19 C
Bangalore, IN
Wednesday, November 21, 2018

ಅಕ್ಷಯ್ ಗೆ ಹೆಗಲು ಕೊಟ್ಟು ನಿಂತ ಬಾಲಿವುಡ್

 

“ದೇಶವನ್ನೇ ಬೆಚ್ಚಿ ಬೀಳಿಸಿದ ಆ ಮೂರೂ ಬುಲೆಟ್ ಶೂಟ್”  ಎಂಬ ಕುತೂಹಲಕರ ಸಾಲಿನೊಂದಿಗೆ ಹೊರಬರುತ್ತಿರುವ, ಅಕ್ಷಯ್ ಕುಮಾರ್ ಹಾಗು ಇಲಿಯಾನ ಅಭಿನಯದ ‘ರುಸ್ತುಂ’ ಚಿತ್ರ ಆಗಸ್ಟ್ 12 ರಂದು ಪ್ರಪಂಚದಾದ್ಯಂತ ಬಿಡುಗಡೆ ಆಗುತ್ತಿದೆ. ಈ ಬಾರಿಯ ವಿಶೇಷವೆಂದರೆ ಹಾಲಿವುಡ್ ನ ಘಟಾನುಘಟಿಗಳು ರುಸ್ತುಂ ಚಿತ್ರದ ಪ್ರಚಾರ ಕಾರ್ಯದಲ್ಲಿ ಅಕ್ಷಯ್ ಜೊತೆಯಾಗುತ್ತಿದ್ದಾರೆ.

 

 

ಅಕ್ಷಯ್ ಕುಮಾರ್ ಕಳುಹಿಸಿ ಕೊಟ್ಟಿದ್ದ ನೇವಿ ಆಫೀಸರ್ ಡ್ರೆಸ್ಸಿನಲ್ಲೇ ರಣವೀರ್ ಸಿಂಗ್ ರುಸ್ತುಂ ಚಿತ್ರ ಸೂಪರ್ ಹಿಟ್ ಹಾಡಿಗೆ ಅಭಿನಯ ಮಾಡಿ ಹೊಸ ರೀತಿಯಲ್ಲಿ ಶುಭಾಶಯ ಕೋರಿದ್ದಾರೆ. ಆ ವಿಡಿಯೋ ಕಂಡು ಅಕ್ಷಯ್ ಹಿರೋಯಿನ್ ಇಲಿಯಾನ ಹಾಗು ಇಷಾ ಗುಪ್ತಾಗೂ ತೋರಿಸುತ್ತಾ ಖುಷಿ ಪಟ್ಟಿದ್ದಾರೆ. ಅಷ್ಟೇ ಅಲ್ಲದೆ ತಾನು ಬಾಲ್ಯದಲ್ಲಿ ಇದ್ದಾಗ ಅಕ್ಷಯ್ ಜೊತೆಗೆ ತೆಗೆಸಿಕೊಂಡಿದ್ದ ಅಪರೂಪದ ಫೋಟೋ ಒಂದನ್ನು ಹಾಕಿ ಅಕ್ಷಯ್ ಅವರ ಚಿತ್ರಕ್ಕೆ ಪ್ರಚಾರ ಕೊಟ್ಟಿದ್ದಾರೆ.

ರು೧

 

ಮುಂದಿನ ದಿನವೇ ಕರಣ್ ಜೋಹರ್ ಕೂಡಾ ತಾನು ರಣವೀರನ ಹಾಗೆ ಸೂಟ್ ಹಾಕಿಕೊಳ್ಳಲು ಆಗುತ್ತಿಲ್ಲ. ಏಕೆಂದರೆ ಅದು ನನಗೆ ಟೈಟ್ ಆಗುತ್ತದೆ ಎಂದು ಚೇಡಿಸುತ್ತಾ ಅಕ್ಷಯಾನ ರುಸ್ತುಂಗೆ ಶುಭ ಕೋರಿದ್ದಾರೆ.

 

ಇದೆಲ್ಲಕ್ಕಿಂತಾ ಅಚ್ಚರಿ ಮೂಡಿಸಿರುವುದು ಬಾಲಿವುಡ್ ಸುಲ್ತಾನ್ ಸಲ್ಮಾನ್ ಖಾನ್. ನಾನಾ ಕಾರಣಗಳಿಂದ ಇದುವರೆಗೂ ಅಕ್ಷಯ್ ನಿಂದ ದೂರವೇ ಇದ್ದ ಸಲ್ಲು, ಅಚಾನಕ್ಕಾಗಿ ಮೊನ್ನೆ ರುಸ್ತುಂ ಚಿತ್ರಕ್ಕೆ ಶುಭ ಕೋರಿರುವ ವಿಡಿಯೋವನ್ನು ಟ್ವಿಟ್ ಮಾಡಿದ್ದಾರೆ.

 

 

 

 

 

 

 

 

 

ಇದನ್ನು ಕಂಡ ಬಾಲಿವುಡ್ ಅಂತೂ ಬೆರಗಾಗಿದೆ.

‘ನೀರ್‌ದೋಸೆ’ ಪಾತ್ರಕ್ಕೆ ಸೆಂಚುರಿ ಸ್ಟಾರ್‌ನಿಂದ ಹೊಗಳಿಕೆ ಪಡೆದ ‘ಹರಿಪ್ರಿಯಾ’

ವಿವಾದಗಳಿಂದಲೇ ಸುದ್ದಿಯಾಗಿದ್ದ ನೀರ್‌ದೋಸೆ ಸಿನಿಮಾ, ತನ್ನ ಶೂಟಿಂಗ್ ಮುಗಿಸಿ ಟೀಸರ್ ಜೊತೆಗೆ ಆಡಿಯೋವನ್ನು ಬಿಡುಗಡೆ ಮಾಡಿದೆ. ಟೀಸರ್‌ನಲ್ಲಿ ಸಾಕಷ್ಟು ಹಾಟ್ ಹಾಟ್ ಆಗಿ ಕಾಣಿಸಿಕೊಂಡಿರುವ ಹರಿಪ್ರಿಯಾ ಅವರನ್ನು ಇತ್ತೀಚಿಗಷ್ಟೇ ಸೆಂಚುರಿ ಸ್ಟಾರ್ ಶಿವಣ್ಣ ಹೊಗಳಿ ಅಟ್ಟಕ್ಕೇರಿಸಿದ್ದಾರೆ.

Neer-Dose

ನೀರ್ ದೋಸೆ ಸಿನಿಮಾದಲ್ಲಿ ಕುಮುದಾ ಎನ್ನುವ ಪಾತ್ರ ನಿರ್ವಹಿಸಿರುವ ಹರಿಪ್ರಿಯಾ ಸಿಕ್ಕಾಪಟ್ಟೆ ಹಾಟ್ ಆಗಿ ಕಾಣಿಸಿಕೊಂಡಿದ್ದಾರೆ. ಆಡಿಯೋ ಬಿಡುಗಡೆ ಸಮಾರಂಭದಲ್ಲಿ ಭಾಗವಹಿಸಿದ್ದ ಶಿವರಾಜ್‌ಕುಮಾರ್ ಹರಿಪ್ರಿಯಾ ಅವರು ನಿರ್ವಹಿಸಿರುವ ಪಾತ್ರದ ಬಗ್ಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಆದರೆ ಶಿವಣ್ಣ ಮೆಚ್ಚಿರುವುದು ಹರಿಪ್ರಿಯಾ ಅವರ ಹಾಟ್ ಲುಕ್‌ಗಾಗಿ ಅಲ್ಲ ಬದಲಿಗೆ ಆ ಸಿನಿಮಾದ ಪಾತ್ರಕ್ಕಾಗಿ.

haripriya

ಪಾತ್ರದಲ್ಲಿ ಅಷ್ಟೋಂದು ಕಂಟೆಂಟ್ ಇರುವಾಗ ಹರಿಪ್ರಿಯಾ ಅವರ ಹಾಟ್ ಲುಕ್ ಲೆಕ್ಕಕ್ಕೆ ಬರುವುದಿಲ್ಲ ಎಂದಿದ್ದಾರೆ ಶಿವರಾಜ್‌ಕುಮಾರ್. ಅದರಲ್ಲಿ ಯಾವುದೇ ಅಶ್ಲೀಲತೆ ಇಲ್ಲ ಎಂದಿದ್ದಾರೆ. ಅಷ್ಟೇ ಅಲ್ಲದೆ ಟ್ರೈಲರ್ ನೋಡಿದ ಮೇಲೆ ಹರಿಪ್ರಿಯಾ ಅವರಿಗೆ ಫ್ಯಾನ್ ಆಗಿರುವ ಶಿವಣ್ಣ ಮೊದಲ ದಿನವೇ ಸಿನಿಮಾ ನೋಡುವುದಾಗಿ ಚಿತ್ರ ತಂಡಕ್ಕೆ ಹೇಳಿದ್ದಾರಂತೆ. ಈ ಮಾತುನ್ನು ಕೇಳಿಸಿಕೊಂಡಿರುವ ಹರಿಪ್ರಿಯಾ ಅವರು ಸಾಕಷ್ಟು ಖುಷಿಯಾಗಿದ್ದಾರೆ.

ಈ ಸಿನಿಮಾ ನಂತರ ಹರಿಪ್ರಿಯಾ ಸಾಕಷ್ಟು ಹೆಸರು ಮಾಡುವ ನಿರೀಕ್ಷೆ ಇದೆ. ಈ ಸಿನಿಮಾ ಮೂವರ ಭವಿಷ್ಯ ಎಂದೇ ಹೇಳಬಹುದು. ನಿರ್ದೇಶಕ ವಿಜಯ್‌ಪ್ರಕಾಶ್ ಅವರು ಸಾಕಷ್ಟು ಎಡರು ತೊಡರುಗಳ ನಡುವೆ ಸಿನಿಮಾ ಮುಗಿಸಿದ್ದಾರೆ.

ಇನ್ನು ನಾಯಕ ನಟ ಜಗ್ಗೇಶ್ ಅವರಿಗೆ ಅವರ ಸಿನಿ ಪಯಣದಲ್ಲಿ ಒಂದು ವಿಭಿನ್ನ ವಿಶೇಷವಾದ ಪಾತ್ರ ಸಿಕ್ಕಿದೆ. ವೆಶ್ಯೆಯ ಪಾತ್ರವನ್ನು ಒಪ್ಪಿಕೊಳ್ಳು ಮೂಲಕ, ಸಾಕಷ್ಟು ಜನರ ಹುಬ್ಬೇರುವಂತೆ ಮಾಡಿದ್ದ ಹರಿಪ್ರಿಯಾಗೂ ಈ ಸಿನಿಮಾ ಗೆಲ್ಲಲೇ ಬೇಕು.

ಒಟ್ಟಿನಲ್ಲಿ ಇತ್ತೀಚಿನ ದಿನಗಳಲ್ಲಿ ನೀರ್‌ದೋಸೆ ಸಾಕಷ್ಟು ಸದ್ದು ಮಾಡುತ್ತಿದೆ.

ತಿರುಪತಿಯಲ್ಲಿ ತಿಮ್ಮಪ್ಪನ ಆಶೀರ್ವಾದ ಪಡೆದ “ಬದ್ಮಾಶ್”

ಬದ್ಮಾಶ್ ಚಿತ್ರತಂಡದ ಸದಸ್ಯರು ಇತ್ತೀಚಿಗಷ್ಟೆ ತಿರುಪತಿಗೆ ಭೇಟಿ ನೀಡಿ ತಿಮ್ಮಪ್ಪನ ದರ್ಶನ ಪಡೆದು ವಾಪಾಸ್ ಬಂದಿದ್ದಾರೆ.

ಅರೇ ಇವರ್ಯಾಕೆ ತಿಮ್ಮಪ್ಪನ ದರ್ಶನಕ್ಕೆ ಹೋದ್ರು ಅಂತಾ ನಾವು ನಾಯಕ ನಟ ಧನಂಜಯ ಅವರನ್ನು ಸಂಪರ್ಕಿಸಿದಾಗ ‘‘ತಿಮ್ಮಪ್ಪ ಎಲ್ಲ ದೇವರಿಗಿಂತ ತುಂಬಾ ಸ್ಟ್ರಾಂಗ್ ಅಲ್ವಾ, ಅದಕ್ಕೆ ಸಿನಿಮಾ ಬಿಡುಗಡೆಗೂ ಮುನ್ನ, ಅವನ ಆಶೀರ್ವಾದ ತೆಗೆದುಕೊಂಡರೆ ಒಳಿತು ಎಂದು ನಾವೆಲ್ಲ ಹೋಗಿದ್ದೇವೆ,’’ ಎಂದು ಹೇಳಿದರು.

ಮುಂದಿನ ಸೆಪ್ಟಂಬರ್ ಅಥವಾ ಅಕ್ಟೋಬರ್‌ನಲ್ಲಿ ಬದ್ಮಾಶ್ ಚಿತ್ರಮಂದಿರಗಳಿಗೆ ಅಪ್ಪಳಿಸುತ್ತಾನೆ. ಅದಕ್ಕಿಂತಲೂ ಮುಂಚೆ ಚಿತ್ರ ತಂಡದವರು ತಿರುಪತಿಗೆ ಹೋಗಿ ತಿಮ್ಮಪ್ಪನ ದರ್ಶನ ಪಡೆದು ಬಂದಿರುವುದು ಎಲ್ಲರ ಗಮನ ಸೆಳೆದಿದೆ. ನಾಯಕ ನಟ ಧನಂಜಯ, ನಿರ್ದೇಶಕ ಆಕಾಶ್ ಶ್ರೀವತ್ಸ, ನಿರ್ಮಾಪಕ ರವಿ ಕಶ್ಯಪ್, ಸೇರಿದಂತೆ ಇಡೀ ಚಿತ್ರತಂಡ ತಿರಪತಿಗೆ ಪ್ರಯಾಣ ಬೆಳೆಸಿತ್ತು.

badmash

ತನ್ನ ಟೀಸರ್‌ನಿಂದ ಬಾಲಿವುಡ್ ಸುಲ್ತಾನ್ ಸಲ್ಮಾನ್ ಖಾನ್ ಅವರ ಗಮನವನ್ನು ಸೆಳೆದಿರುವ ಬದ್ಮಾಶ್ ಧನಂಜಯ ಅವರ ಚಿತ್ರಜೀವನದಲ್ಲಿ ಒಂದು ಮೈಲಿಗಲ್ಲಾಗುವ ಎಲ್ಲ ಲಕ್ಷಣಗಳು ಕಾಣುತ್ತಿವೆ. ಟೀಸರ್ ನಂತರ, ಆಡಿಯೋ ಕೂಡಾ ಸಾಕಷ್ಟು ಸದ್ದು ಮಾಡಿತ್ತು. ಜೂಡಾ ಸ್ಯಾಂಡಿ ಹೊಸ ಸಂಗೀತ ನಿರ್ದೇಶಕರಾದರು ಅದ್ಭುತವಾಗಿ ಟ್ಯೂನ್ ಹಾಕಿದ್ದರು.

Badmaash-Kannada-Movie-Posterಈ ಸಿನಿಮಾ ಗೆದ್ದರೆ  ಆಕಾಶ್ ಶ್ರೀವತ್ಸ ಒಬ್ಬ ಒಳ್ಳೆ ಟೆಕ್ನಿಶಿಯನ್ ಆಗಿ ಕನ್ನಡ ಚಿತ್ರರಂಗಕ್ಕೆ ಸಿಗುತ್ತಾರೆ. ಏಕೆಂದರೆ ಮೇಕಿಂಗ್ ನೋಡಿದಾಗ ಆಕಾಶ್ ಅವರ ಕುಸುರಿ ಕೆಲಸ ಎದ್ದು ಕಾಣುತ್ತದೆ.  ನಿರ್ಮಾಪಕ ರವಿ ಕಶ್ಯಪ್ ಅವರಿಗೂ ಮೊದಲ ಪ್ರಯತ್ನವಾದ್ದರಿಂದ ಅವರಿಗೂ ಇದು ಅಗ್ನಿ ಪರೀಕ್ಷೆ.

ಈ ಬೆಳವಣಿಗೆಗಳ ನಡುವೆ ಚಿತ್ರತಂಡ ತಿರುಪತಿಗೆ ಹೋಗಿ ದೇವರ ಆಶೀರ್ವಾದವನ್ನು ಪಡೆದಿರುವುದು ತಂಡದ ಆತ್ಮಸ್ಥೈರ್ಯವನ್ನು ಹೆಚ್ಚಿಸಿದೆ ಎಂದು ಹೇಳಬಹುದು.

‘ಕಬಾಲಿ’ ಹಿಟ್ಟಾ.. ತೋಪಾ .. ???

ಕಲೆ, ಮನೋರಂಜನೆ, ಮಾಧ್ಯಮ ಹೀಗೆ ಅನೇಕ ರೂಪಗಳನ್ನು ಪಡೆದ ಸಿನಿಮಾ, ಇಂದು ಅವೆಲ್ಲವನ್ನೊ ಮೀರಿ ಒಂದು ಮಹಾ ವ್ಯಾವಹಾರಿಕ ಉದ್ಯಮವಾಗಿ ಬೆಳೆದು ನಿಂತಿದೆ.ಹಾಗಾಗಿ ಚಿತ್ರನಿರ್ಮಾಪಕರು ಸಿನಿಮಾದ ಕಥೆಗೆ ತಲೆಕೆಡಿಸಿಕೊಳ್ಳಲು ಶುರು ಮಾಡಿದ ದಿನದಿಂದಲೇ ಅದರ  ಪ್ರಚಾರ ಕಾರ್ಯಕ್ಕೂ ನಿಲ್ಲುತ್ತಿದ್ದಾರೆ.

ಅಂದು ‘ಬಾಹುಬಲಿ’ ತನ್ನ ತಾಂತ್ರಿಕತೆಯಿಂದ ಭಾರತ ಚಿತ್ರರಂಗದ ಲೆಕ್ಕಾಚಾರಗಳನ್ನೆಲ್ಲಾ ಬುಡಮೇಲು ಮಾಡಿಬಿಟ್ಟರೆ, ಇಂದು ಬಂದ ‘ಕಬಾಲಿ’ ತಲೈವನ ಹೆಸರಿನಲ್ಲೇ ಬಿರುಗಾಳಿ ಎಬ್ಬಿಸಿ ಮರೆಯಾಯ್ತು.

‘ಕಬಾಲಿ’ ಬಂದ ಬಿರುಸಿನಲ್ಲಿ ಬಿಚ್ಚಿಟ್ಟು ಹೋದ ಪ್ರಶ್ನೆ ಹಾಗು ಗೊಂದಲಗಳು ಒಂದೆರಡಲ್ಲ.

ಒಂದು ಚಲನಚಿತ್ರವನ್ನು ಹೇಗೆ ಅಳಿಯಬೇಕೋ ಹಾಗೆ ಅಳಿಯಲು ತಿಳಿಯದ ತೀರದಲ್ಲಿ “ಕಬಾಲಿ” ನಿಂತಿದೆ. ಭಾರತ ಚಿತ್ರರಂಗದಲ್ಲೇ ಮೊದಲನೇ ಬಾರಿಗೆ ಇಷ್ಟೊಂದು ರೀತಿಯ  “mixed opinion”ಗಳನ್ನು ಚಿತ್ರ “ಕಬಾಲಿ” ಹುಟ್ಟುಹಾಕಿದೆ.

B Suresh, Film Maker

1ಬಿ. ಸುರೇಶ್

ಕಬಾಲಿ ಮಲೇಶಿಯಾದ ಭಾರತೀಯ ವಲಸಿಗರ ಬಗ್ಗೆ ಮಾಡಿರುವ ಅದ್ಬುತ ಚಿತ್ರ. ಸೂಪರ್ ಸ್ಟಾರ್ ಫಾರ್ಮುಲಾಗೆ ಜೋತು ಬೀಳದೆ ಚಿತ್ರವನ್ನು ರೂಪಿಸಿದ್ದಾರೆ. 70 ಕೋಟಿ ರೂಪಾಯಿಯಲ್ಲಿ ಅಚ್ಚುಕಟ್ಟಾಗಿ ನಿರ್ಮಾಣವಾದ ಈ ಚಿತ್ರದ ಪ್ರಚಾರಕ್ಕೆ ಖರ್ಚಾಗಿದ್ದು ಸುಮಾರು 50 ಕೋಟಿ. ಚಿತ್ರ ಗಳಿಸಿದ್ದು ಭರ್ಜರಿ 600 ಕೋಟಿ. ಇದು ಸಮಕಾಲೀನ ಅದ್ಭುತ ಯಶಸ್ಸಿನ ಚಿತ್ರ ಎಂದು ನಾನು ನಂಬುತ್ತೇನೆ.

Shreenidhi DS, Fiction Head, Udaya TV

2ಶ್ರೀನಿಧಿ ಡಿ.ಎಸ್.

‘ಕಬಾಲಿ’ ಹಂಚಿಕೆದಾರರಿಗೆ ಲಾಭ ತಂದುಕೊಟ್ಟಿರಬಹುದು! ಆದರೆ ನೋಡಿದೋರಿಗೆ ಖುಷಿ ಆಗಿದೆಯಾ?

ಆಮೇಲೆ- ಸಿನಿಮಾಕ್ಕೆ ನಿಜವಾದ ಖರ್ಚಾದ ದುಡ್ಡೆಷ್ಟು ಅನ್ನೋದು ಜನಸಾಮಾನ್ಯನಿಗೆ ಗೊತ್ತಾಗಲ್ಲ, ಆತನಿಗೆ ಇದೊಂದು ದೊಡ್ಡ ಚಿತ್ರ, ಕೋಟ್ಯಂತರ ರೂಪಾಯಿಗಳ ವೆಚ್ಚ ಆಗಿದೆ ಎಂದು ಬಿಂಬಿಸಿ – ಆ ಚಿತ್ರವನ್ನು ಮಿಸ್ ಮಾಡ್ಕೊಳೋದೇ ಅಪರಾಧ ಎಂಬಂತೆ ಬಿಂಬಿಸಿ, ಒತ್ತಾಯ ಪೂರ್ವಕವಾಗಿ ನೋಡೋ ಹಾಗೆ ಮಾಡಲಾಗತ್ತೆ. ಜನಕ್ಕೆ ಈ ಕ್ಷಣದ ಸಂಭ್ರಮ- ಯಶಸ್ಸು ಅಷ್ಟೇ ಬೇಕು. ಸುಮ್ಮನೆ ನೂರಾರು ಥಿಯೇಟರ್ ಗಳಲ್ಲಿ ರಿಲೀಸ್ ಮಾಡಿ, ಧೂಳೆಬ್ಬಿಸಿ-ಗೌಜಿ ಮಾಡಿ ಹೋ ಅಂತ ಅಬ್ಬರ…. ಆಮೇಲೆ ಹೇಳೋರು ಕೇಳೋರು ಇಲ್ಲ!

Aravind SD, Film Maker

3ಅರವಿಂದ್ ಎಸ್. ಡಿ.

ಕಬಾಲಿ ನಿಜಕ್ಕೂ path breaking cinema. ಆದರೆ ಅತಿಯಾಗಿ ಪ್ರಚಾರ ಹಾಗು ನಿರೀಕ್ಷೆಗಳನ್ನು ಹುಟ್ಟಿಸಿತ್ತು. ವ್ಯಯಕ್ತಿಕವಾಗಿ ನನಗೆ ಚಿತ್ರ ಇಷ್ಟವಾಯ್ತು. ರಜನಿ ಅಂಥಾ ಸೂಪರ್ ಸ್ಟಾರ್ ಪ್ರಭೆಯನ್ನು ಮರೆಮಾಡಿ ನಿಜವಾದ ನಟನನ್ನು ತೋರಿಸಿದ್ದಾರೆ. ಒಬ್ಬ ಖ್ಯಾತ ನಾಯಕನನ್ನು ದಲಿತ ನಾಯಕನನ್ನಾಗಿ ಹೆಣೆದಿರುವ  ಕಥೆ ಅದ್ಭುತ. ಇದು ಕೇವಲ ರಜನಿ ಚಿತ್ರವಾಗಿ ಉಳಿಯದೆ, ನೈಜವಾಗಿ ಚಿತ್ರ ಕಟ್ಟಿರುವುದು ಪ್ರಸಂಶನೀಯ.

Vanitha Sathish, Software professional

4 ವನಿತಾ ಸತೀಶ್

ಹೊಸತನ ಬರಿ ಲೊಕೇಶನ್   ಮತ್ತು ಕಥೆಯ ಎಳೆಯಲ್ಲಿದೆ. ಕೆಲವು ನಿರೂಪಣೆ; ಸತ್ತ ಹೆಂಡತಿ  ಎಲ್ಲ ಕಡೆ ಕಾಣಿಸಿ ಅವನನ್ನು ಕಾಡುವುದು ತುಂಬಾ ಸುಂದರವಾಗಿದೆ. ಚಿತ್ರ ಕಥೆ ಪ್ರೇಕ್ಷಕರನ್ನು ಹಿಡಿದು ಕೂರಿಸುವಷ್ಟು ಕಾತುರ ಮತ್ತು ಆಸಕ್ತಿ ಹುಟ್ಟಿಸುವಲ್ಲಿ ಸೋತಿದೆ. ಕಬಾಲಿ ಪಾತ್ರ ಕೂಡ ನಾಯಕನ ದಿಟ್ಟ ಗುಣ ಮತ್ತು ವ್ಯಕ್ತಿತ್ವ ಪ್ರೇಕ್ಷಕರ ಮನದಲ್ಲಿ ನೆಡುವಂಥ ಯಾವುದೇ ದೃಶ್ಯ ಕಟ್ಟಿ ಕೊಟ್ಟಿಲ್ಲ. ನಾವೆ ಪಟ್ಟು ಹಿಡಿದು ಚಿತ್ರದಲ್ಲಿ ಧನಾತ್ಮಕ ಅಂಶಗಳನ್ನು ಹುಡುಕಿದರೆ ಕೆಲವು ಮಾತ್ರ ಸಿಗುತ್ತವೆ. ಒಟ್ಟಾರೆ ಕೊಟ್ಟ ದುಡ್ಡಿಗೆ 80% paisa vasool ಕಾರಣ, ಹೊರ ದೇಶದ ಲೊಕೇಶನ್, ಹೊಸ ನಟ ನಟಿಯರು ಮತ್ತ ರಜನಿ ಸರ್.ಜನರ ಮನ ಮುಟ್ಟುವಲ್ಲಿ ಸಂಪೂರ್ಣವಾಗಿ ಸೋತಿದೆ.

ChandraShekar Shrivastav, Film director

5ಚಂದ್ರಶೇಖರ್ ಶ್ರೀವಾತ್ಸವ್

ರಜನಿಕಾಂತ್ ಸಿನಿಮಾದಲ್ಲಿ ಇದ್ದಮೇಲೆ ಮುಗೀತು, ಅಲ್ಲಿ ಒಪೀನಿಯನ್ ಗಳ ಅವಶ್ಯಕತೆನೇ ಇಲ್ಲ. ಆ ಸಿನಿಮಾ ಸೂಪರ್ ಹಿಟ್ಚೇ.

Vidya Rao, Writer

6ವಿದ್ಯಾ ರಾವ್

ನಾನು ಚಿತ್ರವನ್ನು ನೋಡಿಲ್ಲ.. ಆದರೂ, ಒಬ್ಬ ನಟನ ಪಾಪುಲಾರಿಟಿಯನ್ನೇ ಬಂಡವಾಳವಾಗಿ ಇಟ್ಟುಕೊಂಡು ಮೀಡಿಯಾ ಮೂಲಕ ಅತಿಯಾಗಿ ಪ್ರಚಾರ ಮಾಡಿ ಪ್ರೇಕ್ಷಕರನ್ನು ಚಿತ್ರಮಂದಿರಕ್ಕೆ ಕರೆತರಲಾಗುತ್ತಿದೆ. ಆದರೆ ಒಂದು ಚಿತ್ರಕ್ಕೆ ಅದರ ಕಥೆ, ದೃಶ್ಯಿಕರಣ, ನಟರ ನಟನೆ ಮುಂತಾದವುಗಳೇ ಮೂಲ ಮಾನದಂಡವಾಗಿರಬೇಕು. ಬಿಡುಗಡೆಯ ಮುನ್ನವೇ ಈ ಚಿತ್ರಗಳು ಎಷ್ಟು ಸುದ್ದಿ ಮಾಡುತ್ತವೆ ಎಂದರೆ, ನೈಜ ಮನಸ್ಸಿನಿಂದ ಪ್ರೇಕ್ಷಕ ಚಿತ್ರವನ್ನು ನೋಡಲು ಆಗುವುದೇ ಇಲ್ಲ. ಒಬ್ಬನು ಸಾಧಾರಣವಾಗಿ ಚಿತ್ರವನ್ನು ನೋಡಿ ಅಭಿಪ್ರಾಯ ಹೇಳುವ ಮುನ್ನವೇ ಮೀಡಿಯಾದಲ್ಲಿ ಸೂಪರ್ ಹಿಟ್ ಎಂದು ಬಣ್ಣಿಸಿ ಆಗಿರುತ್ತದೆ. ಕಬಾಲಿ ಎಷ್ಟೇ ಹೈಪ್ ಸೃಷ್ಟಿಸಿದರೂ, ಚಿತ್ರಕಥೆಯ ಬಗ್ಗೆ ಹೆಚ್ಚು ಚರ್ಚೆ ನಡೆಯಲಿಲ್ಲ.

Srinidhi Srivatsa, Software professional

7ಶ್ರೀನಿಧಿ ಶ್ರೀವಾತ್ಸವ್

ಬಾಕ್ಸ್ ಆಫೀಸ್ ಅಬ್ಬರ ನೋಡಿದರೆ ಕಬಾಲಿ ಸೂಪರ್ ಹಿಟ್ , ಅನ್ನುದರಲ್ಲಿ ಸಂಶಯ ಇಲ್ಲ. ಕಥೆಯು ತುಂಬಾ ಪರಿಣಾಮಕಾರಿ ಆಗಿಲ್ಲದಿದ್ದರೂ, ಕೆಟ್ಟ ಕಥೆ ಎನ್ನುವಂತಿಲ್ಲ. ಇಂದಿನ ರಾಜಕೀಯ ಸಾಮಾಜಿಕ ಸ್ಥಿತಿಯನ್ನು ಗಮನದಲ್ಲಿ ಇಟ್ಟುಕೊಂಡು ಹೇಳುವುದಾದರೆ, ದಲಿತನಾಯಕ ಮೂಲಕ ಕಥೆ ಹೇಳಲು ಹೊರಟಿದ್ದು ಕಥಾವಸ್ತುವನ್ನು ಕೆಡಿಸಿದೆ ಎನಿಸುತ್ತದೆ.

Abhishek SN, Film Maker

8ಅಭಿಷೇಕ್ ಎಸ್ ಎನ್

ಹಣ ಗಳಿಕೆಯೇ ಮೇಲೆ ಯಶಸ್ಸನ್ನು ಅಳೆಯುವುದಾದರೆ, ಕಬಾಲಿ ಸಾಧನೆಯ ಅಂಕಿ ಅಂಶಗಳು ನಮ್ಮ ಮುಂದೆಯೇ ಇವೆ. ಆದರೆ ವ್ಯಕ್ತಿಗತವಾಗಿ ಈ ಚಿತ್ರ ಮಿಶ್ರ ಪ್ರತಿಕ್ರಿಯೆಗಳನ್ನು ಪಡೆದಿದೆ. ಒಟ್ಟಾರೆ, ಚಿತ್ರಕಥೆ ಇನ್ನಷ್ಟು ಜವಾಬ್ದಾರಿಯುತವಾಗಿ ಇರಬೇಕಾಗಿತ್ತು ಎಂದು ನನಗೆ ಅನಿಸುತ್ತದೆ. ಆಗ ಕಬಾಲಿಗೆ ಕಲಾತ್ಮಕ ಹಾಗು ಮನೋರಂಜಕ ಚಿತ್ರವಾಗಿಯೂ ಹೆಚ್ಚು ಮನ್ನಣೆ ಸಿಗುತ್ತಿತ್ತು.

 

 

Apoorva, Actress

9ಅಪೂರ್ವ

ರಜನಿ ವ್ಯಕ್ತಿತ್ವವೇ ಸೂಪರ್ ಸ್ಟಾರ್. ಹಾಗಾಗಿ ಕಬಾಲಿ ಕೂಡ ಸೂಪರ್ ಹಿಟ್. ನನಗೆ ಅನಿಸುವಂತೆ ಅವರ ಅಭಿಮಾನಿಗಳು ರಜನಿಗೊಸ್ಕರವೇ ಈ ಚಿತ್ರವನ್ನು ನೋಡುತ್ತಾರೆ. ಮಿಕ್ಕಿದ್ದೆಲ್ಲವೂ ಅವರಿಗೆ ಗೌಣ. ಸೂಪರ್ ರಜನಿ..

Ashok GK, Business consultant

10ಅಶೋಕ್ ಜಿಕೆ

ಕಬಾಲಿ ಚಿತ್ರದ ಬ್ರಾಂಡ್ ವ್ಯಾಲ್ಯೂ ಹಾಗು ಮಾರ್ಕೆಟಿಂಗ್ ಸ್ಟ್ರಾಟಜಿಯನ್ನು ಮೆಚ್ಚಲೇಬೇಕು. ಆದರೆ ಒಂದು ಒಳ್ಳೆಯ ಕಥೆ ಇಲ್ಲದೆ ಇರುವಾಗ ಯಶಸ್ಸು ಸಾಧ್ಯವೂ ಇಲ್ಲ. ಇಂದಿನ ಪ್ರೇಕ್ಷಕರು ಬಲು ಸೂಕ್ಷ್ಮ. ಕಬಾಲಿಗೆ ರಜನಿ ಎಂಬ ಸೂಪರ್ ಸ್ಟಾರ್ ನ ಬ್ರಾಂಡಿಂಗ್ ಇತ್ತು. ಆದರೂ ಇದು ರಜನಿ ಅಭಿಮಾನಿಗಳಿಗೆ ಮೀಸಲಾದ ಚಿತ್ರವಾಗಿ ಉಳಿಯಿತು. ನಾನೂ ಈ ಚಿತ್ರವನ್ನು ನೋಡಿದ್ದು ರಜನಿ ಅಭಿಮಾನಿಯಾಗಿಯೇ.

ನಿಜಕ್ಕೂ ನನಗೆ ನಿರಾಶೆ ಆಯ್ತು. ರಜನಿಯ ಹಳೆ ಚಿತ್ರಗಳಲ್ಲಿನ ವಿಶೇಷತೆ ಇದರಲ್ಲಿ ಕಾಣಲಿಲ್ಲ. ಸ್ಕ್ರಿಪ್ಟ್ ನಲ್ಲಿ ಏನು ಹಿಡಿತ ಇರಲಿಲ್ಲ ಎನಿಸಿತು.

Rashmi Kulakarni, Actress

11ರಶ್ಮಿ ಕುಲಕರ್ಣಿ

ಒಂದ್ಸಲಾ ಖಂಡಿತ ನೋಡ್ಬೇಕು ಯಾಕಂದ್ರೆ ಇದು ರಜನಿಕಾಂತ್ ಅವರ ಚಿತ್ರ. ದೊಡ್ಡ ಬಜೆಟ್ ನ ಸಿನಿಮಾ ಮತ್ತೆ ಅವರು ಈ ವಯಸ್ಸಲ್ಲೂ ಯುವನಟರ ಎನರ್ಜಿಯ ಮೇಲೆ ಸವಾಲ್ ಆಗೋ ರೀತಿಯಲ್ಲಿ ಅಭಿನಯಿಸಿದ್ದಾರೆ. ನೆರುಪ್ಪು ಡಾ ಹಾಡಿಗಾಗಿ ಕಾಯುತಿದ್ದೆ, ಆ ವಿಷಯದಲ್ಲಿ ಸ್ವಲ್ಪ ನಿರಾಸೆ ಆಯ್ತು.

 

ಹೇಳೋದು ಕಷ್ಟ  !

ಪ್ರತಿ ಕ್ಷೇತ್ರದಲ್ಲಿರುವ ಪ್ರತಿಯೊಬ್ಬರ ಅನಿಸಿಕೆ “ಕಬಾಲಿ” ವಿಷಯದಲ್ಲಿ ಬೇರೆ ಆಗಿದೆ. ಸೂಪರ್ ಸ್ಟಾರ್ ರಜನಿ ಸಾರ್ ಅವರ ಎಷ್ಟೋ ಸೂಪರ್ ಡೂಪರ್ ಸಿನಿಮಾಗಳ ಮುಂದೆ “ಕಬಾಲಿ” ಎಲ್ಲಿ ನಿಂತಿದೆ ಅನ್ನೋದು ಕಷ್ಟಕರ ಎಣಿಕೆಯಾಗಿದೆ.

ಕಡೆಯದಾಗಿ “ಕಬಾಲಿ” ಸಿನಿಮಾಗಾಗಿ ಜನ ಥಿಯೇಟರ್ ಮುಂದೆ ನೂಕುನುಗ್ಗಲು ಮಾಡುತ್ತಿದ್ದಾರೋ ಇಲ್ವೋ ಗೊತ್ತಿಲ್ಲ ಆದರೆ ರಜನಿ ಸಾರ್ ಅವರ ಸ್ಟೈಲ್ ಹಾಗು ಖದರ್ ನೋಡಲಂತೂ ಖಂಡಿತ ಮುಂದೆಯೂ ಜನ ಹಾತೊರೆಯುತಿರುತ್ತಾರೆ.

ಅಂದಹಾಗೆ ನೀವೇನಂತೀರಾ?

ಯವ್ವಿ ಯವ್ವಿ…ಡಿಂಪಲ್ ಬೆಡಗಿ ‘ದೀಪಿಕಾ’ಳ ಬಾಲಿವುಡ್ ಸಂಭಾವನೆ ಎಷ್ಟು ಗೊತ್ತಾ?

ಸದ್ಯದ ಮಟ್ಟಿಗೆ “ಅದೃಷ್ಟ ಲಕ್ಷ್ಮಿ” ನಟಿ ಡಿಂಪಲ್ ಕ್ವೀನ್ ‘ದೀಪಿಕಾ ಪಡುಕೋಣೆ’ಯೊಂದಿಗೆ ಜೋತು ಬಿದ್ದಿದೆ.

ಇದಕ್ಕೆ ಮುಖ್ಯ ಕಾರಣ ಡಿಪ್ಸ್ ಬಣ್ಣ ಹಚ್ಚಿದ ಇತ್ತೀಚಿನ ಚಿತ್ರಗಳಾದ ರಾಮ್ ಲೀಲಾ, ಹೆ ಜವಾನಿ ಹೆ ದೀವಾನಿ, ಬಾಜಿರಾವ್ ಮಸ್ತಾನಿ, ಪೀಕು ನಂತಹ ಚಿತ್ರಗಳು ಸೂಪರ್ ಹಿಟ್ ಆಗಿದ್ದಲ್ಲದೇ ಎಲ್ಲಾ ಸಿನೆಮಾಗಳು 100ಕೋಟಿ ಕಲೆಕ್ಷನ್ ಮಾಡಿದ ಚಿತ್ರಗಳ ಕ್ಲಬ್’ಗೆ ಸೇರಿರುವುದು.

ಬಾಲಿವುಡ್’ನಲ್ಲಿ ಬ್ಯಾಕ್ ಟು ಬ್ಯಾಕ್ ಹಿಟ್ ಚಿತ್ರಗಳನ್ನು ನೀಡುತ್ತಿರುವ ಡಿಪ್ಸ್ ಪಡೆಯುತ್ತಿರುವ ಸಂಭಾವನೆ ಸುದ್ದಿ ಬಿಟೌನ್ ಕಡಲತೀರದಲ್ಲಿ ಹೊಸ ಅಲೆಯೆಬ್ಬಿಸಿದೆ.

ಕನ್ನಡದ ಐಶ್ವರ್ಯ ಚಿತ್ರದ ಮೂಲಕ ಸಿನಿಪಯಣ ಆರಂಭಿಸಿದ ಡಿಪ್ಸ್ ಸದ್ಯ ಬಾಲಿವುಡ್’ನ ಟಾಪ್ ೧೦ ನಾಯಕಿಯರಲ್ಲಿ ಮುಂಚೂಣಿಯಲ್ಲಿದ್ದಾರೆ.

ಇದೀಗ ದೇವದಾಸ್, ರಾಮ್ ಲೀಲಾ ಚಿತ್ರಗಳ ಖ್ಯಾತಿಯ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ‘ಪದ್ಮಾವತಿ’ ಚಿತ್ರಕ್ಕೆ ನಾಯಕಿಯಾಗುವ ಅವಕಾಶ ಪಡೆದಿದ್ದು , ಈ ಚಿತ್ರಕ್ಕಾಗಿ ಗುಳಿಕೆನ್ನೆ ಬೆಡಗಿ ದೀಪಿಕಾ ಪಡೆಯುತ್ತಿರುವ ಸಂಭಾವನೆ ಕೇಳಿ – “ಬಾಲಿವುಡ್’ಗೆ ಒಬ್ಬಳೇ ಪದ್ಮಾಪತಿ….”, ಅಂತಿದ್ದಾರೆ ಬಿಟೌನ್ ಮಂದಿ.
ಈ ಐತಿಹಾಸಿಕ ಚಿತ್ರಕ್ಕಾಗಿ ದೀಪಿಕಾ ಪಡುಕೋಣೆ ಪಡೆದ ಸಂಭಾವನೆ ಬರೋಬ್ಬರಿ 12.65ಕೋಟಿ ಅಂತೆ.
ಚಿತ್ರದಲ್ಲಿ ದೀಪಿಕಾ ರಾಣಿ ಪದ್ಮಾವತಿ ಪಾತ್ರದಲ್ಲಿ ದರ್ಬಾರ್ ಮಾಡಲಿದ್ದಾರೆ.

ಇಲ್ಲಿ ‘ಪದ್ಮಾವತಿ’ಗೆ ನಾಯಕರಾಗಿ ರಣವೀರ್ ಸಿಂಗ್ ಮತ್ತು ಶಾಹಿದ್ ಕಪೂರ್ ನಟಿಸಲಿದ್ದಾರೆ.

ಸದ್ಯ ಬಾಲಿವುಡ್’ನಲ್ಲಿ ೧೦ಕೋಟಿಯ ಆಜುಬಾಜುನಲ್ಲಿ ಸಂಭಾವನೆ ಪಡೆಯುತ್ತಿರುವ ಕರೀನಾ ಕಪೂರ್ ಮತ್ತು ಕಂಗನಾ ರಣಾವತ್’ರನ್ನು ಹಿಂದಿಕ್ಕಿ ಕನ್ನಡದ ಕುವರಿ ದೀಪಿಕಾ ಬಾಲಿವುಡ್’ನ ನಂ.೧ ನಟಿ ಎನಿಸಿಕೊಂಡಿದ್ದಾರೆ.

ಸದ್ಯ ಪದ್ಮಾವತಿ ಚಿತ್ರದ ಪಾತ್ರದ ತಯಾರಿಯಲ್ಲಿರುವ ದೀಪಿಕಾ, ಸಲ್ಮಾನ್ ಖಾನ್’ರ “ಟ್ಯೂಬ್ ಲೈಟ್” ಚಿತ್ರದ ಹೀರೊಯಿನ್ ಆಗಲಿದ್ದಾರೆ ಎಂಬ ಸುದ್ದಿ ಬಿಟೌನಲ್ಲಿ ಬೀಟ್ ಹೊಡಿತಿದೆ.

* ಕಪ್ಪು ಮೂಗುತಿ

ಆಗಸ್ಟ್ ೫ ಕ್ಕೆ ಬಿಡುಗಡೆಯಾಗುವ ಕನ್ನಡ ಚಿತ್ರಗಳು

2. ದನ ಕಾಯೋನು

ನಿರ್ದೇಶನ : ಯೋಗರಾಜ್ ಭಟ್

ತಾರಾಗಣ : ದುನಿಯಾ ವಿಜಯ್, ಪ್ರಿಯಾಮಣಿ, ರಂಗಾಯಣ ರಘು, ಸುಚಿಂದ್ರ ಪ್ರಸಾದ್ ಹಾಗು ಇತರರು.

1. ಭರ್ಜರಿ

ನಿರ್ದೇಶನ : ಚೇತನ್

ತಾರಾಗಣ : ಧ್ರುವ ಸರ್ಜಾ, ರಚಿತಾ ರಾಮ್, ಹರಿಪ್ರಿಯ, ಸಾಯಿ ಕುಮಾರ್, ಸುಧಾರಾಣಿ, ಅವಿನಾಶ್, ರಂಗಾಯಣ ರಘು, ಶ್ರೀನಿವಾಸ ಮೂರ್ತಿ ಹಾಗು ಇತರರು

ನಾಟಕಕ್ಕೆ ಟಿಕೆಟ್ ಹರಿದು, ಪ್ರೇಕ್ಷಕರಿಗೆ ಬ್ಯಾಟರಿ ಹಿಡಿದು …

ನಾಟಕಕ್ಕೆ ಟಿಕೆಟ್ ಹರಿದು, ಪ್ರೇಕ್ಷಕರಿಗೆ ಬ್ಯಾಟರಿ ಹಿಡಿದು ಸೀಟು ತೋರಿಸುತ್ತಾ, ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟಾಗ ..

 

443479-PrakashBelawadiNew-1348760982-299-640x480

ಪ್ರಕಾಶ್ ಬೆಳವಾಡಿ

 

ಹೌದು, ಇಂದು ಪ್ರಕಾಶ್ ಬೆಳವಾಡಿ ಕನ್ನಡ ರಂಗಭೂಮಿಯಲ್ಲಿ ಬಹಳ ದೊಡ್ಡ ಹೆಸರು.

ರಂಗಭೂಮಿ ಕಲಾವಿದೆ ಭಾರ್ಗವಿ ನಾರಾಯಣ್ ಮತ್ತು ಹಿರಿಯ ಮೇಕಪ್ ಕಲಾವಿದ ನಾಣಿ ಅವರ ಪುತ್ರರಾದ ಇವರು ಚಿಕ್ಕಿಂದಿನಿಂದಲೆ ರಂಗಭೂಮಿಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದರು.

ನಟ, ನಿರ್ದೇಶಕರಾಗುವುದಕ್ಕಿಂತ ಮುಂಚೆ ಬೆಂಗಳೂರು ಲಿಟ್ಲ್ ಥಿಯೆಟರ್‌ನ ಒಂದು ನಾಟಕಕ್ಕೆ ಟಿಕೆಟ್ ಹರಿದು ನಂತರ ಬ್ಯಾಟರಿ ಹಿಡಿದು ಪ್ರೇಕ್ಷಕರಿಗೆ ಸೀಟು ತೋರಿಸುತ್ತಾ ರಂಗಭೂಮಿಗೆ ಅಧಿಕೃತವಾಗಿ ಎಂಟ್ರಿಕೊಟ್ಟ ಪ್ರಕಾಶ್, ಅಲ್ಲಿಂದ ಇಲ್ಲಿಯವರೆಗೆ  ರಂಗಭೂಮಿಯಲ್ಲಿ ತಿರುಗಿ ನೋಡಿಯೇ ಇಲ್ಲ.

೧೯೭೮ರಲ್ಲಿ ಮಾಲಿನಿ ಮತ್ತು ಎಡ್ವರ್ಡ್ ವೈಟ್ ಅವರ ನಿರ್ದೇಶನದ – ಅನ್‌ಗ್ರೇಟ್‌ಫುಲ್ ಮ್ಯಾನ್ ಎಂಬ ನಾಟಕದಲ್ಲಿ ಚಿಕ್ಕ ಪಾತ್ರ ಮಾಡಿದ್ದರು. ಅದಾದ ಮೇಲೆ ಕನ್ನಡದ ಯಶಸ್ವಿ ರಂಗಪ್ರಯೋಗ ಮುಖ್ಯಮಂತ್ರಿ ನಾಟಕದಲ್ಲಿ ಒಂದು ಪಾತ್ರ, ಹಾಗು ಸಾಕಷ್ಟು ನಾಟಕಗಳಲ್ಲಿ ಅಭಿನಯಿಸಿದ್ದಾರೆ.  ವರ್ಷಕ್ಕೆ ಸುಮಾರು ಹತ್ತು ನಾಟಕಗಳಿಗೆ ಕೆಲಸ ಮಾಡುತ್ತಾರೆ. “ನಾನು ಬೇಸಿಕಲಿ  ನಾನು ನಟನಲ್ಲ, ನೇಪಥ್ಯದ ವ್ಯಕ್ತಿ” ಎನ್ನುವ ಪ್ರಕಾಶ್ ಅವರು ಪ್ರಾರಂಭದಲ್ಲಿ ಸಾಕಷ್ಟು ನಾಟಕಗಳಿಗೆ ಮೇಕಪ್ ಹಾಗು ಲೈಟಿಂಗ್ ಕೂಡ ಮಾಡಿದ್ದಾರೆ.

೧೯೮೫ರಲ್ಲಿ ಬಿಎಲ್‌ಟಿಗಾಗಿಯೇ  ‘ಸೀಸ್ರಮ್ ಸೋವಿಟೊ’ ಎಂಬ ಇಂಗ್ಲೀಷ್ ನಾಟಕವನ್ನು ನಿರ್ದೇಶಿಸಿದ್ದಾರೆ. ಈ ನಾಟಕದ ಮೂಲಕ ಇಂಗ್ಲೀಷ್ ರಂಗಭೂಮಿಗೆ ಕಾಲಿಟ್ಟ ಇವರು ಇದುವರೆಗೂ ೩೦ಕ್ಕೂ ಹೆಚ್ಚು ಇಂಗ್ಲೀಷ್ ನಾಟಕಗಳನ್ನು ನಿರ್ದೇಶಿಸಿದ್ದಾರೆ.

ogqifeqhuqonkkgm5kjh

ಪತ್ರಕರ್ತರಾಗಿಯೂ ಸೇವೆ

ಬೆಂಗಳೂರಿನಲ್ಲಿ ವಿಶ್ವೇಶ್ವರಯ್ಯ  ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಪದವಿ ಮುಗಿಸಿ ಯಾವುದಾದರೂ ಖಾಸಗಿ ಸಂಸ್ಥೆಗೆ ಹೋಗಿದ್ದರೆ, ಇಷ್ಟು ಹೊತ್ತಿಗೆ ಲಕ್ಷಾಂತರ ರೂಪಾಯಿ ಸಂಬಳ ಪಡೆಯುತ್ತಿದ್ದರು, ಅದನ್ನು ಬಿಟ್ಟು ಲಂಕೇಶ್ ಪತ್ರಿಕೆಗೆ ಕೆಲಸಕ್ಕಾಗಿ ಅರ್ಜಿ ಹಾಕುತ್ತಾರೆ, ಆದರೆ  ಮೇಷ್ಟ್ರು ಬಳಿ ಅವರಿಗೆ ಕೆಲಸ ಸಿಗಲಿಲ್ಲ.  ಆ ನಂತರ ಇಂಡಿಯನ್ ಎಕ್ಸಪ್ರೆಸ್ ಪತ್ರಿಕೆಯಲ್ಲಿ  ಇಂಟರ್ನಿ ಪತ್ರಕರ್ತನಾಗಿ ಕೆಲಸಕ್ಕೆ ಸೇರಿದ ಅವರು ತಿಂಗಳಿಗೆ ೬೩೦ ರೂಪಾಯಿ ಸಂಬಳ ಪಡೆಯುತ್ತಿದ್ದರು.  ಹಿರಿಯ ಪತ್ರಕರ್ತ ಅರುಣ್ ಶೌರಿಯವರು ೮೦ರ ದಶಕದಲ್ಲಿ ಬರೆದ ಸಾಕಷ್ಟು ಲೇಖನಗಳಿಂದ ಪ್ರಭಾವಿತರಾಗಿ ಪತ್ರಿಕೋದ್ಯಮಕ್ಕೆ ಕಾಲಿಟ್ಟು, ಕೆಲ ವರ್ಷಗಳ ಕಾಲ ಕೆಲಸ ಮಾಡಿದರು.

ಸಿನಿಮಾ ಪಯಣದ ಆರಂಭ

ಗಿರೀಶ್ ಕಾರ್ನಡ್ ಅವರ ‘ಅಗ್ನಿ ಮತ್ತು ಮಳೆ’ ನಾಟಕವನ್ನು, ಇಂಗ್ಲೀಷ್ ಅನುವಾದಿತ ‘ದಿ ರೈನ್ ಆ್ಯಂಡ್ ಫೈರ್’ ಎಂಬ ನಾಟಕದಲ್ಲಿ ರೇಬಾನಿ ಅನ್ನೋ ಪಾತ್ರ ಮಾಡಿದ್ದರು, ಅದನ್ನು  ನೋಡಿದ ಗಿರೀಶ್ ಅವರು ಕಾನೂರು ಸುಬ್ಬಮ್ಮ ಹೆಗ್ಗಡತಿ ಸಿನಿಮಾದಲ್ಲಿ ಓಬಯ್ಯನ ಪಾತ್ರ ಮಾಡಲು ಅವಕಾಶ ನೀಡಿದರು. ಅಲ್ಲಿಂದ ಅವರ ನಟನಾ ವೃತ್ತಿ ಆರಂಭವಾಯಿತು ಅಂತ ಹೇಳಬಹುದು. ಅದಾದ ಮೇಲೆ “ಸ್ಟಂಬಲ್” ಎಂಬ ಇಂಗ್ಲೀಷ್ ಸಿನಿಮಾ ನಿರ್ದೇಶನ ಮಾಡಿ ಅದಕ್ಕೆ ರಾಷ್ಟ್ರೀಯ ಪುರಸ್ಕಾರ ಪಡೆದರು.

43142d0e-f08c-45f5-99e6-667df3b4ea1a

“ಸ್ಟಂಬಲ್” ನಂತರ ರಂಗಭೂಮಿಯಲ್ಲಿ ಸಕ್ರಿಯರಾಗಿದ್ದ ಅವರಿಗೆ ಒಮ್ಮೆ ಬಾಂಬೆಯಿಂದ ‘ಮದ್ರಾಸ್ ಕೆಫೆ’ ಚಿತ್ರದ ಸಹನಿರ್ದೇಶಕನೊಬ್ಬ ಕರೆ ಮಾಡಿ ಬರುವಂತೆ ಹೇಳುತ್ತಾರೆ . ಆ ನಂತರ ಅದರ ಬಾಲಾ ಪಾತ್ರಕ್ಕೆ ಆಯ್ಕೆಯಾಗಿ, ತಮ್ಮ ಅಮೋಘ ಅಭಿನಯದಿಂದ ಬಾಲಿವಡ್‌ನಲ್ಲಿ ಹೆಸರು ಮಾಡುತ್ತಾರೆ.

ಈಗ ಇದೆಲ್ಲವೂ ಇತಿಹಾಸ, ಹಿಂದಿ ಚಿತ್ರರಂಗದಲ್ಲಿ ಬೆಳವಾಡಿ ಅವರನ್ನು ಕರೆಯುತ್ತಾರೆ ಎಂದರೆ ಅದೊಂದು ಒಳ್ಳೆ ಪಾತ್ರವೆ ಆಗಿರುತ್ತದೆ, ಅಷ್ಟರ ಮಟ್ಟಿಗೆ ಬೆಳವಾಡಿ ಬಾಲಿವುಡ್ ಮಂದಿಯನ್ನು ತಮ್ಮ ಅಭಿನಯದಿಂದ ಆಕರ್ಷಿಸಿದ್ದಾರೆ. ಮದ್ರಾಸ್ ಕೆಫೆಯ ನಂತರ ತಲ್ವಾರ್, ಏರ್‌ಲಿಫ್ಟ್ ಹಾಗು ವಜೀರ್ ಇನ್ನು ಸಾಕಷ್ಟು ಸಿನಿಮಾಗಳನ್ನು ಅಭಿನಯಿಸಿದ್ದಾರೆ.

ಹಿಂದಿ ಚಿತ್ರಂಗದ ಆಫರ್‌ಗಳು ಹೆಚ್ಚಾದಂತೆ ಕನ್ನಡ ಚಿತ್ರರಂಗದಲ್ಲೂ ಅವರಿಗೆ ಬೇಡಿಕೆ ಸಾಕಷ್ಟು ಹೆಚ್ಚಾಯಿತು. ಎಷ್ಟರ ಮಟ್ಟಿಗೆ ಎಂದರೆ, ಅವರಿಗೆ ಸರಿಯಾಗಿ ನಿದ್ದೆ ಮಾಡಲು ಆಗದಷ್ಟು ಬ್ಯುಸಿ ಆಗಿದ್ದಾರೆ. ಕನ್ನಡದಲ್ಲಿ  ಕೆಂಡ ಸಂಪಿಗೆ, ಲಾಸ್ಟಬಸ್ , ಹಾಗು ಇತ್ತೀಚಿಗೆ ಬಿಡುಗಡೆಯಾದ ನಾಗತಿಹಳ್ಳಿ ಚಂದ್ರಶೇಖರ್ ರವರ ಇಷ್ಠಕಾಮ್ಯ  ಸೇರಿದಂತೆ ಮತ್ತಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ, ಆದರೆ ಅವರೆಂದಿಗೂ ಯಶಸ್ಸನ್ನು ತಲೆಗೇರಿಸಿಕೊಂಡಿಲ್ಲ ನಾನೇಂದಿಗೂ ಸಿನಿಮಾ ನಟ ಎಂದು ಹೇಳಿಕೊಳ್ಳುವುದಿಲ್ಲ. “ನಾನು ರಂಗಭೂಮಿಯವನೇ ಎಂದು ಹೇಳಿಕೊಳ್ಳಲು ಇಷ್ಟ ಪಡುತ್ತೇನೆ. ಅದರಲ್ಲೂ ನಾನೊಬ್ಬ ನಿರ್ದೇಶಕ ಮಾತ್ರ ನಟನಲ್ಲ” ಎಂದೇ ಹೇಳುತ್ತಾರೆ.

5th-bengaluru-international-film-festival_135590965513ಸಿನಿಮಾ ಕ್ಷೇತ್ರದಲ್ಲಿ ಉತ್ಸಾಹವಿರುವ ಯುವಜನರಿಗೆ ಮಾರ್ಗದರ್ಶನ ಮಾಡಲು, ಬೆಂಗಳೂರಿನ್ಲಲಿ ಹೊಸದಾಗಿ ಆರಂಭವಾಗಿರುವ “ವೈಟ್ ಪೆನ್ಸಿಲ್” (www.whitepencil.org.in) ಎಂಬ ಡಿಜಿಟಲ್ ಫಿಲಂ ಮೇಕಿಂಗ್ ಸ್ಕೂಲ್ ನಲ್ಲಿ ತಾಂತ್ರಿಕ ಸಲಹೆಗಾರರು  (Strategic Adviser) ಆಗಿ ಸಹಾಯ ಹಸ್ತನೀಡಲು ಒಪ್ಪಿದ್ದಾರೆ.

ತಮ್ಮ ಯಶಸ್ಸಿನ ಅಷ್ಟೂ ಕ್ರೆಡಿಟ್ಟನ್ನು  ಹೆಂಡತಿ ಮತ್ತು ಮಕ್ಕಳಿಗೆ ನೀಡುವ ಅವರ ಸಧ್ಯದ ಕನಸು ಸುಚಿತ್ರಾ ಆವರಣದಲ್ಲಿ ಒಂದೊಳ್ಳೆ ಸಿನಿಮಾ ನಿರ್ದೇಶನದ ಶಾಲೆ ಆರಂಭಿಸಬೇಕು ಎಂಬುದು.

ಪ್ರಕಾಶ್ ಬೆಳವಾಡಿಯವರ ಎಲ್ಲ ಕನಸುಗಳು ನನಸಾಗಲಿ, ಅವರು ಇನ್ನಷ್ಟು ಒಳ್ಳೆ ಪಾತ್ರಗಳಲ್ಲಿ ಮಿಂಚಲಿ ಮತ್ತಷ್ಟು ಪ್ರಕಾಶಮಾನವಾಗಿ ಚಿತ್ರರಂಗದ ಎಲ್ಲ ಆಯಾಮಗಳಲ್ಲಿ ಯಶಸ್ವಿಯಾಗಲಿ ಎಂದು ಆಶಿಶೋಣ.

ಮೇಕಿಂಗ್ ಆಫ್ ನೀರ್ದೋಸೆ ವೀಡಿಯೊ – ಡಬ್ಬಲ್ ಮೀನಿಂಗ್ ರಿಟರ್ನ್ಸ್?

ಮಜಾ ಟಾಕೀಸ್ .. ಈಗ ಹೊಸ ಟಾಕೀಸ್.

ಯಾವುದೇ ಸೂಪರ್ ಹಿಟ್ ರಿಯಾಲಿಟೀ ಶೋ ಅನ್ನು ಕನ್ನಡಕ್ಕೆ ತಂದು ಗೆಲ್ಲುವುದು ಸುಲಭದ ಮಾತಲ್ಲ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ, ಲೋಕೇಶ್ ಪ್ರೋಡಕ್ಷನ್ಸ್ ಮೂಲಕ ಸೃಜನ್ ಲೋಕೇಶ್ “ಮಜಾ ಟಾಕೀಸ್” ಕಾರ್ಯಕ್ರಮವನ್ನು ನೀಡಿ ಗೆದ್ದು ತೋರಿಸಿದ್ದಾರೆ. ಅಪರ್ಣ, ಮನೋಹರ್ ಹಾಗೂ ಇಂದ್ರಜೀತ್ ಅಂತಹ ಗಂಭೀರ ವ್ಯಕ್ತಿಗಳನ್ನು ಹಾಸ್ಯಮಯ ಪಾತ್ರಗಳಲ್ಲಿ ಯಶಸ್ವಿಯಾಗಿ ಬಿಂಬಿಸಿದ್ದಾರೆ. ಶ್ವೇತಾ, ದಯಾನಂದ್, ಪವನ್, ವಂದನ  ಹಾಗೂ ರೇಮೋ ಅವರನ್ನೊಳಗೊಂಡ “ಮಜಾ ಟಾಕೀಸ್” ಒಂದು ಅಪರೂಪದ ತಂಡ. ಮಂಡ್ಯ ರಮೇಶ್ ಮತ್ತು ಕುರಿ ಪ್ರತಾಪ್ ಸೇರಿಕೊಂಡ ಮೇಲಂತೂ ಪ್ರೇಕ್ಷಕರಿಗೆ ಡಬ್ಬಲ್ ಬೋನಸ್. ಇತ್ತೀಚಿನ ಸೇರ್ಪಡೆ ನವೀನ್ ಪಡೀಲ್ ಕೂಡ ಅಸಾಮಾನ್ಯ ಪ್ರತಿಭೆ.

DSC_0486

ಮೊದಮೊದಲು ಮಿಶ್ರ ಪ್ರತಿಕ್ರಿಯೆಗಳನ್ನು ಎದುರಿಸಿದ ಮಜಾಟಾಕೀಸ್, ನಂತರದ ದಿನಗಳಲ್ಲಿ  ನಂಬರ್ ಒನ್ ರಿಯಾಲಿಟಿ ಶೋ ಆಗಿ ನಿಂತದ್ದು ಮಾತ್ರ ಪ್ರಶಂಸನೀಯ.

ಕಿರುತೆರೆಯಲ್ಲಿ ಎಂದಿಗೂ ಕಾಮಿಡಿ ಮಾಡದ ಚಿತ್ರರಂಗದ ಅತಿರಥ-ಮಹಾರಥರು ಮಜಾಟಾಕೀಸಿಗೆ ಬಂದು ಮಜಾ ಮಾಡಿ ಹೋಗಿದ್ದಾರೆ.

mt ciniadda

25ನೇ ಎಪಿಸೋಡಿನಲ್ಲಿ ಸುದೀಪ್, 50ನೇ ಎಪಿಸೋಡಿನಲ್ಲಿ ದರ್ಶನ್, 75ನೇ ಎಪಿಸೋಡಿನಲ್ಲಿ ಅರ್ಜುನ್ ಸರ್ಜಾ ಹಾಗೂ ಸೆಂಚುರಿ ಎಪಿಸೋಡಿನಲ್ಲಿ ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಅವರನ್ನು ಕರೆತಂದು ಪ್ರೇಕ್ಷಕರಿಗೆ ಮನೋರಂಜನೆ ನೀಡಿದ ಹೆಗ್ಗಳಿಕೆ ಸೃಜನ್ ಅವರದು. ಅರಳು ಹುರಿದಂತೆ ಪಟಪಟನೆ ಮಾತನಾಡುವ ಲೋಕೇಶ್, ಎಣ್ಣೆ ಸಿಡಿದಂತೆ ಚಿಟಚಿಟನೆ ನಗುವ ಲಂಕೇಶ್ ಜೋಡಿ ಇಂದು ಕರ್ನಾಟಕದಲ್ಲಿ ಮಾತ್ರವಲ್ಲ ವಿಶ್ವದಾದ್ಯಂತ ಖ್ಯಾತಿ ಪಡೆದ ಜೋಡಿಯಾಗಿದೆ. ಪ್ರಪಂಚದ ನಾನಾ ದೇಶದಲ್ಲಿ ಬದುಕು ಕಂಡುಕೊಂಡಿರುವ ಕನ್ನಡಿಗರು ತಮ್ಮ ತವರಿಗೆ ಬಂದಾಗ ಮಜಾಟಾಕೀಸ್ ಕಾರ್ಯಕ್ರಮಕ್ಕೂ ಭೇಟಿ ಕೊಡುವುದು ಅವರ ಪ್ರಮುಖ ಆದ್ಯತೆ ಆಗಿರುತ್ತದೆ ಎನ್ನುವುದು ಕಲರ್ಸ್ ಕನ್ನಡ ವಾಹಿನಿಗೆ ಒಂದು ಹಿರಿಮೆಯೇ ಸರಿ.

Desktop19

ನೂರರ ನಂತರ ನೂರೈವತ್ತು ಎಪಿಸೋಡ್ ಗಳನ್ನು ಮಿಂಚಿಸಿ ಕಿರುತೆರೆಯಲ್ಲಿ ಹೊಸ ದಾಖಲೆಯನ್ನು ಸೃಷ್ಟಿಸಿ ಮುನ್ನಡೆಯುತ್ತಿರುವ ಮಜಾಟಾಕೀಸ್ ಮನೆ ಈಗ ಸಂಪೂರ್ಣ ಹೊಸ ರೂಪ ಪಡೆದು ಹೊಸ ಮನೆಯಲ್ಲಿ ಕನ್ನಡದ ಪ್ರೇಕ್ಷಕರನ್ನು ರಂಜಿಸಲಿದೆ. ಹೊಸ ಮನೆಯ ಗೃಹಪ್ರವೇಶಕ್ಕೆ ಸೃಜನ್ ಲೋಕೇಶ್ ಅವರ ಆತ್ಮಿಯರಾದ ನಿರ್ದೇಶಕ ಯೋಗರಾಜ್ ಭಟ್ ಜೊತೆಯಲ್ಲಿ ನಭಾ ನಟೇಶ್, ಶುಭಾ ಪೂಂಜ, ಇಂದು-ಬಿಂದು ನಾಗರಾಜ್ ಮತ್ತು ಹಲವರು ಬರಲಿದ್ದಾರೆ.

ಎಂದಿನಂತೆ ಶನಿವಾರ ಮತ್ತು ಭಾನುವಾರ ರಾತ್ರಿ 8 ಗಂಟೆಗೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರೇಕ್ಷಕರಿಗೆ ಅದ್ಧೂರಿಯಾಗಿ ಸೆಟ್ಟೇರಿರುವ ಹೊಸ ಮಜಾಟಾಕೀಸ್ ನ ದರ್ಶನವಾಗಲಿದೆ.

“ನೀನು ಮುತ್ತು ಕೊಟ್ರೆ, ಅಲ್ಲಿ ನನ್ನ ಹೆಸರು ಬರಬೇಕಾ?” ಅಂತಾ ಬೈತಿದ್ರು ಪುಟ್ಟಣ್ಣ!

ವೀರಸ್ವಾಮಿಯವರು ಹಾಗು ಪುಟ್ಟಣ್ಣ ಅವರು ನಾಗರಹಾವು ಚಿತ್ರಕ್ಕಾಗಿ ಹೊಸ ಪ್ರತಿಭೆಗಳನ್ನು ಹುಡುಕ್ತಾಯಿದ್ರು. ಆಗ ರಾಜೇಂದ್ರಸಿಂಗ್ ಬಾಬು ಅವರು “ನಮ್ಮ ಫ್ಯಾಮಿಲಿ ಫೆಂಡ್ ಒಬ್ಬ ಇದ್ದಾನೆ .. ಒಳ್ಳೆ ಶತ್ರುಜ್ಞ ಸಿನ್ಹಾ ಥರಾ ಕಾಣಿಸ್ತಾನೆ’ ಅಂತಾ ನನ್ನ ಬಗ್ಗೆ ಹೇಳಿದ್ರಂತೆ. ಅದಕ್ಕೆ ಪುಟ್ಟಣ್ಣ ಅವರು “ಹೌದಾ.. ಸರಿ ನಾಳೆ ಕರ್ಕೊಂಡು ಬಾರಯ್ಯಾ, ಒಂದ್ ಮೇಕಪ್ ಟೆಸ್ಟ್ ಮಾಡ್ಸೋಣಾ”’ ಅಂತಾ ಹೇಳಿದ್ದಾರೆ.

ಬಾಬು ನನ್ನತ್ರ ಬಂದು .. “ಪುಟ್ಟಣ್ಣ ಅವರು  ನಿನ್ನ ಟೆಸ್ಟ್ ಗೆ ಬರೇಳಿದ್ದಾರೆ” ಅಂದಾ

“ಏನ್ ಟೆಸ್ಟ್ ಅಪ್ಪಾ ಅದು” ಅಂದೆ.

“ಮೇಕಪ್ ಟೆಸ್ಟು ” ಅಂದಾ

“ಎಷ್ಟೋತ್ತಿಗೆ”

“ಬೆಳಿಗ್ಗೆ ೯ ಘಂಟೆಗೆ, ನಾನೇ ಬಂದು ಕಾರಲ್ಲಿ ಕರ್ಕೊಂಡು ಹೋಗ್ತೀನಿ” ಅಂದಾ

ಆಯ್ತು ಎಂದು ತಲೆಯಾಡಿಸಿದ ನಾನು, ಬೆಳ್ಳಿಗ್ಗೆ ಬೇಗ ಎದ್ದು ಎಂಟು ಘಂಟೆಗೇ ಮನೆ ಖಾಲಿ ಮಾಡ್ಬಿಟ್ಟೆ. ಯಾಕಂದ್ರೆ, ಮೊದಲೇ ನಾನು ಸ್ವಲ್ಪ ಕೋಪಿಷ್ಟ, ಆಕ್ಟ್ ಮಾಡುವಾಗ ನನಗೆ ಏನಾದ್ರೂ ಬೈದು.. ನಾನು ಇನ್ನೇನಾದ್ರೂ ವಾಪಸ್ ಮಾತಾಡಿ, ಯಾಕ್ ಬೇಕು ಸುಮ್ಮನೆ ಕಿತಾಪತಿ ಅಂತಾ.. ಆಮೇಲೆ ಬಾಬು ಏನೇನೋ ಮಾಡಿ, ಅವನಿಗೆ ನಮ್ಮ ಅಡ್ಡಗಳೆಲ್ಲಾ ಗೊತ್ತಿದ್ದುದ್ರಿಂದ ನನ್ನ ಹುಡುಕಿ ೧೨ಘಂಟೆಗೆ ಪುಟ್ಟಣ್ಣ ಅವರ  ಹತ್ರಾ ಕರ್ಕೊಂಡು ಹೋದ.

ಪುಟ್ಟಣ್ಣ ಕಣಗಾಲ್, ಗಂಗಣ್ಣ, ಚಿಟ್ಟಿಬಾಬು ಅವರೆಲ್ಲಾ ಇದ್ರು. ಇನ್ನೊಂದ್ ಕಡೆ ವಿಷ್ಣುವರ್ಧನ್, ಚಂದ್ರಶೇಖರ್ ಕೂಡಾ ಇದ್ರು. ನನ್ನ ನೋಡಿ ವಿಷ್ಣು ಕೇಳಿದ್ರು

“ಏನ್ರೀ, ನಿಮಗೆ ಶತ್ರುಜ್ಞ ಸಿನ್ಹಾ ಥರಾ ಮಾತಾಡೋಕೆ ಬರುತ್ತಾ”

“ಇಲ್ಲಾ ಸಾರ್. ನನಗೆ ಅದೇಲ್ಲಾ ಬರಲ್ಲಾ” ಅಂದೆ.

ಆಮೇಲೆ ನನಗೆ ಪುಟ್ಟಣ್ಣ ನನಗೆ ಮೇಕಪ್ ಮಾಡಿಸಿದ್ರು. ಆಗ ನಾನು

“ಸರ್, ನನಗೆ ಆಕ್ಟಿಂಗ್ ಎಲ್ಲಾ ಗೊತ್ತಿಲ್ಲ, ನೀವು ಹೇಳ್ಕೊಟ್ರೆ ಮಾಡ್ತೀನಿ ಸರ್” ಅಂದೆ.

ಅದಕ್ಕೆ ಪುಟ್ಟಣ್ಣ, “ಆಯ್ತು ಸರಿ, ನೋಡಿ ಅಲ್ಲಿಂದ ಇಲ್ಲಿ ತಂಕಾ ನಡ್ಕೊಂಡು ಬಂದು ನಿಂತಕೊಂಡು, ’ಹೇಯ್ ಹೋಗೋ ರಾಮಾಚಾರಿ’ ಅಂತಾ ಒಂದು ಡೈಲಾಗ್ ಹೇಳು” ಅಂದ್ರು.

ಅವರು ಹೇಳಿದ ಹಾಗೆ ಬಂದು ಡೈಲಾಗ್ ಹೇಳಿ ಸಿಗರೇಟ್ ಬಾಯಿಗ್ ಎಸ್ಕೊಂಡೆ. ಒಂದೇ ಟೇಕ್ ನಲ್ಲಿ ಓಕೆ ಆಯ್ತು. ನಾನ್ ಯಾಕೆ ಈ ಮಾತು ಹೇಳ್ತಾಯಿದ್ದೀನಿ ಅಂದ್ರೆ.. ನಾನು ಶತ್ರುಜ್ಞ ಸಿನ್ಹಾ ಥರಾ ಇದ್ದೇ ಅನ್ನೋದಕ್ಕಿಂತಾ, ನನ್ನ ನೋಡಿದ ತಕ್ಷಣ ಅವರಿಗೆ ನಾನು ಜಲೀಲನ ಪಾತ್ರಕ್ಕೆ ಸೂಟ್ ಆಗ್ತೀನಿ ಅಂತಾ ಗೊತ್ತಾಗೋಗಿತ್ತು.

ನಂತರ ಹೇಳಿದ್ದ ದಿನ ಶೂಂಟಿಂಗ್ ಹೋದೆ. ಅಲ್ಲಿ ಎಮ್.ಜಿ.ಆರ್.. ಅವರ ಮಾಸ್ಟರ್ ಶ್ಯಾಮ್ ಸುಂದರ್ ಅಂತಾ ನಮಗೆ ಫೈಟಿಂಗ್ ಹೆಂಗ್ ಮಾಡೋದು ಅಂತಾ ಹೇಳ್ಕೊಡ್ತಾಯಿದ್ರು. ಆಮೇಲೆ ಊಟದ ಬ್ರೇಕ್ ಆಯ್ತು. ನಾನು ಒಂದು ಕಡೆ ವಿಷ್ಣು ಒಂದು ಕಡೆ ಊಟ ಮಾಡ್ತಾಯಿದ್ವಿ. ಆಗ ಪುಟ್ಟಣ್ಣ ಬಂದು,

“ನಿಮ್ಮಿಬ್ರಿಗೂ ಒಳ್ಳೇ ಹೆಸರು ಬರುತ್ತೆ ಕಣ್ರೋ” ಅಂದ್ರು.

“ಸಾರ್, ಅವರು ಹೀರೋ, ಅವರಿಗೆ ಹೆಸರು ಬರುತ್ತೆ ಅಂದ್ರೆ ನಂಬ್ಕೊಬಹುದು, ಅದ್ರಲ್ಲಿ ಅರ್ಥ ಇದೆ. ನಾನು ಬರ್ತೀನಿ, ಚುಡಾಯಿಸ್ತೀನಿ, ಏಟ್ ತಿಂತೀನಿ, ಹೋಗ್ತೀನಿ. ನನಗೆಂಗೆ ಹೆಸರು ಬರುತ್ತೆ” ಅಂದೆ.

“ಇಲ್ಲಾ ಕಣೋ ಮರಿ.. ನೋಡ್ತಾಯಿರು. ನಿಂಗೂ ಒಳ್ಳೆ ಹೆಸರು ಬರುತ್ತೆ” ಅಂದ್ರು.

ಕೊನೆಗೆ ಚಿತ್ರ ರಿಲೀಸ್ ಆದಮೇಲೆ ಅದು ಎಷ್ಟು ಅದ್ಭುತವಾದ ಚಿತ್ರ ಅಂತಾ ನಂಗೆ ಅರ್ಥ ಆಯ್ತು. ಪ್ರೀಮಿಯರ್ ಶೋ ಮುಗಿಸ್ಕೊಂಡು ನಾನು ಮೈಸೂರಿಗೆ ಹೋರಟೋದೆ. ಬಾಬು ಮನೆಯಲ್ಲಿ ಕೂತ್ಕೊಂಡು ಮಾತಾಡ್ತಾಯಿದ್ವಿ. ಆಮೇಲೆ ಮತ್ತೆ ಸಿನಿಮಾ ನೋಡಬೇಕು ಅನ್ನಿಸ್ತು. ಸರಿ ಎಲ್ಲಾ ಹೋದ್ವಿ.

ನಾನು ಮಾಡಿದ್ದುದ್ದು ಸಣ್ಣ ಪಾತ್ರನೇ ಆದ್ರೂ, ನನ್ ಸೀನಲ್ಲಿ ಎಂಟ್ರಿಗೆ ಮೊದಲು ಸೈಕಲ್ ದು ಸ್ಪೋಕ್ಸ್ ತೋರಿಸ್ತಾರೆ. ಆಗ ಜನ ಜೋರಾಗ್ ಚಪ್ಪಾಳೆ ಹೊಡೀಯೋಕ್ ಶುರು ಮಾಡ್ಬಿಟ್ರು. ಅದುವರೆಗೂ ಸಿನೆಮಾದಲ್ಲಿ ಹೀರೋ ಎಂಟ್ರಿಗೆ ಹಿಂಗೆಲ್ಲಾ ಬಿಲ್ಡಪ್ ಕೊಡ್ತಾಯಿದ್ರು. ಹೀರೋ ಕೈ ತೋರಿಸಿ, ಕಾಲ್ ತೋರಿಸಿ, ಅವನು ನಡ್ಕೊಂಡು ಬರೋದು ತೋರಿಸಿಸ್ತಾರೆ. ಆಗ ಜನ ಚಪ್ಪಾಳೆ ಹೊಡಿತಿದ್ರು. ಆದ್ರೆ ಒಬ್ಬ ಖಳನಾಯಕನ ಎಂಟ್ರಿಗೆ ಚಪ್ಪಾಳೆ ಹೊಡೆದಿದ್ದು ಅಂದ್ರೆ ನಾಗರಹಾವು ಫಿಲಂನಲ್ಲಿ. ಅದೂ ಪುಟ್ಟಣ್ಣ ಅವರ ಪವರ್.

ಆಮೇಲೆ .. ಪುಟ್ಟಣ್ಣ ಅವರ ಸುಮಾರು ಚಿತ್ರಗಳಲ್ಲಿ ನಾನು ಇದ್ದೀನಿ. ನಾನು ಅಂದ್ರೆ ಸ್ವಲ್ಪ ಸಲುಗೆನೂ ಇತ್ತು ಅವರಿಗೆ. ಅವರನ್ನ ಹೆಂಗೆಲ್ಲಾ ರೇಗಿಸ್ತಿದ್ದೆ ಅಂತಾ ಒಂದು ಘಟನೆ ಹೇಳ್ತೀನಿ, ನೀವೆಲ್ಲಾ ನಗ್ತೀರಾ.

ambareesh with puttanna kanagaal in sets
ಪುಟ್ಟಣ್ಣ ಜೊತೆ ಅಂಬರೀಷ್, ಚಿತ್ರವೊಂದರ ಸೆಟ್ಟಲ್ಲಿ

ಮಸಣದ ಹೂ ಚಿತ್ರದಲ್ಲಿ ಒಂದು ಸೀನ್. ಜಯಂತಿ ಅವರು ಬರ್ತಾರೆ. ನಾನು ಸಿಂಗಾರು ಪಾತ್ರದಲ್ಲಿ ಅವರ ಹತ್ರ ಹೋಗಿ,

“ಒಂದು ಕೆಲ್ಸ ಕೊಡಿ” ಅಂತಾ ಕೇಳ್ತೀನಿ.

“ಯಾವ್ ಕೆಲ್ಸ ಬೇಕಾದ್ರೂ ಮಾಡ್ತೀಯೇನಪ್ಪಾ ಅಂತಾ..?” ಅಂತಾ ಅವ್ರು ಕೇಳ್ತಾರೆ.

“ನೀವೇನ್ ಕೇಲ್ಸಾ ಕೊಟ್ರು ಮಾಡ್ತೀನಿ” ಅಂತೀನಿ.

ಅದಕ್ಕೆ ಅವರು “ಎಲ್ಲಿ.. ನನಗೆ ಒಂದು ಮುತ್ತು ಕೊಡು” ಅಂತಾರೆ. ಆಗ ನಾನು ತಬ್ಬಿಬ್ಬಾಗಿ ನಿಂತುಬಿಡ್ತೀನಿ. ಆಗ ಜಯಂತಿ

“ಹೇಯ್ ಹೋಗೋ.. ಒಂದು ಮುತ್ತು ಕೊಡೋಕೆ ಯೋಗ್ಯತೆ ಇಲ್ಲ, ಇನ್ನು ಏನ್ ಕೆಲ್ಸ ಮಾಡ್ತೀಯಾ ನೀನು” ಅಂತಾರೆ. ಅವರು ಆ ಡೈಲಾಗ್ ಹೇಳೀ ಹೋಗೋ ಅಂತಾ ತೋರಿಸಿದ್ದ ಕೈಯನ್ನೇ ಹಿಡ್ಕೊಂಡು ನಾನು ಮುತ್ತು ಕೊಡ್ತೀನಿ. ಆವಾಗ “ಡೈರೆಕ್ಟೆಡ್ ಬೈ ಪುಟ್ಟಣ್ಣ” ಅಂತಾ ನಿಮ್ಮ ಹೆಸರು ಬರಬೇಕು ಸಾರ್ ಚೆನ್ನಾಗಿರುತ್ತೆ ಅಂತಿದ್ದೆ. ಅದಕ್ಕೆ ಅವರು “ಹೇಯ್ ಹೋಗೋ, ನೀನು ಮುತ್ತು ಕೊಟ್ರೆ, ಅಲ್ಲಿ ನನ್ನ ಹೆಸರು ಬರಬೇಕಾ” ಅಂತಾ ಬೈತಿದ್ರು. ಅಷ್ಟು ಸಲುಗೆ ನನ್ನ ಕಂಡ್ರೆ.

ಪುಟ್ಟಣ್ಣ ನವರ  ಒಡನಾಟ ಮತ್ತು ಆತ್ಮೀಯತೆ ಎಂದೂ ಮರೆಯಲಾಗದ್ದು

Like Us, Follow Us !

120,933FansLike
1,826FollowersFollow
1,563FollowersFollow
3,427SubscribersSubscribe

Trending This Week