23 C
Bangalore, IN
Tuesday, March 26, 2019

ನಟ ಚಿಕ್ಕಣ್ಣ ಹುಟ್ಟುಹಬ್ಬಕ್ಕೆ ಸೂಪರ್ ಗಿಫ್ಟ್ “ಸಂಹಾರ “ಟ್ರೈಲರ್ ?!

ಹಾಸ್ಯ ನಟ ಚಿಕ್ಕಣ್ಣ ಅಂದ್ರೆ ಸಿನಿಪ್ರಿಯರಿಗೆ ಅಚ್ಚುಮೆಚ್ಚು. ತೆರೆಯ ಮೇಲೆ ಬರುತ್ತಿದ್ದ ಹಾಗೆ ಪ್ರೇಕ್ಷಕರಿಂದ ಶಿಳ್ಳೆ ಗಿಟ್ಟಿಸಿಕೊಳ್ಳುವ ಬೊಂಬಾಟ್ ಕಲಾವಿದ ಚಿಕ್ಕಣ್ಣ . ಹಿಂದೆ ಕನ್ನಡದ ಕಣ್ಮಣಿ ರಾಜ್ ಕುಮಾರ್ ಜೊತೆಯಾಗಿ ನಟಿಸುತ್ತಾ ಅಪಾರ ಜನಮನ್ನಣೆ ಗಳಿಸಿದ್ದ ನರಸಿಂಹರಾಜು ಅವರ ಹಾಗೆ ಚಿಕ್ಕಣ್ಣ ಕೂಡ ಎಲ್ಲ ನಾಯಕ ನಂತರ ಜೊತೆಯಾಗಿ ನಟಿಸುತ್ತಾ ಅಭಿಮಾನಿಗಳನ್ನು ಗಳಿಸಿದ್ದಾರೆ .

ಇಂದು ಅವರ ಹುಟ್ಟುಹಬ್ಬ . ಅದರ ಪ್ರಯುಕ್ತವಾಗಿ ಗುರುರಾವ್ ದೇಶಪಾಂಡೆ ನಿರ್ದೇಶನದ, ಚಿರಂಜೀವಿ ಸರ್ಜಾ ಮುಖ್ಯ ಭೂಮಿಕೆಯಲ್ಲಿರುವ  ಸಂಹಾರ ಚಿತ್ರ ತಂಡ ಟ್ರೈಲರ್ ಬಿಡುಗಡೆ ಮಾಡಿದೆ . ಅಲ್ಲಿ ಚಿಕ್ಕಣ್ಣ ರಾಜಾಹುಲಿ ಹೆಸರಿನ ಪೊಲೀಸ್ ಅಧಿಕಾರಿಯಾಗಿ ಖಡಕ್ ಆಗಿ ಅಭಿನಯಿಸಿರುವುದು ಢಾಳಾಗಿದೆ. ಚೇಷ್ಟೆ, ಕುಚೇಷ್ಟೆ ಜೊತೆಗೆ  ಒಂದೆರಡು ಗಂಭೀರವೆನಿಸುವ ಪಾತ್ರಗಳಲ್ಲೂ ಮಿಂಚಿ  ತನ್ನ ಸಹಜ ಅಭಿನಯದಿಂದ ಪ್ರೇಕ್ಷರನ್ನು ತೆರೆಯ ಮೇಲೆ ರಂಜಿಸಿರುವ ಚಿಕ್ಕಣ್ಣ ಪೊಲೀಸ್ ಅಧಿಕಾರಿಯಾಗಿ ಅಬ್ಬರಿಸಿ ಸಿನಿಪ್ರಿಯರಿಗೆ ಖುಷಿ ಕೊಡುವುದರಲ್ಲಿ ಎರಡು ಮಾತಿಲ್ಲ. ಆದರೂ ಸಿನಿಮಾ ಹೇಗಿರುತ್ತೋ ಕಾದು ನೋಡೋಣ.

ಅಪ್ಪಟ ಪ್ರತಿಭಾವಂತ ಚಿಕ್ಕಣ್ಣ ಇನ್ನಷ್ಟು ವಿಭಿನ್ನ ಪಾತ್ರಗಳಲ್ಲಿ ಅಭಿನಯಿಸಿ ರಾಷ್ಟ್ರಮಟ್ಟದಲ್ಲಿ ಬೆಳಗಲಿ ಎನ್ನುವುದು ciniadda.com  ಬಳಗದ ಹಾರೈಕೆ .

ಸಂಹಾರ ಚಿತ್ರದ ವಿಶೇಷ ಟ್ರೈಲರ್ ಇಲ್ಲಿದೆ .

 

 

ಪ್ರಿಯಾಂಕ ಉಪೇಂದ್ರ ಮಗಳೊಂದಿಗೆ ಹೊಸ ಸಾಹಸ!!

ಪ್ರಿಯಾಂಕ ಉಪೇಂದ್ರ ಹೊಸತನಕ್ಕೆ ತುಡಿಯುವ ಕಲಾವಿದೆ. ಮಮ್ಮಿ ಯಶಸ್ಸಿನ ನಂತರ ಮತ್ತೊಂದು ಸಾಹಸಕ್ಕೆ ಕೈ ಹಾಕಿದ್ದಾರೆ. ಅದೇ ಔರಾ ಬ್ರಿಡ್ಜ್ ! ಕೋಲ್ಕತ್ತದಲ್ಲಿರುವ ಈ ಬ್ರಿಡ್ಜ್ ನ ಸುತ್ತ-ಮುತ್ತ ಕಥೆ ಬಿಚ್ಚಿಕೊಳ್ಳುತ್ತದೆ.
ಪ್ರಿಯಾಂಕ ಮುಖ್ಯಭೂಮಿಕೆಯಲ್ಲಿರುವ ಚಿತ್ರದಲ್ಲಿ ಪ್ರಿಯಾಂಕ ಮಗಳ ಪಾತ್ರಕ್ಕೆ ಬಣ್ಣ ಹಚ್ಚುತ್ತಿರುವುದು ಸ್ವತಃ ಉಪೇಂದ್ರ-ಪ್ರಿಯಾಂಕ ಪುತ್ರಿ ಐಶ್ವರ್ಯ. ಐಶ್ವರ್ಯಗೆ ಇದು ಮೊಟ್ಟ ಮೊದಲ ಚಿತ್ರ.

ತಾಯಿ ಮಗಳ ಸುತ್ತ ಸುಳಿದಾಡುವ ಮನಸ್ಸಿಗೆ ಸಂಬಂಧಪಟ್ಟ ”ಸೈಕಾಲಾಜಿಕಲ್ ಥ್ರಿಲ್ಲರ್” ಕಥೆ ಇದು. ಪ್ರಿಯಾಂಕ ಜೊತೆ ಮಗಳೂ ಕೂಡ ತನ್ನ ಆಟ-ಪಾಠ ಎಲ್ಲವನ್ನೂ ಬದಿಗಿರಿಸಿ ಕೋಲ್ಕತ್ತದಲ್ಲ ಕೆಲವು ದಿನಗಳಿಂದ ನಡೆಯುತ್ತಿರುವ ಶೂಟಿಂಗ್ ನಲ್ಲಿ ತಲ್ಲೀನಳಾಗಿದ್ದಾಳೆ. ಪ್ರಿಯಾಂಕಗೂ ಕೂಡ ಇದು ಬಹಳ ಮೆಚ್ಚಿನ ಚಿತ್ರವಂತೆ. ಮಹಿಳೆಯೇ ಪ್ರಧಾನವಾಗಿರುವ ಚಿತ್ರಗಳನ್ನು ಮತ್ತಷ್ಟು ಮಾಡಬೇಕು ಎನ್ನುವುದು ಅವರ ಹೆಬ್ಬಯಕೆ.

ಮುವತ್ತು ದಿನಗಳ ಕಾಲ ನಿರಂತರವಾಗಿ ಕೋಲ್ಕತ್ತದ ಆಸುಪಾಸಿನಲ್ಲೂ ದೃಶೃಗಳನ್ನು ಚಿತ್ರೀಕರಿಸುವ ಯೋಜನೆ ಇದೆ.
ಮಮ್ಮಿ ಯ ಯಶಸ್ಸಿನ ನಂತರ ಔರಾ ಬ್ರಿಡ್ಜ್ ಕೈಗೆತ್ತಿಕೊಂಡಿರುವ ನಿರ್ದೇಶಕ ಲೋಹಿತ್ ತಮ್ಮ ನೆಚ್ಚಿನ ಸಿನಿಮ್ಯಾಟೋಗ್ರಾಫರ್ ವೇಣು ಜೊತೆಗೆ ಹಳೆಯ ತಂಡದ ಪ್ರತಿಭೆಗಳನ್ನೇ ಇಲ್ಲೂ ತಂದಿದ್ದಾರೆ.
ಪ್ರಿಯಾಂಕ ಗೆ ಕೊಟ್ಟ ಮಾಹಿತಿಯ ಪ್ರಕಾರ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಮುಂದಿನ ವರುಷ ತೆರೆಗೆ ಬರುವುದಂತು ದಿಟ.

“ಅಂಜನಿಪುತ್ರ”ನಿಗೆ ದೊಡ್ಡ ಸಂಕಷ್ಟ !?

ಅಂಜನೀಪುತ್ರ ಚಿತ್ರಕ್ಕೆ ಮತ್ತೆ ಆತಂಕ ಎದುರಾಗಿದೆ. ಅಂಜನಿಪುತ್ರ ಚಿತ್ರ ಪ್ರದರ್ಶನ ನಿಲ್ಲಿಸಲು ಡಿಜಿಐಜಿಗೆ ನಿರ್ದೇಶನ ನೀಡಲಾಗಿದೆ. ಇಡೀ ರಾಜ್ಯಾದ್ಯಂತ ಚಿತ್ರ ಪ್ರದರ್ಶನ ‌ಸ್ಥಗಿತಗೊಳಿಸುವಂತೆ  ಸಿಟಿ ಸಿವಿಲ್ ಕೋರ್ಟ್ ನ್ಯಾ. ತಿಮ್ಮಣ್ಣಾಚಾರ ಅವರಿಂದ ಆದೇಶ ಹೊರಬಿದ್ದಿದೆ.
 ವಕೀಲರ ವಿರುದ್ಧ ಅವಹೇಳನಕಾರಿ ಡೈಲಾಗ್ ಹಿನ್ನಲೆ
ವಕೀಲರಾದ ನಾರಾಯಣ ಸ್ವಾಮಿ, ವಿಜಯ್ ಕುಮಾರ್ ಸೇರಿ ಐವರು ವಕೀಲರು ಅಂಜನೀಪುತ್ರ ಚಿತ್ರದಲ್ಲಿ ವಕೀಲರ ವಿರುದ್ಧ ಅವಹೇಳನಕಾರಿ ಡೈಲಾಗ್ ಇದ್ದು ,ಅದನ್ನು ತೆಗೆಯದ ಹೊರತು ಪ್ರದರ್ಶನಕ್ಕೆ ಅನುವು ಮಾಡಬಾರದೆಂದು ಅರ್ಜಿ ಸಲ್ಲಿಸಿದ್ದರು.ಚಿತ್ರ ಪ್ರದರ್ಶನಕ್ಕೆ ತಡೆ ನೀಡಿ ಕಳೆದ ಶನಿವಾರ ಕೋರ್ಟ್ ಆದೇಶ ನೀಡಿತ್ತು. ಆದರೂ ಚಿತ್ರ ತಂಡ ಪ್ರದರ್ಶನ ನಿಲ್ಲಿಸಿರಲಿಲ್ಲ. ಕೋರ್ಟ್ ಆದೇಶ ಪಾಲಿಸಿರಲಿಲ್ಲ. ನ್ಯಾಯಾಂಗ ನಿಂದನೆ‌ ಅಡಿಯಲ್ಲಿ‌ ಪ್ರಕರಣ ದಾಖಲು‌ ಮಾಡಿದ್ದ   ಅರ್ಜಿದಾರ ವಕೀಲರು ಪ್ರದರ್ಶನ ಸ್ಥಗಿತಗೊಳಿಸಲು ಡಿಜಿಪಿಗೆ ಸೂಚನೆ ನೀಡುವಂತೆ  ಮನವಿ ಮಾಡಿದ್ದರು.
ಅರ್ಜಿ ವಿಚಾರಣೆ ನಡೆಸಿದ ಕೋರ್ಟ್ ಮಧ್ಯಂತರ ತಡೆಯಾಜ್ಞೆ ಜಾರಿಗೊಳಿಸಲು ಡಿಜಿಪಿಗೆ ನಿರ್ದೇಶನ ನೀಡಿ ಆದೇಶ ಹೊರಡಿಸಿದೆ.

ಅಲ್ಲಮನಿಗೆ ಒಲಿಯಲಿಲ್ಲ ಬಾಪು ಕೈ ಬಿಡಲಿಲ್ಲ ರಾಷ್ಟ್ರ ಪ್ರಶಸ್ತಿ.ಇನ್ನಾದರೂ ಬದಲಾದೀತೆ ನಿರ್ದೇಶಕರ ಮನಃಸ್ಥಿತಿ ?

64 ನೇ ಚಲನಚಿತ್ರ ರಾಷ್ಟ್ರ ಪ್ರಶಸ್ತಿಗಳು  ಪ್ರಕಟವಾಗಿವೆ .ಇತ್ತೀಚೆಗೆ  ರಾಜಕೀಯವಾಗಿ ಸಂಚಲನ ಮೂಡಿಸಿರುವ ಉತ್ತರಪ್ರದೇಶ “ಸಿನಿಮಾ ಸ್ನೇಹಿ” ರಾಜ್ಯ ಹೆಗ್ಗಳಿಕೆಗೆ ಪಾತ್ರವಾಗಿದೆ .ಕನ್ನಡ ನಾಡಿಗೆ ಆ ಭಾಗ್ಯ ವೆಂದು ಬರುವುದೋ ? ಇರಲಿ. ಕನ್ನಡದ  ಪಾಲಿಗೆ  ಅತೀವ ಸಂತಸ ಅಲ್ಲದಿದ್ದರೂ ಕರ್ನಾಟಕದ ಮಟ್ಟಿಗೆ  ಸಣ್ಣ ಸಮಾಧಾನ ಸಿಕ್ಕಿದೆ. ತುಳುವಿನ ಮದಿಪು ,ಕೊಂಕಣಿಯ ಕೆ ಸೆರಾ ಸೆರಾ ಪ್ರಶಸ್ತಿ ಬಾಚಿಕೊಂಡಿವೆ. ಅಲ್ಲಮ ಅತ್ಯುತ್ತಮ ಚಲನ ಚಿತ್ರ ಪ್ರಶಸ್ತಿ ಹೊತ್ತು ತರುತ್ತಾನೆಂಬ ನಿರೀಕ್ಷೆ ಸುಳ್ಳಾಗಿದೆ . ಆದರೂ ಚಿತ್ರದ ಹಾಡುಗಳು- ಹಿನ್ನೆಲೆ ಸಂಗೀತಕ್ಕೆ ಬಾಪು ಪದ್ಮನಾಭ ,ಅತ್ಯುತ್ತಮ ಪ್ರಸಾದನಕ್ಕೆ ಹಿರಿಯ ಕಲಾವಿದ ರಾಮಕೃಷ್ಣ ಪ್ರಶಸ್ತಿ ಪಡೆದಿರುವುದು  ಅಲ್ಪತೃಪ್ತಿ .

ಕಳೆದ ಬಾರಿ ರಾಜ್ಯ ಪ್ರಶಸ್ತಿ ಪಡೆದ ಹಜ್ ಚಿತ್ರದ ನಿರ್ದೇಶಕ ನಿಖಿಲ್ ಮಂಜು ಈ ಬಾರಿ “Reservation” ಚಿತ್ರಕ್ಕೆ ರಾಷ್ಟ್ರಪ್ರಶಸ್ತಿಯನ್ನೇ ಗೆದ್ದು ತಂದಿದ್ದಾರೆ.  ಆದ್ರೆ ಹಜ್ ಚಿತ್ರವಾಗಲಿ,  “Reservation” ಆಗಲಿ ಎಷ್ಟು ಜನರನ್ನ ತಲುಪಿದೆ ?ತಲುಪಲಿದೆ ? ಅನ್ನುವುದು ಕಾಡುತ್ತಿರುವ ಪ್ರಶ್ನೆ. ಪ್ರಶಸ್ತಿ ಬಂದರೆ ಸಾಕೆ ? ಸಿನಿಮಾ ಜನರನ್ನು ತಲುಪುವುದು ಬೇಡವೇ ?

ಇರಲಿ , ಒಮ್ಮೆ ಬಾಲಿವುಡ್ ಕಡೆಗೆ ಕಣ್ಣಾಯಿಸಿದರೆ ನಮ್ಮ ನೆಲೆಯ ಅರಿವಾದೀತು .

ನೀರ್ಜಾ -ಈ ಬಾರಿಯ ಅತ್ಯುತ್ತಮ ಹಿಂದಿ ಚಲಚಿತ್ರ . ಅನೇಕ ದಾಖಲೆಗಳನ್ನು ತನ್ನದಾಗಿಸಿಕೊಂಡ ಹೆಗ್ಗಳಿಗೆ ಅದರದ್ದು. ನೈಜ ಕಥೆ ಆಧರಿಸಿ ಪ್ರೇಕ್ಷಕರನ್ನು ಕ್ಷಣಕ್ಷಣಕ್ಕೂ ಅವರಿಸಿಕೊಳ್ಳುವಂತೆ ಉಸಿರು ಬಿಗಿ ಹಿಡಿಯುವಂತೆ,  ಅದೂ  ನಾಯಕಿ ಪ್ರಧಾನವಾಗಿ  ಹಿಡಿದಿಡುವುದು ಸುಲಭದ ಮಾತಲ್ಲ. ನಿರ್ದೇಶಕ ಸಮರ್ಥನಿದ್ದರೆ ಮಾತ್ರ ಇದು ಸಾಧ್ಯವಾಗುವಂತಹದ್ದು.ಬೆರಳೆಣಿಕೆಯಷ್ಟು ಮಂದಿ ಹೊಸರೀತಿಯ ಪ್ರಯತ್ನದಲ್ಲಿದ್ದರೂ ರಾಷ್ಟ್ರಮಟ್ಟ ತಲುಪಿಲ್ಲ. ಮೂರ್ನಾಲು ಮಂದಿಗೇ ಮತ್ತೆ ಮತ್ತೆ ಪ್ರಶಸ್ತಿಗಳು . ಬಂದರೂ ಜನ ನೋಡಿ ಅರ್ಥಮಾಡಿಕೊಳ್ಳಲಾಗದ ಚಿತ್ರಗಳು.  ಕನ್ನಡದಲ್ಲಿ ನಿರ್ಜಾ ರೀತಿಯ  ಪ್ರಯತ್ನಗಳು ಯಾವ ಕಾಲಕ್ಕೋ? ನಮ್ಮಲ್ಲಿ ಸೃಜನಶೀಲತೆ, ಬದ್ಧತೆ , ಗೆದ್ದೇ ತೀರುವ ಛಲದ ಕೊರತೆ ಎದ್ದು ನಿಂತಿದೆ. ಮನರಂಜಿಸುತ್ತಲೇ ಸಾಮಾನ್ಯನನ್ನು ಅಸಾಮಾನ್ಯ ಚಿಂತನೆಯ ಕಡೆಗೆ ಕರೆದೊಯ್ಯುವ ,ಅದರ ರುಚಿ ಹತ್ತಿಸುವ  ತಾಕತ್ತು ಸದ್ಯಕ್ಕಂತೂ ಯಾರಲ್ಲೂ ಕಂಡಿಲ್ಲ. ಪ್ರೇಕ್ಷಕರನ್ನು ಪ್ರಬುದ್ಧರಾಗಿಸುವ ಇಚ್ಚಾಶಕ್ತಿ ಯಾವಕಾಲಕ್ಕೆ ಬರುವುದೋ?  ನಮ್ಮ ಮಾರ್ಕೆಟ್ ಚಿಕ್ಕದು ಎನ್ನುವ ಕಾರಣ ಅವರಿಗಿರುವ ಚಿಂತನೆಯ ಪರಿಧಿಯಷ್ಟೇ ಸಣ್ಣದು.

ಪಿಂಕ್ -ಸಾಮಾಜಿಕ ಪಿಡುಗನ್ನ ಆಧರಿಸಿದ ಅತ್ತ್ಯತ್ತಮ ಚಿತ್ರ ಪಟ್ಟಿಯಲ್ಲಿ ಪ್ರಥಮ ಸ್ಥಾನ ಗಳಿಸಿದೆ.ಹೆಣ್ಣು  ಇಲ್ಲ ಅಂದ್ರೆ ಇಲ್ಲ ಅಂತ ಅರ್ಥ ಅಷ್ಟೆ . ಪೂರ್ವಗ್ರಹ ಪೀಡಿತರಾದ  ಗಂಡು-ಹೆಣ್ಣು ಮನಸ್ಸುಗಳಿಗೂ “ಹೌದು” ನೀವು ಹೇಳುತ್ತಿರುವುದರಲ್ಲಿ ಅರ್ಥವಿದೆ ಅನ್ನಿಸಿದ ಚಿತ್ರ.

ಈ ಎರಡು ಚಿತ್ರಗಳನ್ನ ಅಕಸ್ಮಾತ್ ನೋಡಿಲ್ಲದಿದ್ದರೆ ಮಿಸ್ ಮಾಡದೆ ನೋಡಿಬಿಡಿ. ಕೇವಲ ಪ್ರಶಸ್ತಿಯ ಗೌರವ,ಹಣಕ್ಕಾಗಿ ಸಿನಿಮಾ ಮಾಡದೆ ಜನರ ಮನಸ್ಸಿನಲ್ಲಿ ಉಳಿಯುವ,ಪ್ರೇರೇಪಿಸುವ ,ರಂಜಿಸುವ ಸಿನಿಮಾಕ್ಕೆ ಇವು ಮಾದರಿ.

ಉಳಿದ ಚಿತ್ರಗಳ ಪಟ್ಟಿ ಇಲ್ಲಿದೆ .

 

ಅತ್ಯುತ್ತಮ ಪರಿಸರ ಚಿತ್ರ -The Tiger Who Crossed the Line

ಅತ್ಯುತ್ತಮ ನಟ -ಅಕ್ಷಯ್ ಕುಮಾರ್ (ರುಸ್ತುಮ್ )

ಅತ್ಯುತ್ತಮ ಶೈಕ್ಷಣಿಕ ಚಿತ್ರ – The Waterfalls

ಅತ್ಯುತ್ತಮ ಆತ್ಮಕಥಾನಕ ಚಿತ್ರ -Zikr Uss Parivash Ka

ಅತ್ಯುತ್ತಮ ಸಿನಿಮಾ ಪುಸ್ತಕ -Lata Mangeshkar (ಜೀವನಗಾಥೆ )

ಅತ್ಯುತ್ತಮ ಅನಿಮೇಟೆಡ್ ಚಿತ್ರ -Hum Chitra Banate Hain

ಅತ್ಯುತ್ತಮ ತಮಿಳು ಚಿತ್ರ -ಜೋಕರ್ 

ಅತ್ಯುತ್ತಮ ಗುಜರಾತಿ ಚಿತ್ರ -Wrong Side Raju

ಅತ್ಯುತ್ತಮ ಮರಾಠಿ ಚಿತ್ರ -Dashakriya

ಅತ್ಯುತ್ತಮ ಬಂಗಾಳಿ ಚಿತ್ರ – Bisarjan

ಅತ್ಯುತ್ತಮ ಮಕ್ಕಳ ಚಿತ್ರ -Dhanak, Hindi

ಅತ್ಯುತ್ತಮ ಹಿನ್ನೆಲೆ ಗಾಯಕಿ -Iman Chakraborty

ಅತ್ಯುತ್ತಮ ಹಿನ್ನೆಲೆ ಗಾಯಕ -Sunder Iyer

ಅತ್ಯುತ್ತಮ ಮಲೆಯಾಳಂ ಚಿತ್ರ -Maheshinite Pratikaram

 

 

 

 

ನಟಿ ಚೈತ್ರಾ ಬಾಳಲ್ಲಿ ಬಿರುಗಾಳಿ..!!

ಸ್ಯಾಂಡಲ್​ವುಡ್ ನಟಿ ಚೈತ್ರಾ ಬಾಳಲ್ಲಿ ಬಿರುಕು ಮೂಡಿದ್ದು, ಪತಿ ಬಾಲಾಜಿ ಪೋತ್​ರಾಜ್ ವಿರುದ್ಧ ಮಾನಸಿಕ ಹಾಗೂ ದೈಹಿಕ ಕಿರುಕುಳ ನೀಡಿದ ಆರೋಪದ ಮೇಲೆ ಬಸವನಗುಡಿ ಮಹಿಳಾ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲು ಮಾಡಲಾಗಿದೆ.. ಮಾರ್ಚ್​ 14 ರಂದು ಬಾಲಾಜಿ ಪೋತ್​ರಾಜ್​ ವಿರುದ್ಧ ದೂರು ಸ್ವೀಕರಿಸಿರುವ ಪೊಲೀಸರು ಎಫ್​ಐಆರ್​ ದಾಖಲು ಮಾಡಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
ನಟಿ ಚೈತ್ರ ಪೋತ್​ರಾಜ್​ 2006ರಲ್ಲಿ ಬಾಲಾಜಿ ಪೋತ್​ರಾಜ್​ ಎಂಬುವರನ್ನು ಮದುವೆಯಾಗಿದ್ದು,ಎರಡು ಮಕ್ಕಳಿಗೆ ಜನ್ಮ ನೀಡಿದ್ದಾರೆ.ಈ ನಡುವೆ  ಚೈತ್ರ ಪೋತರಾಜ್ ಕನ್ನಡದ ಶಿಷ್ಯ, ಖುಷಿ ಚಿತ್ರದಲ್ಲಿ ನಟಿಸಿದ್ದಾರೆ.. ಚೈತ್ರಾ ನೀಡಿರುವ ದೂರಿನ ಪ್ರಕಾರ ಗಂಡ ಬಾಲಾಜಿ ಪೋತ್ ರಾಜ್ ಮದುವೆಯಾದ ನಂತರ ಪ್ರತಿನಿತ್ಯವೂ ದೈಹಿಕ ಕಿರುಕುಳ ನೀಡುತ್ತಿದ್ದರಂತೆ.. ಎರಡನೇ ಮಗುವಾದ ಮೇಲೆ ಚೈತ್ರಾ ಜೊತೆಗೆ ದೈಹಿಕ ಸಂಪರ್ಕವನ್ನು ಇಟ್ಟುಕೊಳ್ಳದೆ, ಚೈತ್ರಾರನ್ನು ಸಂಪೂರ್ಣ ನಿರ್ಲಕ್ಷ್ಯ ಮಾಡಿದ್ದರು ಎಂದು ದೂರಿದ್ದಾರೆ.
ಈ ಆರೋಪಗಳ ಜೊತೆಗೆ ಸಿನಿಮಾಗಳಲ್ಲಿ ನಟಿಸಬಾರದು ಎಂದು ಕಿರುಕುಳ ನೀಡುತ್ತಿದ್ದರು. ಇದೇ ವಿಚಾರಕ್ಕೆ ಜಗಳವಾಗಿದ್ದು ಇದೇ ತಿಂಗಳ 14ರಂದು ಬಾಲಾಜಿ ಪೋತರಾಜ್ ತೀವ್ರವಾಗಿ ಹಲ್ಲೆ ಮಾಡಿ ಪರಾರಿಯಾಗಿದ್ರಂತೆ.. ಆರೋಪಿ ಬಾಲಾಜಿ ಪೋತರಾಜ್ ಗೆ ಬೇರೆ ಬೇರೆ ಯುವತಿಯರ ಜೊತೆ ಅಕ್ರಮ ಸಂಬಂಧ ಇರುವುದರಿಂದ ನನ್ನ ಜೊತೆ ದೈಹಿಕ ಸಂಪರ್ಕ ಮಾಡದೆ ಬೇರೆ ಕಡೆ ಹೋಗುತ್ತಾ ನನಗೆ ದೈಹಿಕ ಹಿಂಸೆ ನೀಡ್ತಿದ್ದಾರೆ ಅಂತ ಆರೋಪ ಮಾಡಿದ್ದಾರೆ.
ಜ್ಯೋತಿ ಗೌಡ, ನಾಗಮಂಗಲ

ಶಿವಣ್ಣ-ರಕ್ಷಿತ್ ಶೆಟ್ಟಿ ಹುಲಿ ಕುಣಿತದ ಝಲಕ್ ಇಲ್ಲಿದೆ .

ಸೆ.29ಕ್ಕೆ ದರ್ಶನ್ ಹೊಸ ವರ್ಷನ್ ?!

ದರ್ಶನ್ ತೂಗುದೀಪ ಅವರಿಗೆ  ಅದ್ಭುತವಾದ ಅಭಿಮಾನಿ ಬಳಗವಿದೆ. ಆ ಬಳಗ ದರ್ಶನ್ ಅವರನ್ನು ಯಾವತ್ತೂ ಬಿಟ್ಟು ಕೊಟ್ಟಿಲ್ಲ . ಆದರೆ ಸಿನಿಮಾ ಬ್ಲಾಕ್ ಬಸ್ಟರ್ ಹಿಟ್ ಆಗಬೇಕಾದರೆ ಅಭಿಮಾನಿ ಬಳಗವಷ್ಟೇ ಸಾಕಾಗದು. ಒಂದು ಚೆಂದದ ಕತೆ ಬೇಕು. ನೋಡಿಸಿಕೊಂಡು ಹೋಗುವಂತಹ ಚಿತ್ರಕತೆ ಬೇಕು. ಹೊಸತನ ಬೇಕು. ಬಹುಶಃ ದರ್ಶನ್ ಹೊಸ ಸಿನಿಮಾದಲ್ಲಿ ಇವೆಲ್ಲವೂ ಸಿಗುವ ಸೂಚನೆ ಇದೆ.
ದರ್ಶನ್ ಹೊಸ ಸಿನಿಮಾದ ಹೆಸರು ತಾರಕ್. ಒಬ್ಬ ಚಂದದ ಶ್ರೀಮಂತ ಹುಡುಗನ ಕತೆ ಅದು. ಅವನಿಗೊಬ್ಬ ಸ್ಟೆ‘ಲಿಷ್ ತಾತ ದೇವರಾಜ್. ಜೊತೆಗಿಬ್ಬರು ಮುದ್ದಾದ ಹೀರೋಯಿನ್‌ಗಳು ಶಾನ್ವಿ ಶ್ರೀವಾಸ್ತವ್ ಮತ್ತು ಶ್ರುತಿ ಹರಿಹರನ್. ಇವರೆಲ್ಲರ ಕ್ಯಾಪ್ಟನ್ ಪ್ರಕಾಶ್ ಜಯರಾಮ್. ಫ್ಯಾಮಿಲಿ  ಸ್ಟೋರಿಗಳನ್ನು ಕೊಟ್ಟ ನಿರ್ದೇಶಕ ಅವರು. ಹಾಗಾಗಿ ಈ ಸಲ ದರ್ಶನ್‌ಗೂ ಹೊಸ ರೂಪ ಕೊಡುವ ಸಾಧ್ಯತೆ ಹೆಚ್ಚಾಗಿದೆ. ನೀವು ತಾರಕ್ ಸಿನಿಮಾದ ಸ್ಟಿಲ್ ಗಳನ್ನು ನೋಡಿದ್ದರೆ ಈ ಮಾತಿಗೆ ಸಹಮತ ವ್ಯಕ್ತಪಡಿಸುತ್ತೀರಿ.
ಎಲ್ಲಿಗೆ ಬಂತು ಶೂಟಿಂಗ್ ?
ಅಂದಹಾಗೆ ತಾರಕ್ ಸಿನಿಮಾದ ಶೂಟಿಂಗ್ ಈಗಾಗಲೇ ಮುಗಿದಿದೆ. ಸಿನಿಮಾ ಡಬ್ಬಿಂಗ್ ಟೇಬಲ್‌ಗೆ ಬಂದು ಕೂತಿದೆ. ಎಲ್ಲವೂ ಅಂದುಕೊಂಡಂತೆ ಆದರೆ ಸೆಪ್ಟೆಂಬರ್ ೨೯ಕ್ಕೆ ತಾರಕ್ ಸಿನಿಮಾ ಬಿಡುಗಡೆಯಾಗಲಿದೆ. ಬಹುಶಃ ಅವತ್ತು ಅಭಿಮಾನಿಗಳಿಗೆ ಹೊಸ ದರ್ಶನ್ ಸಿಗುತ್ತಾರೆ. ಅಂದ್ರೆ ದರ್ಶನ್ ತೂಗುದೀಪರ ಹೊಸ ವರ್ಷನ್ !!
ಸದ್ಯ ದರ್ಶನ್‌ಗೆ ಹೊಸ ರೂಪವೊಂದು ಸಿಗಬೇಕಾಗಿರುವುದು  ಅವಶ್ಯ. ಒಂದೇ ಒಂದು ಗೆಲುವು ಸಾಕು ದರ್ಶನ್‌ಗೆ ಮತ್ತೆ ಆಕಾಶಕ್ಕೆ ಏರಲು. ಅದು ತಾರಕ್ ಸಿನಿಮಾ  ಮಾಡುತ್ತದೆ ಎನ್ನುತ್ತಿವೆ ಮೂಲಗಳು. ಅನಂತರ ದರ್ಶನ್ ಕುರುಕ್ಷೇತ್ರಕ್ಕೆ ಕಾಲಿಡಲಿದ್ದಾರೆ.

“ವರ್ಧನ” ನಾಳೆಗೆ ತೆರೆಗಿಲ್ಲ ಯಾಕೆ ?

ನಾಗೇಂದ್ರ ಅರಸ್ ನಿರ್ದೇಶನದ ರಾಜಾಹುಲಿ ಖ್ಯಾತಿಯ ಹರ್ಷವರ್ಧನ್ ಅಭಿನಯದ ನಿರೀಕ್ಷಿತ  “ವರ್ಧನ” ಚಿತ್ರ ನಾಳೆ ಅಂದ್ರೆ ಶುಕ್ರವಾರ ತೆರೆಕಾಣುತ್ತಿಲ್ಲ. ಬಹುದಿನಗಳಿಂದ  ವಿಡಿಯೋ ಹಾಡುಗಳ ಮೂಲಕ ಸದ್ದು  ಮಾಡಿದ್ದ ಚಿತ್ರಕ್ಕೆ ಪ್ರೇಕ್ಷಕರನ್ನ ಮುಟ್ಟುವ ಕಾಲ ಕೂಡಿಬಂದಿಲ್ಲ.

ನಾಳೆಗೆ ಬಿಡುಗಡೆ ಆಗಬೇಕಿದ್ದ “ವರ್ಧನ”ಕ್ಕೆ ಸಾಕಷ್ಟು ಪ್ರಚಾರ ಕೊಟ್ಟಿತ್ತು ಚಿತ್ರತಂಡ. ಈಗ ಇದ್ದಕ್ಕಿದ್ದಂತೆ  ತಾಂತ್ರಿಕ ಕಾರಣಗಳಿಂದ ಬಿಡುಗಡೆ ಸಾಧ್ಯವಾಗುತ್ತಿಲ್ಲ ಎಂಬ ಮಾಹಿತಿ ರವಾನಿಸಿದೆ.ಜೊತೆಗೆ ಬಿಡುಗಡೆಯ ದಿನಾಂಕದ ಬಗ್ಗೆ ಮುಂದಿನ ದಿನಗಳಲ್ಲಿ ತಿಳಿಸಲಾಗುವುದು ಎಂದಿದೆ.

ಚಿತ್ರತಂಡದ ಸದಸ್ಯರೊಬ್ಬರ ಪ್ರಕಾರ “ವರ್ಧನ” ಬಿಡುಗಡೆಗೆ ತೊಡಕಾಗಿದ್ದು ತಾಂತ್ರಿಕ ದೋಷವಲ್ಲ. ಸೆನ್ಸಾರ್ ಮಂಡಳಿಯಿಂದ ಸರ್ಟಿಫಿಕೇಟ್ ಪಡೆಯುವ ಮುನ್ನವೇ ಚಿತ್ರ ಬಿಡುಗಡೆಯ ದಿನಾಂಕ ಗೊತ್ತು ಮಾಡಿದ್ದು. ಸರ್ಟಿಫಿಕೇಟ್ ಇನ್ನೂ ಸಿಗದಿರುವುದರಿಂದ ಬಿಡುಗಡೆ ಸಾಧ್ಯವಾಗುತ್ತಿಲ್ಲ . ಜೊತೆಗೆ ಅನುಭವಿ ನಿರ್ದೇಶಕರಾದ ನಾಗೇಂದ್ರ ಅರಸ್ ಹೀಗೇಕೆ ಮಾಡಿದರು ಅನ್ನುವುದು ಎಲ್ಲರ ಪ್ರಶ್ನೆಯಾಗಿದೆ.

ciniadda.com ಜೊತೆ ಮಾತನಾಡಿದ ಹೆಸರು ಹೇಳಲಿಚ್ಚಿಸದ ಸೆನ್ಸಾರ್ ಮಂಡಳಿಯ ಹಿರಿಯ ಸದಸ್ಯರೊಬ್ಬರು  ಹೇಳಿದ ಹಾಗೆ ಸರ್ಟಿಫಿಕೇಟ್ ತೆಗೆದುಕೊಳ್ಳದೆ ಚಿತ್ರದ ಬಿಡುಗಡೆ ದಿನಾಂಕ ಹೇಳಿರುವುದು ಸರಿಯಲ್ಲ. ಬಹಳಷ್ಟು ಚಿತ್ರಗಳು ಸೆನ್ಸಾರ್ ಸಾಲಿನಲ್ಲಿ ಇರುತ್ತವೆ.  ನಾವು ಬೇಗ ಬೇಗನೆ ಕ್ಲಿಯರ್ ಮಾಡ್ತಾನೆ ಇರ್ತೀವಿ. ಅಪ್ಲೈ ಮಾಡಿದ ಇಪ್ಪತ್ತೊಂದು ದಿನಗಳ ಒಳಗೆ ಸರ್ಟಿಫಿಕೇಟ್ ಕೊಡಬೇಕು . ಇಲ್ಲದಿದ್ದಾಗ ಮಾತ್ರ ಸಂಬಂಧ ಪಟ್ಟವರು ಪ್ರಶ್ನಿಸಬಹುದು. ಕೆಲವರು ಏನ್ ಮಹಾ ಆಗೋಗತ್ತೆ ನೋಡ್ಕಳಾಣ ಅಂತ ಡೇಟ್ ಅನೌನ್ಸ್ ಮಾಡಿಬಿಡ್ತಾರೆ. ಕೊನೆಗೆ ಒದ್ದಾಡ್ತಾರೆ. ಸಿನಿಮಾ ಮಾಡೋದು ಸರಿ ಆಮೇಲೆ ಕಾನೂನಿನ ಪ್ರಕಾರ ತೆರಿಗೆ ವಿನಾಯಿತಿ ,ಸೆನ್ಸಾರ್ ಸರ್ಟಿಫಿಕೇಟ್ ತೆಗೆದುಕೊಂಡು ರಿಲೀಸ್ ಡೇಟ್ ಅನೌನ್ಸ್ ಮಾಡಿದ್ರೆ ಇಂಥಾ ತೊಂದರೆಗಳು ಇರೋದಿಲ್ಲ .

varathana2816-mಒಟ್ಟಿನಲ್ಲಿ ವರ್ಧನದ ಮೂಲಕ ಯಶಸ್ಸನ್ನು ಹುಡುಕುತ್ತಿರುವ ಚಿತ್ರದ ನಾಯಕ ಹರ್ಷವರ್ಧನ್ ಗೆ ಈ ಘಟನೆ ಬೇಸರ ಮೂಡಿಸಿರುವುದಂತೂ ನಿಜ. ಆಪ್ತರ ಕರೆಗಳನ್ನೂ ಸ್ವೀಕರಿಸದೆ ಸುಮ್ಮನಿದ್ದುಬಿಟ್ಟಿದ್ದಾರಂತೆ . ಚಿತ್ರ ತೆರೆಕಂಡಾಗ ಅವರ ಕನಸು ನನಸಾಗಲಿದೆಯಾ ಅನ್ನುವುದನ್ನು ಪ್ರೇಕ್ಷಕರೇ ಹೇಳಬೇಕು.

ನಿರ್ದೇಶಕರ ಕೊಳಕು ಅಭಿರುಚಿಗೆ ಸಾಕ್ಷಿಯೇ ‘ಟೈಗರ್ ಗಲ್ಲಿ’? ವಿಮರ್ಶೆ ವಿಡಿಯೋ ಇಲ್ಲಿದೆ

ದರ್ಶನ್ ಗದಾಯುದ್ಧ; ವಿಷ್ಯ ಗೊತ್ತಾ?

ಮಹಾಭಾರತದಲ್ಲಿ ಅತಿ ಮುಖ್ಯವಾದ ಘಟ್ಟ ಗದಾಯುದ್ಧ. ಅತ್ತ ದುರ್ಯೋಧನ, ಇತ್ತ ಭೀಮ ಇಬ್ಬರೂ ಗದೆ ಹಿಡಿದುಕೊಂಡು ನಿಂತಿರುವುದನ್ನು ನೋಡುವುದಕ್ಕೂ ಧೈರ್ಯ ಬೇಕು. ಸದ್ಯ ದರ್ಶನ್ ರ 50ನೇ ಚಿತ್ರ ಮುನಿರತ್ನ  ಅವರ ಕುರುಕ್ಷೇತ್ರ ಅದೇ ಹಂತಕ್ಕೆ ಬಂದು ನಿಂತಿದೆ. ಇದೇ ನವೆಂಬರ್ 24ರಿಂದ ಮುನಿರತ್ನ ಕುರುಕ್ಷೇತ್ರ ಚಿತ್ರದ ಕ್ಲೈಮ್ಯಾಕ್ಸ್ ಗದಾಯುದ್ಧದ ಶೂಟಿಂಗ್ ಶುರುವಾಗಲಿದೆ ಎಂದು ಮೂಲಗಳು ತಿಳಿಸಿವೆ.

ಇಂಟರೆಸ್ಟಿಂಗ್ ಅಂದ್ರೆ ಇಲ್ಲಿ ದುರ್ಯೋಧನ ದರ್ಶನ್. ಭೀಮ ಸೈಫಿ ಅಖ್ತರ್ ಅಲಿ. 2ಡಿ ಮತ್ತು3ಡಿಯಲ್ಲಿ ನಿರ್ಮಾಣನಾಗುತ್ತಿರುವ ಈ ಚಿತ್ರದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. 2018ಫೆಬ್ರವರಿಯಲ್ಲಿ ಚಿತ್ರೀಕರಣ ಮುಗಿಸಲು ಶ್ರಮಿಸುತ್ತಿದೆ. ಹಾಗಾಗಿ ಇದೇ ವಾರಾಂತ್ಯ ಕ್ಲೈಮ್ಯಾಕ್ಸ್ ಚಿತ್ರೀಕರಣ. ಭೀಮ ದುರ್ಯೋಧನನ ಊರು ಭಂಗ ಮಾಡಿದರೆ ಅಂತ್ಯ.

ಹೈದರಾಬಾದ್ ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಚಿತ್ರೀಕರಣ ನಡೆಯುತ್ತಿದೆ. ದರ್ಶನ್ ಸೇರಿದಂತೆ ಎಲ್ಲರೂ ಉತ್ಸುಕರಾಗಿ ಚಿತ್ರೀಕರಣದಲ್ಲಿ ಭಾಗವಹಿಸುತ್ತಿದ್ದಾರೆ. ನೂರಾರು ಮಂದಿ ವಿಎಫ್ ಎಕ್ಸ್ ಕೆಲಸದಲ್ಲಿ ನಿರತರಾಗಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ಮುಗಿದರೆ ಫೆಬ್ರವರಿಯಲ್ಲಿ ದರ್ಶನ್ ಅಪರಾವತಾರ ನೋಡಿ ಅಭಿಮಾನಿಗಳು ಪುಳಕಿತರಾಗುವುದು ನಿಶ್ಚಿತ.

 

Like Us, Follow Us !

120,431FansLike
1,826FollowersFollow
1,573FollowersFollow
4,315SubscribersSubscribe

Trending This Week