23 C
Bangalore, IN
Tuesday, March 26, 2019
Home ಸಿನಿಮಾ ನ್ಯೂಸ್

ಸಿನಿಮಾ ನ್ಯೂಸ್

CiniAdda.com -  Kannada New Movies

  • Get latest Kannada New Movies & Films Releases from CiniAdda.com.
  • Trailers & Teasers.
  • Reviews & Ratings

ರಜನಿ ರಾಜಕೀಯ ಕನ್ನಡಿಗರಿಗೆ ಕಂಟಕ ?

ತಮಿಳುನಾಡಿನಲ್ಲಿ ಸೂಪರ್ ಸ್ಟಾರ್ ಆಗಿರುವ ರಜನಿಕಾಂತ್ ರಾಜಕೀಯ ಪ್ರವೇಶ ಸನಿಹ ಆಗ್ತಿದೆ. ಈಗಾಗಲೇ ಒಂದು ಸುತ್ತಿನ ಅಭಿಮಾನಿಗಳ ಸಭೆ ನಡೆಸಿರುವ ತಲೈವಾ ಎರಡನೇ ಸುತ್ತಿನ ಮಾತುಕತೆಗೆ ವೇದಿಕೆ ಸಜ್ಜು ಮಾಡುತ್ತಿದ್ದಾರೆ. ಜುಲೈ, ಆಗಸ್ಟ್ ತಿಂಗಳಲ್ಲಿ ಸಭೆ, ಚರ್ಚೆಗಳು ನಡೆದು ಒಂದು ಅಂತಿಮ ನಿರ್ಧಾರಕ್ಕೆ ಬರಲಿರುವ ರಜನಿ ಸೆಪ್ಟೆಂಬರ್ ನಲ್ಲಿ ಹೊಸ  ಪಕ್ಷದ ಸ್ಪಷ್ಟ ಚಿತ್ರಣ ನೀಡಲಿದ್ದಾರೆ. ಪ್ರಾದೇಶಿಕ ಪಕ್ಷ ಸ್ಥಾಪನೆ ಮಾಡಲಿದ್ದಾರೆ ಅನ್ನೋ ಮಾತುಗಳು ಕೇಳಿ ಬಂದಿದ್ದು, ತಮಿಳುನಾಡಿಗೆ ಮಾತ್ರ ಸೀಮಿತವಾಗಿರಲ್ಲ  ಎಂಬ ಮಾತುಗಳು ಕೇಳಿ ಬಂದಿವೆ.ಯಾವ  ರಾಷ್ಟ್ರೀಯ ಪಕ್ಷಕ್ಕೂ ಗೆಲುವಿನ ರುಚಿ ಕಾಣಿಸದೆ  ತಮ್ಮದೇ ಪ್ರಾದೇಶಿಕ ಪಕ್ಷ ದ ಮೂಲಕ ಕೇಂದ್ರದಲ್ಲಿ ಚುಕ್ಕಾಣಿ ಹಿಡಿಯುವ ಪಕ್ಷದಿಂದ ತನ್ನ ಕೆಲಸ ಮಾಡಿಸಿಕೊಳ್ಳುವ ಪರಿಪಾಠ ತಮಿಳುನಾಡಿನಲ್ಲಿದೆ. ತಮಿಳಿನ ಜನ ಇದುವರೆಗೆ ಬಹುತೇಕ ಬೆಂಬಲಿಸಿರುವುದು ಪ್ರಾದೇಶಿಕ ಪಕ್ಷವನ್ನೇ .ಇದನ್ನರಿತಿರುವ ಬಿಜೆಪಿ ರಜನಿಯಿಂದ ಪಕ್ಷ ಸ್ಥಾಪಿಸಿ ತಾನು ಸೂತ್ರದಾರನಾಗುವ ಯೋಜನೆ ಇರುವುದನ್ನು ಅಲ್ಲಗಳೆಯುವಂತಿಲ್ಲ.

ರಜನಿಕಾಂತ್ ಸಿಎಂ ಆದರೆ ಕನ್ನಡಿಗರಿಗೂ ಹೆಮ್ಮೆ..

ಕರ್ನಾಟಕದಲ್ಲಿ ಹುಟ್ಟಿ ಬೆಳೆದ ಜನ ಪ್ರಪಂಚದ ಯಾವುದೇ ಮೂಲೆಯಲ್ಲಿ ಇದ್ದುಕೊಂಡು ಏನಾದರೂ ಸಾಧನೆ ಮಾಡಿದರೆ ನಾವೇ ಆ ಸಾಧನೆ ಮಾಡಿದ ಸಂಭ್ರಮ ನಮ್ಮದು. ನಮ್ಮ‌ಕರ್ನಾಟಕದ ನಂಟಿದೆ ಅಂದರೆ ನಮ್ಮವರು ಅನ್ನೋ ಭಾವನೆಯಲ್ಲಿ ಪತ್ರಿಕೆಗಳು ಬರೆಯುತ್ತವೆ, ಸುದ್ದಿ ಮಾಧ್ಯಮಗಳು ಸುದ್ದಿ ಮಾಡುತ್ತವೆ, ಜನರೂ ಹಾಗೆ ಮಾತನಾಡಿಕೊಳ್ತಾರೆ. ಪಕ್ಕದ ರಾಜ್ಯದಲ್ಲಿ ರಜನಿಕಾಂತ್ ಮುಖ್ಯಮಂತ್ರಿಯಾಗಿ ಅಧಿಕಾರ ಸ್ವೀಕಾರ ಮಾಡ್ತಿದ್ದಾರೆ ಅಂದ್ರೆ ಕರ್ನಾಟಕದಲ್ಲಿ ಅದೆಷ್ಟೋ ಮಂದಿ ಸಂತೋಷ ಪಡ್ತಾರೆ. ಅದೇ ರೀತಿ ಇನ್ನೊಂದಿಷ್ಟು ಮಂದಿ ಸಂಕಟವನ್ನೂ ಪಡ್ತಾರೆ. ಇಷ್ಟ ಪಡ್ತಿದ್ದ ತಲೈವಾರನ್ನು ವಿರೋಧಿಸಲು ಶುರು ಮಾಡ್ತಾರೆ. ಸೂಪರ್ ಸ್ಟಾರ್ ಪಟ್ಟವನ್ನು ಪಕ್ಕಕ್ಕಿಟ್ಟು ಮಾತನಾಡಲು‌ ಶುರು ಮಾಡ್ತಾರೆ.

ರಜನಿ ಸಿಎಂ ಆದ್ರೆ ಕನ್ನಡಿಗರಿಗೆ ಏಕೆ ಕಷ್ಟ..?

ರಜನಿ ಸಿಎಂ ಆದ್ರೆ ಕನ್ನಡಿಗರು ಹೆಮ್ಮೆ ಪಡುವ ವಿಚಾರದಲ್ಲಿ ಕೋಪ ಯಾಕೆ. ? ಅನ್ನೋ ಪ್ರಶ್ನೆಯನ್ನು ಕೇಳ್ತಿದ್ದ ಹಾಗೆ ಹೌದಲ್ವಾ‌ ಅಂತ ಎಲ್ಲರೂ ಚಿಂತಿಸಲು ಶುರು ಮಾಡಿದ್ರಿ.‌ ರಜನಿಕಾಂತ್ ಕರ್ನಾಟಕದಲ್ಲಿ ಹುಟ್ಟಿ ಇಲ್ಲೇ ಬಿಎಂಟಿಸಿಯಲ್ಲಿ ಕಂಡೆಕ್ಟರ್ ಆಗಿ ಕೆಲಸ ಮಾಡುತ್ತಿದ್ದ ಓರ್ವ ಸಾಮಾನ್ಯ ಮನುಷ್ಯ. ಅವರಿಗಿದ್ದ ಸಿನಿಮಾ ಮೋಹ ಮದ್ರಾಸ್ ತನಕ ಕರೆದೊಯ್ದು ಅಲ್ಲಿ ಉನ್ನತ ಪಟ್ಟವನ್ನು ಕೊಡ್ತು. ಆದ್ರೀಗ ಚಿತ್ರೋದ್ಯಮ ಬಿಟ್ಟು ರಾಜಕೀಯಕ್ಕೆ ಬರುತ್ತಿರೋದು ಕನ್ನಡಿಗರ ಪಾಲಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ. ಕಾರಣ ಅಂದ್ರೆ ತಮಿಳುನಾಡಿನ ರಾಜಕೀಯ ಇತಿಹಾಸ.

ರಜನಿ ರಾಜಕೀಯ ಕನ್ನಡಿಗರಿಗೇಕೆ ಕಷ್ಟ..?

ರಜನಿ ರಾಜಕಾರಣಕ್ಕೆ ಧುಮುಕಿ, ಹೊಸ ಪಕ್ಷ ಸ್ಥಾಪನೆ ಮಾಡಿದ್ರೆ, ರಜನಿ ಸಿಎಂ ಆಗೋದ್ರಲ್ಲಿ ಯಾವುದೇ ಸಂಶಯವಿಲ್ಲ. ತಮಿಳುನಾಡಿನ ಜನ ಸಿನಿಮಾ ಸ್ಟಾರ್ ಗಳು ಅಂದ್ರೆ ದೈವೀ ಸಂಭೂತರು, ನಮ್ಮನ್ನು ಉದ್ದಾರ ಮಾಡಲೆಂದೇ ಭೂಮಿಗೆ ಬಂದಿರುವ ಸ್ವರ್ಗಾಧಿಪತಿಗಳು ಅನ್ನೋ ಭಾವನೆಯಲ್ಲಿ ಇರ್ತಾರೆ. ಅದಕ್ಕೆ ಎಂಜಿಆರ್ ,ಜಯಲಲಿತಾ ಅಂಥವರ ಆಯ್ಕೆಗಳೇ ಸಾಕ್ಷಿ .  ಅಲ್ಲಿ ಮುಂದಿನ ಬಾರಿ ರಜನಿಕಾಂತ್ ಸಿಎಂ ಆದರೆ ಕರ್ನಾಟಕದ ಮೇಲೆ ಕೆಂಗಣ್ಣು ಬೀರೋದು ಸಹಜ. ಈಗಾಲೇ ಕರ್ನಾಟಕದ ಮಗಳು ಎನಿಸಿಕೊಂಡಿದ್ದ ಜೆ ಜಯಳಿತಾ ಕೂಡ ಕನ್ನಡಿಗರನ್ನು ಕಂಡರೆ ಕೆಕ್ಕರಿಸಿಕೊಂಡು ನೋಡುತ್ತಿದ್ದರು. ತಮಿಳಿಗರನ್ನು ಓಲೈಕೆ ಮಾಡಲು ಕನ್ನಡಿಗರನ್ನ ಅತಿಯಾಗಿ ಹಿಂಸೆಗೆ ನೂಕುತ್ತಿದ್ದರು. ಅವಶ್ಯಕತೆ ಇಲ್ಲದಿದ್ದರೂ ಕಾವೇರಿ ವಿಚಾರದಲ್ಲಿ ಕೋರ್ಟ್‌ನಲ್ಲಿ ಒಂದು ಅರ್ಜಿ ಹಾಕೋದು. ನಾನು ತಮಿಳಿಗರ ಪರ ಅಂತ ತೋರಿಕೆಗೆ ಏನೆಲ್ಲಾ ಬೇಕು ಅದನ್ನು ಮಾಡುತ್ತಿದ್ದರು. ಇದೀಗ ರಜನಿ ಸಿಎಂ ಆದರೂ ಅದನ್ನೆಲ್ಲಾ ಮಾಡಲೇ ಬೇಕು. ಇಲ್ಲದಿದ್ದರೆ ಕರ್ನಾಟಕ ಮೂಲದ ರಜನಿಕಾಂತ್ ಕನ್ನಡಿಗರ ಪರ ಅನ್ನೋ ಮಾತುಗಳು ಕೇಳಿ ಬರುತ್ತವೆ. ಇದಕ್ಕಾಗಿ ಕನ್ನಡಿಗರಿಗೆ ನಿರಂತರವಾಗಿ ಕಿರಿಕಿರಿ ಮಾಡುತ್ತಲೇ ಇರಬೇಕಾಗುತ್ತದೆ ರಜನಿಕಾಂತ್.

ವಿರೋಧ ಕಟ್ಟಿಕೊಳ್ಳಲು ಸಜ್ಜಾಗಿದ್ದಾರಾ ತಲೈವಾ

ರಜನಿಕಾಂತ್ ಸ್ವಭಾವತಃ ಸೂಕ್ಷ್ಮ ವ್ಯಕ್ತಿತ್ವದವರು. ಯಾರ ಮನಸ್ಸಿಗೂ ನೋವು ಮಾಡಬಾರದು, ಅವರಿಗೆ ಹಿಂಸೆ ಆದರೆ ದೇವರು ಮೆಚ್ಚುವುದಿಲ್ಲ ಎನ್ನುವ ರೀತಿ ಬದುಕುತ್ತಿದ್ದಾರೆ. ಅದರಲ್ಲೂ ಹಿಮಾಲಯದ ಬಾಬಾ ಆಶೀರ್ವಾದ ಆದ ಬಳಿಕ ರಾಜಕೀಯ ಪಕ್ಷ ಘೋಷಣೆ ಎನ್ನಲಾಗುತ್ತಿದೆ. ಈ ರೀತಿ ಇರುವ ರಜನಿಕಾಂತ್ ಅಧಿಕಾರದ ಮೋಹಕ್ಕಾಗಿ ತಮ್ಮ ವ್ಯಕ್ತಿತ್ವವನ್ನೇ ಬದಲಾವಣೆ ಮಾಡಿಕೊಳ್ತಾರಾ..? ಕರ್ನಾಟಕಕ್ಕೆ ಬರುವಾಗ ಜೊತೆಯಲ್ಲೇ ಒಂದು ಕುರ್ಚಿಯನ್ನೂ ಜೊತೆಗೆ ತಂದಿದ್ದ ಜಯಲಲಿತಾ ಅವರ ಹಾಗೆ ರಜನಿಕಾಂತ್ ಕೂಡ ನಡೆದುಕೊಳ್ತಾರಾ..? ಕನ್ನಡಿಗರ ವಿರೋಧ ಕಟ್ಟಿಕೊಳ್ಳಲು ರಜನಿ ರೆಡಿಯಾಗಿದ್ದಾರಾ ಅನ್ನೋ ಭಾವನೆ ಕನ್ನಡಿಗರಲ್ಲಿ ಮೂಡಿದೆ. ಒಂದು ವೇಳೆ ರಜನಿಕಾಂತ್ ಸಿಎಂ ಆಗಿ ಕಿರಿಕಿರಿ ಅನುಭವಿಸುವ ಬದಲು ಬೇರೆ ಯಾರಾದರೂ ಸಿಎಂ ಆಗಲಿ. ರಜನಿಕಾಂತ್ ಮೇಲಿರುವ ನಮ್ನ ಅಭಿಮಾನ ಹಾಳಾಗದಿರಲಿ ಅನ್ನೋ ಅಭಿಪ್ರಾಯವೂ ಕೆಲವರಲ್ಲಿದೆ. ಮುಂದಿನ ದಿನಗಳಲ್ಲಿ ಈ ಪ್ರಶ್ನೆಗಳಿಗೆಲ್ಲಾ ಉತ್ತರ ದೊರಕಬೇಕಿದೆ..

ಜ್ಯೋತಿ ಎಂ ಗೌಡ

ಕಿರುತೆರೆ ಕಲಾವಿದ ಅಮಿತ್ ಟಂಡನ್ ಪತ್ನಿ ರೂಬಿ ಬಂಧನ

ಖ್ಯಾತ ಕಿರುತೆರೆ ಕಲಾವಿದ ಅಮಿತ್ ಟಂಡನ್ ಅವರ ಪತ್ನಿ ರೂಬಿಯನ್ನು ಪೊಲೀಸರು ದುಬೈನಲ್ಲಿ ಬಂಧಿಸಿದ್ದಾರೆ.

ಚರ್ಮರೋಗ ತಜ್ಞೆಯಾಗಿರುವ ರೂಬಿ ಬಂಧನಕ್ಕೆ ಒಳಗಾಗಿ ದುಬೈ ಜೈಲಿನಲ್ಲಿದ್ದಾರೆ. ದುಬೈನ ಆರೋಗ್ಯ ಪ್ರಾಧಿಕಾರದಲ್ಲಿ ಕೆಲಸ ಮಾಡುತ್ತಿರುವ ರೂಬಿ ವಿರುದ್ಧ ಕೇಸ್ ದಾಖಲಾಗಿದ್ದು, ಇದೇ ಕಾರಣಕ್ಕೆ ಆಕೆಯನ್ನು ಬಂಧಿಸಿ, ಅಲ್ ರಫಾ ಜೈಲಿನಲ್ಲಿರಿಸಲಾಗಿದೆ. ಅಮಿತ್ ಟಂಡನ್ ಈ ಕುರಿತು ಪ್ರತಿಕ್ರಿಯೆ ನೀಡಿದ್ದು, ಮುಂದಿನ ವಾರ ದುಬೈಗೆ ಹೋಗಿ ರೂಬಿ ಅವರನ್ನು ಕರೆತರಲು ಪ್ರಯತ್ನಿಸುತ್ತೇನೆ ಎಂದು ತಿಳಿಸಿದ್ದಾರೆ. ಸುಳ್ಳು ಆರೋಪದ ಮೇಲೆ ರೂಬಿಯನ್ನು ಬಂಧಿಸಲಾಗಿದೆ. ಜಾಮೀನು ಕೂಡ ನಿರಾಕರಿಸಲಾಗಿದೆ ಎಂದು ಅಮಿತ್ ಹೇಳಿದ್ದಾರೆ.

ಇಂಡಿಯನ್ ಐಡಲ್ ನೊಂದಿಗೆ ಜನಪ್ರಿಯರಾಗಿದ್ದ ಅಮಿತ್ ಟಂಡನ್ ಮತ್ತು ರೂಬಿ ದಂಪತಿಗೆ ಒಬ್ಬಳು ಪುತ್ರಿಯಿದ್ದಾಳೆ. ಈ ದಂಪತಿ ನಡುವೆ ವಿರಸ ಮೂಡಿದ್ದು, ವಿಚ್ಛೇದನ ನೀಡಲಿದ್ದಾರೆ ಎಂದು ಹಿಂದೆ ಸುದ್ದಿಯಾಗಿತ್ತು

“ಚಮಕ್” ಚಿತ್ರ ವಿಮರ್ಶೆ ವೀಡಿಯೊ

ನಟಿ ಅವಂತಿಕಾ ಮೇಲೆ ಲೈಂಗಿಕ ಕಿರುಕುಳ ? ಗೋಲ್ಡ್ ಫಿಂಚ್ ಹೋಟೆಲ್ನಲ್ಲಿ ನಡೆದಿದ್ದೇನು ?

ರಂಗಿತರಂಗ, ಕಲ್ಪನಾ ೨ ಚಿತ್ರದಲ್ಲಿ ಅಭಿನಯಿಸಿ  ಮೆಚ್ಚುಗೆ ಗಳಿಸಿದ್ದ ಅವಂತಿಕಾ ಶೆಟ್ಟಿ “ರಾಜು ಕನ್ನಡ ಮೀಡಿಯಂ”  ಚಿತ್ರದ ನಿರ್ಮಾಪಕ ಸುರೇಶ ಹಾಗು ಸೆಟ್ ನಲ್ಲಿದ್ದ ಹುಡುಗರ ಮೇಲೆ ಲೈಂಗಿಕ ಕಿರುಕುಳದ ಗಂಭೀರ ಆರೋಪ ಮಾಡಿದ್ದಾರೆ.

ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಹೆಣ್ಣುಮಕ್ಕಳು  ಚಿತ್ರರಂಗದಲ್ಲಿ ನಿಜಕ್ಕೂ ಸೇಫ್ ಆಗಿದ್ದಾರಾ? ಅನ್ನುವಂಥ ಶೀರ್ಷಿಕೆ ಅಡಿಯಲ್ಲಿ ನಿರ್ಮಾಪಕ ಸುರೇಶ್ ವಿನಾಕಾರಣ ತನ್ನ ವ್ಯಕ್ತಿತ್ವಕ್ಕೆ ಧಕ್ಕೆ ಬರುವ ರೀತಿಯಲ್ಲಿ ಮಾತನಾಡಿರುವುದನ್ನು ಹೇಳಿಕೊಂಡಿದ್ದಾರೆ.

ಇದೇ ವಿಚಾರಕ್ಕೆ ಸಂಬಂಧ ಪಟ್ಟಂತೆ ciniadda.com ಜೊತೆ ಕಣ್ಣೀರಿಡುತ್ತಾ ಮಾತನಾಡಿದ ಅವಂತಿಕಾ ತಮ್ಮ ನೋವು ತೋಡಿಕೊಂಡಿದ್ದಾರೆ.

ಅವಂತಿಕಾ – ಈ ಫೀಲ್ಡ್ನಲ್ಲಿ ಹೆಣ್ಣು ಮಕ್ಕಳಿಗೆ ಮರ್ಯಾದೆನೇ ಇಲ್ಲ.  ಸಿನಿಮಾ ಶುರುವಾಗುವ ಮುನ್ನವೇ ನಾನು ತೀರಾ ಮೈಯೆಲ್ಲಾ ಕಾಣುವಂಥಾ ಬಟ್ಟೆ ಹಾಕುವುದಿಲ್ಲ ಎನ್ನುವುದನ್ನು ನಿರ್ಮಾಪಕ ,ನಿರ್ದೇಶಕರಿಗೆ ಸ್ಪಷ್ಟವಾಗಿ ಹೇಳಿದ್ದೆ. ಆದರೂ ಸೆಟ್ ಗೆ ಬಂದ ಮೇಲೆ ಮಾತಿಗೆ ತಪ್ಪಿದರು.  ಬಾಂಬೆಯಲ್ಲಿದ್ದೀರಿ ಇಂಥಾ (expose ಆಗೋವಂಥದ್ದು) ಬಟ್ಟೆ ಹಾಕಲ್ವ ? ಎಲ್ಲಾ ನಟಿಯರು ಹಾಕ್ತಾರೆ ನಿಮಗೇನು ಕಷ್ಟ ? ಅಂದ್ರು . ಅದಕ್ಕೆ ನಾನು ಬಾಂಬೆಯವರು ಬರೀ ಮೈಯಲ್ಲಿ ಓಡಾಡ್ತಾರಾ? ಆವ್ರೇನು ಬಟ್ಟೆ ಹಾಕಲ್ವಾ ಅಂತ ಕೇಳಿದ್ದೆ. ನಾನು ಸೆಟ್ ನಲ್ಲಿ ಮಿನಿ ಸ್ಕರ್ಟ್ ಹಾಕೊಂಡಿದ್ರೆ ಅಲ್ಲಿದ್ದ ಲೈಟ್ ಬಾಯ್ಸ್ ಕೂಡ ಸಕ್ಕತಾಗಿ ಕಾಣ್ತಿದ್ದೀರಾ ಅಂತ ಕಾಮುಕ ಕಣ್ಣುಗಳಿಂದ ನೋಡ್ತಾ ಕಾಮೆಂಟ್ ಮಾಡ್ತಿದ್ರು. ಮೈಕ್ ಹಾಕೋ ನೆಪದಲ್ಲಿ ಮೈ mutaa ಇದ್ರು.

ಸೆಟ್ ನಲ್ಲಿ ಬಹಳ ಸಭ್ಯರ ಹಾಗೆ ನಡೆದುಕೊಳ್ತಿದ್ದ ನಿರ್ಮಾಪಕ ಸುರೇಶ್ ನನ್ನನ್ನ ಎಲ್ರ ಜೊತೆ ಫ್ರೆಂಡ್ಲಿ ಆಗಿರಿ. ಸೆಟ್ ಗೆ ಬಂದ  ತಕ್ಷಣ ಎಲ್ರಿಗೂ ಹಾಯ್ ಹೇಳಿ ಎಲ್ರಿಗೂ ಸಹಕರಿಸಿ ಅಂತಿದ್ರು. ನಾನು ಬಂದಿರೋದು ನಟಿಸೋಕೆ ಅಷ್ಟೇ .ಎಲ್ಲರ ಜೊತೆ ಹರಟೆ ಹೊಡೆಯೋಕೆ, ಓಲೈಸೋಕೆ ಅಲ್ಲ ಅಂದಿದ್ದೆ. ಅದು ನನ್ನ ಸ್ವಭಾವಾನು ಅಲ್ಲ. ಯಾವಾಗ ನಾನು ಅವರಿಚ್ಛೆಯಂತೆ ನಡೆಯಲಿಲ್ಲವೋ ಆಮೇಲೆ ಕಂಪ್ಲೇಂಟ್ ಮಾಡೋದಿಕ್ಕೆ ಶುರು ಮಾಡಿದ್ರು. ನನ್ನ ನಟನೆ ಬಗ್ಗೆ ಅಪಸ್ವರ ಎತ್ತಿದರು. ಅವರು ಕೊಟ್ಟ ಚೆಕ್ ಬೌನ್ಸ್ ಆಗಿದೆ. ಕೇಸ್ ಕೂಡ ಹಾಕಿದ್ದೇನೆ. ಇದೇ ವಿಚಾರವಾಗಿ ಚಲನಚಿತ್ರ ವಾಣಿಜ್ಯ ಮಂಡಳಿಗೆ ಏಪ್ರಿಲ್ ೧೨ ಕ್ಕೆ ಪತ್ರ  ಕೂಡ ಬರೆದಿದ್ದೇನೆ. ಆದರೆ ಅಲ್ಲಿಂದ ಯಾವ ಉತ್ತರಾನೂ ಬಂದಿಲ್ಲ.

ಮತ್ತೊಂದು ಮುಖ್ಯ ವಿಷಯ ಹೇಳಬೇಕು ನೀವು ಹೆಣ್ಣುಮಗಳಾಗಿ ನನ್ನ ಪರಿಸ್ಥಿತಿ ಅರ್ಥ ಮಾಡಿಕೊಳ್ತೀರಾ ಅನ್ನೋ ನಂಬಿಕೆ ಯಿಂದ ಹೇಳ್ತಿದೀನಿ.

ಗೋಲ್ಡ್ ಫಿಂಚ್ ನಲ್ಲಿ ನಡೆದ್ದದ್ದು ..

ಶೂಟಿಂಗ್ ಆದಮೇಲೆ  ಬೆಂಗಳೂರಿನ  ಗೋಲ್ಡ್ ಫಿಂಚ್ ಹೋಟೆಲ್ ಗೆ ನಿರ್ಮಾಪಕ ಸುರೇಶ್ ಬರೋದಿಕ್ಕೆ ಹೇಳಿದ್ರು. ನಾನು ಅಲ್ಲಿಗೆ ಹೋದೆ. ಅಲ್ಲಿದ್ದ ಮ್ಯಾನೇಜರ್ ನ ಪರ್ಸನಲ್ ಆಗಿ ಮಾತಾಡ್ಬೇಕು ಅಂತ ಹೊರಕ್ಕೆ ಕಳಿಸಿದ್ರು. ಆಮೇಲೆ ನಂಗೆ ನೀವು ಫ್ರೆಂಡ್ಲಿ ಯಾಗಿ ಮೂವ್ ಮಾಡ್ಬೇಕು ಅಂದ್ರು . ನಾನು ನೀವು ಇಂಡೈರೆಕ್ಟ್ ಆಗಿ ಏನ್ ಹೇಳ್ತಿದ್ದೀರಿ ಅನ್ನೋದು ಗೊತ್ತಾಗ್ತಿದೆ. ನಾನು ಆ ಥರ ಇರೋದಿಕ್ಕೆ ಸಾಧ್ಯವೇ ಇಲ್ಲ ಅಂತ  ಡೈರೆಕ್ಟ್ ಆಗಿ ಹೇಳೇ ಬಿಟ್ಟೆ . ನಂಗೆ ತುಂಬಾ ಭಯ ಆಯ್ತು. ಅಲ್ಲಿಂದ ತಕ್ಷಣ ಆಚೆ ಬಂದು ಬಿಟ್ಟೆ . ನಮಗೆ ಇಷ್ಟವಿಲ್ಲದಿರೋರ ಜೊತೆಯಲ್ಲಿ ಶೇಕ್ ಹ್ಯಾಂಡ್ ಕೂಡ ಮಾಡೋದಿಕ್ಕೆ ಸಾಧ್ಯವಾಗೋದಿಲ್ಲ. ಅಂಥಾದ್ದರಲ್ಲಿ ಒಂದು ಸಿನಿಮಾ ಅವಕಾಶಕ್ಕೋಸ್ಕರ ಯಾರ್ಯಾರ್ ಜೊತೇನೋ ಹೊಂದಾಣಿಕೆ ಮಾಡಿಕೊಳ್ಳೋಕೆ ಆಗತ್ತಾ? ನಾವು  ನಟಿಯರು ಅಂದ್ದಾಕ್ಷಣ ಯಾರ್ ಜೊತೆ ಹೇಗೆ ಬೇಕಾದ್ರೂ ಇರೋದು ಸಾಧ್ಯನಾ ?

ನಾನು ನೇರವಾಗಿ ಅವರ ಇಷ್ಟದಂತೆ ನಡೆದುಕೊಳ್ಳೋಕೆ ಆಗಲ್ಲ ಅಂದಮೇಲೆ ನನ್ನ ಬಗ್ಗೆ, ನನ್ನ ನಟನೆಯ ಬಗ್ಗೆ ಚೀಪ್ ಆಗಿ ಮಾತಾಡಿದ್ದಾರೆ.  ನನ್ನ ಮೇಲು ಕೂಗಾಡೋಕೂ ಶುರು ಮಾಡಿದ್ರು .ನನ್ನ ಪರ್ಫಾರ್ಮೆನ್ಸ್ ಸರಿಯಿಲ್ಲ ಅಂತ ಮೊದಲೇ ಗೊತ್ತಾಗಬೇಕಿತ್ತಲ್ಲ ಅಷ್ಟೆಲ್ಲ ಶೂಟಿಂಗ್ ಮುಗಿದ ಮೇಲೆ ಬೇಕಂತ ತಗಾದೆ ತೆಗೆದಿದ್ದಾರೆ. ನನ್ನ ನಡತೆಯ ಬಗ್ಗೆ , ನನ್ನ ವ್ಯಕ್ತಿತ್ವಕ್ಕೆ ಕಪ್ಪುಚುಕ್ಕೆ ಬರೋ ಹಾಗೆ ಮಾತಾಡಿ ಆರ್ಟಿಕಲ್ ಮಾಡಿಸಿದ್ದಾರೆ. ಇದು ನನ್ನ ಕೆರಿಯರ್ ದೃಷ್ಟಿಯಿಂದ ತುಂಬಾ ತೊಂದ್ರೆ ಅನ್ನಿಸತ್ತೆ ನಂಗೆ . ಅಷ್ಟೇ ಅಲ್ಲ  ನಡತೆಯ ಬಗ್ಗೆ ತಪ್ಪಾಗಿ ಬಿಂಬಿಸಿದ್ರೆ ಯಾರಿಗೇ ಆದ್ರೂ  ಮಾನಸಿಕ  ಕಿರುಕುಳ ಆಗಲ್ವ ? ನಂಗಂತೂ ತುಂಬಾ ಹಿಂಸೆ ಆಗ್ತಿದೆ. (ಬಿಕ್ಕಿ ಬಿಕ್ಕಿ ಅಳ್ತಾ …)

ಗೋಲ್ಡ್ ಫಿಂಚ್ ಘಟನೆ ಆದಮೇಲೆ ನಾನು ಸೈಲೆಂಟ್ ಆಗ್ಬಿಟ್ಟೆ. ಇದನ್ನೇ ಯೋಚನೆ ಮಾಡ್ತಾ ಕೂತ್ರೆ ಕೆಲಸ  ಮಾಡಕ್ಕಾಗಲ್ಲ . ಇಲ್ಲಿಗೇ ಬಿಟ್ಟು ಬಿಡೋಣ ಅಂದ್ಕೊಡಿದ್ದೆ. ಆದ್ರೆ ಅವರ ಮೇಲೆ ಚೆಕ್ ಬೌನ್ಸ್ ಕೇಸ್  ಹಾಕಿದ ಮೇಲೆ ನನ್ನ ಮೇಲೆ ಸುಳ್ಳು ಅಪವಾದ ಸೃಷ್ಟಿ ಮಾಡಿದ್ರು. ಸುಳ್ಳುಗಳೇ  ತುಂಬಿದ ಕೆಟ್ಟ ಆರ್ಟಿಕಲ್  ಬಂತು. ಈಗ ನಂಗೆ ಮಾತಾಡಲೇ ಬೇಕು ಅನ್ನಿಸ್ತು. ಸತ್ಯ ಹೇಳೋ ತಾಕತ್ತು ಇಲ್ಲದಿರೊವ್ರು ಸುಳ್ಳುಗಳನ್ನ ಸೃಷ್ಟಿ ಮಾಡಿ ತಮ್ಮ ತಪ್ಪನ್ನ ಮುಚ್ಚಿಕೊಳ್ತಾರೆ. ಸುರೇಶ್  ಕೂಡ ಅದನ್ನೇ ಮಾಡಿದ್ದು. ಆತ ತುಂಬಾ ಸ್ಮಾರ್ಟ್ ಇದ್ದಾರೆ.ತಮ್ಮ ತಪ್ಪನ್ನ ಮುಚ್ಚಿಟ್ಟುಕೊಳ್ಳೋಕೆ ಏನು ಬೇಕಾದ್ರೂ ಮಾಡ್ತ್ರಾರೆ .  ಅವರೊಳಗಿನ ಇನ್ನೊಂದು ಮುಖ ಗೊತ್ತೇ ಆಗಲ್ಲ. ಹತ್ತಿರದಿಂದ ನೋಡಿದರೇನೇ ಗೋಮುಖವ್ಯಾಘ್ರ ಅಂತ ಗೊತ್ತಾಗೋದು.

ಚಿತ್ರರಂಗದಲ್ಲಿ ನಟಿಯರನ್ನ ಕೇವಲವಾಗಿ ನಡೆಸಿಕೊಳ್ಳುವ,ಕಾಡುವ  ಕಾಮುಕರಿಗೇನು ಕೊರತೆ ಇಲ್ಲ.  ಆದರೆ ಅವಂತಿಕಾ ಶೆಟ್ಟಿಯ ಹಾಗೆ ಧೈರ್ಯವಾಗಿ ದನಿ ಎತ್ತಿ ಮಾತನಾಡಬೇಕು.ತಕ್ಕ ಪಾಠವನ್ನೂ ಕಲಿಸಬೇಕು.

 

“ದೇವರಂಥ ಮನುಷ್ಯ”ನ ಹಾಡುಗಳ ಖದರ್ ಜೋರಾಗೈತೆ ಕೇಳ್ಕಳಿ

ಲಂಡನ್ ನಲ್ಲಿ ಪದ್ಮಾವತಿ ಬಿಡುಗಡೆ ಆಗಲಿಲ್ಲವೇಕೆ ..?

ರಾಜಸ್ಥಾನದ ರಾಜವಂಶದ ಚಿತ್ರಕಥೆ ಹೊಂದಿರುವ ಬಾಲಿವುಡ್ ನ ಪದ್ಮಾವತಿ ಚಿತ್ರ ಭಾರತದಲ್ಲಿ ಭಾರೀ ವಿವಾದ ಎಬ್ಬಿಸಿಕೊಂಡು ಬಿಡುಗಡೆಯಾಗಲು ತೊಡಕು ಉಂಟಾಗಿದೆ. ಆದ್ರೆ  ಬ್ರಿಟನ್ ಸರ್ಕಾರ  ಪದ್ಮಾವತಿ ಚಿತ್ರ ಯಾವುದೇ ದೃಶ್ಯ ಕಡಿತ ಮಾಡದೆ ಬಿಡುಗಡೆ ಮಾಡಲು ಅಡ್ಡಿಯಿಲ್ಲ ಎಂದಿತ್ತು. ಅಲ್ಲಿನ ಸೆನ್ಸಾರ್ ಬೋರ್ಡ್ ಕೂಡ ಪದ್ಮಾವತಿಯನ್ನು ನೋಡಿ, ಶಹಬ್ಬಾಸ್ ಗಿರಿ ಕೊಟ್ಟಿತ್ತು. ಆದರೂ ಚಿತ್ರ ನಿಮಾಣ ಸಂಸ್ಥೆ ಮಾತ್ರ ಸಿನಿಮಾ ಬಿಡುಗಡೆ ಮಾಡುವ ಧೈರ್ಯ ತೋರಿಸಲಿಲ್ಲ.
ಕಾರಣ ಏನು ?
ಹೌದು ಒಂದು ಸಿನಿಮಾಗೆ ಒಂದು ಪ್ರಾಂತ್ಯದ ವಿರೋಧ ವ್ಯಕ್ತವಾದರೆ ಮತ್ತೊಂದು ಕಡೆ ಬಿಡುಗಡೆಯಾಗುತ್ತದೆ. ಆ ಮೂಲಕವಾದರೂ ಹಾಕಿರುವ ಬಂಡವಾಳ ತೆಗೆದುಕೊಳ್ಳುವ ನಿರ್ಧಾರಕ್ಕೆ ಬರಲಾಗುತ್ತದೆ. ಆದರೆ ಪದ್ಮಾವತಿ ಚಿತ್ರತಂಡ ಮಾತ್ರ ಆ ನಿರ್ಧಾರಕ್ಕೆ ಬಾರದೆ ಸಿನಿಮಾ ಬಿಡುಗಡೆ ದಿನಾಂಕವನ್ನೇ ಮುಂದೂಡಿಕೆ ಮಾಡಿದೆ. ಯಾಕಂದ್ರೆ ಇಂಡಿಯಾಸ್ ಡಾಟರ್ ಹೆಸರಲ್ಲಿ ನಿರ್ಮಾಣವಾಗಿದ್ದ ನಿರ್ಭಯಾ ಕುರಿತ ಸಾಕ್ಷ್ಯಚಿತ್ರ ಚಿತ್ರ ಕೂಡ ಇದೇ ರೀತಿಯ ವಿರೋಧ ಎದುರಿಸಿತ್ತು. ಆ ಬಳಿಕ ಲಂಡನ್ ನಲ್ಲೇ ಬಿಡುಗಡೆಯೂ ಆಯ್ತು. ಆದರೆ ಕೆಲವೇ ಗಂಟೆಗಳಲ್ಲಿ ಆ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದು ಬಂತು. ಇದರಿಂದ ಭಾರತದಲ್ಲಿ ಬಿಡುಗಡೆ ಮಾಡುವ ಪ್ರಮೇಯವೇ ಬರಲಿಲ್ಲ. ಪದ್ಮಾವತಿ ಚಿತ್ರಕ್ಕೆ ಕೋಟ್ಯಂತರ ರೂಪಾಯಿ ಬಂಡವಾಳ ಹೂಡಲಾಗಿದ್ದು, ಲಂಡನ್ ನಲ್ಲಿ ಬಿಡುಗಡೆಯಾದ ಮಾತ್ರಕ್ಕೆ ಬಂಡವಾಳ ವಾಪಸ್ ಬರುವುದಿಲ್ಲ. ಸಿನಿಮಾ  ಲೀಕ್ ಆದ್ರೆ ಹಾಕಿದ ಬಂಡವಾಳಕ್ಕೆ ಖೋತಾ ಆಗೋದಂತೂ ಗ್ಯಾರಂಟಿ.
ಅಷ್ಟಕ್ಕೂ ಪದ್ಮಾವತಿ ನಿರ್ಮಾಪಕರು ಯಾರು..?
ವಯಾ ಕಾಮ್ 18 ಮೋಷನ್ ಫಿಲ್ಮ್ಸ್ ಪದ್ಮಾವತಿ ಚಿತ್ರಕ್ಕೆ ಕೋಟಿ ಕೋಟಿ ಬಂಡವಾಳ ಹೂಡಿಕೆ ಮಾಡಿದೆ. ಅಷ್ಟಕ್ಕೂ ವಯಾ ಕಾಮ್ 18 ಸಂಸ್ಥೆ ನ್ಯೂಸ್ 18 ಸಂಸ್ಥೆಯ ಪಾಲುದಾರ ಸಂಸ್ಥೆ ಅಂದರೆ ರಿಲಯನ್ಸ್ ಇಂಡಸ್ಟ್ರೀಸ್ ನ ಮುಖೇಶ್ ಅಂಬಾನಿ ಅವರ ಒಡೆತನದ ಕಂಪನಿ ಅನ್ನೋದು ನಿಚ್ಚಳ ಆದಂತಾಯ್ತು. ದೇಶದ ಉದ್ಯಮ ವಲಯದಲ್ಲಿ ಎರಡು ಕಣ್ಣುಗಳಂತೆ ಇರುವ ಅಂಬಾನಿ, ಅದಾನಿ ಸಂಸ್ಥೆಗಳಿಗೆ ನಷ್ಟ ಉಂಟು ಮಾಡುತ್ತಾರೆಯೇ ಎಂದರೆ ಖಂಡಿತ ಇಲ್ಲ ಅನ್ನುವ ಮಾತೇ ಬರುತ್ತದೆ. ಹಾಗಾದರೆ ಈ ವಿವಾದ ಯಾಕೆ..? ಅನ್ನೋದು ಶ್ರೀ ಸಾಮಾನ್ಯನಲ್ಲಿ ಉದ್ಬವಿಸುವ ವಿಚಾರ. ಅದಕ್ಕೆ ಉತ್ತರ ಗುಜರಾತ್ ಚುನಾವಣೆ. ಚುನಾವಣೆ ಬಳಿಕ ತನ್ನಿಂದ ತಾನೇ ವಿವಾದ ಅಂತ್ಯವಾಗಿ ಚಿತ್ರವೂ ಬಿಡುಗಡೆ ಆಗಲಿದೆ. ಇದರಿಂದ ಚಿತ್ರತಂಡಕ್ಕೂ ಲಾಭ. ವಿರೋಧಿಸುವವರಿಗೂ ಲಾಭ ಆಗುತ್ತದೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ .
-ಜ್ಯೋತಿ

ಸತ್ತಂತಿಹರನು ಬಡಿದೆಚ್ಚರಿಸು !! ಕನ್ನಡ ಚಿತ್ರಗಳನ್ನು ಉಳಿಸು .

ಇಂದಿನ ಜನಪ್ರಿಯ  ನಿರ್ದೇಶಕ ರಾಜಮೌಳಿ ಮತ್ತು ನಾನು( ವಿ ನಾಗೇಂದ್ರ ಪ್ರಸಾದ್ ) ಒಂದುಕಾಲದ ಸಹೋದ್ಯೋಗಿಗಳು.
ಭಾರತೀಯ ಚಿತ್ರರಂಗವನ್ನು ಮತ್ತೊಂದು ಎತ್ತರಕ್ಕೆ ಕೊಂಡೊಯ್ದ ಕೀರ್ತಿ ಆತನಿಗೆ ಸಲ್ಲುತ್ತದೆ.
 ನನ್ನ ಈ ಬರಹದ ಉದ್ದೇಶ ಬಾಹುಬಲಿಯನ್ನು ವಿರೋಧಿಸುವುದಲ್ಲ.
ಬಾಹುಬಲಿಯ ಅಸ್ತ್ರದಿಂದ ಕನ್ನಡವನ್ನು ತಿವಿಯುತ್ತಿರುವ ನಾಡದ್ರೋಹಿಗಳ ಹಾಡುಹಗಲ ಕೊಳ್ಳೆಬಾಕತನವನ್ನು ವಿರೋಧಿಸುವುದು.
ಜನ ಮೆಚ್ಚಿದ ಕನ್ನಡ ಚಿತ್ರ ‘ರಾಗ’
ನಾಳೆಯಿಂದ ಇಡೀ ನಾಡಿನಲ್ಲಿ ಒಂದೇ ಒಂದು ಪ್ರದರ್ಶನಕ್ಕೂ ಅವಕಾಶವಿಲ್ಲ.!!!!!
ಕಾರಣ ಬಾಹುಬಲಿ.
ಎಲ್ಲ ಚಿತ್ರಮಂದಿರಗಳನ್ನೂ ಆಕ್ರಮಿಸಿದ್ದಾನೆ.
ಪ್ರದರ್ಶಕರು ಮತ್ತು ವಿತರಕರ ವ್ಯಾಪಾರಿ ಮನೋಭಾವದ ಮುಂದೆ ಉತ್ತಮ ಎನಿಸಿಕೊಂಡ   ಕನ್ನಡ  ಚಿತ್ರಗಳೂ ಮಂಡಿಯೂರಿ ಕುಳಿತುಕೊಳ್ಳಬೇಕೇ?
 ಕನ್ನಡ ಚಲನಚಿತ್ರವಾಣಿಜ್ಯ ಮಂಡಳಿ  ರಾಗ ತಂಡಕ್ಕೆ ನ್ಯಾಯ ದೊರಕಿಸಿಕೊಡಬೇಕು. ಇಲ್ಲವೇ ತನ್ನ ಸದಸ್ಯರನ್ನು ತನ್ನ ತಹಬಂದಿಗೆ ತೆಗೆದುಕೊಳ್ಳಲಾಗದ ವೈಫಲ್ಯದ ಹೊಣೆ ಹೊರಬೇಕು.
   ಬಾಹುಬಲಿಗಾಗಿ ರಾಗ ಚಿತ್ರವನ್ನು ಬಲಿಕೊಟ್ಟವರನ್ನು ಖಂಡಿಸಿ  ನನ್ನ ವಿರೋಧವನ್ನು ದಾಖಲಿಸುತ್ತಿದ್ದೇನೆ. 
ಸತ್ತಂತಿಹರನು ಬಡಿದೆಚ್ಚರಿಸು ಕನ್ನಡಾಂಬೆ.
– ——-ವಿ.ನಾಗೇಂದ್ರ ಪ್ರಸಾದ್

ರಜನೀಕಾಂತ್ “ಕಾಲ ಕರಿಕಾಲನ್” ಗೆ ಬಂತು ಕಂಟಕದ ಕಾಲ

ರಜನೀಕಾಂತ್ ಅವ್ರ ಬಹು ನಿರೀಕ್ಷಿತ ಚಿತ್ರ “ಕಾಲ ” ಈಗ ಸಂಕಟದ ಕಾಲದಲ್ಲಿದೆ. ಸಿನಿಮಾದ ಚಿತ್ರಕಥೆ ಹಾಗು ಟೈಟಲ್ ತನಗೆ ಸೇರಿದ್ದು ಅಂತಾ ಸಹಾಯಕ ನಿರ್ದೇಶಕ ರಾಜಶೇಖರ್ ಚೆನ್ನೈ ಪೊಲೀಸ್ ಆಯುಕ್ತರಿಗೆ ದೂರು ಸಲ್ಲಿಸಿದ್ದಾರೆ.

ಕಬಾಲಿ ಚಿತ್ರದ ನಿರ್ದೇಶಕ ಪಿ ರಂಜಿತ್ “ಕಾಲ ಕರಿಕಾಲನ್” ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ತಮಿಳುನಾಡು ಮೂಲದ ಮುಂಬೈ ಗ್ಯಾಂಗ್ ಸ್ಟರ್ ಗೆ ಸಂಬಂಧಿಸಿದ ಕಥೆಯುಳ್ಳ ಚಿತ್ರವಿದು. ಈ ಪ್ರಕರಣದಲ್ಲಿ ಹಕ್ಕು ಸ್ವಾಮ್ಯದ ಉಲ್ಲಂಘನೆಯಾಗಿದೆಯೇ ಎನ್ನುವುದರ ಬಗ್ಗೆ ಪೊಲೀಸರು ತನಿಖೆ ಕೈಗೊಳ್ಳಬೇಕಿದೆ.

ಕನ್ನಡಕ್ಕೆ ಆಲಿಯಾ ಭಟ್ ಈ ಹುಡುಗಿ!

ಬಾಲಿವುಡ್ಡಿಗೆ ಎಂಟ್ರಿ ಕೊಟ್ಟ ಭಟ್ ಕುಟುಂಬದ ಚಿನಕುರುಳಿಯಂತ ಹುಡುಗಿ ಆಲಿಯಾ ಭಟ್. ಹಿಂದಿ ಚಿತ್ರರಂಗದಲ್ಲಿ ತನ್ನದೇ ಛಾಪು ಮೂಡಿಸುತ್ತ ಬೆಳೆಯುತ್ತಿರುವ ಪ್ರತಿಭಾವಂತ ನಟಿ. ತನ್ನ ಮುಗ್ದನಗುವಿಂದ ಮರುಳು ಮಾಡುತ್ತಾ ಎಷ್ಟೋ ಕಾಲೇಜು ಹುಡುಗರಲ್ಲಿ “ಇದ್ರೆ ಇಂಥಾ  ಗರ್ಲ್ ಫ್ರೆಂಡ್ ಇರ್ಬೇಕು” ಅನ್ನೋ ಆಸೆ  ಮೂಡಿಸಿದ್ದಾಳೆ.ನಮ್ಮ  ಕನ್ನಡಕ್ಕೂ ಆಲಿಯಾ ಭಟ್ ಥರ ಚಿನಕುರುಳಿಯಂತ ಹುಡುಗಿ ಒಬ್ಬಳು ಸಿಕ್ಕಿದ್ದಾಳೆ. ಅದೇ ಮುಗ್ದ ನಗು,ಅದೇ ಲುಕ್ಕು…
ಇಬ್ಬರನ್ನೂ ಅಕ್ಕ ಪಕ್ಕ ನಿಲ್ಸಿದ್ರೆ ಒಮ್ಮೆ ಕನ್ಫ್ಯೂಸ್ ಆಗೋದು ಖಚಿತ ಅನ್ನುವಂತ ಹೋಲಿಕೆ ಇದೆ.

 ಆಗತಾನೆ ಅರಳಿದ ನಿಂತ ಹೂವಿನಂಥಾ ಚೆಲುವು !

ಹುಲಿರಾಯ ಚಿತ್ರದ ಮೂಲಕ ಸ್ಯಾಂಡಲ್ ವುಡ್ಡಿನ ಒಳಗೆ ಪುಟ್ಟ ಪುಟ್ಟ ಹೆಜ್ಜೆ ಇಡ್ತಿರೋ ಇವಳ ಹೆಸರು ದಿವ್ಯ ಉರುದುಗ. ಯುಟ್ಯೂಬ್ ನಲ್ಲಿ ಬಿಡುಗಡೆ ಆದ ಹುಲಿರಾಯನ ಹಾಡೊಂದರಿಂದಲೇ  ಹಲವಾರು ಹುಡುಗರ ಹಾರ್ಟಲ್ಲಿ  ರಗಳೆ ಕೊಡೋಕೆ ಶುರು ಮಾಡಿದ್ದಾಳಂತೆ ಪಕ್ಕದ್ಮನೆ ಪುಟ್ಟಿಯಂತಿರೋ  ದಿವ್ಯ !
ಥೇಟು ಆಲಿಯಾ ಭಟ್ ಳನ್ನೇ  ಹೋಲುವ ದಿವ್ಯ ಉರುದುಗ ಮತ್ತು ಆಲಿಯಾ ಭಟ್ ಇಬ್ಬರ ಫೋಟೋ ಕೋಲಾಜ್ ಇಲ್ಲಿದೆ ನೋಡಿ. ಯಾರ ಫೋಟೋ ಯಾರದ್ದು ಅಂತ ನೀವೇ ಡಿಸೈಡ್ ಮಾಡಿ.ಕನ್ಫ್ಯೂಸ್ ಆಗ್ಬೇಡಿ.

ಯಾವೂರ ಚೆಲುವೆ ಇವಳು ?

ಮೂಲತಃ ಮಲ್ನಾಡ್ ಹುಡ್ಗಿ. ತೀರ್ಥಹಳ್ಳಿ ಇವಳ ಊರು. ಓದಿದ್ದು ಮಂಗಳೂರು ವೆಬ್ ಡೆವ್ಲಪರ್ ಆಗ್ಬೇಕು ಅಂತ ಹೊರಟ ಈ ಹುಡುಗಿ ಫೇಸ್ಬುಕ್ನಲ್ಲಿ ಸೀರಿಯಲ್ ನವರ ಕಣ್ಣಿಗೆ ಬಿದ್ದು ಬಣ್ಣದ ಲೋಕದ ಕಡೆ ಬರುವಂತೆ ಆಗಿದ್ದು, ಅಲ್ಲಿಂದ ಮತ್ತೆ ತಿರುಗಿ ನೋಡಲಿಲ್ಲ. ಬಣ್ಣ ಇವಳನ್ನ ಬಿಡಲಿಲ್ಲ. ಚಾನ್ಸ್ ಮೇಲೆ ಚಾನ್ಸ್ ಸಿಗ್ತಾನೆ ಹೋಯಿತು. ಖುಷಿ, ಓಂ ಶಕ್ತಿ, ಓಂ ಶಾಂತಿ ಸೀರಿಯಲ್ ಗಳಲ್ಲಿ ನಟಿಸುತ್ತಿದ್ದ ಈಕೆಯ ಪ್ರತಿಭೆ ಕಂಡು ಹುಲಿರಾಯನ ನಿರ್ದೇಶಕ ಅರವಿಂದ್ ಕೌಶಿಕ್ ತಮ್ಮ ಚಿತ್ರಕ್ಕೆ ಆಯ್ಕೆ ಮಾಡಿಕೊಂಡರು.
ಹುಲಿರಾಯ ಕನ್ನಡಕ್ಕೆ ಒಂದು ವಿಭಿನ್ನ ಸಿನೆಮಾ, ನನ್ನ ಪಾತ್ರ ಕೂಡ ವಿಭಿನ್ನವಾಗಿದೆ, ಈ ಪಾತ್ರದ ಬಗ್ಗೆ  ಕೇಳಿದಾಗ ನಾನಿದನ್ನ ಮಾಡಲೇಬೇಕು ಅನ್ನಿಸಿಬಿಡ್ತು ಅಂತಾರೆ ದಿವ್ಯ.

ನೀವು ನೋಡೋಕೆ ಆಲಿಯಾ ಭಟ್ ಥರ ಕಾಣ್ತಿರ ಅಂದ್ರೆ ತುಂಬಾ ಖುಷಿ ವ್ಯಕ್ತಪಡಿಸುವ  ಈಕೆ ಸದ್ಯ ಅಶೋಕ್ ಕಶ್ಯಪ್  ಚಿತ್ರದಲ್ಲಿ ಬ್ಯುಸಿ ಆಗಿದ್ದಾರೆ.
ಜನ ನನ್ನನ್ನು ನಾಯಕಿ ನಟಿಯಾಗಿ ಗುರುತಿಸುವುದಕ್ಕಿಂತ ಒಬ್ಬ ಉತ್ತಮ ನಟಿಯಾಗಿ ಗುರುತಿಸುವಂತಾಗಬೇಕು, ಅಂಥಾ  ಪಾತ್ರಗಳು ನಂಗೆ ಸಿಕ್ರೆ ತುಂಬಾ ಸಂತೋಷ ಅನ್ನುವ ಈಕೆ ಕನ್ನಡಕ್ಕೆ ಆಲಿಯಾ ಭಟ್ ಥರಹದ ಪಕ್ಕದ್ಮನೆ ಪುಟ್ಟ ಚೆಲುವೆ  ಲುಕ್ಕಿನ ಪ್ರತಿಭಾವಂತ ನಟಿಯಾಗಿ ನಿಲ್ಲುವ ಭರವಸೆ ಮೂಡಿಸುತ್ತಿದ್ದಾಳೆ.

-ವಿನಯ್

ಕೊನೆಗೂ ಕನ್ನಡಿಗರ ಮುಂದೆ ಮಂಡಿಯೂರಿದ ಕೊಲೆಗಾರ ಕಟ್ಟಪ್ಪ..!

ಕೊಲೆ ಮಾಡಿದ ಕಾರಣ ತಿಳಿಯಲು ಇಡೀ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ಆದರೆ ಕಾರಣ ಗೊತ್ತಾಗುವ ಮೊದಲೇ ಕೊಲೆಗಾರ ಕಟ್ಟಪ್ಪ ಕನ್ನಡಿಗರ ಮುಂದೆ ಮಂಡಿಯೂರಿ ತಪ್ಪಾಯ್ತು ಎಂದು ಕ್ಷಮಾಪಣೆ ಕೇಳಿಕೊಂಡಿದ್ದಾರೆ..
ಇದೆಲ್ಲಾ ನಡೆಯಲು ಬರೋಬ್ಬರಿ 9  ವರ್ಷಗಳೇ ಸವೆದು ಹೋಗಿವೆ.. ಆದ್ರೆ ಇದೀಗ ಕನ್ನಡಿಗರು ಸಿಡಿದ್ದೆದ್ದ ಕಾರಣಕ್ಕೆ ಕಟ್ಟಪ್ಪನಿಗೆ ಶಿಕ್ಷೆಯಾಗಿದೆ.. ಅಂಧಾಭಿನದಲ್ಲಿ ಮಾತನಾಡಿದ್ದಕ್ಕೆ ಇದೀಗ ಕ್ಷಮಾಪಣೆ ಕೇಳಿದ್ದಾರೆ.
ಇದೆಲ್ಲಾ ಏನು..? ಅಪರಾಧ ಯಾವುದು ಅಂತ ಚಿಂತೆ ಮಾಡ್ತಿದ್ದೀರಾ..? ಅದೇ ರೀ ತೆಲುಗಿನ ಬಾಹುಬಲಿ ಸಿನಿಮಾದಲ್ಲಿ ಬಾಹುಬಲಿ ಹತ್ಯೆಮಾಡಿ ಕುತೂಹಲಕ್ಕೆ ಕಾರಣವಾಗಿದ್ದ ಕಟ್ಟಪ್ಪ ಅಲಿಯಾಸ್ ಸತ್ಯರಾಜ್ ವಿಚಾರ.
ಕಾವೇರಿ ವಿಚಾರವಾಗಿ ಟೀಕೆ ಮಾಡಿ ಮರೆತು ಹೋಗಿದ್ದ ವಿಚಾರ ಇದೀಗ ಬಾಹುಬಲಿ 2 ರಿಲೀಸ್ ಟೈಮಲ್ಲಿ ಹೊಗೆಯಾಡುತ್ತಿತ್ತು. ಯಾವಾಗ ಸಿನಿಮಾ ಬಿಡುಗಡೆಗೆ ಬಿಡಲ್ಲ ಅಂತ ಕನ್ನಡ ಹೋರಾಟಗಾರರು ಪಟ್ಟು ಹಿಡಿದ್ರೋ ಆಗ ಸ್ವತಃ ರಾಜಮೌಳಿ ಕ್ಷಮಿಸಿಬಿಡಿ, ಸಿನಿಮಾಗೆ ತೊಂದರೆ ಮಾಡಬೇಡಿ ಎಂದಿದ್ರು.. ಅದಕ್ಕೂ ಕ್ಯಾರೆ ಎನ್ನದ  ಕನ್ನಡಿಗರು  ಕಟ್ಟಪ್ಪನ್ನಿಂದಲೇ ಕ್ಷಮೆಯಾಚಿಸಬೇಕು ಎಂದಾಗ ವಿಧಿಯಿಲ್ಲದೆ ಕಟ್ಟಪ್ಪನೇ ಕ್ಷಮೆಯಾಚಿಸಿದ್ದಾರೆ.. ಕೊನೆಗೂ ಬಾಹುಬಲಿ ಹಂತಕ ಕಟ್ಟಪ್ಪನಿಗೆ ಕನ್ನಡಿಗರ ಮುಂದೆ ಶಿಕ್ಷೆಯಾಗಿದೆ..
ನಾಗೇಶ್, ಸುಂಡಳ್ಳಿ

Like Us, Follow Us !

120,431FansLike
1,826FollowersFollow
1,573FollowersFollow
4,315SubscribersSubscribe

Trending This Week