18 C
Bangalore, IN
Thursday, January 24, 2019
Home ಸಿನಿಮಾ ನ್ಯೂಸ್ ಟಿವಿ ನ್ಯೂಸ್

ಟಿವಿ ನ್ಯೂಸ್

Get Latest Kannada TV News, News On Kannada TV Serials

ನಟ ಭುವನ್ ಮೇಲೆ ಹಲ್ಲೆ- ಪ್ರಥಮ್ ವಿರುದ್ಧ ಎಫ್ಐಆರ್!

ಒಳ್ಳೆ ಹುಡ್ಗ ಪ್ರಥಮ್ ಕಿರಿಕ್ ಮಾಡಿಕೊಂಡಿದ್ದಾರೆ. ಖಾಸಗಿ ವಾಹಿನಿಯೊಂದರಲ್ಲಿ ಪ್ರಸಾರವಾಗುತ್ತಿರುವ ‘ಸಂಜು ಮತ್ತು ನಾನು’ ಧಾರಾವಾಹಿಯ ಶೂಟಿಂಗ್ ಸಮಯದಲ್ಲಿ ಸಹ ನಟ ಭುವನ್‌ನೊಂದಿಗೆ ಹೊಡೆದಾಡಿಕೊಂಡಿದ್ದಾರೆ. ಈ ವೇಳೆ ಇಬ್ಬರು ಬಡಿದಾಡಿಕೊಂಡು ಕೆಳಕ್ಕೆ ಬಿದ್ದಾಗ ಭುವನ್ ತೊಡೆ ಭಾಗಕ್ಕೆ ಕಚ್ಚಿದ್ದಾರೆ ಅಂತಾ ನಟ ಭುವನ್ ಆರೋಪ ಮಾಡಿದ್ದಾರೆ.

ಹೀಗೆ ಆರೋಪ ಮಾಡ್ತಿರೋ ಸಂಜು ಮತ್ತು ನಾನು ಸೀರಿಯಲ್‌ನ ಹೀರೋ ನಟ ಭುವನ್ ಪೊನ್ನಣ್ಣ, ಆದ್ರೆ ಇದು ಕೇವಲ ಆರೋಪ ಅಲ್ಲ ಅದಕ್ಕೆ ಬೇಕಾದ ಸಾಕ್ಷಿ ಕೂಡ ಕೊಟ್ಟಿದ್ದಾರೆ. ತೊಡೆ ಭಾಗಕ್ಕೆ ಕಚ್ಚಿರುವ ಗುರುತು ಇದ್ದು, ಈ ಬಗ್ಗೆ ತಲಘಟ್ಟಪುರ ಪೊಲೀಸ್ ಠಾಣೆಗೂ ದೂರು ನೀಡಿದ್ದಾರೆ.

ಬಿಗ್‌ಬಾಸ್ ವಿನ್ನರ್ ಪ್ರಥಮ್ ಹುಡ್ಗೀರ ಬಗ್ಗೆ ತುಂಬಾ ಕೀಳಾಗಿ ಮಾತನಾಡ್ತಾರೆ. ಬಿಗ್‌ಬಾಸ್‌ನಲ್ಲಿ ನೀವು ನೋಡಿರೋದು ಕೇವಲ ೪೨ -ನಿಮಿಷದ ವೀಡಿಯೋ ಮಾತ್ರ.. ಆತನ ರಂಪಾಟಗಳನ್ನು ನಾವು ಸಹಿಸಿಕೊಳ್ಳೋಕೆ ಸಾಧ್ಯವೇ ಇಲ್ಲ. ಅವನೊಬ್ಬ ಹುಚ್ಚ’ ಎನ್ನುತ್ತಾರೆ  ಭುವನ್.

ಆದ್ರೆ ಪ್ರಥಮ್ ಹೇಳೋದೇ ಬೇರೆ.. ‘ನಾನೂ ಯಾರನ್ನೂ ಕಚ್ಚಿಲ್ಲ. ನಾನು ನನ್ನ ಕೆಲಸವಾಯ್ತು ನಾನಾಯ್ತು ಅಂತ ಇದ್ದೀನಿ. ನನಗೆ ತೊಂದ್ರೆ ಕೊಡಬೇಡಿ.. ಭುವನ್ ಹಾಗೂ ಸಂಜನಾ ಅವರ ಜೊತೆ ಮಾತನಾಡಿ ಮೂರು ತಿಂಗಳಾಗಿದೆ. ಎಂದಿದ್ದಾರೆ. ಜೊತೆಗೆ ಫೇಸ್‌ಬುಕ್‌ನಲ್ಲಿ ಮಾತನಾಡಿರುವ ಪ್ರಥಮ್, ನನ್ನ ಮೇಲೆ ಹಲ್ಲೆ ಮಾಡಿದ್ದು ಭುವನ್, ನಾನಲ್ಲ.. ಪ್ರಚಾರ ಹುಚ್ಚಿಗಾಗಿ ಹೀಗೆ ಆರೋಪ ಮಾಡ್ತಿದ್ದಾನೆ.. ನಾನೂ ಕೂಡ ದೂರು ಕೊಡ್ತೇನೆ’
ಸಂಜನಾ ಬಗ್ಗೆ ಕೆಟ್ಟದಾಗಿ ಮಾತನಾಡಿದ್ರಾ ಪ್ರಥಮ್..?

ಈ ಬಗ್ಗೆ ಮಾತನಾಡಿರುವ ನಟಿ ಸಂಜನಾ, ‘ಸಂಜು ಮತ್ತು ನಾನು ಸೀರಿಯಲ್‌ನ ಸಹ ನಿರ್ದೇಶಕ ಓಂಕಾರ್ ಕೂಡ ಮಾತನಾಡಿ ಪ್ರಥಮ್ ಗಲಾಟೆ ಮಾಡಿದ್ದು ನಿಜ ಎಂದ್ರು’ ಅಂತಾ ಹೇಳಿದರು. ಈ ವೇಳೆ ನಟಿ ವಿರುದ್ಧವೇ ತಿರುಗಿಬಿದ್ದ ಪ್ರಥಮ್, ‘ನೀವು ಹಾಗೂ ಭುವನ್ ರೂಮಿನಲ್ಲಿದ್ರಿ.. ನೀವೇ ಯಾಕೆ ಕಚ್ಚಿರ ಬಾರದು ಅಂತಾ ನೇರವಾಗಿ ಪ್ರಶ್ನೆ ಮಾಡಿದ್ರು.. ಜೊತೆಗೆ ನಾಯಿ ಕಚ್ಚಿರಬಹುದು’ ಎಂದಿದ್ದಾರೆ.

ಇವರಿಬ್ಬರ ನಡುವಿನ ಗಲಾಟೆ ವೀಡಿಯೋ ರೆಕಾರ್ಡಿಂಗ್ ಕೂಡ ಆಗಿದ್ದು, ಆ ವೀಡಿಯೋ ಕೂಡ ರಿಲೀಸ್ ಛೆ[ಮಾಡಲಿದ್ದಾರಂತೆ. ಒಂದು ವೇಳೆ ವಿಡಿಯೋ ಬಿಡುಗಡೆಯಾದ್ರೆ, ಪ್ರಥಮ್ ಬಂಧನ ಭೀತಿ ಎದುರಿಸೋದ್ರಲ್ಲಿ ಯಾವುದೇ ಅನುಮಾನವಿಲ್ಲ.

ಬಿಗ್ ಬಾಸ್ ವೈರಲ್ ವಿಡಿಯೋಗೆ ಸುದೀಪ್ ಕೊಟ್ಟ ಉತ್ತರವೇನು?

ಬಿಗ್ ಬಾಸ್ 5ನೇ ಸೀಸನ್ ಕಾರ್ಯಕ್ರಮ ಇನ್ನೇನು ಶುರುವಾಗಬೇಕು ಅನ್ನುವಷ್ಟರಲ್ಲೇ, ಸಾಮಾಜಿಕ ಜಾಲತಾಣದಲ್ಲಿ ಕಳೆದ ಆವೃತ್ತಿಯ ಬಿಗ್ ಬಾಸ್ ನ ವಿಡಿಯೋ ತುಣುಕೊಂದು ವೈರಲ್ ಆಗಿತ್ತು. ಅದರಲ್ಲಿ ಮಾಳವಿಕ ಹಾಗೂ ಪರಮೇಶ್ವರ್ ಗುಂಡ್ಕಲ್ ಅವರ ನಡುವಣ ಗುಸುಗುಸು ಮಾತು ಅನೇಕ ಅನುಮಾನಗಳಿಗೆ ಗ್ರಾಸವಾಗಿತ್ತು. ಈ ಎಲ್ಲ ಅನುಮಾನಗಳಿಗೆ ಕಾರ್ಯಕ್ರಮದ ನಿರೂಪಕರಾಗಿರುವ ಕಿಚ್ಚ ಸುದೀಪ್ ಇಂದಿನ ಬಿಗ್ ಬಾಸ್ ಪತ್ರಿಕಾಗೋಷ್ಠಿಯಲ್ಲಿ ಕೊಟ್ಟ ಸ್ಪಷ್ಟನೆಯ ಸಾರಂಶವಿದು…

ನನ್ನ ಪ್ರಕಾರ ಜೀವನ ಎಂದರೆ ನಾವು ನೋಡುವ ದೃಷ್ಟಿಕೋನ ಅಷ್ಟೇ. ಜನ ಯಾವತ್ತೂ ನನ್ನನ್ನು ಅನುಮಾನದಿಂದ ನೋಡಿಲ್ಲ, ನೋಡಲಿಕ್ಕೆ ಸಾಧ್ಯನೂ ಇಲ್ಲ. ನನಗೆ ಮಾಳವಿಕಾ ಹಾಗೂ ಪರಮ್ ಇಬ್ಬರೂ ತುಂಬಾ ಚೆನ್ನಾಗಿ ಗೊತ್ತು. ಇಬ್ಬರೂ ಒಳ್ಳೆಯವರೇ.

ಅದೇನೇ ಇರಲಿ ಈ ವಿಡಿಯೋ ಬಗ್ಗೆ ಹೆಚ್ಚು ತಲೆ ಕೆಡಿಸಿಕೊಳ್ಳಬೇಕಿರುವವರು ಮಾಳವಿಕ ಅವರ ಪತಿ ಅವಿನಾಶ್ ಹಾಗೂ ಪರಮ್ ಹೆಂಡತಿ ಗೀರ್ವಾಣಿ. ಅವರೇ ಏನು ಹೇಳುತ್ತಿಲ್ಲ ಅಂದಮೇಲೆ ಯಾರಿಗೆ ಏನು ತೊಂದರೆ? ಪರಮ್ ತುಂಬಾ ಒಳ್ಳೆಯ ವ್ಯಕ್ತಿ. ಹೀಗಾಗಿ ನಾನು ಅವರ ಬೆನ್ನಿಗೆ ನಿಂತು ಮಾತನಾಡುತ್ತಿದ್ದೇನೆ.

ಪ್ರತಿವಾರ ಯಾರು ಎಲಿಮಿನೇಟ್ ಆಗ್ತಾರೆ ಅನ್ನೋದು ನಮಗೆ ಗೊತ್ತಿರಲ್ಲ. ಅವರಿಗೆ ಭರವಸೆ ಕೊಡಬೇಕಿರೋದು ನಮ್ಮ ಕೆಲಸ ಅಷ್ಟೇ. ಆ ಕೆಲಸವನ್ನು ಪರಮ್ ಮಾಡಿದ್ದಾರೆ. ವಿಡಿಯೋದಲ್ಲಿ ಪಿಸುಮಾತಿನಲ್ಲಿರೋದು ಅಷ್ಟೇ. ಮಾಳವಿಕ ಇಲ್ಲಿಗೆ ಬರುವ ಮುನ್ನ ಸಾಕಷ್ಟು ಹೆಸರು ಗಳಿಸಿದ್ದರು. ಇಲ್ಲಿಗೆ ಬಂದಮೇಲೆ ಹೇಗಿರುತ್ತೇನೋ ಎಂಬ ಭಯ ಅವರಲ್ಲಿತ್ತು. ಸೀಕ್ರೆಟ್ ರೂಮಿಗೆ ಹೋಗುವಾಗ ಹೊರಗಡೆ ನನ್ನ ಬಗ್ಗೆ ಜನ ಏನು ಹೇಳುತ್ತಿದ್ದಾರೆ ಅನ್ನೋದನ್ನು ಪರಮ್ ಬಳಿ ಕೇಳಿದ್ದಾರೆ. ನಾವೆಲ್ಲಾ ಇದ್ದೇವೆ. ನೀವು ನೀವಾಗಿರಿ ಎಂದು ಧೈರ್ಯ ತುಂಬಿದ್ದರು. ಇದರಲ್ಲಿ ಮತ್ತೇನು ಕಾಣಿಸುತ್ತಿಲ್ಲ. ಒಂದುವೇಳೆ ಮಾಳವಿಕಾ ಅವರಿಗೆ ಸಹಾಯ ಮಾಡಿದ್ದೇ ಆಗಿದ್ದರೆ, ಅವರೇ ಗೆಲ್ಲಬೇಕಿತ್ತು.

ಮುತ್ತಿನ ಕಥೆ…

ಇನ್ನು ಮುತ್ತಿನ ವಿಷಯಕ್ಕೆ ಬರೋದಾದ್ರೆ ನನಗೂ ವೇದಿಕೆ ಮೇಲೆ ತುಂಬಾ ಜನ ಚುಂಬಿಸಿದ್ದಾರೆ. ಅಲ್ಲಿ ಸ್ನೇಹದ ಭಾವವಿತ್ತೇ ಹೊರತು ಬೇರೆನು ಇರಲಿಲ್ಲ. ಇಲ್ಲೂ ಕೂಡ ಅಷ್ಟೇ.

ನೀವಂದುಕೊಂಡಂತೆ ಅಲ್ಲಿ ಬೇರೆಯದೇ ಉದ್ದೇಶ ಇದ್ದಿದ್ದರೆ ಕ್ಯಾಮೆರಾ ಮುಂದೆ, ಮೈಕ್ ಆನ್ ಆಗಿರುವಾಗ ಮುತ್ತು ಕೊಡುತ್ತಿರಲಿಲ್ಲ. ಅಲ್ಲದೆ ತಕ್ಷಣವೇ ಕ್ಯಾಮೆರಾ ಆಫ್ ಮಾಡಬಹುದಿತ್ತು ಅಥವಾ ಪರಮ್ ಅವರಿಗಿರುವ ಪವರ್ ನಿಂದ ಆ ವಿಡಿಯೋ ಡಿಲೀಟ್ ಮಾಡಿಸಬಹುದಿತ್ತು. ಇಷ್ಟರಲ್ಲೇ ಅರ್ಥ ಮಾಡಿಕೊಳ್ಳಬೇಕಾಗಿರೋದು ನಾವೇನನ್ನು ನೋಡುತ್ತೀವೆಯೋ ಅದೇ ಕಾಣಿಸುತ್ತದೆ. ಇಲ್ಲಿ ನೋಡುವ ದೃಷ್ಟಿಕೋನವಷ್ಟೇ ಕೆಟ್ಟ ರೀತಿಯಲ್ಲಿ ಬಿಂಬಿಸಿದೆ.

ನನ್ನ ಬಗ್ಗೆ ನಂಬಿಕೆ ಇರೋ ಎಲ್ಲರೂ ಬಿಗ್ ಬಾಸ್ ನೋಡೇ ನೋಡ್ತಾರೆ. ಇನ್ನು ಈ ವಿಡಿಯೋ ಲೀಕ್ ಮಾಡಿದವರು ಹೊರಗಿನವರಲ್ಲ. ತೀರಾ ಒಳಗಿನವರೇ ಆಗಿದ್ದಾರೆ. ಒಂದಲ್ಲ ಒಂದು ದಿನ ಸತ್ಯ ಹೊರಗೆ ಬಂದೇ ಬರುತ್ತದೆ.

ಪರಮ್ ಗೆ ಕರೆ ಮಾಡಿ ವಿಡಿಯೋ ಲೀಕ್ ಮಾಡದಿರಲು ಹಣದ ಬೇಡಿಕೆಯನ್ನೂ ಇಟ್ಟಿದ್ದರು. ಆದರೆ ಪರಮ್ ಇದಕ್ಕೆ ಹೆದರಲಿಲ್ಲ. ಇದೆಲ್ಲದಕ್ಕೂ ಮೀರಿ ಈ ವಿಡಿಯೋ ಲೀಕ್ ಮಾಡಿದವರು ಅವರಿಗೇ ಗೊತ್ತಿಲ್ಲದ ಹಾಗೆ ಈ ಬಾರಿಯ ಬಿಗ್ ಬಾಸ್ ಕಾರ್ಯಕ್ರಮಕ್ಕೆ ಒಳ್ಳೆಯ ಪ್ರಚಾರವನ್ನೇ ತಂದುಕೊಟ್ಟಿದ್ದಾರೆ.

ಒಳ್ಳೆ ಹುಡುಗ ಪ್ರಥಮ್ ಹೊಸ ಅವತಾರದಲ್ಲಿ ?

ಬಿಗ್ ಬಾಸ್ ಪ್ರಥಮ್ ಈಗ ಮಿರ್ ..ಅಂತ ಮಿಂಚ್ ಕೊಂಡು ಹೊಸ ಅಂಗಿ ಹಾಕ್ಕೊಂಡು ಫೋಟೋ ಶೂಟ್ ಮುಗಿಸಿಕೊಂಡಿದ್ದಾರೆ . ಅದೇನ್ ಪಿಕ್ಚರ್ ಗಾ ? ಅಂದ್ರೆ ಇಲ್ಲ.. ಇಲ್ಲ.. ಯಾವ ವಾಹಿನಿಗೆ ಹೇಳಹೆಸರಿಲ್ಲದೆ ಬಂದು ಫುಲ್ ಫೇಮಸ್ ಆಗಿ ಹೊರಬಂದರೋ ಅದೇ ವಾಹಿನಿಯ ಹೊಚ್ಚಹೊಸ ಧಾರಾವಾಹಿಗೆ.

ಹೌದ್ರಪ್ಪ ಕಲರ್ಸ್ ಕನ್ನಡದ ಯಶಸ್ವಿ ಕ್ಯಾಪ್ಟನ್ ಪರಮೇಶ್ವರ್ ಗುಂಡ್ಕಲ್ ಸಂಜು ಮತ್ತು ನಾನು ಧಾರಾವಾಹಿ ತೆರೆಗೆ ತರುತ್ತಿರೋ ಸುದ್ದಿ ಕೊಟ್ಟಿದ್ದಾರೆ . ಇದೊಂದು ಪ್ರಯೋಗ ಅಂತಾನೂ ಹೇಳಿದ್ದಾರೆ .

ಯಾವತ್ತಂತೆ ?

ಇದು ದಿನಾ ಬರೋ ಧಾರಾವಾಹಿ ಅಲ್ಲ. ಶನಿವಾರ -ಭಾನುವಾರ ಒಂದು ಗಂಟೆ ಕಾಲ ಪ್ರಸಾರವಾಗುತ್ತೆ. 24 ಸಂಚಿಕೆಗಳು ಇರಲಿವೆ. ಪ್ರಥಮ್ ,ಸಂಜನಾ ,ಭುವನ್ ಮುಖ್ಯ ಪಾತ್ರಧಾರಿಗಳು . ಬಿಗ್ ಬಾಸ್ ಮನೆಯಲ್ಲಿ ನಾನಿರೋವರೆಗೂ ಭುವನ್ ಸಂಜನಾ ಲವ್ ಮಾಡೋದಿಕ್ಕೆ ಬಿಡಲ್ಲ ಅಂತ ಕೂಗಾಡಿ ,ಖಡಕ್ ಆಗಿ ಹೇಳಿದ್ದ ಪ್ರಥಮ್ ಇಲ್ಲೇನು ಮಾಡ್ತಾರೋ ನೋಡೋಣ. ಸಂಜು ಗೊತ್ತಾಯ್ತು .ಈ ನಾನು ಯಾರು ?? ಪ್ರಥಮ್ ? ಅಥವಾ ಭುವನ್ ? ಯಾರ್ ..ಯಾರ್.. ಯಾರಿರಬಹುದು ಅಂತ ಅಭಿಮಾನಿಗಳು ಕುತೂಹಲದಿಂದ ಕಾಯುವಂಥ ಹೆಸರಿಟ್ಟು ರಂಜಿಸೋಕೆ ಸಿದ್ಧವಾಗಿದ್ದಾರೆ ಕಲರ್ಸ್ ತಂಡದವರು.

ಸಿನಿಮಾಗೂ ಬಂತು “ಸುಪ್ರೀಂ” ಆರ್ಡರ್ ! ನೋಡೋಕೆ ಮುನ್ನ ಎದ್ದು ನಿಲ್ಲಬೇಕು ಯಾಕೆ ?

ಸಿನಿಮಾ ನೋಡೋಕೆ ಹೋಗುವವರಲ್ಲಿ ಬಹಳಷ್ಟು ಮಂದಿಗೆ ಬೇಕಿರುವುದು ಮನರಂಜನೆ. ಯಾಕೋ ಬೋರ್ ಹೊಡಿತಾ ಇದೆ ಒಂದು ಸಿನಿಮಾಕ್ಕೆ ಹೋಗೋಣ ಬಾ ಅಂತ ನಾವೇ ಎಷ್ಟೋ ಸಾರಿ ಹೇಳಿರ್ತೀವಿ. ಪ್ರೀತಿ-ಪ್ರೇಮ ಶುರುವಿಟ್ಟ ಹೊತ್ತಲ್ಲಿ ಪಾರ್ಕು , ಹೋಟೆಲ್ಲಿನ ಜೊತೆಗೆ ಸಿನಿಮಾ ಇದ್ದೇ ಇರತ್ತೆ. ಕತ್ತಲ ಹೊತ್ತಲ್ಲಿ ಚೂರು ಪಾರು ಚೇಷ್ಟೆಗೆ ಒಳ್ಳೆ ಅಡ್ಡ ಚಿತ್ರಮಂದಿರ. ಇನ್ನು ಮದುವೆಯಾದ ಹೊಸತರಲ್ಲು ಹೋಗುವುದು ಸಿನಿಮಾಕ್ಕೇನೆ. ಅದೊಂತರ ತೀರದ ಸೆಳೆತ!! ಒಂಥರಾ ಮಜದಮಂದಿರ ಅನ್ನಿಸುವ ಚಿತ್ರಮಂದಿರಗಳಲ್ಲಿ ಇನ್ನು ಮುಂದೆ ಫಿಲಂ ನೋಡಲಿಕ್ಕೆ ಮುನ್ನ ಎಲ್ಲರೂ ಪಾಲಿಸಲೇ ಬೇಕಾದ ನಿಯಮ ಬಂದಿದೆ. ಇದು ಭಾರತದ ಸರ್ವೋಚ್ಛ ನ್ಯಾಯಾಲಯ ನೀಡಿರುವ ಆದೇಶ !!

suprim-court

ಏನಿದು ಆದೇಶ?

-ಇನ್ನು ಮುಂದೆ ಸಿನಿಮಾ ಶುರುವಾಗುವ ಮುನ್ನ ದೇಶದ ಎಲ್ಲಾ ಚಿತ್ರಮಂದಿರಗಳಲ್ಲೂ ರಾಷ್ಟ್ರಗೀತೆ ಮೊಳಗಿಸಬೇಕು.

-ಥಿಯೇಟರ್ ನಲ್ಲಿರುವ ಪ್ರತಿಯೊಬ್ಬರೂ ಎದ್ದು ನಿಂತು “ಜನಗಣ ಮನ”ಕ್ಕೆ ಗೌರವ ಸಲ್ಲಿಸಲೇ ಬೇಕು.

-ರಾಷ್ಟ್ರಗೀತೆಯ ಜೊತೆಗೆ ತೆರೆಯ ಮೇಲೆ ರಾಷ್ಟ್ರ ಧ್ವಜವನ್ನೂ ಪ್ರದರ್ಶಿಸಬೇಕು

-ಮನೋರಂಜನಾ ವಾಹಿನಿಗಳಲ್ಲಿ ವಾಣಿಜ್ಯ ಉದ್ದೇಶಗಳಿಗೆ ರಾಷ್ಟ್ರಗೀತೆ ಬಳಸಿಕೊಳ್ಳುವಂತಿಲ್ಲ. ಹಾಡುವಾಗಲಾಗಲಿ, ನುಡಿಸುವಾಗಲಾಗಲಿ ನಾಟಕೀಯತೆ ಬೆರೆಸುವಂತಿಲ್ಲ.

ಯಾರು ?ಯಾಕಾಗಿ ಕೊಟ್ಟದ್ದು ?

ನ್ಯಾಯಮೂರ್ತಿ ದೀಪಕ್ ಮಿಶ್ರ, ಅಮಿತ್ ರಾಯ್ ಒಳಗೊಂಡ ಸುಪ್ರೀಂ ಪೀಠ ಇಂದು ಅಂದರೆ ಬುಧವಾರ ಆದೇಶ ಹೊರಡಿಸಿದೆ. ಅವ್ರ ಪ್ರಕಾರ ನಾಗರೀಕರು ರಾಷ್ಟ್ರಗೀತೆಯ ಬಗ್ಗೆ ಹೆಮ್ಮೆ ಪಡಬೇಕು. ಇತ್ತೀಚಿನ ನಮ್ಮ ಜನಕ್ಕೆ  ರಾಷ್ಟ್ರಗೀತೆಯನ್ನ ಹೇಗೆ ಹಾಡಬೇಕೆನ್ನುವುದೇ ಗೊತ್ತಿಲ್ಲ . ಆ ಕಾರಣದಿಂದ ಎಲ್ಲರಿಗು ಸರಿಯಾಗಿ ಹಾಡುವುದನ್ನು ಹೇಳಿಕೊಡಬೇಕು. ನಮ್ಮ ರಾಷ್ಟ್ರಗೀತೆಯನ್ನು ನಾವೆಲ್ಲಾ ಗೌರವಿಸಲೇ ಬೇಕು. ಅಂಥಾ ಸಮಯವೀಗ ಬಂದಾಗಿದೆ. ಇದು ಸಾಂವಿಧಾನಿಕವಾದ ರಾಷ್ಟ್ರಭಕ್ತಿಯ ಭಾಗವೂ ಆಗಿದೆ. ಜನರಿಗೆ ಇದು ನಮ್ಮ ದೇಶ ಎಂಬ ಭಾವ,ಬದ್ಧತೆ ಇರಬೇಕು. ಇಲ್ಲಿರುವ ಮಂದಿ ಸ್ವಾತಂತ್ರ್ಯ ಅನುಭವಿಸುತ್ತಿರುವುದು ದೇಶದಿಂದಲೇ ತಾನೇ ?

ಯಾವಾಗಿಂದ ಜಾರಿ ?

ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಗೆ ಸುಪ್ರೀಂ ಕೋರ್ಟ್ ಆದೇಶ ಜಾರಿಗೊಳಿಸಲು 10 ದಿನಗಳ ಕಾಲಾವಕಾಶ ನೀಡಿದೆ. ಕೇಂದ್ರ “ಸುಪ್ರೀಂ” ಆದೇಶವನ್ನು ರಾಜ್ಯ ಸರ್ಕಾರಗಳ ಮುಖ್ಯ ಕಾರ್ಯದರ್ಶಿಗಳಿಗೆ ಕಳುಹಿಸುವುದಾಗಿ ಹೇಳಿದೆ. ಜೊತೆಗೆ ಪತ್ರಿಕೆ ಹಾಗು ವಿದ್ಯುನ್ಮಾನ ಮಾಧ್ಯಮಗಳಲ್ಲಿ ಪ್ರಕಟಿಸುವುದಾಗಿ ತಿಳಿಸಿದೆ.

-ಸರ್ವೋಚ್ಛ ನ್ಯಾಯಾಲಯದ  ಆದೇಶ  ನಿಮಗೆಲ್ಲ ಏನನ್ನಿಸುತ್ತಿದೆ  ಎಂದು ತಿಳಿಯುವ ಕುತೂಹಲ ನಮಗೂ ಇದೆ. ciniadda.com ನಲ್ಲಿ ನಿಮ್ಮ ಅಭಿಪ್ರಾಯ ದಾಖಲಿಸಿ.

-ಭಾನುಮತಿ ಬಿ ಸಿ

ಚಿತ್ರ ಕೃಪೆ -THE HINDU

 

ಬಿಗ್ ಬಸ್ ಮನೆಯಲ್ಲಿ ಜೋಡಿ ವಿವಾಹ

 ಕಳೆದ ರಾತ್ರಿ ಪ್ರಸಾರವಾದ ಬಿಗ್ ಬಾಸ್ ಎಪಿಸೋಡ್ ನಲ್ಲಿ ಜೋಡಿ ವಿವಾಹ ಕಾರ್ಯಕ್ರಮ ನಡೀತು. ಒಂದು ಹಳೇ ಜೋಡಿಗೆ ಮರುವಿವಾಹ ಆದ್ರೆ, ಮತ್ತೊಂದು ಕನಸುಗಳನ್ನು ಕಾಣುತ್ತಿರುವ ನವ ಜೋಡಿಯ ವಿವಾಹ. ಒಂದು ಮದುವೆ ಪೂರ್ವ ನಿಯೋಜಿತವಾಗಿದ್ದು, ಮತ್ತೊಂದು ವಿವಾಹ ಊಹೆಗೂ ನಿಲುಕುದಂತೆ ನಡೆದು ಹೋಯ್ತು. ಮದುವೆ ಕಾರ್ಯಕ್ರಮ ಸಾಗುತ್ತಿದ್ದ ರೀತಿ ನೋಡಿ ಬಿಗ್ ಬಾಸ್ ಕೂಡ ಕ್ಷಣ ಮಾತ್ರ ಚಕಿತರಾದ್ರು. ಮಧ್ಯೆ  ಮಧ್ಯೆ  ಕಾಮೆಂಟ್ ಮಾಡ್ತಿದ್ದ ಬಿಗ್ ಬಾಸ್ ಮದುವೆ ಮುಗಿಯೋ ತನಕ ಸೊಲ್ಲೆತ್ತಲಿಲ್ಲ. ಅದರಲ್ಲೂ ಬಿಗ್ ಬಾಸ್ ಮನೆಯಲ್ಲೇ ಕಲೆತಿದ್ದ ಎರಡು ಹೃದಯಗಳು ಬಿಗ್ ಬಾಸ್ ಮನೆಯಲ್ಲೇ ಒಂದಾಗಿದ್ದು ವಿಶೇಷ..
ಜಯರಾಮ್ ಕಾರ್ತಿಕ್ ಹಾಗೂ ಸಿಂಗರ್ ಶೃತಿ ಬಿಗ್ ಬಾಸ್ ಮನೆಯ ಪ್ರೇಮ ಪಕ್ಷಿಗಳು. ನೇರವಾಗಿ ಎಲ್ಲರ ಮುಂದೆ ಹೇಳಿಕೊಳ್ಳದಿದ್ದರು, ಒಂದಾದ ಹೃದಯಗಳು ಟಿವಿ ಪರದೆ ಮೇಲೆ ಜನರಿಗೆ ಕಾಣಿಸುತ್ತಿದೆ. ಒಬ್ಬರಿಗೊಬ್ಬರ ಸಹಕಾರ, ಮಮಕಾರ, ಪ್ರೀತಿ ವಾತ್ಸಲ್ಯ ತುಂಬಿರುತ್ತೆ. ನಿನ್ನೆ ಸ್ಟ್ಯಾಚ್ಯೂ ಪ್ಲೇ ಗೇಮ್ ನಡೆಯುವಾಗ ಶೃತಿ ಹಾಗೂ ಜೆಕೆ ಒಮ್ಮೆ ಎದುರು ಬದುರಾದರು. ಇಬ್ಬರನ್ನು ಬಿಗ್ ಬಾಸ್ ಸ್ಟ್ಯಾಚ್ಯೂ ಮಾಡಿದ್ರು. ಈ ವೇಳೆ ರ‌್ಯಾಪರ್ಸ್ ಚಂದನ್ ಶೆಟ್ಟಿ ಹಾಗೂ ನಿವೇದಿತಾ, ದಿವಾಕರ್ ಎಲ್ಲರೂ ಸೇರಿಕೊಂಡು ಆಚಾರ್ಯರನ್ನು ಪುರೋಹಿತರನ್ನಾಗಿ ಮಾಡಿಕೊಂಡು ಮದುವೆ ಶಾಸ್ತ್ರ ಮುಗಿಸಿದ್ರು.
ಇನ್ನೊಂದೆಡೆ ನಿನ್ನೆ ಬಿಗ್ ಬಾಸ್ ಮನೆಯೊಳಕ್ಕೆ ಹೋಗಿದ್ದ ಸಮೀರ್ ಆಚಾರ್ಯ ಪತ್ನಿ ಹೂಮಾಲೆ ಹಿಡಿದುಕೊಂಡೇ  ಹೋಗಿದ್ರು. ನಮ್ಮ ಮದುವೆಗೆ ನಿಮ್ಮನ್ನು ಕರೆಯಲಾಗಲಿಲ್ಲ. ಹಾಗಾಗಿ ಮತ್ತೆ ಬಿಗ್ ಬಾಸ್ ಮನೆಯೊಳಗೆ ಮದುವೆ ಮಾಡಿಕೊಳ್ತೀವಿ ಅಂತ ತಿಳಿಸಿ, ದೇವರಿಗೆ ಶಾಸ್ತ್ರೋಕ್ತವಾಗಿ ಪೂಜೆ ಸಲ್ಲಿ ಹಾರ ಬದಲಾವಣೆ ಮಾಡಿಕೊಂಡು ಮದುವೆಯಾದ್ರು. ಒಟ್ಟಾರೆ ಬಿಗ್ ಬಾಸ್ ಮನೆಯೊಳಗೆ ಎರಡು ಜೋಡಿ ಮದುವೆಯಾದ ಬಳಿಕ ಸಮೀರ್ ಪತ್ನಿ ಮನೆಯಿಂದ ಹೊರ ಬಂದಿದ್ದಾರೆ. ಇನ್ನೊಂದು ಜೋಡಿ ಮನೆಯೊಳಗೇ ಇದ್ದು, ಮುಂದಿನ ಶಾಸ್ತ್ರ ಗಳು ನಡೆಯುತ್ತಾ ಅನ್ನೋದು ಗೊತ್ತಿಲ್ಲ..
ಜ್ಯೋತಿ ಗೌಡ, ನಾಗಮಂಗಲ

ಬಿಗ್ ಬಾಸ್ ನಲ್ಲಿ ಲವ್ ಗೇಮ್ ..! 

ಬಿಗ್ ಬಾಸ್ ಅಂದ್ರೆ ನೋವು ನಲಿವು, ಸುಖ ಸಂತೋಷ, ಕಷ್ಟ, ಪ್ರೀತಿ ಪ್ರೇಮ ಪ್ರಣಯ ಎಲ್ಲವೂ ವ್ಯಕ್ತವಾಗಲು ಇರುವ ವೇದಿಕೆ. ಹಾಗಂದ ಮಾತ್ರಕ್ಕೆ ಅಲ್ಲಿಗೆ ಹೋದವರು ಲವ್ ನಲ್ಲಿ ಬೀಳ್ತಾರೆ ಅಂತ ಅರ್ಥ ಅಲ್ಲ.. ಮಾತಿನ ಭರಾಟೆಯಲ್ಲಿ ಡಬಲ್ ಮೀನಿಂಗ್ ಶಬ್ದ ಬಳಸಿ ಇನ್ನೇನೋ ಮಾಡ್ತಾರೆ ಅಂತಾನೂ ಅಲ್ಲ. ಆದ್ರೆ ಕಳೆದ ನಾಲ್ಕು ಸೀಸನ್ ಗಳಲ್ಲಿ ಒಂದೊಂದು ಪ್ರಣಯ ಜೋಡಿಗಳು ಹೊರಹೊಮ್ಮಿವೆ. ಬಿಗ್ ಬಾಸ್ ಗಾಗಿ ಆಗಿದ್ದೋ.. ಅಥವಾ ಬಿಗ್ ಬಾಸ್ ನಿಂದ ಹೊರ ಬಂದ ಬಳಿಕ ಬೇಕಾಗಿಲ್ವೋ ಅದೂ ಗೊತ್ತಿಲ್ಲ, ಆದ್ರೆ ಬಿಗ್ ಬಾಸ್ ಮನೆಯಲ್ಲಿದ್ದಾಗ ಸ್ಕ್ರೀನ್ ನಲ್ಲಿ ಕಾಣಿಸಿದಂತು ಸತ್ಯ.
ಮೊದಲ ವಾರದಲ್ಲೇ ಶುರುವಾಯ್ತ ಲವ್ ಕಿರಿಕ್
ಅದೇನೆ ಅಗಲಿ ಒಂದು ಹುಡುಗ ಹುಡುಗಿ‌ ಲವ್ ನಲ್ಲಿ ಬೀಳೋದಿಕ್ಕೆ ಸ್ವಲ್ಪ‌ ಟೈಮ್ ಬೇಕು. ಆದ್ರೆ ಈ ಬಾರಿ ರಿಯಲ್ ಲವ್ವರ್ ಗಳನ್ನೇ ಹಿಡಿದು ಬಿಗ್ ಬಾ್ ಮನೆಯೊಳಕ್ಕೆ ಬಿಟ್ಟಿದ್ದಾರೆ. ಈಗಾಗಲೇ ಲವ್ ಬ್ರೇಕಪ್ ಮಾಡ್ಕೊಂಡಿರೋ ಈ ಜೋಡಿಗೆ ಬಿಗ್ ಬಾಸ್ ಸಾಕಷ್ಟು ಗೇಮ್ ಆಡಲಿದ್ದು ನೋಡುಗರ ಕಣ್ಣಿಗೆ ರಸದೌತಣ ನೀಡೋದಂತು ಸತ್ಯ..
ಸೀರಿಯಲ್ ಸ್ಟಾರ್.. ಪ್ರೀತಿಯಲ್ಲಿ ವಾರ್..
ಸೀರಿಯಲ್ ಸ್ಟಾರ್ ಗಳಾದ ಬಿಗ್ ಬಾಸ್ ಮನೆಯ ಮೊದಲ ವಾರದ ಕ್ಯಾಪ್ಟನ್ ಅನು ಹಾಗೂ ಬಿಗ್ ಬಾಸ್ ಮನೆಯ ಸದಸ್ಯ ಜಗನ್ ಭೂತಕಾಲದ ಪ್ರೇಮಿಗಳು. ಇವರಿಬ್ಬರೂ ಮುರಿದು ಹೋಗಿರುವ ಪ್ರೇಮ ಸೇತುವೆ ಮೇಲೆ ನಿಂತಿದ್ದು ಆ ಕಡೆ ಹೋಗಲೂ ಆಗಲ್ಲ ಈ ಕಡೆ ಬರಲೂ ಆಗಲ್ಲ ಅನ್ನೋ ಸ್ಟೇಜ್ ನಲ್ಲಿ ನಿಂತಿದ್ದಾರೆ. ಬಿಗ್ ಬಾಸ್ ಇವರಿಬ್ಬರು ಸೇರಿಸ್ತಾರಾ ಇಲ್ಲ ಇದ್ದಷ್ಟು ದಿನ ಜಗಳ ಗುದ್ದಾಟ ಮಾಡಿ ವಾಪಸ್ ಕಳಿಸ್ತಾರಾ ನೋಡ್ಬೇಕು..
ಅನು ಕ್ಯಾಪ್ಟನ್ ಆಗಿರೋ ಕಾರಣದಿಂದ ಆಕೆ ಹೇಳಿದ ಮಾತು ಬಿಗ್ ಬಾಸ್ ಮನೆಯಲ್ಲಿ ನಡೆಯಬೇಕು. ಆದ್ರೆ ಆ ಬಗ್ಗೆ ಚೆನ್ನಾಗಿ ತಿಳಿದಿರೋ ಜಗನ್ ಟಾಂಗ್ ಕೊಡುವ ರೀತಿಯಲ್ಲಿ ಮಾತನಾಡ್ತಿರೋದು ಅನುಗೆ ಸಹಿಸಲು ಆಗ್ತಿಲ್ಲ. ಆಶಿತಾ ಈ ಬಗ್ಗೆ ಜಗನ್ ಬಳಿ ಹೇಳಿದಾಗ ಹಳೇ ವಿಚಾರ ಎಲ್ಲ ಕೆದಕೋದು ಬೇಡ. ಅದು ಕಳೆದು ಹೋದದ್ದು ಎಂದು ನೇರವಾಗಿ ಜಗನ್ ಹೇಳುತ್ತಿದ್ದ ಹಾಗೆ ಟಿವಿ ಮುಂದೆ ಕುಳಿತಿದ್ದ ಜನರ ಕಿವಿಗಳು ಅಗಲವಾಗಿದ್ವು.. ಮುಂದೆ ಇನ್ಯಾವ ರೀತಿಯಲ್ಲಿ ಟ್ವಿಸ್ಟ್ ಪಡೆಯುತ್ತೆ ಲವ್ ಸ್ಟೋರಿ ಸಿನಿಅಡ್ಡಾ ನಿಮಗೆ ತಿಳಿಸುತ್ತೆ.. ವೇಯ್ಟ್ ಅಂಡ್ ರೀಡ್..
ಜ್ಯೋತಿ ಗೌಡ, ನಾಗಮಂಗಲ

“ಬಿಗ್ ಬಾಸ್” ನಲ್ಲಿ ಕೊನೆಗೂ ಗೆಲ್ಲಲಿಲ್ಲ ರೇಖಾ ಒಳ್ಳೆತನ

ಬಿಗ್ ಬಾಸ್ ಸೀಸನ್ 4 ಗ್ರಾಂಡ್ ಫೈನಲ್ನಲ್ಲಿ ಕಡೆಯ ಹಂತದವರೆಗೂ ಬಂದ ಉಳಿದ ಮೂವರಲ್ಲಿ ಮನೆಯನ್ನು ಗೆದ್ದ ಮೃದು ಮನಸ್ಸಿನ ಹೆಣ್ಣುಮಗಳು ರೇಖಾ ಮನೆಯಿಂದ ಹೊರಬಂದಿರುವ ಸುದ್ದಿ ಬಂದಿದೆ.

ಎಂಥದ್ದೇ ಸಂದರ್ಭದಲ್ಲೂ ತಾಳ್ಮೆ ಕಳೆದುಕೊಳ್ಳದ ರೇಖಾ ಹೊರಬಿದ್ದದ್ದು ವಿಪರ್ಯಾಸವಾಗಿದ್ದರೂ ಬರಿಯ  ಒಳ್ಳೆಯತನ ಇಂಥಾ ಕಡೆ ಕೆಲಸ ಮಾಡುವುದಿಲ್ಲವೆಂಬುದು ಮತ್ತೊಮ್ಮೆ ಸಾಬೀತಾದಂತಾಗಿದೆ.

ದಾರಿ ಯಾವುದಾದರೇನು ಗೆಲ್ಲುವುದೇ ಗುರಿ ಅಂತ ಭಾವಿಸದೆ ಸಂಯಮದಿಂದ ಆಟವಾಡಿದ್ದು ರೇಖಾ ಮಾತ್ರ. ಒಮ್ಮೆಮ್ಮೆ ಸ್ವಲ್ಪ ಸೋಬರ್ ಅನ್ನಿಸಿದರೂ ಆಕೆಯ ಸ್ಥಿತ ಪ್ರಜ್ಞತೆಯನ್ನು ಮೆಚ್ಚಲೇಬೇಕು.

ಮೋಸದ ಮನಃ ಸ್ಥಿತಿ, ಅತಿ ಲೆಕ್ಕಾಚಾರ, ಕಿರಿಕಿರಿ ಎನ್ನಿಸುವಂತಹ ನಡವಳಿಕೆ  ಇಲ್ಲದೆಯೂ ಗ್ರಾಂಡ್ ಫಿನಾಲೆಯವರೆಗೂ ಬಂದಿದ್ದು ರೇಖಾ ಸಾಧನೆಯೇ ಸರಿ. ಇನ್ನಷ್ಟು ಗೆಲುವಾಗಿ ಆಡಿದ್ದರೆ ಬಹುಷಃ ರೇಖಾ ಬಿಗ್ ಬಾಸ್ ಒಡತಿ ಆಗುತ್ತಿದ್ದರೇನೋ ಅಂತ ಅವರ ಅಭಿಮಾನಿಗಳಿಗೆ  ಅನ್ನಿಸಿದ್ದರೂ ಅಚ್ಚರಿಯಿಲ್ಲ.

 

ಕಲರ್ಸ್‍ ಕನ್ನಡದಲ್ಲಿ ಫೆಬ್ರವರಿ 6ಕ್ಕೆ “ಪದ್ಮಾವತಿ” ಪುರ ಪ್ರವೇಶ !!

ಮನರಂಜನೆಯ ವಿಷಯ ಬಂದರೆ ಕನ್ನಡದ ಅಪ್ರತಿಮ ಮನೋರಂಜನಾ ಚಾನೆಲ್ ಕಲರ್ಸ್‍ಕನ್ನಡ ವೀಕ್ಷಕರನ್ನು ಯಾವತ್ತೂ ನಿರಾಸೆ ಮಾಡಿಲ್ಲ. ಬಿಗ್‍ಬಾಸ್‍ನಂತಹ ಬೃಹತ್‍ ರಿಯಾಲಿಟಿ ಶೋ ಬೆನ್ನಲ್ಲೇ `ರಾಧಾರಮಣ’ ಆರಂಭವಾಯಿತು. ಇದರ ಸೊಬಗನ್ನು ವೀಕ್ಷಕರು ಸವಿಯುತ್ತಿರುವಾಗಲೇ ಕಲರ್ಸ್‍ ಕನ್ನಡ ಇದೀಗ `ಪದ್ಮಾವತಿ’ ಎಂಬ ಇನ್ನೊಂದು ಹೊಸ ಕತೆಯೊಂದಿಗೆ ವೀಕ್ಷಕರ ಮುಂದೆ ಬರಲು ಸಿದ್ಧವಾಗಿದೆ. ಈ ಹೊಸ ಧಾರಾವಾಹಿ ಫೆಬ್ರವರಿ 6ರಿಂದ ರಾತ್ರಿ9:30ಕ್ಕೆ ಪ್ರತಿ ಸೋಮವಾರದಿಂದ ಶುಕ್ರವಾರದವರೆಗೆ ಪ್ರಸಾರವಾಗಲಿದೆ.

`ಪದ್ಮಾವತಿ’ ಧಾರಾವಾಹಿಯು ತುಳಸಿ ಮತ್ತು ಸಾಮ್ರಾಟನ ಸುತ್ತ ಸಾಗುವ ಕತೆ. ಕಥಾನಾಯಕಿ ತುಳಸಿ ಹಳ್ಳಿಯಲ್ಲಿ ಬೆಳೆದ ಮುಗ್ದಮನಸ್ಸಿನ ಸ್ಪುರದ್ರೂಪಿ ಹುಡುಗಿ. ಇಷ್ಟದೇವತೆ ಪದ್ಮಾವತಿಯೊಡನೆ ಅವಿನಾಭಾವ ಸಂಬಂಧ ಹೊಂದಿದತರುಣಿ. ಕಥಾನಾಯಕ ಸಾಮ್ರಾಟ ಒಬ್ಬ ಸೂಪರ್ ಸ್ಟಾರ್, ಹೃದಯವಂತ. ತನ್ನಕುಟುಂಬವನ್ನು ಪ್ರೀತಿಸುವಜವಾಬ್ದಾರಿಯ ಹುಡುಗ. ಆದರೆ ನಾಸ್ತಿಕ. ಈ ಆಸ್ತಿಕ ಮತ್ತು ನಾಸ್ತಿಕರ ಮಧ್ಯೆ ಬೆಳೆಯುವ ಸಂಬಂಧದಕತೆ ಪದ್ಮಾವತಿ.

parameshwar gundkalಕಲರ್ಸ್‍ಕನ್ನಡ ಹಾಗೂ ಸೂಪರ್ ವಾಹಿನಿಯ ಬ್ಯುಸಿನೆಸ್ ಹೆಡ್ ಪರಮೇಶ್ವರಗುಂಡ್ಕಲ್ ಹೇಳುವಂತೆ, “ನಮ್ಮ ವಾಹಿನಿಯು ಸಾಕಷ್ಟು ಹೊಸ ಕತೆಗಳನ್ನು ವೀಕ್ಷಕರಿಗೆ ಮನ ಮುಟ್ಟುವಂತೆ ತಲುಪಿಸಿದೆ. ಜನ್ಮಜನ್ಮಾಂತರದ ಸಂಬಂಧಗಳಲ್ಲಿ ನಂಬಿಕೆ ಇಡುವ, ದೇವರೊಂದಿಗೆ ಅವಿನಾಭಾವ ಸಂಬಂಧ ಹೊಂದಿರುವ ಮುಗ್ದಮನಸ್ಸಿನ ತುಳಸಿಯ ಕತೆ `ಪದ್ಮಾವತಿ’. ನಾವು ಇಲ್ಲಿಯವರೆಗೂ ನೀಡದ ರೀತಿಯ ಫ್ರೆಶ್‍ಕತೆಇದು. ಬಿಗ್‍ಬಾಸ್ ನಂತರ ಪ್ರೈಮ್‍ಟೈಮ್‍ನಲ್ಲಿ ಪ್ರಸಾರ ಮಾಡುವ `ಪದ್ಮಾವತಿ’ ಧಾರಾವಾಹಿಯನ್ನು ನಮ್ಮ ವೀಕ್ಷಕರು ಸ್ವೀಕರಿಸುತ್ತಾರೆ ಎಂಬುದು ನಮ್ಮ ನಂಬಿಕೆ.”

ವಾಹಿನಿಯ ಫಿಕ್ಷನ್ ಹೆಡ್ ಹಾರೀಸ್‍ ಅಭಿಪ್ರಾಯದಂತೆ, “ಕೆಲವು ಕತೆಗಳು ಸಾರ್ವಕಾಲಿಕ. ಉದಾಹರಣೆಗೆ ದೇವರ ಮೇಲಿನ ಭಕ್ತಿ, ಮದುವೆ ಮುಂತಾದ ಕತೆಗಳನ್ನು ಎಷ್ಟು ನೋಡಿದರೂ ಸಾಕಾಗುವುದಿಲ್ಲ. `ಪದ್ಮಾವತಿ’ ಅಂತಹ ಒಂದು ಸಾರ್ವಕಾಲಿಕ ಕತೆ. ಈ ಕತೆ ಸಿದ್ಧಪಡಿಸುವಾಗ ಮತ್ತು ಕತೆಯನ್ನು ಧಾರಾವಾಹಿಯನ್ನಾಗಿ ಮಾಡುವಾಗ ಕಲರ್ಸ್‍ ಕನ್ನಡದ ನಮ್ಮತಂಡ ಬಹಳ ಖುಷಿಪಟ್ಟಿದೆ. ನೋಡುವಾಗ ವೀಕ್ಷಕರು ಕೂಡಾ ಅಷ್ಟೇ ಖುಷಿಪಡುತ್ತಾರೆ ಎಂಬ ವಿಶ್ವಾಸ ನಮ್ಮದು.”
ಧಾರಾವಾಹಿಯೊಳಗೆ ಏನೇನಿದೆ ?

padmavathi serialಪದ್ಮಾವತಿ ದೇವಿಯ ಪರಮ ಭಕ್ತೆಯಾದ ತುಳಸಿ ತನ್ನ ಜೀವನದ ಪ್ರತಿಯೊಂದು ಹೆಜ್ಜೆಗೂ ದೇವಿಯ ಒಪ್ಪಿಗೆ ಬೇಡುವವಳು. ಇದು ಅವಳ ಮದುವೆಯ ವಿಷಯಕ್ಕೂ ಹೊರತಾಗಿಲ್ಲ. ಅವಳನ್ನು ನೋಡಲು ಸಾಕಷ್ಟು ಹುಡುಗರು ಬಂದು ಹೋದರೂ ಅದಕ್ಕೆ ಪದ್ಮಾವತಿಯಿಂದ ಒಪ್ಪಿಗೆ ದೊರೆಯದ ಕಾರಣ ತುಳಸಿಯ ಮದುವೆ ಒಂದು ಸವಾಲಾಗುತ್ತದೆ. ದೇವರನ್ನೇ ನಂಬುವ ಸಂಪ್ರದಾಯಸ್ಥ ಮನೆತನದ ಹುಡುಗಿ ತುಳಸಿ ಮತ್ತು ಸೂಪರ್ ಸ್ಟಾರ್‍ ಆಗಿರುವ ನಾಸ್ತಿಕ ಸಾಮ್ರಾಟ್ ಭೇಟಿಯಾಗುತ್ತಾರಾ? ಈ ವೈರುಧ್ಯ ಮನಸುಗಳ ಮಧ್ಯೆ ಸಂಬಂಧ ಬೆಳೆಯುತ್ತದೆಯೇ? ತುಳಸಿ-ಸಾಮ್ರಾಟ್ ಸಂಬಂಧಕ್ಕೆ ಪದ್ಮಾವತಿದೇವಿಯ ಒಪ್ಪಿಗೆ ಇದೆಯೇ? ತುಳಸಿಯ ಜೀವನಕ್ಕೆ ಆರಾಧ್ಯದೇವತೆ ಪದ್ಮಾವತಿ ಹೇಗೆ ದಾರಿ ದೀಪವಾಗುತ್ತಾಳೆ ಎಂಬುದರ ಸುತ್ತ ಹೆಣೆದಿರುವಕತೆ ಪದ್ಮಾವತಿ.

ಕಲರ್ಸ್‍ ಕನ್ನಡ ವಾಹಿನಿಯ ಕುಲವಧು, ಪುಟ್ಟಗೌರಿ ಮದುವೆ, ಕಿನ್ನರಿ, ಅಗ್ನಿಸಾಕ್ಷಿ, ಅಕ್ಕ, ಲಕ್ಷ್ಮೀ ಬಾರಮ್ಮ, ರಾಧಾರಮಣ, ಗಾಂಧರಿ, ಮನೆದೇವ್ರು, ಮಜಾಟಾಕೀಸ್, ಬಿಗ್‍ಬಾಸ್, ಸೂಪರ್ ಮಿನಿಟ್, ಅಶ್ವಿನಿ ನಕ್ಷತ್ರ, ಚರಣದಾಸಿ, ಯಶೋಧೆ ಮೊದಲಾದ ಜನಪ್ರಿಯ ಕಾರ್ಯಕ್ರಮಗಳ ಸಾಲಿಗೆ ‘ಪದ್ಮಾವತಿ’ ಹೊಸದಾಗಿ ಸೇರ್ಪಡೆಯಾಗಲಿದೆ.

ಕಲಾವಿದರ ಬಳಗ:
ದೀಪ್ತಿ, ತ್ರಿವಿಕ್ರಮ, ಜಯಂತಿಅಮ್ಮ, ಚಿತ್ರ ಶೆಣೈ, ಅಶೋಕ್‍ಜಂಬೆ, ಅರುಣ್ ಬಾಲರಾಜ ಮೊದಲಾದವರು

ತಾಂತ್ರಿಕವರ್ಗ:-
ಕತೆ : ಕಲರ್ಸ್‍ಕನ್ನಡ ಫಿಕ್ಷನ್‍ತಂಡ;
ಲೇಖಕರು : ಮಂಜುನಾಥ್ ಭಟ್
ನಿರ್ಮಾಣ: ಸಾಯಿ ನಿರ್ಮಲಾ ಪ್ರೊಡಕ್ಷನ್
ನಿರ್ದೇಶಕರು: ನಿರ್ಮಲಾಚನ್ನಪ್ಪ ಮತ್ತುತಂಡ;
ಛಾಯಾಚಿತ್ರಗ್ರಾಹಕ: ಸತ್ಯ/ಸೃಜನ್/ನಟರಾಜ್ ಮದ್ದಲ/ವಿಷ್ಣು/ರವಿ ಕಿಶೋರ್
ಸಂಕಲನ: ರಾಕೆಶ್‍ಅರೂರ್/ಕೃಷ್ಣ
ಪ್ರೊಡಕ್ಷನ್ ಮ್ಯಾನೆಜರ್: ಅನಿಲ್
ಸಾಹಿತ್ಯ: ಜೋಗಿ/ ನಾಗೇಂದ್ರ  ಪ್ರಸಾದ್
ಸಂಗೀತ: ಪೂರ್ಣಚಂದ್ರ ತೇಜಸ್ವಿ/ ಎ.ಪಿ.ಅರ್ಜುನ್/ವೈಭವ್
ಹಾಡಿದವರು: ನವೀನ್

ಕಾರ್ಯಕ್ರಮ: ಪದ್ಮಾವತಿ
ಪ್ರಸಾರ ದಿನ: ಫೆಬ್ರವರಿ 6
ಪ್ರಸಾರ ಸಮಯ: ಸಂಜೆ 9:30 ಗಂಟೆಗೆ ಪ್ರತಿ ಸೋಮವಾರದಿಂದ ಶುಕ್ರವಾರದವರೆಗೆ

“Troll ಮೇಲೆ Troll ….ಕೇಳೋರಿಲ್ಲ ಸಂಜನಾ ಗೋಳು”

ಬಿಗ್ ಬಾಸ್  ಸಂಜನಾ ತನ್ನ Cuteness ಹಾಗೂ ಪೆದ್ದುತನ ದಿಂದ full famous ಆಗಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಂತೂ  ಯಾವ ಹೀರೋಯಿನ್ ಹೆಸರು ಕೇಳಿಬರುತ್ತಿಲ್ಲ ಇತ್ತೀಚೆಗೆ ಈಕೆಯದೇ ಮಾತು…..ಈಕೆಯ ಮೇಲಿನ Troll ಗಳಿಗೆ ಬರವೇ ಇಲ್ಲ.
PM ಯಾರು ಗೊತ್ತಿಲ್ಲ,President ಯಾರು ಗೊತ್ತಿಲ್ಲ, ಚಿಕ್ಕ ಪುಟ್ಟ ಮನೆಗೆಲಸ ಗಳ ಪರಿಚಯವೂ ಇಲ್ಲ ಬಹಳ ಮುದ್ದು ಅಷ್ಟೆಯೇ ಪೆದ್ದು.
 ತನ್ನ  ಮೇಲಿನ Troll ಗಳಿಂದ ಬೇಸರವಾಗಿರೋ  ಸಂಜನಾ Troll ಮಾಡೋವ್ರ ವಿರುದ್ಧ ತಿರುಗಿ ಬಿದ್ದಿದ್ದಾರೆ, ಒಬ್ಬರನ್ನ ಹಿಯಾಳಿಸುವ ಮುನ್ನ ನಿಮ್ಮನ್ನು ನೀವೊಮ್ಮೆ ಸರಿಯಾಗಿ ನೋಡ್ಕೊಳ್ಳಿ ನೀವು ಎಷ್ಟರ ಮಟ್ಟಿಗೆ perfect ಅಂತ ಗೊತ್ತಾಗುತ್ತೆ ನಾನು ಎಲ್ಲಾ ತಿಳಿದುಕೊಳ್ಳುವುದರಿಂದ ನಿಮಗೇನು ಲಾಭವಿಲ್ಲ ಅಂತ ಖಡಕ್ ಸಂದೇಶ ನೀಡಿದ್ದಾರೆ….
 ನಮ್ಮ Troll ಹೈಕ್ಳು ಅದನ್ನೂ  ಬಿಡದೆ  Troll ಮಾಡಿ ಸಂಜನಾನ ಮತ್ತಷ್ಟು ಪೇಚಿಗೆ ಸಿಲುಕಿಸಿದ್ದಾರೆ.
ಒಟ್ಟಾರೆ ಈ Troll ಗಳಿಂದ ಸಂಜನಾಗೆ ಲಾಭವೇ ಆಗಿದೆ  ಸಂಜನಾ ಮತ್ತಷ್ಟು ಹೆಸರು ಗಳಿಸುತ್ತಿದ್ದಾರೆ.
sanjana bigboss
ಮೊನ್ನೆ ಮೊನ್ನೆ ಮಜಾಟಾಕೀಸ್ ನಲ್ಲಿ ಮದುವೆಯಾಗಿದ್ದು ತಮಾಷೆಗೆ ನಾನು ಭುವನ್ ಫ್ರೆಂಡ್ಸ್ ಅಷ್ಟೇ . ನಾನು-ಭುವನ್ ಲವ್ ಮಾಡ್ತಿಲ್ಲ ಅಂತ ciniadda.com  ಗೆ ಸಂಜನಾ ಹೇಳಿಕೊಂಡಿದ್ದರು.
ಈ ಮಧ್ಯೆ ಪ್ರಥಮ್ -ಭುವನ್ ಸೈಡ್ ನಲ್ಲಿರಿ ಅಂತ ಕಿರಿಕ್ ಕೀರ್ತಿ ತಮ್ಮ ಹೊಸ ಚಿತ್ರಕ್ಕೆ ಸಂಜನಾನ ನಾಯಕಿ ಮಾಡಿಕೊಂಡಿದ್ದಾರೆ .
ಸಂಜನಾಗೆ ಜನರಲ್ ನಾಲೆಡ್ಜ್ ಎಷ್ಟಿದೆಯೋ ಇಲ್ಲವೋ ಕೀರ್ತಿ ಜೊತೆ ಕಿರಿಕ್ ಮಾಡಿಕೊಳ್ಳದೆ ಸಿನಿಮಾದಲ್ಲಿ ಕ್ಲಿಕ್ ಆಗ್ತಾರಾ ನೋಡಣ ಅಲ್ವಾ ?

ಬಿಗ್ ಬಾಸ್ ನಿಂದ ಹೊರಬಿದ್ದ ಅನುಪಮಾ?

ಅಕ್ಕ ಖ್ಯಾತಿಯ ಕಿರುತೆರೆ ನಟಿ ಅನುಪಮಾ ಗೌಡ ಬಿಗ್ ಬಾಸ್ ಮನೆಯಿಂದ ಹೊರಬಿದ್ದಿದ್ದಾರೆ ಎಂಬ ಮಾಹಿತಿ ಮೂಲಗಳಿಂದ  ಬಂದಿವೆ.

ಬಿಗ್ ಬಾಸ್ ಫಿನಾಲೆಗೆ ಬೆರಳೆಣಿಕೆ ದಿನಗಳು ಬಾಕಿ ಇರುವಾಗ ಎಲಿಮಿನೇಟ್ ಆಗಿರುವುದು ಅನುಪಮಾಗೆ ದೊಡ್ಡ ನಿರಾಸೆಯಾಗಿದೆ. ಇದರೊಂದಿಗೆ ಅಂತಿಮ ಘಟ್ಟದಲ್ಲಿ ಅನುಪಮಾ ಮುಗ್ಗರಿಸಿದ್ದಾರೆ. ಕಾರ್ಯಕ್ರಮದ ಆರಂಭದಲ್ಲಿ ಜಗನ್ ಜತಗಿನ ಮನಸ್ತಾಪ, ಮುನಿಸು, ಅಳುವಿನಿಂದ ಹೆಚ್ಚು ಕಾಣಿಸಿಕೊಂಡಿದ್ದ ಅನುಪಮಾ ಕ್ರಮೇಣ ಟಾಸ್ಕ್ ಗಳಲ್ಲಿ ಉತ್ತಮವಾಗಿಪ್ರದರ್ಶನ ನೀಡುತ್ತಾ, ನಗುತ್ತಾ, ಜಾಲಿಯಾಗಿದ್ದರು.

ಈ ಬಾರಿಯ ಬಿಗ್ ಬಾಸ್ ಅವತರಣಿಕೆಯಲ್ಲಿ ಮೊದಲ ಹಾಗೂ ಕೊನೆಯ ಕ್ಯಾಪ್ಟನ್ ಆಗಿದ್ದು ಅನುಪಮಾ ಎಂಬುದು ವಿಶೇಷ. ಇನ್ನು ಕಾರ್ಯಕ್ರಮದಲ್ಲಿ ಜಯರಾಂ ಕಾರ್ತಿಕ್, ಚಂದನ್ ಶೆಟ್ಟಿ, ನಿವೇದಿತಾ, ಶೃತಿ, ಸಮೀರ್ ಆಚಾರ್ಯ, ದಿವಾಕರ್ ಉಳಿದುಕೊಂಡಿದ್ದು, ಒಬ್ಬೊಬ್ಬರು ತಮ್ಮದೇ ಆದ ವಿಶೇಷತೆಗಳಿಂದ ಇಷ್ಟು ದೂರ ಸಾಗಿ ಬಂದಿದ್ದಾರೆ. ಇವರಲ್ಲಿ ಅಂತಿಮ ಅಂತಿಮ ಐದರಲ್ಲಿಸ್ಥಾನ ಪಡೆಯುವರಾರು? ಮೊದಲ ರನ್ನರ್ ಅಪ್ ಹಾಗೂ ದ್ವಿತೀಯ ರನ್ನರ್ ಅಪ್ ಆಗಿ ಸ್ಥಾನಕ್ಕೆತೃಪ್ತಿಯಾಗುವವರಾರು? ಟ್ರೋಫಿ ಗೆಲ್ಲುವರಾರು ಎಂಬುದಕ್ಕೆ ಇನ್ನು ಕೆಲವೇ ದಿನಗಳು ಮಾತ್ರ ಕಾಯಬೇಕಿದೆ.

Like Us, Follow Us !

120,673FansLike
1,826FollowersFollow
1,559FollowersFollow
3,980SubscribersSubscribe

Trending This Week