31 C
Bangalore, IN
Monday, April 23, 2018
Home ಸಿನಿಮಾ ನ್ಯೂಸ್ ಟಿವಿ ನ್ಯೂಸ್

ಟಿವಿ ನ್ಯೂಸ್

Get Latest Kannada TV News, News On Kannada TV Serials

ಬಿಗ್‌ಬಾಸ್- 5 ನಿವೇದಿತಾ ಗೌಡ ಅಲಿಯಾಸ್ ಲಿನಿ ಬಗ್ಗೆ ನಿಮಗೆ ಗೊತ್ತಿರದ 18 ಸತ್ಯಗಳು

ನಿವೇಡಿಟಾ ಗೋಡ

ಹೀಗಂದರೆ ಸಾಕು ತಕ್ಷಣ ಬಿಗ್‌ಬಾಸ್ ಸ್ಪರ್ಧಿ ನಿವೇದಿತಾ ಗೌಡ ನೆನಪಾಗಲೇಬೇಕು. ಅಷ್ಟರ ಮಟ್ಟಿಗೆ ಈ ಹುಡುಗಿ ಫೇಮಸ್ಸು. ನೋಡಲು ಬಾರ್ಬಿ ಗೊಂಬೆಯಂತಿರುವ, ಇಂಗ್ಲಿಷ್ ಆಕ್ಸೆಂಟಿನಲ್ಲಿ ಕನ್ನಡ ಮಾತನಾಡುವ ನಿವೇದಿತಾ ಎಂದರೆ ಬಿಗ್‌ಬಾಸ್ ಸ್ಪರ್ಧಿಗಳಿಗಷ್ಟೇ ಅಲ್ಲ, ಬಿಗ್‌ಬಾಸ್ ವೀಕ್ಷಕರಿಗೂ ಖುಷಿಯೋ ಖುಷಿ. ಆಕೆ ಮಾತಾಡಿದರೆ ನಗುವಿನ ಹೊಳೆ ಹರಿಯುತ್ತದೆ. ಆಕೆ ನೋಡುಗರಿಗೆ ಎಷ್ಟು ಇಷ್ಟವಾಗಿದ್ದಾಳೆ ಎಂದರೆ ಪುಟ್ಟ ಮಕ್ಕಳು ಕೂಡ ಅಪ್ಪ, ಅಮ್ಮನಿಗೆ ಅವಳಿಗೆ ವೋಟ್ ಮಾಡಿ ಅಂತ ಹಠ ಮಾಡುತ್ತಿವೆ.

ಹೀಗಿರುವಾಗ ಈ ನಿವೇದಿತಾ ಯಾರು, ಅವಳು ಏನು ಮಾಡುತ್ತಿದ್ದಳು, ಆಕೆಯ ಸ್ವಭಾವ ಹೇಗೆ ಎಂಬಿತ್ಯಾದಿ ಪ್ರಶ್ನೆಗಳಿಗೆ ನಿವೇದಿತಾ ಗೌಡ ಅವರ ತಾಯಿ ಹೇಮಾ ರಮೇಶ್  ಉತ್ತರಿಸಿದ್ದಾರೆ.

ನಿಮಗೆ ಗೊತ್ತಿರದ ನಿವೇದಿತಾ ಗೌಡ ಬಗೆಗಿನ ಸತ್ಯಗಳು !

 

  1. ಪೂರ್ತಿ ಹೆಸರು ನಿವೇದಿತಾ ಗೌಡ. ತಂದೆ ಹೆಸರು ರಮೇಶ್. ತಾಯಿ ಹೆಸರು ಹೇಮಾ. ಈಕೆಯ ವಯಸ್ಸು18,ತೂಕ 38 ಕೆಜಿ. ಈಕೆಗೊಬ್ಬ ಪುಟ್ಟ ತಮ್ಮನಿದ್ದಾನೆ. ಮೈಸೂರಿನ ಕನಕದಾಸನಗರದಲ್ಲಿ ವಾಸ.
  2.  ಮೈಸೂರಿನ ಮಹಾಜನ ಕಾಲೇಜಿನಲ್ಲಿ ಬಿಸಿಎ ಓದುತ್ತಿರುವ ಈ ಹುಡುಗಿ ಕಾಲೇಜಿಗೇ  ಫೇಮಸ್ಸು. ಅದಕ್ಕೆ ಒಂದು ಕಾರಣ ಸೌಂದರ್ಯ. ಇನ್ನೊಂದು ಪ್ರತಿಭೆ.
  3.  ಕಾಲೇಜಿನಲ್ಲಿ ಈಕೆ ಸೂಪರ್ ಮಾಡೆಲ್. ಎಲ್ಲೇ ಫ್ಯಾಷನ್ ಶೋ ನಡೆದರೂ ಈಕೆ ಹೋಗಲೇಬೇಕು. ಅಲ್ಲದೇ ಕೆಲವು ಜಾಹೀರಾತಿನಲ್ಲೂ ಭಾಗವಹಿಸಿದ್ದಾಳೆ.
  4. ಈಕೆಯ ಮೇಲೆ ಸಿಟ್ಟಿರುವವರು ಗಮನಿಸಿ. ಈ ಹುಡುಗಿ ನೋಡೋಕೆ ಮಾತ್ರ ಮಲ್ಲಿಗೆ ಥರ ಅಲ್ಲ. ಈಕೆಯ ಮನಸ್ಸೂ ಮಲ್ಲಿಗೆ. ಈಕೆ ಮನೆಯ ಪಕ್ಕದಲ್ಲಿರುವ ಕನ್ನಡ ಶಾಲೆಯೊಂದರಲ್ಲಿ ಒಂದರಿಂದ  ನಾಲ್ಕನೇ ತರಗತಿಯ ಮಕ್ಕಳಿಗೆ ಇಂಗ್ಲಿಷ್ ಹೇಳಿಕೊಡುತ್ತಾಳೆ. ಆ ಮೂಲಕ ಆ ಮಕ್ಕಳಿಗೆ ಟೀಚರ್ ಆಗಿದ್ದಾಳೆ.
  5. ನಿವೇದಿತಾಳಿಗೆ ಬಾರ್ಬಿ ಗೊಂಬೆಗಳು ಅಂದರೆ ಬಹಳ ಇಷ್ಟ. ಅದೂ ಅಲ್ಲದೇ ಅವಳ ಮನೆಯಲ್ಲಿ ರಾಶಿ ಬೊಂಬೆಗಳಿವೆ. ಅದೇ ಥರ ಅವಳ ವೇಷ ಭೂಷಣಗಳೂ ಇರುತ್ತವೆ.
  6.  ಮನೆ ಬಿಟ್ಟರೆ ಕಾಲೇಜು ಅಂತ ಇರುವ ಹುಡುಗಿ ಅವಳು. ಕಾಲೇಜು ಬಿಟ್ಟರೆ ನೇರ ಮನೆಗೆ ಬರುತ್ತಾಳೆ. ಮನೆಯಲ್ಲಿ ಅವಳದೇ ಪ್ರಪಂಚ. ಸ್ವಲ್ಪ ಪುರ್ಸೊತ್ತು ಸಿಕ್ಕಿದರೂ ಸಾಕು ಡಬ್‌ಸ್ಮ್ಯಾಷ್ ಮಾಡುತ್ತಾಳೆ. ಈ ಡಬ್‌ಸ್ಮ್ಯಾಷ್ ಅವಳ ಜೀವನವೇ ಆಗಿಹೋಗಿದೆ.
  7.  ಕಾಲೇಜಿಂದ ನಿವೇದಿತಾ ಹೊರಟರೆ ಸಾಕು ಗೆಳತಿಯರೆಲ್ಲಾ ಏನು ಡಬ್‌ಸ್ಮ್ಯಾಷ್ ಮಾಡುವುದಕ್ಕೆ ಹೊರಟಿದ್ದೋ ಅಂತ ರೇಗಿಸುತ್ತಾರೆ.
  8. ಡಬ್‌ಸ್ಮ್ಯಾಶ್ ಈಕೆಗೆ ಸ್ಟ್ರೆಸ್ ಬಸ್ಟರ್ ಕೂಡ ಹೌದು. ಅವಳಿಗೆ ಎಕ್ಸಾಮ್ ಇದ್ದರೆ ಒಂದೆರಡು ಡಬ್‌ಸ್ಮ್ಯಾಷ್ ಮಾಡಿ ಮೈಂಡ್ ಫ್ರೆಶ್ ಮಾಡಿಕೊಂಡು ಓದಲು ಕೂರುತ್ತಾಳೆ ಅನ್ನುತ್ತಾರೆ ಮನೆಯವರು.
  9.  ಕಳೆದ ವರ್ಷ ಕಾಲೇಜು ಏರ್ಪಡಿಸಿದ್ದ ಮಿಸ್ ಮಹಾಜನ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಈಕೆ ಆಗಲೇ ಎಲ್ಲರ ಗಮನ ಸೆಳೆದಿದ್ದು. ಬಹಳಷ್ಟು ಮಂದಿ ಇವಳೇ ಈ ವರ್ಷದ “ಮಿಸ್ ಮಹಾಜನ” ಎಂದುಕೊಂಡಿದ್ದರು. ಆದರೆ ಅವಳು ಕೇವಲ ವೆಲ್‌ಡ್ರೆಸ್ ಆಗಿ ಹೊರ ಹೊಮ್ಮಿದ್ದಳು.
  10.  ಮೊದಲಿನಿಂದಲೂ ಈಕೆ ಬಿಗ್‌ಬಾಸ್ ಅಭಿಮಾನಿ. ಫಸ್ಟ್ ಸೀಸನ್ ನೋಡಿದಾಗಲೇ ನಿವೇದಿತಾ ಅಮ್ಮನ ಬಳಿ,ಅಮ್ಮ ಮುಂದೊಂದು ದಿನ ನಾನೂ ಕೂಡ ಬಿಗ್‌ಬಾಸ್‌ಗೆ ಹೋಗುತ್ತೇನೆ. ನೋಡುತ್ತಿರು ಬೇಕಿದ್ದರೆ,ಬಿಗ್‌ಬಾಸ್ ಸೀಸನ್ 10ಗೆ ನಾನೂ ಸ್ಪರ್ಧಿಯಾಗಿ ಹೋಗುತ್ತೇನೆ ಎಂದಿದ್ದಳಂತೆ. ಆದರೆ ಅವಳ ಕನಸು ಸೀಸನ್ 5ಗೆ ನನಸಾಗಿದೆ.
  11.  ಮನೆಯಲ್ಲಿ ಜಾಸ್ತಿ ಮುದ್ದು. ಕೋಪ ಮಾಡಿಕೊಳ್ಳುವುದು ಬಹಳ ಕಡಿಮೆ. ಹಾಗೊಂದು ವೇಳೆ ಕೋಪ ಬಂದರೆ ಅಮ್ಮ 5 ನಿಮಿಷ ನನ್ನನ್ನು ಮಾತನಾಡಿಸಬೇಡ ಎಂದು ಹೇಳಿ ಡಬ್‌ಸ್ಮ್ಯಾಶ್ ಮಾಡಲು ಹೋಗುತ್ತಾಳೆ. ಮನೆಯಲ್ಲಿ ಜಾಸ್ತಿ ಗಲಾಟೆ ಮಾಡುವುದು ತಮ್ಮನೊಂದಿಗೆ ಮಾತ್ರ.
  12.  ನಿವೇದಿತಾ ಮನೆಯವರೊಂದಿಗೆ ಕನ್ನಡದಲ್ಲಿಯೇ ಮಾತನಾಡುತ್ತಾಳೆ.
  13.  ಟಿವಿ ನೋಡುವ ಅಭ್ಯಾಸ ಈಕೆಗೆ ತುಂಬಾ ಕಡಿಮೆ. ಡಬ್‌ಸ್ಮ್ಯಾಷ್ ಅಷ್ಟೇ ಇವಳ ಮನರಂಜನೆ,ಜ್ಞಾನಾರ್ಜನೆ ಎಲ್ಲಾ.
  14.  ನಿವೇದಿತಾ ಗೌಡ ಹೆಸರಲ್ಲಿ ಈಗಾಗಲೇ ೮ ನ್ ಪೇಜ್ ಸಿದ್ಧವಾಗಿದೆ. ಒಂದೇ ದಿನದಲ್ಲಿ ಆಕೆಗೆ ೫೦೦೦ಕ್ಕೂ ಹೆಚ್ಚು ಜನ ಫಾಲೋವರ್ಸ್ ಸಿಕ್ಕಿದ್ದಾರೆ.
  15.  ಅವಳಿಗೆ ಮಸಾಲೆ ಪುರಿ ಅಂದ್ರೆ ಇಷ್ಟ. ಸಿಹಿಯಲ್ಲಿ ಮೈಸೂರು ಪಾಕು.
  16.  ನಿವೇದಿತಾಳ ಪೆಟ್ ನೇಮ್ ಲಿನಿ.
  17.  ನಿವೇದಿತಾಳ ಇನ್ನೊಂದು ಒಳ್ಳೆಯ ಹವ್ಯಾಸ ಓದುವುದು. ಆಕೆ ಇಂಗ್ಲಿಷ್,ಕನ್ನಡ ಎರಡೂ ಭಾಷೆಯ ಪುಸ್ತಕ ಓದುತ್ತಾಳೆ.
  18. ಕಲರ್ಸ್ ಚಾನೆಲ್‌ನಿಂದ ಕರೆ ಬಂದ ದಿನ ಕುಣಿದು ಕುಪ್ಪಳಿಸಿದ್ದಾಳೆ. ಒಂದು ದಿನವಾದರೂ ಇದ್ದು ಬರುತ್ತೇನೆ ಎಂದು ಅಪ್ಪ ಅಮ್ಮನನ್ನು ಒಪ್ಪಿಸಿ ಹೋಗಿದ್ದಾಳೆ.

 

ಅಮ್ಮ ಹೇಳಿದ ಕತೆ..

ಅವಳು ಚಿಕ್ಕಂದಿನಿಂದಲೂ ಮಾತನಾಡುವುದೇ ಹಾಗೆ. ಪುಟ್ಟ ಹುಡುಗಿ ಇದ್ದಾಗ ಅವಳು ಆ ಥರ ಮಾತನಾಡಿದಾಗ ಖುಷಿಯಾಗುತ್ತಿತ್ತು. ಹಾಗಾಗಿ ತಿದ್ದುವುದಕ್ಕೆ ಹೋಗಲಿಲ್ಲ. ನಿವೇದಿತಾಗೆ ಅದೇ ಥರ ಮಾತನಾಡುವುದು ಅಭ್ಯಾಸವಾಯಿತು. ಅದರಲ್ಲಿ ಅವಳ ತಪ್ಪೇನಿಲ್ಲ. ನಾನು ನಾಟಕ ಮಾಡುವುದಿಲ್ಲ, ನಂಗೆ ನಿಮ್ಮ ಥರ ಮಾತಾಡಕ್ಕಾಗಲ್ಲ ಮಮ್ಮಿ ಅಂತ ಅವಳೇ ಹೇಳುತ್ತಾಳೆ. ಹೀಗಿರುವಾಗ ಬಹಳಷ್ಟು ಮಂದಿ ಅವಳ ಮೇಲೆ ಟ್ರೋಲ್ ಮಾಡುತ್ತಿದ್ದಾರೆ. ಅದು ತಪ್ಪಲ್ವಾ? ಪುಟ್ಟ ಹುಡುಗಿ ಅವಳು. ಬಿಗ್‌ಬಾಸ್‌ಗೆ ಹೋಗಿರುವುದೇ ಒಂದು ಸಾಧನೆ ಅಲ್ವಾ? ನಮಗಂತೂ ಖುಷಿಯಾಗಿದೆ. ನೀವೂ ಖುಷಿ ಪಡಿ ಪ್ಲೀಸ್

– ಹೇಮಾ ರಮೇಶ್, ನಿವೇದಿತಾ ತಾಯಿ

 

ಬಿಗ್ ಬಾಸ್ ನಿಂದ ಮೇಘ ಮನೆಕಡೆಗೆ

ವಾರದ  ಕೊನೆ ಬಂತು ಅಂದ್ರೆ ಬಿಗ್ ಬಾಸ್ ಮನೆಯಲ್ಲಿ ಕೆಲವರಿಗೆ ನಡುಕ ಶುರುವಾಗುತ್ತೆ.  ಸರಿಯಾಗಿ ಆಟ ಆಡದಿರುವುದು ಸೇರಿದಂತೆ ಮನೆಯಲ್ಲಿ ಹೊಂದಿಕೊಳ್ಳದೇ ,ಜನರಿಗೆ ಇಷ್ಟವಾಗದೇ ಇದ್ದವರ ಕಥೆ ಖತಂ . ಈ ವಾರದಲ್ಲಿ ಪಕ್ಕ ಹಳ್ಳಿ ಭಾಷೆಯಲ್ಲಿ ಮಾತಾಡ್ತಾ ಅಕ್ಕಾ ಅಣ್ಣಾ ಅಂದ್ಕೊಂಡಿದ್ದ ಮೇಘಾ ಬಿಗ್ ಮನೆಯಿಂದ ಹೊರಬಂದು ತಮ್ಮ ಮನೆಕಡೆ ನಡೆದಿದ್ದಾರೆ.

ಹೊರಡುವಾಗ ಸಿಹಿಕಹಿ ಚಂದ್ರು , ಆಚಾರ್ಯ ರಿಗೆ ಕಾಲಿಗೆ ಬಿದ್ದು ನಮಸ್ಕಾರ ಮಾಡಿ ಮೇಘಾ ಆಶೀರ್ವಾದ ಪಡೆದು ಹೊರನಡೆದರು. ಸಿಕ್ಕ ಸೂಪರ್ ಪವರ್ ನ ದಿವಾಕರ್ ಗೆ ಕೊಟ್ಟು ಎಲ್ಲರಿಗೂ ನಗ್ತಾ ಬಾಯ್ ಹೇಳಿದ್ರು ಮುಖದಲ್ಲಿ ಮಾತ್ತ್ರ ನೋವಿನ ಎಳೆ ತುಂಬಿಕೊಂಡು ಬಂದಿದ್ದು ನಿಚ್ಚಳವಾಗಿತ್ತು .

ಬಿಗ್ ಬಾಸ್ ಮನೆಯಿಂದ ಇವರು ಔಟ್ ?

ಬಿಗ್ ಬಾಸ್ ಸೀಸನ್ 5  ಮೊದಲ ವಾರದ ಟಿ ಆರ್ ಪಿ ಬಳಿಕ ಜನಮನ ಗೆಲ್ಲಲಿಲ್ಲ ಅನ್ನೋ ಮಾತುಗಳು ಕೇಳಿ ಬರುತ್ತಿವೆ. ಆದ್ರೆ ಎರಡನೇ ವಾರವೂ ಮುಕ್ತಾಯವಾಗಿದ್ದು, ಮತ್ತೊಬ್ಬರು ಮನೆಯಿಂದ ಹೊರಬರುವ ಸಮಯ ಸನಿಹವಾಗಿದೆ. ಕಿಚ್ಚ ಸುದೀಪ್ ಈ ಬಾರಿ ಸ್ಪರ್ಧಿಗಳಿಗೆ ತರಾಟೆಗೆ ತೆಗೆದುಕೊಳ್ಳುವ ಸಾಧ್ಯತೆಯಿದೆ. ಯಾಕಂದ್ರೆ ಮೊದಲ ವಾರ ಕಳೆದ ಬಳಿಕ ಕಾಮನ್ ಮೆನ್ ಹಾಗೂ ಸೆಲೆಬ್ರಿಟಿಗಳು ಅನ್ನೋ ಗುಂಪುಗಾರಿಕೆ ಶುರುವಾಗಿದೆ.
ಆದ್ರೆ ಈ ವಾರ ಸಿಕ್ಕಾಪಟ್ಟೆ ಜನರು ನಾಮಿನೇಷನ್ ಆಗಿಲ್ಲ. ಸ್ಟಾರ್ ಗಳು ಭಾರೀ ಗೇಮ್ ಪ್ಲಾನ್ ಆಡ್ತಿದ್ದಾರೆ. ಆದ್ರೆ ಜನರಿಗೆ ಲೋಕಲ್ ಪೀಪಲ್ ಮುಗ್ದತೆಯೇ ಇಷ್ಟವಾಗ್ತಿದ್ದು, ದಿವಾಕರ್ ಹಾಗೂ ರಿಯಾಜ್ ನೇರನುಡಿಗೆ ಹೆಸರುವಾಸಿ.. ಮುಂದೊಂದು ದಿನ ಈ ಹುಡುಗರೇ ಜನಮೆಚ್ಚುಗೆಗೆ ಪಾತ್ರವಾಗುವ ಸಾಧ್ಯತೆ ಇದೆ. ಇನ್ನು ಮೇಘ ಕೂಡ ಯಾರೆಳಿದ್ದನ್ನು ನಾನು ಯಾಕೆ ಕೇಳ್ಬೇಕು ಅನ್ನೋ ವರಸೆ ಶುರು ಮಾಡಿದ್ದು, ಹಳ್ಳಿ ಹುಡುಗಿ ಒಮ್ಮೆ ಸಿಡಿಯೋ ಲಕ್ಷಣ ಕಾಣ್ತಿದೆ.ಇನ್ನು ಮನೆಯಿಂದ ಹೊರಬರುವುದಾದರೆ ಜ್ಯೋತಿಷಿ ಸಮೀರ್ ಆಚಾರ್ಯ. ಆದ್ರೆ ನಿನ್ನೆ ದಿವಾಕರ್ ಮೇಲೆ ನಡೆಯುತ್ತಿದ್ದ ದಾಳಿ ಖಂಡಿಸಿದ್ದು ನೋಡಿದ್ರೆ ಅವರು ಸೇಫಾಗ್ತಾರಾ ಅನ್ನೋ ಅನುಮಾನ ಮೂಡಿಸ್ತಿದೆ.
ಇನ್ನು ಬಿಗ್ ಬಾಸ್ ನಲ್ಲಿ ಸಪ್ಪೆ ಆಗಿ ಇರೋದು ಸೀರಿಯಲ್ ಆಕ್ಟರ್ ಆಶಿತಾ, ಕ್ರಿಷಿ, ತೇಜು ಹಾಗೂ ನಿವೇದಿತ ಗೌಡ ಈ ವಾರ ಈ ನಾಲ್ವರು ಅದೇನು ಮಾಡಿದ್ರು ಅನ್ನೋದೇ ಕಾಣಿಸಲಿಲ್ಲ.  ಆದ್ರೆ ಈ ವಾರ ಮನೆಯಿಂದ ಹೋಗುತ್ತಾರಾ ಅಂದ್ರೆ ಸ್ವಲ್ಪ ಅನುಮಾನ, ಯಾಕಂದ್ರೆ ಶೋ ನಲ್ಲಿ ಗ್ಲಾಮರ್ ಮಿಸ್ಸಾಗುತ್ತೆ ಅನ್ನೋದಷ್ಟೇ ಕಾರಣ. ಜ್ಯೋತಿಷ್ಯ ಹೇಳುವ ಇಬ್ಬರಲ್ಲಿ ಒಬ್ಬರು ಮನೆಯಿಂದ ಹೊರ ಬರುವ ಸಾಧ್ಯತೆ ಹೆಚ್ಚಾಗಿದ್ದು ಕೆಲವೇ ಗಂಟೆಗಳಲ್ಲಿ ಉತ್ತರ ಸಿಗಲಿde.
ಜ್ಯೋತಿ ಗೌಡ, ನಾಗಮಂಗಲ

ಬಿಗ್ ಬಾಸ್ ಮನೆಯಲ್ಲಿ ಬಜಾರ್ ಶುರು..!

ಕಲರ್ಸ್ ಸೂಪರ್ ನಲ್ಲಿ ಮೂಡಿಬರುತ್ತಿರುವ ಬಿಗ್ ಬಾಸ್ ಸೀಸನ್ 5 , ಯಶಸ್ವಿಯಾಗಿ ಒಂದು ವಾರ ಪೂರೈಸಿ, ಎರಡನೇ ವಾರಕ್ಕೆ ಕಾಲಿಟ್ಟಿದೆ. ವಿಶೇಷ ಅಂದ್ರೆ ಮೊದಲ ವಾರ ಸೌಮ್ಯವಾಗಿದ್ದ ಮನೆಯಲ್ಲಿ ಗಲಾಟೆ ಶುರುವಾಗಿದೆ. ಫಿಷ್ ಬಜಾರ್ ನಲ್ಲಿ ವ್ಯವಹಾರ ಶುರು ಮಾಡಿದ್ದಾರೆ. ಯಾರು ಎಷ್ಟು ವ್ಯವಹಾರ ಮಾಡಿ ಗಂಟು ಮಾಡಿಕೊಂಡ್ರು ಅನ್ನೋದಷ್ಟೇ ಬಿಗ್ ಬಾಸ್ ಮನೆಯಲ್ಲಿ ಮುಖ್ಯ ಆಗಿರೋದ್ರಿಂದ ಕಳೆದ ವಾರ ಸುಮ್ಮನಿದ್ದ ಸ್ಪರ್ಧಿಗಳು ತಮ್ಮ ರೀಲ್ ಬಣ್ಣ ಕಳಚುತ್ತಿದ್ದಾರೆ.
ಹಣ್ಣಿಗಾಗಿ ಹೆಣ್ಣುಗಳ ನಡುವೆ ಕಿತ್ತಾಟ.. ಪರದಾಟ
ವಾರದ ಮೊದಲ ದಿನ ಬಿಗ್ ಬಾಸ್ ಮನೆಗೆ ಹಣ್ಣಿನ ಬುಟ್ಟಿ ಬರಲಿದ್ದು, ಶ್ರೀ ಸಾಮಾನ್ಯರು ನಯ ನಾಜೂಕು ಪ್ರದರ್ಶನ ಮಾಡದೆ ನೇರವಾಗಿ ಹಣ್ಣಿಗೆ ಬಾಯಿ ಹಾಕಲು ಮುಂದಾದ್ರು. ಈ ವೇಳೆ ಜಯ ಶ್ರೀನಿವಾಸ್ ತನ್ನ ಪಾಲಿನ ಹಣ್ಣನ್ನು ತೆಗೆದುಕೊಂಡು ಹೋಗಲು ಮುಂದಾಗಿದ್ದಕ್ಕೆ ಭಾರೀ ಗದ್ದಲವೇ ನಡೀತು. ಏಕಾಏಕಿ ವಾಪಸ್ ತೆರಳಿದ ಸಂಖ್ಯಾಶಾಸ್ತ್ರಜ್ಞ ವಾಪಸ್ ಬುಟ್ಟಿಯಲ್ಲೇ ಹಣ್ಣನ್ನು ಹಾಕಿದ್ರು. ಇಷ್ಟೊರೊಳಗೆ ಮಡಿಕೇರಿಯ ಮೇಘಾ ಸೇಬಿಗೆ ಬಾಯಾಕಿ ರುಚಿ ನೋಡಿ ಆಗಿತ್ತು. ಸಿಟ್ಟಿಗೆದ್ದ ತೇಜಸ್ವಿನಿ, ಬಾಯಿಗೆ ಬಂದ ಹಾಗೆ ಅರಚಾಡಿದ್ರು. ಈ ವೇಳೆ ಮಧ್ಯ ಪ್ರವೇಶ ಮಾಡಿದ ಲೋಕಲ್ ಬಾಯ್ ದಿವಾಕರ್ ಮೇಘಾ ಪರ ವಕಾಲತ್ತು ವಹಿಸಿದ್ರು. ಈ ವೇಳೆ ತೇಜಸ್ವಿನಿ ಹಾಗೂ ದಿವಾಕರ್ ನಡುವೆ ಮಾತಿನ ಸಮರವೇ ನಡೀತು.
ಶ್ರೀಸಾಮಾನ್ಯರನ್ನ ಒಪ್ಪಿಕೊಳ್ಳದ ಸೆಲೆಬ್ರಿಟಿಗಳು
ಬಿಗ್ ಬಾಸ್ ಕಾರ್ಯಕ್ರಮವನ್ನು ಹೆಚ್ಚು ಜನಸ್ನೇಹಿ ಆಗುವಂತೆ ಮಾಡಲು ಈ ಬಾರಿ ಶ್ರೀ ಸಾಮಾನ್ಯರಿಗೆ ಅವಕಾಶ ಕಲ್ಪಿಸಲಾಗಿದೆ.‌ ಆದರೆ ಶ್ರೀಸಾಮಾನ್ಯರ ಜೊತೆ ಹೊಂದಿಕೊಳ್ಳಲಾಗದೆ ಒದ್ದಾಡುತ್ತಿರುವ ಸೆಲೆಬ್ರಿಟಿಗಳು ಅವರಿಂದ ಅಂತರ ಕಾಯ್ದು ಕೊಳ್ತಿದ್ದಾರೆ. ಆದ್ರೆ ಕೊನೆ ಕೊನೆಗೆ ಶ್ರೀ ಸಾಮಾನ್ಯರೇ ಜನರಿಗೆ ಇಷ್ಟವಾಗೋದು ಅನ್ನೋ ಕಾರಣಕ್ಕೆ ಬಿಗ್ ಬಾಸ್ ನಲ್ಲಿ ಸಾಮಾನ್ಯರಿಗೆ ಮಹತ್ವ ಕೊಟ್ಟಿದ್ದಾರೆ. ಮುಂದಿನ ದಿನಗಳಲ್ಲಿ ಲೋಕಲ್ ಪೀಪಲ್ ಯಾವ ರೀತಿ ತಿರುಗೇಟು ಕೊಡ್ತಾರೆ ಅನ್ನೋ ಕೌತುಕ ಹುಟ್ಟಿಸಿದೆ.
ಜ್ಯೋತಿ ಗೌಡ, ನಾಗಮಂಗಲ

ಮತ್ತೆ ಕಿರುತೆರೆಯಲ್ಲಿ ರಚಿತಾ ರಾಮ್ -ಸೃಜನ್ ಹವಾ !?

ರಚಿತಾ ರಾಮ್ “ಭರ್ಜರಿ” ಯಶಸ್ಸಿನಲ್ಲಿ ತೇಲುತ್ತಿರುವಾಗಲೇ ಅವಕಾಶಗಳು ಅರಸಿ ಬರುತ್ತಿವೆ .  ಉಪ್ಪಿ ಜೊತೆ ಉಪ್ಪಿರುಪ್ಪಿಯಲ್ಲಿ ಡುಯೆಟ್ , ಜಾನಿ ಜಾನಿ ಎಸ್ ಪಾಪ ಅಂತ ಬೆಳ್ಳಿತೆರೆಯಲ್ಲಿ ಬ್ಯುಸಿಯಾಗಿದ್ದಾರೆ. ಜೊತೆಜೊತೆಗೆ ಕಲರ್ಸ್ ಕನ್ನಡದಲ್ಲಿ ಮುಂದಿನ ನವೆಂಬರ್ 4ರಿಂದ ಬರಲಿರುವ ಕಾಮಿಡಿ ಟಾಕೀಸ್ ನಲ್ಲಿ ತೀರ್ಪುಗಾರರಾಗಿ ಕಾಣಿಸಿಕೊಳ್ಳಲಿದ್ದಾರೆ .

ರಚಿತಾ ಜೊತೆಯಲ್ಲಿ ಮಜಾ ಟಾಕೀಸ್ ಮೂಲಕ ಮಾತಿನ ಪಟಾಕಿ ಸಿಡಿಸಿದ, ಟೈಮಿಂಗ್ ಅಂದ್ರೆ ಸೃಜನ್ ಅನ್ನಿಸಿಕೊಂಡ ಸೃಜನ್ ಲೋಕೇಶ್ ತೀರ್ಪು ಕೊಡಲಿದ್ದಾರೆ.

ಇದಾಗಲೇ ಕೆಲವು ಸಂಚಿಕೆಗಳ ಚಿತ್ರೀಕರಣ ಮುಕ್ತಾಯವಾಗಿವೆ. ಅಗ್ನಿಸಾಕ್ಷಿ  ಖ್ಯಾತಿಯ ವಿಜಯ್ ಸೂರ್ಯ ಕಾಮಿಡಿ ಟಾಕೀಸ್ ನ ನಿರೂಪಕ.

ಕಾಮಿಡಿ ಷೋನಲ್ಲಿ ರಚಿತ ರಂಗು ಹೇಗಿರಲಿದೆ ? ಸೃಜನ್ ಹೊಸ ಅವತಾರ ಪ್ರೇಕ್ಷರನ್ನ ರಂಜಿಸುತ್ತಾ ? ಸೂರ್ಯ ಬೆಳಗುತ್ತಾರಾ? ಎಲ್ಲ ಗೊತ್ತಾಗಬೇಕಾದ್ರೆ ನವೆಂಬರ್ ನಾಲ್ಕರವರೆಗೂ ಕಾಯಲೇಬೇಕು.

ಕಿಚ್ಚ ಸುದೀಪ್ ಹೊಸ ಅವತಾರ ಏನು ಗೊತ್ತಾ ..?

ಬಿಗ್ ಬಾಸ್ ಅಂದ್ರೆ ನೆನಪಿಗೆ ಬರೋದು ಕರುನಾಡ ಚಕ್ರವರ್ತಿ ಕಿಚ್ಚ ಸುದೀಪ್. ಬಿಗ್ ಬಾಸ್ ನಲ್ಲಿ ಸುದೀಪನ ನಿರೂಪಣೆಯೇ ಬಲು ಮನೋಹರ. ಪ್ರತಿ ಶುಕ್ರವಾರ ಸ್ಪರ್ಧಿಗಳ ಜೊತೆ ನ್ಯಾಯ ಪಂಚಾಯ್ತಿ ಮಾಡುವ ಕಿಚ್ಚ, ಭಾನುವಾರ ಮನೆಯಿಂದ ಹೊರಬಂದ ಸ್ಪರ್ಧಿ ಜೊತೆ ಮಾತನಾಡ್ತಿದ್ರು. ಈ ಬಾರಿ ಸ್ವಲ್ಪ ಬದಲಾವಣೆ ಮಾಡಿಕೊಂಡಿರುವ ಸುದೀಪ್ ಭಾನುವಾರ ವಿಭಿನ್ನವಾಗಿ ಕಾಣಿಸಿಕೊಳ್ತಿದ್ದಾರೆ.
ಅಡುಗೆ ಭಟ್ಟನಾಗಿ ಕಿಚ್ಚನ ಕೈ ರುಚಿ..!
ಪ್ರತಿ ಭಾನುವಾರ ಕಿಚ್ಚ ಸುದೀಪ್ ಅತಿಥಿಗಳ ಜೊತೆ ಅಡುಗೆ ಮಾಡ್ತಾರೆ. ಅದಕ್ಕಾಗಿಯೇ ಬಿಡದಿ ಬಳಿಯ ಇನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ ಅಡುಗೆ ಮನೆ ನಿರ್ಮಾಣ ಮಾಡಿಸಿದ್ದಾರೆ. ವಾರಕ್ಕೊಮ್ಮೆ ಕನ್ನಡ ಸಿನಿಮಾಗಳ ಪ್ರಮೋಷನ್ ಜೊತೆಗೆ ಬಿಗ್ ಬಾಸ್ ಮನೆಯಿಂದ ಹೊರಬಂದ ಸ್ಪರ್ಧಿಗಳ ಜೊತೆ ಮಾತು ಹರಟೆ ನಡೆಯುತ್ತೆ. ಅದಕ್ಕೂ ಮೊದಲು ಸಿನಿಮಾ ಪ್ರಮೋಷನ್ ಪಡೆದುಕೊಳ್ಳುವ ತಂಡದ ಒಬ್ಬ ಸದಸ್ಯರ ಜೊತೆ ಅಡುಗೆ ಮಾಡಲಿದ್ದಾರೆ.
ಕೋಳಿ ಕಟ್ ಮಾಡಿದ ನಟಿ ಸಂಯುಕ್ತ ಹೆಗಡೆ..! 
ನಟಿ ಸಂಯುಕ್ತ ಹೆಗಡೆ ಯಾರಿಗೆ ತಾನೆ ಗೊತ್ತಿಲ್ಲ. ಕಿರಿಕ್ ಪಾರ್ಟಿ ಸಿನಿಮಾದಲ್ಲಿ ಉಂಡಾಡಿ ಗುಂಡನ ಹಾಗೆ ಆಡ್ತಿದ್ದ ಸಂಯುಕ್ತ ಹೆಗಡೆ ಭಾನುವಾರ ಕಿಚ್ಚನ ಅಡುಗೆ ಮನೆಗೆ ಬಂದಿದ್ರು. ಅಂದಹಾಗೆ ನವೆಂಬರ್ ತಿಂಗಳಲ್ಲಿ ರಿಲೀಸ್ ಗೆ ರೆಡಿಯಾಗಿರೋ ಕಾಲೇಜು ಕುಮಾರ ಚಿತ್ರದ ಪ್ರಮೋಷನ್ ಗಾಗಿ. ಬಿಗ್ ಬಾಸ್ ಮೊದಲ ವಾರದ ಸಂಡೆ ವಿತ್ ಸುದೀಪ ಕಾರ್ಯಕ್ರಮದಲ್ಲಿ ಮೊದಲಿಗೆ ಕಿಚ್ಚನ ಚಿಕನ್ ರೆಸೆಪಿ ಮಾಡಿದ್ರು. ಕಿಚ್ಚ ಅಡುಗೆಯ ಕಲೆ ಹೇಳಿಕೊಡ್ತಿದ್ರೆ, ಸಂಯುಕ್ತ ಹೆಗಡೆ ಅವರನ್ನೇ ಪಾಲಿಸಿಕೊಂಡು ಹೋದ್ರು. ಕೊನೆಗೆ ಇಬ್ಬರೂ ಅತ್ಯುತ್ತಮ ಚಿಕನ್ ಅಡುಗೆ ಸವಿದು ಬಾಯಿ ಚಪ್ಪರಿಸಿದ್ರು.. ಭಾನುವಾರ ಆಗಿದ್ರಿಂದ ಜನರೂ ಮನೆಯಲ್ಲಿ ಬಾಯಿ ನೀರು ಸುರಿಸುತ್ತ ಭಾನುವಾರದ ಬಾಡೂಟ ಸವಿದ್ರು.. ಒಂದು ಅತ್ಯುತ್ತಮ ಕಲೆ ಕಿಚ್ಷನಿಗೆ ಒಲಿದಿದ್ದು, ಗುಡ್ ಶೆಫ್ ಅನ್ನೋದನ್ನ ತೋರಿಸಿದ್ರು..
ಜ್ಯೋತಿ ಗೌಡ, ನಾಗಮಂಗಲ

ಬಿಗ್ ಬಾಸ್ ನಲ್ಲಿ ಮೇಘಾ ಬಚಾವ್ ಆಗಿದ್ದು ಹೀಗಾ !?

ಬಿಗ್ ಬಾಸ್ ಸೀಸನ್ ಐದರ ಮೊದಲ ವಾರದ ಎಲಿಮಿನೇಷನ್ ಆಗಿದೆ. ಮೊದಲ ವಾರದ ಫರ್ಫಾಮೆನ್ಸ್ ಆಧಾರದಲ್ಲಿ ನೋಡಿದ್ರೆ ಕಣ್ಣೀರ ಹನಿ ಉದುರಿಸಿ ಕೊಡಗು ಸೇರಬೇಕಾಗಿದ್ದು ಮೇಘಾ. ಯಾಕಂದ್ರೆ ಆಕೆ ಕೆಟ್ಟವಳು ಎಂದಲ್ಲ. ಆದ್ರೆ ಆಕೆ ಮೊದಲ ವಾರದಲ್ಲಿ ಸಿಕ್ಕ ಅವಕಾಶವನ್ನು ಬಳಸಿಕೊಳ್ಳಲಿಲ್ಲ. ಯಾರೊಂದಿಗೂ ಹೆಚ್ಚಾಗಿ ಬೆರೆಯಲಿಲ್ಲ. ಇದು ಮನೆಯವರು ಯಾರನ್ನು ಹೊರಗೆ ಕಳಿಸ್ತೀರಿ ಅಂದಾಗ ಅವರ ಹೇಳಿಕೆಯಿಂದಲೇ ಸ್ಪಷ್ಟವಾಯ್ತು. ಈ ಕಾರಣದಿಂದಲೇ ಬಹುತೇಕ ಮಂದಿ ಮನೆಯಿಂದ ಹೊರ ಕಳಿಸುವ ಹೆಸರಿಗೆ ಮೇಘಾ ಎಂದು ಉಸುರಿಬಿಟ್ಟರು..
ಆದರೆ ಬಿಗ್ ಬಾಸ್ ತೀರ್ಮಾನ ಬೇರೆಯೇ ಆಗಿತ್ತು. ಅದಕ್ಕೆ ಕಾರಣ ಮೇಘಾ ತೋರಿಸಿದ ಸಿಡಿಲು. ಬಿಗ್ ಬಾಸ್ ಗೆ ಎಂಟ್ರಿ ಕೊಟ್ಟ ದಿನವೇ ನಾನು ತುಂಬಾ ರೆಬೆಲ್, ನನ್ನ ತಂಟೆಗೆ ಬಂದ್ರೆ ವೈಲೆಂಟ್ ಆಗ್ತೀನಿ ಅಂತ ಕಿಚ್ಚನ ಎದುರಿಗೆ ಹೇಳಿದ್ದ ಆ ಮಾತುಗಳು ಆಕೆಯನ್ನ ರಕ್ಷಣೆ ಮಾಡಿದೆ. ಈ ವಾರ ತುಂಬಾ ಸನಿಹ ಆಗಿದ್ರಿಂದ ವೈಲೆಂಟ್, ರೆಬೆಲ್ ಆಕ್ಷನ್ ಗೆ ಸಮಯ ಸಿಕ್ಕಿಲ್ಲ, ಮುಂದಿನ ವಾರ ಏನಾದರೂ ಆಗಲಿದೆಯಾ ಅನ್ನೋ ಕುತೂಹಲ ಬಿಗ್ ಬಾಸ್ ಅವರದ್ದು. ಆದ್ರೆ ಈ ವಾರ ಕೂಡ ಅದೆ ರೀತಿ ಪೆಚ್ಚು ಮೋರೆ ಹಾಕಿ‌ ಕುಳಿತರ ರಕ್ಷಣೆ ಯಾರೂ ಬರಲ್ಲ.
ಸುಮಾ  ಮನೆಯಿಂದ ಹೊರ ಬರಲು ಯಾವುದೇ ಕಾರಣ ಇರಲಿಲ್ಲ. ಯಾಕಂದ್ರೆ ಮನೆಮಂದಿ ಜೊತೆ ಮಾತನಾಡಿಕೊಂಡು ಕಾಲ ಕಳೆದಿದ್ರು, ಅವರು ತುಂಬಾ ಬೇಗನೇ ಬೇರೆಯವರ ಜೊತೆ ಬೆರೆಯುವ ಗುಣ ಹೊಂದಿ್ರು. ಆದ್ರೆ ಬಿಗ್ ಬಾಸ್ ನ ಅನಿವಾರ್ಯ. ಮೇಘಾ ಮಾತಲ್ಲೇ ತೋರಿಸಿರುವ  ಸಿಡಿಲು ಸುಮಾರನ್ನ ಔಟ್ ಮಾಡಿಸಿದೆ.. ಕನಸಾಗಿ ಬಿಗ್ ಬಾಸ್ ಗೆ ಎಂಟ್ರಿ ಕೊಟ್ಟಿದ್ದ ಅವರ ಕನಸನ್ನ ಕನಸಾಗಿಯೇ ಇಟ್ಟು ಹೊರ ಬಂದಿದ್ದಾರೆ. ಈ ವಾರ ಮತ್ತಷ್ಟು ರೋಷ, ಸೇಡು, ಪ್ರೇಮ ಎಲ್ಲವೂ ತೆರೆದುಕೊಳ್ಳಲಿದೆ ಅನ್ನೋದು ಪಕ್ಕಾ..
ಜ್ಯೋತಿ ಗೌಡ, ನಾಗಮಂಗಲ

ಬಿಗ್ ಬಾಸ್ ನಲ್ಲಿ ಶಂಕರ್ ನಾಗ್ “ಗೀತಾ” ರಹಸ್ಯ..!

ಬಿಗ್ ಬಾಸ್ ಮನೆಯಲ್ಲಿ ಹದಿನೇಳು ಸ್ಪರ್ಧಿಗಳು ಇದ್ದು ಹಿರಿಯ ಸದಸ್ಯರಾಗಿ ನಮ್ಮೆಲ್ಲರ ಅಚ್ಚುಮೆಚ್ಚಿನ ಸಿಹಿಕಹಿ ಚಂದ್ರು ಇದ್ದಾರೆ. ಅವರು  ಸ್ವಾರಸ್ಯಕರವಾದ ಗುಟ್ಟೊಂದನ್ನ ಹೇಳಿದ್ರು. ಅದು ಕನ್ನಡ ಚಿತ್ರರಂಗ ಕಂಡ ಅತ್ಯುತ್ತಮ ನಿರ್ದೇಶಕ ಆಟೋ ರಾಜ ಶಂಕರ್ ನಾಗ್ ಬಗ್ಗೆ. ಆ ವಿಚಾರವನ್ನು ಕೇಳಿದ ಪ್ರತಿಯೊಬ್ಬ ಸ್ಪರ್ಧಿ ಹಾಗೂ ವೀಕ್ಷಕ ಒಂದು ಕ್ಷಣ ಹೌಹಾರಿದ್ರು..
ಶಂಕರ್ ನಾಗ್ ಅಂದ್ರೆ ಗೀತಾ ಸಿನಿಮಾ ನೆನಪಿಗೆ ಬರುತ್ತೆ. ಈ ಸಿನಿಮಾಗೆ ಶಂಕರ್ ನಾಗ್ ಚಿತ್ರಕಥೆ ಬರೆದು ನಿರ್ದೇಶಿಸಿ ನಟಿಸಿದ ಅತ್ಯುತ್ತಮ ಚಿತ್ರಗಳಲ್ಲಿ ಒಂದಾಗಿದೆ. ಈ ಚಿತ್ರಕ್ಕೆ ಇಳಯರಾಜ ಸಂಗೀತ ನೀಡಿದ್ದು, ಎಲ್ಲಾ ಹಾಡುಗಳು ಒಂದಕ್ಕಿಂತ ಒಂದು ಅತ್ಯದ್ಭುತವಾಗಿವೆ. ಯಾವುದೇ ಆರ್ಕೇಸ್ಟ್ರಾ ಗಳಲ್ಲಿ ಸಂತೋಷಕ್ಕೇ ಹಾಡು ಸಂತೋಷಕ್ಕೆ ..ಜೊತೆ  ಜೊತೆಯಲಿ ..ಕೇಳದೆ ನಿನಗೀಗ.. ಗೀತಾ.. ಸಂಗೀತಾ.., ನನ್ನ ಜೀವ ನೀನು,  ಏನೇ ಕೇಳು ಕೊಡುವೆ ನಿನಗೆ ನಾನೀಗ ಅನ್ನೋ ಹಾಡುಗಳು ಸಾಕಷ್ಟು ಖ್ಯಾತಿ ಗಳಿಸಿವೆ.
ಇಷ್ಟು ಹಾಡುಗಳನ್ನು ಹಾಡಿರೋದು ಕಂಚಿನ ಕಂಠದ ಗಾಯಕ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಹಾಗು ಗಾನ ಕೋಗಿಲೆ ಪಿ ಜಾನಕಿ. ಇವುಗಳಲ್ಲಿ ರೈಲಿನ ಹಿಂದೆ ಓಡುತ್ತ ಪ್ರಿಯತಮೆಗಾಗಿ ಓಲೈಕೆ ಮಾತುಗಳನ್ನಾಡುವ ನಾಯಕ ನಟ ಹೀಗೆ ಹೇಳುತ್ತಾನೆ. ‘ ಏನೇ ಕೇಳು ಕೊಡುವೆ ನಿನಗೆ ನಾನೀಗ..’ ಅನ್ನೋ ಸಾಂಗ್ ಬರೆದಿರುವುದು ಖ್ಯಾತ ಬರಹಗಾರ ಚಿ ಉದಯ್ ಶಂಕರ್.
 ಈ ಹಾಡಿಗೆ ಟ್ಯೂನ್ ರೆಡಿಯಾದ ಮೇಲೆ ಹಾಡು ಬರೆಸಲು ಶಂಕರ್ ನಾಗ್ ಚಂದ್ರು ಹಾಗು ರಮೇಶ್ ಭಟ್ ಗೆ ಸೂಚಿಸಿದ್ರಂತೆ. ಚಿ ಉದಯ್ ಶಂಕರ್ ಹತ್ತಿರ ಬಂದು ಇವರು ಹೇಳಿದಾಗ ಸಂಭಾವನೆ ಎಷ್ಟು ಕೊಡ್ತಾರೆ ಅಂತ ಕೇಳಿದ್ರಂತೆ ಹಾಗ ಶಂಕರ್ ನಾಗ್ ಗೆ ಕೇಳಿದ್ದಕ್ಕೆ ಅವರು ಏನು ಕೇಳ್ತಾರೆ ಅದು ಕೊಟ್ರೆ ಆಯ್ತು ಅಂದ್ರಂತೆ. ಹಾಗಾದ್ರೆ ಏನೇ ಕೇಳು ಕೊಡುವೆ ನಿನಗೆ ನಾನೀಗ ಇದೇ ಸಾಹಿತ್ಯ ಬರ್ಕೊಳಿ  ಅಂದ್ರಂತೆ ಉದಯ್ ಶಂಕರ್..
ಇಲ್ಲಿ ಗಮನಿಸಬೇಕಾದ ಸಂಗತಿ ಅಂದ್ರೆ ಶಂಕರ್ ನಾಗ್ ಗೆ ಇದ್ದಂತಹ ಧಾರಾಳ ಮನಸ್ಥಿತಿ ಹಾಗೂ ಚಿ ಉದಯ್ ಶಂಕರ್ ಅವರಿಗೆ ಇದ್ದಂತಹ ಕನ್ನಡ  ಪದಗಳ ಶ್ರೀಮಂತಿಕೆ, ನೀವು ಏನ್ ಮಾಡ್ತಿದ್ದೀರೋ ಅದರ ಮೇಲೆ ಸಾಹಿತ್ಯ ಬರೆದು ಜನಮೆಚ್ಚುಗೆ ಗಳಿಸೋದು ಉದಯ್ ಶಂಕರ್ ಗೆ ಉದಯ್ ಶಂಕರ್ ಅಷ್ಟೇ ಸಾಟಿ..
ಜ್ಯೋತಿ ಗೌಡ, ನಾಗಮಂಗಲ

ಬಿಗ್ ಬಾಸ್ ನಲ್ಲಿ ಲವ್ ಗೇಮ್ ..! 

ಬಿಗ್ ಬಾಸ್ ಅಂದ್ರೆ ನೋವು ನಲಿವು, ಸುಖ ಸಂತೋಷ, ಕಷ್ಟ, ಪ್ರೀತಿ ಪ್ರೇಮ ಪ್ರಣಯ ಎಲ್ಲವೂ ವ್ಯಕ್ತವಾಗಲು ಇರುವ ವೇದಿಕೆ. ಹಾಗಂದ ಮಾತ್ರಕ್ಕೆ ಅಲ್ಲಿಗೆ ಹೋದವರು ಲವ್ ನಲ್ಲಿ ಬೀಳ್ತಾರೆ ಅಂತ ಅರ್ಥ ಅಲ್ಲ.. ಮಾತಿನ ಭರಾಟೆಯಲ್ಲಿ ಡಬಲ್ ಮೀನಿಂಗ್ ಶಬ್ದ ಬಳಸಿ ಇನ್ನೇನೋ ಮಾಡ್ತಾರೆ ಅಂತಾನೂ ಅಲ್ಲ. ಆದ್ರೆ ಕಳೆದ ನಾಲ್ಕು ಸೀಸನ್ ಗಳಲ್ಲಿ ಒಂದೊಂದು ಪ್ರಣಯ ಜೋಡಿಗಳು ಹೊರಹೊಮ್ಮಿವೆ. ಬಿಗ್ ಬಾಸ್ ಗಾಗಿ ಆಗಿದ್ದೋ.. ಅಥವಾ ಬಿಗ್ ಬಾಸ್ ನಿಂದ ಹೊರ ಬಂದ ಬಳಿಕ ಬೇಕಾಗಿಲ್ವೋ ಅದೂ ಗೊತ್ತಿಲ್ಲ, ಆದ್ರೆ ಬಿಗ್ ಬಾಸ್ ಮನೆಯಲ್ಲಿದ್ದಾಗ ಸ್ಕ್ರೀನ್ ನಲ್ಲಿ ಕಾಣಿಸಿದಂತು ಸತ್ಯ.
ಮೊದಲ ವಾರದಲ್ಲೇ ಶುರುವಾಯ್ತ ಲವ್ ಕಿರಿಕ್
ಅದೇನೆ ಅಗಲಿ ಒಂದು ಹುಡುಗ ಹುಡುಗಿ‌ ಲವ್ ನಲ್ಲಿ ಬೀಳೋದಿಕ್ಕೆ ಸ್ವಲ್ಪ‌ ಟೈಮ್ ಬೇಕು. ಆದ್ರೆ ಈ ಬಾರಿ ರಿಯಲ್ ಲವ್ವರ್ ಗಳನ್ನೇ ಹಿಡಿದು ಬಿಗ್ ಬಾ್ ಮನೆಯೊಳಕ್ಕೆ ಬಿಟ್ಟಿದ್ದಾರೆ. ಈಗಾಗಲೇ ಲವ್ ಬ್ರೇಕಪ್ ಮಾಡ್ಕೊಂಡಿರೋ ಈ ಜೋಡಿಗೆ ಬಿಗ್ ಬಾಸ್ ಸಾಕಷ್ಟು ಗೇಮ್ ಆಡಲಿದ್ದು ನೋಡುಗರ ಕಣ್ಣಿಗೆ ರಸದೌತಣ ನೀಡೋದಂತು ಸತ್ಯ..
ಸೀರಿಯಲ್ ಸ್ಟಾರ್.. ಪ್ರೀತಿಯಲ್ಲಿ ವಾರ್..
ಸೀರಿಯಲ್ ಸ್ಟಾರ್ ಗಳಾದ ಬಿಗ್ ಬಾಸ್ ಮನೆಯ ಮೊದಲ ವಾರದ ಕ್ಯಾಪ್ಟನ್ ಅನು ಹಾಗೂ ಬಿಗ್ ಬಾಸ್ ಮನೆಯ ಸದಸ್ಯ ಜಗನ್ ಭೂತಕಾಲದ ಪ್ರೇಮಿಗಳು. ಇವರಿಬ್ಬರೂ ಮುರಿದು ಹೋಗಿರುವ ಪ್ರೇಮ ಸೇತುವೆ ಮೇಲೆ ನಿಂತಿದ್ದು ಆ ಕಡೆ ಹೋಗಲೂ ಆಗಲ್ಲ ಈ ಕಡೆ ಬರಲೂ ಆಗಲ್ಲ ಅನ್ನೋ ಸ್ಟೇಜ್ ನಲ್ಲಿ ನಿಂತಿದ್ದಾರೆ. ಬಿಗ್ ಬಾಸ್ ಇವರಿಬ್ಬರು ಸೇರಿಸ್ತಾರಾ ಇಲ್ಲ ಇದ್ದಷ್ಟು ದಿನ ಜಗಳ ಗುದ್ದಾಟ ಮಾಡಿ ವಾಪಸ್ ಕಳಿಸ್ತಾರಾ ನೋಡ್ಬೇಕು..
ಅನು ಕ್ಯಾಪ್ಟನ್ ಆಗಿರೋ ಕಾರಣದಿಂದ ಆಕೆ ಹೇಳಿದ ಮಾತು ಬಿಗ್ ಬಾಸ್ ಮನೆಯಲ್ಲಿ ನಡೆಯಬೇಕು. ಆದ್ರೆ ಆ ಬಗ್ಗೆ ಚೆನ್ನಾಗಿ ತಿಳಿದಿರೋ ಜಗನ್ ಟಾಂಗ್ ಕೊಡುವ ರೀತಿಯಲ್ಲಿ ಮಾತನಾಡ್ತಿರೋದು ಅನುಗೆ ಸಹಿಸಲು ಆಗ್ತಿಲ್ಲ. ಆಶಿತಾ ಈ ಬಗ್ಗೆ ಜಗನ್ ಬಳಿ ಹೇಳಿದಾಗ ಹಳೇ ವಿಚಾರ ಎಲ್ಲ ಕೆದಕೋದು ಬೇಡ. ಅದು ಕಳೆದು ಹೋದದ್ದು ಎಂದು ನೇರವಾಗಿ ಜಗನ್ ಹೇಳುತ್ತಿದ್ದ ಹಾಗೆ ಟಿವಿ ಮುಂದೆ ಕುಳಿತಿದ್ದ ಜನರ ಕಿವಿಗಳು ಅಗಲವಾಗಿದ್ವು.. ಮುಂದೆ ಇನ್ಯಾವ ರೀತಿಯಲ್ಲಿ ಟ್ವಿಸ್ಟ್ ಪಡೆಯುತ್ತೆ ಲವ್ ಸ್ಟೋರಿ ಸಿನಿಅಡ್ಡಾ ನಿಮಗೆ ತಿಳಿಸುತ್ತೆ.. ವೇಯ್ಟ್ ಅಂಡ್ ರೀಡ್..
ಜ್ಯೋತಿ ಗೌಡ, ನಾಗಮಂಗಲ

ಬಿಗ್ ಬಾಸ್ ನಲ್ಲಿ ಈ ವಾರದ ಎಲಿಮಿನೇಷನ್ ಯಾರು..?

ಬಿಗ್ ಬಾಸ್ ಸೀಸನ್ 5 ಕಳೆದ ಭಾನುವಾರ ಕಿಚ್ಚನ ನೇತೃತ್ವದಲ್ಲಿ ಶುರುವಾಗಿದ್ದು, ಈಗಾಗಲೇ ಮೂರು ದಿನಗಳು ಕಳೆದು ಹೋಗಿದೆ. ಬಿಗ್ ಬಾಸ್ ಮನೆ ಇನ್ನೂ ಜನರನ್ನ ಆಕರ್ಷಣೆ ಮಾಡಿಲ್ಲ. ಆದ್ರೆ ಈ ವಾರ ಒಬ್ಬ ಸ್ಪರ್ಧಿ ಮನೆಯಿಂದ ಹೊರಹೋಗುವ ಕಾಲ ಸನಿಹವಾಗ್ತಿದೆ. ಈಗಾಗಲೇ ಹಲವು ಸ್ಪರ್ಧಿಗಳ ಮನಸ್ಸಲ್ಲಿ ನಾನು ಹೋಗ್ಬಿಡ್ತಿನೇನೋ ಅನ್ನೋ ಭಯ ಮನೆ ಮಾಡಿದೆ..

ಆದ್ರೆ ಈ ವಾರ ಹೆಚ್ಚು ಕಡಿಮೆ ಎಲ್ಲರು ನಾಮಿನೇಟ್ ಆಗಿದ್ದು ಅದರಲ್ಲಿ‌ ಸ್ವಲ್ಪ ಕಡಿಮ ಮನರಂಜನೆ ಕೊಡ್ತಿರೋ ಹುಡುಗಿ ಮನೆಯಿಂದ ಹೊರ ಹೋಗುವುದು ನಿಶ್ಚಿತವಾಗ್ತಿದೆ. ಅದರಲ್ಲಿ ಬಾಬಿಡಾಲ್ ನಿವೇದಿತ ಗೌಡ ಕೂಡ ಇದ್ದಾರೆ. ಕೆಲವು ಸ್ಪರ್ಧಿಗಳ ಮುಂದೆ ಬಾಬಿಡಾಲ್ ತನ್ನ ಭಯವನ್ನು ವ್ಯಕ್ತಪಡಿಸಿದ್ದು, ಜನ ಉಳಿಸ್ತಾರಾ ಅನ್ನೋ ಮಾತುಗಳನ್ನು ಆಡಿದ್ದಾರೆ. ಅದೇ ರೀತಿ ಮುಂಬೈ ಕನ್ನಡತಿ ಶೃತಿ ಕೂಡ ಭೀತಿಯಲ್ಲಿದ್ದಾರೆ. ಇನ್ನುಳಿದಂತೆ ಸೇಲ್ಸ್ ಮೆನ್ ದಿವಾಕರ್, ಕೂರ್ಗಿ ಗರ್ಲ್ ಮೇಘ ಇದೇ ಮೂಡಲ್ಲಿ ಇರೋದು ಸ್ಪಷ್ಟವಾಗಿದೆ.

ಬಾಬಿಡಾಲ್ ನಿವೇದಿತಗೌಡ, ಕಳೆದ ಸೀಸನ್ನು ಸಂಜನಾಳನ್ನು ಮೀರಿಸುವ ಉದ್ದೇಶದಿಂದಲೇ ಬಿಗ್ ಬಾಸ್ ಮನೆಗೆ ಎಂಟ್ರಿ ಪಡೆದುಕೊಂಡಿದ್ದು, ಈಗಾಗಲೇ ಸಾಕಷ್ಟು ಜನರ ಮನಸ್ಸನ್ನು ಕದ್ದಿದ್ದಾರೆ. ಆಕೆಯ ಮಾತು ಕೂಡ ಏನೋ ಒಂದು ರೀತಿ ಇಷ್ಟ ಆಗ್ತಿದೆ. ಇನ್ನು ಮುಂಬೈ ಕನ್ನಡತಿ ಶೃತಿ ಭಾಷೆ ಮುಸ್ಲಿಂ ಕನ್ನಡ ರೀತಿಯಲ್ಲಿ ಇರೋದು ಗಮನಸೆಳೆಯುತ್ತದೆ. ಹೀಗಾಗಿ ಶೃತಿ ಕೂಡ ಸದ್ಯಕ್ಕೆ ಮನೆ ಖಾಲಿ ಮಾಡುವ ಸಾಧ್ಯತೆ ಕಡಿಮೆ. ಇನ್ನು ದಿವಾಕರ್ ಕರೆತಂದಿರೋ ಉದ್ದೇಶವೇ ಲಾಸ್ಟ್ ಸೀಸನ್ ಪ್ರಥಮ್ ಸ್ಥಾನ ಭರ್ತಿ ಮಾಡುವ ಉದ್ದೇಶದಿಂದ, ಅದು ಈಗಾಲೇ ಸೂಕ್ಷ್ಮವಾಗಿ ನೋಡಿದಾಗ ಗೊತ್ತಾಗುತ್ತಿದೆ. ಹಾಗಾಗಿ ದಿವಾಕರ್ ಕೂಡ ಕಾಯಂ. ಇನ್ನೂ ಬರುವಾಗ ತುಂಬಾ ಘಾಟಿ ಹುಡುಗಿ ರೀತಿ ಎಂಟ್ರಿ ತೆಗೆದುಕೊಂಡ ಮೇಘ ಈ ಮೂರು ದಿನ ತುಂಬಾ ಸೈಲೆಂಟ್ ಆಗಿ ಕಾಲ ಕಳೆದಿದ್ದಾರೆ. ಯಾರೊಂದಿಗೂ ಅಷ್ಟೊಂದು ಮಿಂಗಲ್ ಆಗ್ತಿಲ್ಲ. ತಮಾಷೆ, ಹರಟೆ ಯಾವುದೂ ಕಾಣ್ತಿಲ್ಲ. ಇನ್ನು ಉಳಿಯಬೇಕಾದ ಯಾವ ಅಂಶ ಇವರನ್ನು ಪಾರು ಮಾಡಲಿದೆ ಅನ್ನೋ ಕಿಚ್ಚನ್ನ ಕಾದು ನೋಡಬೇಕು.

ಜ್ಯೋತಿ ಗೌಡ, ನಾಗಮಂಗಲ

Like Us, Follow Us !

122,699FansLike
1,826FollowersFollow
1,409FollowersFollow
2,513SubscribersSubscribe

Trending This Week