28.1 C
Bangalore, IN
Sunday, November 18, 2018
Home ಸಿನಿಮಾ ನ್ಯೂಸ್

ಸಿನಿಮಾ ನ್ಯೂಸ್

CiniAdda.com -  Kannada New Movies

  • Get latest Kannada New Movies & Films Releases from CiniAdda.com.
  • Trailers & Teasers.
  • Reviews & Ratings

ಕಳೆದು ಹೋದ ಪ್ರೇಮದ ನೆನಪು ತರುವ “ರಾಜರಥ”ದ ಕಾಲೇಜ್ ಡೇಸ್ !

ರಾಜರಥ ಸಾಕಷ್ಟು ಕುತೂಹಲ ಕೆರಳಿಸುತ್ತಿರುವ ಸಿನಿಮಾ. ಈಗಾಗ್ಲೇ ಈ ಚಿತ್ರದ ಟ್ರೈಲರ್ ರಿಲೀಸಾಗಿದೆ .ಇದೀಗ ಚಿತ್ರತಂಡ ಸಿನಿಮಾದ ಹಾಡೊಂದನ್ನು  ರಿವೀಲ್ ಮಾಡಿದ್ದಾರೆ.  ಈ ಹಾಡನ್ನ ಪ್ರೀತಿಯಲ್ಲಿ ಫೇಲ್ ಆದವರು ತಪ್ಪದೆ ಕೇಳಬಹುದು.
ಕಾಲೇಜು ದಿನಗಳ ಕುರಿತಾದ ಹಾಡಾಗಿರೋದ್ರಿಂದ ಸ್ಯಾಂಡಲ್‍ವುಡ್‍ನ ಕಾಲೇಜ್‍ಕುಮಾರ, ಸೆಂಚುರಿಸ್ಟಾರ್ ಶಿವರಾಜ್ ಕುಮಾರ್ ಅವರಿಂದಾನೇ ಬಿಡುಗಡೆ ಮಾಡಿಸಿದ್ದಾರೆ . ಕನ್ನಡ ಹಾಗೂ ತೆಲುಗು ಎರಡೂ ಭಾಷೆಗಳಲ್ಲೂ ಈ ಸಾಂಗನ್ನ ಬಿಡುಗಡೆ ಮಾಡಿದ್ದಾರೆ.
ಭಂಡಾರಿ ಬ್ರದರ್ಸ್ ಈಗಾಗ್ಲೇ ರಂಗಿತರಂಗ ಸಿನಿಮಾ ಮೂಲಕ ಸ್ಯಾಂಡಲ್‍ವುಡ್‍ನಲ್ಲಿ ಸಕ್ಸಸ್ ಸ್ಟೋರಿ ಬರೆದಿದ್ದಾರೆ . ಇದೀಗ ರಾಜರಥ ಚಿತ್ರದ ಮೂಲಕ ಚಂದನವನದಲ್ಲಿ ಮತ್ತೊಂದು ಸಂಚಲನ ಸೃಷ್ಟಿಸಲು ತಯಾರಾಗಿದ್ದಾರೆ .
ಅನೂಪ್ ಭಂಡಾರಿ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರದಲ್ಲಿ, ನಿರೂಪ್ ಭಂಡಾರಿ, ಅವಂತಿಕಾ ಶೆಟ್ಟಿ ಮುಖ್ಯ ಭೂಮಿಕೆಯಲ್ಲಿದ್ದಾರೆ . ಇನ್ನು 4 ವರ್ಷದ ಲವ್‍ಸ್ಟೋರಿಯನ್ನ ಹೇಳುವ ಈ ಹಾಡು  ಲವ್‍ಫೇಲ್ಯೂರ್ ಆಗಿರೋ ಹುಡುಗರಿಗೆ ಬಹಳ ಆಪ್ತ ಅನ್ನಿಸುತ್ತೆ .  ಅನೂಪ್ ಭಂಡಾರಿ ಬರೆದಿರೋ ಈ ಹಾಡಿಗೆ ನಕುಲ್ ಅಭಯಂಕರ್ ಮ್ಯೂಸಿಕ್ ನೀಡಿದ್ದಾರೆ.

ತಮಿಳುನಾಡು ರಾಜಕೀಯಕ್ಕೆ ರಜನಿ ಎಂಟ್ರಿ!

ಸೂಪರ್ ಸ್ಟಾರ್ ರಜನಿಕಾಂತ್ ರಾಜಕೀಯಕ್ಕೆ ಬರ್ತಾರೆ ಎಂದು ಅನೇಕ ತಿಂಗಳುಗಳಿಂದ ಕಾದು ಕುಳಿತಿದ್ದ ಅಭಿಮಾನಿಗಳಿಗೆ ರಜನಿ ಸಿಹಿ ಸುದ್ದಿ ಕೊಟ್ಟಿದ್ದಾರೆ.

ಅನೇಕ ದಿನಗಳಿಂದ ಸುದ್ದಿ ಇದ್ದಂತೆ ವರ್ಷಾಂತ್ಯವಾದ ಇಂದು ಬೆಳಗ್ಗೆಯೇ ತಮ್ಮ ರಾಜಕೀಯ ಪ್ರವೇಶವನ್ನು ಅಧಿಕೃತವಾಗಿ ಪ್ರಕಟಿಸಿದ್ದಾರೆ. ತಮಿಳುನಾಡಿನ ಎಲ್ಲಾ ವಿಧಾನಸಭಾ ಹಾಗೂ ಲೋಕಸಭಾ ಕ್ಷೇತ್ರಗಳಲ್ಲೂ ಸ್ಪರ್ಧಿಸುವುದಾಗಿ ಘೋಷಣೆ ಮಾಡಿದ್ದಾರೆ. 2019ರ ಲೋಕಸಭಾ ಚುನಾವಣೆ ವೇಳೆಗೆ ತಮ್ಮದೇ ಆದ ಪಕ್ಷ ಸ್ಥಾಪಿಸಿ ಚುನಾವಣೆಯಲ್ಲಿ ಸ್ಪರ್ಧಿಸುವುದಾಗಿ ರಜನಿ ಘೋಷಿಸಿದ್ದಾರೆ. ಭಾನುವಾರ ರಾಘವೇಂದ್ರ ಕಲ್ಯಾಣ ಮಂಟಪಂನಲ್ಲಿ ಈ ವಿಷಯ ಘೋಷಿಸಿದ ರಜನಿಕಾಂತ್ ಹೇಳಿದಿಷ್ಟು…

‘ರಾಜಕೀಯಕ್ಕೆ ನನ್ನ ಎಂಟ್ರಿ ನಿಶ್ಚಿತವಾಗಿದೆ. ಇದಕ್ಕಾಗಿ ಸೂಕ್ತ ಸಮಯಬೇಕಿದೆ.ನಾನು ನನ್ನದೇ ಆದ ಪಕ್ಷವನ್ನು ಕಟ್ಟಿ ತಮಿಳುನಾಡಿನ ಎಲ್ಲಾ ಕ್ಷೇತ್ರಗಳಿಂದಲೂ ಸ್ಪರ್ಧಿಸುತ್ತೇನೆ. ನನಗೆ 45ನೇ ವರ್ಷವಾಗಿದ್ದಾಗ ರಾಜಕೀಯ ಗುರಿ ಇಲ್ಲ. ಆದರೆ 68ನೇ ವಯಸ್ಸಿನಲ್ಲಿ ಇದೆ. ಯಾವುದೇ ಹುದ್ದೆಗೆ ಆಸೆಪಟ್ಟು ನಾನು ರಾಜಕೀಯಕ್ಕೆ ಪ್ರವೇಶಿಸುತ್ತಿಲ್ಲ. ಹಣ ಹಾಗೂ ಹೆಸರು ಮಾಡುವ ಆಸೆಯೂ ನನಗಿಲ್ಲ. ಅವೆರಡೂ ಈಗಾಗಲೇ ನನ್ನ ಬಳಿ ಇದೆ.

ಕಳೆದ ಒಂದು ವರ್ಷದಿಂದ ನಡೆದಿರುವ ರಾಜಕೀಯ ಬೆಳವಣಿಗೆಗಳು ತಮಿಳುನಾಡಿನ ಘನತೆ ಕುಂದುವಂತೆ ಮಾಡಿದೆ. ಇವು ಜನರನ್ನು ತಲೆ ತಗ್ಗಿಸುವಂತೆ ಮಾಡಿದೆ. ಹೀಗಾಗಿ ಸರ್ಕಾರ ಬದಲಾಗಬೇಕು. ವ್ಯವಸ್ಥೆ ಬದಲಾಗಬೇಕು. ಇದು ಸುಲಭದ ಹಾದಿಯಲ್ಲ ಎಂಬುದು ನನಗೆ ಗೊತ್ತಿದೆ. ಆದರೂ ನಾನು ಕೇವಲ ಜನರ ಪ್ರೀತಿ ಹಾಗೂ ಬೆಂಬಲದೊಂದಿಗೆ ರಾಜಕೀಯ ಮಾಡುತ್ತೇನೆ. ನಮ್ಮ ರಾಜಕೀಯ ಎಷ್ಟು ಹದಗೆಟ್ಟಿದೆ ಎಂದರೆ, ಇಡೀ ಪ್ರಪಂಚವೇ ನಮ್ಮನ್ನು ನೋಡಿ ನಗುವಂತೆ ಮಾಡಿದೆ. ನನ್ನ ರಾಜಕೀಯ ಹಾದಿಯಲ್ಲಿ ನನಗೆ ಸ್ವಸಹಾಯಕರು ಬೇಕಾಗಿಲ್ಲ. ತಮ್ಮ ವೈಯಕ್ತಿಕ ಕೆಲಸಕ್ಕಾಗಿ ರಾಜಕಾರಣಿಗಳನ್ನು ಬಳಸಿಕೊಳ್ಳದ ಮಾರ್ಗದರ್ಶಕರು ಬೇಕಾಗಿದ್ದಾರೆ. ಜನರ ಹಕ್ಕಿಗಾಗಿ ಹೋರಾಡುವ ಮಾರ್ಗದರ್ಶಕರು ಬೇಕಾಗಿದ್ದಾರೆ. ಸರ್ಕಾರವನ್ನು ಯಾವುದೇ ಮುಲಾಜಿಲ್ಲದೆ ಪ್ರಶ್ನಿಸುವ ಮಾರ್ಗದರ್ಶಕರು ಬೇಕಾಗಿದ್ದಾರೆ.

ಪ್ರಜಾಪ್ರಭುತ್ವದ ಹೆಸರಿನಲ್ಲಿ ರಾಜಕಾರಣಿಗಳು ನಮ್ಮ ನೆಲ ಮತ್ತು ಸಂಪತ್ತನ್ನು ಲೂಟಿ ಮಾಡುತ್ತಿದ್ದಾರೆ. ಹೀಗಾಗಿ ಬದಲಾವಣೆಯನ್ನು ತಳ ಮಟ್ಟದಿಂದಲೇ ತರಬೇಕು. ಹೀಗಾಗಿ ಸತ್ಯ, ಕೆಲಸ ಮತ್ತು ಬೆಳವಣಿಗೆ ನಮ್ಮ ಪಕ್ಷದ ಮೂಲ ಮಂತ್ರವಾಗಿವೆ.’

ರಜನಿಕಾಂತ್ ತಮ್ಮ ಅಭಿಮಾನಿಗಳೊಂದಿಗಿನ ಸಂವಾದ ಹಾಗೂ ಫೋಟೋ ಕಾರ್ಯಕ್ರಮದ ವೇಳೆ ತಮ್ಮ ಹಿಂದಿನ ಪರದೆ ಮೇಲೆ ಕಮಲದ ಹೂವಿನ ಮೇಲೆ ತಮ್ಮ ಬಾಬಾ ಚಿತ್ರದಲ್ಲಿ ತಾವು ನೀಡಿದ್ದ ಹಸ್ತದ ಫೋಸ್ ಇರುವ ಚಿತ್ರವಿತ್ತು. ಇದೇ ಅವರ ಪಕ್ಷವಾಗುತ್ತದೆಯೇ ಎಂಬ ಕುತೂಹಲ ಮೂಡಿದೆ. ರಜನಿ ರಾಜಕೀಯ ಪ್ರವೇಶ ಘೋಷಿಸುತ್ತದ್ದಂತೆ ಅವರ ಅಭಿಮಾನಿಗಳಲ್ಲಿ ಸಂಭ್ರಮಾಚರಣೆ ಮೂಡಿದ್ದು, ಇಡೀ ತಮಿಳಿನಾಡಿನಲ್ಲಿ ಅವರ ಅಭಿಮಾನಿಗಳಿಗೆ ಹಬ್ಬದ ವಾತಾವರಣ ನಿರ್ಮಾಣವಾಗಿದೆ. ರಜನಿ ಅವರು ರಾಜಕೀಯಕ್ಕೆ ಪ್ರವೇಶಿಸುತ್ತಿರುವ ಹಿನ್ನೆಲೆಯಲ್ಲಿ ಅವರು ಇನ್ನು ಮುಂದೆ ಬಣ್ಣ ಹಚ್ಚುವುದಿಲ್ಲ ಎಂದು ಅವರ ಸಂಬಂಧಿಕರು ತಿಳಿಸಿದ್ದಾರೆ. ಅವರ ಮುಂದಿನ ಚಿತ್ರ ರೋಬೊ 2.0 ಚಿತ್ರ ವಿಶ್ವದಾದ್ಯಂತ ರಜನಿ ಅಭಿಮಾನಿಗಳ ಗಮನ ಸೆಳೆದಿದೆ.

ತೆಲುಗಿನ ‘ರಾಜಕುಮಾರ’ನಾಗುತ್ತಾರಾ ಜೂ.ಎನ್ಟಿಆರ್?

ಶತದಿನೋತ್ಸವ ಆಚರಿಸಿಕೊಂಡ ಸಂಭ್ರಮದಲ್ಲಿರುವ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅಭಿನಯದ ರಾಜಕುಮಾರ ಚಿತ್ರ ಈಗ ತೆಲುಗಿನಲ್ಲಿ ರಿಮೇಕ್ ಆಗಲಿದೆ. ತೆಲುಗಿನ ಚಿತ್ರದಲ್ಲಿ ಜೂನಿಯರ್ ಎನ್ಟಿಆರ್ ಅವರು ಪುನೀತ್ ಪಾತ್ರವನ್ನು ನಿರ್ಬಹಿಸಲಿದ್ದಾರೆ ಎಂಬ ಮಾತುಗಳು ಟಾಲಿವುಡ್ ನಿಂದ ಬಂದಿದೆ.

ರಾಜಕುಮಾರ ಚಿತ್ರವನ್ನು ತೆಲುಗಿನಲ್ಲಿ ನಿರ್ಮಿಸಲು ಟಾಲಿವುಡ್ ನಲ್ಲಿ ಬೇಡಿಕೆ ಹೆಚ್ಚಾಗಿದೆ. ಆದರೆ ಸದ್ಯ ಜೂನಿಯರ್ ಎನ್ಟಿಆರ್ ತೆಲುಗಿನ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಹಾಗೂ ಮುಂದಿನ ಚಿತ್ರ ಜೈ ಲಾವಾ ಕುಶ ಚಿತ್ರದಲ್ಲಿ ಬ್ಯುಸಿ ಆಗಿದ್ದು, ಈ ಚಿತ್ರದಲ್ಲಿ ಪುನೀತ್ ಪಾತ್ರವನ್ನು ನಿರ್ವಹಿಸುವ ಬಗ್ಗೆ ಅಧಿಕೃತ ಘೋಷಣೆ ಬಾಕಿ ಇದೆ. ಎಲ್ಲವು ಅಂದುಕೊಂಡಂತಾದರೆ ಜೂನಿಯರ್ ಎನ್ಟಿಆರ್ ತೆಲುಗಿನ ರಾಜಕುಮಾರ ಆಗುವುದು ಪಕ್ಕಾ.

ನಟ ಧೃವ ಸಾವಿಗೆ ಕಾರಣವೇನು ಗೊತ್ತಾ..?

ಸ್ಯಾಂಡಲ್‌ವುಡ್‌ ನಟ, ಸಿಸಿಎಲ್‌ ಆಟಗಾರ ಧ್ರುವ ಶರ್ಮಾ ಕೊನೆಯುಸಿರೆಳೆದಿದ್ದಾರೆ. ಮೂಗ ಮತ್ತು ಕಿವುಡರಾಗಿದ್ದ ಧ್ರುವ ತಮ್ಮ ಅಭಿನಯ ಹಾಗೂ ಕ್ರಿಕೆಟ್‌ನಿಂದ ಎಲ್ಲರ ಗಮನ ಸೆಳೆದಿದ್ದರು.

ಬಹು ಅಂಗಾಂಗ ವೈಫಲ್ಯದಿಂದ ಬಳಲುತ್ತಿದ್ದ ಧ್ರುವ ಅವರನ್ನು ಶನಿವಾರ ಬೆಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಧ್ರುವ ಇಹಲೋಕ ತ್ಯಜಿಸಿದ್ದಾರೆ. ‘ಸ್ನೇಹಾಂಜಲಿ’, ‘ಬೆಂಗಳೂರು 560023’ ‘ನೀನಂದ್ರೆ ಇಷ್ಟ ಕಣೋ’, ‘ತಿಪ್ಪಜ್ಜಿ ಸರ್ಕಲ್‌’, ‘ಹಿಟ್‌ ಲಿಸ್ಟ್‌’ ಸೇರಿದಂತೆ ಹಲವು ಚಿತ್ರಗಳಲ್ಲಿ ಧ್ರುವ ನಟಿಸಿದ್ರು..

ಇನ್ನು ನಟ ಸುದೀಪ್ ಮುಂದಾಳತ್ವದಲ್ಲಿ ಅಸ್ತಿತ್ವಕ್ಕೆ ಬಂದ ಸೆಲೆಬ್ರಿಟಿ ಕ್ರಿಕೆಟ್‌ ಲೀಗ್‌ ನಲ್ಲಿ ಅತ್ಯುತ್ತಮವಾಗಿ ಆಡುವ ಮೂಲಕ ಎಲ್ಲರ ಗಮನ ಸೆಳೆದಿದ್ರು. ಕರ್ನಾಟಕ ಬುಲ್ಡೋಜರ್ಸ್‌ ತಂಡದಲ್ಲಿ ಅಕ್ರಮಣಕಾರಿ ಬ್ಯಾಟಿಂಗ್ ಹಾಗೂ ಉತ್ತಮ ಬೌಲಿಂಗ್ ಮೂಲಕ ಪ್ರಮುಖ ಆಲ್ರೌಂಡರ್ ಆಗಿದ್ದರು.

ಇಂದು ಸಂಜೆ 4 ಗಂಟೆಗೆ ಕುಂಬ್ರಹಳ್ಳಿಯಲ್ಲಿ ವೀರಶೈವ ಸಂಪ್ರದಾಯದಂತೆ ಅಂತ್ಯಕ್ರಿಯೆ ನೆರವೇರಲಿದೆ. ಧ್ರುವ ಅಗಲಿಕೆಗೆ ಕನ್ನಡ ಚಿತ್ರರಂಗ ಕಂಬನಿ ಮಿಡಿದಿದೆ. ಸಾವಿನ ಸುತ್ತ ಅನುಮಾನಗಳು ಮೂಡುತ್ತಿದ್ದು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಅನ್ನೋ ಮಾತುಗಳು ಕೇಳಿ ಬರುತ್ತಿವೆ. ಆದ್ರೆ ಯಾವುದು ಸತ್ಯ ಅನ್ನೋದು ಇನ್ನಷ್ಟೇ ತಿಳಿಯಬೇಕಿದೆ.

ನಟಿ ಸಿಂಧು ಮೆನನ್ ಕುಟುಂಬಸ್ಥರೆಲ್ಲಾ ವಂಚಕರಾ..?

ಮುದ್ದು ಮುಖದ ನಟಿ ಸಿಂಧು ಮೆನನ್. ಅವರು ಸಿನಿನಾದಲ್ಲಿ ಗಳಿಸಿದ ಪ್ರೀತಿ, ವಿಶ್ವಾಸ ಕಡಿಮೆಯಾಗುತ್ತಿದೆ. ಯಾಕಂದ್ರೆ ಸಿಂಧು ಮೆನನ್ ಕುಟುಂಬ ವಂಚನೆಯಲ್ಲಿ‌ಎಕ್ಸ್ ಫರ್ಟ್ ಎನಿಸುತ್ತಿದೆ. ಕಳೆದ ವಾರ ಬ್ಯಾಂಕ್ ಆಫ್ ಬರೋಡದಲ್ಲಿ ನಕಲಿ ದಾಖಲೆ ಕೊಟ್ಟು 36 ಲಕ್ಷ ಸಾಲ ಪಡೆದಿದ್ರು. ಸಾಲ ಮರು ಪಾವತಿ ಮಾಡದೇ ಇದ್ದಾಗ ಪೊಲೀಸರ ಮೊರೆ ಹೋಗಿದ್ರು. ಪೊಲೀಸರು ತನಿಖೆ ನಡೆಸಿದಾಗ ಹಣ ಪಡೆಯಲು ನಕಲಿ ದಾಖಲೆ ಸೃಷ್ಠಿಸಿದ್ದಾರೆ ಅನ್ನೋದು ಸಾಬೀತಾಗಿತ್ತು. ನಟು ಸಿಂಧು ಮೆನನ್ ಸಹೋದರನ ಬಂಧನ ಮಾಡಲಾಗಿತ್ತು. ಇದೀಗ ಮತ್ತೊಂದು ಪ್ರಕರಣ ಬೆಳಕಿಗೆ ಬಂದಿದೆ. ಇದು ಕೂಡ ಮತ್ತೊಂದು ವಂಚನೆ ಪ್ರಕರಣವೇ ಆಗಿದ್ದು ಮನೆ ಮಾಲೀಕ ನಟಿ ಸಿಂಧು ಮೆನನ್ ಕುಟುಂಬಸ್ಥರ ವಿರುದ್ಧ ಯಶವಂತಪುರ ಠಾಣೆಯಲ್ಲಿ ದೂರು ನೀಡಿದ್ದಾರೆ.

ಹೊಸದಾಗಿ ಕಚೇರಿ ಆರಂಭ ಮಾಡ್ಬೇಕು ಎಂದು ಹೇಳಿಕೊಂಡಿದ್ದ ನಟಿ ಸಿಂಧು ಮೆನನ್ ಸಹೋದರ, ಕಟ್ಟಡ ಲೀಸ್ ಗೆ ಪಡೆದು ವಂಚನೆ ಮಾಡಿರುವ ಅರೋಪದಡಿ ದೂರು ‌ದಾಖಲಾಗಿದೆ. ನಟಿ ಸಿಂಧು ಮೆನನ್ ಸಹೋದರ ಮನೋಜ್ ಕಾರ್ತಿಕ್, ಸುಧಾ ರಾಜಶೇಖರ್ ವಿರುದ್ಧ FIR ಮಾಡಲಾಗಿದೆ. ಮನೆ ಮಾಲೀಕನಿಂದ ಕಟ್ಟಡದ ದಾಖಲೆಗಳನ್ನ ಪಡೆದು ನಕಲು ಮಾಡಿ ಬ್ಯಾಂಕ್ ನಲ್ಲಿ ಲೋನ್ ಮಾಡಿಸಿದ್ದಾನಂತೆ ನಟಿ ಸಿಂಧು ಮೆನನ್ ಸಹೋದರ ಮನೋಜ್. ಇದೀಗ ಕಟ್ಟಡ ಮಾಲೀಕ ಗಣೇಶ್ ರಾವ್ ಯಶವಂತಪುರ ಪೊಲೀಸ್ ಠಾಣೆಗೆ ದೂರು ನೀಡಿದ್ದು ಎಫ್ ಐ ಆರ್ ಆಗಿದೆ.

ಕಚೇರಿ ಪ್ರಾರಂಭಿಸಲು ಕಮರ್ಷಿಯಲ್ ಜಾಗ ಬೇಕು ಎಂದು ಗಣೇಶ್ ರಾವ್ ರನ್ನು ಸಂಪರ್ಕ ಮಾಡಿದ್ದ ಮನೋಜ್, ಕಟ್ಟಡ ಮಾಲೀಕ ಗಣೇಶ್ ರಾವ್ ರಿಂದ ಪಾನ್ ಕಾರ್ಡ್, ಆಧಾರ್ ಕಾರ್ಡ್ ಜೊತೆಗೆ ಕಟ್ಟಡದ ದಾಖಲೆಗಳು ಪಡೆದುಕೊಂಡಿದ್ದ. ಗಣೇಶ್ ರಾವ್ ಮನೆ ದಾಖಲೆಗಳನ್ನು ಅಡವಿಟ್ಟು ವಿಜಯ್ ಬ್ಯಾಂಕ್ ನಲ್ಲಿ ಸಾಲ ಕೇಳಿ ಅರ್ಜಿ ಹಾಕಿದ್ದ ಮನೋಜ್, ಬಾಡಿಗೆ ಕಟ್ಟಡವನ್ನ ಸ್ವಂತದ್ದು ಎಂದು ಉಲ್ಲೇಖಿಸಿದ್ದ ಎನ್ನಲಾಗಿದೆ. ಬಳಿಕ 3 ತಿಂಗಳ ಬಳಿಕ ಕಚೇರಿ ಬೇಡ ಹೊಸ ಕಚೇರಿ ಮಾಡಲು ಬ್ಯಾಂಕ್ ಲೋನ್ ಆಗಿಲ್ಲ, ನಿಮ್ಮ ಮಳಿಗೆ ಬೇಡ ಎಂದು ಕಟ್ಟಡದ ಕೀಲಿ ವಾಪಸ್ ನೀಡಿದ್ದ, ಅಗ್ರೀಮೆಂಟ್ ದಾಖಲೆಗಳನ್ನ ಕೇಳಿದಾಗ ತಂದು ಕೊಡುತ್ತೇನೆ ಎಂದು ಸತಾಯಿಸಿ ಕೈ ಎತ್ತಿದ್ದ, ಜೊತೆಗೆ ಬ್ಯಾಂಕ್ ಲೋನ್ ಗೆ ಗಣೇಶ್ ರಾವ್ ಶ್ಯೂರಿಟಿ ಎಂದು ಫಾರಂ 16 ರಲ್ಲಿ ಉಲ್ಲೇಖ ಕೂಡ ಮಾಡಿದ್ದ ಎಂದು ತಿಳಿಸಿದ್ದಾರೆ.

ನಟಿ ಸಿಂಧು ಮೆನನ್ ಸಹೋದರನ ವಂಚನೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿರುವ ಯಶವಂತಪುರ ಪೊಲೀಸರು. ನಟಿ ಸಿಂಧು ಮೆನನ್ ತಾಯಿ ದೇವಿ ಮೆನನ್, ಅಣ್ಣ ಮನೋಜ್ ಕಾರ್ತಿಕೇಯನ್ ವಿರುದ್ಧ ಎಫ್ಐಆರ್ ದಾಖಲು ಮಾಡಿಕೊಂಡಿದ್ದಾರೆ.. ಕೇರಳದಲ್ಲಿ ನಟಿ ಸಿಂಧು ಮೆನನ್ ಸಹೋದರ ಹಾಗೂ ಸ್ನೇಹಿತ ಸೂಪರ್ ಮಾರ್ಕೆಟ್ ನಲ್ಲಿ ಗಲಾಟರ ಮಾಡಿಕೊಂಡಿದ್ದ ಪ್ರಕರಣದ ಬಳಿಕ ಒಂದೊಂದೇ ಪ್ರಕರಣಗಳು ಬಯಲಿಗೆ ಬರುತ್ತಿವೆ. ಅದಕ್ಕೆ ಹಿರಿಯರು ಹೇಳಿರೋದು ಕುಂಬಾರನಿಗೆ ವರುಷ.. ದೊಣ್ಣೆಗೆ ನಿಮಿಷ ಎಂದು. ನಟಿ ಸಿಂಧು ಮೆನನ್ ತನ್ನ ಅಭಿನಯದ ಮೂಲಕ ಗಳಿಸಿದ್ದ ಖ್ಯಾತಿ ಹೊಳೆಯಲ್ಲಿ ಹುಣಸೆ ತೊಳೆದಂತೆ ಆಗ್ತಿದೆ.

ಜ್ಯೋತಿಗೌಡ, ನಾಗಮಂಗಲ

ನಿಧಿ ಸುಬ್ಬಯ್ಯರನ್ನು ನೋಡಿದರೆ ಶಾಕ್ ಆಗುತ್ತೀರಿ…

ನಿಧಿ ಸುಬ್ಬಯ್ಯ ಅಮೆರಿಕಾ ಡೈರಿ

ಒಂದು ಕಾಲದಲ್ಲಿ ನಿಧಿ ಸುಬ್ಬಯ್ಯ ಕನ್ನಡ ಚಿತ್ರರಂಗದಲ್ಲಿ ಮಿಂಚು ಹರಿಸಿದ ನಟಿ. ಆಮೇಲಾಮೇಲೆ ಗುಡುಗು ಕಮ್ಮಿಯಾಗಿ ಮಿಂಚೂ ಕಮ್ಮಿಯಾಯಿತು. ನಿಧಿ ತನ್ನ ಅದೃಷ್ಟವನ್ನು ಹುಡುಕುತ್ತಾ ಬಾಲಿವುಡ್ಡಿಗೆ ಹೋದರು. ಬಾಲಿವುಡ್ಡಲ್ಲಿ ಪ್ರತಿಭೆಯನ್ನು ತೋರಿಸುವುದಕ್ಕೆ ಸ್ವಲ್ಪ ಸಮಯ ಬೇಕಾಗುತ್ತದೆ. ಅದಕ್ಕೆ ಶ್ರಮ ಮತ್ತು ತಾಳ್ಮೆ ಅವಶ್ಯ. ನಿಧಿಗೆ ಶ್ರಮ ಪಡುವ ಮತ್ತು ತಾಳ್ಮೆಯಿಂದ ಕಾಯುವ ಮನಸ್ಸಿತ್ತು. ಹಾಗಾಗಿ ಅಲ್ಲೊಂದು ಇಲ್ಲೊಂದು ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಲೇ ಇದ್ದರು.

ಸದ್ಯ ಅವರ ಹೊಸ ಸಿನಿಮಾದ ಟ್ರೇಲರ್ ರೆಡಿಯಾಗಿದೆ. ಆ ಸಿನಿಮಾಗ ಹೆಸರು ರಾಬ್ತಾ ಅಂತ. ಸುಶಾಂತ್ ಸಿಂಗ್ ರಜಪೂತ್ ಮತ್ತು ಕೃತಿ ಸನೋನ್ ಮುಖ್ಯ ಪಾತ್ರದಲ್ಲಿರುವ ಈ ಸಿನಿಮಾ ಇತ್ತೀಚೆಗೆ ಹೆಚ್ಚು ಸುದ್ದಿಯಲ್ಲಿದೆ. ಹಾಗಾಗಿ ಇವತ್ತು ಬಿಡುಗಡೆಯಾದ ಟ್ರೇಲರ್ ಕೂಡ ಸದ್ದು ಮಾಡುತ್ತಿದೆ. ಪರಿಸ್ಥಿತಿ ಹೀಗಿರುವಾಗ ನಿಧಿ ಸುಬ್ಬಯ್ಯ ಎಲ್ಲಿದ್ದಾರೆ ಅನ್ನುವ ಕುತೂಹಲಕಾರಿ ಸಂಗತಿಯೇ.

ಇತ್ತೀಚೆಗೆ ಮದುವೆಯಾಗಿರುವ ನಿಧಿ ಸದ್ಯಕ್ಕೆ ಸಿನಿಮಾ ರಂಗದಿಂದ ಸ್ವಲ್ಪ ದೂರವಾಗಿಯೇ ಇದ್ದಾರೆ. ರಾಜ್ಯ ರಾಜ್ಯ ದೇಶ ದೇಶ ಸುತ್ತುತ್ತಾ ಆರಾಮಾಗಿದ್ದಾರೆ. ಪ್ರಸ್ತುತ ಅವರು ಇರೋದು ಅಮೆರಿಕಾ ಫ್ಲೋರಿಡಾದ ಮಿಯಾಮಿ ಬೀಚಿನ ಆಸುಪಾಸಿನಲ್ಲಿ. ಬೀಚಿನಲ್ಲಿ ಕುಣಿದಾಡುತ್ತಾ, ಸಂಜೆ ಹೊತ್ತು ಪಾರ್ಟಿ ಮಾಡುತ್ತಾ ಹ್ಯಾಪಿಯಾಗಿದ್ದಾರೆ. ಅವರ ಅಮೆರಿಕಾ ಡೈರಿಯ ಫೋಟೋಗಳು ಇಲ್ಲಿವೆ.

ನಿಧಿ ಸುಬ್ಬಯ್ಯ ಫೋಟೋ ೪
ನಿಧಿ ಸುಬ್ಬಯ್ಯ ಫೋಟೋ ೩

ನಿಧಿ ಸುಬ್ಬಯ್ಯ ಫೋಟೋ ೨

 

 

 

ಅಂಬಿ ಪುತ್ರ ಅಭಿಷೇಕ್ ಬೆವರು ಇಳಿಸುತ್ತಿರುವುದು ಎಲ್ಲಿ ?

ನಟ ಅಂಬರೀಷ್‌ ಪುತ್ರ ಅಭಿಷೇಕ್‌ ಸಿನಿಮಾ ರಂಗಕ್ಕೆ ಬರಲು ಭರ್ಜರಿ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಮಿಶ್ರ ಮಾರ್ಷಲ್‌ ಆರ್ಟ್‌ ತರಬೇತಿಗಾಗಿ ಅವರು ಲಾಸ್‌ ಏಂಜಿಲಸ್‌ಗೆ ಪ್ರಯಾಣ ಬೆಳೆಸಿದ್ದಾರೆ.

ಅಭಿಷೇಕ್‌ ಜತೆ ತೆಲುಗಿನ ನಟ ಮನೋಜ್‌ ಕುಮಾರ್‌ ಮಂಜು ಕೂಡ ಈ ಕಲೆ ಕಲಿಯುತ್ತಿರುವುದು ವಿಶೇಷ. ತಮ್ಮ ಪುತ್ರ ಮಾರ್ಷಲ್‌ ಕಲೆಯನ್ನು ಕಲಿಯುತ್ತಿರುವ ಕುರಿತು ಸ್ವತಃ ಸುಮಲತಾ ಅಂಬರೀಷ್‌ ಬಹಿರಂಗ ಪಡಿಸಿದ್ದಾರೆ. ಮಾರ್ಷಲ್‌ ಆರ್ಟ್‌ ಕಲಿಯುತ್ತಿರುವ ತಮ್ಮ ಮಗನ ಫೋಟೋವನ್ನು ಟ್ವಿಟ್‌ ಕೂಡ ಮಾಡಿದ್ದಾರೆ. ಜೊತೆಗೆ ತಮ್ಮ ಮುದ್ದು ಮಗನಿಗೆ ಟ್ವಿಟರ್ನಲ್ಲೇ ಹುಟ್ಟುಹಬ್ಬದ ಶುಭಾಶಯವನ್ನೂ ಕೋರಿದ್ದಾರೆ.

ಒಟ್ಟಿನಲ್ಲಿ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಡಲಿಕ್ಕೆ ರೆಬಲ್ ಸ್ಟಾರ್  ಪುತ್ರ ಸಕತ್ ಸಿದ್ಧತೆ ಮಾಡಿಕೊಳ್ಳುತ್ತಿರುವ ಹಾಗೆ ಕಾಣುತ್ತಿದೆ. ಕನ್ನಡಿಗರ ಪ್ರೀತಿಯ ಅಂಬಿ – ಪ್ರತಿಭೆಯೇ ಮೈವೆತ್ತಂತಿರುವ ಸುಮಲತಾ ದಂಪತಿಗಳ ಸುಪುತ್ರನ ಚಿತ್ರರಂಗ ಪ್ರವೇಶ ಅಭಿಮಾನಿಗಳನ್ನ  ಸಾಕಷ್ಟು ಕುತೂಹಲ  ಹಾಗು ನೀರೀಕ್ಷೆಯಲ್ಲಿ ನಿಲ್ಲಿಸಿದೆ .

ಕ್ರೇಜಿಸ್ಟಾರ್ ಮಗ ಈಗ Unemployed …

 

ಕರುನಾಡ ಕನಸುಗಾರನ ಮಗನೇ ಈಗ ಕೆಲಸವಿಲ್ಲದವ .. ಅಂತೇ.

ಹೌದು ಸ್ಯಾಂಡಲ್ ವುಡ್’ನ ಪ್ರೇಮಲೋಕದ ಸೃಷ್ಟಿಕರ್ತ, ಕರುನಾಡ ಕನಸುಗಾರ ಕ್ರೇಜಿ ಸ್ಟಾರ್ ರವಿಚಂದ್ರನ್ ಪುತ್ರ ಮನೋರಂಜನ್ ಚಿತ್ರರಂಗದ ಎಂಟ್ರಿಗೆ ಸಜ್ಜಾಗಿ ವರ್ಷಗಳು ಉರುಳುತ್ತಿದೆ. ಪ್ರೀತಿಯ ಅಪ್ಪಾಜಿ ನಿರ್ದೇಶನದಲ್ಲಿ ‘ರಣಧೀರ’ನಾಗಿ ಪ್ರೇಮಲೋಕದಲ್ಲಿ ಮೆರೆದಾಡಬೇಕಿದ್ದ ಮನೋರಂಜನ್’ರ ಮೊದಲ ಸಿನೆಮಾ ಕಾರಣಾಂತರಗಳಿಂದ ಸೈಡಾಯಿತು. ಇದರ ಹಿಂದೆ ಮತ್ತೊಂದು ಚಿತ್ರಕ್ಕೆ ಸಹಿ ಹಾಕಿದ ಮನು ಸ್ಯಾಂಡಲ್ ವುಡ್ ‘ಸಾಹೇಬ’ನಾಗಿ ಎಂಟ್ರಿ ಕೊಡಲು ರೆಡಿಯಾಗ್ತಿದ್ದಾರೆ. ಈ ಚಿತ್ರದ ನಡುವಲ್ಲೇ ಕ್ರೇಜಿಸ್ಟಾರ್ ಪುತ್ರನಿಗೆ ಕೆಲಸವಿಲ್ಲ ಎಂಬ ಸುದ್ದಿ ಹೊರಬಿದ್ದಿದೆ.

 

ಕನಸುಗಾರನ ಪುತ್ರನಿಗೆ ಕೆಲಸವಿಲ್ವಾ ಎಂದು ಯೋಚಿಸುತ್ತಿದ್ದೀರಾ….?
ಎಸ್… ಯುವ ನಟ ಮನೋರಂಜನ್ ಶೀಘ್ರದಲ್ಲೇ ನಿರುದ್ಯೋಗಿ ಆಗಲಿದ್ದಾರೆ. ಅದು ತಮ್ಮ ಹೊಸ ಸಿನೆಮಾಕ್ಕಾಗಿ ಅಷ್ಟೇ. 2014ರಲ್ಲಿ ಬಾಕ್ಸ್ ಆಫೀಸ್ ಹಾಗು ಅವಾರರ್ಡ್ಸ್ ಎರಡರಲ್ಲೂ ಕೊಳ್ಳೆ ಹೊಡೆದು ತಮಿಳಿನಲ್ಲಿ ಸೂಪರ್ ಹಿಟ್ ಆಗಿದ್ದ ‘ವೇಲೆ ಇಲ್ಲಾದ ಪಟ್ಟದಾರಿ'(ವಿಐಪಿ) ಚಿತ್ರವು ಕನ್ನಡಕ್ಕೆ ರಿಮೇಕ್ ಆಗಲಿದೆ ಎಂಬ ಸುದ್ದಿ ಹಿಂದೆಯೇ ಹರಿದಾಡಿತ್ತು. ಕಾಲಿವುಡ್’ನಲ್ಲಿ ಧನುಷ್ ನಿರ್ವಹಿಸಿದ ನಿರುದ್ಯೋಗಿ ಇಂಜಿನಿಯರ್ ಪಾತ್ರವು ನಮ್ಮಲ್ಲಿ ಜೂ.ಕ್ರೇಜಿಸ್ಟಾರ್ ಮನೋರಂಜನ್ ಮಾಡಲಿದ್ದಾರೆ ಎಂಬ ಸುದ್ದಿಯೊಂದಿದೆ.

 

2_138_585_amala paul stills in nayak (3)ಈ ತಮಿಳು ಚಿತ್ರದ ರಿಮೇಕ್ ರೈಟ್ಸ್ ಖ್ಯಾತ ಬಹುಭಾಷಾ ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ ಬಳಿಯಿದ್ದು, ಚಿತ್ರದ ನಾಯಕನ ಪಾತ್ರಕ್ಕೆ ಮನೋರಂಜನ್’ರನ್ನು ಸಂಪರ್ಕಿಸಿದ್ದಾರೆ ಎನ್ನಲಾಗಿದೆ. ಅಲ್ಲದೇ ಈ ಚಿತ್ರವನ್ನು ಅಧ್ಯಕ್ಷ, ರನ್ನ ಚಿತ್ರ ಖ್ಯಾತಿಯ ನಂದಕಿಶೋರ್ ನಿರ್ದೇಶಿಸಲಿದ್ದಾರೆ. ಹಾಗೆಯೇ ವಿಐಪಿ ಚಿತ್ರದಲ್ಲಿ ನಾಯಕಿಯಾಗಿ ಖ್ಯಾತ ಸೌತ್ ನಟಿ ಅಮಲಾ ಪೌಲ್ ಕಾಣಿಸಲಿದ್ದಾರೆ ಎನ್ನುವ ಸುದ್ದಿಯು ಬಂದಿದೆ. ಮೂಲ ಚಿತ್ರದಲ್ಲೂ ಧನುಷ್’ಗೆ ನಾಯಕಿಯಾಗಿ ಅಮಲಾ ಕೂಡ ಬಣ್ಣ ಹಚ್ಚಿದ್ದರು.

 

ಸದ್ಯ ಕಿಚ್ಚ ಸುದೀಪ್’ರ ಹೆಬ್ಬುಲಿ ಚಿತ್ರದೊಂದಿಗೆ ಕನ್ನಡಕ್ಕೆ ಪದಾರ್ಪಣೆಗೈಯ್ಯಲಿರುವ ನಟಿ ಅಮಲಾರನ್ನು ರಾಕ್ ಲೈನ್ ಕೆಲಸವಿಲ್ಲದ ಮನೋರಂಜನ್ ಹೀರೊಯಿನ್ ಮಾಡಲಿದ್ದಾರಾ ಎಂಬುದು ಕೆಲವೇ ದಿನಗಳಲ್ಲಿ ಗೊತ್ತಾಗಲಿದೆ.

 

★ಕಪ್ಪು ಮೂಗುತ್ತಿ

ಕಾಂಗ್ರೇಸ್ ಪಕ್ಷದಿಂದ ಸುದೀಪ್ ಸ್ಪರ್ಧೆ !?

ಸುದೀಪ್ ಮತ್ತೊಂದು ಮಹಾ ಸಾಹಸಕ್ಕೆ ಸಜ್ಜಾಗಿದ್ದಾರಾ ?
ನಟ, ನಿರ್ದೇಶಕ, ನಿರ್ಮಾಪಕ, ನಿರೂಪಕ,ಕ್ರಿಕೆಟ್ ಆಟಗಾರ…ಹೀಗೆ ವೆರೈಟಿ ವೆರೈಟಿ ರೂಪಗಳಲ್ಲಿ ಕಾಣಿಸಿಕೊಂಡಿದ್ದು ಎಲ್ಲರಿಗೂ ಗೊತ್ತು. ಆದರೆ ಈ ಬಾರಿ ಹೊಸದೊಂದು ಲೋಕಕ್ಕೆ ಕಾಲಿಡುವ ಸಾಧ್ಯತೆ ಇದೆ. ಎಲ್ಲವೂ  ಹಾಕಿದ ಲೆಕ್ಕಾಚಾರದಂತೆ ನಡೆದರೆ ಕಿಚ್ಚ ಕನ್ನಡಿಗರ ಮುಂದೆ ಆ ಡಿಫರೆಂಟ್ ಗೆಟಪ್‌ನಲ್ಲಿ ರಾರಾಜಿಸುವುದು ಸತ್ಯ.
ಕಿಚ್ಚನ ಹೊಸ ರೂಪ ?
ಇಪ್ಪತ್ತು ವರ್ಷಗಳ ಹಿಂದೆ ಈ ವ್ಯಕ್ತಿಯನ್ನು ಯಾರೂ ಅಷ್ಟೊಂದು ಸೀರಿಯಸ್ ಆಗಿ ತೆಗೆದುಕೊಂಡಿರಲಿಲ್ಲ. ಆದರೆ ಯಾವಾಗ ಹುಚ್ಚ ಸಿನಿಮಾ ಬಂತೊ, ಅಲ್ಲಿಂದ ಶುರುವಾಯಿತು  ಸುದೀಪ್ ಮೇನಿಯಾ. ಅದೊಂದು ಚಿತ್ರ ಮತ್ತು ಆ ಪಾತ್ರ ಅವರನ್ನು ಕನ್ನಡಿಗರ ಮನದಲ್ಲಿ ಮನೆಮಾಡಿಸಿತು . ಅಲ್ಲಿಂದ ಕಿಚ್ಚ ಹಿಂತಿರುಗಿ ನೋಡಲಿಲ್ಲ. ಒಂದರ ಹಿಂದೊಂದು ಹಿಟ್ ಚಿತ್ರಗಳನ್ನು ಕೊಡುತ್ತಾ, ತಮಗಿಷ್ಟವಾದ ಪಾತ್ರಗಳನ್ನು ಮಾಡುತ್ತಾ, ನಿರ್ದೇಶನದಲ್ಲೂ ಗೆಲ್ಲುತ್ತಾ ಇಲ್ಲಿವರೆಗೆ ಬಂದು ನಿಂತಿದ್ದಾರೆ. ತೆಲುಗಿನ ‘ಈಗ’ ಸಿನಿಮಾದಿಂದ ದೇಶ ವಿದೇಶಗಳಲ್ಲೂ ಅಭಿಮಾನಿಗಳನ್ನು ಗಳಿಸಿದರು.
 ಸದ್ಯಕ್ಕೆ ಹಾಲಿವುಡ್‌ನ ದಿ ರೈಸನ್ ಸಿನಿಮಾ ಒಪ್ಪಿಕೊಂಡು ಅಭಿಮಾನಿಗಳಲ್ಲಿ ಪುಳಕ ಮೂಡಿಸಿದ್ದಾರೆ. ಬರೀ ಇಷ್ಟೇ ಆಗಿದ್ದರೆ ಕಿಚ್ಚ ಈ ಮಟ್ಟಕ್ಕೆ ಹೆಸರು ಮಾಡುತ್ತಿರಲಿಲ್ಲ. ಸಿನಿಮಾದ ಜೊತೆ ಜೊತೆಗೆ ಇವರು ಕ್ರಿಕೆಟ್ ಪಂದ್ಯಗಳಲ್ಲಿ ತೊಡಗಿಸಿಕೊಂಡರು. ಅದರಲ್ಲಿ ಗೆದ್ದು ಕಪ್ ಕೈಗೆತ್ತಿಕೊಂಡರು.
ಹಾಗೆಯೇ ಬಿಗ್‌ಬಾಸ್ ಕಾರ್ಯಕ್ರಮದ ನಿರೂಪಕರಾಗಿ ಮನೆ ಮನವನ್ನು ಮುಟ್ಟಿದರು. ಗೆಳೆಯನಂತೆ, ಮಗನಂತೆ, ಅಣ್ಣನಂತೆ ಎಲ್ಲರ ಪ್ರೀತಿಗೆ ಪಾತ್ರರಾದರು. ಅದೇ ರನ್ನ ಈಗ ಹೊಸ ಗೆಟಪ್‌ನಲ್ಲಿ ಮಿಂಚಲು ರೆಡಿಯಾಗಿದ್ದಾರಂತೆ. ಅದೇ ರಾಜಕೀಯದ  ಆಟ.
ಸುದೀಪ್ ರಾಜಕೀಯಕ್ಕೆ ಬರುತ್ತಾರೆ ಅನ್ನೋದು ಇಂದು ನಿನ್ನೆಯ ಕತೆಯಲ್ಲ. ಹಲವು ವರ್ಷಗಳ ಹಿಂದೆಯೇ ಈ ಸುದ್ದಿ ಕೇಳಿ ಬಂದಿತ್ತು. ಚಿತ್ರದುರ್ಗದಿಂದ ಸ್ಫರ್ಧಿಸುತ್ತಾರೆ ಎನ್ನಲಾಗಿತ್ತು. ಆದರೆ ಸುದೀಪ್ ಅದನ್ನು ತಳ್ಳಿ ಹಾಕಿದ್ದರು. ಇನ್ನೇನು ವಿಧಾನ ಸಭೆ ಚುನಾವಣೆ ಕಣ್ಣ ಮುಂದಿದೆ. ಈಗ ಮತ್ತೆ ಕಿಚ್ಚನ ರಾಜಕೀಯ ಎಂಟ್ರಿಗೆ ಜೀವ ಬಂದಿದೆ. ಕಾಂಗ್ರೆಸ್ ಪಕ್ಷದಿಂದ ಕಿಚ್ಚ ಎಲೆಕ್ಷನ್ ಮೈದಾನಕ್ಕೆ ಇಳಿಯಲಿದ್ದಾರಂತೆ, ಚಿತ್ರದುರ್ಗ ಸಮೀಪದ ಮೊಳಕಾಲ್ಮೂರು ಕ್ಷೇತ್ರದಿಂದ ಸ್ಫರ್ಧಿಸುತ್ತಾರಂತೆ, ವಿಷ್ಣು ಸ್ಮಾರಕ ಕುರಿತು ಸಿಎಂ ಸಿದ್ದರಾಮಯ್ಯನವರನ್ನು ಭೇಟಿ ಮಾಡಲು ಹೋದಾಗ ಇದರ ಬಗ್ಗೆ ಮಾತು ಕತೆ ನಡೆದಿದೆಯಂತೆ. ಆದರೆ ಇದ್ಯಾವುದಕ್ಕೂ ಅಧಿಕೃತ ಆಧಾರ ಇಲ್ಲ. ಸುದ್ದಿ ಹಬ್ಬಿರುವುದು ಮಾತ್ರ ನಿಜ.
ವಿಧಾನ ಸೌಧ ಮೆಟ್ಟಿಲು ಏರ‍್ತಾರಾ ?
ಇಲ್ಲಿವರೆಗೆ ಸುದೀಪ್ ಯಾವತ್ತೂ ರಾಜಕೀಯದ ಬಗ್ಗೆ ಮಾತಾಡಿಲ್ಲ. ಕೆಲವು ಪಕ್ಷದ ಸ್ನೇಹಿತರಿಗಾಗಿ ಎಲೆಕ್ಷನ್ ಕ್ಯಾಂಪೇನ್‌ಗೆ ಹೋಗಿದ್ದು ಬಿಟ್ಟರೆ ಖಾದಿ ಜೊತೆ ಗುರುತಿಸಿಕೊಂಡವರಲ್ಲ. ಹಾಗಂತ ಈಗ ಎದ್ದಿರುವ ಸುದ್ದಿಯನ್ನು ತಳ್ಳಿ ಹಾಕುವಂತಿಲ್ಲ. ಯಾಕೆಂದರೆ ಕಿಚ್ಚ ಶಾಸಕನಾಗದಿದ್ದರೂ ಸಮಾಜ ಸೇವೆ ಮಾಡುತ್ತಿದ್ದಾರೆ. ಅವರದೇ ಒಂದು ಫೌಂಡೇಶನ್ ಮೂಲಕ ಅಸಹಾಯಕರು, ಬಡ ವಿದ್ಯಾರ್ಥಿಗಳು ಸೇರಿದಂತೆ ಹಲವರಿಗೆ ಆರ್ಥಿಕ ಸಹಾಯ ಮಾಡುತ್ತಿದ್ದಾರೆ. ಅದರ ಮುಂದುವರೆದ ಭಾಗ ಅಂದರೆ ಅದು ಶಾಸಕನಾಗುವುದು. ಆ ಬಂಗಾರದ ತಟ್ಟೆ ಅವರ ಮುಂದಿದೆ. ಅದರಲ್ಲಿ ಊಟ ಮಾಡುತ್ತಾರಾ ಇಲ್ಲವಾ ? ಸದ್ಯಕ್ಕದು ಸಸ್ಪೆನ್ಸ್ !
ಎಲ್ಲಾ ಬಿಟ್ಟು ಕಿಚ್ಚ ಮೊಳಕಾಲ್ಮೂರು ಕ್ಷೇತ್ರದಿಂದ ಯಾಕೆ ಸ್ಫರ್ಧಿಸುತ್ತಿದ್ದಾರೆ ? ಈ ಪ್ರಶ್ನೆ ಮೂಡುವುದು ಸಹಜ. ಅದಕ್ಕೆ ಕಾರಣ ಇಲ್ಲಿದೆ. ಆ ಕ್ಷೇತ್ರದಲ್ಲಿ ನಾಯಕ ಸಮಾಜಕ್ಕೆ ಸೇರಿದ ಒಂದು ಲಕ್ಷ ಜನರಿದ್ದಾರೆ. ಸುದೀಪ್ ಕೂಡ ಅದೇ ಸಮಾಜಕ್ಕೆ ಸೇರಿದವರು. ಹೀಗಾಗಿ ಕಿಚ್ಚನ ಗೆಲುವು ಸುಲಭ ಎನ್ನುವುದು ಕಾಂಗ್ರೆಸ್ ಲೆಕ್ಕಾಚಾರ ಹಾಕಿದೆ. ಇದನ್ನು ಮೀರಿ ಬೇರೆ ಯಾವ ಕ್ಷೇತ್ರ ಕೇಳಿದರೂ ಕಾಂಗ್ರೆಸ್ ಪಕ್ಷ ಕೊಡಲಿದೆಯಂತೆ. ಇದಕ್ಕೆಲ್ಲಾ ಮೀಡಿಯೇಟರ್ ಯಾರು ಗೊತ್ತೆ ? ಸ್ಯಾಂಡಲ್ವುಡ್  ಕ್ವೀನ್ ರಮ್ಯಾ! ಈಗಾಗಲೇ ಕಾಂಗ್ರೆಸ್ ಪಕ್ಷದ ಪ್ರಚಾರದ ಉಸ್ತುವಾರಿ ಹೊತ್ತುಕೊಂಡಿರುವ ರಮ್ಯಾ, ರಾಹುಲ್ ಗಾಂಧಿಗೆ ಹತ್ತಿರವಾಗಿದ್ದಾರೆ. ಅದಕ್ಕೆ ಕಿಚ್ಚನಿಗೆ ಈ ಪದ್ಮಾವತಿ ಕೈ ಜೋಡಿಸಿದ್ದಾರಂತೆ.
ಕಳೆದ ನಾಲ್ಕು ಬಾರಿ ಮೊಳಕಾಲ್ಮೂರು ಕ್ಷೇತ್ರದಲ್ಲಿ ಕಾಂಗ್ರೆಸ್ ಪಕ್ಷ ಗೆಲುವು ಸಾಧಿಸುತ್ತಾ ಬಂದಿದೆ. ಅದು ಕಿಚ್ಚನ ಗೆಲುವಿನ ಹಾದಿಯನ್ನು ಇನ್ನಷ್ಟು ಸುಗಮ ಮಾಡಲಿದೆ. ಆದರೆ ಆ ಕ್ಷೇತ್ರದ ಮೇಲೆ ಲೋಕಲ್ ರಾಜಕೀಯ ನಾಯಕರು ಕಣ್ಣು ಹಾಕಿದ್ದಾರೆ. ಹಾಲಿ ಜಿಲ್ಲಾ ಪಂಚಾಯತ್ ಸದಸ್ಯರೊಬ್ಬರು ಇಲ್ಲಿಂದ ಅಖಾಡಕ್ಕೆ ಇಳಿಯಲು ತಯಾರಾಗಿದ್ದಾರೆ. ನಟ ಶಶಿಕುಮಾರ್ ಕೂಡ ಖಾದಿ ಜುಬ್ಬಾ ಪೈಜಾಮಿಗೆ ಐರನ್ ಮಾಡಿಟ್ಟುಕೊಂಡಿದ್ದಾರೆ. ಆದರೆ ಸುದೀಪ್ ನಿಜಕ್ಕೂ ರಾಜಕೀಯಕ್ಕೆ ಬರಲು ಮನಸು ಮಾಡಿದರೆ ಇವರೆಲ್ಲ ಸೈಡಿಗೆ ಹೋಗುವುದು ಖಚಿತ. ನಿಜಕ್ಕೂ ಕಿಚ್ಚ ವಿಧಾನ ಸೌಧ ಮೆಟ್ಟಿಲು ಹತ್ತಲು ತಯಾರಾಗುತ್ತಾರಾ ? ಅಥವಾ ಬಣ್ಣದ ಲೋಕ ಸಾಕೆಂದು ಸೈಲೆಂಟಾಗುತ್ತಾರಾ ? ಉತ್ತರಕ್ಕಾಗಿ ಇನ್ನೊಂದು ತಿಂಗಳು ಕಾಯಬೇಕಷ್ಟೇ…

ಕೊನೆಗೂ ಕಾಲೇಜು ಕುಮಾರನ ಕೈ ಹಿಡಿದ ನಟಿ ಸಂಯುಕ್ತ ಹೆಗಡೆ

ಕಿರಿಕ್ ಪಾರ್ಟಿ ಸಿನಿಮಾದಲ್ಲಿ ಕ್ಯೂಟ್ ಕಿರಿಕ್ ಇಂದ ಸುದ್ದಿಯಾಗಿದ್ದ ನಟಿ ಸಂಯುಕ್ತ ಹೆಗಡೆ ಕೊನೆಗೂ ಕಾಲೇಜ್‌ ಕುಮಾರನಿಗೆ ಒಕೆ ಅಂದಿದ್ದಾರೆ. ಕಾಲೇಜ್ ಕುಮಾರನಿಗೆ ಕಿರಿಕ್ ಕುಮಾರಿ ಇನ್ನೇನು ಕೈಕೊಟ್ಟಳು ಅನ್ನೋ ಮಾತುಗಳು ಕೇಳಿ ಬಂದಿದ್ವು. ಆದ್ರೆ ಲೇಟಾದ್ರು ಲೇಟೆಸ್ಟ್ ಆಗಿ ಕಾಲೇಜು ಕುಮಾರನ ಕೈ ಹಿಡಿದು ಬುದ್ಧಿವಂತಿಕೆ ಪ್ರದರ್ಶನ ಮಾಡಿದ್ದಾರೆ ನಟಿ ಸಂಯುಕ್ತ ಹೆಗಡೆ.

‘ಕಿರಿಕ್’ ಕುಮಾರಿ ವಿರುದ್ಧ ಚೇಂಬರ್ ಗೆ ದೂರು..!

ನಿರ್ದೇಶಕ ಸಂತು ಹೊಸ ಸಿನಿಮಾ ಮಾಡುತ್ತಿದ್ದು ಅದರ ಹೆಸರು ಕಾಲೇಜ್‌ಕುಮಾರ. ಕೆಲವೇ ದಿನಗಳ ಹಿಂದೆ ಕಿಚ್ಚ ಸುದೀಪ್ ಇದರ ಮುಹೂರ್ತಕ್ಕೆ ಬಂದು ಶುಭ ಕೋರಿದ್ದರು. ಮಂಗಳವಾರದಿಂದ ಶೂಟಿಂಗ್ ಆರಂಭವಾಗಬೇಕಿತ್ತು. ಆದ್ರೆ ಚಿತ್ರದ ನಾಯಕಿಯಾಗಿ ಆಯ್ಕೆಯಾಗಿದ್ದ ಸಂಯುಕ್ತ ಹೆಗಡೆ ಕಾಲೇಜುಕುಮಾರ ಚಿತ್ರದಲ್ಲಿ ನಟಿಸಲ್ಲ ತಮಿಳಿನಲ್ಲಿ ನಟಿಸಲು ಹೊರಟಿದ್ದಾರೆ ಅನ್ನೋ ಸುದ್ದಿ ಹಬ್ಬಿತ್ತು.. ಹೀಗಾಗಿ ನಿರ್ಮಾಪಕರು ಸಂಯುಕ್ತ ಹೆಗಡೆ ವಿರುದ್ಧ ಚೇಂಬರ್ ಗೆ ದೂರು ನೀಡಲು ಮುಂದಾಗಿದ್ರು..

ಸಂಯುಕ್ತ ನಿರ್ಧಾರದ ಹಿಂದೆ ಪ್ರಭುದೇವ..!

ಪ್ರಭುದೇವ ಹಿಂದಿ ಹಾಗು ತಮಿಳಿನಲ್ಲಿ ಖ್ಯಾತ ನಿರ್ದೇಶಕನಾಗಿದ್ದು, ತಮಿಳು ಸಿನಿಮಾದಲ್ಲಿ ಸಂಯುಕ್ತ ಹೆಗಡೆಗೆ ಚಾನ್ಸ್ ನೀಡಿದ್ರಂತೆ. ಸಿಕ್ಕಿದ್ದೇ ಚಾನ್ಸ್ ಅಂತಾ ಕನ್ನಡ ಚಿತ್ರಕ್ಕೆ ಕೈಕೊಟ್ಟು ತಮಿಳಿನತ್ತ ಹೊರಡಲು ಸೂಟ್ ಕೇಸ್ ರೆಡಿ ಮಾಡಿದ್ರು. ಡೇಟ್ಸ್ ಹೊಂದಾಣಿಕೆ ಆಗ್ತಿಲ್ಲ ಅಂತ ಬಸ್ ಹತ್ತಲು ರೆಡಿಯಾಗಿದ್ದ ನಟಿ ವಿರುದ್ದ ಚೇಂಬರ್ ಮೆಟ್ಟಿಲೇರಲು ಸಜ್ಜಾದ ವಿಚಾರ ಗೊತ್ತಾಗ್ತಿದ್ದ ಹಾಗೆ ಯೂ ಟರ್ನ್ ಹೊಡೆದಿದ್ದಾರೆ. ಆಗಿದ್ದು ಆಯ್ತು ನಾನು ಕಾಲೇಜು ಕುಮಾರನ ಜೊತೆಯೇ ಹೋಗುತ್ತೇನೆ ಅಂದಿದ್ದಾರೆ ನಟಿಮಣಿ

Like Us, Follow Us !

120,916FansLike
1,826FollowersFollow
1,563FollowersFollow
3,414SubscribersSubscribe

Trending This Week