28.1 C
Bangalore, IN
Sunday, November 18, 2018
Home ಸಿನಿಮಾ ನ್ಯೂಸ್ ಟಿವಿ ನ್ಯೂಸ್

ಟಿವಿ ನ್ಯೂಸ್

Get Latest Kannada TV News, News On Kannada TV Serials

ಚಂದನ್ ಶೆಟ್ಟಿ ಬಿಗ್ ಬಾಸ್ ವಿನ್ನರ್!

ಬಿಗ್ ಬಾಸ್ ಕನ್ನಡ ಸೀಸನ್ ಐದರ ವಿಜೇತರಾಗಿ ಕನ್ನಡ ರಾಪರ್ ಚಂದನ್ ಶೆಟ್ಟಿ ಹೊರಹೊಮ್ಮಿದ್ದಾರೆ. ಮಾರುಕಟ್ಟೆಯ ತಂತ್ರಗಾರಿಕೆಯನ್ನು ಪಕ್ಕಕ್ಕಿಟ್ಟು ಈ ಬಾರಿ ಜನರ ನಿರೀಕ್ಷೆಯಂತೆ ವಿನ್ನರ್ ಘೋಷಣೆಯಾಗಿರೋದು ಪ್ರೇಕ್ಷಕರಿಗೆ ಸಂತಸದ ವಿಚಾರ. ಬಿಗ್ ಬಾಸ್ ಎಂದರೆ ಜನರ ನಿರೀಕ್ಷೆಗೆ ವಿರುದ್ಧವಾಗಿ ವಿನ್ನರ್ ಆಯ್ಕೆ ಮಾಡಿ ನೆಗೆಟಿವ್ ಪಬ್ಲಿಸಿಟಿ ಪಡೆಯುವ ಕಾರ್ಯಕ್ರಮ ಎಂಬ ಮಾತನ್ನು ಈ ಬಾರಿ ಸುಳ್ಳು ಮಾಡಲಾಗಿದೆ.

ಮೊದಲ ಆವೃತ್ತಿ ಹೊರತಾಗಿ ನಂತರದ ಮೂರು ಆವೃತ್ತಿಗಳ ವಿಜೇತರ ಬಗ್ಗೆ ಈಗಲೂ ಜನ ಅಸಮಧಾನ ವ್ಯಕ್ತಪಡಿಸಿದರೂ ಮಾತನಾಡುತ್ತಲೇ ಇದ್ದಾರೆ. ಅದೇ ನೆಗೆಟಿವ್ ಪಬ್ಲಿಸಿಟಿಯ ಶಕ್ತಿ. ಕಳೆದ ಮೂರು ಆವೃತ್ತಿಗಳಲ್ಲಿನ ಈ ತಂತ್ರಗಾರಿಕೆಯನ್ನು ಬದಿಗಿಟ್ಟು ಈ ಬಾರಿ ಜನರ ಅಪೇಕ್ಷೆಯಂತೆ ಚಂದನ್ ಶೆಟ್ಟಿ ಅವರನ್ನು ಗೆಲ್ಲಿಸಿರೋದು ನಿಜಕ್ಕೂ ಪ್ರೇಕ್ಷಕರಿಗೆ ನೆಮ್ಮದಿ ತಂದಿದೆ. ಚಂದನ್ ಶೆಟ್ಟಿ ಗೆಲುವಿನ ಹಿಂದೆ ಆತನ ಪರಿಶ್ರಮ ಹಾಗೂ ಆತ ಜನರಿಗೆ ನೀಡಿದ ಮನರಂಜನೆಯ ಫಲವಿರುವುದರಲ್ಲಿ ಎರಡು ಮಾತಿಲ್ಲ. ಆದರೆ ಈ ಬಾರಿ ಆತನನ್ನು ಹೊರತಾಗಿ ಉಳಿದರನ್ನು ಆಯ್ಕೆ ಮಾಡಲು ಸಮರ್ಥ ಕಾರಣಗಳೇ ಇರಲಿಲ್ಲ.

ಕಳೆದ ಮೂರು ಆವೃತ್ತಿಗಳಲ್ಲಿ ಪ್ರೇಕ್ಷಕರ ನಿರಾಸೆ, ಬಿಗ್ ಬಾಸ್ ಕಾರ್ಯಕ್ರಮದ ಪ್ರಸಾರ ವಾಹಿನಿ ಬದಲಾಗಿರುವುದು, ಬೇರೆ ವಾಹಿನಿಗಳ ಧಾರವಾಹಿ ಹಾಗೂ ರಿಯಾಲಿಟಿ ಶೋಗಳ ಜನಪ್ರಿಯತೆ ನಡುವೆ ಈ ಬಾರಿಯ ಬಿಗ್ ಬಾಸ್ ಆವೃತ್ತಿ ಕಳೆದ ಆವೃತ್ತಿಗಳಿಗಿಂತ ಕೊಂಚ ಹಿಂದುಳಿದಿದ್ದನ್ನು ಒಪ್ಪಿಕೊಳ್ಳಲೇಬೇಕು. ಈ ಎಲ್ಲ ಕಾರಣಗಳ ಮಧ್ಯೆ ಈ ಬಾರಿಯ ಬಿಗ್ ಬಾಸ್ ಪ್ರೇಕ್ಷಕರ ಬಾಯಲ್ಲಿ ಹೆಚ್ಚು ಚರ್ಚೆಯಾಗಲು ಕಾರಣ, ಚಂದನ್ ಶೆಟ್ಟಿ. ಆತನ ಸಂಗೀತದ ಮೇಲಿನ ಪ್ರೇಮ ಹಾಗೂ ಪ್ರತಿಭೆಯನ್ನು ಕನ್ನಡಿಗರು ಮನಪೂರ್ವಕವಾಗಿ ಒಪ್ಪಿಕೊಂಡರು. ಒಂದು ವೇಳೆ ಈ ಬಾರಿಯ ಬಿಗ್ ಬಾಸ್ ಅನ್ನು ಚಂದನ್ ಶೆಟ್ಟಿ ಹೊರತಾಗಿ ನೋಡಲು ಪ್ರೇಕ್ಷಕರಿಗೆ ನಿಜಕ್ಕೂ ಅಸಾಧ್ಯ.

ಬಿಗ್ ಬಾಸ್ ಮನೆಯೊಳಗೆ ಕಾಲಿಟ್ಟ ಅಥಿತಿಗಳಾಗಲಿ, ಸ್ಪರ್ಧಿಗಳ ಕುಟುಂಬಸ್ಥರಾಗಲಿ, ಹೊರಗಿರುವ ಪ್ರೇಕ್ಷಕರಾಗಲಿ ಅಂತಿಮ ಸುತ್ತಿಗೆ ಆಯ್ಕೆ ಮಾಡಲು ತೆಗೆದುಕೊಳ್ಳುತ್ತಿದ್ದ ಮೊದಲ ಹೆಸರೇ ಚಂದನ್ ಶೆಟ್ಟಿ. ವಾರದ ದಿನಗಳಲ್ಲಿ ಚಂದನ್ ಶೆಟ್ಟಿಗಾಗಿ ಹಾಗೂ ವಾರಾಂತ್ಯದಲ್ಲಿ ಸುದೀಪ್ ಅವರನ್ನು ನೋಡಲು ಹೆಚ್ಚಿನ ಪ್ರೇಕ್ಷಕ ವರ್ಗ ಬಿಗ್ ಬಾಸ್ ಕಾರ್ಯಕ್ರಮವನ್ನು ಆಯ್ಕೆ ಮಾಡಿಕೊಂಡಿತ್ತು. ಆ ಮಟ್ಟಿಗೆ ಚಂದನ್ ಜನರನ್ನು ರಂಜಿಸಿದ್ದ. ತನ್ನ ತಾಳ್ಮೆ, ಸಮಯ ಪ್ರಜ್ಞೆ, ಟಾಸ್ಕ್ ಮಾಡುತ್ತಿದ್ದ ರೀತಿಗೆ ಬೇರೆ ಸ್ಪರ್ಧಿಗಳು ಸಮರ್ಥ ಪೈಪೋಟಿ ನೀಡುತ್ತಿರಲಿಲ್ಲ. ಜಗಳದಿಂದ ಸದ್ದು ಮಾಡುವ ಬದಲು ತನ್ನ ಪ್ರತಿಭೆಯಿಂದಲೇ ಜನರನ್ನು ರಂಜಿಸಿದರು. ಈ ಎಲ್ಲ ಕಾರಣದಿಂದ ಚಂದನ್ ಶೆಟ್ಟಿ ಗೆದ್ದಿದ್ದು, ಈತನ ಗೆಲುವಿನಿಂದ ಪ್ರೇಕ್ಷಕರ ಸಮೂಹ ಸಂತೋಷಗೊಂಡಿರುವುದು ಫೇಸ್ ಬುಕ್ ವಾಲ್ ಗಳಲ್ಲಿ ವಾಟ್ಸಪ್ ಸ್ಟೇಟಸ್ ಗಳಲ್ಲಿ ಗೊತ್ತಾಗುತ್ತಿವೆ.

ಚಂದನ್ ಜತೆಗೆ ಸಾಮಾನ್ಯ ವ್ಯಕ್ತಿ ವಿಭಾಗದಿಂದ ಪ್ರವೇಶ ಪಡೆದಿದ್ದ ದಿವಾಕರ್ ರನ್ನರ್ ಅಪ್ ಆದರೆ, ಜಯರಾಂ ಕಾರ್ತಿಕ್ ಮೂರನೇ ಸ್ಥಾನ ಪಡೆದಿದ್ದಾರೆ.

ಸಿನಿಮಾಗೂ ಬಂತು “ಸುಪ್ರೀಂ” ಆರ್ಡರ್ ! ನೋಡೋಕೆ ಮುನ್ನ ಎದ್ದು ನಿಲ್ಲಬೇಕು ಯಾಕೆ ?

ಸಿನಿಮಾ ನೋಡೋಕೆ ಹೋಗುವವರಲ್ಲಿ ಬಹಳಷ್ಟು ಮಂದಿಗೆ ಬೇಕಿರುವುದು ಮನರಂಜನೆ. ಯಾಕೋ ಬೋರ್ ಹೊಡಿತಾ ಇದೆ ಒಂದು ಸಿನಿಮಾಕ್ಕೆ ಹೋಗೋಣ ಬಾ ಅಂತ ನಾವೇ ಎಷ್ಟೋ ಸಾರಿ ಹೇಳಿರ್ತೀವಿ. ಪ್ರೀತಿ-ಪ್ರೇಮ ಶುರುವಿಟ್ಟ ಹೊತ್ತಲ್ಲಿ ಪಾರ್ಕು , ಹೋಟೆಲ್ಲಿನ ಜೊತೆಗೆ ಸಿನಿಮಾ ಇದ್ದೇ ಇರತ್ತೆ. ಕತ್ತಲ ಹೊತ್ತಲ್ಲಿ ಚೂರು ಪಾರು ಚೇಷ್ಟೆಗೆ ಒಳ್ಳೆ ಅಡ್ಡ ಚಿತ್ರಮಂದಿರ. ಇನ್ನು ಮದುವೆಯಾದ ಹೊಸತರಲ್ಲು ಹೋಗುವುದು ಸಿನಿಮಾಕ್ಕೇನೆ. ಅದೊಂತರ ತೀರದ ಸೆಳೆತ!! ಒಂಥರಾ ಮಜದಮಂದಿರ ಅನ್ನಿಸುವ ಚಿತ್ರಮಂದಿರಗಳಲ್ಲಿ ಇನ್ನು ಮುಂದೆ ಫಿಲಂ ನೋಡಲಿಕ್ಕೆ ಮುನ್ನ ಎಲ್ಲರೂ ಪಾಲಿಸಲೇ ಬೇಕಾದ ನಿಯಮ ಬಂದಿದೆ. ಇದು ಭಾರತದ ಸರ್ವೋಚ್ಛ ನ್ಯಾಯಾಲಯ ನೀಡಿರುವ ಆದೇಶ !!

suprim-court

ಏನಿದು ಆದೇಶ?

-ಇನ್ನು ಮುಂದೆ ಸಿನಿಮಾ ಶುರುವಾಗುವ ಮುನ್ನ ದೇಶದ ಎಲ್ಲಾ ಚಿತ್ರಮಂದಿರಗಳಲ್ಲೂ ರಾಷ್ಟ್ರಗೀತೆ ಮೊಳಗಿಸಬೇಕು.

-ಥಿಯೇಟರ್ ನಲ್ಲಿರುವ ಪ್ರತಿಯೊಬ್ಬರೂ ಎದ್ದು ನಿಂತು “ಜನಗಣ ಮನ”ಕ್ಕೆ ಗೌರವ ಸಲ್ಲಿಸಲೇ ಬೇಕು.

-ರಾಷ್ಟ್ರಗೀತೆಯ ಜೊತೆಗೆ ತೆರೆಯ ಮೇಲೆ ರಾಷ್ಟ್ರ ಧ್ವಜವನ್ನೂ ಪ್ರದರ್ಶಿಸಬೇಕು

-ಮನೋರಂಜನಾ ವಾಹಿನಿಗಳಲ್ಲಿ ವಾಣಿಜ್ಯ ಉದ್ದೇಶಗಳಿಗೆ ರಾಷ್ಟ್ರಗೀತೆ ಬಳಸಿಕೊಳ್ಳುವಂತಿಲ್ಲ. ಹಾಡುವಾಗಲಾಗಲಿ, ನುಡಿಸುವಾಗಲಾಗಲಿ ನಾಟಕೀಯತೆ ಬೆರೆಸುವಂತಿಲ್ಲ.

ಯಾರು ?ಯಾಕಾಗಿ ಕೊಟ್ಟದ್ದು ?

ನ್ಯಾಯಮೂರ್ತಿ ದೀಪಕ್ ಮಿಶ್ರ, ಅಮಿತ್ ರಾಯ್ ಒಳಗೊಂಡ ಸುಪ್ರೀಂ ಪೀಠ ಇಂದು ಅಂದರೆ ಬುಧವಾರ ಆದೇಶ ಹೊರಡಿಸಿದೆ. ಅವ್ರ ಪ್ರಕಾರ ನಾಗರೀಕರು ರಾಷ್ಟ್ರಗೀತೆಯ ಬಗ್ಗೆ ಹೆಮ್ಮೆ ಪಡಬೇಕು. ಇತ್ತೀಚಿನ ನಮ್ಮ ಜನಕ್ಕೆ  ರಾಷ್ಟ್ರಗೀತೆಯನ್ನ ಹೇಗೆ ಹಾಡಬೇಕೆನ್ನುವುದೇ ಗೊತ್ತಿಲ್ಲ . ಆ ಕಾರಣದಿಂದ ಎಲ್ಲರಿಗು ಸರಿಯಾಗಿ ಹಾಡುವುದನ್ನು ಹೇಳಿಕೊಡಬೇಕು. ನಮ್ಮ ರಾಷ್ಟ್ರಗೀತೆಯನ್ನು ನಾವೆಲ್ಲಾ ಗೌರವಿಸಲೇ ಬೇಕು. ಅಂಥಾ ಸಮಯವೀಗ ಬಂದಾಗಿದೆ. ಇದು ಸಾಂವಿಧಾನಿಕವಾದ ರಾಷ್ಟ್ರಭಕ್ತಿಯ ಭಾಗವೂ ಆಗಿದೆ. ಜನರಿಗೆ ಇದು ನಮ್ಮ ದೇಶ ಎಂಬ ಭಾವ,ಬದ್ಧತೆ ಇರಬೇಕು. ಇಲ್ಲಿರುವ ಮಂದಿ ಸ್ವಾತಂತ್ರ್ಯ ಅನುಭವಿಸುತ್ತಿರುವುದು ದೇಶದಿಂದಲೇ ತಾನೇ ?

ಯಾವಾಗಿಂದ ಜಾರಿ ?

ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಗೆ ಸುಪ್ರೀಂ ಕೋರ್ಟ್ ಆದೇಶ ಜಾರಿಗೊಳಿಸಲು 10 ದಿನಗಳ ಕಾಲಾವಕಾಶ ನೀಡಿದೆ. ಕೇಂದ್ರ “ಸುಪ್ರೀಂ” ಆದೇಶವನ್ನು ರಾಜ್ಯ ಸರ್ಕಾರಗಳ ಮುಖ್ಯ ಕಾರ್ಯದರ್ಶಿಗಳಿಗೆ ಕಳುಹಿಸುವುದಾಗಿ ಹೇಳಿದೆ. ಜೊತೆಗೆ ಪತ್ರಿಕೆ ಹಾಗು ವಿದ್ಯುನ್ಮಾನ ಮಾಧ್ಯಮಗಳಲ್ಲಿ ಪ್ರಕಟಿಸುವುದಾಗಿ ತಿಳಿಸಿದೆ.

-ಸರ್ವೋಚ್ಛ ನ್ಯಾಯಾಲಯದ  ಆದೇಶ  ನಿಮಗೆಲ್ಲ ಏನನ್ನಿಸುತ್ತಿದೆ  ಎಂದು ತಿಳಿಯುವ ಕುತೂಹಲ ನಮಗೂ ಇದೆ. ciniadda.com ನಲ್ಲಿ ನಿಮ್ಮ ಅಭಿಪ್ರಾಯ ದಾಖಲಿಸಿ.

-ಭಾನುಮತಿ ಬಿ ಸಿ

ಚಿತ್ರ ಕೃಪೆ -THE HINDU

 

ರಿಯಲ್ ರಂಜನೆ, ರಿಯಲ್ ಚಿಂತನೆ! ರಿಯಾಲಿಟಿ ಷೋಗೆ ರೆಡಿಯಾಗಿ

ರಂಜನೆ, ಚಿಂತನೆ ಎರಡೂ ಇರುವ ಹೊಸ ರಿಯಾಲಿಟಿ ಷೋ…ಹೊಸ ಬಗೆಯದು ಇಷ್ಟರಲ್ಲೇ.‌‌..

ಇಂಥದೊಂದು ಸುದ್ದಿಯನ್ನ ಮಧ್ಯರಾತ್ರಿಯಲ್ಲಿ ಹರಿಯಬಿಟ್ಟು ರಿಯಾಕ್ಷನ್ ನೋಡ್ತಾ ಇದ್ದಾರೇನೋ ನಮ್ಮ ಮಧ್ಯಮ ವರ್ಗದ ಮಿತ್ರ ಟಿ ಎನ್ ಸೀತಾರಾಮ್ . ಸದ್ಯದಲ್ಲಂತೂ ಟೀವಿಯಲ್ಲಿ  ಬರುತ್ತಿರುವ ಅನೇಕ  ರಿಯಾಲಿಟಿ ಶೋಗಳಿಂದ ಬೇಸತ್ತು ಹೋಗಿದ್ದರೂ ಪರ್ಯಾಯವಿಲ್ಲದೆ ಅಂಥವನ್ನೇ ನೋಡುವ ಮಂದಿಗೆ ಟಿ ಎನ್ ಎಸ್  ಮತ್ತೆ ಟಿವಿಗೆ ಬರ್ತಾರೆ ಅದೂ ರಿಯಾಲಿಟಿ ಶೋ ಮೂಲಕ ಅನ್ನುವುದು ಸಂತಸದ ಸುದ್ದಿ .

ರಿಯಾಲಿಟಿ ಶೋಗೆ ತಮ್ಮ ರಿಯಲ್ ಯೋಜನೆಗಳೇನು ಸಿಎಸ್ಪಿ ಸಾಹೇಬರೇ ಅಂತ ciniadda.com ಕೇಳಿದಾಗ ..

ಅದೂ ನಮ್ಮ ಸಂಸೃತಿಗೆ , ಭಾಷೆಗೆ ಸಂಬಂಧಪಟ್ಟ ಕಾರ್ಯಕ್ರಮ ಆಗಿರುವುದಂತೂ ಗ್ಯಾರಂಟಿ .

ಯಾವ ವಾಹಿನಿಯ ಮೂಲಕ ತಮ್ಮ ಮರುಪ್ರವೇಶ ?

ಅದಿನ್ನೂ ನಿರ್ಧಾರವಾಗಿಲ್ಲ .

ತಂಡದಲ್ಲಿ ಯಾರ್ಯಾರು ಇದ್ದೀರಿ ?

ನಮ್ಮ ಕೂಸು ಈಗ ತಾನೇ ಹುಟ್ಟಿದೆ .ಹಾಲುಣಿಸುವವರು , ನೀರೆರೆಯುವವರು , ಬಟ್ಟೆ ತೊಡಿಸುವವರು, ಹೆಸರಿಡುವವರು  ಹೀಗೆ ಸಿಂಗಾರ ಬಂಗಾರ ಮಾಡೋವ್ರೆಲ್ಲ ಸೇರಿಕೊಳ್ಳಬೇಕಿದೆ . ಕಾನ್ಸೆಪ್ಟ್ ನನ್ನದೇ. ಕಾರ್ಯರೂಪಕ್ಕೆ ಇಳಿಯುತ್ತಿದ್ದೇವೆ ನಮ್ಮ ಭೂಮಿಕಾ ಸಂಸ್ಥೆಯ ಮೂಲಕ.  ಒಂದೀಡೀ ಕುಟುಂಬ ಕೂತು ನೋಡುವ ಕಾರ್ಯಕ್ರಮವಂತೂ ನಮ್ಮದಾಗಿರುತ್ತದೆ. ಉಳಿದ ವಿಷಯಗಳನ್ನ ಸದ್ಯದಲ್ಲೇ ತಿಳಿಸುವೆ .

ಕಿರುತೆರೆಯ ಸಂಕಲನದಿಂದ ಮಹಾಪರ್ವದವರೆಗೆ ಬೆಳ್ಳಿತೆರೆಯ ಪಲ್ಲವಿಯಿಂದ ವಾಸ್ತು ಪ್ರಕಾರದವರೆಗೆ ಅಭಿನಯ , ಸಂಭಾಷಣೆ , ನಿರ್ದೇಶನ , ನಿರ್ಮಾಣ ಎಲ್ಲದರಲ್ಲೂ ಪಳಗಿರುವ ಸೀತಾರಾಮ್ ತಮಗೆ ಒಲಿದ ವರ್ಗದ ಜೊತೆಗೆ ಬದಲಾದಂತೆ ಮೇಲ್ನೋಟಕ್ಕೆ ಕಾಣುವ  ಇನ್ನಿತರ ಪ್ರೇಕ್ಷಕರ ನಿರೀಕ್ಷೆಗಳನ್ನು ಮುಟ್ಟುವರೇ ಅನ್ನುವ ಕುತೂಹಲ ಒಂದು ಕಡೆ .  ಮತ್ತೊಂದು ಕಡೆ ನಮ್ಮತನ ಸಾರುವ ರಿಯಾಲಿಟಿ ಶೋ ಸಾಧ್ಯವಾಗಲಿ ,ಶುಭವಾಗಲಿ ಅನ್ನುವ ಹಾರೈಕೆ .

ಮತ್ತಷ್ಟು ಮಾಹಿತಿ ಸದ್ಯದಲ್ಲೆ

ಭಾನುಮತಿ ಬಿ ಸಿ

 

ಎಂಥಾ ಕೆಲಸ ಮಾಡಿಬಿಟ್ರು ಸುದೀಪ್..?!

ನಟ ಸುದೀಪ್ ಭಾನುವಾರ ಪತ್ನಿ ಪ್ರಿಯಾ ಅವರ ಬರ್ತ್ ಡೇ ಗೆ ವಿಶೇಷವಾಗಿ ವಿಶ್ ಮಾಡಿ ಅಭಿಮಾನಿಗಳ ಸಂತಸಕ್ಕೆ ಕಾರಣವಾಗಿದ್ರು.. ಇದೀಗ ಮತ್ತೊಂದು ವಿಚಾರ ಅಲ್ಲ, ಅದೇ ವಿಚಾರಕ್ಕೆ ಸುದ್ದಿ ಆಗಿದ್ದಾರೆ. ಸುದೀಪ್ ತನ್ನ ಪತ್ನಿ ಬರ್ತ್ ಡೇ ದಿನವನ್ನು ವಿಭಿನ್ನವಾಗಿ ಆಚರಣೆ ಮಾಡಿದ್ದು, ಗೆರಿಲ್ಲಾ ಯುದ್ಧ ತಂತ್ರದ ರೀತಿ ಯಾರಿಗೂ ಗೊತ್ತಾಗದ ಹಾಗೆ ಒಂದು ವಿಶೇಷ ಕೆಲಸ ಒಂದನ್ನು ಮಾಡಿದ್ದಾರೆ. ಅದು ಮಾಡಬಾರದ ಕೆಲಸ ಅಂತ ಹೇಳಲು ಸಾಧ್ಯವಿಲ್ಲ. ಆದ್ರೆ ಅವರ ನೆಚ್ಚಿನ ಕೆಲಸ ಅಂತಾನೇ ಹೇಳಬಹುದು.
ಬಿಗ್ ಬಾಸ್ ಮನೆಯಲ್ಲಿ ಅಡುಗೆ ಮಾಡಿದ ಕಿಚ್ಚ
ಅದರಲ್ಲೇನು ವಿಶೇಷ ಅಂತ ನೀವು ಕೇಳಬಹುದು. ಯಾಕಂದ್ರೆ ಬಿಗ್ ಬಾಸ್ ಮನೆಯಲ್ಲಿ ವಾರಕ್ಕೊಮ್ಮೆ ಸುದೀಪ್ ಅಡುಗೆ ಮಾಡೋದನ್ನ ಇಡೀ ದೇಶವೇ ನೋಡುತ್ತಿದೆ ಅನ್ಕೊಂಡ್ರಾ..? ಇಲ್ಲೇ ಇರೋದು ಟ್ವಿಸ್ಟ್. ಯಾಕಂದ್ರೆ ಅಡುಗೆ ಮಾಡೋದನ್ನು ಹ್ಯಾಬಿಟ್ ಮಾಡಿಕೊಂಡಿರುವ ಸುದೀಪ್, ಪತ್ನಿ ಪ್ರಿಯಾ ಬರ್ತ್ ಡೇ ದಿನ ಬಿಗ್ ಬಾಸ್ ಸ್ಪರ್ಧಿಗಳಿಗೆ ಅಡುಗೆ ಮಾಡಿ ಬಡಿಸಿ ಸಂಭ್ರಮಿಸಿದ್ದಾರೆ. ಆದ್ರೆ ಬಿಗ್ ಬಾಸ್ ನ ಯಾವ ಸ್ಪರ್ಧಿಗಳಿಗೂ ಕಿಚ್ಚನನ್ನು ಪತ್ತೆ ಮಾಡಲು ಸಾಧ್ಯವಾಗಿಲ್ಲ. ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ಮನೆಯೊಳಕ್ಕೆ ಎಂಟ್ರಿ ಕೊಟ್ಟಿದ್ದ ಮೂರ್ನಾಲ್ಕು ಜನ ಸ್ಪಾಟ್ ನಲ್ಲೇ ಅಡುಗೆ ಮಾಡಿ ಕೊಡ್ತಿದ್ರು.. ಬಿಗ್ ಬಾಸ್ ಮನೆಯೊಳಗೆ ವಿಶೇಷ ಕಾರ್ಯಕ್ರಮ ಒಂದನ್ನು ನೀಡುವಂತೆ ತಿಳಿಸಿ, ಪಬ್ ರೀತಿ ಪರಿವರ್ತನೆ ಮಾಡಿದ್ರು..
ಗಿಲ್ಟಿ ಫೀಲ್ ಮಾಡ್ತಿದ್ದಾರೆ ಸ್ಪರ್ಧಿಗಳು..!
ಸುದೀಪ್ ಬಂದಿದ್ದರು ಅನ್ನೋ ವಿಚಾರ ಗೊತ್ತಾದ ಬಳಿಕ ಸ್ಪರ್ಧಿಗಳು ಬೇಸರ ಮಾಡ್ಕೊಂಡ್ರು. ನಮಗೆ ಸುದೀಪ್ ಅನ್ನೋದು ಗೊತ್ತಾಗಿದ್ರೆ ಮಾಸ್ಕ್ ತೆಗೆದು ಮಾತಾಡಿಸಬಹುದಿತ್ತು. ಆದ್ರೆ ನಾವು ಪೆದ್ದುಗಳು ಸುದೀಪ್ ಅವರನ್ನು ಪತ್ತೆ ಮಾಡಲು ಆಗಲಿಲ್ಲ ಅಂತ ಸ್ಪರ್ಧಿ ಚಂದನ್ ಹಾಗೂ ದಿವಾಕರ್ ಪೆಚ್ಚು ಮೋರೆ ಹಾಕಿಕೊಂಡರು.
ಜ್ಯೋತಿ ಗೌಡ, ನಾಗಮಂಗಲ

ಬಿಗ್ ಬಾಸ್ ಭುವನ್ ಗೆ ಗಾಯ..!

 ಹೆಸರು ಘಟ್ಟದ ಬಳಿ ನಡೆಯುತ್ತಿದ್ದ ರಾಂಧವ ಚಿತ್ರ ಶೂಟಿಂಗ್ ವೇಳೆ ಚಿತ್ರದ ನಾಯಕ ಭುವನ್ ಪೊನ್ನಪ್ಪಗೆ ಗಾಯವಾಗಿರುವ ಘಟನೆ ನಡೆದಿದೆ. ರೋಪ್ ಹಾಕದೆ ಸ್ಟಂಟ್ ಮಾಡಿದ ಕಾರಣಕ್ಕೆ ಈ ಅವಘಡ ನಡೆದಿದೆ ಎಂದಿರುವ ಚಿತ್ರತಂಡ ಆಸ್ಪತ್ರೆಗೆ ದಾಖಲಿಸಿದೆ. ಭುವನ್ ಮೂಗು ಹಾಗು ಸೊಂಟಕ್ಕೆ ಗಂಭೀರ ಗಾಯವಾಗಿದ್ದು ವೈದ್ಯರು ಚಿಕಿತ್ಸೆ ನೀಡುತ್ತಿದ್ದಾರೆ. ನಾಳೆ ವೈದ್ಯರು ಇನ್ನಷ್ಟು ಪರೀಕ್ಷೆಗಳನ್ನು ಮಾಡಿ ಮತ್ತಷ್ಟು ಮಾಹಿತಿ ನೀಡುವ ಸಾಧ್ಯತೆ ಇದೆ.

ಮತ್ತೆ ಕಿರುತೆರೆಯಲ್ಲಿ ರಚಿತಾ ರಾಮ್ -ಸೃಜನ್ ಹವಾ !?

ರಚಿತಾ ರಾಮ್ “ಭರ್ಜರಿ” ಯಶಸ್ಸಿನಲ್ಲಿ ತೇಲುತ್ತಿರುವಾಗಲೇ ಅವಕಾಶಗಳು ಅರಸಿ ಬರುತ್ತಿವೆ .  ಉಪ್ಪಿ ಜೊತೆ ಉಪ್ಪಿರುಪ್ಪಿಯಲ್ಲಿ ಡುಯೆಟ್ , ಜಾನಿ ಜಾನಿ ಎಸ್ ಪಾಪ ಅಂತ ಬೆಳ್ಳಿತೆರೆಯಲ್ಲಿ ಬ್ಯುಸಿಯಾಗಿದ್ದಾರೆ. ಜೊತೆಜೊತೆಗೆ ಕಲರ್ಸ್ ಕನ್ನಡದಲ್ಲಿ ಮುಂದಿನ ನವೆಂಬರ್ 4ರಿಂದ ಬರಲಿರುವ ಕಾಮಿಡಿ ಟಾಕೀಸ್ ನಲ್ಲಿ ತೀರ್ಪುಗಾರರಾಗಿ ಕಾಣಿಸಿಕೊಳ್ಳಲಿದ್ದಾರೆ .

ರಚಿತಾ ಜೊತೆಯಲ್ಲಿ ಮಜಾ ಟಾಕೀಸ್ ಮೂಲಕ ಮಾತಿನ ಪಟಾಕಿ ಸಿಡಿಸಿದ, ಟೈಮಿಂಗ್ ಅಂದ್ರೆ ಸೃಜನ್ ಅನ್ನಿಸಿಕೊಂಡ ಸೃಜನ್ ಲೋಕೇಶ್ ತೀರ್ಪು ಕೊಡಲಿದ್ದಾರೆ.

ಇದಾಗಲೇ ಕೆಲವು ಸಂಚಿಕೆಗಳ ಚಿತ್ರೀಕರಣ ಮುಕ್ತಾಯವಾಗಿವೆ. ಅಗ್ನಿಸಾಕ್ಷಿ  ಖ್ಯಾತಿಯ ವಿಜಯ್ ಸೂರ್ಯ ಕಾಮಿಡಿ ಟಾಕೀಸ್ ನ ನಿರೂಪಕ.

ಕಾಮಿಡಿ ಷೋನಲ್ಲಿ ರಚಿತ ರಂಗು ಹೇಗಿರಲಿದೆ ? ಸೃಜನ್ ಹೊಸ ಅವತಾರ ಪ್ರೇಕ್ಷರನ್ನ ರಂಜಿಸುತ್ತಾ ? ಸೂರ್ಯ ಬೆಳಗುತ್ತಾರಾ? ಎಲ್ಲ ಗೊತ್ತಾಗಬೇಕಾದ್ರೆ ನವೆಂಬರ್ ನಾಲ್ಕರವರೆಗೂ ಕಾಯಲೇಬೇಕು.

ಬಿಗ್ ಬಾಸ್ ಮನೆಯಲ್ಲಿ ಬಜಾರ್ ಶುರು..!

ಕಲರ್ಸ್ ಸೂಪರ್ ನಲ್ಲಿ ಮೂಡಿಬರುತ್ತಿರುವ ಬಿಗ್ ಬಾಸ್ ಸೀಸನ್ 5 , ಯಶಸ್ವಿಯಾಗಿ ಒಂದು ವಾರ ಪೂರೈಸಿ, ಎರಡನೇ ವಾರಕ್ಕೆ ಕಾಲಿಟ್ಟಿದೆ. ವಿಶೇಷ ಅಂದ್ರೆ ಮೊದಲ ವಾರ ಸೌಮ್ಯವಾಗಿದ್ದ ಮನೆಯಲ್ಲಿ ಗಲಾಟೆ ಶುರುವಾಗಿದೆ. ಫಿಷ್ ಬಜಾರ್ ನಲ್ಲಿ ವ್ಯವಹಾರ ಶುರು ಮಾಡಿದ್ದಾರೆ. ಯಾರು ಎಷ್ಟು ವ್ಯವಹಾರ ಮಾಡಿ ಗಂಟು ಮಾಡಿಕೊಂಡ್ರು ಅನ್ನೋದಷ್ಟೇ ಬಿಗ್ ಬಾಸ್ ಮನೆಯಲ್ಲಿ ಮುಖ್ಯ ಆಗಿರೋದ್ರಿಂದ ಕಳೆದ ವಾರ ಸುಮ್ಮನಿದ್ದ ಸ್ಪರ್ಧಿಗಳು ತಮ್ಮ ರೀಲ್ ಬಣ್ಣ ಕಳಚುತ್ತಿದ್ದಾರೆ.
ಹಣ್ಣಿಗಾಗಿ ಹೆಣ್ಣುಗಳ ನಡುವೆ ಕಿತ್ತಾಟ.. ಪರದಾಟ
ವಾರದ ಮೊದಲ ದಿನ ಬಿಗ್ ಬಾಸ್ ಮನೆಗೆ ಹಣ್ಣಿನ ಬುಟ್ಟಿ ಬರಲಿದ್ದು, ಶ್ರೀ ಸಾಮಾನ್ಯರು ನಯ ನಾಜೂಕು ಪ್ರದರ್ಶನ ಮಾಡದೆ ನೇರವಾಗಿ ಹಣ್ಣಿಗೆ ಬಾಯಿ ಹಾಕಲು ಮುಂದಾದ್ರು. ಈ ವೇಳೆ ಜಯ ಶ್ರೀನಿವಾಸ್ ತನ್ನ ಪಾಲಿನ ಹಣ್ಣನ್ನು ತೆಗೆದುಕೊಂಡು ಹೋಗಲು ಮುಂದಾಗಿದ್ದಕ್ಕೆ ಭಾರೀ ಗದ್ದಲವೇ ನಡೀತು. ಏಕಾಏಕಿ ವಾಪಸ್ ತೆರಳಿದ ಸಂಖ್ಯಾಶಾಸ್ತ್ರಜ್ಞ ವಾಪಸ್ ಬುಟ್ಟಿಯಲ್ಲೇ ಹಣ್ಣನ್ನು ಹಾಕಿದ್ರು. ಇಷ್ಟೊರೊಳಗೆ ಮಡಿಕೇರಿಯ ಮೇಘಾ ಸೇಬಿಗೆ ಬಾಯಾಕಿ ರುಚಿ ನೋಡಿ ಆಗಿತ್ತು. ಸಿಟ್ಟಿಗೆದ್ದ ತೇಜಸ್ವಿನಿ, ಬಾಯಿಗೆ ಬಂದ ಹಾಗೆ ಅರಚಾಡಿದ್ರು. ಈ ವೇಳೆ ಮಧ್ಯ ಪ್ರವೇಶ ಮಾಡಿದ ಲೋಕಲ್ ಬಾಯ್ ದಿವಾಕರ್ ಮೇಘಾ ಪರ ವಕಾಲತ್ತು ವಹಿಸಿದ್ರು. ಈ ವೇಳೆ ತೇಜಸ್ವಿನಿ ಹಾಗೂ ದಿವಾಕರ್ ನಡುವೆ ಮಾತಿನ ಸಮರವೇ ನಡೀತು.
ಶ್ರೀಸಾಮಾನ್ಯರನ್ನ ಒಪ್ಪಿಕೊಳ್ಳದ ಸೆಲೆಬ್ರಿಟಿಗಳು
ಬಿಗ್ ಬಾಸ್ ಕಾರ್ಯಕ್ರಮವನ್ನು ಹೆಚ್ಚು ಜನಸ್ನೇಹಿ ಆಗುವಂತೆ ಮಾಡಲು ಈ ಬಾರಿ ಶ್ರೀ ಸಾಮಾನ್ಯರಿಗೆ ಅವಕಾಶ ಕಲ್ಪಿಸಲಾಗಿದೆ.‌ ಆದರೆ ಶ್ರೀಸಾಮಾನ್ಯರ ಜೊತೆ ಹೊಂದಿಕೊಳ್ಳಲಾಗದೆ ಒದ್ದಾಡುತ್ತಿರುವ ಸೆಲೆಬ್ರಿಟಿಗಳು ಅವರಿಂದ ಅಂತರ ಕಾಯ್ದು ಕೊಳ್ತಿದ್ದಾರೆ. ಆದ್ರೆ ಕೊನೆ ಕೊನೆಗೆ ಶ್ರೀ ಸಾಮಾನ್ಯರೇ ಜನರಿಗೆ ಇಷ್ಟವಾಗೋದು ಅನ್ನೋ ಕಾರಣಕ್ಕೆ ಬಿಗ್ ಬಾಸ್ ನಲ್ಲಿ ಸಾಮಾನ್ಯರಿಗೆ ಮಹತ್ವ ಕೊಟ್ಟಿದ್ದಾರೆ. ಮುಂದಿನ ದಿನಗಳಲ್ಲಿ ಲೋಕಲ್ ಪೀಪಲ್ ಯಾವ ರೀತಿ ತಿರುಗೇಟು ಕೊಡ್ತಾರೆ ಅನ್ನೋ ಕೌತುಕ ಹುಟ್ಟಿಸಿದೆ.
ಜ್ಯೋತಿ ಗೌಡ, ನಾಗಮಂಗಲ

ಬಿಗ್ ಬಾಸ್ ಮನೆಯಲ್ಲಿ ಪ್ರೇಮಪಯಣ ಶುರು

ಬಿಗ್ ಬಾಸ್ ನ ಎಲ್ಲಾ ಸೀಸನ್ ಗಳಲ್ಲೂ ಒಂದಲ್ಲ ಒಂದು ಜೋಡಿ ಪ್ರೇಮ ಪಾಶಕ್ಕೆ ಸಿಲುಕುತ್ತಿತ್ತು. ಆದ್ರೆ ಈ ಬಾರಿ ಎರಡು ಜೋಡಿಗಳು ಪ್ರೇಮ ಪ್ರಣಯ ಎನ್ನುತ್ತಿದ್ದು  ಮೇಲ್ನೋಟಕ್ಕೆ  ಅಂತರ ಕಾಯ್ದುಕೊಂಡಿದ್ದಾರೆ. ಅಂದರೆ ಮನಸ್ಸಿನ ತುಮುಲಗಳನ್ನು ಬದಿಗೊತ್ತಿ ಸಮಾಜದಲ್ಲಿ ತಮಗಿರುವ ಸ್ಥಾನಮಾನಗಳಿಗೆ ಪೆಟ್ಟು ಬಿದ್ದರೆ ನಷ್ಟ ಉಂಟಾಗಲಿದೆ ಅನ್ನೋ ಅರಿವಿನಿಂದ ಉಕ್ಕಿ ಬರುತ್ತಿರುವ ಪ್ರೀತಿಯನ್ನು ತಣಿಸಿಕೊಂಡು ಕಾಲ ಕಳೆಯುತ್ತಿದ್ದಾರೆ.
ಜೆಕೆ ವಿತ್ ಶೃತಿ, ಚಂದನ್ ವಿತ್ ನಿವೇದಿತಾ ಗೌಡ 
ಹೌದು, ಸ್ಯಾಂಡಲ್ ವುಡ್ ನಲ್ಲಿ ತನ್ನದೇ ಆದ ಅಭಿಮಾನಿ ಬಳಗ ಸೃಷ್ಟಿಸಿಕೊಂಡು, ಹೆಸರು ಮಾಡಿರುವ ಜಯರಾಮ್ ಕಾರ್ತಿಕ್ ಗೆ ಮುಂಬೈ ಮೂಲದ ಬೆಡಗಿ, ಸಿಂಗರ್ ಶೃತಿ ಪ್ರಕಾಶ್ ಮೇಲೆ ಮನಸ್ಸಾಗಿದೆ. ಆದರೆ ಎಲ್ಲೂ ತೋರಿಸಿಕೊಳ್ಳದೆ ಎಲ್ಲರ ಜೊತೆ ಇರುವ ರೀತಿಯಲ್ಲೇ ಇದ್ದೇನೆ ಎಂದು ತೋರಿಸಿಕೊಳ್ಳುವ  ಪ್ರಯತ್ನ ನಡೆಸುತ್ತಿರುವುದು ಗೊತ್ತಾಗ್ತಿದೆ. ಅದೇ ರೀತಿ ರ‌್ಯಾಪ್ ಸ್ಟಾರ್  ಚಂದನ್ ಶೆಟ್ಟಿ ಗೆ ಫಿದಾ ಆಗಿರುವ ಮೈಸೂರಿನ ಬ್ಯೂಟಿ ನಿವೇದಿತಾ ಗೌಡಗೆ ಚಂದನ್ ಶೆಟ್ಟಿ ಕೂಡ ಮನಸೋತಿರೋದು ಮುಚ್ಚಿಟ್ಟಿರುವ ಅಸಲಿ ಕಹಾನಿ. ಯಾವಾಗ ಬಿಗ್ ಬಾಸ್ ಜೋಡಿ ಬಂಧನ ಟಾಸ್ಕ್ ಕೊಟ್ಟರೂ ಆಗಿನಿಂದಲೇ ಇಬ್ಬರ ನಡುವೆ ಆಪ್ತತೆ ಹೆಚ್ಚಾಗಿ ತುಂಬಾ ಸನಿಹದಲ್ಲಿ ಬಂದು ನಿಂತಿದ್ದಾರೆ. ಆದರೆ ಚಂದನ್ ಶೆಟ್ಟಿ ಬುದ್ಧಿವಂತ ಸ್ಪರ್ಧಿ ಆಗಿದ್ದು ಮುಂದಾಲೋಚನೆಯಿಂದ ಯಾವುದೇ ಭಾವನೆಯನ್ನೂ ವ್ಯಕ್ತಪಡಿಸುತ್ತಿಲ್ಲ.
ಈ ರೀತಿ ಪ್ರೇಮಪಾಶಕ್ಕೆ ಕಾರಣ ಏನು..? 
ವಯಸ್ಸಿಗೆ ಬಂದಿರುವ  ಹುಡುಗ- ಹುಡುಗಿ ಪ್ರೀತಿಸೋದು ಸಾಮಾನ್ಯ. ಆದರೆ ಬಿಗ್ ಬಾಸ್ ಮನೆಯಲ್ಲಿ ಆಗೋ ಪ್ರೇಮ ಹೊರಕ್ಕೆ ಬಂದ ಬಳಿಕ ಉಳಿಯುತ್ತಾ ಅನ್ನೋದೆ ಪ್ರಮುಖ ಪ್ರಶ್ನೆ. ಯಾಕಂದ್ರೆ ಹಿಂದಿನ ಹಲವು ಸೀಸನ್ ಗಳಲ್ಲಿ ಈ ಬಾರಿಗಿಂತಲೂ ಸಾಕಷ್ಟು ಪ್ರೇಮ ಕಥೆ ನಡೆದಿತ್ತು . ಆದರೆ ಮನೆಯಿಂದ ಹೊರಬಂದ ಬಳಿಕ ಎಲ್ಲವನ್ನೂ ಮರೆತು ವಿ  ಆರ್ ಜಸ್ಟ್ ಫ್ರೆಂಡ್ಸ್ ಅಂತಾ ತೇಪೆ ಹಾಕಿದ್ರು. ಇದಕ್ಕೆ ಪ್ರಮುಖ  ಕಾರಣ ಅಂದ್ರೆ ಒತ್ತಡ. ಹೊರಪ್ರಪಂಚದಲ್ಲಿ ಸಿಗುವ ಎಲ್ಲಾ ಸೌಲಭ್ಯಗಳು ಬಿಗ್ ಬಾಸ್ ಮನೆಯಲ್ಲಿ ಸಿಗುವುದಿಲ್ಲ. ಮನರಂಜನೆ, ಸುದ್ದಿ, ತರಲೆ  ಆಟಗಳು, ಪ್ರವಾಸ, ಪಾರ್ಟಿ ಅಂದುಕೊಂಡು ಜನ ಒತ್ತಡದ ಜೀವನದಿಂದ ಹೊರ ಬರುತ್ತಾರೆ. ಆದರೆ ಇದೆಲ್ಲವನ್ನೂ ಸಹಿಸಿಕೊಂಡು ಬಿಗ್ ಬಾಸ್ ಮನೆಗೆ ಕಾಲಿಡುವ ಸ್ಪರ್ಧಿಗಳು ಅನಿವಾರ್ಯ ಕಾರಣಕ್ಕಾಗಿ ಒಬ್ಬರ ಬಳಿ ತುಂಬಾ ಆತ್ಮೀಯವಾಗಿ  ವರ್ತಿಸುತ್ತಾರೆ. ಆದರೆ ಹೊರಪ್ರಪಂಚಕ್ಕೆ‌ ಬಂದ ಬಳಿಕ ಅವರಿಗೆ ವಾಸ್ತವದ ಬದುಕು ಅರ್ಥ ಆಗೋದ್ರಿಂದ ಬಿಗ್ ಬಾಸ್ ಮನೆಯ ಲವ್ ಕಹಾನಿ ಮರೆತು ಬಿಡ್ತಾರೆ. ಲವ್ ಮಾಡುವುದು ತಪ್ಪಲ್ಲ ಎಂದ ಮೇಲೆ ಮದ್ವೆ ಆದರೂ ತಪ್ಪಲ್ಲ. ಮೊದಲೇ ಮೂರು ತಿಂಗಳು ಜೊತೆಯಲ್ಲಿ ಜೀವನ ಮಾಡಿರೋದ್ರಿಂದ ಅರ್ಥ ಮಾಡಿಕೊಳ್ಳೋದು ಸುಲಭ ಆಗಿರುತ್ತದೆ.. ಯಾವ ಬಿಗ್ ಬಾಸ್ ಜೋಡಿ ಮದುವೆ ಆಗುತ್ತೆ ಅನ್ನೋದೆ ಎಲ್ಲರ ಕುತೂಹಲ..

ಸುಹಾನಾ ಹಾಡು ಈಗಲಾದರೂ ಸಮಾಧಾನ ಆಯಿತೇ ಸಾಹೇಬರೇ..?

ಒಂದು ಹುಡುಗಿ ವೇದಿಕೆ ಮೇಲೆ ಹಾಡು ಹಾಡಿದ ಬಳಿಕ ಹಾಡಿನ ಸ್ವರ ಸ್ವಾದವನ್ನು ಎಂಜಾಯ್ ಮಾಡಬೇಕಿತ್ತು. ಆದರೆ ನಾವೆಲ್ಲಾ ಬೇರೆ ವಿಚಾರಗಳ ಬಗ್ಗೆ ಮಾತನಾಡಿದ್ವಿ ಅಂತ ಈಗಲಾದ್ರು ಎನಿಸಿತೇ ನಿಮಗೆ..? ಹೀಗೆ ಅನಿಸಲೇ ಬೇಕಿತ್ತು.. ಅನ್ನಿಸಿದ್ದರೆ ನಿಜಕ್ಕೂ ಒಳ್ಳೆಯದು. ಇಲ್ಲಾ ನಾವು ಮಾಡಿದ್ದೇ ಸರಿ ಎನಿಸಿದರೆ ನಿಮ್ಮ ಇಚ್ಛೆ.

ಯಾಕಂದ್ರೆ ಯುವ ಗಾಯಕಿ ಸುಹಾನ ಸೈಯ್ಯದ್ ಜೀ ಕನ್ನಡ ವಾಹಿನಿಯಲ್ಲಿ ದೇವರ ನಾಮ ಹಾಡಿದ ಬಳಿಕ ದೊಡ್ಡ ವಿವಾದವಾಗಿತ್ತು. ಅಲ್ಲಿದ್ದಜಡ್ಜ್ ಗಳು  ತಿಳಿದು ಹೇಳಿದ್ರೋ.. ಅರಿವಿಲ್ಲದೆ ಹೇಳಿದ್ರೋ ಗೊತ್ತಿಲ್ಲ. ಕಣ್ಣಿಗೆ ಬಟ್ಟೆ ಕಟ್ಟಿಕೊಂಡು ನಿಮ್ಮ ಬಾಯಲ್ಲಿ ಬಂದ ದೇವರ ನಾಮ ಹಾಡಿದ್ದನ್ನು ಕೇಳಿದರೆ ಖುಷಿ ಆಯ್ತು. ಅದರಲ್ಲೂ ಓರ್ವ ಮುಸಲ್ಮಾನ ಯುವತಿಯಾಗಿ ಅದ್ಬುತವಾಗಿ ಹಾಡಿದ್ರಿ ಅಂತಾ ಕಾಮೆಂಟ್ ಕೊಟ್ರು. ಆ ಬಳಿಕ ಬುರ್ಖಾ ಹಾಕಿಕೊಂಡು ದೇವರ ನಾಮ ಹಾಡಿದ್ದು ತಪ್ಪು ಅಂತಾ ಕೆಲವರು ಸಾಮಾಜಿಕ ಜಾಲತಾಣದಲ್ಲಿ ಬೊಬ್ಬೆ ಹಾಕಿದ್ರು.. ಅದೆಲ್ಲವನ್ನು ಆ ಬಾಲೆ ಸುಹಾನ ಮೆಟ್ಟಿ ನಿಂತಳು.

ನಿನ್ನೆ  ಡಾ ರಾಜ್‍ಕುಮಾರ್ ಅವರ 88ನೇ ವರ್ಷದ ಹುಟ್ಟುಹಬ್ಬದ ಪ್ರಯುಕ್ತ ಎಲ್ಲಾ ಸ್ಪರ್ಧಿಗಳು ಡಾ. ರಾಜ್ ಕುಮಾರ್ ಅವರ ಹಾಡುಗಳನ್ನೇ ಹಾಡಿದ್ರು. ಅದರಲ್ಲಿ ಮಲೆನಾಡಿನ ಬೆಡಗಿ ಸುಹಾನ ಸೈಯ್ಯದ್, ಅಲ್ಲಾ.. ಅಲ್ಲಾ .. ನೀನೇ ಎಲ್ಲ.. ನಿನ್ನನ್ನು ಬಿಟ್ಟರೆ ಗತಿಯಾರಿಲ್ಲ.. ಅನ್ನೋ ಸಾಂಗ್ ಹಾಡುವ ಮೂಲಕ ಎಲ್ಲರನ್ನು ನಿಬ್ಬೆರಗಾಗಿಸಿದ್ದಾರೆ. ಅಲ್ಲಾನ  ಸಾಂಗ್ ಹಾಡಿದ್ರಿಂದ ಸಾಮಾಜಿಕ ಜಾಲತಾಣದ ಕೋಪಿಗಳ ಕೋಪ ತಣಿಯಿತೇ ಅನ್ನೋದಷ್ಟೆ ಗೀತಪ್ರಿಯರ ಪ್ರಶ್ನೆ.. ಸಂಗೀತವನ್ನು ಸಂಗೀತವನ್ನಾಗಿ ಮಾತ್ರವೇ ನೋಡಿ.. ಕೇಳಿ ಅನ್ನೋದು ciniadda.com ಕಳಕಳಿ .

ಮಜಾ ಟಾಕೀಸ್ .. ಈಗ ಹೊಸ ಟಾಕೀಸ್.

ಯಾವುದೇ ಸೂಪರ್ ಹಿಟ್ ರಿಯಾಲಿಟೀ ಶೋ ಅನ್ನು ಕನ್ನಡಕ್ಕೆ ತಂದು ಗೆಲ್ಲುವುದು ಸುಲಭದ ಮಾತಲ್ಲ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ, ಲೋಕೇಶ್ ಪ್ರೋಡಕ್ಷನ್ಸ್ ಮೂಲಕ ಸೃಜನ್ ಲೋಕೇಶ್ “ಮಜಾ ಟಾಕೀಸ್” ಕಾರ್ಯಕ್ರಮವನ್ನು ನೀಡಿ ಗೆದ್ದು ತೋರಿಸಿದ್ದಾರೆ. ಅಪರ್ಣ, ಮನೋಹರ್ ಹಾಗೂ ಇಂದ್ರಜೀತ್ ಅಂತಹ ಗಂಭೀರ ವ್ಯಕ್ತಿಗಳನ್ನು ಹಾಸ್ಯಮಯ ಪಾತ್ರಗಳಲ್ಲಿ ಯಶಸ್ವಿಯಾಗಿ ಬಿಂಬಿಸಿದ್ದಾರೆ. ಶ್ವೇತಾ, ದಯಾನಂದ್, ಪವನ್, ವಂದನ  ಹಾಗೂ ರೇಮೋ ಅವರನ್ನೊಳಗೊಂಡ “ಮಜಾ ಟಾಕೀಸ್” ಒಂದು ಅಪರೂಪದ ತಂಡ. ಮಂಡ್ಯ ರಮೇಶ್ ಮತ್ತು ಕುರಿ ಪ್ರತಾಪ್ ಸೇರಿಕೊಂಡ ಮೇಲಂತೂ ಪ್ರೇಕ್ಷಕರಿಗೆ ಡಬ್ಬಲ್ ಬೋನಸ್. ಇತ್ತೀಚಿನ ಸೇರ್ಪಡೆ ನವೀನ್ ಪಡೀಲ್ ಕೂಡ ಅಸಾಮಾನ್ಯ ಪ್ರತಿಭೆ.

DSC_0486

ಮೊದಮೊದಲು ಮಿಶ್ರ ಪ್ರತಿಕ್ರಿಯೆಗಳನ್ನು ಎದುರಿಸಿದ ಮಜಾಟಾಕೀಸ್, ನಂತರದ ದಿನಗಳಲ್ಲಿ  ನಂಬರ್ ಒನ್ ರಿಯಾಲಿಟಿ ಶೋ ಆಗಿ ನಿಂತದ್ದು ಮಾತ್ರ ಪ್ರಶಂಸನೀಯ.

ಕಿರುತೆರೆಯಲ್ಲಿ ಎಂದಿಗೂ ಕಾಮಿಡಿ ಮಾಡದ ಚಿತ್ರರಂಗದ ಅತಿರಥ-ಮಹಾರಥರು ಮಜಾಟಾಕೀಸಿಗೆ ಬಂದು ಮಜಾ ಮಾಡಿ ಹೋಗಿದ್ದಾರೆ.

mt ciniadda

25ನೇ ಎಪಿಸೋಡಿನಲ್ಲಿ ಸುದೀಪ್, 50ನೇ ಎಪಿಸೋಡಿನಲ್ಲಿ ದರ್ಶನ್, 75ನೇ ಎಪಿಸೋಡಿನಲ್ಲಿ ಅರ್ಜುನ್ ಸರ್ಜಾ ಹಾಗೂ ಸೆಂಚುರಿ ಎಪಿಸೋಡಿನಲ್ಲಿ ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಅವರನ್ನು ಕರೆತಂದು ಪ್ರೇಕ್ಷಕರಿಗೆ ಮನೋರಂಜನೆ ನೀಡಿದ ಹೆಗ್ಗಳಿಕೆ ಸೃಜನ್ ಅವರದು. ಅರಳು ಹುರಿದಂತೆ ಪಟಪಟನೆ ಮಾತನಾಡುವ ಲೋಕೇಶ್, ಎಣ್ಣೆ ಸಿಡಿದಂತೆ ಚಿಟಚಿಟನೆ ನಗುವ ಲಂಕೇಶ್ ಜೋಡಿ ಇಂದು ಕರ್ನಾಟಕದಲ್ಲಿ ಮಾತ್ರವಲ್ಲ ವಿಶ್ವದಾದ್ಯಂತ ಖ್ಯಾತಿ ಪಡೆದ ಜೋಡಿಯಾಗಿದೆ. ಪ್ರಪಂಚದ ನಾನಾ ದೇಶದಲ್ಲಿ ಬದುಕು ಕಂಡುಕೊಂಡಿರುವ ಕನ್ನಡಿಗರು ತಮ್ಮ ತವರಿಗೆ ಬಂದಾಗ ಮಜಾಟಾಕೀಸ್ ಕಾರ್ಯಕ್ರಮಕ್ಕೂ ಭೇಟಿ ಕೊಡುವುದು ಅವರ ಪ್ರಮುಖ ಆದ್ಯತೆ ಆಗಿರುತ್ತದೆ ಎನ್ನುವುದು ಕಲರ್ಸ್ ಕನ್ನಡ ವಾಹಿನಿಗೆ ಒಂದು ಹಿರಿಮೆಯೇ ಸರಿ.

Desktop19

ನೂರರ ನಂತರ ನೂರೈವತ್ತು ಎಪಿಸೋಡ್ ಗಳನ್ನು ಮಿಂಚಿಸಿ ಕಿರುತೆರೆಯಲ್ಲಿ ಹೊಸ ದಾಖಲೆಯನ್ನು ಸೃಷ್ಟಿಸಿ ಮುನ್ನಡೆಯುತ್ತಿರುವ ಮಜಾಟಾಕೀಸ್ ಮನೆ ಈಗ ಸಂಪೂರ್ಣ ಹೊಸ ರೂಪ ಪಡೆದು ಹೊಸ ಮನೆಯಲ್ಲಿ ಕನ್ನಡದ ಪ್ರೇಕ್ಷಕರನ್ನು ರಂಜಿಸಲಿದೆ. ಹೊಸ ಮನೆಯ ಗೃಹಪ್ರವೇಶಕ್ಕೆ ಸೃಜನ್ ಲೋಕೇಶ್ ಅವರ ಆತ್ಮಿಯರಾದ ನಿರ್ದೇಶಕ ಯೋಗರಾಜ್ ಭಟ್ ಜೊತೆಯಲ್ಲಿ ನಭಾ ನಟೇಶ್, ಶುಭಾ ಪೂಂಜ, ಇಂದು-ಬಿಂದು ನಾಗರಾಜ್ ಮತ್ತು ಹಲವರು ಬರಲಿದ್ದಾರೆ.

ಎಂದಿನಂತೆ ಶನಿವಾರ ಮತ್ತು ಭಾನುವಾರ ರಾತ್ರಿ 8 ಗಂಟೆಗೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರೇಕ್ಷಕರಿಗೆ ಅದ್ಧೂರಿಯಾಗಿ ಸೆಟ್ಟೇರಿರುವ ಹೊಸ ಮಜಾಟಾಕೀಸ್ ನ ದರ್ಶನವಾಗಲಿದೆ.

Like Us, Follow Us !

120,916FansLike
1,826FollowersFollow
1,563FollowersFollow
3,414SubscribersSubscribe

Trending This Week