕ್ ನಲ್ಲಿ ಏನೋ ಅಡಗಿದೆ. ಮತ್ತೆ ಮತ್ತೆ ನೋಡುವಂತಿದೆ. ಇಬ್ಬರ ಮುಖ ಕುತ್ತಿಗೆಯ ಸುತ್ತ ಚೈನೀಸ್ ಅಕ್ಷರಗಳು , ಇಂಗ್ಲಿಷ್ ಅಂಕಿಗಳು ಕಾಣ್ತಾ ಇವೆ. ಒಳಗೆ ಏನೇನು ಅಡಗಿದೆಯೋ ಕಾದು ನೋಡೋದಷ್ಟೇ ಚಿತ್ರರಸಿಕರ ಕೆಲಸ .ನಿರ್ದೇಶಕ ಪ್ರೇಮ್ ಸಿನಿಮಾ ಪ್ರೇಮಿಗಳಿಗೆ ಮಸ್ತ್ ಮೋಡಿ ಮಾಡೋ ಮುನ್ಸೂಚನೆಯಂತೂ ಫಸ್ಟ್ ಲುಕ್ ನಲ್ಲಿ ಜೋರಾಗೆ ಕಾಣ್ತಾ ಇದೆ.
 ಸಿನಿಮಾ  ಕಾಡುವಂತಿರಲಿ , ಸೂಪರ್ ಹಿಟ್ ಆಗಲಿ ಅನ್ನೋದು ciniadda.com  ಹಾರೈಕೆ.

ಪ್ರಥಮ್ ಮಾಳವಿಕಾ ‘ಸೀಕ್ರೆಟ್” ರೂಮ್ ಸೀಕ್ರೆಟ್ .

ಕಲರ್ಸ್ ವಾಹಿನಿಯ ಬಿಗ್ ಬಾಸ್ ನಲ್ಲಿ ಪ್ರಥಮ್ , ಮಾಳವಿಕಾ ಒಟ್ಟಿಗೆ ಎಲಿಮಿನೇಟ್ ಆಗಿದ್ದಾರಂತೆ ಅನ್ನುವ ಸುದ್ದಿ ಹರಿದಾಡುತ್ತಿದೆ. ಆದ್ರೆ ಆಗಿರುವುದು ಇಷ್ಟೇ.

ಮಾಳವಿಕಾ, ಪ್ರಥಮ್ ಇಬ್ಬರನ್ನೂ ಮನೆಯಿಂದ ಹೊರಗೆ ಅಂದ್ರೆ ಸೀಕ್ರೆಟ್ ರೂಮಿನಲ್ಲಿ ಇರಿಸಲಾಗಿದೆ. ತಾವಿಲ್ಲದ ಹೊತ್ತಲ್ಲಿ ಇಡೀ ಮನೆಯ ಜನ ಏನು ಮಾತಾಡಿಕೊಳ್ತಾರೆ ಅನ್ನುವಂಥದ್ದು ಇಬ್ಬರಿಗು ತಿಳಿಯಲಿದೆ. ಇತ್ತೀಚಿಗೆ ಮಾಳವಿಕಾ ಸ್ವಲ್ಪ ಬದಲಾದಂತೆ ಕಾಣುತ್ತಿದ್ದಾರೆ. ಅದೂ ಕೂಡ ಗೆಲ್ಲುವ ಗೇಮ್ ಪ್ಲಾನ್ ಅಷ್ಟೇ ಅನ್ನುವುದು ಬಲ್ಲವರ ಅನಾಲಿಸಿಸ್.

bigboss-pratham-malavika

“ಮಾಳವಿಕಾ ಗೆಲುವು ಈಗಾಗಲೇ ನಿರ್ಧಾರವಾಗಿದೆ. ಇದೆಲ್ಲ ಸುಮ್ಮನೆ ಗಿಮಿಕ್ ಅಷ್ಟೇ “ಅನ್ನುವುದು ಹೆಸರು ಹೇಳಲು  ಇಚ್ಚಿಸದ ಬಿಗ್ ಬಾಸ್ ಟೀಮ್  ಸದಸ್ಯರೊಬ್ಬರು ciniadda.com ಗೆ ನೀಡಿದ ಸುಳಿವು. ಇದರ ಸತ್ಯಾಸತ್ಯತೆ ಎಷ್ಟಿದೆಯೋ ಕಾದು ನೋಡಬೇಕು.

ಇನ್ನೇನು ಮುಗಿದೇ ಹೋಯ್ತು ಬಿಗ್ ಬಾಸ್ ಅಂದುಕೊಳ್ಳುವಷ್ಟರಲ್ಲೇ ಇಲ್ಲ ಇಲ್ಲ ಇದೇ ತಿಂಗಳು 29ರ ತನಕ ಮುಂದುವರೆಯಲಿದೆ ಅಂತ ಶೂಟಿಂಗ್ ವೇಳೆ  ಸುದೀಪ್ ಘೋಷಿಸಿದ್ದಾರಂತೆ.

ಒಂದಂತೂ ನಿಜ ಕಳೆದ ಸೀಸನ್ಗಳಿಗೆ ಹೋಲಿಸಿದರೆ  ಈ ಬಾರಿಯ ಬಿಗ್ ಬಾಸ್ ನೋಡುವವರ ಸಂಖ್ಯೆ ಕಡಿಮೆಯಾಗಿ ಟಿಆರ್ಪಿ ಕುಸಿದು ಬಿದ್ದಿರುವುದಂತೂ ಸತ್ಯ. ಕಡೆ ದಿನದವರೆಗೂ ಇನ್ನು ಏನೇನು ಗಿಮಿಕ್ ಗಳು ಸೃಷ್ಟಿಯಾಗುತ್ತವೋ ನೋಡಬೇಕು.

 

 

ಇಂದಿಗೆ ಬೇಕಿರುವುದು ರಾಮಮಂದಿರವಲ್ಲ “ರಾಮರಾಜ್ಯ “

ಬೆಳೆಯುವ ಪೈರು ಮೊಳಕೆಯಲ್ಲಿ ಅಂತಾರೆ . ಆದ್ರೆ ಮೊಳಕೆಯೊಡೆದು ಹೆಮ್ಮರವಾಗಲಿಕ್ಕೆ   ಕಾಲಕಾಲಕ್ಕೆ ಒಳ್ಳೆಯ ಗೊಬ್ಬರ , ನೀರು, ಔಷಧಿ ಉಣಿಸದಿದ್ದರೆ ಮೊಳಕೆಯಲ್ಲೇ ಸಸಿ ರೋಗಗ್ರಸ್ತವಾಗುವುದಿಲ್ಲವೇ ? ಹಾಗೆಯೇ ಮಕ್ಕಳು ನಾಳಿನ ಹೆಮ್ಮೆಯ ಪ್ರಜೆಗಳಾಗಬೇಕಾದರೆ ನ್ಯಾಯ -ನೀತಿ ,ಧ್ಯೇಯ , ಅಂತಃಕರುಣೆ , ಸಹಾನುಭೂತಿಗಳ ಮೌಲ್ಯ ತಿಳಿಸಿ ಬೆಳೆಸಬೇಕು. ಮಕ್ಕಳ ಬಗ್ಗೆ ಏನೆಲ್ಲಾ ಮಾತನಾಡುವ ನಾವು ಮಕ್ಕಳಿಗಾಗಿ ಸಿನಿಮಾ ಮಾಡುವ ವಿಷಯದಲ್ಲಿ ಮಾತ್ರ ಹಿಂದಿದ್ದೇವೆ. ಬೆರಳೆಣಿಕೆಯಷ್ಟು ನೆನಪಲ್ಲಿ ಉಳಿಯುವ  ಸಿನಿಮಾಗಳು ಮಾತ್ರ ನಮ್ಮ ಕನ್ನಡ ಚಿತ್ರರಂಗದಲ್ಲಿವೆ. ಅನ್ಯಾಯದ ವಿರುದ್ದ ಸಿಡಿದು ನಿಲ್ಲುವ ಪ್ರಚಂಡ ಪುಟಾಣಿಗಳು,ಪುಟಾಣಿ ಏಜೇಂಟ್ 123, ಚಿನ್ನಾರಿ ಮುತ್ತ  ಇನ್ನೂ ನಮ್ಮ ಮನಸ್ಸಿನಲ್ಲಿವೆ. ಯಾವುದೇ ವಯಸ್ಸಿನವರು ಬೇಕಾದರೂ ಇವತ್ತಿಗೂ ನೋಡಿ ಆನಂದಿಸಬಹುದಾದ ಸಿನಿಮಾಗಳವು. ಅಂಥಾ ಸಿನಿಮಾಗಳ ಸಂಖ್ಯೆ ಹೆಚ್ಚಾಗದಿರುವುದು ಕನ್ನಡ ಚಿತ್ರರಂಗದ ಸೃಜನಶೀಲತೆ,ಆಸಕ್ತಿಯ  ಕೊರತೆಯಲ್ಲದೆ ಮತ್ತೇನು ?

ರಾಮನವಮಿಯ ಈ ಹೊತ್ತಿನಲ್ಲಿ ಮಕ್ಕಳ ಸಿನಿಮಾ ರಾಮರಾಜ್ಯ ರೂಪುಗೊಳ್ಳುತ್ತಿರುವುದು ಸಂತಸದ ವಿಷಯ. ಇವತ್ತಿಗೆ ನಿಜಕ್ಕೂ ಬೇಕಿರುವುದು ರಾಮ ಮಂದಿರವಲ್ಲ. ರಾಮರಾಜ್ಯ .

ರಾಮರಾಜ್ಯದ ಸಾರಥಿ  ನೀಲ್ ಕೆಂಗಾಪುರ್  ಡಕೋಟಾ ಎಕ್ಸ್ ಪ್ರೆಸ್ ,ವಿಜಯಸಿಂಹ ಸೇರಿದಂತೆ ಹಲವು ಚಿತ್ರಗಳಿಗೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ. ಅರಗಿಣಿ ಧಾರಾವಾಹಿಯ ಸಂಚಿಕೆ ನಿರ್ದೇಶಕನಾಗಿ ದುಡಿದ ಅನುಭವ ಇದೆ. ಪುನೀತ್  ನೀಲ್ ಕೆಂಗಾಪುರ್  ನಿರ್ದೇಶಿಸಿದ ಮೊದಲ ಸಿನಿಮಾ. ದೊಡ್ಡವರ ಚಿತ್ರಕ್ಕಿಂತ ಮಕ್ಕಳಿಗಾಗಿ ಮಾಡಬೇಕು ಅದು ದೊಡ್ಡವರೂ ನೋಡುವಂತಿರಬೇಕು ಎನ್ನುವುದು ಬಹುದಿನದ ಆಸೆಯಾಗಿತ್ತಂತೆ.

ಅದಕ್ಕೆ ಪೋಷಣೆ ಸಿಕ್ಕದ್ದು ಮಂಡ್ಯದಿಂದ ಬಣ್ಣದಲೋಕದ ಗೀಳಿನಿಂದ  ಬೆಂಗಳೂರಿಗೆ ಬಂದು ಪಡಬಾರದ ಕಷ್ಟಪಟ್ಟು ಕೊನೆಗೂ ನಿರ್ಮಾಪಕನಾಗುವ ಹಂತಕ್ಕೆ ಬೆಳೆದ ಶಂಕರೇಗೌಡರು. ಹಣ ಹೂಡಿ ಸುಮ್ಮನಾಗದೆ ಸಿನಿಮಾದ ಅನಿವಾರ್ಯ ಸಂದರ್ಭದಲ್ಲಿ ಅಭಿನಯವನ್ನೂ  ಮಾಡಿದ್ದಾರಂತೆ.

ನೀಲ್ ಕೆಂಗಾಪುರ್  ಪ್ರಕಾರ ರಾಮರಾಜ್ಯ ಇಂದಿನ ಮಕ್ಕಳಿಗೆ ಆತ್ಮಸ್ಟೈ ರ್ಯ ತುಂಬುವಂಥ  ಸಿನಿಮಾ. ಅನ್ಯಾಯದ ವಿರುದ್ಧ ಸೆಟೆದು ನಿಂತು, ದೊಡ್ಡವರನ್ನು ಎಚ್ಚರಿಸಿ ರಾಮರಾಜ್ಯವನ್ನು ಕಟ್ಟುವ ದಿಟ್ಟ ಮನಸ್ಸ್ಸಿನ ಮಕ್ಕಳ ಕಥೆ ಇಲ್ಲಿದೆ. ಬರಿಯ ಬೋಧನೆ ಮಾತ್ರವಲ್ಲದೆ ಪ್ರಚೋದನೆ ನೀಡುತ್ತಾ ..ಎಲ್ಲರನ್ನು ರಂಜಿಸುವ ಪ್ರಯತ್ನವಿದೆ.

ಇದುವರೆಗೆ ಬಂದ ಕನ್ನಡದ ಯಾವ ಮಕ್ಕಳ ಸಿನಿಮಾದಲ್ಲೂ ಗ್ರೀನ್ ಮ್ಯಾಟ್ ಬಳಸಿ 3D ಎಫೆಕ್ಟ್ ನಲ್ಲಿ  ತೋರಿಸುವ ಪ್ರಯತ್ನಗಳು ಬಂದಿಲ್ಲ. ಅದಕ್ಕೆ ಹಣ ಹೆಚ್ಛೇ ಬೇಕು .ನಾವಿಲ್ಲಿ ಒಂದು ಹಾಡಿನಲ್ಲಿ ಅಂಥಾ ಪ್ರಯೋಗ ಮಾಡಿದ್ದೇವೆ. ಕಾರಣವಿಷ್ಟೇ ಮಕ್ಕಳ ಸಿನಿಮಾ ಮಾಡಿ ಬರೀ ಅವಾರ್ಡ್ ಗೆ ಕಳಿಸೋದಲ್ಲ. ಎಲ್ಲರು ನೋಡುವಂಥ ಗುಣಮಟ್ಟವೂ ಇರಬೇಕು. ಜನರನ್ನು ತಲುಪದಿದ್ದರೆ ಮಕ್ಕಳ ಚಿತ್ರ ಮಾಡಿಯಾದರೂ ಏನು ಪ್ರಯೋಜನ ? ಮೂಲತಃ ಧಾರಾಳಿಯಾದ ನಿರ್ಮಾಪಕ ಶಂಕರೇಗೌಡರು ಮಕ್ಕಳ ಚಿತ್ರ ಶ್ರೀಮಂತವಾಗಿರಲಿ ಅಂತ ಎಲ್ಲ ರೀತಿಯ ಸಹಕಾರ ಕೊಟ್ಟಿದ್ದಾರೆ.

ವಿ ನಾಗೇಂದ್ರಪ್ರಸಾದ್ ಲಾಯರ್ ಪಾತ್ರದಲ್ಲಿ ಪ್ರೀತಿಯಿಂದ ಮಕ್ಕಳ ಒಡನಾಡಿಯಂತೆ ಸಹಜವಾಗಿ ಅಭಿನಯಿಸಿದ್ದಾರೆ. ಅಶ್ವಿನಿಗೌಡ ತಾಯಿಯ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಕಥೆ ಕೇಳಿದ ಮೇಲೆ ಅರೆಕ್ಷಣವು ಯೋಚಿಸದೆ ಒಪ್ಪಿಕೊಂಡ ಕಲಾವಿದೆ ಅವರು. ಹನುಮಂತೇಗೌಡರ ಅಭಿನಯ ನಿಮಗೆ ಎಂದಿನಂತೆ ಇಷ್ಟವಾಗಲಿದೆ . ಯತಿರಾಜ್ ಸಾಥ್ ಮರೆಯೋಲ್ಲ.

ನಟ ಪ್ರೇಮ್ ಕೂಡ ಕಥೆ ಕೇಳಿದ ತಕ್ಷಣ ತಮ್ಮ ಮಗನನ್ನ ರಾಮರಾಜ್ಯಕ್ಕೆ ಕಳುಹಿಸಲು ಒಪ್ಪಿಕೊಂಡ್ರು .ಅವರ ಪತ್ನಿ ಸದಾ ಸಹಕಾರಿ. ಎಲ್ಲಕಿಂತ ಮುಖ್ಯವಾಗಿ ಚಿನಕುರಳಿಯಂಥ ಮಕ್ಕಳ ಅಭಿನಯ ಎಂದು ಮರೆಯಲಾರೆ. ತೆರೆಯ ಮೇಲೆ ನೋಡಿದಾಗ ನಿಮಗೂ ಮಕ್ಕಳು ಮನಸ್ಸಿನಲ್ಲಿ ಉಳಿದುಬಿಡುತ್ತಾರೆ.

ಏಕಾಂತ್ ಪ್ರೇಮ್(ಪ್ರೇಮ್ ಪುತ್ರ ), ಪುಟಾಣಿ ಪಂಟ್ರು ವಿಜೇತ ಹೇಮಂತ್ , ಹರಿವು ಚಿತ್ರದಲ್ಲಿ ಸಂಚಾರಿ ವಿಜಯ್ ಜೊತೆ ನಟಿಸಿದ ಸೋಹಿಬ್, ಕಾರ್ತಿಕ್ (ದೊಡ್ಮನೆ ಹುಡುಗ ಚಿತ್ರದಲ್ಲಿ ಪುಟ್ಟ ಪುನೀತ್ ) ಇವರೆಲ್ಲ ಐದು -ಆರನೇ ಕ್ಲಾಸ್ ನಲ್ಲಿ ಓದ್ತಿರೋ ಹನ್ನೆರಡು ಹದಿಮೂರು ವಯಸ್ಸಿನವರು. ಆದ್ರೆ ಅವರ ಬದ್ಧತೆ ಮೆಚ್ಚಲೇಬೇಕು.

ಒಂದಂತೂ ಸತ್ಯ ಮಕ್ಕಳ ಸಿನಿಮಾ ಸಂದೇಶ ಹೊತ್ತು ತರುತ್ತಿದೆ.ದೊಡ್ಡವರೆಲ್ಲ ಜಾಣರಲ್ಲ ಚಿಕ್ಕವರೆಲ್ಲ ಕೋಣರಲ್ಲ ಅನ್ನುವುದನ್ನು ಹೇಳುತ್ತೆ. ಜೊತೆಜೊತೆಗೆ ಅನ್ಯಾಯದ ವಿರುದ್ಧ ಹೋರಾಡಲು ಶಾಲೆಯಲ್ಲಿ ಕಲಿತ ಗಾಂಧೀಜಿಯ ತತ್ವ  ದಿವ್ಯ ಮಂತ್ರವಾದ ರೀತಿಯನ್ನು ತೋರಿಸುತ್ತೆ.

ಮಕ್ಕಳಿಗೆ ಮನರಂಜನೆಯನ್ನೂ ಕೊಟ್ಟು ,ಮನುಷ್ಯತ್ವ ಬೆಳೆಸುವ ,ಪ್ರೀತಿ ಹಂಚುವ , ದಿಟ್ಟತನದ ಕಡೆಗೆ ಸೆಳೆಯುವ ಸಿನಿಮಾ ರಾಮರಾಜ್ಯ . ಮುಂದಿನ ತಿಂಗಳು ತೆರೆಗೆ ತರಲಿದ್ದೇವೆ. ನಿಮ್ಮ ಸಹಕಾರವಿರಲಿ.

ನೀಲ್ ಕೆಂಗಾಪುರ್  ಮಾತಿನಲ್ಲಿ ವಿಶ್ವಾಸವಂತೂ  ಕಾಣುತ್ತಿದೆ ನಾವು ಕಾದು ನೋಡೋಣ. ಕನ್ನಡದಲ್ಲಿ ಮಕ್ಕಳ ಸಿನಿಮಾಗಳು ಹೆಚ್ಚೆಚ್ಚು ಬರಲಿ . ವ್ಯಾವಹಾರಿಕ ದೃಷ್ಟಿಯಿಂದಲೂ ಲಾಭ ತರಲಿ. ರಾಮ  ಮಂದಿರಕ್ಕೆ ಮಾತ್ರ ಸೀಮಿತವಾಗದೆ ಸಹನೆ ,ಪ್ರೀತಿಯ  ಸಂಕೇತವಾಗಿ ರಾಮ ಬದುಕಿನ ಆದರ್ಶವಾಗಲಿ. 

ರಾಮನವಮಿಯ ಶುಭಾಶಯಗಳು.

ಪ್ರಥಮ್ ಗೆಲುವು ಹುಟ್ಟ್ಟಿಸಿದ ತಲ್ಲಣ

“ಬಿಗ್ ಬಾಸ್ “
Psychology ವಿದ್ಯಾರ್ಥಿಯಾಗಿ ನಾನು ಮಾನವ-ಭಾವನೆಗಳ, ನಡುವಳಿಕೆಗಳ ಸೂಕ್ಷ್ಮ ಅಧ್ಯಯನಕ್ಕಾಗಿ ಅತ್ಯಂತ ಕುತೂಹಲದಿಂದ ನೋಡಿದ, ನೋಡುವ ಕಾರ್ಯಕ್ರಮ. ಅಲ್ಲಿನ ಅನೇಕ housemateಗಳೇ ಹೇಳಿಕೊಳ್ಳುವಂತೆ ನನ್ನಮಟ್ಟಿಗೂ ಇದೊಂದು “ಬದುಕಿನೊಳಗೊಂದು ಬದುಕು”. ನಿತ್ಯಜೀವನದ ಒಡನಾಟದಲ್ಲಿ ಎದುರಾಗಬಹುದಾದ  ಎಲ್ಲ ಬಗೆಯ ಸಂದರ್ಭಗಳನ್ನು ಆ ಕ್ಷಣಕ್ಕೆ ಒದಗುವ ಅನುಕೂಲಗಳು ಮತ್ತು ಸವಲತ್ತುಗಳನ್ನು ಉಪಯೋಗಿಸಿಕೊಂಡು ಎಷ್ಟರಮಟ್ಟಿಗೆ ನಿಭಾಯಿಸಬಲ್ಲೆವು ಎಂಬುದನ್ನು ನಮಗೆ ನಾವೇ ಸಿಂಧುವಾಗಿಸಿಕೊಳ್ಳಬಲ್ಲ ಒಂದು opportunity!
ಕಾಲಕಾಲಕ್ಕೆ entry ಕೊಟ್ಟು exit ಆಗುವ ಕಾವ್ಯ, ವಾಣಿಶ್ರೀ, ಚೈತ್ರ, ದೊ.ಗಣೇಶನಂಥಾ ನಗಣ್ಯ characters..
ಜೊತೆಗೇ ಇದ್ದಂತಿದ್ದು ನಿಲುವು ತೆಗೆದುಕೊಳ್ಳಲರಿಯದೆ, ಬೆನ್ನಹಿಂದೆ losetalks ಮಾಡುವ ಮೋಹನ್ ಥರದ ಮನಸ್ಸುಗಳು..
ಕತ್ತೆ ಥರ ದುಡಿದೂ footage ತೊಗೋಳಕ್ಕೆ ಬರದ ಶಾಲಿನಿಯಂಥ ಅಪ್ಪಟ ಮನಸಿನ emotional foolಗಳು..
bigboss-shalinibigboss-malavika
ಜನರ ಸೇವೆಯೇ ಜನಾರ್ಧನ ಸೇವೆ, ನಾನಿರೋದೆ ಸಾರ್ವಜನಿಕರಿಗೆ ಜೀವ ಕೊಡೋದಕ್ಕೆ ಅನ್ನೋಥರ ಕೇವಲ pose ಮಾತ್ರ ಕೊಡೋ ಮಾಳವಿಕರಂಥ ಮಳ್ಳಿ ಮನಸುಗಳು..
ಇನ್ನೂ ಹುಚ್ಚುಮನಸಿನ ಹತ್ತಾರು ಗುಣವಿಶೇಷಣಗಳ ಜೊತೆ ನಾನೂ ನೀವೂ ನಿತ್ಯದ ಬದುಕಲ್ಲಿ ಏಗೋದು ಸತ್ಯ. ತಾನೇ??
ಈಗ ಈ ಬಿಗ್’ಬಾಸ್ ಅನ್ನೋ reality show ಕೊನೆಯ ಹಂತ ತಲುಪಿದ 3 characters ನೋಡಿ. ಮೇಲೆ ಹೇಳಿದ, ಹೇಳದ ಎಲ್ಲ ಬಗೆಯ ಅಷ್ಟವಕ್ರಗಳನ್ನು ಚಾಣಾಕ್ಷರಾಗಿ ಎದುರಿಸಬೇಕಾದರೆ, ಗೆದ್ದ ಮೂವರಲ್ಲಿ ಯಾರ ನೀತಿ ಅನುಸರಿಸಬೇಕು?
ಇದಮಿತ್ತಂ ಅಂತ ಎಲ್ಲರನ್ನ ಎಲ್ಲವನ್ನ ರೇಖ ಥರ ಶಾಂತವಾಗಿ ಎದುರಿಸ್ಬೇಕ? ಸೋಲು ಕಟ್ಟಿಟ್ಟ ಬುತ್ತಿ!
ಕರ್ಮಣ್ಯೇವಾಧಿಕಾರಸ್ತೆ….. ಅಂತ ನಿರೀಕ್ಷೆ ಬಿಟ್ಟು ಬಂದದ್ದೆಲ್ಲಾ ಬರಲಿ ಅಂತ ಕೀರ್ತಿ ಥರ ತೊಗೋಬೇಕ? ಅಸಮಾಧಾನ ನಿರಾಸೆ ನಿಮ್ಮದು ಸುಳ್ಳಲ್ಲ!
bigboss-pratham
ಅದೇನಾದ್ರೂ ಆಗ್ಲಿ, ಇನ್ನೊಬ್ಬ ನೋವಿನಿಂದ ಸತ್ಹೋಗ್ಲಿ, ನನಗೆ ಮಾತ್ರ ಕಂಡ ಮತ್ತು ನನಗೆ ಬೇಕಾದ ಸತ್ಯ ತಾನೇ ಹೇಳ್ತಿರೋದು, why should I care?! ಅಂತ ದಾಷ್ಟೀಕವಾಗಿ, hight of immaturity ಹಾವಭಾವಗಳನ್ನ ಪ್ರದರ್ಶಿಸ್ತಾ, ನಾನೇ right ಅಂತ ಬದುಕಿಬಿಡ್ಬೇಕ?
ಗೊತ್ತಿಲ್ಲ ಏನು ಹೇಳ್ಬೇಕಂತ!
ಇದು ಗೆಲುವಾ?! ಇದು ಬದುಕುವ ಪರಿಯಾ?!
ನಂಗ್ಯಾಕೋ ನಾನೇ ಸರಿಯಿಲ್ಲ ಅನ್ನಿಸೋಕೆ ಶುರುವಿಟ್ಟಿದೆ, ಬಹುಜನರ ಒಲವಿನ ದಿಕ್ಕು ನೋಡಿ!
ಯೋಚಿಸಿ…
ಅಯೋಗ್ಯ..
ನಿನ್ನ ಜನ್ಮಕ್ಕಿಷ್ಟ್ ಬೆಂಕಿಹಾಕ..
………..
ಇಂಥ ನಿಯಂತ್ರಣ ತಪ್ಪಿದ ಮಾತುಗಳು ಪದೇಪದೇ ಆಡುವಂಥ ಮನುಷ್ಯ, ತಪ್ ಮಾಡಿದೀನಿ ಕ್ಷಮಿಸಿಬಿಡಿ ಅಂದ್ರೆ ಎಷ್ಟು ಬಾರಿ ಕ್ಷಮಿಸಬಹುದು? ಹೆತ್ತವರನ್ನೇ ಗೌರವಿಸಲು ಗೊತ್ತಿಲ್ಲದವ ಪ್ರಪಂಚವನ್ನ ಗೌರವಿಸಲು ಸಾಧ್ಯವಾ?! ಆಟದ ಮಟ್ಟಿಗೆ ಸೋಲು ಗೆಲುವು ನಿಯಾಮಕವೂ ಹೌದು ನಿರ್ಣಾಯಕವೂ ಹೌದು. ಆದ್ದರ್ರೆ….
ಜೀವನವನ್ನ ಒಂದು ಪಾಠಶಾಲೆ, ನಾವೆಲ್ಲ ನಿತ್ಯ ಕಲಿವವರು ಅಂತ consider ಮಾಡೋದಾದ್ರೆ, ಜೀವನ second chance ಕೊಡೋದು ತುಂಬ ವಿರಳ. ಸಾಂಕೇತಿಕವಾಗಿ ಗೆದ್ದೋರು ಚೇತರಿಸಿಕೊಂಡು ತಿದ್ದಿಕೊಂಡ್ರೆ ಉತ್ತಮ.
ಇಂದಿನ ಬಹುಜನಾದೇಶ ಸಾಗುತ್ತಿರುವ ನಿಟ್ಟು ಮತ್ತು ಕೇವಲ ಮತ್ತು ಕೇವಲ TRPಗಾಗಿ ಮಾತ್ರ ಸಮಾಜವಿಮುಖೀ ಕೆಲಸಕ್ತೂ ಸೈ ಎನ್ನುತ್ತಿರುವ ಮಾಧ್ಯಮದ ನಡೆ ನನ್ನ ಮಟ್ಟಿಗಂತೂ ಆತಂಕಕಾರಿ!
ಏನಂತೀರ?
ನನಗಂತೂ ಇದು ಬದುಕಿನ  ಮತ್ತೊಂದು ಕಲಿಕೆ.
asha vishwanath 1
-ಆಶಾ ಆರ್.ವಿಶ್ವನಾಥ್

ಇದು ಹ್ಯಾಕು -ಫೇಕುಗಳ ಕಾಲ ಉಸರಾಗಿರ್ರಪ್ಪೋ

ಈ ಸಾಮಾಜಿಕ ಜಾಲತಾಣಗಳಲ್ಲಂತೂ ಯಾರದೋ ಅಕೌಂಟನ್ನ ಮತ್ಯಾರೋ ಹ್ಯಾಕ್  ಮಾಡಿ ತಮಗೆ ಬೇಕಿದ್ದಂಗೆ ಬಳಸಿಕೊಳ್ಳೋದು, ಸಿಕ್ಕಿಹಾಕಿಕೊಂಡ ಮೇಲೆ ಶಿಕ್ಷೆ ಅನುಭವಿಸೋದು ಸಾಮಾನ್ಯವಾಗಿದೆ. ಈ ರೋಗವೀಗ ಹೆಚ್ಚು ಬೆಂಬಲಿಗರಿರುವ ಜನಪ್ರಿಯ ನಟರ ಅಕೌಂಟ್ಗಳಿಗೂ ತಗಲಿಕೊಂಡಿದೆ. ಇಂಥದ್ದನ್ನೆಲ್ಲ ಗಮನಿಸುವ ಅದರಲ್ಲೂ ಟ್ವಿಟ್ಟರ್ ನಲ್ಲಿ ವಾದ -ವಿವಾದ -ಸಂವಾದ ಎಲ್ಲವನ್ನು ಚಟ್ ಪಟ್ ಅಂತ ಮಾಡುವ ಜಗ್ಗೇಶ್ ಎಚ್ಚರಿಕೆ ಜೊತೆ ಕಿವಿಮಾತು ಹೇಳಿದ್ದಾರೆ .

ಮೊನ್ನೆ ಮೊನ್ನೆ ಟ್ವಿಟ್ಟರ್ನಲ್ಲಿ ಅತಿ ಹೆಚ್ಚು ಫಾಲ್ಲೋರ್ಸ್ ಇರೋ ಕಿಚ್ಚ ಸುದೀಪ್ ಅಕೌಂಟನ್ನ ಹ್ಯಾಕ್ ಮಾಡಿದ್ರು . ರಾಜಕುಮಾರ ಚಿತ್ರ ಬಾಹುಬಲಿ ,ಹೆಬ್ಬುಲಿ ರೆಕಾರ್ಡಗಳನ್ನ ಬ್ರೇಕ್ ಮಾಡಿದೆ. ಶುಭಾಶಯಗಳು ಪುನೀತ್ ಮತ್ತು ರಾಜಕುಮಾರ ಚಿತ್ರತಂಡಕ್ಕೆ ಅಂತ   ಸುದೀಪ್ ಟ್ವೀಟ್ ಹಾಗೆ ಬರೆದು ಪೋಸ್ಟ್ ಮಾಡಲಾಗಿತ್ತು. 

 

ಇದನ್ನ ಗಮನಿಸಿದ ನವರಸನಾಯಕ ಜಗ್ಗೇಶ್ ಟ್ವಿಟರ್ನಲ್ಲೇ ಎಚ್ಚ್ಚರಿಕೆ ಕೊಟ್ರು . ಜೊತೆಗೆ ಈ ಪಿಡುಗಿನ ಸುದ್ದಿ  ಹೋಮ್ ಮಿನಿಸ್ಟರ್ ಹಾಗು ಮುಖ್ಯಮಂತ್ರಿಗಳ ಗಮನಕ್ಕೆ ಬರುವಂತೆ ಆಶ್ ಟ್ಯಾಗ್ ಕೂಡ ಮಾಡಿದ್ದಾರೆ .

ಅದಾದ ಮೇಲೆ ಅವರದೇ ಫೇಸ್ ಬುಕ್ ಅಕೌಂಟ್ ನ್ನ ನಕಲಿ ಮಾಡಿರುವುದು ಜಗ್ಗೇಶ್ ಗಮನಕ್ಕೆ  ಬಂದಿದೆ.ತಕ್ಷಣ ಎಚ್ಛೆತ್ತುಕೊಂಡ ಜಗ್ಗೇಶ್ ತಮ್ಮ fb ಖಾತೆಯ ಸ್ಕ್ರೀನ್ ಶಾಟ್ ತೆಗೆದು ಯಾವುದು ಸುಮಾರು ಒಂದು ಲಕ್ಷಕ್ಕೂ ಮೀರಿ ಫಾಲ್ಲೋವರ್ಸ್  ಇರೋ ಪೇಜ್ ನನ್ನದು ಅಂತ ತೋರಿಸಿದ್ದಾರೆ .

ಜೊತೆಗೆ ನಕಲಿ ಖಾತೆಯ ಚಿತ್ರವನ್ನು ತೆಗೆದು ಇದು ನನ್ನ ಸ್ವಂತ ಪುಟವಲ್ಲ ಎನ್ನುವುದನ್ನು ಸ್ಪಷ್ಟಪಡಿಸಿದ್ದಾರೆ.

ಒಟ್ಟಿನಲ್ಲಿ ಬ್ಯಾಂಕ್ ನಲ್ಲಿ ಹಣವಿಟ್ಟು ಪಾಸ್ವರ್ಡ್ ನಮ್ ಬಳಿ ಇದೆ ಯಾರೇನು ಮಾಡಿಯಾರು ಅಂತ ಕೊಂಚ ನೆಮ್ಮದಿಯಾಗಿ ಇಲ್ಲಂತೂ ಇರೋ ಹಂಗಿಲ್ಲ.ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರೋ ನಟನಟಿಯರು ತಮ್ಮದಲ್ಲದ ಅಭಿಪ್ರಾಯಗಳು ಹ್ಯಾಕು -ಫೇಕ್ ಗಳಿಂದ ಹೋಗೋದನ್ನು ಕಣ್ಣಲ್ಲಿ ಕಣ್ಣಿಟ್ಟು ನೋಡಿಕೊಳ್ಳಬೇಕಿದೆ .

 

ಮಂದಿರದಲ್ಲಿ “ರಂಗ”ಣ್ಣನನ್ನೇ ಮಖಾಡೆ ಮಲಗಿಸಿದ ಮುಕುಂದ-ಮುರಾರಿ

‘ಉಪ್ಪಿಗಿಂತ ರುಚಿ ಬೇರೆ ಇಲ್ಲ ಒಪ್ಪಿಕೊಂಡೋರು ದಡ್ಡರಲ್ಲ’ ಅಂದು ತನ್ನ ಪ್ರೇಕ್ಷಕರನ್ನು ಬುದ್ಧಿವಂತರೆಂದ , ನಿರಂತರ ಹುಡುಕಾಟದ ಉಪೇಂದ್ರ ಒಂದು ಕಡೆ,” ದುರಂಹಕಾರಿ ” ಪಟ್ಟ ಕಟ್ಟಿದವರಿಗೆ ಕ್ಯಾರೇ ಅನ್ನದೆ ತನ್ನ ಪ್ರತಿಭೆಯನ್ನೇ ಪಣಕ್ಕಿಟ್ಟು ಬೆಳೆದ ಸುದೀಪ್ ಮತ್ತೊಂದು ಕಡೆ . ಇವರಿಬ್ಬರ ಎದುರಿಗೆ ಬಹುತೇಕ ರಾಜಕಾರಣಿಗಳ ನೀರಿಳಿಸುವ, ಸೂಟುಬೂಟಿನ ಹಂಗಿಲ್ಲದೆಯೂ ತೆರೆಯಲ್ಲಿ ಆವರಿಸಿಕೊಂಡ  ಪ್ರಜ್ಞಾವಂತ (ಇತ್ತೀಚಿಗೆ ಪ್ರಜ್ಞೆ ಇಳಿಮುಖ ) ಪತ್ರಕರ್ತ ಎಚ್ ಆರ್ ರಂಗನಾಥ್ ಉರುಫ್ ರಂಗಣ್ಣ . ಇದು ”ರಂಗಮಂದಿರ”

ಸಾಮಾನ್ಯವಾಗಿ ಸಿನಿಮಾದವರು ಅಂದ್ರೆ ಅಯ್ಯೋ ಯಾರೋ ಬರಕೊಟ್ಟಿದ್ ಸ್ಕ್ರಿಪ್ಟ್ ಹೇಳೋದ್ರಲ್ಲಿ ಏನ್ ಮಹಾ ಬುದ್ಧಿವಂತಿಕೆ ಇದೆ ? ಯಾವುದಾದ್ರೂ ಸೋಶಿಯಲ್ ಇಶ್ಯೂ ಬಗ್ಗೆ ಕೇಳಿ ಬೆಬ್ಬೆ ಹೊಡೀತಾರೆ . ಈ ರೀತಿಯ ಮಾತುಗಳು ಮಾಧ್ಯಮ ವಲಯದಲ್ಲಂತೂ ಸರ್ವೇ ಸಾಮಾನ್ಯ . ಸಿನಿಮಾದವರನ್ನ ಸಂದರ್ಶನ ಮಾಡೋಕೆ ಎಡಿಟರ್ಗಳು ಬರೋದು ಅಷ್ಟರಲ್ಲೇ ಇದೆ.

ಹೆಚ್ಚು ಕಡಿಮೆ ಇಂಥದ್ದೇ ಮನಸ್ಥಿತಿಯಲ್ಲಿ ಕಾರ್ಯಕ್ರಮ ಶುರುಮಾಡಿದ ಶ್ರೀಮಾನ್ ರಂಗನಾಥ್ ಮೊದಲಲ್ಲೇ ಈ ರೀತಿಯ ಸಂದರ್ಶನ ನಾನು ಮಾಡುವುದಿಲ್ಲ ಆದರೂ ಹಾಕಿ ಬಿಟ್ಟಿದ್ದಾರೆ ಬಂದಿದ್ದೇನೆ ಅಂತಾನೆ ಹೇಳಿದ್ರು. ಸರೀನಪ್ಪಾ ಏನೀಗ ಮಾಡಿ ಯಾವ ಅಜೆಂಡಾ  ಇಲ್ಲದೆ ತಾವು ಇದನ್ನ ಮಾಡ್ತಿಲ್ಲ ಮಾಡಿ  ನೋಡೋಣ ಅಂತ ಅವರಂತೆ ವಿಶ್ಲೇಷಣಾ ಮನೋಭಾವದವರು ಅಂದುಕೊಂಡರೆ , ಅವ್ರು ಹೇಳಿದ್ದಕ್ಕೆಲ್ಲಾ ಗೋಣು ಆಡಿಸುವ ಮಂದಿ ಈಗ ನೋಡ್ತಾ ಇರಿ ನಮ್ ರಂಗಣ್ಣ ಹೆಂಗ್ ಬಡಿತಾರೆ ಇಬ್ಬರನ್ನು ಅಂತ ರಣೋತ್ಸಾಹದಲ್ಲಿ ಟೀವಿಗೆ ಕಣ್ಣು ನೆಟ್ಟಿದ್ದರು.

ಸರಿ .ಸಾಮಾನ್ಯವಾಗಿ ಅತಿಥಿಗಳನ್ನು ಪರಿಚಯ ಮಾಡಿಕೊಡಬೇಕು ಈ ಪ್ರಕರಣದಲ್ಲಿ ಅದರ ಅವಶ್ಯಕತೆ ಇಲ್ಲ.ಆದರೆ ನಿಮ್ಮ ಮುಂದೆ ಇಬ್ಬರನ್ನು ಹಾಜರು ಪಡಿಸಲೇಬೇಕು  ಎಂದ ಪ್ರಖಾಂಡ ಪತ್ರಕರ್ತರು ಅವರಿಬ್ಬರನ್ನು ಕಟಕಟೆಯಲ್ಲಿ ನಿಲ್ಲಿಸಿ ನೋಡಿ ಹ್ಯಾಗ್ ಬಡಿತೀನಿ ನಿಮ್ಮ ಹೀರೊಗಳನ್ನ ಅನ್ನುವಂಥ ಬಿಲ್ಡ್ ಅಪ್ ಅದ್ಯಾಕೆ ಕೊಟ್ಕೊಂಡ್ರೋ ಅವ್ರಿಗೇ ಗೊತ್ತು. ಪ್ರಕರಣ ಅನ್ನುವುದಿಕ್ಕೆ ಅಂಥಾ ಯಾವ ಘಟನೆಯೂ ನಡೆದಿರಲಿಲ್ಲ.

ದೇವರನ್ನ ನಂಬುತ್ತೀರಾ?

ಮೊದಲ ಪ್ರಶ್ನೆಗೆ ಉಪೇಂದ್ರ -“ಸಿನಿಮಾದಲ್ಲಾ ? ರಿಯಲ್ಲಾಗಾ ?   ದೇವರು ಅಂದ್ರೆ ಏನು ಅನ್ನೋದು ಮೊದಲು ಚರ್ಚೆಯಾಗಬೇಕು” ಅಂದುಬಿಟ್ಟು ಪ್ರತಿ ಅಸ್ತ್ರ ನಮ್ ಹತ್ರಾನು ಇದೆ ಸ್ವಾಮಿ ಅನ್ನುವಂತ ಸೂಚನೆ ಕೊಟ್ರಲ್ಲ.

ಸುದೀಪ್ ಮಾತ್ರ ಕೇಳಿದ ಪ್ರಶ್ನೆಗೆ ಕ್ಲಿಯರ್ ಕಟ್ ಆಗಿ ದೇವ್ರು ಅಂದ್ರೆ ನನ್ನ ಪಾಲಿಗೆ ನನ್ನ ತಂದೆ ತಾಯಿ ಅಂದ್ರಪ್ಪ.

ಅಲ್ಲಲಲಲ್ಲಾ ..ರಾಘವೇಂದ್ರಸ್ವಾಮಿ  ಪಾತ್ರ ಮಾಡ್ಬೇಕಾದ್ರೆ ರಾಜಕುಮಾರ್ಗೆ ಹೆಂಗೆಗೆ ಆಯ್ತು ಅಂತ ಅವ್ರು ಹೇಳಿದ್ದನ್ನ ಕೇಳಿದ್ದೀವಿ . ನಿಮಗೂ ಆ ಥರ ವೈಬ್ರೇಷನ್ನು ಏನಾರ ಆಯ್ತಾ ?

“ದೇವ್ರು ಅಂದಮೇಲೆ ನಂಗೆ ಎಲ್ಲ ಗೊತ್ತಿರಬೇಕಲ್ಲ . ಇವ್ರು ಹೇಳಕ್ಕಿಂತ ಮುಂಚೆನೇ ಗೊತ್ತಿರ್ಬೇಕು ” ಸುದೀಪ್ ಕೊಟ್ಟ ಉತ್ತರಕ್ಕೆ ರಂಗಣ್ಣ ಕಕ್ಕಾಬಿಕ್ಕಿಯಾಗಿದ್ದು  ಅವರ ಹ್ಹೆ ..ಹ್ಹೆ.. ತೋರಿಸ್ತಪ್ಪ.

ಹೀರೋಗಳು ಕೆಲವು ಸಾರಿ ದೇವ್ರಿಗಿಂತ ಮೇಲೆ ಅನ್ನೋ ಥರ ಆಡ್ತಾರಪ್ಪ ಯಾಕೆ ?

ಹೀರೋಗಳು ಅಂದ್ರೆ ? ಮತ್ತೆ ಪ್ರಶ್ನೆಗೇ ಪ್ರಶ್ನೆ ಎಸೆದ ಉಪೇಂದ್ರ ಅದ್ಸರಿ ಒಂದು ಮಾತು ಕೇಳ್ದೆ ಸಿನಿಮಾದವರ ಬಗ್ಗೆ ನಿಮಗೆ ಅಷ್ಟಕಷ್ಟೆ ಅಂತಲ್ಲ ಯಾಕೆ ? ಸ್ವಲ್ಪ ಹೇಳಿ ಸಾರ್ ಅಂದ್ರೆ ರಂಗಣ್ಣ ಮತ್ತೊಂದು ಪ್ರಶ್ನೆಯ ಮೊರೆಹೊಕ್ಕರಲ್ಲ .

ಈಗ ಜನರಲ್ ಆಗಿ ಕೇಳಿದ್ದೀರಾ ಜನರಲ್ ಆಗೇ ಹೇಳ್ತಿನಿ ಒಬ್ಬೊಬ್ಬರದು ಒಂದೊಂದು ದೃಷ್ಟಿ ಇರುತ್ತಪ್ಪಾ ಅಂತ ಉಪೇಂದ್ರ  ಬಗೆಬಗೆಯ ಉದಾಹರಣೆ ಕೊಡ್ತಿರ್ಬೇಕಾದ್ರೆ ಯಥಾಪ್ರಕಾರ ತನಗೆ ಬೇಕಾದ ಉತ್ತರ ಸಿಗದಿದ್ದಾಗ ಮಾತುಗಳನ್ನ ಮಧ್ಯಕ್ಕೆ ಕತ್ತರಿಸುವ ಚಾಳಿ (ಇದ್ದುದ್ದರಲ್ಲಿ ಬೇರೆ ಪತ್ರಕರ್ತರಿಗಿಂತ ವಾಸಿ ) ಮುಂದುವರೆಸಿ ಮತ್ತೊಂದು ದಾಳ ಬಿಟ್ಟರಲ್ಲ

“ನಮಗೂ ನಿಮಗೂ ಲವ್ ಅಂಡ್ ಹೇಟ್ ರಿಲೇಷನ್ ಶಿಪ್ ಬಿಡಿ “ಮತ್ತೆ ಒದ್ದೆ ಕಡ್ಡಿಗೀರಿದ ರಂಗಣ್ಣ

ಸರ್ ಲವ್ ಯಾಕೆ ಬರುತ್ತೆ  ? ಹೇಟ್ ಯಾಕೆ ಬರುತ್ತೆ  ? ಅದನ್ನ ಹೇಳ್ಬಿಡಿ ಈಗ ಅಂದ ಉಪೇಂದ್ರ ವೇಗಕ್ಕೆ ದಾರಿ ಕಾಣದಾಗಿದೆ ರಾಘವೇಂದ್ರನೆ ಅನ್ನೋ ಥರ  ರಂಗಣ್ಣ ಪಕ್ಕದ ಪ್ರಶ್ನೆಗೆ ಪಲ್ಟಿ ಹೊಡೆದು ಕಾವೇರಿ ಕಾಪಾಡು ಅಂತ ಹಳೆ ಕಥೆ ಕಡೆ ತಿರುಗಿ ಬಿಡೋದೆ !?

ಅದ್ಸರಿ ee hero thought that they are elivated to gods position .hence they treat everybody smaller mortals ಎಲ್ಲರನ್ನು ಅವರಿಗಿಂತ ಕೆಳಗಿನವರು ಅನ್ನೋ ಥರ ಅನ್ಕೋಡಿದ್ದಾರೆ ಹೀರೋಗಳು ಅಂತ ನಾವು ಅನ್ಕೊಂಡಿದ್ದೀವಿ

ಅಲ್ಲ ಸಾರ್ ಅನ್ಕೋಳ್ಳೋವರಿಗೇನು ಏನು ಬೇಕಾದ್ರು ಅನ್ಕೋತಾರೆ .ಈಗ ನೀವು ಯಾರಿಗಾದ್ರೂ ಬೈತಿದ್ರೆ ಏನಪ್ಪಾ ಇದು ಹಿಂಗ್ ಮಾತಾಡ್ತಾರೆ ಅಂತ ನಿಮ್ಮನ್ನೇ ಅನ್ನಲ್ವಾ ? ಈಗ ಹತ್ತಿರದಿಂದ ನಿಮ್ಮನ್ನ ತಿಳ್ಕೊಂಡ್ ಮೇಲೆ ತಾನೇ ರಂಗನಾಥ್ ಏನು ಅಂತ ಗೊತ್ತಾಗೋದು ? judgmental ಆಗಿರೋದೇ ದೊಡ್ಡ ಪ್ರಾಬ್ಲಮ್ಮು. ಅದ್ಕೆ ದೊಡ್ಡವರು ಒಂದು ಬೆರಳು ಬೇರೆಯವರ ಕಡೆ ತೋರಿಸಿದ್ರೆ ಉಳಿದ ನಾಲ್ಕು ಬೆರಳು ನಿನ್ನ ಕಡೆಗೇ ತೋರಿಸುತ್ತವೆ .ಪ್ರಪಂಚದ ಬಗ್ಗೆ ಮಾತಾಡೋಕ್ಕಿಂತ ನಮ್ಮನ್ನ ನಾವು ಕರೆಕ್ಟ್ ಮಾಡ್ಕಳಾಣ ಅನ್ನಿಸುತ್ತೆ ಅಲ್ವಾ ಸರ್ ?

ಮತ್ತೆ ಉತ್ತರದೊಳಗೆ ಪ್ರಶ್ನೆ ಹುಟ್ಟಿಸಿ ನಗ್ತಾ ನಗ್ತಾ ಕಾಲೆಳಿತಿದ್ದ ಉಪ್ಪಿಯ ಬುದ್ಧಿವಂತಿಕೆಗೆ ಮಂದಿರದ ರಂಗನೂ ತಲೆದೂಗಲೇ ಬೇಕು ಅಂದಮೇಲೆ ನರಮಾನವ ನಮ್ಮ ರಂಗುರಂಗು ಮಾತಿನ ರಂಗಣ್ಣ ಮಂಕಾಗಿ “ಟ್ರೂ ” ಅನ್ನದೆ ಬೇರೆ ದಾರಿ ಏನಿತ್ತು ?

ಕೆಳಗೆ ಬಿದ್ದರು ಜಟ್ಟಿ ಮೀಸೆ ಮಣ್ಣಾಗಲಿಲ್ಲ ಜಾತಿಯ ರಂಗಣ್ಣ ಹಾ .. ಆರಂಭದಲ್ಲಿ ಎಲ್ಲಾ ಚೆನ್ನಾಗೇ ಇರತ್ತೆ.middle ನಲ್ಲಿ ಒಂದು ನಾಲ್ಕೈದು ಫಿಲಂ ಆದ್ಮೇಲೆ ಏನೋ ಆಟ ಆಡ್ತಾರಪ್ಪ ಅನ್ನಿಸತ್ತೆ . ನಿಮಗನ್ನಿಸಲ್ವಾ ? (ಇತ್ತೀಚಿನ ಬೆಳವಣಿಗೆ ಗಮನಿಸಿದ ಎಲ್ಲರಿಗು ಅರ್ಥವಾಗುವ ಯಶೋಬಾಣವಿದು )

ಸ್ವಲ್ಪ ಖಡಕ್ ಆಗಿ ಸುದೀಪ್ ಯಾರು ಆಟ ಆಡ್ತಾರೆ ? ಅಂದರೂ ಉಪೇಂದ್ರ ಮಾತ್ರ “ಚೆನ್ನಾಗೇ ಇರುತ್ತಲ್ಲ ಸಾರ್ . ಈಗ ಒಂದು ಪಿಕ್ಚರ್ ಬಿಗಿನಿಂಗ್ ಇಂದ ಕಡೆವರೆಗೂ ಎಲ್ಲಾ ಚೆನ್ನಾಗಿದ್ರೆ ನೀವು ನೋಡ್ತೀರಾ ? ಪ್ರಾಬ್ಲೆಮ್ಸ್ ಬರ್ಬೇಕು .ಘಟನೆಗಳಿಗೆ ತಿರುವು ಸಿಗ್ಬೇಕು .ಆಮೇಲೆ ಸರಿಹೋಗಬೇಕು ಆಗ್ಲೇ ಅಲ್ವ ಚೆನ್ನಾಗಿದೆ ಅನ್ನೋದು ಜನ. ಲೈಫು ಅದೇ ಥರ ಅಲ್ವಾ? ಒಬ್ಬೊಬ್ಬರೂ ಒಂದೊಂದು ರೀತಿ ಅದೇ ಮಜಾ ಅಲ್ವಾ ? ಇಲ್ಲದಿದ್ರೆ ಮಾತಾಡಕ್ಕೆ ವಿಷಯಾನೇ ಸಿಕ್ತಾ ಇರಲಿಲ್ಲ . ಮಾರ್ಮಿಕವಾಗಿ ಹೇಳಿದರೂ ಮಾತಿನ ಚಾಟಿ ಸರಿಯಾಗೇ ಬಡಿದಿತ್ತು .

ಆದರೂ ಪಟ್ಟು ಬಿಡದ ಪತ್ರಕರ್ತರು ನಾನಿಲ್ಲದಿದ್ದರೆ ನಿಮ್ಮ ಟೀವಿಗೆ trpನೇ ಇಲ್ಲ ಅಂತ ನನಗೇ ಹೇಳಿದ್ರು ಗೊತ್ತಾ?

ಅದೂ ಕೂಡ ಮಜಕ್ಕೆ ಹೇಳಿದ್ದಾರೆ ಸರ್ ಉಪ್ಪಿ ವರಸೆ ಗೆ ತಬ್ಬಿಬ್ಬಾದರು ತೋರಿಸಿಕೊಳ್ಳದೆ ಈಗ.. ನನ್ನ ಕಲ್ಪನೆಯಲ್ಲಿ ಹೀರೋ ಈ ಥರ ಇರ್ಬೇಕು ಅಂತ ಇದೆಯಾ ನಿಮಗೆ  ಹೇಳಿ ?

ನೋಡಿ ನೋಡಿ ಸಾಕಾಗಿದ್ದ ಸುದೀಪ್ ನನಗೆ ೨ ನಿಮಿಷ ಯಾವುದೇ ಡಿಸ್ಟಿರ್ಬೇನ್ಸ್ ಇಲ್ಲದ ರೀತಿ ಮಾತಾಡೋಕೆ ಬಿಟ್ರೆ ಉತ್ತರ ಕೊಡ್ತೀನಿ .ಆವಾಗಿಂದ ಯಾವ ಉತ್ತರವನ್ನು ಕಂಪ್ಲೀಟ್ ಮಾಡಕ್ಕೆ ಆಗಿಲ್ಲ .

ಸರಕ್ಕನೆ ಬಂದ ಸುದೀಪ್ ಅಸ್ತ್ರಕ್ಕೆ ಪೆನ್ನು ಪಕ್ಕಕ್ಕಿಟ್ಟು ಬೊಂಬಾಯಿ  ಬಾಯಿಗೆ ಬೀಗ ಜಡಿದು  ಕೈ ಕಟ್ ಬಾಯ್ ಮು ಚ್  ಆದರಲ್ಲ ರಂಗಣ್ಣ !

ನಾನು ಒಳ್ಳೆ ಸಿನಿಮಾ ಮಾಡಿದ್ದಕೆ ಫ್ಯಾನ್ಸ್ ಬಂದರೇ ಹೊರತು ಫ್ಯಾನ್ಸ್ ಬಂದ ಮೇಲೆ ನಾನು ಸಿನಿಮಾ ಮಾಡಲಿಲ್ಲ. ಬೇರೆ ಕಡೆ ಡೈವರ್ಟ್  ಆಗೋಕೆ ಹೋದ್ರೆ ಎಲ್ಲ ಕಳೆದು ಕೊಳ್ತೀನಿ . ನಂಗೊತ್ತಿರೋದು ಸಿನಿಮಾ ಚೆನ್ನಾಗಿ ಮಾಡ್ಬೇಕು ಅಷ್ಟೆ .ಫ್ಯಾನ್ಸ್ ಮತ್ತು ಹೀರೋಗಳು ಒಟ್ಟಿಗೆ ಬೆಳೀತಾರೆ .ಆಮೇಲೆ ಹೀರೋಗೆ ಲಾಯಲ್ ಆಗ್ತಾರೆ. ನಾನು ದರ್ಶನ್ ,ಪುನೀತ್ ಒಟ್ಟಿಗೆ ಬಂದ್ವಿ. ಸ್ಪರ್ಧೆ ಇದೆ ಆದ್ರೆ ಟಾಂಟ್ ಗೀನ್ಟ್ ಕೊಟ್ಕೊಂಡು ಬೆಳೀಲಿಲ್ಲ. ಕನ್ನಡ ಚಿತ್ರರಂಗದಲ್ಲಿ ನಾವೆಲ್ಲ ಒಂದೇ .

ಸುದೀಪ್ ಇಂಥಾ ನಿಖರ ಉತ್ತರ ಕೊಟ್ಟ ಮೇಲೆ ಮುಂದಿನ  ವಿವಾದದ ಹುಟ್ಟಿಸುವ middle ಲೀಡರ್ ,ಜೂನಿಯರ್ ಲೀಡರ್ ಪ್ರಶ್ನೆಗಳು ಬಂದ ದಾರಿಗೆ ಸುಂಕವಿಲ್ಲದೆ  ಖಾಲಿ ಕೈಯಲ್ಲಿ ಹೋದವಲ್ಲ .

ಉಪೇಂದ್ರ ವ್ಯವಸ್ಥೆ ಯ ಬಗ್ಗೆ ಸಿನಿಮಾದಲ್ಲಿ ಮಾತಾಡ್ತಿರಲ್ಲ ಲೀಡರ್ ಆಗ್ಬೇಕು ಅಂದ್ಕೊಂಡಿದ್ದೀರಾ ?

ಲೀಡರು ನಾವ್ ಆಗೋದಲ್ಲ . ಎಲ್ಲ ತಿಳ್ಕೊಂಡಿರೋದು ಲೀಡರ್ ಅನ್ನೋದು ನಾವ್ ಮಾಡ್ಕೊಳ್ಳೋದು  ಅಂತ .ಆದ್ರೆ ಅದು ಆಗೋದು . ಜನ ಮಾಡೋದು .ಆ ಗುಣಗಳು ಬರ್ತಿದ್ದ ಹಾಗೆ ಆ ದಾರಿಯಲ್ಲಿ ಹೋಗ್ಬಿಡ್ತಾರೆ .ಇದೆಂಗಪ್ಪ ಮತ್ತೆ ಕನ್ಫ್ಯೂಷನ್ನು ಅನ್ನಬೇಡಿ .ಸತ್ಯ ಹೇಳಿದಾಗೆಲ್ಲ ಕನ್ಫ್ಯೂಶನ್ನೇ . ಇನ್ನು ಸ್ವಲ್ಪ ಕನ್ಫ್ಯೂಶನ್ ಮಾಡ್ಲಾ ?

ಇನ್ನು ನನ್ನ ಲೈಫನಲ್ಲಿ ನಾನು ನಿಮ್ಮ ಹತ್ತಿರ ಕನ್ಫ್ಯೂಶನ್ ಪದ ಬಳಸಲ್ಲ ಆಯ್ತಾ ಅಂತ ಕೈ ಚೆಲ್ಲಿ ಠುಸ್ ಆಯಿತಲ್ಲ ನಮ್ಮ  ಬಿಗ್ ಬುಲೆಟು !!

ಹೀಗೆ ಒಂದಾ? ಎರಡಾ ? ರಂಗಮಂದಿರದೊಳೆಗೆ ರಂಗಣ್ಣನನ್ನೇ ಕಟ್ಟಿ ಹಾಕಿದರು ಮುಕುಂದ ಮುರಾರಿ . ರಂಗಣ್ಣ  ಅನುಭವ,ಅಧ್ಯಯನದಿಂದ ಎದುರಿದ್ದವರ ಎಡೆಮುರಿ ಕಟ್ಟಿರುವುದು ಉಂಟು . ಅನೇಕ ಜನಸಾಮಾನ್ಯರ ಅಚ್ಚುಮೆಚ್ಚಿನ ಪತ್ರಕರ್ತ ನಾಗಿರುವುದು ನಿಜ. ಆದ್ರೆ ಈ ಮಂದಿರದಲ್ಲಿ ರಂಗನೆದುರಿಗೆ ಇದ್ದವರು ರಂಗನಾಥ್ ಜೀ ಇವತಿಂದಿವ್ಸ ಏನಾಗಿದೆ ಅಂದ್ರೆ .. ಅಂತ ಮಾತು ಮಾತಿಗೆ ನೀರು ಬಿಡುವ ಸಚಿವರಾಗಲಿ , ಬ್ರದರ್ ಬ್ರದರ್ ಅಂತ ಪತರ್ ಗುಟ್ಟುವ ರಾಜಕಾರಣಿಗಳಾಗಲಿ ಇರಲಿಲ್ಲ . ಇದ್ದವರು ಸ್ವಂತ ಶಕ್ತಿ ಇಂದ  ಹಲವಾರು ಏಳುಬೀಳುಗಳನ್ನು ಕಂಡು ಕಲೆಯಲ್ಲೇ ಬದುಕನ್ನು ಅರಳಿಸಿಕೊಂಡ ಪ್ರತಿಭಾವಂತ ಕಲಾವಿದರು . ಚಿತ್ರ ನೋಡದೆ , ವಿಷಯ ತಿಳಿದುಕೊಳ್ಳದೆ ಮಾತಾಡುವ ಎಷ್ಟೋ ಜನ ಪತ್ರಕರ್ತರಿಗೆ ಹೋಲಿಸಿದರೆ ರಂಗಣ್ಣ ನೂರು ಪಾಲು ವಾಸಿ . ತಲೆಯಲ್ಲಿ ಬುದ್ದಿ ಇದ್ದರೆ , ಮೈ ಮೇಲೆ ಸಾಧಾರಣ ಬಟ್ಟೆ ಇದ್ದರೂ ತೆರೆಯ ಮೇಲೆ ಬೆಳಗಬಹುದು ಅನ್ನುವುದನ್ನು ಸಾಧಿಸಿರುವುದೂ ನಿಜವೇ . ಆದ್ರೆ ಇತ್ತೀಚೆಗೆ ಯಾಕೋ ಬುದ್ಧಿ ಮಂಕಾದ ಹಾಗೆ ಕಾಣುತ್ತಿದೆ. ಯಾರೋ ಹೇಳಿದ್ದು ಕೇಳಿ 2000ದ ಹೊಸ ನೋಟಿನೊಳಗೆ ನ್ಯಾನೋ ಚಿಪ್ ಸೇರಿದೆ ಅಂತ ನಗ್ನಗ್ತಾ ಹೇಳಿ ನಂಬಿದವರನ್ನ ಬೆಪ್ಪು ತಕಡಿಗಳನ್ನಾಗಿಸಿದರಲ್ಲ . ಅದೇ ಹಾದಿ ಮುಂದುವರೆದಂತೆ ರಂಗಮಂದಿರದಲ್ಲಿ ತಾವೇ ಎಸೆದ ಪ್ರಶೆಗಳ ಒಳಗೆ ತಮ್ಮನ್ನೇ ಸಿಕ್ಕಿಸುತ್ತಾ ಪ್ರಶ್ನೆಗೆ ಪ್ರತಿ ಪ್ರಶ್ನೆ ಎಸೆದ ಬುದ್ಧಿವಂತರ ಮುಂದೆ ಮಖಾಡೆ ಮಲಗುವಂತಾಯ್ತಲ್ಲ!!

-ಭಾನುಮತಿ ಬಿ ಸಿ

 

 

 

 

 

Like Us, Follow Us !

121,079FansLike
1,815FollowersFollow
1,346FollowersFollow
1,650SubscribersSubscribe

Trending This Week