23 C
Bangalore, IN
Tuesday, March 26, 2019
Home ಸಿನಿಮಾ ನ್ಯೂಸ್ ಟಿವಿ ನ್ಯೂಸ್

ಟಿವಿ ನ್ಯೂಸ್

Get Latest Kannada TV News, News On Kannada TV Serials

ಬಿಗ್ ಬಾಸ್ ಗೆದ್ದ ಬಾಯಿ ಬುಡುಕ ಪ್ರಥಮ್ !?

ಬಿಗ್‍ಬಾಸ್, ಕನ್ನಡದ ಕಲರ್ಸ್ ವಾಹಿನಿಯಲ್ಲಿ ಕಿಚ್ಚ ಸುದೀಪ್ ನೇತೃತ್ವದಲ್ಲಿ ಮೂಡಿ ಬರುತ್ತಿರುವ ಬಿಗ್‍ಬಾಸ್ ಗ್ರಾಂಡ್ ಫಿನಾಲೆ ಇವತ್ತು.. ರಾತ್ರಿ 8 ಗಂಟೆಗೆ ಕಾರ್ಯಕ್ರಮ ಆರಂಭವಾಗ್ತಿದ್ದ ಹಾಗೆ ವಿನ್ನರ್ ಯಾರು ಅನ್ನೋ ಬಗ್ಗೆ ಸಾಕಷ್ಟು ಸಂದೇಶಗಳು ಹರಿದಾಡಿವೆ.. ನಿನ್ನೆಯಿಂದಲೂ ರೇಖಾ ಸುದೀಪ್ ಮೊದಲ ಸಿನಿಮಾದಲ್ಲಿ ಹೀರೋಯಿನ್ ಆಗಿದ್ದವರು ಹಾಗಾಗಿ ಅವರನ್ನೇ ಗೆಲ್ಲಿಸಲು ಮಾತುಕತೆ ನಡೆದಿದೆ ಅನ್ನೋ ಬಗ್ಗೆ ಮಾತುಗಳು ಕೇಳಿ ಬರ್ತಿತ್ತು.. ಆದ್ರೆ ಭಾನುವಾರ ರಾತ್ರಿ 8 ಗಂಟೆಗೆ ಕಾರ್ಯಕ್ರಮ ಆರಂಭವಾಗ್ತಿದ್ದ ಹಾಗೆ ರೇಖಾ ಮೂರನೇ ಸ್ಥಾನ, ಕೀರ್ತಿ ಕುಮಾರ್‍ಗೆ 2ನೇ ಸ್ಥಾನ, ಮನೆಯಲ್ಲಿ ಎಲ್ಲರನ್ನು ಹಿಯ್ಯಾಳಿಸಿ, ಎಲ್ಲರಿಂದಲೂ ಕಡೆಗಣನೆಗೆ ಒಳಗಾಗಿದ್ದ  ಪ್ರಥಮ್‍ಗೆ ಮೊದಲನೇ ಸ್ಥಾನ ಲಭಿಸಿದೆ..

pratham images

ಪ್ರಥಮ್ ಬುದ್ಧಿ ಶಕ್ತಿ, ಜ್ಞಾಪಕಶಕ್ತಿ ಬಗ್ಗೆ ಯಾವುದೇ ಮಾತಿಲ್ಲ.. ಆದ್ರೆ ಪ್ರಥಮ್‍ಗೆ ಯಾವುದನ್ನು ವಿರೋಧಿಸಬೇಕು, ಯಾವುದನ್ನು ಖಂಡಿಸಬೇಕು ಅನ್ನೋ ಬಗ್ಗೆ ಯಾವುದೇ ಸ್ಪಷ್ಟತೆ ಇರಲಿಲ್ಲ.. ಕಡೆಯ 2 ವಾರಗಳಲ್ಲಿ ಸ್ವಲ್ಪ ಸುಧಾರಣೆ ಕಂಡಿದೆ… ಈ ಮಾತನ್ನ  ಸ್ವತಃ ಬಿಗ್ ಬಾಸ್ ವಿನ್ನರ್ ಆಫ್ 2016 ಪ್ರಥಮ್ ಕೂಡ ಹೇಳಿದ್ದಾರೆ.. ಆದರೂ ಕರುನಾಡಿನ ಜನರು ಪ್ರಥಮ್ ಆಯ್ಕೆ ಮಾಡಿದ್ದಾರೆ ಅನ್ನೋ ಮೂಲಕ ಶಾಕ್ ನೀಡಲಾಗಿದೆ.. ಒಂದು ವೇಳೆ ಪ್ರಥಮ್ ಆಯ್ಕೆಯೇ ಅಂತಿಮ ಆಗಿದ್ದರೆ, ಜನ ನಕಾರಾತ್ಮಕ ವಿಚಾರಗಳನ್ನು ಮನರಂಜನೆಗಾಗಿ ಅಪ್ಪಿಕೊಳ್ಳುತ್ತಿದ್ದಾರೆ ಎಂದರ್ಥ..

pratham 2

ಟಿವಿಗಳಲ್ಲಿ ಗಂಡ ಹೆಂಡ್ತಿ ಜಗಳ, ಸೆಕ್ಸ್ ಸುದ್ದಿಗಳು, ಅತ್ಯಾಚಾರದ ವಿಚಾರಗಳು ಹೆಚ್ಚೆಚ್ಚು ಪ್ರಸಾರ ಆಗಲು ಇದೇ ಕಾರಣ.. ಜನರು ನಕಾರಾತ್ಮಕ ವಿಚಾರಗಳಿಗೆ ಕಿವಿ ಕೊಡುವಷ್ಟು ಉತ್ತಮ ಸಕಾರಾತ್ಮಕ ವಿಚಾರಗಳಿಗೆ ತಲೆ ಕೆಡಿಸಿಕೊಳ್ಳುವುದಿಲ್ಲ ಅನ್ನೋದು ಬಿಗ್‍ಬಾಸ್ ಮೂಲಕವೂ ಮತ್ತೆ ಸಾಬೀತಾಯ್ತು. ಪ್ರಥಮ್ ಬಗ್ಗೆ ನಮಗೆ ಯಾವುದೇ ತಕರಾರು ಇಲ್ಲ.. ಆತನೇ ಹೇಳಿದಂತೆ ಬಿಗ್‍ಬಾಸ್ ಮನೆಯಿಂದ ಬರುವಾಗ ಯಾವುದೇ ಪ್ರತಿಭಟನೆ, ಖಂಡನೆ ಇರುವುದಿಲ್ಲ ಅಂತಾ ಸುದೀಪ್‍ಗೆ ವಾಗ್ದಾನ ಮಾಡಿರುವ ರೀತಿ ನಡೆದುಕೊಂಡರೆ.. (ನಮ್ಮ ವಿರುದ್ಧ ಪ್ರತಿಭಟಿಸಿದರೂ ಅಚ್ಚರಿಯಿಲ್ಲ)

ಬಿಗ್‍ಬಾಸ್ ಫೈನಲ್‍ನಲ್ಲಿ ಸುದೀಪ್ ಭಾವನಾತ್ಮಕ ದೃಶ್ಯಗಳ ಸಂಗ್ರಹ ತೋರಿಸಿ, ಆ ವೀಡಿಯೋ ಬಗ್ಗೆ ಎಲ್ಲಾ ಸ್ಪರ್ಧಿಗಳನ್ನು ಕೇಳುತ್ತಾರೆ.. ಆ ವೇಳೆ ನನಗೂ ಬಿಗ್‍ಬಾಸ್ ಮನೆ ಎಲ್ಲಾ ಭಾವನೆಗಳ ಬಗ್ಗೆ ತಿಳಿಸಿಕೊಟ್ಟಿದೆ ನಾನು ಇನ್ಮುಂದೆ ಹೀಗೆ ಇರಲ್ಲ ಎನ್ನುತ್ತಾರೆ.. ಆದರೆ ಜನ ಗೆಲ್ಲಿಸಿದ್ದು ಹೀಗೇ ಮುಂದುವರಿಯಲಿ ಅನ್ನೋದನ್ನು ಮರೆತುಬಿಟ್ಟರು.. ಏನೇ ಆಗಲಿ, ಜನ ನಕಾರಾತ್ಮಕವಾಗಿ ಇದ್ದಿದ್ದಕ್ಕೆ ವೋಟ್ ಮಾಡಿ ಗೆಲ್ಲಿಸಿದ್ದರೂ ಆತ ಮುಂದಿನ ಜೀವನದಲ್ಲಿ ಸಕಾರಾತ್ಮವಾಗಿ ಬದಲಾಗಲಿ.. ಕಲರ್ಸ್ ಕನ್ನಡದಲ್ಲಿ ವಿನ್ನರ್ ಘೋಷಣೆಯಾಗಲು ಇನ್ನೂ 3 ಗಂಟೆಗಳು ಬೇಕು.. ಆದರೆ ciniadda.com ತನ್ನ  ಸುದ್ದಿಮೂಲಗಳಿಂದ  ವಿನ್ನರ್ ಘೋಷಣೆಯನ್ನು ಪಕ್ಕಾ ಮಾಡಿಕೊಂಡಿದೆ..

-ಸರ್ವಸಮರ್ಥ, ನಾಗಮಂಗಲ

“ಬಿಗ್ ಬಾಸ್”ಪ್ರಥಮ್ ಪಡೆದ ವೋಟ್ ಇಷ್ಟು .

ಒಂದು ಕಡೆ ಯಾವೋನಪ್ಪ ಇವ್ನು ? ಎಲ್ಲಿಂದ್ ಎಳ್ಕೊಂಡ್ ಬಂದ್ರಪ್ಪ ಈ ಹುಚ್ಚನನ್ನ ? ಆ ವೆಂಕಟ್ ಎಷ್ಟೋ ಪಾಲು ವಾಸಿ ಅನ್ನುವ ಮಾತುಗಳು ಕೇಳ್ತಿದ್ರೆ ಮತ್ತೊಂದು ಕಡೆಯಲ್ಲಿ ಅದ್ರಲ್ಲೂ ಸಾಮಾಜಿಕ ಜಾಲತಾಣದಲ್ಲಿ ಪ್ರಥಮ್ ಫಸ್ಟ್ ಕ್ಲಾಸ್ ಕಣ್ರೀ. ಇದ್ದಿದ್ ಇದ್ದಂಗೆ ಮುಖಕ್ಕೆ ಹೊಡ್ದನ್ಗೆ ಹೇಳ್ತಾನೆ. ಬಣ್ಣ ಕಳಚಿ ಹಾಕ್ತಾನೆ. ಪ್ರಥಮ್ ಈಸ್ ಅವರ್ ಫೇವರೆಟ್ ಅಂತ ಮುಗಿಬಿದ್ದು ಎಸ್ ಎಂ ಎಸ್ ಮೂಲಕ ಮತ ಹಾಕಿದ್ದಾರೆ.  ಸರಿನೋ ತಪ್ಪೋ..ನ್ಯಾಯವೋ ಅನ್ಯಾಯವೋ.. ಫಲಿತಾಂಶವಂತೂ ಹೊರಬಿದ್ದಿದೆ. ಪ್ರಥಮ್ ಗೆದ್ದಾಗಿದೆ. ಬಿಗ್ ಬಾಸ್ ನ ನಾಲ್ಕನೇ ಅವತರಣಿಕೆಯ ಟ್ರೋಫಿ ಪಡೆದಿದ್ದಾನೆ  ಪ್ರಥಮ್. ಯಾರ್ಯಾರಿಗೆ ಎಷ್ಟೆಷ್ಟು ವೋಟ್ ಬಂದಿರಬಹುದು ಎನ್ನುವ ಕುತೂಹಲಕ್ಕೆ ciniadda.comಗೆ ಲಭ್ಯವಾದ ಮಾಹಿತಿ ಇಲ್ಲಿದೆ .
ಗ್ರಾಂಡ್ ಫಿನಾಲೆಗೆ ಬಂದವರು ಗಳಿಸಿದ ಮತವೆಷ್ಟು ?

BigBossKannada4-TopContenstant-VoteShareಪ್ರಥಮ್ : 986018

ಕೀರ್ತಿ : 601742
ರೇಖಾ : 252907
ಮೋಹನ್ : 30107
ಮಾಳವಿಕಾ : 5890
bigboss finale 2
ಜನರು  ಮೆಸೇಜ್ ಮೂಲಕ ಬಿಗ್ ಬಾಸ್ ಕಂಟೆಸ್ಟಂಟ್ಸ್ ಗೆ ನೀಡಿದ ವೋಟುಗಳು ಇಷ್ಟು ..
ಒಟ್ಟು ವೋಟುಗಳು 1876664
ಕನಿಷ್ಟ ಒಂದು ಮೆಸೇಜ್ ಗೆ 3 ರೂಪಾಯಿ ಅಂದ್ರೂ 56,29,992 ರೂಪಾಯಿಗಳನ್ನ ಕಲರ್ಸ್ ವಾಹಿನಿಗೆ ನೀಡಿದ್ದಾರೆ.. ಅದರ ಪೈಕಿ  ಪ್ರಥಮ್ ಗೆ 50 ಲಕ್ಷ. ಟ್ಯಾಕ್ಸ್ ಕಳೆದು ಸಿಗೋದು ಹೆಚ್ಚು ಕಡಿಮೆ ಮೂವತ್ತೈದು ಲಕ್ಷ.

ಕಿಚ್ಚ ಸುದೀಪ್ ಕಿರುತೆರೆಯ “ವಾರಸ್ದಾರ”?!

ಬೆಳ್ಳಿತೆರೆಯ ಬಾಂಡ್ ಕಿಚ್ಚ ಸುದೀಪ್ ಇದಾಗಲೇ ಕಿರುತೆರೆಯ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಭರ್ಜರಿ ಯಶಸ್ಸು ಗಳಿಸಿದ್ದಾರೆ. ಅಭಿಮಾನಿಗಳ ದಂಡು ದಿನದಿಂದ ದಿನಕ್ಕೆ ಬೆಳೆಯುತ್ತಲೇ ಇದೆ. ಬಿಗ್ ಬಾಸ್ ನಲ್ಲಿ ಸುದೀಪ್ ಬರ್ತಾರೆ ಅನ್ನೋ ಕಾರಣಕ್ಕೇ ಟಿವಿಗೆ ಕಣ್ಣು ನೆಡೋ ಕೋಟ್ಯಂತರ ವೀಕ್ಷಕರಿದ್ದಾರೆ. ಈಗ ಕಿರುತೆರೆಯಲ್ಲಿ ಮತ್ತೊಂದು ದಾಖಲೆ ಬರೆಯಲು ಹೊರಟಿದ್ದಾರೆ ಸೂಪರ್ ಸುದೀಪ್ !! ಅದು ಜೀ  ಕನ್ನಡ ವಾಹಿನಿಯ  “ವಾರಸ್ದಾರ” ಧಾರಾವಾಹಿಯ ನಿರ್ಮಾಣದ ಮೂಲಕ.

0d7a9979

“ವಾರಸ್ದಾರ” ಬರುವುದು ಯಾವಾಗ ?

05

“ವಾರಸ್ದಾರ” ಇದೇ ಡಿಸೆಂಬರ್ 19ರಿಂದ ಪ್ರತಿ ಸೋಮವಾರದಿಂದ ಶುಕ್ರವಾರದವರೆಗೆ ಪ್ರತಿ ರಾತ್ರಿ 7.30ಕ್ಕೆ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ .

“ವಾರಸ್ದಾರ” ವಿಶೇಷ 

ಇದು ಕಿರುತೆರೆ ಧಾರಾವಾಹಿಯೇ ಆದರೂ ಬಹುತೇಕರು ಸಿನಿಮಾ ಕಲಾವಿದರು , ಹಾಗು ಸಿನಿಮಾ  ತಂತ್ರಜ್ಞರು. ಸುದೀಪ್ ಮೇಲಿನ ಅಭಿಮಾನದಿಂದ ಸಿನಿಮಾ ಮಂದಿ “ವಾರಸ್ದಾರ” ದಲ್ಲಿ ಭಾಗವಹಿಸಿದ್ದಾರೆ . ಒಂದು ಸಿನಿಮಾ ರೀತಿಯಲ್ಲೇ ನಿರ್ಮಾಣವಾಗುತ್ತಿರುವ “ವಾರಸ್ದಾರ” ಹಲವು ಪ್ರಥಮಗಳಿಗೆ ಕಾರಣವಾಗಲಿದೆ .

ನಟಿ ಯಜ್ಞಾ ಶೆಟ್ಟಿ ಮೊದಲ ಬಾರಿಗೆ ಧಾರಾವಾಹಿಯಲ್ಲಿ ಅಭಿನಯಿಸುತ್ತಿದ್ದಾರೆ. ನಟ ರವಿಚೇತನ್ , ವೀಣಾ ಪೊನ್ನಪ್ಪ, ರಮೇಶ್ ಪಂಡಿತ್, ವೀಣಾ ವೆಂಕಟೇಶ್, ರಾಮ್ ಸೇರಿದಂತೆ ಹಲವಾರು ಕಲಾವಿದರ ಸಂಗಮದಲ್ಲಿ ತೆರೆಗೆ ಬರುತ್ತಿದೆ “ವಾರಸ್ದಾರ”. ದ್ಯಾವ್ರೆ ,ಪ್ಲಸ್ ಥರಹದ ವಿಭಿನ್ನ ಚಿತ್ರಗಳನ್ನು ನಿರ್ದೇಶಿಸಿದ ಗಡ್ಡ ವಿಜಿ ಈ ಧಾರಾವಾಹಿಯ ಸಾರಥ್ಯ ವಹಿಸಿಕೊಂಡಿದ್ದಾರೆ. ಡ್ರಾಮಾ ಜೂನಿಯರ್ಸ್ ಮೂಲಕ ನೋಡುಗರ ಮುದ್ದಿನ ಚಿನಕುರಳಿಯಾಗಿದ್ದ 5 ವರ್ಷದ  ಚಿತ್ತಾಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾಳೆ. ಸ್ವತಃ ಸುದೀಪ್ ಚಿತ್ತಾಲಿಯ ಅಭಿನಯಕ್ಕೆ ಮಾರು ಹೋಗಿ ಲೀಡ್ ರೋಲ್ಗೆ ಕರೆತಂದಿದ್ದಾರೆ . 

0d7a0013

ಕಥೆ 

ಶಿವಪುರ ಎಂಬ ಗ್ರಾಮದಲ್ಲಿ ನಡೆಯುವ ಕಥೆಯಿದು. ಆ ಗ್ರಾಮದ ಆಡಳಿತದ ಚುಕ್ಕಾಣಿಯನ್ನು “ವಾರಸ್ದಾರ” ಕುಟುಂಬ ಹಿಂದಿನಿಂದಲೂ ವಹಿಸಿಕೊಂಡು ಬಂದಿರುತ್ತದೆ . ಕುಟುಂಬದ ಸೊಸೆ ಹೆಣ್ಣು ಮಗುವಿಗೆ ಜನ್ಮ ನೀಡಿರುವುದು  ಸದಸ್ಯರ ಅಸಮಾಧಾನಕ್ಕೆ ಕಾರಣವಾಗಿರುತ್ತದೆ. ಅಲ್ಲದೆ ದುರುಳ ವ್ಯಕ್ತಿಯೊಬ್ಬ  “ವಾರಸ್ದಾರ”ಪೀಠ ಅಲಂಕರಿಸುವುದಕ್ಕೆ ಕಾರಣವಾಗಿರುತ್ತದೆ. ಅದನ್ನು ತಪ್ಪಿಸಲು ಅಮ್ಮ ಒಂದು ಸುಳ್ಳು ಹೇಳುತ್ತಾಳೆ. ಆ ಸುಳ್ಳಿನ ಸುತ್ತ ನಡೆಯುವ ಕಥಾ ಹಂದರವೇ   “ವಾರಸ್ದಾರ” ತಿರುಳು.

ಈ ಕಥೆಗೆ ಸೂಕ್ತವಾದ ಲೊಕೇಶನ್ ಹುಡುಕಾಟದಲ್ಲಿದ್ದ ತಂಡಕ್ಕೆ ಚಿಕ್ಕಮಗಳೂರು ಸಮೀಪದ ಬೇಗೂರು ಎಂಬ ಕುಗ್ರಾಮ ಸಿಕ್ಕಿದೆ. ಯಾವುದೇ ಫೋನ್ ಸಂಪರ್ಕ ಕೂಡ ಇಲ್ಲದ ಗ್ರಾಮ ಬೇಗೂರಿನಲ್ಲಿ ತಂಡ ಬೀಡು ಬಿಟ್ಟಿದೆ. ಬಹುತೇಕ ಚಿತ್ರಣ ಇಲ್ಲಿಯೇ  ನಡೆಯುತ್ತಿದೆ.

ಈಗಾಗಲೇ ಡ್ರಾಮಾ ಜೂನಿಯರ್ಸ್ , ಕಾಮಿಡಿ ಕಿಲಾಡಿಗಳಂತ ಕಾರ್ಯಕ್ರಮದ ಮೂಲಕ ವೀಕ್ಷಕರನ್ನು ಮೆಚ್ಚಿಸಿರುವ ಜೀ ಕನ್ನಡ ವಾಹಿನಿಯ ಈ ಹೊಸ  ಧಾರಾವಾಹಿ ಮತ್ತಷ್ಟು ನೋಡುಗರನ್ನು ಸೆಳೆಯುವ ಸಾಧ್ಯತೆ ಹೆಚ್ಚಿದೆ.

0302

ಸುದೀಪ್ ಸಾಮಾನ್ಯವಾಗಿ ಸುಲಭಕ್ಕೆ ಯಾವುದನ್ನೂ ಒಪ್ಪದ ಶ್ರದ್ಧಾವಂತ ,ಬುದ್ಧಿವಂತ  ಕಲಾವಿದ.  ಹಾಲಿವುಡ್ ಅಂಗಳಕ್ಕೆ ಹಾರಿದರೂ ಮಿಂಚುವಂಥಾ ಪ್ರತಿಭೆ ಅವರದ್ದು .ಅವರ  ಹೊಸ ಪ್ರಯತ್ನದ “ವಾರಸ್ದಾರ” ವಿಶಿಷ್ಟವಾಗಿ, ವಿಭಿನ್ನವಾಗಿ ಪ್ರೇಕ್ಷರನ್ನು ತಲುಪಲಿ . ಮನೆ ಮನೆಯ ಮಾತಾಗಲಿ “ವಾರಸ್ದಾರ”.

ಚಂದನ್ ಶೆಟ್ಟಿ ಬಿಗ್ ಬಾಸ್ ವಿನ್ನರ್!

ಬಿಗ್ ಬಾಸ್ ಕನ್ನಡ ಸೀಸನ್ ಐದರ ವಿಜೇತರಾಗಿ ಕನ್ನಡ ರಾಪರ್ ಚಂದನ್ ಶೆಟ್ಟಿ ಹೊರಹೊಮ್ಮಿದ್ದಾರೆ. ಮಾರುಕಟ್ಟೆಯ ತಂತ್ರಗಾರಿಕೆಯನ್ನು ಪಕ್ಕಕ್ಕಿಟ್ಟು ಈ ಬಾರಿ ಜನರ ನಿರೀಕ್ಷೆಯಂತೆ ವಿನ್ನರ್ ಘೋಷಣೆಯಾಗಿರೋದು ಪ್ರೇಕ್ಷಕರಿಗೆ ಸಂತಸದ ವಿಚಾರ. ಬಿಗ್ ಬಾಸ್ ಎಂದರೆ ಜನರ ನಿರೀಕ್ಷೆಗೆ ವಿರುದ್ಧವಾಗಿ ವಿನ್ನರ್ ಆಯ್ಕೆ ಮಾಡಿ ನೆಗೆಟಿವ್ ಪಬ್ಲಿಸಿಟಿ ಪಡೆಯುವ ಕಾರ್ಯಕ್ರಮ ಎಂಬ ಮಾತನ್ನು ಈ ಬಾರಿ ಸುಳ್ಳು ಮಾಡಲಾಗಿದೆ.

ಮೊದಲ ಆವೃತ್ತಿ ಹೊರತಾಗಿ ನಂತರದ ಮೂರು ಆವೃತ್ತಿಗಳ ವಿಜೇತರ ಬಗ್ಗೆ ಈಗಲೂ ಜನ ಅಸಮಧಾನ ವ್ಯಕ್ತಪಡಿಸಿದರೂ ಮಾತನಾಡುತ್ತಲೇ ಇದ್ದಾರೆ. ಅದೇ ನೆಗೆಟಿವ್ ಪಬ್ಲಿಸಿಟಿಯ ಶಕ್ತಿ. ಕಳೆದ ಮೂರು ಆವೃತ್ತಿಗಳಲ್ಲಿನ ಈ ತಂತ್ರಗಾರಿಕೆಯನ್ನು ಬದಿಗಿಟ್ಟು ಈ ಬಾರಿ ಜನರ ಅಪೇಕ್ಷೆಯಂತೆ ಚಂದನ್ ಶೆಟ್ಟಿ ಅವರನ್ನು ಗೆಲ್ಲಿಸಿರೋದು ನಿಜಕ್ಕೂ ಪ್ರೇಕ್ಷಕರಿಗೆ ನೆಮ್ಮದಿ ತಂದಿದೆ. ಚಂದನ್ ಶೆಟ್ಟಿ ಗೆಲುವಿನ ಹಿಂದೆ ಆತನ ಪರಿಶ್ರಮ ಹಾಗೂ ಆತ ಜನರಿಗೆ ನೀಡಿದ ಮನರಂಜನೆಯ ಫಲವಿರುವುದರಲ್ಲಿ ಎರಡು ಮಾತಿಲ್ಲ. ಆದರೆ ಈ ಬಾರಿ ಆತನನ್ನು ಹೊರತಾಗಿ ಉಳಿದರನ್ನು ಆಯ್ಕೆ ಮಾಡಲು ಸಮರ್ಥ ಕಾರಣಗಳೇ ಇರಲಿಲ್ಲ.

ಕಳೆದ ಮೂರು ಆವೃತ್ತಿಗಳಲ್ಲಿ ಪ್ರೇಕ್ಷಕರ ನಿರಾಸೆ, ಬಿಗ್ ಬಾಸ್ ಕಾರ್ಯಕ್ರಮದ ಪ್ರಸಾರ ವಾಹಿನಿ ಬದಲಾಗಿರುವುದು, ಬೇರೆ ವಾಹಿನಿಗಳ ಧಾರವಾಹಿ ಹಾಗೂ ರಿಯಾಲಿಟಿ ಶೋಗಳ ಜನಪ್ರಿಯತೆ ನಡುವೆ ಈ ಬಾರಿಯ ಬಿಗ್ ಬಾಸ್ ಆವೃತ್ತಿ ಕಳೆದ ಆವೃತ್ತಿಗಳಿಗಿಂತ ಕೊಂಚ ಹಿಂದುಳಿದಿದ್ದನ್ನು ಒಪ್ಪಿಕೊಳ್ಳಲೇಬೇಕು. ಈ ಎಲ್ಲ ಕಾರಣಗಳ ಮಧ್ಯೆ ಈ ಬಾರಿಯ ಬಿಗ್ ಬಾಸ್ ಪ್ರೇಕ್ಷಕರ ಬಾಯಲ್ಲಿ ಹೆಚ್ಚು ಚರ್ಚೆಯಾಗಲು ಕಾರಣ, ಚಂದನ್ ಶೆಟ್ಟಿ. ಆತನ ಸಂಗೀತದ ಮೇಲಿನ ಪ್ರೇಮ ಹಾಗೂ ಪ್ರತಿಭೆಯನ್ನು ಕನ್ನಡಿಗರು ಮನಪೂರ್ವಕವಾಗಿ ಒಪ್ಪಿಕೊಂಡರು. ಒಂದು ವೇಳೆ ಈ ಬಾರಿಯ ಬಿಗ್ ಬಾಸ್ ಅನ್ನು ಚಂದನ್ ಶೆಟ್ಟಿ ಹೊರತಾಗಿ ನೋಡಲು ಪ್ರೇಕ್ಷಕರಿಗೆ ನಿಜಕ್ಕೂ ಅಸಾಧ್ಯ.

ಬಿಗ್ ಬಾಸ್ ಮನೆಯೊಳಗೆ ಕಾಲಿಟ್ಟ ಅಥಿತಿಗಳಾಗಲಿ, ಸ್ಪರ್ಧಿಗಳ ಕುಟುಂಬಸ್ಥರಾಗಲಿ, ಹೊರಗಿರುವ ಪ್ರೇಕ್ಷಕರಾಗಲಿ ಅಂತಿಮ ಸುತ್ತಿಗೆ ಆಯ್ಕೆ ಮಾಡಲು ತೆಗೆದುಕೊಳ್ಳುತ್ತಿದ್ದ ಮೊದಲ ಹೆಸರೇ ಚಂದನ್ ಶೆಟ್ಟಿ. ವಾರದ ದಿನಗಳಲ್ಲಿ ಚಂದನ್ ಶೆಟ್ಟಿಗಾಗಿ ಹಾಗೂ ವಾರಾಂತ್ಯದಲ್ಲಿ ಸುದೀಪ್ ಅವರನ್ನು ನೋಡಲು ಹೆಚ್ಚಿನ ಪ್ರೇಕ್ಷಕ ವರ್ಗ ಬಿಗ್ ಬಾಸ್ ಕಾರ್ಯಕ್ರಮವನ್ನು ಆಯ್ಕೆ ಮಾಡಿಕೊಂಡಿತ್ತು. ಆ ಮಟ್ಟಿಗೆ ಚಂದನ್ ಜನರನ್ನು ರಂಜಿಸಿದ್ದ. ತನ್ನ ತಾಳ್ಮೆ, ಸಮಯ ಪ್ರಜ್ಞೆ, ಟಾಸ್ಕ್ ಮಾಡುತ್ತಿದ್ದ ರೀತಿಗೆ ಬೇರೆ ಸ್ಪರ್ಧಿಗಳು ಸಮರ್ಥ ಪೈಪೋಟಿ ನೀಡುತ್ತಿರಲಿಲ್ಲ. ಜಗಳದಿಂದ ಸದ್ದು ಮಾಡುವ ಬದಲು ತನ್ನ ಪ್ರತಿಭೆಯಿಂದಲೇ ಜನರನ್ನು ರಂಜಿಸಿದರು. ಈ ಎಲ್ಲ ಕಾರಣದಿಂದ ಚಂದನ್ ಶೆಟ್ಟಿ ಗೆದ್ದಿದ್ದು, ಈತನ ಗೆಲುವಿನಿಂದ ಪ್ರೇಕ್ಷಕರ ಸಮೂಹ ಸಂತೋಷಗೊಂಡಿರುವುದು ಫೇಸ್ ಬುಕ್ ವಾಲ್ ಗಳಲ್ಲಿ ವಾಟ್ಸಪ್ ಸ್ಟೇಟಸ್ ಗಳಲ್ಲಿ ಗೊತ್ತಾಗುತ್ತಿವೆ.

ಚಂದನ್ ಜತೆಗೆ ಸಾಮಾನ್ಯ ವ್ಯಕ್ತಿ ವಿಭಾಗದಿಂದ ಪ್ರವೇಶ ಪಡೆದಿದ್ದ ದಿವಾಕರ್ ರನ್ನರ್ ಅಪ್ ಆದರೆ, ಜಯರಾಂ ಕಾರ್ತಿಕ್ ಮೂರನೇ ಸ್ಥಾನ ಪಡೆದಿದ್ದಾರೆ.

“ಬಿಗ್ ಬಾಸ್” ನಲ್ಲಿ ಕೊನೆಗೂ ಗೆಲ್ಲಲಿಲ್ಲ ರೇಖಾ ಒಳ್ಳೆತನ

ಬಿಗ್ ಬಾಸ್ ಸೀಸನ್ 4 ಗ್ರಾಂಡ್ ಫೈನಲ್ನಲ್ಲಿ ಕಡೆಯ ಹಂತದವರೆಗೂ ಬಂದ ಉಳಿದ ಮೂವರಲ್ಲಿ ಮನೆಯನ್ನು ಗೆದ್ದ ಮೃದು ಮನಸ್ಸಿನ ಹೆಣ್ಣುಮಗಳು ರೇಖಾ ಮನೆಯಿಂದ ಹೊರಬಂದಿರುವ ಸುದ್ದಿ ಬಂದಿದೆ.

ಎಂಥದ್ದೇ ಸಂದರ್ಭದಲ್ಲೂ ತಾಳ್ಮೆ ಕಳೆದುಕೊಳ್ಳದ ರೇಖಾ ಹೊರಬಿದ್ದದ್ದು ವಿಪರ್ಯಾಸವಾಗಿದ್ದರೂ ಬರಿಯ  ಒಳ್ಳೆಯತನ ಇಂಥಾ ಕಡೆ ಕೆಲಸ ಮಾಡುವುದಿಲ್ಲವೆಂಬುದು ಮತ್ತೊಮ್ಮೆ ಸಾಬೀತಾದಂತಾಗಿದೆ.

ದಾರಿ ಯಾವುದಾದರೇನು ಗೆಲ್ಲುವುದೇ ಗುರಿ ಅಂತ ಭಾವಿಸದೆ ಸಂಯಮದಿಂದ ಆಟವಾಡಿದ್ದು ರೇಖಾ ಮಾತ್ರ. ಒಮ್ಮೆಮ್ಮೆ ಸ್ವಲ್ಪ ಸೋಬರ್ ಅನ್ನಿಸಿದರೂ ಆಕೆಯ ಸ್ಥಿತ ಪ್ರಜ್ಞತೆಯನ್ನು ಮೆಚ್ಚಲೇಬೇಕು.

ಮೋಸದ ಮನಃ ಸ್ಥಿತಿ, ಅತಿ ಲೆಕ್ಕಾಚಾರ, ಕಿರಿಕಿರಿ ಎನ್ನಿಸುವಂತಹ ನಡವಳಿಕೆ  ಇಲ್ಲದೆಯೂ ಗ್ರಾಂಡ್ ಫಿನಾಲೆಯವರೆಗೂ ಬಂದಿದ್ದು ರೇಖಾ ಸಾಧನೆಯೇ ಸರಿ. ಇನ್ನಷ್ಟು ಗೆಲುವಾಗಿ ಆಡಿದ್ದರೆ ಬಹುಷಃ ರೇಖಾ ಬಿಗ್ ಬಾಸ್ ಒಡತಿ ಆಗುತ್ತಿದ್ದರೇನೋ ಅಂತ ಅವರ ಅಭಿಮಾನಿಗಳಿಗೆ  ಅನ್ನಿಸಿದ್ದರೂ ಅಚ್ಚರಿಯಿಲ್ಲ.

 

ಬಿಗ್ ಬಾಸ್ ನಲ್ಲಿ ಈ ವಾರ ಯಾರ ಆಟಕ್ಕೆ ಬ್ರೇಕ್ ?

ತಂದೆಯ ಅನಾರೋಗ್ಯದಿಂದ ಬಿಗ್ ಮನೆಯಿಂದ ಹೊರ ಹೋಗಿದ್ದ ತೇಜಸ್ವಿನಿ ಮರಳಿ ಬಂದಿದ್ದಂತೂ ಆಗಿದೆ. ಹೋಗುವಾಗಲೇ ಮತ್ತೆ ಮನೆ ಸೇರಿ ಆಟ ಮುಂದುವರೆಸುವ ಇರಾದೆ ವ್ಯಕ್ತಪಡಿಸಿದ್ದ ತೇಜಸ್ವಿನಿ ಈ ವಾರ ನಾಮಿನೇಟ್ ಆಗಿದ್ದಾರೆ.

ಈ ವಾರ ನಾಮಿನೇಟ್ ಆಗಿರುವವರು ಸಮೀರ್ ಆಚಾರ್ಯ, ಜಯ ಶ್ರೀನಿವಾಸನ್,ನಿವೇದಿತಾ, ಜಗನ್ ,ಕಾರ್ತಿಕ್, ಅನುಪಮಾ, ಸಿಹಿಕಹಿ ಚಂದ್ರು ,ತೇಜಸ್ವಿನಿ .

ಸಿಹಿಕಹಿ ರುಚಿ ಚೆನ್ನಾಗೆ ಇರೋದ್ರಿಂದ ಔಟ್ ಆಗೋ ಸಾಧ್ಯತೆ ಇಲ್ಲವೇ ಇಲ್ಲ ಅನ್ನಬಹುದು. ಜಗನ್ -ಆಶಿತಾ ಮಧ್ಯೆ ಇರೋ ಕೆಮಿಸ್ಟ್ರಿ ಜಗನ್ ನ ಮನೆಯಲ್ಲಿ ಉಳಿಸೋ ಸಾಧ್ಯತೆ ಹೆಚ್ಚು. ನಿವೇದಿತಾ ಡಾಲ್ ಇಷ್ಟು ಬೇಗ ಛೆ ..ಛೆ..

ತೇಜಸ್ವಿನಿ ತಂದೆಗೆ ಹುಶಾರಿಲ್ಲ ಅಯ್ಯೋ ಪಾಪ ಅಂತ ಮನೆಯವರೆಲ್ಲ ಸಮಾಧಾನ ಮಾಡಿದ್ರೂ ಕೂಡ ಮೊದಲಿಂದಲೂ ಆಟದಲ್ಲಿ ಉತ್ಸಾಹ ತೋರಿರೋದು ಅಷ್ಟಕಷ್ಟೇ.

ಸಮೀರ್ ಈ ವಾರ ಉಗ್ರಾವತಾರ ತೋರಿದ್ದಾರೆ . ಜಯ ಮಾಮುಲಿನಂತೆ ಇದ್ದಾರೆ . ತೇಜು ,ಜಯ ,ಸಮೀರ್ ಇವರಲ್ಲಿ ಮನೆಯಿಂದ ಹೊರಹೋಗಲು ಪೈಪೋಟಿ ಅನ್ನಬಹುದು .

ಬಿಗ್‌ಬಾಸ್- 5 ನಿವೇದಿತಾ ಗೌಡ ಅಲಿಯಾಸ್ ಲಿನಿ ಬಗ್ಗೆ ನಿಮಗೆ ಗೊತ್ತಿರದ 18 ಸತ್ಯಗಳು

ನಿವೇಡಿಟಾ ಗೋಡ

ಹೀಗಂದರೆ ಸಾಕು ತಕ್ಷಣ ಬಿಗ್‌ಬಾಸ್ ಸ್ಪರ್ಧಿ ನಿವೇದಿತಾ ಗೌಡ ನೆನಪಾಗಲೇಬೇಕು. ಅಷ್ಟರ ಮಟ್ಟಿಗೆ ಈ ಹುಡುಗಿ ಫೇಮಸ್ಸು. ನೋಡಲು ಬಾರ್ಬಿ ಗೊಂಬೆಯಂತಿರುವ, ಇಂಗ್ಲಿಷ್ ಆಕ್ಸೆಂಟಿನಲ್ಲಿ ಕನ್ನಡ ಮಾತನಾಡುವ ನಿವೇದಿತಾ ಎಂದರೆ ಬಿಗ್‌ಬಾಸ್ ಸ್ಪರ್ಧಿಗಳಿಗಷ್ಟೇ ಅಲ್ಲ, ಬಿಗ್‌ಬಾಸ್ ವೀಕ್ಷಕರಿಗೂ ಖುಷಿಯೋ ಖುಷಿ. ಆಕೆ ಮಾತಾಡಿದರೆ ನಗುವಿನ ಹೊಳೆ ಹರಿಯುತ್ತದೆ. ಆಕೆ ನೋಡುಗರಿಗೆ ಎಷ್ಟು ಇಷ್ಟವಾಗಿದ್ದಾಳೆ ಎಂದರೆ ಪುಟ್ಟ ಮಕ್ಕಳು ಕೂಡ ಅಪ್ಪ, ಅಮ್ಮನಿಗೆ ಅವಳಿಗೆ ವೋಟ್ ಮಾಡಿ ಅಂತ ಹಠ ಮಾಡುತ್ತಿವೆ.

ಹೀಗಿರುವಾಗ ಈ ನಿವೇದಿತಾ ಯಾರು, ಅವಳು ಏನು ಮಾಡುತ್ತಿದ್ದಳು, ಆಕೆಯ ಸ್ವಭಾವ ಹೇಗೆ ಎಂಬಿತ್ಯಾದಿ ಪ್ರಶ್ನೆಗಳಿಗೆ ನಿವೇದಿತಾ ಗೌಡ ಅವರ ತಾಯಿ ಹೇಮಾ ರಮೇಶ್  ಉತ್ತರಿಸಿದ್ದಾರೆ.

ನಿಮಗೆ ಗೊತ್ತಿರದ ನಿವೇದಿತಾ ಗೌಡ ಬಗೆಗಿನ ಸತ್ಯಗಳು !

 

  1. ಪೂರ್ತಿ ಹೆಸರು ನಿವೇದಿತಾ ಗೌಡ. ತಂದೆ ಹೆಸರು ರಮೇಶ್. ತಾಯಿ ಹೆಸರು ಹೇಮಾ. ಈಕೆಯ ವಯಸ್ಸು18,ತೂಕ 38 ಕೆಜಿ. ಈಕೆಗೊಬ್ಬ ಪುಟ್ಟ ತಮ್ಮನಿದ್ದಾನೆ. ಮೈಸೂರಿನ ಕನಕದಾಸನಗರದಲ್ಲಿ ವಾಸ.
  2.  ಮೈಸೂರಿನ ಮಹಾಜನ ಕಾಲೇಜಿನಲ್ಲಿ ಬಿಸಿಎ ಓದುತ್ತಿರುವ ಈ ಹುಡುಗಿ ಕಾಲೇಜಿಗೇ  ಫೇಮಸ್ಸು. ಅದಕ್ಕೆ ಒಂದು ಕಾರಣ ಸೌಂದರ್ಯ. ಇನ್ನೊಂದು ಪ್ರತಿಭೆ.
  3.  ಕಾಲೇಜಿನಲ್ಲಿ ಈಕೆ ಸೂಪರ್ ಮಾಡೆಲ್. ಎಲ್ಲೇ ಫ್ಯಾಷನ್ ಶೋ ನಡೆದರೂ ಈಕೆ ಹೋಗಲೇಬೇಕು. ಅಲ್ಲದೇ ಕೆಲವು ಜಾಹೀರಾತಿನಲ್ಲೂ ಭಾಗವಹಿಸಿದ್ದಾಳೆ.
  4. ಈಕೆಯ ಮೇಲೆ ಸಿಟ್ಟಿರುವವರು ಗಮನಿಸಿ. ಈ ಹುಡುಗಿ ನೋಡೋಕೆ ಮಾತ್ರ ಮಲ್ಲಿಗೆ ಥರ ಅಲ್ಲ. ಈಕೆಯ ಮನಸ್ಸೂ ಮಲ್ಲಿಗೆ. ಈಕೆ ಮನೆಯ ಪಕ್ಕದಲ್ಲಿರುವ ಕನ್ನಡ ಶಾಲೆಯೊಂದರಲ್ಲಿ ಒಂದರಿಂದ  ನಾಲ್ಕನೇ ತರಗತಿಯ ಮಕ್ಕಳಿಗೆ ಇಂಗ್ಲಿಷ್ ಹೇಳಿಕೊಡುತ್ತಾಳೆ. ಆ ಮೂಲಕ ಆ ಮಕ್ಕಳಿಗೆ ಟೀಚರ್ ಆಗಿದ್ದಾಳೆ.
  5. ನಿವೇದಿತಾಳಿಗೆ ಬಾರ್ಬಿ ಗೊಂಬೆಗಳು ಅಂದರೆ ಬಹಳ ಇಷ್ಟ. ಅದೂ ಅಲ್ಲದೇ ಅವಳ ಮನೆಯಲ್ಲಿ ರಾಶಿ ಬೊಂಬೆಗಳಿವೆ. ಅದೇ ಥರ ಅವಳ ವೇಷ ಭೂಷಣಗಳೂ ಇರುತ್ತವೆ.
  6.  ಮನೆ ಬಿಟ್ಟರೆ ಕಾಲೇಜು ಅಂತ ಇರುವ ಹುಡುಗಿ ಅವಳು. ಕಾಲೇಜು ಬಿಟ್ಟರೆ ನೇರ ಮನೆಗೆ ಬರುತ್ತಾಳೆ. ಮನೆಯಲ್ಲಿ ಅವಳದೇ ಪ್ರಪಂಚ. ಸ್ವಲ್ಪ ಪುರ್ಸೊತ್ತು ಸಿಕ್ಕಿದರೂ ಸಾಕು ಡಬ್‌ಸ್ಮ್ಯಾಷ್ ಮಾಡುತ್ತಾಳೆ. ಈ ಡಬ್‌ಸ್ಮ್ಯಾಷ್ ಅವಳ ಜೀವನವೇ ಆಗಿಹೋಗಿದೆ.
  7.  ಕಾಲೇಜಿಂದ ನಿವೇದಿತಾ ಹೊರಟರೆ ಸಾಕು ಗೆಳತಿಯರೆಲ್ಲಾ ಏನು ಡಬ್‌ಸ್ಮ್ಯಾಷ್ ಮಾಡುವುದಕ್ಕೆ ಹೊರಟಿದ್ದೋ ಅಂತ ರೇಗಿಸುತ್ತಾರೆ.
  8. ಡಬ್‌ಸ್ಮ್ಯಾಶ್ ಈಕೆಗೆ ಸ್ಟ್ರೆಸ್ ಬಸ್ಟರ್ ಕೂಡ ಹೌದು. ಅವಳಿಗೆ ಎಕ್ಸಾಮ್ ಇದ್ದರೆ ಒಂದೆರಡು ಡಬ್‌ಸ್ಮ್ಯಾಷ್ ಮಾಡಿ ಮೈಂಡ್ ಫ್ರೆಶ್ ಮಾಡಿಕೊಂಡು ಓದಲು ಕೂರುತ್ತಾಳೆ ಅನ್ನುತ್ತಾರೆ ಮನೆಯವರು.
  9.  ಕಳೆದ ವರ್ಷ ಕಾಲೇಜು ಏರ್ಪಡಿಸಿದ್ದ ಮಿಸ್ ಮಹಾಜನ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಈಕೆ ಆಗಲೇ ಎಲ್ಲರ ಗಮನ ಸೆಳೆದಿದ್ದು. ಬಹಳಷ್ಟು ಮಂದಿ ಇವಳೇ ಈ ವರ್ಷದ “ಮಿಸ್ ಮಹಾಜನ” ಎಂದುಕೊಂಡಿದ್ದರು. ಆದರೆ ಅವಳು ಕೇವಲ ವೆಲ್‌ಡ್ರೆಸ್ ಆಗಿ ಹೊರ ಹೊಮ್ಮಿದ್ದಳು.
  10.  ಮೊದಲಿನಿಂದಲೂ ಈಕೆ ಬಿಗ್‌ಬಾಸ್ ಅಭಿಮಾನಿ. ಫಸ್ಟ್ ಸೀಸನ್ ನೋಡಿದಾಗಲೇ ನಿವೇದಿತಾ ಅಮ್ಮನ ಬಳಿ,ಅಮ್ಮ ಮುಂದೊಂದು ದಿನ ನಾನೂ ಕೂಡ ಬಿಗ್‌ಬಾಸ್‌ಗೆ ಹೋಗುತ್ತೇನೆ. ನೋಡುತ್ತಿರು ಬೇಕಿದ್ದರೆ,ಬಿಗ್‌ಬಾಸ್ ಸೀಸನ್ 10ಗೆ ನಾನೂ ಸ್ಪರ್ಧಿಯಾಗಿ ಹೋಗುತ್ತೇನೆ ಎಂದಿದ್ದಳಂತೆ. ಆದರೆ ಅವಳ ಕನಸು ಸೀಸನ್ 5ಗೆ ನನಸಾಗಿದೆ.
  11.  ಮನೆಯಲ್ಲಿ ಜಾಸ್ತಿ ಮುದ್ದು. ಕೋಪ ಮಾಡಿಕೊಳ್ಳುವುದು ಬಹಳ ಕಡಿಮೆ. ಹಾಗೊಂದು ವೇಳೆ ಕೋಪ ಬಂದರೆ ಅಮ್ಮ 5 ನಿಮಿಷ ನನ್ನನ್ನು ಮಾತನಾಡಿಸಬೇಡ ಎಂದು ಹೇಳಿ ಡಬ್‌ಸ್ಮ್ಯಾಶ್ ಮಾಡಲು ಹೋಗುತ್ತಾಳೆ. ಮನೆಯಲ್ಲಿ ಜಾಸ್ತಿ ಗಲಾಟೆ ಮಾಡುವುದು ತಮ್ಮನೊಂದಿಗೆ ಮಾತ್ರ.
  12.  ನಿವೇದಿತಾ ಮನೆಯವರೊಂದಿಗೆ ಕನ್ನಡದಲ್ಲಿಯೇ ಮಾತನಾಡುತ್ತಾಳೆ.
  13.  ಟಿವಿ ನೋಡುವ ಅಭ್ಯಾಸ ಈಕೆಗೆ ತುಂಬಾ ಕಡಿಮೆ. ಡಬ್‌ಸ್ಮ್ಯಾಷ್ ಅಷ್ಟೇ ಇವಳ ಮನರಂಜನೆ,ಜ್ಞಾನಾರ್ಜನೆ ಎಲ್ಲಾ.
  14.  ನಿವೇದಿತಾ ಗೌಡ ಹೆಸರಲ್ಲಿ ಈಗಾಗಲೇ ೮ ನ್ ಪೇಜ್ ಸಿದ್ಧವಾಗಿದೆ. ಒಂದೇ ದಿನದಲ್ಲಿ ಆಕೆಗೆ ೫೦೦೦ಕ್ಕೂ ಹೆಚ್ಚು ಜನ ಫಾಲೋವರ್ಸ್ ಸಿಕ್ಕಿದ್ದಾರೆ.
  15.  ಅವಳಿಗೆ ಮಸಾಲೆ ಪುರಿ ಅಂದ್ರೆ ಇಷ್ಟ. ಸಿಹಿಯಲ್ಲಿ ಮೈಸೂರು ಪಾಕು.
  16.  ನಿವೇದಿತಾಳ ಪೆಟ್ ನೇಮ್ ಲಿನಿ.
  17.  ನಿವೇದಿತಾಳ ಇನ್ನೊಂದು ಒಳ್ಳೆಯ ಹವ್ಯಾಸ ಓದುವುದು. ಆಕೆ ಇಂಗ್ಲಿಷ್,ಕನ್ನಡ ಎರಡೂ ಭಾಷೆಯ ಪುಸ್ತಕ ಓದುತ್ತಾಳೆ.
  18. ಕಲರ್ಸ್ ಚಾನೆಲ್‌ನಿಂದ ಕರೆ ಬಂದ ದಿನ ಕುಣಿದು ಕುಪ್ಪಳಿಸಿದ್ದಾಳೆ. ಒಂದು ದಿನವಾದರೂ ಇದ್ದು ಬರುತ್ತೇನೆ ಎಂದು ಅಪ್ಪ ಅಮ್ಮನನ್ನು ಒಪ್ಪಿಸಿ ಹೋಗಿದ್ದಾಳೆ.

 

ಅಮ್ಮ ಹೇಳಿದ ಕತೆ..

ಅವಳು ಚಿಕ್ಕಂದಿನಿಂದಲೂ ಮಾತನಾಡುವುದೇ ಹಾಗೆ. ಪುಟ್ಟ ಹುಡುಗಿ ಇದ್ದಾಗ ಅವಳು ಆ ಥರ ಮಾತನಾಡಿದಾಗ ಖುಷಿಯಾಗುತ್ತಿತ್ತು. ಹಾಗಾಗಿ ತಿದ್ದುವುದಕ್ಕೆ ಹೋಗಲಿಲ್ಲ. ನಿವೇದಿತಾಗೆ ಅದೇ ಥರ ಮಾತನಾಡುವುದು ಅಭ್ಯಾಸವಾಯಿತು. ಅದರಲ್ಲಿ ಅವಳ ತಪ್ಪೇನಿಲ್ಲ. ನಾನು ನಾಟಕ ಮಾಡುವುದಿಲ್ಲ, ನಂಗೆ ನಿಮ್ಮ ಥರ ಮಾತಾಡಕ್ಕಾಗಲ್ಲ ಮಮ್ಮಿ ಅಂತ ಅವಳೇ ಹೇಳುತ್ತಾಳೆ. ಹೀಗಿರುವಾಗ ಬಹಳಷ್ಟು ಮಂದಿ ಅವಳ ಮೇಲೆ ಟ್ರೋಲ್ ಮಾಡುತ್ತಿದ್ದಾರೆ. ಅದು ತಪ್ಪಲ್ವಾ? ಪುಟ್ಟ ಹುಡುಗಿ ಅವಳು. ಬಿಗ್‌ಬಾಸ್‌ಗೆ ಹೋಗಿರುವುದೇ ಒಂದು ಸಾಧನೆ ಅಲ್ವಾ? ನಮಗಂತೂ ಖುಷಿಯಾಗಿದೆ. ನೀವೂ ಖುಷಿ ಪಡಿ ಪ್ಲೀಸ್

– ಹೇಮಾ ರಮೇಶ್, ನಿವೇದಿತಾ ತಾಯಿ

 

ಬಿಗ್ ಬಾಸ್ ಮನೆಯಲ್ಲಿ ಪ್ರೇಮಪಯಣ ಶುರು

ಬಿಗ್ ಬಾಸ್ ನ ಎಲ್ಲಾ ಸೀಸನ್ ಗಳಲ್ಲೂ ಒಂದಲ್ಲ ಒಂದು ಜೋಡಿ ಪ್ರೇಮ ಪಾಶಕ್ಕೆ ಸಿಲುಕುತ್ತಿತ್ತು. ಆದ್ರೆ ಈ ಬಾರಿ ಎರಡು ಜೋಡಿಗಳು ಪ್ರೇಮ ಪ್ರಣಯ ಎನ್ನುತ್ತಿದ್ದು  ಮೇಲ್ನೋಟಕ್ಕೆ  ಅಂತರ ಕಾಯ್ದುಕೊಂಡಿದ್ದಾರೆ. ಅಂದರೆ ಮನಸ್ಸಿನ ತುಮುಲಗಳನ್ನು ಬದಿಗೊತ್ತಿ ಸಮಾಜದಲ್ಲಿ ತಮಗಿರುವ ಸ್ಥಾನಮಾನಗಳಿಗೆ ಪೆಟ್ಟು ಬಿದ್ದರೆ ನಷ್ಟ ಉಂಟಾಗಲಿದೆ ಅನ್ನೋ ಅರಿವಿನಿಂದ ಉಕ್ಕಿ ಬರುತ್ತಿರುವ ಪ್ರೀತಿಯನ್ನು ತಣಿಸಿಕೊಂಡು ಕಾಲ ಕಳೆಯುತ್ತಿದ್ದಾರೆ.
ಜೆಕೆ ವಿತ್ ಶೃತಿ, ಚಂದನ್ ವಿತ್ ನಿವೇದಿತಾ ಗೌಡ 
ಹೌದು, ಸ್ಯಾಂಡಲ್ ವುಡ್ ನಲ್ಲಿ ತನ್ನದೇ ಆದ ಅಭಿಮಾನಿ ಬಳಗ ಸೃಷ್ಟಿಸಿಕೊಂಡು, ಹೆಸರು ಮಾಡಿರುವ ಜಯರಾಮ್ ಕಾರ್ತಿಕ್ ಗೆ ಮುಂಬೈ ಮೂಲದ ಬೆಡಗಿ, ಸಿಂಗರ್ ಶೃತಿ ಪ್ರಕಾಶ್ ಮೇಲೆ ಮನಸ್ಸಾಗಿದೆ. ಆದರೆ ಎಲ್ಲೂ ತೋರಿಸಿಕೊಳ್ಳದೆ ಎಲ್ಲರ ಜೊತೆ ಇರುವ ರೀತಿಯಲ್ಲೇ ಇದ್ದೇನೆ ಎಂದು ತೋರಿಸಿಕೊಳ್ಳುವ  ಪ್ರಯತ್ನ ನಡೆಸುತ್ತಿರುವುದು ಗೊತ್ತಾಗ್ತಿದೆ. ಅದೇ ರೀತಿ ರ‌್ಯಾಪ್ ಸ್ಟಾರ್  ಚಂದನ್ ಶೆಟ್ಟಿ ಗೆ ಫಿದಾ ಆಗಿರುವ ಮೈಸೂರಿನ ಬ್ಯೂಟಿ ನಿವೇದಿತಾ ಗೌಡಗೆ ಚಂದನ್ ಶೆಟ್ಟಿ ಕೂಡ ಮನಸೋತಿರೋದು ಮುಚ್ಚಿಟ್ಟಿರುವ ಅಸಲಿ ಕಹಾನಿ. ಯಾವಾಗ ಬಿಗ್ ಬಾಸ್ ಜೋಡಿ ಬಂಧನ ಟಾಸ್ಕ್ ಕೊಟ್ಟರೂ ಆಗಿನಿಂದಲೇ ಇಬ್ಬರ ನಡುವೆ ಆಪ್ತತೆ ಹೆಚ್ಚಾಗಿ ತುಂಬಾ ಸನಿಹದಲ್ಲಿ ಬಂದು ನಿಂತಿದ್ದಾರೆ. ಆದರೆ ಚಂದನ್ ಶೆಟ್ಟಿ ಬುದ್ಧಿವಂತ ಸ್ಪರ್ಧಿ ಆಗಿದ್ದು ಮುಂದಾಲೋಚನೆಯಿಂದ ಯಾವುದೇ ಭಾವನೆಯನ್ನೂ ವ್ಯಕ್ತಪಡಿಸುತ್ತಿಲ್ಲ.
ಈ ರೀತಿ ಪ್ರೇಮಪಾಶಕ್ಕೆ ಕಾರಣ ಏನು..? 
ವಯಸ್ಸಿಗೆ ಬಂದಿರುವ  ಹುಡುಗ- ಹುಡುಗಿ ಪ್ರೀತಿಸೋದು ಸಾಮಾನ್ಯ. ಆದರೆ ಬಿಗ್ ಬಾಸ್ ಮನೆಯಲ್ಲಿ ಆಗೋ ಪ್ರೇಮ ಹೊರಕ್ಕೆ ಬಂದ ಬಳಿಕ ಉಳಿಯುತ್ತಾ ಅನ್ನೋದೆ ಪ್ರಮುಖ ಪ್ರಶ್ನೆ. ಯಾಕಂದ್ರೆ ಹಿಂದಿನ ಹಲವು ಸೀಸನ್ ಗಳಲ್ಲಿ ಈ ಬಾರಿಗಿಂತಲೂ ಸಾಕಷ್ಟು ಪ್ರೇಮ ಕಥೆ ನಡೆದಿತ್ತು . ಆದರೆ ಮನೆಯಿಂದ ಹೊರಬಂದ ಬಳಿಕ ಎಲ್ಲವನ್ನೂ ಮರೆತು ವಿ  ಆರ್ ಜಸ್ಟ್ ಫ್ರೆಂಡ್ಸ್ ಅಂತಾ ತೇಪೆ ಹಾಕಿದ್ರು. ಇದಕ್ಕೆ ಪ್ರಮುಖ  ಕಾರಣ ಅಂದ್ರೆ ಒತ್ತಡ. ಹೊರಪ್ರಪಂಚದಲ್ಲಿ ಸಿಗುವ ಎಲ್ಲಾ ಸೌಲಭ್ಯಗಳು ಬಿಗ್ ಬಾಸ್ ಮನೆಯಲ್ಲಿ ಸಿಗುವುದಿಲ್ಲ. ಮನರಂಜನೆ, ಸುದ್ದಿ, ತರಲೆ  ಆಟಗಳು, ಪ್ರವಾಸ, ಪಾರ್ಟಿ ಅಂದುಕೊಂಡು ಜನ ಒತ್ತಡದ ಜೀವನದಿಂದ ಹೊರ ಬರುತ್ತಾರೆ. ಆದರೆ ಇದೆಲ್ಲವನ್ನೂ ಸಹಿಸಿಕೊಂಡು ಬಿಗ್ ಬಾಸ್ ಮನೆಗೆ ಕಾಲಿಡುವ ಸ್ಪರ್ಧಿಗಳು ಅನಿವಾರ್ಯ ಕಾರಣಕ್ಕಾಗಿ ಒಬ್ಬರ ಬಳಿ ತುಂಬಾ ಆತ್ಮೀಯವಾಗಿ  ವರ್ತಿಸುತ್ತಾರೆ. ಆದರೆ ಹೊರಪ್ರಪಂಚಕ್ಕೆ‌ ಬಂದ ಬಳಿಕ ಅವರಿಗೆ ವಾಸ್ತವದ ಬದುಕು ಅರ್ಥ ಆಗೋದ್ರಿಂದ ಬಿಗ್ ಬಾಸ್ ಮನೆಯ ಲವ್ ಕಹಾನಿ ಮರೆತು ಬಿಡ್ತಾರೆ. ಲವ್ ಮಾಡುವುದು ತಪ್ಪಲ್ಲ ಎಂದ ಮೇಲೆ ಮದ್ವೆ ಆದರೂ ತಪ್ಪಲ್ಲ. ಮೊದಲೇ ಮೂರು ತಿಂಗಳು ಜೊತೆಯಲ್ಲಿ ಜೀವನ ಮಾಡಿರೋದ್ರಿಂದ ಅರ್ಥ ಮಾಡಿಕೊಳ್ಳೋದು ಸುಲಭ ಆಗಿರುತ್ತದೆ.. ಯಾವ ಬಿಗ್ ಬಾಸ್ ಜೋಡಿ ಮದುವೆ ಆಗುತ್ತೆ ಅನ್ನೋದೆ ಎಲ್ಲರ ಕುತೂಹಲ..

ಬಿಗ್ ಬಾಸ್ ನಲ್ಲಿ ಲವ್ ಗೇಮ್ ..! 

ಬಿಗ್ ಬಾಸ್ ಅಂದ್ರೆ ನೋವು ನಲಿವು, ಸುಖ ಸಂತೋಷ, ಕಷ್ಟ, ಪ್ರೀತಿ ಪ್ರೇಮ ಪ್ರಣಯ ಎಲ್ಲವೂ ವ್ಯಕ್ತವಾಗಲು ಇರುವ ವೇದಿಕೆ. ಹಾಗಂದ ಮಾತ್ರಕ್ಕೆ ಅಲ್ಲಿಗೆ ಹೋದವರು ಲವ್ ನಲ್ಲಿ ಬೀಳ್ತಾರೆ ಅಂತ ಅರ್ಥ ಅಲ್ಲ.. ಮಾತಿನ ಭರಾಟೆಯಲ್ಲಿ ಡಬಲ್ ಮೀನಿಂಗ್ ಶಬ್ದ ಬಳಸಿ ಇನ್ನೇನೋ ಮಾಡ್ತಾರೆ ಅಂತಾನೂ ಅಲ್ಲ. ಆದ್ರೆ ಕಳೆದ ನಾಲ್ಕು ಸೀಸನ್ ಗಳಲ್ಲಿ ಒಂದೊಂದು ಪ್ರಣಯ ಜೋಡಿಗಳು ಹೊರಹೊಮ್ಮಿವೆ. ಬಿಗ್ ಬಾಸ್ ಗಾಗಿ ಆಗಿದ್ದೋ.. ಅಥವಾ ಬಿಗ್ ಬಾಸ್ ನಿಂದ ಹೊರ ಬಂದ ಬಳಿಕ ಬೇಕಾಗಿಲ್ವೋ ಅದೂ ಗೊತ್ತಿಲ್ಲ, ಆದ್ರೆ ಬಿಗ್ ಬಾಸ್ ಮನೆಯಲ್ಲಿದ್ದಾಗ ಸ್ಕ್ರೀನ್ ನಲ್ಲಿ ಕಾಣಿಸಿದಂತು ಸತ್ಯ.
ಮೊದಲ ವಾರದಲ್ಲೇ ಶುರುವಾಯ್ತ ಲವ್ ಕಿರಿಕ್
ಅದೇನೆ ಅಗಲಿ ಒಂದು ಹುಡುಗ ಹುಡುಗಿ‌ ಲವ್ ನಲ್ಲಿ ಬೀಳೋದಿಕ್ಕೆ ಸ್ವಲ್ಪ‌ ಟೈಮ್ ಬೇಕು. ಆದ್ರೆ ಈ ಬಾರಿ ರಿಯಲ್ ಲವ್ವರ್ ಗಳನ್ನೇ ಹಿಡಿದು ಬಿಗ್ ಬಾ್ ಮನೆಯೊಳಕ್ಕೆ ಬಿಟ್ಟಿದ್ದಾರೆ. ಈಗಾಗಲೇ ಲವ್ ಬ್ರೇಕಪ್ ಮಾಡ್ಕೊಂಡಿರೋ ಈ ಜೋಡಿಗೆ ಬಿಗ್ ಬಾಸ್ ಸಾಕಷ್ಟು ಗೇಮ್ ಆಡಲಿದ್ದು ನೋಡುಗರ ಕಣ್ಣಿಗೆ ರಸದೌತಣ ನೀಡೋದಂತು ಸತ್ಯ..
ಸೀರಿಯಲ್ ಸ್ಟಾರ್.. ಪ್ರೀತಿಯಲ್ಲಿ ವಾರ್..
ಸೀರಿಯಲ್ ಸ್ಟಾರ್ ಗಳಾದ ಬಿಗ್ ಬಾಸ್ ಮನೆಯ ಮೊದಲ ವಾರದ ಕ್ಯಾಪ್ಟನ್ ಅನು ಹಾಗೂ ಬಿಗ್ ಬಾಸ್ ಮನೆಯ ಸದಸ್ಯ ಜಗನ್ ಭೂತಕಾಲದ ಪ್ರೇಮಿಗಳು. ಇವರಿಬ್ಬರೂ ಮುರಿದು ಹೋಗಿರುವ ಪ್ರೇಮ ಸೇತುವೆ ಮೇಲೆ ನಿಂತಿದ್ದು ಆ ಕಡೆ ಹೋಗಲೂ ಆಗಲ್ಲ ಈ ಕಡೆ ಬರಲೂ ಆಗಲ್ಲ ಅನ್ನೋ ಸ್ಟೇಜ್ ನಲ್ಲಿ ನಿಂತಿದ್ದಾರೆ. ಬಿಗ್ ಬಾಸ್ ಇವರಿಬ್ಬರು ಸೇರಿಸ್ತಾರಾ ಇಲ್ಲ ಇದ್ದಷ್ಟು ದಿನ ಜಗಳ ಗುದ್ದಾಟ ಮಾಡಿ ವಾಪಸ್ ಕಳಿಸ್ತಾರಾ ನೋಡ್ಬೇಕು..
ಅನು ಕ್ಯಾಪ್ಟನ್ ಆಗಿರೋ ಕಾರಣದಿಂದ ಆಕೆ ಹೇಳಿದ ಮಾತು ಬಿಗ್ ಬಾಸ್ ಮನೆಯಲ್ಲಿ ನಡೆಯಬೇಕು. ಆದ್ರೆ ಆ ಬಗ್ಗೆ ಚೆನ್ನಾಗಿ ತಿಳಿದಿರೋ ಜಗನ್ ಟಾಂಗ್ ಕೊಡುವ ರೀತಿಯಲ್ಲಿ ಮಾತನಾಡ್ತಿರೋದು ಅನುಗೆ ಸಹಿಸಲು ಆಗ್ತಿಲ್ಲ. ಆಶಿತಾ ಈ ಬಗ್ಗೆ ಜಗನ್ ಬಳಿ ಹೇಳಿದಾಗ ಹಳೇ ವಿಚಾರ ಎಲ್ಲ ಕೆದಕೋದು ಬೇಡ. ಅದು ಕಳೆದು ಹೋದದ್ದು ಎಂದು ನೇರವಾಗಿ ಜಗನ್ ಹೇಳುತ್ತಿದ್ದ ಹಾಗೆ ಟಿವಿ ಮುಂದೆ ಕುಳಿತಿದ್ದ ಜನರ ಕಿವಿಗಳು ಅಗಲವಾಗಿದ್ವು.. ಮುಂದೆ ಇನ್ಯಾವ ರೀತಿಯಲ್ಲಿ ಟ್ವಿಸ್ಟ್ ಪಡೆಯುತ್ತೆ ಲವ್ ಸ್ಟೋರಿ ಸಿನಿಅಡ್ಡಾ ನಿಮಗೆ ತಿಳಿಸುತ್ತೆ.. ವೇಯ್ಟ್ ಅಂಡ್ ರೀಡ್..
ಜ್ಯೋತಿ ಗೌಡ, ನಾಗಮಂಗಲ

ಹಾಡಿಗೂ ಸೈ..ಸೈ..ಸುದೀಪ್!! ಕಿಚ್ಚನ ಅಚ್ಚುಮೆಚ್ಚಿನ ಹಾಡುಗಳು ಯಾವ್ಯಾವುದು ಗೊತ್ತಾ..?

ಕನ್ನಡ ಸಿನಿ ಪ್ರೇಕ್ಷಕ ಆರಾಧಿಸುವ ಕಿಚ್ಚ ಸುದೀಪ್ ಹೆಬ್ಬುಲಿಯ ಯಶಸ್ಸಿನ ಖುಷಿಯಲ್ಲಿದ್ದಾರೆ. ತನ್ನನ್ನು ಪ್ರೀತಿಸುವ, ಅಭಿಮಾನಿಸುವ ಜನರಿಗಾಗಿ ಹಾಡಿನ ಖುಷಿಯನ್ನೂ ಭರಪೂರ ಕೊಟ್ಟಿದ್ದಾರೆ. ಅದು  ಜೀ ಕನ್ನಡ ವಾಹಿನಿಯ ಕಾರ್ಯಕ್ರಮದ ಮೂಲಕ.  ಸರಿಗಮಪ- 13 ಆಡಿಷನ್ ನಡೀತಿರೋದು ನಿಮಗೆ ಗೊತ್ತೇ ಇದೆ. ಇವತ್ತು ಅಂದ್ರೆ ಭಾನುವಾರ ಸಂಜೆ  ಪ್ರಸಾರವಾಗುವ ಎಪಿಸೋಡ್‍ನಲ್ಲಿ ಕಾಣಿಸಿಕೊಂಡು ಆಯ್ಕೆಯಾದ ಎಲ್ಲಾ ಸ್ಪರ್ಧಿಗಳಿಗೂ ಶುಭ ಹಾರೈಸಿದ್ದಾರೆ. ಈ ವೇಳೆ ಕಿಚ್ಚ ಸುದೀಪ್ ತಾವೆಂಥಾ  ಸಂಗೀತ ಪ್ರೇಮಿ, ಕಂಚಿನ ಕಂಠದ ಗಾಯಕ  ಅನ್ನೋದನ್ನು ಅದ್ಭುತವಾಗಿ ತೋರಿಸಿದ್ರು..

sudeep13ಸುದೀಪ್ ಧ್ವನಿ ಮರಳು ಮಾಡುವಂಥ ಸಮ್ಮೋಹಕ ಶಕ್ತಿವುಳ್ಳದ್ದು. ಕೇಳಿದ ತಕ್ಷಣ ಎದೆಯೊಳಗೆ ಇಳಿಯುವಂಥಾದ್ದು . ಸಂಗೊಳ್ಳಿ ರಾಯಣ್ಣ ಚಿತ್ರದ ಪ್ರಾರಂಭದಲ್ಲಿ ಬರುವ ಹಿನ್ನೆಲೆ ದನಿಯನ್ನು ಮರೆಯಲು ಸಾಧ್ಯವೇ ? ಹಿಂದಿಯಲ್ಲಿ ಅಮಿತಾಬ್ ಬಚ್ಚನ್ ಧ್ವನಿಗೆ  ಮಾರುಹೋಗ್ತೀವಲ್ಲ ಹಾಗೆ ಕನ್ನಡದಲ್ಲಿ ಅಣ್ಣಾವ್ರನ್ನ ಬಿಟ್ಟರೆ ಸುದೀಪ್ ಕಂಠಸಿರಿಗೆ ಮನಸೋಲದೆ ಬೇರೆ ದಾರಿಯಿಲ್ಲ.

ಉಪೇಂದ್ರ, ಪುನೀತ್ ರಾಜ್‍ಕುಮಾರ್, ಶಿವಣ್ಣ, ಶರಣ್ ಸೇರಿದಂತೆ ಸಾಕಷ್ಟು ಮಂದಿ ನಟನೆಯ ಜೊತೆಗೆ ಸಾಕಷ್ಟು ಹಾಡುಗಳನ್ನು ಹಾಡಿದ್ದಾರೆ. ಇವರೆಲ್ಲರನ್ನು ನೋಡುತ್ತಿದ್ರೆ ನಮಗೆ ನೆನಪಾಗೋದು ಅಂದ್ರೆ ಶ್ರೀಗಂಧದ ನಾಡು ಕಂಡ ನಟಸಾರ್ವಭೌಮ ಅಂದ್ರೆ ಡಾ ರಾಜ್‍ಕುಮಾರ್ !! ಅವರ  ಭಾವಪೂರ್ಣ  ಗಾಯನಸುಧೆಗೆ  ವಿದ್ವಾಂಸರೇ ತಲೆದೂಗುತ್ತಿದ್ದರು.. ಅದೇ ಸಾಲಿನಲ್ಲಿ ಸಂಗೀತವನ್ನು ಸೊಗಸಾಗಿ ಕೇಳುತ್ತ ತಲೆದೂಗುವಂತೆ ಮಾಡುತ್ತಿದ್ದಾರೆ ಪಾರ್ಥ ಅಲಿಯಾಸ್ ಸುದೀಪ..

1322474879437458ಸುದೀಪ್ ಅಭಿನಯಿಸಿದ ಮೊದಲ ಸಿನಿಮಾ ಸ್ಪರ್ಶದಲ್ಲಿ ಕವನಗಳ ಮೂಲಕ  ಜನರಿಗೆ ನಾನು ಢಿಫರೆಂಟ್ ಅಂತ ತೋರಿಸಿದ್ದ ಅಭಿನಯ ಚಕ್ರವರ್ತಿ  ಸುದೀಪ್. ಮೈಆಟೋಗ್ರಾಫ್ ಸಿನಿಮಾದಲ್ಲಿ ನಾನೊಬ್ಬ ಭಾವನಾಜೀವಿ ಹಾಡುಗಾರ ಅನ್ನೋದನ್ನು ತೋರಿಸಿದ್ರು.. ಆ ಬಳಿಕ ನಿರ್ದೇಶನ ಮಾಡಿದ ಜಸ್ಟ್ ಮಾತ್ ಮಾತಲ್ಲಿ ಸಿನಿಮಾದಲ್ಲೂ ಹಾಡುಗಳನ್ನು ವಿಭಿನ್ನವಾಗಿ ಜನರಿಗೆ ಕೇಳಿಸುವ ಮೂಲಕ ಸಂಗೀತದ ಬಗ್ಗೆ ತಮಗಿರೋ ಪ್ಯಾಶನ್ ಎಂಥಾದ್ದು ಅನ್ನೋದನ್ನು ತೋರಿಸಿದ್ರು..

sudeep12ಇದೀಗ ಮತ್ತೊಮ್ಮೆ ಜೀ ಕನ್ನಡ ವಾಹಿನಿಯ ಸರಿಗಮಪ ಸೀಜನ್ 13 ಕಾರ್ಯಕ್ರಮದ ಆರಂಭದಲ್ಲೇ ಕಾಣಿಸಿಕೊಂಡಿರುವ ಸುದೀಪ್, ಒಂದೊಂದೇ ಸಾಂಗ್ ಹಾಡುತ್ತಿದ್ರೆ ಅಲ್ಲಿ ನೆರೆದಿದ್ದ ಪ್ರೇಕ್ಷಕರೆಲ್ಲರೂ ಕರಡತಾನ ಮಾಡುವ ಮೂಲಕ ಶಹಬ್ಬಾಸ್‍ಗಿರಿ ಕೊಡುತ್ತಿದ್ರು.. ಇದೀಗ ತಾನೆ ಹೆಬ್ಬುಲಿ ಸಿನಿಮಾದ ಯಶಸ್ಸಿನಲ್ಲಿರುವ ಸುದೀಪ್, ಸಿನಿಮಾದ ಬಗ್ಗೆ ಮಾತನಾಡುತ್ತಾ ಹೆಬ್ಬುಲಿ ಚಿತ್ರದ ದೇವರೇ.. ಹಾಡನ್ನ ಅಭಿಮಾನಿಗಳಿಗಾಗಿ ಹಾಡಿದ್ರು.. ಅದೂ ಅಲ್ಲದೆ ಜೀ ವಾಹಿನಿಯಲ್ಲೇ ಸುದೀಪ್ ಪ್ರೊಡಕ್ಷನ್‍ನ ವಾರಸ್ದಾರ ಧಾರಾ ವಾಹಿ ಯಶಸ್ಸು ಕೂಡ ಸುದೀಪ್ ಮಂದಹಾಸವನ್ನು ಹೆಚ್ಚಾಗುವಂತೆ ಮಾಡಿದ್ದು ಸುಳ್ಳಲ್ಲ..

ಬಾನಿಗೊಂದು ಎಲ್ಲೆ ಎಲ್ಲಿದೆ ಅಂತಾ ಸುದೀಪ್ ಹಾಡುತ್ತಿದ್ದರೆ ಯಾವುದೇ ಪ್ರೊಫೆಷನಲ್ ಸಿಂಗರ್ ಕೂಡ ಕಿವಿನಿಮಿರಿಸಿ ಕೇಳುವಂತಿತ್ತು  ಗಾಯನ.. ಮಧ್ಯೆ ಹಾಡಿದ ಹಿಂದಿ ಸಾಂಗ್ ಕೂಡ ಅಲ್ಲಿದ್ದ ಹಾಡುಗಾರರನ್ನು ನಾಚಿಸುವಂತಿತ್ತು.. ಒಟ್ಟಾರೆ ಹೇಳಬೇಕಂದ್ರೆ ಈಗಾಗಲೆ ಹಿಂದಿ ತೆಲುಗು ತಮಿಳು ಭಾಷೆಯಲ್ಲಿ ದೊಡ್ಡ ದೊಡ್ಡ ನಟರ ಜೊತೆ ಅಭಿನಯಿಸಿ ಅಭಿನಯ ಚಕ್ರವರ್ತಿ ಅನ್ನೋ ಬಿರುದು ಪಡೆದಿರುವ ನಟ ಹಾಡೋದ್ರಲ್ಲೂ ಸೈ ..ಸೈ..ಸುದೀಪ್  ಅಂತ ಮತ್ತೆ ಸಾಬೀತು ಮಾಡಿದ್ದಾರೆ.

ಇಂದು ಸಂಜೆ 7.30ಕ್ಕೆ ಸುದೀಪ್ ಹಾಡಿನ ಮೋಡಿ  ಸರಿಗಮಪ-೧೩ರಲ್ಲಿ ನೋಡಿ. ಅಲ್ಲಿವರೆಗೂ  https://www.facebook.com/ciniadda1/ ಪ್ರೋಮೋ ನೋಡಿ..

Like Us, Follow Us !

120,431FansLike
1,826FollowersFollow
1,573FollowersFollow
4,315SubscribersSubscribe

Trending This Week