31 C
Bangalore, IN
Monday, July 23, 2018

ಸುಬ್ಬಯ್ಯ ನಾಯ್ಡು: ಕನ್ನಡ ಚಿತ್ರರಂಗದ ಮೊದಲ ನಾಯಕ ನಟ

ಸುಬ್ಬಯ್ಯ ನಾಯ್ಡು: ಕನ್ನಡ ಚಿತ್ರರಂಗದ ಮೊದಲ ನಾಯಕ ನಟ

ಕನ್ನಡದ ಮೊದಲ ವಾಕ್ಚಿತ್ರ ‘ಸತಿ ಸುಲೋಚನ’ದಲ್ಲಿ ನಾಯಕನಟರಾಗಿ ಅಭಿನಯಿಸಿದ ಹೆಗ್ಗಳಿಕೆ ಸುಬ್ಬಯ್ಯ ನಾಯ್ಡು ಅವರದ್ದು. ಅವರು ಕನ್ನಡದ ಮೊದಲ ನಾಟಕ ನಟ ಅನ್ನುವುದು ಕೇವಲ ಅಂಕಿ-ಅಂಶಗಳ ಮೂಲಕ ಮಾತ್ರ ಗುರುತಿಸಲ್ಪಡೋ ಸಂಗತಿ ಅಲ್ಲ ನಾಯಕ ನಟರ ಅಭಿನಯಕ್ಕೆ ಒಂದು ರೀತಿಯಲ್ಲಿ ಮಾದರಿಯಾಗಿ ನಿಂತವರು ಅವರು. ವರನಟ ಡಾ.ರಾಜ್ ಕುಮಾರ್ ಅವರು ಸುಬ್ಬಯ್ಯ ನಾಯ್ಡು ಅವರ ಕಂಪನಿಯಲ್ಲಿ ಅಭಿನಯಿಸಿದ್ದವರು ಮಾತ್ರವಲ್ಲ ಅವರ ಅಭಿನಯ ಕ್ರಮವನ್ನೇ ಅನುಸರಿಸಿದವರೂ ಕೂಡ ಹೌದು. ಅಷ್ಟೇ ಅಲ್ಲ ಕನ್ನಡ ಚಿತ್ರರಂಗದ ಕನಿಷ್ಠ ಮೂರು ತಲೆಮಾರಿನ ಕಲಾವಿದರು ಸುಬ್ಬಯ್ಯ ನಾಯಡು ಅವರ ಅಭಿನಯ ಕ್ರಮವನ್ನೇ ಅನುಸರಿಸಿದ್ದರು.

ಎರಡನೇ ವಯಸ್ಸಿಗೆ ತಂದೆಯನ್ನು ಕಳೆದು ಕೊಂಡ ಸುಬ್ಬಯ್ಯ ನಾಯ್ಡು ಬಲು ಕಷ್ಟದ ಬಾಲ್ಯವನ್ನು ಕಂಡವರು. ಶಾಲೆಯ ಮುಖವನ್ನೇ ಕಾಣದೆ ಎಮ್ಮೆ ಮೇಯಿಸಿಕೊಂಡಿದ್ದರೂ ನಾಟಕಗಳನ್ನು ನೋಡಿ ಶುದ್ದ ಸಂಭಾಷಣೆಯನ್ನು ಬಾಲಕ ಸುಬ್ಬಯ್ಯ ನಾಯ್ಡು ಕಲಿತಿದ್ದರು. ಇದೇ ರಂಗಭೂಮಿಯ ಕಡೆ ಬರಲು ಪ್ರೇರಣೆ ನೀಡಿತು. ಗಿರಿಧರ್ಲಾಲ್ ಕಂಪನಿ ಮೂಲಕ ಪ್ರವೇಶ ಪಡೆದರೂ ಹೆಸರು ಮಾಡಿದ್ದು ಸುಬ್ಬು ಗುರಿಕಾರ್ ಅವರ ‘ಭಾರತ ಜನ ಮನೋವಿಲಾಸಿನಿ’ಕಂಪನಿಯ ಮೂಲಕ. ಅದರಲ್ಲೂ ‘ವಿರಾಟ ಪರ್ವ’ನಾಟಕದ ಸುದೇಷ್ಟೆ ಪಾತ್ರ ಹೆಸರು ತಂದು ಕೊಟ್ಟಿತು. ಇದನ್ನು ಮಾಡೋಳು ಹುಡುಗಿ ಅಂದುಕೊಂಡು ಮೋಹಿಸಿದ ಶ್ರೀಮಂತರೂ ಕೂಡ ಇದ್ದರು. ಗಂಗಾಧರ ರಾಯರ ಕಂಪನಿಯಲ್ಲಿ ನಾಯಕನ ಪಾತ್ರಗಳ ಮೂಲಕ ಹೆಸರು ಮಾಡಿದರು. ಇಲ್ಲಿಂದ ಮುಂದಿನ ಸ್ಟಾಪ್ ಗುಬ್ಬಿ ಕಂಪನಿ. ಇಲ್ಲಂತೂ ‘ಸುಭದ್ರಾ ಕಲ್ಯಾಣ’ದ ಶ್ರೀಕೃಷ್ಣನಾಗಿ ಹೆಸರು ಮಾಡಿದರು. ಅಷ್ಟು ಹೊತ್ತಿಗಾಗಲೇ ನಾಯಕನ ಪಾತ್ರವನ್ನು ನಿರ್ವಹಿಸುವುದರಲ್ಲಿ ಅವರು ಮಾದರಿ ಆಗಿ ಬಿಟ್ಟಿದ್ದರು. ಗುಬ್ಬಿ ಕಂಪನಿಯವರೇ ನಿರ್ಮಿಸಿದ ‘ಹಿಸ್ ಲವ್ ಆಪೇರ್’ ಅನ್ನೋ ಮೂಕಿ ಚಿತ್ರದಲ್ಲಿ ಕೂಡ ಸುಬ್ಬಯ್ಯ ನಾಯ್ಡು ಅಭಿನಯಿಸಿದರು.

ಈ ವೇಳೆಗೆ ಸುಬ್ಬಯ್ಯ ನಾಯ್ಡು ಅವರಿಗೆ ಆರ್.ನಾಗೇಂದ್ರ ರಾಯರ ಪರಿಚಯವಾಯಿತು. ರಾಯರು ಮುಂಬೈಗೆ ತೆರಳಿ ವಾಕ್ಚಿತ್ರಗಳಲ್ಲಿ ಅಭಿನಯಿಸಿ ಅನುಭವವನ್ನು ಪಡೆದುಕೊಂಡು ಬಂದಿದ್ದರು.ರಂಗಭೂಮಿಯ ಕುರಿತೂ ಅವರಿಗೆ ಹೊಸ ಐಡಿಯಾಗಳಿದ್ದವು. ಇದನ್ನು ಕೇಳಿ ಸುಬ್ಬಯ್ಯ ನಾಯ್ಡು ಅವರಿಗೆ ಅವರಿವರ ಕಂಪನಿಯಲ್ಲಿ ಕೆಲಸ ಮಾಡೋ ಬದಲಿಗೆ ರಾಯರ ಜೊತೆಯಲ್ಲಿ ಸ್ವಂತ ಕಂಪನಿ ಮಾಡಬಾರದು ಏಕೆ ಅನ್ನೋ ವಿಚಾರ ಬಂದಿತು. ರಾಯರ ಮೊದಲಿಗೆ ಒಪ್ಪದಿದ್ದರೂ ತಾಯಿ ರುಕ್ಮಿಣಿ ಬಾಯಿ ಮಾತಿಗೆ ಕಟ್ಟು ಬಿದ್ದು ಒಪ್ಪಿಕೊಂಡರು. ಹೀಗೆ ‘ಶ್ರೀಸಾಮ್ರಾಜ್ಯ ನಾಟಕ ಮಂಡಳಿ’ರೂಪುಗೊಂಡಿತು. ಇಲ್ಲಿ ರೂಪುಗೊಂಡ ‘ಭೂಕೈಲಾಸ’ ನಾಟಕ ಕನ್ನಡ ರಂಗಭೂಮಿಯ ಇತಿಹಾಸದಲ್ಲೇ ಮೈಲಿಗಲ್ಲು ಎನ್ನಿಸಿಕೊಂಡಿತು. ರಂಗದ ಮೇಲೆ ಮೊಟ್ಟ ಮೊದಲ ಸಲ ಡಿಮ್ಮರ್ಗಳು ಸ್ಪಾಟ್ ಲೈಟ್ಗಳು ಬಳಕೆಯಾದವು. ರಾವಣನಾಗಿ ಸುಬ್ಬಯ್ಯ ನಾಯ್ಡು ಅವರು ಅಭಿನಯದಲ್ಲಿ ಹೊಸತನವನ್ನು ತಂದಿದ್ದರು.

 15bg_bgkpm_SUCH_17_1847890e

ಇದೇ ವೇಳೆಗೆ ಚಮನ್ ಲಾಲ್ ಡುಂಗಾಜಿಯವರು ನಾಗೇಂದ್ರ ರಾಯರ ಬಳಿ ಕನ್ನಡ ಚಿತ್ರವನ್ನು ನಿರ್ಮಿಸುವ ಪ್ರಸ್ತಾಪವನ್ನು ಮುಂದಿಟ್ಟಿದ್ದರು. ನಾಗೇಂದ್ರ ರಾಯರು ಹಾಕಿದ್ದು ಒಂದೇ ಶರತ್ತು ‘ಸುಬ್ಬಯ್ಯ ನಾಯ್ಡು ಅವರು ನಾಯಕರಾಗ ಬೇಕು’ ಹೀಗೆ ಕನ್ನಡದ ಮೊದಲ ವಾಕ್ಚಿತ್ರ ‘ಸತಿ ಸುಲೋಚನ’ದಲ್ಲಿ ನಾಯಕ ಇಂದ್ರಜಿತುವಿನ ಪಾತ್ರವನ್ನು ಸುಬ್ಬಯ್ಯ ನಾಯ್ಡು ನಿರ್ವಹಿಸಿದರು. ರಂಗ ಭೂಮಿಗಿಂತಲೂ ಸಿನಿಮಾ ಭಿನ್ನ ಕ್ಷೇತ್ರವಾಗಿದ್ದು. ಆಗ ಕಲಾವಿದರು ಅಭಿನಯಿಸುತ್ತಲೇ ಹಾಡ ಬೇಕಿತ್ತು. ಸ್ಟುಡಿಯೋ ಇರಲೇ ಇಲ್ಲ. ಇಂತಹ ಸವಾಲಿನಲ್ಲಿ ಸುಬ್ಬಯ್ಯ ನಾಯ್ಡು ತಮ್ಮ ಸ್ವಂತಿಕೆಯನ್ನು ತೋರಿಸಿದರು ಅಲ್ಲಿಂದ ಮುಂದೆ ‘ವಸಂತ ಸೇನ’ ‘ಹರಿಶ್ಚಂದ್ರ’ ‘ಮಹಾತ್ಮ ಕಬೀರ್’ಚಿತ್ರಗಳ ನಾಯಕರಾಗಿ ಸುಬ್ಬಯ್ಯ ನಾಯ್ಡು ಅಭಿನಯಿಸಿ ಅಪಾರ ಜನಪ್ರಿಯತೆ ಪಡೆದರು. ಆದರೆ ಅವರ ಒಲವು ಇದ್ದಿದ್ದು ರಂಗಭೂಮಿಯ ಕಡೆಗೇ.

ಮದ್ರಾಸಿನಲ್ಲಿ ‘ಶ್ರೀಸಾಮ್ರಾಜ್ಯ ಮಂಡಳಿ’ ಕ್ಯಾಂಪ್ ಹಾಕಿದ್ದಾಗ. ಚಾಂಮ್ರವರ್ಣ ಅಣೆಕಟ್ಟು ಒಡೆದು ಅಪಾರ ನಷ್ಟವಾಯಿತು. ನಾಗೇಂದ್ರ ರಾಯರು ರಂಗಭೂಮಿ ಸಾಕು ಎಂದು ನಿರ್ಧರಿಸಿ ಚಿತ್ರರಂಗದಲ್ಲಿ ಭವಿಷ್ಯವನ್ನು ಕಾಣಲು ತೀರ್ಮಾನಿಸಿದರು. ಆದರೆ ಸುಬ್ಬಯ್ಯ ನಾಯಡು ಅವರು ರಂಗಭೂಮಿಯಲ್ಲೇ ಇಳಿಯಲು ಬಯಸಿದರು. ಇಲ್ಲಿ ಗೆಳೆಯರ ಹಾದಿ ಬೇರೆಯಾಯಿತು. ಇದರಿಂದ ಕನ್ನಡ ಚಿತ್ರರಂಗಕ್ಕೆ ದೊರಕ ಬಹುದಾಗಿದ್ದ ಸುಬ್ಬಯ್ಯ ನಾಯ್ಡು ಅವರ ವಿಶಿಷ್ಠ ಪಾತ್ರಗಳು ತಪ್ಪಿ ಹೋದವು. ಮುಂದೆ ಅವರು ಚಿತ್ರ ನಿರ್ಮಿಸಿದ್ದು ಮಗ ಲೋಕೇಶ್ಗಾಗಿ. ‘ಭಕ್ತಪ್ರಹ್ಲಾದ’ಚಿತ್ರವನ್ನು ನಿರ್ಮಿಸಿ ತಾವೇ ಹಿರಣ್ಯ ಕಶಪುವಿನ ಪಾತ್ರವನ್ನು ಅಮೋಘವಾಗಿ ಮಾಡಿದರು. ಅಲ್ಲಿ ಕೂಡ ಅವರ ಪ್ರತಿಭೆಯನ್ನು ಗುರುತಿಸುವ ಮನೋಭಾವ ಕೆಲಸ ಮಾಡಿತ್ತು. ಲೀಲಾವತಿಯವರು ಚಿತ್ರರಂಗಕ್ಕೆ ಬಂದಿದ್ದು ಈ ಚಿತ್ರದ ಮೂಲಕವೇ.

ರಂಗಭೂಮಿಯಲ್ಲೇ ಉಳಿಯಲು ತೀರ್ಮಾನಿಸಿದ ಸುಬ್ಬಯ್ಯ ನಾಯಡು ಹಲವು ಹೊಸ ಪ್ರಯೋಗಗಳನ್ನು ಮಾಡಿದರು. ‘ತಿರುಗುವ ರಂಗಸಜ್ಜಿಕೆ’ಮಾಡಿದರು. ರಾಷ್ಟ್ರಮಟ್ಟದಲ್ಲೇ ಇಂತಹ ಪ್ರಯೋಗ ನಡೆದಿದ್ದು ಅದೇ ಮೊದಲು. ಹೊಸ ಕಲಾವಿದರನ್ನು ಹುಡುಕಿದರು. ಶ್ರೀಕಂಠ ಮೂರ್ತಿಗಳು ಅವರ ಕಂಪನಿಯ ಪ್ರಮುಖ ನಟರಾಗಿದ್ದರು.

ಒಮ್ಮೆ ಅವರಿಗೆ ಅನಾರೋಗ್ಯ ಉಂಟಾಯಿತು. ನಾಟಕಕ್ಕೆ ಟಿಕೇಟ್ ವಿತರಿಸಿಯಾಗಿತ್ತು. ಒಬ್ಬ ಕಲಾವಿದನ ಸಲುವಾಗಿ ನಾಟಕ ನಿಲ್ಲಿಸುವುದು ಸರಿಯಲ್ಲ ಎಂದು ಸುಬ್ಬಯ್ಯ ನಾಯಡು ನಿರ್ಧರಿಸಿದರು. ಆದರೆ ‘ಭಕ್ತ ಅಂಬರೀಷ’ದಲ್ಲಿ ರಮಾಕಾಂತನ ಪಾತ್ರವನ್ನು ವಹಿಸುವುದು ಸುಲಭವಾಗಿರಲಿಲ್ಲ. ಯೋಚಿಸಿ ನಾಯಡು ಅವರು ತಮ್ಮ ಕಂಪನಿಯಲ್ಲಿದ್ದ ಗಾಯನವನ್ನೂ ಬಲ್ಲ ಸುಂದರ ಯುವಕನಿಂದ ಆ ಪಾತ್ರವನ್ನು ಮಾಡಿಸಿದರು. ಆ ಯುವಕ ಮುತ್ತುರಾಜ್ ಮುಂದೆ ಡಾ.ರಾಜ್ ಕುಮಾರ್ ಆಗಿ ಹೆಸರು ಮಾಡಿದರು. ವೈವಿಧ್ಯಮಯ ಪಾತ್ರಗಳನ್ನು ನೀಡಿ ರಾಜ್ ಕುಮಾರ್ ಅವರು ಮೇರು ಕಲಾವಿದರಾಗಿ ಬೆಳೆಯುವಲ್ಲಿ ಸುಬ್ಬಯ್ಯ ನಾಯಡು ಅವರ ಕೊಡುಗೆ ಬಹಳ ದೊಡ್ಡದು. ಅದರಂತೆ ನರಸಿಂಹ ರಾಜು, ಬಾಲಕೃಷ್ಣ, ಢಿಕ್ಕಿ ಮಾದವರಾವ್, ಬೇಲೂರು ರಾಘವೇಂದ್ರ ರಾವ್ ಸೇರಿದಂತೆ ಅನೇಕ ಪ್ರಮುಖ ಕಲಾವಿದರನ್ನು ಅವರು ಬೆಳೆಸಿದರು.

1962ರ ಜುಲೈ 21ರಂದು ಮಂಡ್ಯದಲ್ಲಿ ಅಭಿನಯಿಸುತ್ತಿರುವಾಗಲೇ ಹೃದಯಾಘಾತದಿಂದ ಸುಬ್ಬಯ್ಯ ನಾಯಡು ನಿಧನರಾದರು. ಅಭಿನಯದ ಅನುಪಮ ತಾರೆ ಕಳಚಿತು. ಅವರ ತಾರಾಪತ್ನಿ ಲಕ್ಷ್ಮಿಬಾಯಿ. ಮೂಕಿ ಚಿತ್ರದ ಸ್ಟಾರ್ ಎನ್ನಿಸಿಕೊಂಡಿದ್ದರು. ಚಿತ್ರರಂಗದಲ್ಲಿ ಕೂಡ ಮಹತ್ತರ ಪಾತ್ರಗಳನ್ನು ಅಭಿನಯಿಸಿದ್ದರು. ಮೊದಲ ಮಡದಿ ವೆಂಕಟಮ್ಮ ಗಂಡನ ಸಾವಿನ ಸುದ್ದಿ ಕೇಳಿದ ಕೂಡಲೇ ಸಾವನ್ನಪ್ಪಿದರು. ಈ ದಂಪತಿಗಳ ಜೋಡಿ ಪಾರ್ಥಿವ ಶರೀರದ ಮೆರವಣಿಗೆ ನೋಡಿ ಕಣ್ಣೀರು ಸುರಿಸದವರೇ ಇಲ್ಲ. ಸುಬ್ಬಯ್ಯ ನಾಯಡು ಅವರ ಮಗ ಲೋಕೇಶ್ ಕನ್ನಡ ಚಿತ್ರರಂಗದ ಪ್ರಮುಖ ಕಲಾವಿದರಾಗಿದ್ದರು. ಸೊಸೆ ಗಿರಿಜಾ ಲೋಕೇಶ್, ಮೊಮ್ಮಕ್ಕಳಾದ ಸೃಜನ್ ಲೋಕೇಶ್, ಪೂಜಾ ಚಿತ್ರರಂಗದಲ್ಲಿ ಹಿರಿಯ ಪರಂಪರೆಯನ್ನು ಮುಂದುವರಿಸಿದ್ದಾರೆ.

ಮುಖಭಾವದಲ್ಲೇ ಹೊಸ ಸಾಧ್ಯತೆ ನೀಡುವ ಕ್ರಮ, ಸಂಭಾಷಣೆ ಹೇಳುವ ಶೈಲಿ, ನಡಿಗೆಯ ಗತ್ತು ಎಲ್ಲವೂ ಸುಬ್ಬಯ್ಯ ನಾಯಡು ಅವರಿಂದ ನಾಯಕ ಪಾತ್ರಕ್ಕೆ ಮಾದರಿಯಾಗಿ ಬಂದಿತು. ಅವರ ಮಗಳು ಬಂಗಾರಮ್ಮ ತಂದೆಯ ಕುರಿತು ‘ನಟ ರತ್ನ’ಎನ್ನು ಕೃತಿಯನ್ನು ಬರೆದಿದ್ದಾರೆ. ಅದು ಒಂದು ರೀತಿಯಲ್ಲಿ ರೂಪಕ ಕೂಡ ಹೌದು.

ಡಾ.ರಾಜ್ ಕುಮಾರ್ ಕೊನೆಯವರೆಗೂ ಸುಬ್ಬಯ್ಯ ನಾಯಡು ಅವರ ಮಾದರಿಯಿಂದ ತಾನು ಚಿತ್ರನಟನಾಗಿ ಬೆಳೆದೆ ಎಂದು ಹೇಳಿ ಕೊಳ್ಳುತ್ತಿದ್ದರು.

ಕೋಟಿಗೊಬ್ಬ-2 , ಕಿಚ್ಚ ಸುದೀಪ್ ಅಭಿಮಾನಿಗಳಿಗೆ ಫುಲ್ ಮೀಲ್ಸ್ !

kotigobba-2-movie-review

ಕೋಟಿಗೊಬ್ಬ-2 ಅಭಿಮಾನಿಗಳಿಗೊಸ್ಕರವೇ ಹೇಳಿ ಮಾಡಿಸಿದ ಸಿನಿಮಾದಂತಿದೆ.

ಸತ್ಯ ಮಿಥ್ಯಗಳ ನಡುವೆ ನಡೆಯುವ ಒಂದು ಕಥೆಗೆ ಕೆ ಎಸ್ ರವಿಕುಮಾರ್ ಎಂಬ ಖ್ಯಾತ ನಿರ್ದೇಶಕರು ರಚಿಸಿರುವ ಸ್ಕ್ರೀನ್ ಪ್ಲೇ ಸಿನಿಮಾಕ್ಕೊಂದು ವೇಗ ನೀಡಿದೆ. ಸುದೀಪ್ ಅವರ ವಿಭಿನ್ನ ಮ್ಯಾನರಿಸಂ, ಸ್ಟೈಲ್ ನೋಡುಗರಿಗೆ ಕಿಕ್ ಕೊಡುತ್ತದೆ. ಕೆ ಎಸ್ ರವಿಕುಮಾರ್ ಅವರ ಚಿತ್ರಗಳಲ್ಲಿ ನಾಯಕರು ಸ್ಟೈಲ್ ಆಗಿ ಮಿಂಚುತ್ತಾರೆ ಎನ್ನುವುದಕ್ಕೆ ಕೋಟಿಗೊಬ್ಬ -2 ಸಾಕ್ಷಿ.

ದೊಡ್ಡ ಉದ್ಯಮಿಗಳ ಕೋಟಿಗಟ್ಟಲೆ ಕಪ್ಪುಹಣ ದರೋಡೆ ಮಾಡುವ ಶಿವ (ಸುದೀಪ್) ನೋಟಿನ ವಾಸನೆ ಎಂದರೆ ವಿಶ್ವದ ಅದ್ಭುತ ಪರ್ಫ್ಯೂಮ್ ಎಂದು ನಂಬಿರುವವನು. ದರೋಡೆಗೊಳಗಾದ ಉದ್ದಿಮೆದಾರನ ಭಂಟ ಪೊಲೀಸ್ ಅಕಾರಿ ಕಿಶೋರ್ (ರವಿಶಂಕರ್). ಉದ್ದಿಮೆದಾರ ದೂರು ನೀಡದೆ ಇದ್ದರೂ ಸಿಕ್ಕ ವಿಡಿಯೋವೊಂದರ ಆಧಾರದ ಮೇರೆಗೆ ರಿಯಲ್ ಎಸ್ಟೇಟ್ ಉದ್ಯಮ ನಡೆಸುವ ಸತ್ಯನನ್ನ (ಸುದೀಪ್), ಕಿಶೋರ್ ಕರೆತಂದು ಲಾಕಪ್ ನಲ್ಲಿ ಥಳಿಸುತ್ತಾನೆ. ಆದರೆ ತನ್ನ ಅವಳಿ ಸಹೋದರ ಶಿವ ಕಾಣೆಯಾದುದರ ಬಗ್ಗೆ ಸತ್ಯ ಮೊದಲೇ ದೂರು ನೀಡಿರುತ್ತಾನೆ. ಈ ಪಾತ್ರದ ಮುಗ್ಧತೆಯನ್ನು ನಂಬಿದ ಕಿಶೋರ್ ಹಿರಿಯ ಅಧಿಕಾರಿ ಸತ್ಯನಿಗೆ ಆಟೋಗು ಹಣ ಕೊಟ್ಟು ಕಳುಹಿಸುತ್ತಾರೆ.

ಮತ್ತೊಂದು ದೃಶ್ಯದಲ್ಲಿ ಕಿಶೋರ್ ಅವರ ಪೊಲೀಸ್ ಠಾಣೆಯಿಂದಲೇ ಸುರಂಗ ಕೊರೆದು ಮತ್ತೊಬ್ಬ ಉದ್ದಿಮೆದಾರನ ಕಪ್ಪುಹಣದ ದರೋಡೆ ನಡೆಯುತ್ತಾನೆ ಶಿವ. ಸತ್ಯ ಮತ್ತು ಶಿವ ವಿಭಿನ್ನ ವ್ಯಕ್ತಿಗಳೇ ಅಥವಾ ಒಬ್ಬ ವ್ಯಕ್ತಿಯ ವಿಭಿನ್ನ ವ್ಯಕ್ತಿತ್ವಗಳೇ ಎಂಬ ದ್ವಂದ್ವದೊಂದಿಗೆ ಸಿನೆಮಾ ಕಡೆಯವರೆಗೂ ನಡೆಯುತ್ತದೆ. ಇದನ್ನು ಕಂಡು ಹಿಡಿಯಲು ಪೊಲೀಸ್ ಅಧಿಕಾರಿ ಕಿಶೋರ್ ಚಿತ್ರದ ಕಡೇ ದೃಶ್ಯದವರೆಗೂ ಕಷ್ಟಪಡುತ್ತಲೇ ಇರುತ್ತಾನೆ. ಈ ನಡುವೆ ಸೈಟ್ ಕೊಳ್ಳಲು ಸತ್ಯನ ಬಳಿ ಬರುವ ಶುಭಾ(ನಿತ್ಯಾ ಮೆನನ್) ನಿಧಾನವಾಗಿ ಸತ್ಯನೊಂದಿಗೆ ಪ್ರೀತಿಯಲ್ಲಿ ಬೀಳುತ್ತಾಳೆ. ಮುಂದೆ ಸತ್ಯ ಶಿವ ಬೇರೆ ಬೇರೆಯವರಾ, ಶುಭಾ ಸತ್ಯನನ್ನು ಮದುವೆ ಆಗುತ್ತಾಳಾ ಎಂಬುದೇ ಚಿತ್ರದ ಸಸ್ಪೆನ್ಸ್.

ತಮಿಳಿನಲ್ಲಿ ರಜನಿಕಾಂತ್, ಕಮಲಹಾಸನ್‌ನಂತಹ ಸೂಪರ್ ಸ್ಟಾರ್‌ಗಳನ್ನು ನಿರ್ದೇಶಿಸಿ ಅವರಿಗೆ ಸೂಪರ್ ಹಿಟ್ ಕೊಟ್ಟಿದ್ದ ಕೆ ಎಸ್ ರವಿಕುಮಾರ್ ಸುದೀಪ್ ಅವರ ಮ್ಯಾನರಿಸಂನ್ನು ಕಥೆಯಲ್ಲಿ ಎನ್‌ಕ್ಯಾಶ್ ಮಾಡಿಕೊಂಡಿದ್ದಾರೆ. ಮನರಂಜನೆ-ಚಮತ್ಕಾರದ ಕಮರ್ಶಿಯಲ್ ಚಿತ್ರಗಳ ಫಾರ್ಮುಲಾ ಎಕ್ಸ್ಪರ್ಟ್ ನಿರ್ದೇಶಕ ರವಿಕುಮಾರ್ ಭರ್ಜರಿಯಾಗಿ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದಾರೆ.

ತೆರೆಯ ಮೇಲೆ ನಿತ್ಯಾ ಮೆನನ್ ನೋಡುವುದೇ ಆನಂದ.ಅಭಿನಯ, ಕನ್ನಡ ಮಾತನಾಡುವ ಸ್ಪಷ್ಟತೆ ಎಲ್ಲದರಲ್ಲೂ ನಿತ್ಯಾ ಫುಲ್ ಮಾರ್ಕ್ಸ್ ಗಳಿಸುತ್ತಾರೆ. ಇನ್ನು ವಿಲನ್‌ಗಳಾಗಿ ಅಭಿನಯಿಸಿರುವ ಶರತ್ ಲೋಹಿತಾಶ್ವ, ರವಿಶಂಕರ್ ತಮ್ಮ ಆರ್ಭಟವನ್ನು ಎಂದಿನಂತೆ ಮುಂದುವರೆಸಿದ್ದಾರೆ. ಇದೆಲ್ಲವನ್ನೂ ಬಿಟ್ಟರೆ ಇಡೀ ಚಿತ್ರವನ್ನು ಸುದೀಪ್ ಆವರಿಸಿ ಬಿಡುತ್ತಾರೆ. ಹಾಡುಗಳ ಕೋರಿಯೋಗ್ರಾಫಿ ಹಾಡುಗಳಿಗಿಂತಲೂ ಹೆಚ್ಚು ಗಮನ ಸೆಳೆಯುತ್ತದೆ. ಚಿತ್ರದಲ್ಲಿ ಹೋದ ಪುಟ್ಟ ಬಂದ ಪುಟ್ಟ ಪಾತ್ರಗಳಂತೆ ಹಾಸ್ಯ ಪಾತ್ರಗಳು ಬಿಂಬಿತವಾಗಿವೆ. ಚಿಕ್ಕಣ್ಣ , ಸಾಧುಕೋಕಿಲಾ, ತಬಲಾ ನಾಣಿ ಅಲ್ಲಲ್ಲಿ ನಗಿಸುತ್ತಾರೆ ಅಷ್ಟೆ.

ಒಟ್ಟಿನಲ್ಲಿ ಸುದೀಪ್ ಅವರ ಅಭಿಮಾನಿಗಳಿಗೆ ರವಿಕುಮಾರ್ ಮತ್ತು ಸುದೀಪ್ ಜೋಡಿ ರಸದೌತಣ ನೀಡಿದೆ ಎಂದು ಹೇಳಬಹುದು.

ಯಶ್ ರಾಧಿಕಾ ಎಂಗೇಜ್‌ಮೆಂಟ್‌ನಲ್ಲಿ ತಾರೆಗಳ ದಂಡು!

ಕನ್ನಡದ ಸ್ಟಾರ್ ನಟ ನಟಿ ರಾಧಿಕಾಪಂಡಿತ್ ಮತ್ತು ಯಶ್ ಅವರ ನಿಶ್ಚಿತಾರ್ಥಕ್ಕೆ ಸ್ಯಾಂಡಲ್‌ವುಡ್ ತಾರೆಯರ ದಂಡೇ  ಹರಿದು ಹೋಗಿದೆ.

ಹಾಜರಾದವರಲ್ಲಿ , ಅಂಬರೀಷ್, ಸುಮಲತಾ, ರವಿಚಂದ್ರನ್,  ಪುನೀತ್ ರಾಜಕುಮಾರ್ , ಯೋಗರಾಜಭಟ್  ಹಾಗು ಮಾಳವಿಕಾ ಪ್ರಮುಖರು.

ಎಂಗೇಜ್‌ಮೆಂಟ್ ನಡೆದ ಜಾಗವನ್ನು ಬಿಳಿ ಬಣ್ಣದ ಹೂವುಗಳಿಂದ ಅಲಂಕರಿಸಲಾಗಿತ್ತು. ಈ ವಿನ್ಯಾಸಗಳನ್ನು ಯೋಜಿಸಿದವರು ಅರುಣ್ ಸಾಗರ್.

ಇನ್ನು ವಧು ವರರಿಗೆ ಅಂತರರಾಷ್ಟ್ರೀಯ ಗುಣಮಟ್ಟದ ವಸ್ತ್ರವಿನ್ಯಾಸಗಾರ್ತಿ ಸಾನಿಯಾ ಇಮ್ರಾನ್ ಅವರು ಇವರಿಗೆ ಕಾಸ್ಟ್ಯೂಮ್ ಡಿಸೈನರ್ ಆಗಿ ಕೆಲಸ ಮಾಡಿದ್ದಾರೆ.

ರಾಧಿಕಾ ಪಂಡಿತ್ ವಜ್ರದ ಓಲೆ ಮತ್ತು ವಿಶಿಷ್ಟ ವಿನ್ಯಾಸದ ವಜ್ರದ ಮೂಗುತಿಯನ್ನು ಬಳಸಿದ್ದು ನಿಶ್ಚಿತಾರ್ಥದಲ್ಲಿ ಎಲ್ಲರ ಕಣ್ಮನ ಸೆಳೆಯುತ್ತಿತ್ತು.

image

ಇನ್ನು ಬ್ರೆಸ್ಲೆಟ್ ಕೂಡಾ ಡೈಮೆಂಡ್‌ನಿಂದ ಮಾಡಲ್ಪಟ್ಟಿದೆ. ರಾಧಿಕಾ ಪಂಡಿತ್ ಅವರು ಧರಿಸಿದ್ದ ಡೈಮೆಂಡ್ ಕಿವಿ ಓಲೆಗಳು ಮುಂಬೈನ ಖ್ಯಾತ ಆಭರಣ ತಯಾರಕರಾದ ಎ ಕೆ ಮೋತಿವಾಲ ಅವರು ಮಾಡಿದ್ದು, ರಾಧಿಕಾ ಧರಿಸಿದ್ದ ಕಡು ನೀಲಿ ಸ್ಕರ್ಟ್ ತಯಾರಾಗಿದ್ದು ಕೋಲ್ಕತ್ತಾದ ಸಾಭ್ಯಾ ಸಾಚಿ ಬೈಡಲ್ ಸ್ಟೂಡಿಯೋದಲ್ಲಿ.

ಸ್ಯಾಂಡಲ್‌ವುಡ್‌ನ ಸದ್ಯದ ಹಾಟ್ ಸ್ಟಾರ್‌ಗಳಾದ ಇವರಬ್ಬರ ನಿಶ್ಚಿತಾರ್ಥ ಬಟ್ಟೆ ಬರೆ ಡಿಸೈನ್ ಮಾಡಿದ್ದು  ಬೇರೆ ಯಾರು ಅಲ್ಲ,  ನೃತ್ಯ ನಿರ್ದೇಶಕ ಇಮ್ರಾನ್ ಸರ್ದಾರಿಯಾ ಹೆಂಡತಿ ಎನ್ನುವುದು ವಿಶೇಷ. ಯಶ್ ಕೂಡಾ ನೀಲಿ ಬಣ್ಣ ಕುರ್ತಾ ಮತ್ತು ಜಾಕೇಟ್ ಧರಿಸಿದ್ದರು. ಯಶ್ ಅವರ ಪಾದ ರಕ್ಷೆಗಳನ್ನು ಸಹ ವಿಶೇಷವಾಗಿ ಡಿಸೈನ್ ಮಾಡಲಾಗಿತ್ತು.

ಜೋಗಿ ಕಂಡಂತೆ : ಕಿಚ್ಚ ಸುದೀಪ್

ಸರಿಯಾಗಿ ಹದಿನಾರು ವರುಷದ ಹಿಂದೆ ಸುದೀಪ್ ನಟಿಸಿದ ಸ್ಪರ್ಶ ಚಿತ್ರ ನೋಡಿ ಕನ್ನಡಪ್ರಭದಲ್ಲಿ ವಿಮರ್ಶೆ ಬರೆದಿದ್ದೆ. ಅದರ ಪತ್ರಿಕಾಗೋಷ್ಠಿಯಲ್ಲಿ ಸುದೀಪ್ ಸಂಕೋಚದಿಂದಲೇ ಮಾತಾಡಿದ್ದರು. ಗಾಡ್ ಫಾದರ್ ಇಲ್ಲದ, ಸಿನಿಮಾ ಹಿನ್ನೆಲೆಯೂ ಇಲ್ಲದ ಸುದೀಪ್ ಸಿನಿಮಾ ಪ್ರೀತಿಯಿಂದ ಚಿತ್ರರಂಗಕ್ಕೆ ಕಾಲಿಟ್ಟ ಆರಂಭದ ದಿನಗಳಲ್ಲಿ ತುಂಬ ಒದ್ದಾಡಿದ್ದುಂಟು.

ಈಗಿನ ಅನೇಕ ಹೀರೋಗಳ ಥರ ಮೂರು ಸಿನಿಮಾಕ್ಕೇ ಹೀರೋಯಿಸಮ್ ಮೈಗೂಡಿಸಿಕೊಂಡು ಕೆರವಾನ್ ಒಳಗೆ ಕೂತವರಲ್ಲ ಅವರು. ಮಾತು, ಆಲೋಚನೆ, ಅಭಿನಯ- ಎಲ್ಲದರಲ್ಲೂ ಸ್ಪಷ್ಟತೆ ಇದ್ದ ಸುದೀಪ್, ಅವರ ಸಮಕಾಲೀನರಂತೆ ಸಂಭಾವನೆ ತಗೊಂಡು ನಟಿಸಿ ತಮ್ಮ ಪಾಡಿಗೆ ಇದ್ದವರಲ್ಲ. ಸಿನಿಮಾ ಕಲಿಯಬೇಕು ಅಂತ ಹಗಲಿರುಳು ಕತೆ, ಚಿತ್ರಕತೆ, ನಿರ್ದೇಶನ, ತಾಂತ್ರಿಕತೆ, ಛಾಯಾಗ್ರಹಣ, ಎಡಿಟಿಂಗ್, ಪೋಸ್ಟರ್ ಡಿಸೈನ್, ಪ್ರಚಾರ- ಎಲ್ಲದರಲ್ಲೂ ಆಸಕ್ತಿಯಿಂದ ತೊಡಗಿಸಿಕೊಳ್ಳುತ್ತಿದ್ದವರು.

ಆರಂಭದ ದಿನದಿಂದಲೇ ಭಯಂಕರ ಆತ್ಮವಿಶ್ವಾಸ ಮೈದುಂಬಿಸಿಕೊಂಡವರಂತೆ ಕಾಣಿಸುತ್ತಿದ್ದ ಸುದೀಪ್ ಸೋಲಿಗೆ ಅಂಜಿದವರಲ್ಲ. ಸ್ವಾತಿಮುತ್ತು ಸೋತಾಗ ಮಾತ್ರ ತುಂಬ ಭಾವುಕರಾಗಿ ಹೋಟೆಲ್ ಸರೋವರದಲ್ಲಿ ಕಣ್ಣೀರು ಹಾಕಿದ್ದರು.

ಮೈ ಆಟೋಗ್ರಾಫ್ ಚಿತ್ರದ ನಂತರ ಸುದೀಪ್ ಸ್ವಲ್ಪ ಮಟ್ಟಿಗೆ ಏಕಾಂಗಿಯಾಗಿಬಿಟ್ಟರು. ತಮ್ಮ ಪಾಡಿಗೆ ತಾವು ಕೆಲಸ ಮಾಡುತ್ತಲೇ ಹೋದರು. ಆ ಏಕಾಗ್ರತೆಯೇ ಅವರನ್ನು ಇವತ್ತು ಈ ಹಂತಕ್ಕೆ ತಂದು ನಿಲ್ಲಿಸಿದೆ.

ಹದಿನೆಂಟು ವರುಷ ಕನ್ನಡ ಚಿತ್ರಗಳಲ್ಲಿ ನಟಿಸಿ, ಕನ್ನಡದ ನಟ ಅನ್ನಿಸಿಕೊಂಡ ನಂತರ ಸುದೀಪ್ ಪೂರ್ಣಪ್ರಮಾಣದ ತಮಿಳು ಚಿತ್ರವೊಂದರಲ್ಲಿ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ರಜನೀಕಾಂತ್, ಕಮಲ್ ಹಾಸನ್, ಚಿರಂಜೀವಿ ಮುಂತಾದವರ ಯಶಸ್ವಿ ಸಿನಿಮಾಗಳನ್ನು ಕೊಟ್ಟ ಕೆ ಎಸ್ ರವಿಕುಮಾರ್ ಈ ಸಿನಿಮಾ ನಿರ್ದೇಶಿಸಿದ್ದಾರೆ. ತಮಿಳು ಚಿತ್ರರಂಗದಲ್ಲಿ ತಮಿಳು ನಾಯಕರ ನಡುವೆ ಕನ್ನಡದ ನಟನೊಬ್ಬ ದೊಡ್ಡ ಬಜೆಟ್ಟಿನ ಸಿನಿಮಾ ಮಾಡಿ, ದೇಶಾದ್ಯಂತ 700 ಚಿತ್ರಮಂದಿರಗಳಲ್ಲಿ , ಕರ್ನಾಟಕದ 300 ಚಿತ್ರಮಂದಿರಗಳಲ್ಲಿ ಅದನ್ನು ಬಿಡುಗಡೆ ಮಾಡುವ ಮಟ್ಟಕ್ಕೆ ಬೆಳೆದಿರುವುದೇ ಬಹುದೊಡ್ಡ ಸಾಧನೆ. ಇಂಥ ರಿಸ್ಕ್ ತೆಗೆದುಕೊಳ್ಳಬಲ್ಲ ಧೈರ್ಯ ಎಲ್ಲರಿಗೂ ಬರುವುದಕ್ಕೂ ಸಾಧ್ಯವಿಲ್ಲ. ಅನ್ಯನೆಲದಲ್ಲಿ ಕಾಲಿಡುವುದೇ ಬಹುದೊಡ್ಡ ರಿಸ್ಕು ಅಂತ ಅನೇಕ ಸಲ ಸಾಬೀತಾಗಿರುವಾಗ, ಸುದೀಪ್ ಅಂಥ ಸಾಹಸ ಮಾಡುತ್ತಿರುವುದನ್ನು ಹೆಮ್ಮೆಯಿಂದ ನೋಡಬೇಕು.

ವಿಜಯ್, ಅಜಿತ್, ಸೂರ್ಯ, ವಿಕ್ರಮ್, ಧನುಷ್ -ಮುಂತಾದವರ ಸಿನಿಮಾಗಳು ಕರ್ನಾಟಕದ ತುಂಬ ಸದ್ದು ಮಾಡುತ್ತಿರುವಾಗ, ಕನ್ನಡದ ಸ್ಟಾರ್ ತಮಿಳುನಾಡಲ್ಲಿ ದಿಟ್ಟತನದಿಂದ ಚಿತ್ರರಸಿಕರ ಎದುರು ನಿಲ್ಲುವುದು ಸಣ್ಣ ಸಂಗತಿ ಅಲ್ಲ. ಇದು ಕರ್ನಾಟಕದ ಮಾರುಕಟ್ಟೆಯನ್ನು ವಿಸ್ತರಿಸುವ ಮಾತಲ್ಲ, ಕನ್ನಡದ ಪ್ರತಿಭಾವಲಯದ ವಿಸ್ತಾರವನ್ನು ತೋರುವಂಥ ಕೆಲಸ.

Congrats and Good Luck Sudeep 🙂

13754609_10154336924094941_1318993591092698745_n

ಲೇಖನ ಕೃಪೆ :  ಜೋಗಿ, ಜನಪ್ರಿಯ ಲೇಖಕರು

ಬುಧಿಯಾ – ಬಾರ್ನ್ ಟು ರನ್ !

ಕ್ರಿ.ಶ 2006  –  ಬುಧಿಯಾಗೆ ಸುಮಾರು 5 ವರ್ಷ

ಬೆಳಿಗ್ಗೆ 04:01 – ಬುಧಿಯಾ ಪುರಿ ಜಗನ್ನಾಥ್ ಮಂದಿರಕ್ಕೆ ನಮಿಸುತ್ತಾನೆ. ತನ್ನ ಜೀವನದ ಐತಿಹಾಸಿಕ ಮ್ಯಾರಾಥಾನ್ ಆರಂಭಿಸುತ್ತಾನೆ.
ಬೆಳಿಗ್ಗೆ 04:07 – ಜನಸಾಗರ ಸೇರಿದೆ. ನೂರಾರು ಪೋಲೀಸರು ರಕ್ಷಣೆಗೆ ನಿಂತಿದ್ದಾರೆ. ಬುಧಿಯಾ ಓಡುತ್ತಿದ್ದಾನೆ. (0 ಕಿ.ಮೀ)
ಬೆಳಿಗ್ಗೆ 05:40 – ಹಳ್ಳಿಗಳಲ್ಲಿ ಜನ ಹಸುಕರುಗಳನ್ನು ಮೇಯಿಸಲು ಹೋಗುತ್ತಿದ್ದಾರೆ. ಬುಧಿಯಾ ಓಡುತ್ತಿದ್ದಾನೆ. (15 ಕಿ.ಮೀ)
ಬೆಳಿಗ್ಗೆ 08:30 – 35 ಡಿಗ್ರಿ ಬಿಸಿಲು. ಮಕ್ಕಳು ಶಾಲಿಗೆ ಹೋಗಲು ದಾರಿಯಲ್ಲಿ ನಿಂತಿದ್ದಾರೆ. ಬುಧಿಯಾ ಓಡುತ್ತಿದ್ದಾನೆ. (26 ಕಿ.ಮೀ)
ಬೆಳಿಗ್ಗೆ 10:30 – ಭುವನೇಶ್ವರದ ಹೆಬ್ಬಾಗಿಲು. ನೂರಾರು ಜನ ಬುಧಿಯಾಗಾಗಿ ಕಾಯುತ್ತಿದ್ದಾರೆ. ಪಟಾಕಿ ಸಿಡಿಸುತ್ತಿದ್ದಾರೆ .ಬುಧಿಯಾ ಓಡುತ್ತಿದ್ದಾನೆ (54 ಕಿ.ಮೀ)
ಬೆಳಿಗ್ಗೆ 11:00 – ಬುಧಿಯಾ ಗುರಿ ಮುಟ್ಟಲು ಕೇವಲ ಒಂದೂವರೆ ಕಿ.ಮೀ ಮೀಡಿಯಾ ಹಾಗು ಸಾವಿರಾರು ಜನ ಹರ್ಷೋದ್ಗಾರ. ಬುಧಿಯಾ ಕುಸಿಯುತ್ತಾನೆ. (63 ಕಿ.ಮೀ)
ಬೆಳಿಗ್ಗೆ 11.20 – ಬುಧಿಯಾಗೆ ಎಚ್ಚರ. “ನನಗೆ ಸುಸ್ತಾಗಿಲ್ಲ, ನಾನು ಇನ್ನೂ ಓಡುತ್ತೇನೆ. ಮುಂದೆಯೂ ಓಡುತ್ತಲೇ ಇರುತ್ತೇನೆ” ಬುಧಿಯಾ ಹೇಳುತ್ತಾನೆ.

 

11

 

ಬುಧಿಯಾ ಓಟಕ್ಕೆ ಸಮಾಜದ ಪ್ರತಿಕ್ರಿಯೆ 
ಪಿ.ಟಿ. ಉಷಾ – ಕೇವಲ ರೆಕಾರ್ಡ್’ಗಳಿಗೋಸ್ಕರ ಬುಧಿಯಾ ಹೀಗೆ ಓಡುವುದರಿಂದ ಭವಿಷ್ಯದಲ್ಲಿ ಅವನ ಆರೋಗ್ಯ ಹಾಗು ಓಟ ಎರಡರ ಮೇಲೂ ಕೆಟ್ಟ ಪರಿಣಾಮ ಬೀಳಲಿದೆ.

ನಾರಾಯಣ್ ಮೂರ್ತಿ – 15-16ವರ್ಷದ ಮಕ್ಕಳು ಒಲಂಪಿಕ್ಸ್ ಗೆದ್ದರೆ ಸ್ವಾಗತಾರ್ಹ. ಆದರೆ ಬುಧಿಯಾಗೆ ಈ ವಯಸ್ಸಿನಲ್ಲಿ 65 ಕಿಮೀ ಓಡಿಸುವುದು ಕ್ರೂರತನ ಆಗುತ್ತದೆ.

ಪ್ರಮಿಳಾ ಮಲ್ಲಿಕ್, ಮಕ್ಕಳ ಕಲ್ಯಾಣ ಇಲಾಖೆ, ಒರಿಸ್ಸಾ – ಬುಧಿಯಾನ ಸುತ್ತಲೂ ಮೀಡಿಯಾವನ್ನು ಆಕರ್ಷಿಸಲು ಪಬ್ಲಿಸಿಟಿ ಸ್ಟಂಟ್ ನಡೆಯುತ್ತಿದೆ. ಬುಧಿಯಾಗೆ ಏನಾದರೂ ತೊಂದರೆ ಆದರೆ ಬಿರಾಂಚಿ ದಾಸ್ ಮೇಲೆ ಕಠಿಣ ಕ್ರಮ ಕೈಗೊಳ್ಳಬೇಕಾಗುತ್ತದೆ.

ಬಿರಾಂಚಿ ದಾಸ್ (ಬುಧಿಯಾನ ಕೋಚ್) – ಪಿ.ಟಿ. ಉಷಾ, ಮಿಲ್ಕಾ ಸಿಂಗ್ ಇಬ್ಬರೂ ಮ್ಯಾರಥಾನ್ ಓಡಲು ಹುಟ್ಟಿದವರಲ್ಲ. ಇನ್ನು ಆ ನಾರಾಯಣ್ ಮೂರ್ತಿಗೆ ಓಟ ಎಂದರೆ ಏನು ಎನ್ನುವುದೇ ಗೊತ್ತಿಲ್ಲ. ಬುಧಿಯಾ ಇತಿಹಾಸ ಸೃಷ್ಠಿಸಲು ಹುಟ್ಟಿರುವವನು. ಅವನು 2016 ರ ಒಲಂಪಿಕ್ಸ್’ನ ಚಿನ್ನದ ಸರದಾರ.

ಮಕ್ಕಳ ಕಲ್ಯಾಣ ಇಲಾಖೆ, ಒರಿಸ್ಸಾ – ಬುಧಿಯಾನನ್ನು ಅವನ ಕೋಚ್ ಬಿರಾಂಚಿ ದಾಸ್ ನಿಂದ ದೂರ ಇರಬೇಕಾಗಿದೆ. ಇನ್ನು ಮುಂದೆ ಬುಧಿಯಾ ಸಿಂಗ್ ಯಾವುದೇ ತರಹದ ವಾಕಥಾನ್ ಆಗಲಿ ಅಥವಾ ಮ್ಯಾರಥಾನ್’ನಲ್ಲಾಗಲಿ ಭಾಗವಹಿಸುವುದನ್ನು ನಿರ್ಭಂದಿಸಲಾಗಿದೆ.

 

ಬಿರಾಂಚಿ ದಾಸ್

wonder-biranchi

ಒರಿಸ್ಸಾದ ಮಕ್ಕಳನ್ನು ಬಂದು ನೋಡಿ. ಚಿಕ್ಕ ಚಿಕ್ಕ ಮಕ್ಕಳು ಪುಟ್ ಪಾತ್ ಹೊಟೆಲುಗಳಲ್ಲಿ ಪಾತ್ರೆ ತೊಳೆಯುತ್ತಿವೆ. ಐದು ವರ್ಷದ ಮಕ್ಕಳು ಗಣಿಗಳಲ್ಲಿ ಕಲ್ಲು ಹೊಡೆಯುತ್ತಿವೆ. ಇನ್ನು ಕೆಲವರು ಕಟ್ಟಿಗೆ ಕಡಿದು ಮಾರುತ್ತಾರೆ. ನೂರಾರು ಮಕ್ಕಳು ರಸ್ತೆಯಲ್ಲಿ ಹಸಿವಿನಿಂದ ಜೀವ ಕಳೆದುಕೊಳ್ಳುತ್ತಿವೆ. ಅವರನ್ನು ಕೇಳುವವರೇ ಇಲ್ಲ. ಆದರೆ ನೀವು ಬುಧಿಯಾನ ಬಗ್ಗೆ ಮಾತಾಡುತ್ತೀರಿ. ಮಕ್ಕಳ ಕಲ್ಯಾಣ ಹಾಗು ಮಾನವ ಹಕ್ಕು ಎಂದು ಬುಧಿಯಾನನ್ನು ನಿಲ್ಲಿಸುತ್ತೀರಿ. ಬುಧಿಯಾ ಓಡುತ್ತಾನೆ.

 

 

 

ಬುಧಿಯಾb2_1466501545_725x725

ನೀವು ಹೆಚ್ಚು ಸತಾಯಿಸಿದಷ್ಟೂ ನಾನು ಹೆಚ್ಚು ಓಡುತ್ತೇನೆ ..

 

 

 

 

 

ಕ್ರಿ ಶ 2016 – ಬುಧಿಯಾ – ಬಾರ್ನ್ ಟು ರನ್ – ಹಿಂದಿ ಚಿತ್ರ 

08budhia-singh1

ಒರಿಸ್ಸಾದ ಅತ್ಯಂತ ಕ್ರಿಮಿನಲ್ ಸ್ಲಂನಲ್ಲಿ ಹುಟ್ಟಿದ ಅಸಾಧಾರಣ ಹುಡುಗನ  ಕಥೆ.

ಭಾಗ್ ಮಿಲ್ಕಾ .. ಮೇರಿ ಕೋಮ್ .. ಚಕ್ ದೇ ಅಂತಾ ಸೂಪರ್ ಸ್ಟಾರ್’ಗಳ ಅಬ್ಬರ ಹಾಗು ತಾಂತ್ರಿಕ ವಿಜೃಂಭಣೆ ಇಲ್ಲದಿದ್ದರೂ ಆ ಎಲ್ಲಾ ಚಿತ್ರಗಳಿಗಿಂತಾ ತೀವ್ರವಾಗಿ ಬುಧಿಯಾ ಕಾಡುತ್ತದೆ. ಯಾಕೆಂದರೆ ಆ ಚಿತ್ರಗಳು ಗೆಲುವಿನ ಬಣ್ಣನೆ. ಆದ್ರೆ ಬುಧಿಯಾ ಸಮಕಾಲೀನ ಹಾಗು ರಾಜಕೀಯ ಪ್ರೇರಿತ ಚಿತ್ರ. ಕೆಲವೊಂದು ದೃಶ್ಯಗಳು ಸತ್ಯ ಘಟನೆಗಳ ಆಧಾರಿತ ಎಂದು ನೆನಪಾಗಿ ನಮ್ಮನ್ನು ತುಂಬಾ ಡಿಸ್ಟರ್ಬ್ ಮಾಡುತ್ತವೆ.

ಈ ಚಿತ್ರಕ್ಕೆ 2016ರ ಅತ್ಯುತ್ತಮ ಮಕ್ಕಳ ಚಿತ್ರ ಎಂದು ರಾಷ್ಟ್ರ ಪ್ರಶಸ್ತಿ ಬಂದಿದೆ. ಮಕ್ಕಳು ಈ ಚಿತ್ರ ನೋಡಿ ಅವರ ಧ್ಯೇಯಗಳು ಗಟ್ಟಿ ಆಗುವುದಂತೂ ನಿಜ. ಆದರೂ ಕೊನೆಯ ಒಂದೆರಡು ದೃಶ್ಯಗಳು ಮಕ್ಕಳಿಗೆ ಜೀರ್ಣಿಸಿಕೊಳ್ಳಲು ಕಷ್ಟವಾಗಬಹುದು.

ಓಟ ನಿಲ್ಲಿಸಿದ ಈ ಬುಧಿಯಾನ ಕಥೆ ನಮ್ಮ ಪ್ರಸ್ತುತ ಸಾಮಾಜಿಕ ರಾಜಕೀಯ ಹಾಗು ರಾಜಕೀಯ ಸಮಾಜದ ಚಿತ್ರಗಳನ್ನು ನಿಷ್ಠುರವಾಗಿ ಬಿಚ್ಚಿಡುತ್ತಾ, ಇಂಥಾ ಕಥೆಗಳಲ್ಲಿ ನಮ್ಮ ಪಾತ್ರವೇನು ಎಂದು ಪದೇ ಪದೇ ಕೇಳಿಕೊಳ್ಳುವಂತೆ ಮಾಡುತ್ತದೆ.

ಬುದಿಯಾ ಚಿತ್ರದ ಟ್ರೈಲರ್ :

ಇರು ಮುಗನ್ .. ಬರುವನು

‘The way it’s never been done’ – ಹಿಂದೆ ಮಾಡಿರಬಾರದು ಮುಂದೆಯೂ ಮಾಡಲಾಗದು .. ಎನ್ನುವ ಮಾತನ್ನೇ ಧ್ಯೇಯವಾಗಿಟ್ಟುಕೊಂಡು ಬಣ್ಣ ಹಚ್ಚಿಕೊಳ್ಳುವ ಅಪರೂಪದ ನಟ ಚಿಯಾನ್ ವಿಕ್ರಮ್.

ತನ್ನ 35ನೆ ವಯಸ್ಸಿನಲ್ಲಿ ಮೊದಲ ಬಾರಿಗೆ ‘ಸೇತು’ ಚಿತ್ರದ ಮೂಲಕ ಭಾರತದ ಚಿತ್ರರಸಿಕರನ್ನು ಬೆಚ್ಚಿ ಬೀಳಿಸಿದ ಈ ಮಹಾನ ನಟ, ನಂತರದ ದಿನಗಳಲ್ಲಿ ದೈವ ತಿರುಮಗಳ್, ಪಿತಾಮಗನ್, ಅನಿಯನ್ .. ಹೀಗೆ ಸಿಂಹ ನಡಿಗೆಯಂತೆ ಒಂದೊಂದೇ ಹೆಜ್ಜೆಯನ್ನು ಗಂಭಿರವಾಗಿ ಇಡುತ್ತಾ .. ಕಮಲ್, ರಜನಿ ಅವರಂಥಾ ಮೇರು ನಟರಿಗೆ ಪರ್ಯಾಯವಾಗಿ ಬೆಳೆಯುತ್ತಾ ಬಂದಿದ್ದಾರೆ.

13380966_282928942055940_1625902552_n

ಇತ್ತೀಚಿಗೆ 50ನೇ ವರ್ಷ ಕಂಡ ಈ ಚಿರಯುವಕ, ಚಿತ್ರರಂಗಕ್ಕೆ ತನ್ನ ಮತ್ತೆರಡು ಮುಖಗಳನ್ನು ತೋರಿಸಲು ಬರುತ್ತಿದ್ದಾನೆ.

ಚಿಯಾನ್ ‘ವಿಕ್ರಂ’ರ ಲೇಟೆಸ್ಟ್ ಅವತಾರ ‘ಇರು ಮುಗನ್‘(ಎರಡು ಮುಖ). ‘ಅರಿಮಾ ನಂಬಿ’ ಚಿತ್ರ ಖ್ಯಾತಿಯ ಯುವ ನಿರ್ದೇಶಕ ಆನಂದ್ ಶಂಕರ್ ನಿರ್ದೇಶನದ ಈ ತಮಿಳು ಚಿತ್ರವು ಫಸ್ಟ್ ಲುಕ್ನಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು.

ಇದೀಗ ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದ್ದು ಇರು ಮಗನ್ ‘ವಿಕ್ರಂ’ರ ಮತ್ತೊಂದು ಅನ್ನಿಯನ್ ಆಗಲಿದೆ ಎಂಬ ಮಾತು ಕೇಳಿ ಬರುತ್ತಿದೆ.

11

ಮಿಸ್ಟರಿ ಥ್ರಿಲ್ಲರ್ ಕಥೆಯ ಇರು ಮುಗನ್ ಚಿತ್ರದ ಟ್ರೈಲರ್’ನ್ನು ಈಗಾಗಲೇ 30ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ. ಚಿತ್ರದ ಕಥೆಯು ಭಾರತದ ರಾ ಎಜೆನ್ಸಿ ಮತ್ತು ಮಲೇಷ್ಯಾ ಅಂಡರ್ವಲ್ಡ್’ನ ಸುತ್ತ ನಡೆಯುವ ಘಟನಾವಳಿಯನ್ನು ಒಳಗೊಂಡಿದೆ ಎಂಬುದು ಮೇಲ್ನೊಟಕ್ಕೆ ತಿಳಿದು ಬಂದಿದೆ.

10ಎಂಡ್ರುತುಕ್ಕುಲ್ಲೇ ಚಿತ್ರದ ಸಾಧಾರಣ ಯಶಸ್ಸಿನ ಬಳಿಕ ಚಿಯಾನ್ ನಟಿಸುತ್ತಿರುವ ಇರು ಮುಗನ್ ಮೇಲೆ ಕಾಲಿವುಡ್ ಬಾಕ್ಸಾಫೀಸ್’ನಲ್ಲಿ ಬೊಂಬಾಟ್ ಮಾತುಗಳು ಕೇಳಿ ಬರುತ್ತಿದೆ. ಈ ಬಹುನಿರೀಕ್ಷೆಯ ವಿಕ್ರಂ ಚಿತ್ರದಲ್ಲಿ ಸೌತ್ ಕ್ವೀನ್ ನಯನತಾರ ನಾಯಕಿಯಾಗಿ ನಟಿಸಿದ್ದಾರೆ. ಮತ್ತೊಂದು ಪ್ರಧಾನ ವೇಷದಲ್ಲಿ ಮೈನಾ ಕ್ಯೂಟಿ ನಿತ್ಯಾ ಮೆನನ್ ಬಣ್ಣ ಹಚ್ಚಿದ್ದಾರೆ. ಕನ್ನಡಿಗ ರವಿವರ್ಮಾ ಸಾಹಸ ನಿರ್ದೇಶನದ ಈ ಆ್ಯಕ್ಷನ್ ಪ್ಯಾಕ್ಡ್ ಚಿತ್ರಕ್ಕೆ ಖ್ಯಾತ ಸೌತ್ ಸಂಗೀತ ನಿರ್ದೇಶಕ ಹ್ಯಾರಿಸ್ ಜಯರಾಜ್ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ.

ಚಿತ್ರದ ಸ್ಯಾಟ್’ಲೈಟ್ ರೈಟ್ಸ್ ಈಗಾಗಲೇ ಭರ್ಜರಿ ಬೆಲೆಗೆ ಜಯ ಟಿವಿಯವರು ಖರೀದಿಸಿದ್ದಾರೆ. ಶಂಕರ್ ನಿರ್ದೇಶನದ ‘ಐ’ ಚಿತ್ರದ ಬಳಿಕ ಮತ್ತೊಮ್ಮೆ ವಿಕ್ರಂ ಈ ಚಿತ್ರದಲ್ಲಿ ವಿಭಿನ್ನ ಗೆಟಪ್’ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇಲ್ಲಿ ಒಂದು ಪಾತ್ರವು ರಾ ಆಫೀಸರ್ ‘ಅಖಿಲನ್’ ಆಗಿದ್ದರೆ ಇನ್ನೊಂದು ಸೈಕೊ ‘ಲವ್’ ಹೆಸರಿನ ರೋಲನ್ನು ವಿಕ್ರಂ ನಿಭಾಯಿಸಿದ್ದಾರೆ. ಶಿಬು ತಮೀನ್ಸ್ ನಿರ್ಮಿಸಿರುವ ಈ ಚಿತ್ರವು ಸೆಪ್ಟೆಂಬರ್ ತಿಂಗಳಲ್ಲಿ ವಿಶ್ವದಾದ್ಯಂತ ತೆರೆಗೆ ಬರಲಿದೆ.

ಬೈ ದಿ ವೇ , ಟ್ರೈಲರ್ ಇಲ್ಲೇ ಇದೆ ನೋಡಿ !

★ ಕಪ್ಪು ಮೂಗುತ್ತಿ

ಧೂಂ ಮಚಾಲೇಗೆ ಕಿಂಗ್ ಖಾನ್ ಪುತ್ರ ಆರ್ಯನ್

ಬಾಲಿವುಡ್ ಬಾದ್ ಷಾ ಶಾರೂಕ್ ಖಾನ್ ಹಿರಿಯ ಪುತ್ರ ಆರ್ಯನ್ ಖಾನ್ ಆಗೊಮ್ಮೆ ಈಗೊಮ್ಮೆ ಸುದ್ದಿಯಾಗುತ್ತಲೇ ಇದ್ದಾರೆ. ಈ ಹಿಂದೆ ಕಿಸ್ಸಿಂಗ್ ವಿಷಯಗಳಿಗೆ ಸಖತ್ತಾಗೆ ಸುದ್ದಿಯಾಗಿದ್ದ ಆರ್ಯನ್ ಆದಷ್ಟು ಬೇಗ ತಂದೆಯ ಹಾದಿ ತುಳಿಯುವ ತವಕದಲ್ಲಿದ್ದಾರೆ.

೨೦೧೪ರ ಆಸ್ಕರ್ ಅವಾರ್ಡ್ ವಿನ್ನರ್ ಹಾಲಿವುಡ್ ಚಿತ್ರ ‘ಬಾಯ್ಹುಡ್’ ಚಿತ್ರದ ರಿಮೇಕ್’ನಲ್ಲಿ ಕಿಂಗ್ ಪುತ್ರ ನಟಿಸಲಿದ್ದಾರೆ. ಈ ಚಿತ್ರವನ್ನು ಶಾರೂಕ್’ರ ರೆಡ್ ಚಿಲ್ಲೀಸ್ ಸಂಸ್ಥೆ ನಿರ್ಮಿಸಲಿದೆ ಎಂಬ ಸುದ್ದಿ ಬಿಟೌನ್’ನ ಬೀದಿಯುದ್ದಕ್ಕೂ ಕೇಳಿ ಬಂದಿತ್ತು. ಆಮೇಲೆ ಅದೇನಾಯ್ತೊ ಗೊತ್ತಿಲ್ಲ. ಇತ್ತಕಡೆ ಬಾಲಿವುಡ್ ಬಾದ್ ಷಾನ ಚಿತ್ರಗಳು ಮಕಾಡೆ ಮಲಗುತ್ತಿದ್ದಂತೆ ಸುದ್ದಿ ಕೂಡ ಸೈಲೆಂಟಾಗಿ ಸೈಡಿಗೆ ಹೋಗಿತ್ತು.

ಇತ್ತೀಚೆಗಷ್ಟೇ ಸುಪುತ್ರನ ಸಿನಿರಂಗದ ಎಂಟ್ರಿಯ ಬಗ್ಗೆ ತುಟಿ ಬಿಚ್ಚಿದ್ದ ‘ದಿಲ್ವಾಲೆ’ ನಟ, ಆರ್ಯನ್’ಗೆ ಶೋಲೆ, ದೇವದಾಸ್ ಸೇರಿದಂತೆ ಅನೇಕ ಹಿಂದಿ ಕ್ಲಾಸಿಕ್ ಸಿನೆಮಾಗಳನ್ನು ತೋರಿಸುತ್ತಿರುವುದಾಗಿ ತಿಳಿಸಿದ್ದರು. ಅಲ್ಲದೇ ಜೂನಿಯರ್ ಖಾನ್ ಶೀಘ್ರದಲ್ಲೇ ಫಿಲ್ಮ್ ಸ್ಕೂಲ್’ಗೆ ಸೇರಲಿದ್ದಾರೆ ಎಂಬ ಮಾಹಿತಿಯನ್ನು ನೀಡಿದ್ದರು.

B2PFGQdCIAIKCg0

ಇದೀಗ ಆರ್ಯನ್ ಸಿನಿ ಕೋರ್ಸ್ ಮುಗಿಯುತ್ತಿದ್ದಂತೆ ಸೂಪರ್ ಬೈಕ್ ಏರಲಿದ್ದಾರೆಂಬ ಸುದ್ದಿಯೊಂದು ಬಿಟೌನಲ್ಲಿ ಹರಿದಾಡುತ್ತಿದೆ. ಹೌದು ಕಿಂಗ್ ಖಾನ್ ನಟಿಸಲಿದ್ದಾರೆ ಎನ್ನುತ್ತಿದ್ದ ಧೂಂ ಸಿರೀಸ್’ನ ಹೊಸ ಭಾಗದಲ್ಲಿ ಪುತ್ರ ಆರ್ಯನ್ ಖಳ’ನಾಯಕ’ನ ಅವತಾರದಲ್ಲಿ ಮಿಂಚಲಿದ್ದಾರೆಂದು ಕೆಲ ಮೂಲಗಳು ಹೇಳಿಕೊಂಡಿದೆ.

 

ಧೂಂ ಚಿತ್ರದ 5ನೇ ಭಾಗವು ಆರ್ಯನ್ ಖಾನ್ ಪಾಲಾಗಲಿದ್ದು, ಈ ಚಿತ್ರವು ಕ್ರೀಡೆ, ಆ್ಯಕ್ಷನ್ ಮತ್ತು ಚೇಸಿಂಗ್’ನ್ನು ಒಳಗೊಂಡಿರಲಿದೆ ಎಂದು ಹೇಳಲಾಗಿದೆ. ಆದರೆ ಶಾರೂಕ್ ಖಾನ್ ಆಗಲಿ ಧೂಂ ಚಿತ್ರಗಳ ನಿರ್ಮಾಪಕರಾದ ಯಶ್ ರಾಜ್ ಫಿಲಂಸ್ ಆಗಲಿ ಈ ಸುದ್ದಿಯನ್ನು ಇನ್ನೂ ಧೃಡೀಪಡಿಸಿಲ್ಲ. ಅಂತೂ ಇಂತೂ ಆರ್ಯನ್ ಖಾನ್’ರ ಎಂಟ್ರಿಯ ಚಿತ್ರದ ವಂದತಿಯು ಭರ್ಜರಿಯಾಗಿ ಸೌಂಡ್ ಮಾಡಿದ್ದು, ಇಲ್ಲಿ ಜೂನಿಯರ್ ಖಾನ್ ಧೂಂ ಮಚಾಯಿಸಲಿದ್ದಾರೆ ಎಂದು ಕಿಂಗ್ ಖಾನ್ ಅಭಿಮಾನಿಗಳು ಹೇಳಿಕೊಳ್ಳುತ್ತಿದ್ದಾರೆ.

‘ಧೂಂ೪ ಚಿತ್ರದಲ್ಲಿ ಸಲ್ಮಾನ್ ಖಾನ್ ಮತ್ತು ರಣವೀರ್ ಸಿಂಗ್ ಕಳ್ಳ ಪೋಲಿಸಾಟ ಆಡಲಿದ್ದಾರೆಂಬ ಸುದ್ದಿ ಕೂಡ ಇನ್ನೂ ಫೈನಲ್ ಆಗದ ಕಾರಣ ಧೂಂ5ನಲ್ಲಿ ಆರ್ಯನ್ ಖಾನ್ ಇರುತ್ತಾರೊ ಇಲ್ಲವೊ ಎಂಬುದು ಸಿನಿಮಾತೆಯೇ ಬಲ್ಲ.’

ಕಪ್ಪು ಮೂಗುತ್ತಿ

ಮುಂಗಾರಿನ ಮಿಂಚು ; ಮತ್ತೊಮ್ಮೆ  ಬ್ಯೂಟಿಫುಲ್ ಗೀತೆಗಳು

 

ಈ ಚಿತ್ರದ ೨ನೇ ಭಾಗ ಸೆಟ್ಟೇರಿದಾಗ ನಿರ್ದೇಶಕ ಸ್ಥಾನದಲ್ಲಿ ‘ಮೊಗ್ಗಿನ ಮನಸು’ ಶಶಾಂಕ್ ಕಾಣಿಸಿಕೊಂಡಿದ್ರೆ ಮ್ಯೂಸಿಕ್ ಮ್ಯಾಜಿಕ್ ಮಾಡಲು ಮನೋಮೂರ್ತಿ ಬದಲು ಅರ್ಜುನ್ ಜನ್ಯ ಬಂದಿದ್ದರು.

ಇಷ್ಟು ಸಾಕಾಗಿತ್ತು ಮುಂಗಾರು ಮಳೆ೨ ಚಿತ್ರದ ಹಾಡುಗಳ ಬಗ್ಗೆ ನಿರೀಕ್ಷೆ ಮೂಡಲು.

ಕೆಲದಿನಗಳ ಹಿಂದೆ ಆಡಿಯೊ ಟೀಸರ್’ನೊಂದಿಗೆ ಇಂಪಿನ ತಂಪು ನೀಡಿದ್ದ ಚಿತ್ರತಂಡ ಶುಕ್ರವಾರ ಆಡಿಯೊ ರಿಲೀಸ್ ಮಾಡಿದೆ.

ಮೊದಲ ಮುಂಗಾರಿನಲ್ಲಿ ಮನಮುಟ್ಟಿದ್ದ ಸೋನು ನಿಗಮ್ ಧ್ವನಿ ಇಲ್ಲೂ ಮುಂದುವರೆದಿದ್ದು ‘ಗಮನಿಸು ಒಮ್ಮೆ ನೀನು’ ಗೀತೆ ಮೂಲಕ ಕಳೆದು ಹೋಗುವಂತೆ ಮಾಡಿದ್ದಾರೆ ಎಂದರೆ ತಪ್ಪಾಗಲಾರದು.

ಅರ್ಜುನ್ ಜನ್ಯರ ಅದ್ಭುತ ಗೀತೆಗಳಿಗೆ ಧ್ವನಿಯಾಗಿರುವ ಬಾಲಿವುಡ್’ನ ಮಧುರ ಕಂಠ ಕೋಗಿಲೆ ಶ್ರೇಯಾ ಘೊಷಾಲ್ ಮ್ಯಾಜಿಕ್ ವಾಯ್ಸ್ ಇಲ್ಲೂ ‘ಕನಸಲೂ ನೂರು ಬಾರಿ’ ಮುಂದುವರೆದಿದೆ.

ಮುಂಗಾರು ಮಳೆಯ ಅನಿಸುತ್ತಿದೆ ಯಾಕೊ ಇಂದು.. ಗೀತೆಯ ಕಮಾಲ್ ಇಲ್ಲಿ ಸಂಗೀತ ನಿರ್ದೇಶಕ ಯುವ ಗಾಯಕ ಅರ್ಮಾನ್ ಮಲ್ಲಿಕ್’ಗೆ ನೀಡಿದ್ದಾರೆ.

ಸರಿಯಾಗಿ ನೆನಪಿದೆ ನನಗೆ…ಎಂಬ ಹಾಡಿನ ಮೋಡಿ ಮೂಲಕ ಹಳೇದೆಲ್ಲವನ್ನು ನೆನಪಾಗುವಂತೆ ಮಾಡುವಲ್ಲಿ ಅರ್ಮಾನ್ ಮಲ್ಲಿಕ್’ರ ಕಂಚಿನ ಕಂಠ ಸಾಥ್ ನೀಡಿದೆ.

ಇಷ್ಟೇ ಅಲ್ಲದೆ ಗಾಯಕಿ ಅನುರಾಧಾ ಭಟ್’ಳೊಂದಿಗೆ ನೀನು ಇರದೆ..ಲವ್ ಟ್ರ್ಯಾಕ್’ನಲ್ಲಿ ಅರ್ಮಾನ್ ಧ್ವನಿಗೂಡಿಸಿದ್ದಾರೆ.

ಅದರಲ್ಲೂ ಸ್ವಲ್ಪ ವಿಭಿನ್ನವಾಗಿ ಮೂಡಿ ಬಂದಿರುವ ಒಂಟೆ ಸಾಂಗ್’ನಲ್ಲಿ ಸ್ವರೂಪ್ ಖಾನ್,ಅರ್ಮಾನ್ ಮತ್ತು ಶ್ರೇಯಾರ ಗಾನ ಬಜಾನ ಸಖತ್ತಾಗಿ ಮೂಡಿ ಬಂದಿದೆ.

ಬೆನ್ನಿ ದಯಾಳ್ ಮತ್ತು ಯುವ ಗಾಯಕ ಡ್ಯಾಡಿ ಮೈ ಹೀರೊ ಗೀತೆಯು ಫುಲ್ ರೇಂಜ್ನಲ್ಲಿ ಕುಣಿಸುದರಲ್ಲಿ ಸಂಶಯವೇ ಇಲ್ಲ.

ಮುಂಗಾರು ಮಳೆ೨ ಚಿತ್ರಗೀತೆಗಳಿಗೆ ಕವಿ ಸಾಹಿತಿ ಜಯಂತ್ ಕಾಯ್ಕಿನಿ, ಕವಿರಾಜ್, ಗೋಪಿ ಅಯ್ಯಂಗಾರ್, ನಿರ್ದೇಶಕ ಶಶಾಂಕ್ ಮತ್ತು ಯುವ ಹಿಪ್ ಹಾಪ್ ಗಾಯಕ ಚಂದನ್ ಶೆಟ್ಟಿ ಸಾಹಿತ್ಯ ಒದಗಿಸಿದ್ದಾರೆ.

ಅಂದಹಾಗೆ ಎಲ್ಲಾ ಹಾಡುಗಳನ್ನು ಕೇಳಿದ್ಮೇಲೆ ನೀವು ಮುಂಗಾರು ಮಳೆ೨ ಮ್ಯಾಶಪ್ ಕೇಳಲು ಮಾತ್ರ ಮರೆಯಬೇಡಿ ಅದೂ ಮತ್ತಷ್ಟು ಮನಸನ್ನು ಸೆಳೆಯುದರಲ್ಲಿ ಡೌಟೇ ಇಲ್ಲ.

 

 

* ಕಪ್ಪು ಮೂಗುತ್ತಿ

ಪುನೀತ್ ರಾಜ್’ಗೆ ಪವರ್ ಫುಲ್ ಚಿತ್ರ ನೀಡಲಿದ್ದಾರೆ ನಟ ಅಕ್ಷಯ್ ಕುಮಾರ್!

 

೧೯೯೩ರಲ್ಲಿ ತೆರೆಕಂಡ ‘ವಿಷ್ಣು-ವಿಜಯ’ ಚಿತ್ರದಲ್ಲಿ ಸಾಹಸಸಿಂಹ ಡಾ.ವಿಷ್ಣುವರ್ಧನ್’ರೊಂದಿಗೆ ಬಾಲಿವುಡ್ ಕಿಲಾಡಿ ಮೊದಲ ಬಾರಿ ಕನ್ನಡದಲ್ಲಿ ಬಣ್ಣಹಚ್ಚಿದ್ದರು ಅಕ್ಷಯ್.

ಸದ್ಯ ಬಿಟೌನ್’ನ ಟಾಪ್ ನಟರಲ್ಲಿ ಒಬ್ಬರಾಗಿರುವ ಅಕ್ಷಯ್ ಕುಮಾರ್ ಚಿತ್ರ ನಿರ್ಮಾಣದತ್ತ ಮುಖ ಮಾಡಿದ್ದಾರೆ. ಅದರಲ್ಲೂ ಅಕ್ಕಿ ಸೌತ್ ಚಿತ್ರರಂಗದ ಬಾಕ್ಸಾಫೀಸ್ ಬೇಟೆಗೆ ಮುಂದಾಗಿದ್ದಾರೆ.

ಹರಿ ಓಂ ಎಂಟರ್ಟೈನ್ಮೆಂಟ್ ಎಂಬ ನಿರ್ಮಾಣ ಸಂಸ್ಥೆಯನ್ನು ಹುಟ್ಟು ಹಾಕಿರುವ ಬಾಲಿವುಡ್ ‘ಗಬ್ಬರ್’ ಮೊದಲ ಸಿನೆಮಾವನ್ನು ಕನ್ನಡದಲ್ಲಿ ನಿರ್ಮಿಸಲು ಮುಂದಾಗಿರುವುದು ಅಚ್ಚರಿ ಮತ್ತು ಸಂತೋಷದ ಸುದ್ದಿ.

ಇನ್ನೂ ಟೈಟಲ್ ಫಿಕ್ಸ್ ಮಾಡದ ಈ ಚಿತ್ರದಲ್ಲಿ ಸ್ಯಾಂಡಲ್ ವುಡ್ ಪವರ್ ಪ್ಯಾಕ್ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಟಿಸಲಿರುವುದು ಚಿತ್ರದ ಬಗ್ಗೆ ಮತ್ತಷ್ಟು ಕ್ಯೂರಿಯಸಿಟಿ ಸೃಷ್ಟಿಗೆ ಕಾರಣವಾಗಿದೆ.

ಇತ್ತೀಚೆಗಷ್ಟೇ ಚೆನ್ನೈಯಲ್ಲಿ ರೋಬೊ೨ ಚಿತ್ರದ ಸೆಟ್’ನಲ್ಲಿ ಅಕ್ಷಯ್ ಕುಮಾರ್ ಮತ್ತು ಅಪ್ಪು ಭೇಟಿಯ ಚಿತ್ರಗಳು ಸಾಮಾಜಿಕ ತಾಣದಲ್ಲಿ ವೈರಲ್ ಆಗಿ ಅಭಿಮಾನಿಗಳಲ್ಲಿ ಈ ಭೇಟಿಯ ಅಸಲಿ ಕಹಾನಿಯೇನು ಎಂಬ ಪ್ರಶ್ನೆ ಮೂಡಿಸಿತ್ತು.

akshaykumar-puneeth-rajkumar

ಈಗ ಎಲ್ಲಾ ಕುತೂಹಲಕ್ಕೂ ನಟ ಅಕ್ಷಯ್ ಕುಮಾರ್ ತೆರೆ ಎಳೆದಿದ್ದಾರೆ. ಅಲ್ಲದೆ ಈ ಚಿತ್ರವನ್ನು ಕನ್ನಡ ಮತ್ತು ಹಿಂದಿಯಲ್ಲಿ ನಿರ್ಮಿಸಲಿದ್ದಾರೆ. ಇಲ್ಲಿ ಅಪ್ಪು ನಾಯಕನಾದರೆ ಬಾಲಿವುಡ್’ನಲ್ಲಿ ಸಿಂಗ್ ಇಸ್ ಕಿಂಗ್ ಅಕ್ಷಯ್ ಕುಮಾರ್ ಕಮಾಲ್ ಮಾಡಲಿದ್ದಾರೆ.

ಮತ್ತೊಂದು ಇಂಟ್ರೆಸ್ಟಿಂಗ್ ಸುದ್ದಿಯೆಂದರೆ ಈ ಮಲ್ಟಿ ಸ್ಟಾರ್’ಗಳ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳ್ತಿರೊದು ಮತ್ಯಾರು director-nanda-kishoreಅಲ್ಲ ‘ಅಧ್ಯಕ್ಷ’ರು.

ಅರ್ಥಾತ್ ಸ್ಯಾಂಡಲ್ ವುಡ್ ನಿರ್ದೇಶಕ ನಂದಕಿಶೋರ್.ವಿಕ್ಟರಿ, ಅಧ್ಯಕ್ಷ ಮತ್ತು ರನ್ನ ಚಿತ್ರಗಳ ಸೂಪರ್ ಸಕ್ಸಸ್’ನ ಅಲೆಯಲ್ಲಿರುವ ನಂದಕಿಶೋರ್ ಈ ದ್ವಿಭಾಷಾ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ. ಅಂದಹಾಗೆ ಕನ್ನಡದ ನಿರ್ದೇಶಕರೊಬ್ಬರು ಬಾಲಿವುಡ್ ಚಿತ್ರವನ್ನು ನಿರ್ದೇಶಿಸಲಿರುವುದು ಪಕ್ಕಾ ಆದಂಗಾಯ್ತು.

 

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ದೊಡ್ಮನೆ ಹುಡ್ಗ ಮತ್ತು ರಾಜಕುಮಾರ ಚಿತ್ರಗಳಲ್ಲಿ ಬಿಝಿಯಾಗಿದ್ರೆ ಅತ್ತ ಅಕ್ಷಯ್ ಕುಮಾರ್ ರೊಬೊ೨, ಹೇರಾಪೇರಿ೩ ಚಿತ್ರಗಳತ್ತ ಗಮನ ನೀಡುತ್ತಿದ್ದಾರೆ. ಇನ್ನೊಂದೆಡೆ ನಿರ್ದೇಶಕ ನಂದ ಕಿಶೋರ್ ‘ಟೈಗರ್’ನ ಓಡಿಸುತ್ತಿದ್ದಾರೆ.

ಒಟ್ನಲ್ಲಿ ಈ ಮೂವರ ಸಕ್ಸಸ್’ಫುಲ್ ಕಾಂಬಿನೇಷನ್’ನ್ನು ತೆರೆಮೇಲೆ ನೋಡಲು ಸಿನಿಪ್ರಿಯರು ೩೦೧೭ರ ತನಕ ಕಾಯಬೇಕಿದೆ.

ಅಂದಹಾಗೆ ಈ ಚಿತ್ರದ ಮೂಲಕ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಸ್ಯಾಂಡಲ್’ವುಡ್ಡಿಂದ ಬಾಲಿವುಡ್’ಗೆ ಹಾರಲಿದ್ದಾರಾ..?

ಇನ್ನೂ ಹೆಚ್ಚಿನ ಸುದ್ದಿಗಳಿಗಾಗಿ ಸ್ಟೇ ವಿತ್ ಸಿನಿಅಡ್ಡ

 

 

* ಕಪ್ಪು ಮೂಗುತಿ

“ಅಸ್ತಿತ್ವ” ಮೂಲಕ ತೆಲುಗು ಟಿವಿಸ್ಟಾರ್ ಕನ್ನಡಕ್ಕೆ

ಇತ್ತೀಚಿನ ದಿನಗಳಲ್ಲಿ  ಕನ್ನಡ ಚಿತ್ರರಂಗದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿರುವ ಚಿತ್ರ ಅಸ್ತಿತ್ವ.
ಮ್ಯಾರೇಜ್ ಸ್ಟೋರಿ ಎಂಬ ಸಿನಿಮಾ ನಿರ್ದೇಶನ ಮಾಡಿದ್ದ ನೂತನ್ ಉಮೇಶ್ ಅವರ ಮತ್ತೊಂದು ಪ್ರಯತ್ನವಾದ ಈ ಸಿನಿಮಾ, ಸಾಕಷ್ಟು ಕಾರಣಗಳಿಗೆ ಗಾಂಧಿನಗರದಲ್ಲಿ ಸದ್ದು ಮಾಡುತ್ತಿದೆ.
VishwaCariappa-ಮುಖ್ಯವಾಗಿ, ನಿರ್ಮಾಣ ಸಾರಥ್ಯ ವಹಿಸಿರುವವರು ಬೆಂಗಳೂರಿನ ಸ್ಯಾನ್ಸಿಟಿ ಗ್ರೂಪ್ ಆಫ್ ಕಂಪನೀಸ್ ಅಧ್ಯಕ್ಷರು ಹಾಗು ಸಿಇಓ ವಿಶ್ವಕಾರ್ಯಪ್ಪ, ಇವರ “ವಿ ಸ್ಯಾನ್ ವಿಷನ್” ಎಂಬ ಹೊಸ ಬ್ಯಾನೆರ್ನಡಿ ಚಿತ್ರ ನಿರ್ಮಾಣವಾಗುತ್ತಿದೆ. ಇವರು ನಿರ್ಮಿಸಿದ ಗಣೇಶ್ ಅಭಿನಯದ “ಆಟೋ ರಾಜ”, ಗಣೇಶ್ ಗೆ “ಬ್ಯಾಕ್ ಟು ದಿ ಫಾರಂ” ಚಿತ್ರವಾಗಿತ್ತು.
madhusudan-asthitwaಎರಡನೆಯದಾಗಿ, ಚಿತ್ರದ ಮೂಲಕ ತೆಲುಗು ಸಿರಿಯಲ್‌ಗಳಲ್ಲಿ ಸ್ಟಾರ್ ಆಗಿರುವ ಬೆಂಗಳೂರು ಮೂಲದ ಮಧುಸೂದನ್ ಎಂಬ ಯುವಕ ಈ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಪರಿಚಯವಾಗುತ್ತಿದ್ದಾರೆ. ಮೂಲತಃ ಬೆಂಗಳೂರಿನವರಾದ ಮಧುಸೂದನ್ ವಿಶಾಖಪಟ್ಟಣದಲ್ಲಿ ಅಭಿನಯ ತರಬೇತಿ ಪಡೆದಿದ್ದಾರೆ.
ಅಭಿನಯ ತರಬೇತಿ ಮುಗಿದ ತಕ್ಷಣವೇ ಅವರಿಗೆ ತೆಲುಗು ಸಿನಿಮಾ ಮತ್ತು ಕಿರುತೆರೆ ಕೈಬೀಸಿ ಕರೆಯಿತು. ಸಿಕ್ಕ ಅವಕಾಶವನ್ನು ಬಿಡದ ಮಧುಸೂದನ್ ಮೂರು ತೆಲುಗು ಸಿನಿಮಾಗಳಲ್ಲಿ ಮುಖ್ಯ ಪಾತ್ರದಾರಿಯಾಗಿ ನಟಿಸಿದರು.
ಆದರೆ ಅವರಿಗೆ ನಿಜವಾಗಿಯೂ ಬ್ರೇಕ್ ಕೊಟ್ಟಿದ್ದು ಅಲ್ಲಿನ ಕಿರುತೆರೆ. ತೆಲುಗು ಇಂಡಸ್ಟ್ರಿ ಇಂದು ಮಧುಸೂದನ್ ಅವರನ್ನು ಗುರುತಿಸುವಂತೆ ಮಾಡಿರುವುದೇ ಅವರು ನಟಿಸಿರುವ ಕೆಲ ಸಿರಿಯಲ್‌ಗಳು. ಗೋರಂಥ ದೀಪಂ ಎನ್ನುವ ಸಿರಿಯಲ್‌ನಲ್ಲಿ ಮಧುಸೂದನ್  700 ಎಪಿಸೋಡ್‌ಗಳಲ್ಲಿ ನಟಿಸಿದ್ದಾರೆಂದರೆ ಅವರ ಪಾಪುಲಾರಿಟಿ ಎಷ್ಟಿದೆ ಎಂಬುದನ್ನು ನಾವು ಅರಿಯಬೇಕಿದೆ.
ಈ ಸಿರಿಯಲ್‌ಗಳಲ್ಲಿ ಅಭಿನಯಿಸುತ್ತಿರುವಾಗಲೇ  ವಿಶ್ವ ಕಾರ್ಯಪ್ಪನವರ ಪರಿಚಯವಾಗಿತ್ತು. ಈ ಪರಿಚಯ ಮಧುಸೂದನ್ ಅವರಿಗೆ ಅಸ್ತಿತ್ವ ಸಿನಿಮಾದಲ್ಲಿ ಅವಕಾಶ ಗಿಟ್ಟುವಂತೆ ಮಾಡಿದೆ. ಇದು ಇವರ ಕನ್ನಡದ  ಮೊದಲ ಸಿನಿಮಾ.
ಮಧುಸೂದನ್‌ಗೆ ಮುಂದಿನ ದಿನಗಳಲ್ಲಿ ಕನ್ನಡದ ಮತ್ತಷ್ಟು ಸಿನಿಮಾಗಳಲ್ಲಿ ಅಭಿನಯಿಸ ಬೇಕು ಎನ್ನು ಹಂಬಲ ಇದೆ.  ಆ.೧೯ರಂದು ರಾಜ್ಯಾದ್ಯಂತ  ಅಸ್ತಿತ್ವ ಸಿನಿಮಾವನ್ನು ಬಿಡುಗಡೆ ಮಾಡಲು ಚಿತ್ರ ತಂಡ ರಿಲೀಸ್ ಮಾಡಲು ತಯಾರಿ ಮಾಡಿಕೊಂಡಿದೆ. ಚಿತ್ರ ಇನ್ನೂರಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆ ಕಾಣುತ್ತಿದ್ದು, ಅದಕ್ಕಾಗಿ ಭರ್ಜರಿ ಸಿದ್ಧತೆಗಳುಡೆದಿವೆ. ಟ್ರೈಲರ್ ಮತ್ತು ಹಾಡುಗಳೂ ಈಗಾಗಲೇ  ಹಿಟ್ ಆಗಿರುವ ಪರಿಣಾಮ ಸಿನಿಮಾ ಗೆಲ್ಲುವ ಎಲ್ಲ ಲಕ್ಷಣಗಳು ಗೋಚರಿಸುತ್ತಿದೆ.
  ತಮಿಳಿನ ಹೆಸರಾಂತ ನಟ ಮತ್ತು ಸಂಗೀತ ನಿರ್ದೇಶಕ ವಿಜಯ್ ಆಂಟೋನಿ, ಈ ಸಿನಿಮಾದ ಮೂಲಕ ಕನ್ನಡಕ್ಕೆ ಬಂದಿದ್ದಾರೆ. ಒಟ್ಟಿನಲ್ಲಿ ಅಸ್ತಿತ್ವ ಸಿನಿಮಾ ಮೂಲಕ ತೆಲುಗು ಟಿವಿ ಸ್ಟಾರ್ ಮತ್ತು ತಮಿಳಿನ ಖ್ಯಾತ ನಟರೊಬ್ಬರು ಸ್ಯಾಂಡಲ್‌ವುಡ್ ಪ್ರವೇಶ ಮಾಡುತ್ತಿದ್ದಾರೆ.
ಇವರ ನಿರೀಕ್ಷೆಯಂತೆ ಸಿನಿಮಾವನ್ನು ಪ್ರೇಕ್ಷಕ ಗೆಲ್ಲಿಸುತ್ತಾನ ಕಾದು ನೋಡಬೇಕಿದೆ.

Like Us, Follow Us !

122,699FansLike
1,826FollowersFollow
1,409FollowersFollow
2,513SubscribersSubscribe

Trending This Week