17 C
Bangalore, IN
Wednesday, January 24, 2018
Home ಸಿನಿಮಾ ನ್ಯೂಸ್ ಟಿವಿ ನ್ಯೂಸ್

ಟಿವಿ ನ್ಯೂಸ್

Get Latest Kannada TV News, News On Kannada TV Serials

ಪ್ರಥಮ್ ಮಾಳವಿಕಾ ‘ಸೀಕ್ರೆಟ್” ರೂಮ್ ಸೀಕ್ರೆಟ್ .

ಕಲರ್ಸ್ ವಾಹಿನಿಯ ಬಿಗ್ ಬಾಸ್ ನಲ್ಲಿ ಪ್ರಥಮ್ , ಮಾಳವಿಕಾ ಒಟ್ಟಿಗೆ ಎಲಿಮಿನೇಟ್ ಆಗಿದ್ದಾರಂತೆ ಅನ್ನುವ ಸುದ್ದಿ ಹರಿದಾಡುತ್ತಿದೆ. ಆದ್ರೆ ಆಗಿರುವುದು ಇಷ್ಟೇ.

ಮಾಳವಿಕಾ, ಪ್ರಥಮ್ ಇಬ್ಬರನ್ನೂ ಮನೆಯಿಂದ ಹೊರಗೆ ಅಂದ್ರೆ ಸೀಕ್ರೆಟ್ ರೂಮಿನಲ್ಲಿ ಇರಿಸಲಾಗಿದೆ. ತಾವಿಲ್ಲದ ಹೊತ್ತಲ್ಲಿ ಇಡೀ ಮನೆಯ ಜನ ಏನು ಮಾತಾಡಿಕೊಳ್ತಾರೆ ಅನ್ನುವಂಥದ್ದು ಇಬ್ಬರಿಗು ತಿಳಿಯಲಿದೆ. ಇತ್ತೀಚಿಗೆ ಮಾಳವಿಕಾ ಸ್ವಲ್ಪ ಬದಲಾದಂತೆ ಕಾಣುತ್ತಿದ್ದಾರೆ. ಅದೂ ಕೂಡ ಗೆಲ್ಲುವ ಗೇಮ್ ಪ್ಲಾನ್ ಅಷ್ಟೇ ಅನ್ನುವುದು ಬಲ್ಲವರ ಅನಾಲಿಸಿಸ್.

bigboss-pratham-malavika

“ಮಾಳವಿಕಾ ಗೆಲುವು ಈಗಾಗಲೇ ನಿರ್ಧಾರವಾಗಿದೆ. ಇದೆಲ್ಲ ಸುಮ್ಮನೆ ಗಿಮಿಕ್ ಅಷ್ಟೇ “ಅನ್ನುವುದು ಹೆಸರು ಹೇಳಲು  ಇಚ್ಚಿಸದ ಬಿಗ್ ಬಾಸ್ ಟೀಮ್  ಸದಸ್ಯರೊಬ್ಬರು ciniadda.com ಗೆ ನೀಡಿದ ಸುಳಿವು. ಇದರ ಸತ್ಯಾಸತ್ಯತೆ ಎಷ್ಟಿದೆಯೋ ಕಾದು ನೋಡಬೇಕು.

ಇನ್ನೇನು ಮುಗಿದೇ ಹೋಯ್ತು ಬಿಗ್ ಬಾಸ್ ಅಂದುಕೊಳ್ಳುವಷ್ಟರಲ್ಲೇ ಇಲ್ಲ ಇಲ್ಲ ಇದೇ ತಿಂಗಳು 29ರ ತನಕ ಮುಂದುವರೆಯಲಿದೆ ಅಂತ ಶೂಟಿಂಗ್ ವೇಳೆ  ಸುದೀಪ್ ಘೋಷಿಸಿದ್ದಾರಂತೆ.

ಒಂದಂತೂ ನಿಜ ಕಳೆದ ಸೀಸನ್ಗಳಿಗೆ ಹೋಲಿಸಿದರೆ  ಈ ಬಾರಿಯ ಬಿಗ್ ಬಾಸ್ ನೋಡುವವರ ಸಂಖ್ಯೆ ಕಡಿಮೆಯಾಗಿ ಟಿಆರ್ಪಿ ಕುಸಿದು ಬಿದ್ದಿರುವುದಂತೂ ಸತ್ಯ. ಕಡೆ ದಿನದವರೆಗೂ ಇನ್ನು ಏನೇನು ಗಿಮಿಕ್ ಗಳು ಸೃಷ್ಟಿಯಾಗುತ್ತವೋ ನೋಡಬೇಕು.

 

 

ಕಿಚ್ಚ ಸುದೀಪ್ ಕಿರುತೆರೆಯ “ವಾರಸ್ದಾರ”?!

ಬೆಳ್ಳಿತೆರೆಯ ಬಾಂಡ್ ಕಿಚ್ಚ ಸುದೀಪ್ ಇದಾಗಲೇ ಕಿರುತೆರೆಯ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಭರ್ಜರಿ ಯಶಸ್ಸು ಗಳಿಸಿದ್ದಾರೆ. ಅಭಿಮಾನಿಗಳ ದಂಡು ದಿನದಿಂದ ದಿನಕ್ಕೆ ಬೆಳೆಯುತ್ತಲೇ ಇದೆ. ಬಿಗ್ ಬಾಸ್ ನಲ್ಲಿ ಸುದೀಪ್ ಬರ್ತಾರೆ ಅನ್ನೋ ಕಾರಣಕ್ಕೇ ಟಿವಿಗೆ ಕಣ್ಣು ನೆಡೋ ಕೋಟ್ಯಂತರ ವೀಕ್ಷಕರಿದ್ದಾರೆ. ಈಗ ಕಿರುತೆರೆಯಲ್ಲಿ ಮತ್ತೊಂದು ದಾಖಲೆ ಬರೆಯಲು ಹೊರಟಿದ್ದಾರೆ ಸೂಪರ್ ಸುದೀಪ್ !! ಅದು ಜೀ  ಕನ್ನಡ ವಾಹಿನಿಯ  “ವಾರಸ್ದಾರ” ಧಾರಾವಾಹಿಯ ನಿರ್ಮಾಣದ ಮೂಲಕ.

0d7a9979

“ವಾರಸ್ದಾರ” ಬರುವುದು ಯಾವಾಗ ?

05

“ವಾರಸ್ದಾರ” ಇದೇ ಡಿಸೆಂಬರ್ 19ರಿಂದ ಪ್ರತಿ ಸೋಮವಾರದಿಂದ ಶುಕ್ರವಾರದವರೆಗೆ ಪ್ರತಿ ರಾತ್ರಿ 7.30ಕ್ಕೆ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ .

“ವಾರಸ್ದಾರ” ವಿಶೇಷ 

ಇದು ಕಿರುತೆರೆ ಧಾರಾವಾಹಿಯೇ ಆದರೂ ಬಹುತೇಕರು ಸಿನಿಮಾ ಕಲಾವಿದರು , ಹಾಗು ಸಿನಿಮಾ  ತಂತ್ರಜ್ಞರು. ಸುದೀಪ್ ಮೇಲಿನ ಅಭಿಮಾನದಿಂದ ಸಿನಿಮಾ ಮಂದಿ “ವಾರಸ್ದಾರ” ದಲ್ಲಿ ಭಾಗವಹಿಸಿದ್ದಾರೆ . ಒಂದು ಸಿನಿಮಾ ರೀತಿಯಲ್ಲೇ ನಿರ್ಮಾಣವಾಗುತ್ತಿರುವ “ವಾರಸ್ದಾರ” ಹಲವು ಪ್ರಥಮಗಳಿಗೆ ಕಾರಣವಾಗಲಿದೆ .

ನಟಿ ಯಜ್ಞಾ ಶೆಟ್ಟಿ ಮೊದಲ ಬಾರಿಗೆ ಧಾರಾವಾಹಿಯಲ್ಲಿ ಅಭಿನಯಿಸುತ್ತಿದ್ದಾರೆ. ನಟ ರವಿಚೇತನ್ , ವೀಣಾ ಪೊನ್ನಪ್ಪ, ರಮೇಶ್ ಪಂಡಿತ್, ವೀಣಾ ವೆಂಕಟೇಶ್, ರಾಮ್ ಸೇರಿದಂತೆ ಹಲವಾರು ಕಲಾವಿದರ ಸಂಗಮದಲ್ಲಿ ತೆರೆಗೆ ಬರುತ್ತಿದೆ “ವಾರಸ್ದಾರ”. ದ್ಯಾವ್ರೆ ,ಪ್ಲಸ್ ಥರಹದ ವಿಭಿನ್ನ ಚಿತ್ರಗಳನ್ನು ನಿರ್ದೇಶಿಸಿದ ಗಡ್ಡ ವಿಜಿ ಈ ಧಾರಾವಾಹಿಯ ಸಾರಥ್ಯ ವಹಿಸಿಕೊಂಡಿದ್ದಾರೆ. ಡ್ರಾಮಾ ಜೂನಿಯರ್ಸ್ ಮೂಲಕ ನೋಡುಗರ ಮುದ್ದಿನ ಚಿನಕುರಳಿಯಾಗಿದ್ದ 5 ವರ್ಷದ  ಚಿತ್ತಾಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾಳೆ. ಸ್ವತಃ ಸುದೀಪ್ ಚಿತ್ತಾಲಿಯ ಅಭಿನಯಕ್ಕೆ ಮಾರು ಹೋಗಿ ಲೀಡ್ ರೋಲ್ಗೆ ಕರೆತಂದಿದ್ದಾರೆ . 

0d7a0013

ಕಥೆ 

ಶಿವಪುರ ಎಂಬ ಗ್ರಾಮದಲ್ಲಿ ನಡೆಯುವ ಕಥೆಯಿದು. ಆ ಗ್ರಾಮದ ಆಡಳಿತದ ಚುಕ್ಕಾಣಿಯನ್ನು “ವಾರಸ್ದಾರ” ಕುಟುಂಬ ಹಿಂದಿನಿಂದಲೂ ವಹಿಸಿಕೊಂಡು ಬಂದಿರುತ್ತದೆ . ಕುಟುಂಬದ ಸೊಸೆ ಹೆಣ್ಣು ಮಗುವಿಗೆ ಜನ್ಮ ನೀಡಿರುವುದು  ಸದಸ್ಯರ ಅಸಮಾಧಾನಕ್ಕೆ ಕಾರಣವಾಗಿರುತ್ತದೆ. ಅಲ್ಲದೆ ದುರುಳ ವ್ಯಕ್ತಿಯೊಬ್ಬ  “ವಾರಸ್ದಾರ”ಪೀಠ ಅಲಂಕರಿಸುವುದಕ್ಕೆ ಕಾರಣವಾಗಿರುತ್ತದೆ. ಅದನ್ನು ತಪ್ಪಿಸಲು ಅಮ್ಮ ಒಂದು ಸುಳ್ಳು ಹೇಳುತ್ತಾಳೆ. ಆ ಸುಳ್ಳಿನ ಸುತ್ತ ನಡೆಯುವ ಕಥಾ ಹಂದರವೇ   “ವಾರಸ್ದಾರ” ತಿರುಳು.

ಈ ಕಥೆಗೆ ಸೂಕ್ತವಾದ ಲೊಕೇಶನ್ ಹುಡುಕಾಟದಲ್ಲಿದ್ದ ತಂಡಕ್ಕೆ ಚಿಕ್ಕಮಗಳೂರು ಸಮೀಪದ ಬೇಗೂರು ಎಂಬ ಕುಗ್ರಾಮ ಸಿಕ್ಕಿದೆ. ಯಾವುದೇ ಫೋನ್ ಸಂಪರ್ಕ ಕೂಡ ಇಲ್ಲದ ಗ್ರಾಮ ಬೇಗೂರಿನಲ್ಲಿ ತಂಡ ಬೀಡು ಬಿಟ್ಟಿದೆ. ಬಹುತೇಕ ಚಿತ್ರಣ ಇಲ್ಲಿಯೇ  ನಡೆಯುತ್ತಿದೆ.

ಈಗಾಗಲೇ ಡ್ರಾಮಾ ಜೂನಿಯರ್ಸ್ , ಕಾಮಿಡಿ ಕಿಲಾಡಿಗಳಂತ ಕಾರ್ಯಕ್ರಮದ ಮೂಲಕ ವೀಕ್ಷಕರನ್ನು ಮೆಚ್ಚಿಸಿರುವ ಜೀ ಕನ್ನಡ ವಾಹಿನಿಯ ಈ ಹೊಸ  ಧಾರಾವಾಹಿ ಮತ್ತಷ್ಟು ನೋಡುಗರನ್ನು ಸೆಳೆಯುವ ಸಾಧ್ಯತೆ ಹೆಚ್ಚಿದೆ.

0302

ಸುದೀಪ್ ಸಾಮಾನ್ಯವಾಗಿ ಸುಲಭಕ್ಕೆ ಯಾವುದನ್ನೂ ಒಪ್ಪದ ಶ್ರದ್ಧಾವಂತ ,ಬುದ್ಧಿವಂತ  ಕಲಾವಿದ.  ಹಾಲಿವುಡ್ ಅಂಗಳಕ್ಕೆ ಹಾರಿದರೂ ಮಿಂಚುವಂಥಾ ಪ್ರತಿಭೆ ಅವರದ್ದು .ಅವರ  ಹೊಸ ಪ್ರಯತ್ನದ “ವಾರಸ್ದಾರ” ವಿಶಿಷ್ಟವಾಗಿ, ವಿಭಿನ್ನವಾಗಿ ಪ್ರೇಕ್ಷರನ್ನು ತಲುಪಲಿ . ಮನೆ ಮನೆಯ ಮಾತಾಗಲಿ “ವಾರಸ್ದಾರ”.

ಸಿನಿಮಾಗೂ ಬಂತು “ಸುಪ್ರೀಂ” ಆರ್ಡರ್ ! ನೋಡೋಕೆ ಮುನ್ನ ಎದ್ದು ನಿಲ್ಲಬೇಕು ಯಾಕೆ ?

ಸಿನಿಮಾ ನೋಡೋಕೆ ಹೋಗುವವರಲ್ಲಿ ಬಹಳಷ್ಟು ಮಂದಿಗೆ ಬೇಕಿರುವುದು ಮನರಂಜನೆ. ಯಾಕೋ ಬೋರ್ ಹೊಡಿತಾ ಇದೆ ಒಂದು ಸಿನಿಮಾಕ್ಕೆ ಹೋಗೋಣ ಬಾ ಅಂತ ನಾವೇ ಎಷ್ಟೋ ಸಾರಿ ಹೇಳಿರ್ತೀವಿ. ಪ್ರೀತಿ-ಪ್ರೇಮ ಶುರುವಿಟ್ಟ ಹೊತ್ತಲ್ಲಿ ಪಾರ್ಕು , ಹೋಟೆಲ್ಲಿನ ಜೊತೆಗೆ ಸಿನಿಮಾ ಇದ್ದೇ ಇರತ್ತೆ. ಕತ್ತಲ ಹೊತ್ತಲ್ಲಿ ಚೂರು ಪಾರು ಚೇಷ್ಟೆಗೆ ಒಳ್ಳೆ ಅಡ್ಡ ಚಿತ್ರಮಂದಿರ. ಇನ್ನು ಮದುವೆಯಾದ ಹೊಸತರಲ್ಲು ಹೋಗುವುದು ಸಿನಿಮಾಕ್ಕೇನೆ. ಅದೊಂತರ ತೀರದ ಸೆಳೆತ!! ಒಂಥರಾ ಮಜದಮಂದಿರ ಅನ್ನಿಸುವ ಚಿತ್ರಮಂದಿರಗಳಲ್ಲಿ ಇನ್ನು ಮುಂದೆ ಫಿಲಂ ನೋಡಲಿಕ್ಕೆ ಮುನ್ನ ಎಲ್ಲರೂ ಪಾಲಿಸಲೇ ಬೇಕಾದ ನಿಯಮ ಬಂದಿದೆ. ಇದು ಭಾರತದ ಸರ್ವೋಚ್ಛ ನ್ಯಾಯಾಲಯ ನೀಡಿರುವ ಆದೇಶ !!

suprim-court

ಏನಿದು ಆದೇಶ?

-ಇನ್ನು ಮುಂದೆ ಸಿನಿಮಾ ಶುರುವಾಗುವ ಮುನ್ನ ದೇಶದ ಎಲ್ಲಾ ಚಿತ್ರಮಂದಿರಗಳಲ್ಲೂ ರಾಷ್ಟ್ರಗೀತೆ ಮೊಳಗಿಸಬೇಕು.

-ಥಿಯೇಟರ್ ನಲ್ಲಿರುವ ಪ್ರತಿಯೊಬ್ಬರೂ ಎದ್ದು ನಿಂತು “ಜನಗಣ ಮನ”ಕ್ಕೆ ಗೌರವ ಸಲ್ಲಿಸಲೇ ಬೇಕು.

-ರಾಷ್ಟ್ರಗೀತೆಯ ಜೊತೆಗೆ ತೆರೆಯ ಮೇಲೆ ರಾಷ್ಟ್ರ ಧ್ವಜವನ್ನೂ ಪ್ರದರ್ಶಿಸಬೇಕು

-ಮನೋರಂಜನಾ ವಾಹಿನಿಗಳಲ್ಲಿ ವಾಣಿಜ್ಯ ಉದ್ದೇಶಗಳಿಗೆ ರಾಷ್ಟ್ರಗೀತೆ ಬಳಸಿಕೊಳ್ಳುವಂತಿಲ್ಲ. ಹಾಡುವಾಗಲಾಗಲಿ, ನುಡಿಸುವಾಗಲಾಗಲಿ ನಾಟಕೀಯತೆ ಬೆರೆಸುವಂತಿಲ್ಲ.

ಯಾರು ?ಯಾಕಾಗಿ ಕೊಟ್ಟದ್ದು ?

ನ್ಯಾಯಮೂರ್ತಿ ದೀಪಕ್ ಮಿಶ್ರ, ಅಮಿತ್ ರಾಯ್ ಒಳಗೊಂಡ ಸುಪ್ರೀಂ ಪೀಠ ಇಂದು ಅಂದರೆ ಬುಧವಾರ ಆದೇಶ ಹೊರಡಿಸಿದೆ. ಅವ್ರ ಪ್ರಕಾರ ನಾಗರೀಕರು ರಾಷ್ಟ್ರಗೀತೆಯ ಬಗ್ಗೆ ಹೆಮ್ಮೆ ಪಡಬೇಕು. ಇತ್ತೀಚಿನ ನಮ್ಮ ಜನಕ್ಕೆ  ರಾಷ್ಟ್ರಗೀತೆಯನ್ನ ಹೇಗೆ ಹಾಡಬೇಕೆನ್ನುವುದೇ ಗೊತ್ತಿಲ್ಲ . ಆ ಕಾರಣದಿಂದ ಎಲ್ಲರಿಗು ಸರಿಯಾಗಿ ಹಾಡುವುದನ್ನು ಹೇಳಿಕೊಡಬೇಕು. ನಮ್ಮ ರಾಷ್ಟ್ರಗೀತೆಯನ್ನು ನಾವೆಲ್ಲಾ ಗೌರವಿಸಲೇ ಬೇಕು. ಅಂಥಾ ಸಮಯವೀಗ ಬಂದಾಗಿದೆ. ಇದು ಸಾಂವಿಧಾನಿಕವಾದ ರಾಷ್ಟ್ರಭಕ್ತಿಯ ಭಾಗವೂ ಆಗಿದೆ. ಜನರಿಗೆ ಇದು ನಮ್ಮ ದೇಶ ಎಂಬ ಭಾವ,ಬದ್ಧತೆ ಇರಬೇಕು. ಇಲ್ಲಿರುವ ಮಂದಿ ಸ್ವಾತಂತ್ರ್ಯ ಅನುಭವಿಸುತ್ತಿರುವುದು ದೇಶದಿಂದಲೇ ತಾನೇ ?

ಯಾವಾಗಿಂದ ಜಾರಿ ?

ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಗೆ ಸುಪ್ರೀಂ ಕೋರ್ಟ್ ಆದೇಶ ಜಾರಿಗೊಳಿಸಲು 10 ದಿನಗಳ ಕಾಲಾವಕಾಶ ನೀಡಿದೆ. ಕೇಂದ್ರ “ಸುಪ್ರೀಂ” ಆದೇಶವನ್ನು ರಾಜ್ಯ ಸರ್ಕಾರಗಳ ಮುಖ್ಯ ಕಾರ್ಯದರ್ಶಿಗಳಿಗೆ ಕಳುಹಿಸುವುದಾಗಿ ಹೇಳಿದೆ. ಜೊತೆಗೆ ಪತ್ರಿಕೆ ಹಾಗು ವಿದ್ಯುನ್ಮಾನ ಮಾಧ್ಯಮಗಳಲ್ಲಿ ಪ್ರಕಟಿಸುವುದಾಗಿ ತಿಳಿಸಿದೆ.

-ಸರ್ವೋಚ್ಛ ನ್ಯಾಯಾಲಯದ  ಆದೇಶ  ನಿಮಗೆಲ್ಲ ಏನನ್ನಿಸುತ್ತಿದೆ  ಎಂದು ತಿಳಿಯುವ ಕುತೂಹಲ ನಮಗೂ ಇದೆ. ciniadda.com ನಲ್ಲಿ ನಿಮ್ಮ ಅಭಿಪ್ರಾಯ ದಾಖಲಿಸಿ.

-ಭಾನುಮತಿ ಬಿ ಸಿ

ಚಿತ್ರ ಕೃಪೆ -THE HINDU

 

ಬಿಗ್‌ಬಾಸ್ ಮನೆಯಲ್ಲಿ ಈ ವಾರ ಹಿಟ್ಲರ್ ಆಡಳಿತ..!? ಮುಂದೇನು ?

ಬಿಗ್‌ಬಾಸ್ ಮನೆಯಲ್ಲಿ ಪ್ರಪ್ರಥಮ ಬಾರಿಗೆ ಹಿಟ್ಲರ್ ಹುದ್ದೆ ಸೃಷ್ಠಿಯಾಗಿದೆ.. ಬಿಗ್‌ಬಾಸ್ ಆಡಳಿತ ಅಂತ್ಯವಾಗಿ ಎಮೆರ್ಜೆನ್ಸಿ ಘೋಷಣೆ ಮಾಡಲಾಗಿದೆ.. ಈ ಪ್ರಥಮ ಎಮರ್ಜೆನ್ಸಿಯಲ್ಲಿ  ಪ್ರಥಮ್‌ ರನ್ನೇ  ಕಮಾಂಡರ್ ಆಗಿ ನೇಮಕ ಮಾಡಿರುವುದು ಕುತೂಹಲ ಕೆರಳಿಸಿದೆ.

ನ್ಯಾಯಪಾಲಕರು

bigboss-malavika

ನಿಜ ಜೀವನದಲ್ಲೂ ನ್ಯಾಯವಾದಿ ಆಗಿರುವ ಮಾಳವಿಕಾ ಬಿಗ್ ಬಾಸ್ ಮನೆಯಲ್ಲೀಗ ನ್ಯಾಯಪಾಲಕಿ. ಸದ್ಯ ಪ್ರಥಮ್ ಗೆ ಬಕೆಟ್ ಹಿಡಿಯೋದ್ರಲ್ಲಿ ಭಾರೀ ಬ್ಯುಸಿ.

ಕಮಾಂಡೋ ಯಾರು ?

bigbos-rekhabigboss-shalini

ಚಟ್ಪಟ್ ಪಟಾಕಿ ಶಾಲಿನಿ, ಮಾತಾಡಿದ್ರೆ ಎಲ್ಲಿ ಮುತ್ತು ಹುದುರಿ ಹೋಗುತ್ತೋ ಅನ್ನುವ ರೇಖಾ ಕಮಾಂಡೋಗಳು.

ರೂಲ್ಸ್ ಮಜಾ -ಸಜಾ

 ಲಾರ್ಡ್ ಪ್ರಥಮ್ ಸರ್ ಕೆಲವೊಂದು ರೂಲ್ಸ್‌ಗಳನ್ನು ಮನೆಯಲ್ಲಿ ಮಾಡಿದ್ದಾರೆ. ಸಂಜನಾ – ಭುವನ್ ನಡುವಿನ ಪ್ರೇಮಕ್ಕೆ ಅಂಕುಶ ಹಾಕಿದ್ದಾರೆ.. ಸಂಜನಾ  ಅನಾವಶ್ಯಕವಾಗಿ ನಕ್ಕರೆ ಭುವನಣ್ಣ ಎಂದೇ ಕರೆಯಬೇಕಿದೆ..

ಕಿರಿಕ್ ಕೀರ್ತಿ ಹಾಗೂ ನಿರಂಜನ್ ತಪ್ಪು ಮಾಡಿದರೆ ಸಂಜನಾಗೆ ಐ ಲವ್ ಯೂ ಅಂತಾ ನಗುನಗುತ್ತಾ ಹೇಳಬೇಕು ಅನ್ನೋ ಆದೇಶವೂ ಸೇರಿಕೊಂಡಿದೆ..  ನಾನು(ಪ್ರಥಮ್ )ಮನೆಯಲ್ಲಿ ಊಟ ಮಾಡಿದ ಬಳಿಕ ಎಲ್ಲರೂ ಊಟ ಮಾಡಬೇಕು  ಅನ್ನೋ ಸೂಚನೆಯೂ ಹೊರಬಿದ್ದಿದೆ.. ಇನ್ನೂ ಎಲ್ಲರನ್ನೂ ತಲೆಬಗ್ಗಿಸಿ ನಿಲ್ಲಿಸಿ ಮಾತನಾಡುವ ಮೂಲಕ ನಾನು ನಿಜವಾದ ಹಿಟ್ಲರ್ ಅನ್ನೋದನ್ನು ಲಾರ್ಡ್ ಪ್ರಥಮ್ ಸರ್ ತೋರಿಸಿದ್ದಾರೆ..

ಪ್ರಥಮ್ ಫಸ್ಟ್ ಹಿಟ್ ?

bigboss-pratha-2

ಇದುವರೆಗೆ ಯಾರ್ಯಾರ ಮೇಲೆ ಅನುಮಾನ,ಬೇಸರಗಳು ಪ್ರಥಮ್ ಗೆ ಇತ್ತೋ ಅದೆಲ್ಲವನ್ನು ನೇರವಾಗಿ ಕೇಳಿ ಕ್ಲಿಯರ್ ಮಾಡಿಕೊಂಡಿದ್ದಾರೆ. ಅದರಲ್ಲಿ ಕಿರಿಕ್ ಕೀರ್ತಿ ಹಾಗೂ ನಟ ಮೋಹನ್ ಅವರಿಗೆ ನಂಬಿಕೆಗೆ ಅರ್ಹ ಅನ್ನೋ ಪಟ್ಟ ನೀಡಿದ್ದಾರೆ.. ಸಂಜನಾ ನೀಡಿದ ಉತ್ತರ ಸಮಂಜಸ ಅಲ್ಲಾ ಅನ್ನೋ ಪಟ್ಟಿ ಕೊಟ್ಟಿದ್ದಾರೆ.. ಆದ್ರೆ ಪ್ರಥಮ್ ಪರ್ಸನಲ್ ಆಗಿ ತೆಗೆದುಕೊಂಡಿದ್ದಾನೆ ಅಂತಾ ಮೋಹನ್ ಹೇಳಿದ್ರೆ, ಶಾಲಿನಿ ಮಾತ್ರ ಪ್ರಥಮ್ ಮಾಡ್ತಿರೋದು ಪಾಸಿಟಿವ್ ಆಗಿದೆ.. ನನಗೆ ಅವರ ನಡಾವಳಿಕೆಗಳು ಇಷ್ಟವಾಗಿದೆ ಎನ್ನುತ್ತಿದ್ದಾರೆ..

ಮುಂದೇನಾಗಬಹುದು ?

ಮನೆಯಲ್ಲಿ ಪ್ರಥಮ್ ಉತ್ತಮವಾಗಿ ನಿರ್ಧಾರಗಳನ್ನು ಕೈಗೊಂಡರೆ ಮುಂದಿನವಾರ ಇಮ್ಯೂನಿಟಿ ಪಡೆಯಲಿದ್ದಾರೆ.. ಒಂದು ವೇಳೆ ವಯಕ್ತಿಕವಾಗಿ ನಿರ್ಧಾರಗಳು ಹೊರಬೀಳುತ್ತಾ ಸಾಗಿದರೆ ಟಾಸ್ಕ್ ಕಂಪ್ಲೀಟ್ ಆಗದೆ ನೇರವಾಗಿ ನಾಮಿನೇಟ್ ಆಗುವ ಸಾಧ್ಯತೆಯೇ ಹೆಚ್ಚಿದೆ.. ಈಗಾಗಲೇ ಭುವನ್‌ಗೆ ಅಣ್ಣ ಎಂದೇ ಸಂಭೋಧಿಸಬೇಕು ಅಂತಾ ಹೇಳಿರುವ ಆದೇಶ ಸಣ್ಣ ಪ್ರಮಾಣದಲ್ಲಿ ಅಸಮಾಧಾನ ಉಂಟು ಮಾಡಿದೆ.ನಿರಂಜನ್ ಕೊಕ್ಕರೆ ಹಲ್ಲು ಕಾಣ್ತಾ ಇದೆ. ಕೈ ಅಡ್ಡ ಇಟ್ಟು  ಮಾತಾಡ್ಬೇಕು ಅಂದಿರುವ ಆದೇಶ ಕಿರಿಕಿರಿಯಾಗಿ ಕಿಚ್ಚಿಗೆ ಕಾರಣವೂ ಆಗಬಹುದು.  ಇದೇ ರೀತಿ ಮುಂದುವರಿದರೆ ಈ ವಾರ ಬಿಗ್‌ಬಾಸ್ ಮನೆಯಲ್ಲಿ ಅಲ್ಲೋಲ ಕಲ್ಲೋಲ ಗ್ಯಾರಂಟಿ..

ಸರ್ವಸಮರ್ಥ, ನಾಗಮಂಗಲ

ಸುದೀಪ್ ಸೂಪರ್ ಅಡುಗೆಗೆ ಬಿಗ್ ಮನೆ ಫುಲ್ ಫಿದಾ!!

ಅದು ಬಿಗ್ ಬಾಸ್ ನ 50 ನೇ ಸಂಚಿಕೆ.  ಈ ಬಾರಿ ಬಿಗ್ ಬಾಸ್ ಮನೆ ಸೇರಿದವರಿಗೆ ಅರ್ಧ ಶತಕ ಬಾರಿಸಿದ ಖುಷಿಯ ದಿನ ಅಂದ್ರೆ 50ನೇ ದಿನ. ಅಷ್ಟು ದಿನ ಮನೆಯೊಳಗೆ ಅವ್ರು ಕೊಟ್ಟದ್ದನ್ನು ತಿಂದ್ಕೊಂಡು ,ಹೇಳಿದ ಕೆಲಸ ಮಾಡಿ ಟಾಸ್ಕ್ ಗೆದ್ದು ಉಳಿಯೋದು ಅಂದ್ರೆ ಸುಮ್ನೆ ಅಲ್ಲ . ಅದ್ರಲ್ಲೂ ಹೊರಗಿರುವಾಗ ಬೇಕಾದ್ದು ತಿಂದು ಅಭ್ಯಾಸವಾದ ನಾಲಿಗೆಗೆ ಇಲ್ಲಿ ಹೊಂದಿಕೊಳ್ಳುವುದು ಕಷ್ಟ.. ಕಷ್ಟ..ಕಷ್ಟ ..

20161128_200659

50ರ ಸಂಭ್ರಮದಲ್ಲಿ  ಸುದೀಪ್, ಒಂದಿಷ್ಟೂ ಸುಳಿವು ಕೊಡದೆ ಮನೆಯಲ್ಲಿದ್ದವರಿಗೆಲ್ಲ ಮೆನು ಕೊಟ್ರು. ಅವರೆಲ್ಲ ತಮ್ಮಿಷ್ಟದ ಅಡುಗೆ ಕೇಳಿದ ಮೇಲೆ ತಾನೇ ಇವತ್ತಿನ ಕುಕ್  (ಭಟ್ಟ)ಅಂತ ಹೇಳಿ ಏಪ್ರೊನ್ ತೊಟ್ಟು ಅಡುಗೆಗೆ ನಿಂತಿದ್ದು ಅಲ್ಲಿದ್ದವರಿಗಷ್ಟೇ ಅಲ್ಲ ಟೀವಿ ನೋಡ್ತಿದ್ದವರಿಗೂ ಆಶ್ಚರ್ಯ ವೋ ಆಶ್ಚರ್ಯ !! ಜೊತೆಗೆ ಹೇಗೆ ಮಾಡಬಹುದು? ರುಚಿಯಾಗಿರುತ್ತೋ ಏನೋ ? ಅನ್ನೋ ಆತಂಕ, ಕುತೂಹಲ ಮನೆಯೊಳಿದ್ದವರಿಗೆ.

20161128_20035920161128_201534ಮೊದಲೇ ಸುದೀಪ್ ತಾನು ಎಕ್ಸ್ಪರ್ಟ್ ಅಂತ ಹೇಳಿಕೊಳ್ಳದೆ  ಪ್ರಯತ್ನ ಪಡ್ತಿದೀನಿ ಅಂತಷ್ಟೇ ಹೇಳಿ ಅಡಿಗೆ ಶುರುಮಾಡಿದ್ರು. ಮಾಡುವಾಗ ನೀವು ಗಮನಿಸಿರಬೇಕು ( ನೋಡಿದ್ದವರು ) ಅವ್ರು ಕೈಯಾಡಿಸುತ್ತಿದ್ದ ರೀತಿ ಪಕ್ಕಾ ಪ್ರೊಫ್ಫೆಷನಲ್ ಕುಕ್ ಅನ್ನುವಂತೆ ಇತ್ತು. ಅಷ್ಟೇ ಅಲ್ಲ ಒಬ್ಬ ತಾಯಿ ತನ್ನ ಮಕ್ಕಳಿಗೆ ಅಡುಗೆ ಮಾಡುವಾಗ ಹಸಿವಾಗ್ತಾ ಇದೆಯಾ ಇನ್ನೇನು ಅಡಿಗೆ ಆಗೇ ಬಿಡ್ತು ಸ್ವಲ್ಪ ಆಟ ಆಡ್ತಾಯಿರಿ . ಆಟ ಮುಗಿಯೋ ಹೊತ್ತಿಗೆ ಬಿಸಿ ಬಿಸಿ ಅಡಿಗೆ ರೆಡಿ ಅಂತಾಳಲ್ಲ ಹಾಗೆ ನಾನು ಅಡಿಗೆ ಮಾಡ್ತಿರ್ತೀನಿ ಆ ಗ್ಯಾಪಲ್ಲಿ ನೀವು ಎರಡು ತಂಡ ಮಾಡ್ಕೊಂಡು ಅಂತ್ಯಾಕ್ಷರಿ ಆಡಿ ಅಂತ ಮನೆಯಲ್ಲಿದ್ದವರನ್ನು ಹಸಿವು ಮರೆಸುವ ಹಾಗೆ ಎಂಗೇಜ್ ಮಾಡಿದ್ರು. ಟೀವಿ  ನೋಡ್ತಿದ್ದವರಿಗೂ ಅಯ್ಯೋ ನಮ್ ಸುದೀಪು ಎಂಥ ಒಳ್ಳೆ ಕೆಲಸ ಮಾಡ್ತಿದ್ದಾರಲ್ವಾ ಅನ್ನಿಸಿರೋದ್ರಲ್ಲಿ ಎರಡು ಮಾತಿಲ್ಲ. ಸ್ಪರ್ಧಿಗಳ ತಾಯಂದಿರಂತು  ಅಯ್ಯೋ ಮನೇಲಿದಿದ್ದರೆ ನಾನೇ ಮಾಡ್ಕೊಡ್ತಿದ್ದೆ ಸುದೀಪ್ ಮಾಡ್ಕೊಡ್ತಿದ್ದಾರಲ್ಲ ಅಂತ ಕಣ್ತುಂಬಿಕೊಂಡಿದ್ರು ಆಶ್ಚರ್ಯವಿಲ್ಲ.

20161128_20130420161128_201004

ಅಡುಗೆ ಮಧ್ಯೆ ಮಧ್ಯೆ ಸಣ್ಣದಾಗಿ ಕೀಟ್ಲೆ ಮಾಡ್ತಾ , ತೂಕಡಿಸ್ತಾ ಇದ್ದವರನ್ನ ಎಚ್ಚರಿಸುತ್ತಾ , ಕಿಚಾಯಿಸ್ತಾ , ಯಾರ ಕಾಟಕ್ಕೂ-ಆಟಕ್ಕೂ ಸಿಕ್ಕಿಕೊಳ್ಳದೆ ,ಪದೇ ಪದೇ ಪ್ರಶ್ನೆ ಕೇಳ್ತಿದ್ದ ಪ್ರಥಮ್ ಗೆ ಸಮಾಧಾನದಿಂದ ಉತ್ತರ ಕೊಡ್ತಾ ಶಾಲಿನಿಗೆ ಕೌಂಟರ್ ಹೇಳ್ತಾ ಇದ್ದದ್ದು ನೋಡಿದ್ರೆ ಸುದೀಪ್ ಈ ಸೀಸನ್ ನಲ್ಲಿ ತುಂಬಾ ಬದಲಾಗಿದ್ದಾರೆ ಅಂತನ್ನಿಸುತ್ತೆ.  ಅವರ ಹಾವ ಭಾವಗಳು ಬದಲಾಗಿವೆ. ಮಾಗಿದ ಹಿರಿಯಣ್ಣನ ನಡವಳಿಕೆಗಳು ಕಾಣುತ್ತಿವೆ.

sudeep-1

ಕಳೆದ ಸಂಚಿಕೆಗಳಲ್ಲಿ ಹುಚ್ಚ ವೆಂಕಟ್ , ಬಿಗ್ ಬಾಸ್ ಮನೆಗೆ ಬಂದು ಫಳಾರ್ ಪ್ರಥಮ್ ಗೆ ಬಾರಿಸಿದಾಗ  ಸುದೀಪ್ ಬೇಸರ ವ್ಯಕ್ತಪಡಿಸಿದ್ದಷ್ಟೇ ಅಲ್ಲದೆ ನ್ಯಾಯ ಒದಗಿಸಿದರೆ ಮಾತ್ರ ನಾನು ಈ ಶೋ ನಡೆಸುತ್ತೇನೆ ಅಂದಿದ್ದು ಬಹಳಷ್ಟು  ಜನರಿಗೆ ಇಷ್ಟವಾಗಿರುವುದಂತೂ ನಿಜ.

pooja

ಹಾಫ್ ಸೆಂಚುರಿ ಬಾರಿಸಿದ ತಂಡಕ್ಕೆ ಜಿಲೇಬಿ ಹಂಚಿ, ಡಾನ್ಸ್ ಮಾಡಿ , ಹಳೆಯ ನೆನಪುಗಳನ್ನು ಹರಡಿ ತನ್ನ ಸಿನಿಮಾ ಪ್ರಮೋಟ್ ಮಾಡಿದ ಪೂಜಾಗಾಂಧಿ ಜೊತೆಯಲ್ಲಿ “ಜಿಲೆಬಿ ” ವಿಷಯದಲ್ಲಿ ಸುದೀಪ್ ರೇಗಿಸಿದ ರೀತಿಗೆ ಸ್ವತಃ ಪೂಜಾ ನಕ್ಕು ನಕ್ಕು ಸುಸ್ತಾದ್ರು. ಕಾಲೆಳೆಸಿಕೊಂಡವರಿಗೂ ಖುಷಿಯಾಗುವ ರೀತಿ ನಡೆದುಕೊಂಡ ಸುದೀಪ್ ಬಗ್ಗೆ ಒಂದು ಹಿಡಿ ಪ್ರೀತಿ ಹೆಚ್ಚಾಗದಿರಲು ಹೇಗೆ ಸಾಧ್ಯ ಹೇಳಿ .

shalini

ಕಿಚ್ಚನ ಅಡಿಗೆಯನ್ನು ಹಸಿದ ಹೊಟ್ಟೆಗಳು ಆಹಾ ..ಕೇಕ್ !!  ಓಹೋ .. ಬಿರಿಯಾನಿ ಅಂತ ಚಪ್ಪರಿಸಿ  ತಿಂದದ್ದು ಆಯ್ತು. ಕೊನೆಗೆ ಹೇಳದೆ ಇರಲಿ ಹೇಗೆ ಅನ್ನುವಂತೆ ಕ್ಯಾಮರಾ ಮುಂದೆ ಬಂದ ಶಾಲಿನಿ,ಕೀರ್ತಿ ಹೊಟ್ಟೆತುಂಬಿಸಿದ ಕಿಚ್ಚನಿಗೆ ಅಚ್ಚು ಮೆಚ್ಚಿನ ಮಾತನ್ನು ಆಡಿ ಹೋದ್ರು.

ಕೊನೆಯಲ್ಲಿ ಇನ್ನು ಆಟ ಇದೆ . ಚೆನ್ನಾಗಿ, ತಾಳ್ಮೆಯಿಂದ ಆಡಿ ಅಂತ ಪ್ರೋತ್ಸಾಹಿಸಿ, ಹುರಿದುಂಬಿಸಿ ಹೋದ ಸುದೀಪ್ ಒಬ್ಬ ಗೆಳೆಯ,ಹಿತೈಷಿಯಂತೆ  ಕಂಡಿದ್ದರೆ ಅಚ್ಚರಿ ಇಲ್ಲ. ಯಾರು ಏನನ್ನು ನೆನಪಿಟ್ಟುಕೊಳ್ತಾರೋ ಬಿಡ್ತಾರೋ ಆದ್ರೆ ಸುದೀಪ್ ತಾವೇ ತಮ್ಮ ಕೈಯ್ಯಾರೆ ಅಡುಗೆ ಮಾಡಿ ಕಳುಹಿಸಿದ್ದನ್ನು ಮಾತ್ರ ಸ್ಪರ್ಧಿಗಳಷ್ಟೇ ಅಲ್ಲ ಬಿಗ್ ಬಾಸ್  ನೋಡಿದವರು ಮರೆಯಲಾರರು.

sudeeep-soopersudeep-super

 

ಕಾರಣವಿಷ್ಟೇ .ಅನ್ನದ ಋಣ ಎಲ್ಲಕ್ಕಿಂತ  ದೊಡ್ಡದು ನೋಡಿ . ಹಸಿದಾಗ ನಮಗೆ ಬೇಕೆನಿಸಿದ ರುಚಿ ರುಚಿ ಅಡುಗೆ ಮಾಡಿಕೊಟ್ಟವರನ್ನು ಸಾಮಾನ್ಯವಾಗಿ ಯಾರೂ ಮರೆಯುವುದಿಲ್ಲ. ಸುದೀಪ್ ಗೆ ಶುಭವಾಗಲಿ. ಅಭಿನಯ ಚಕ್ರವರ್ತಿಗೆ  ಹಾಲಿವುಡ್ನಲ್ಲು ಅವಕಾಶಗಳು ಬರಲಿ . ಯಾಕಂದ್ರೆ ಸುದೀಪ್ ಅಂದ್ರೆ ಸುಮ್ನೆ ಅಲ್ಲ ನೋಡಿ . ಪಾತ್ರಕ್ಕೆ ಜೀವ ಬೆಸೆಯುವ ಅಪರೂಪದ  ಕಲಾವಿದ . ಬೆಳೆಯಲಿ ಬೆಳಗಲಿ .

-ಭಾನುಮತಿ ಬಿ ಸಿ

 

ನಟ ರಮೇಶ್ ಅರವಿಂದ್ ತಂದೆ ಗೋವಿಂದಾಚಾರಿ ಇನ್ನಿಲ್ಲ

ಸದಭಿರುಚಿಯ ನಟ, ನಿರ್ದೇಶಕ ರಮೇಶ್ ಅರವಿಂದ್ ಪುಷ್ಪಕ ವಿಮಾನವೇರಿ ಬರುವ ಸಿದ್ಧ್ಥೆಯಲ್ಲಿದ್ದಾಗ ತಂದೆಯನ್ನು ಕಳೆದುಕೊಂಡ ದುಃಖದಲ್ಲಿದ್ದಾರೆ.

೮೦ ವರ್ಷ ವಯಸ್ಸಾಗಿದ್ದ ಗೋವಿಂದಾಚಾರಿ ಯವರು ಕಿಡ್ನಿ ವೈಫಲ್ಯದಿಂದ  ಚಿಕಿತ್ಸೆ ಫಲಿಸದೆ ಅಸುನೀಗಿದ್ದಾರೆ.

ತಾನು ನೀಗಿ ಹೋದರೂ, ತನ್ನ ಅಂಗಾಂಗಗಳು ಇನ್ನೊಂದು ಜೀವಕೆ ಆಧಾರವಾಗಲಿ ಎಂದಿದ್ದ ತಂದೆಯ ಆಸೆಯಂತೆ, ಕಣ್ಣುಗಳು ಹಾಗು ದೇಹವನ್ನು ಎಂ.ಎಸ್ ರಾಮಯ್ಯ ಆಸ್ಪತ್ರೆಗೆ ದಾನ ಮಾಡಿದ್ದಾರೆ ರಮೇಶ್.

ಸಾವಿನ ನಂತರವೂ ಮತ್ತೊಬ್ಬರ ಬಾಳಿಗೆ ಬೆಳಕಾಗುವುದು ಎಂದರೆ ಹೀಗೆ ಅಲ್ಲವೇ ?

ಪ್ರೀತಿಯ ರಮೇಶ್ ಅರವಿಂದ್,

ದಿವಂಗತರ ಆತ್ಮಕ್ಕೆ ಶಾಂತಿ ಸಿಗಲಿ , ನಿಮಗೆ ಮತ್ತು ನಿಮ್ಮ ಕುಟುಂಬಕ್ಕೆ ದುಃಖ ಭರಿಸುವ ಶಕ್ತಿ ನೀಡಲೆಂದು ದೇವರಲ್ಲಿ ಪ್ರಾರ್ಥಿಸುತ್ತೇವೆ, ನಿಮ್ಮನ್ನು ಪ್ರೀತಿಸುವ ನಿಮ್ಮ ಅಭಿಮಾನಿಗಳ ಹಾರೈಕೆ ನಿಮ್ಮೊಂದಿಗಿದೆ.

 

ರಿಯಲ್ ರಂಜನೆ, ರಿಯಲ್ ಚಿಂತನೆ! ರಿಯಾಲಿಟಿ ಷೋಗೆ ರೆಡಿಯಾಗಿ

ರಂಜನೆ, ಚಿಂತನೆ ಎರಡೂ ಇರುವ ಹೊಸ ರಿಯಾಲಿಟಿ ಷೋ…ಹೊಸ ಬಗೆಯದು ಇಷ್ಟರಲ್ಲೇ.‌‌..

ಇಂಥದೊಂದು ಸುದ್ದಿಯನ್ನ ಮಧ್ಯರಾತ್ರಿಯಲ್ಲಿ ಹರಿಯಬಿಟ್ಟು ರಿಯಾಕ್ಷನ್ ನೋಡ್ತಾ ಇದ್ದಾರೇನೋ ನಮ್ಮ ಮಧ್ಯಮ ವರ್ಗದ ಮಿತ್ರ ಟಿ ಎನ್ ಸೀತಾರಾಮ್ . ಸದ್ಯದಲ್ಲಂತೂ ಟೀವಿಯಲ್ಲಿ  ಬರುತ್ತಿರುವ ಅನೇಕ  ರಿಯಾಲಿಟಿ ಶೋಗಳಿಂದ ಬೇಸತ್ತು ಹೋಗಿದ್ದರೂ ಪರ್ಯಾಯವಿಲ್ಲದೆ ಅಂಥವನ್ನೇ ನೋಡುವ ಮಂದಿಗೆ ಟಿ ಎನ್ ಎಸ್  ಮತ್ತೆ ಟಿವಿಗೆ ಬರ್ತಾರೆ ಅದೂ ರಿಯಾಲಿಟಿ ಶೋ ಮೂಲಕ ಅನ್ನುವುದು ಸಂತಸದ ಸುದ್ದಿ .

ರಿಯಾಲಿಟಿ ಶೋಗೆ ತಮ್ಮ ರಿಯಲ್ ಯೋಜನೆಗಳೇನು ಸಿಎಸ್ಪಿ ಸಾಹೇಬರೇ ಅಂತ ciniadda.com ಕೇಳಿದಾಗ ..

ಅದೂ ನಮ್ಮ ಸಂಸೃತಿಗೆ , ಭಾಷೆಗೆ ಸಂಬಂಧಪಟ್ಟ ಕಾರ್ಯಕ್ರಮ ಆಗಿರುವುದಂತೂ ಗ್ಯಾರಂಟಿ .

ಯಾವ ವಾಹಿನಿಯ ಮೂಲಕ ತಮ್ಮ ಮರುಪ್ರವೇಶ ?

ಅದಿನ್ನೂ ನಿರ್ಧಾರವಾಗಿಲ್ಲ .

ತಂಡದಲ್ಲಿ ಯಾರ್ಯಾರು ಇದ್ದೀರಿ ?

ನಮ್ಮ ಕೂಸು ಈಗ ತಾನೇ ಹುಟ್ಟಿದೆ .ಹಾಲುಣಿಸುವವರು , ನೀರೆರೆಯುವವರು , ಬಟ್ಟೆ ತೊಡಿಸುವವರು, ಹೆಸರಿಡುವವರು  ಹೀಗೆ ಸಿಂಗಾರ ಬಂಗಾರ ಮಾಡೋವ್ರೆಲ್ಲ ಸೇರಿಕೊಳ್ಳಬೇಕಿದೆ . ಕಾನ್ಸೆಪ್ಟ್ ನನ್ನದೇ. ಕಾರ್ಯರೂಪಕ್ಕೆ ಇಳಿಯುತ್ತಿದ್ದೇವೆ ನಮ್ಮ ಭೂಮಿಕಾ ಸಂಸ್ಥೆಯ ಮೂಲಕ.  ಒಂದೀಡೀ ಕುಟುಂಬ ಕೂತು ನೋಡುವ ಕಾರ್ಯಕ್ರಮವಂತೂ ನಮ್ಮದಾಗಿರುತ್ತದೆ. ಉಳಿದ ವಿಷಯಗಳನ್ನ ಸದ್ಯದಲ್ಲೇ ತಿಳಿಸುವೆ .

ಕಿರುತೆರೆಯ ಸಂಕಲನದಿಂದ ಮಹಾಪರ್ವದವರೆಗೆ ಬೆಳ್ಳಿತೆರೆಯ ಪಲ್ಲವಿಯಿಂದ ವಾಸ್ತು ಪ್ರಕಾರದವರೆಗೆ ಅಭಿನಯ , ಸಂಭಾಷಣೆ , ನಿರ್ದೇಶನ , ನಿರ್ಮಾಣ ಎಲ್ಲದರಲ್ಲೂ ಪಳಗಿರುವ ಸೀತಾರಾಮ್ ತಮಗೆ ಒಲಿದ ವರ್ಗದ ಜೊತೆಗೆ ಬದಲಾದಂತೆ ಮೇಲ್ನೋಟಕ್ಕೆ ಕಾಣುವ  ಇನ್ನಿತರ ಪ್ರೇಕ್ಷಕರ ನಿರೀಕ್ಷೆಗಳನ್ನು ಮುಟ್ಟುವರೇ ಅನ್ನುವ ಕುತೂಹಲ ಒಂದು ಕಡೆ .  ಮತ್ತೊಂದು ಕಡೆ ನಮ್ಮತನ ಸಾರುವ ರಿಯಾಲಿಟಿ ಶೋ ಸಾಧ್ಯವಾಗಲಿ ,ಶುಭವಾಗಲಿ ಅನ್ನುವ ಹಾರೈಕೆ .

ಮತ್ತಷ್ಟು ಮಾಹಿತಿ ಸದ್ಯದಲ್ಲೆ

ಭಾನುಮತಿ ಬಿ ಸಿ

 

ZEE ದಶಕದ ಸಂಭ್ರಮ

ಮಿರಿ ಮಿರಿ ಮಿಂಚುವ ಬಲ್ಪುಗಳಡಿಯಲ್ಲಿ, Pink Carpetನ ಮೇಲೆ, ಒಬ್ಬೊಬ್ಬರೇ ದಿಗ್ಗಜರನ್ನು ಬರಮಾಡಿಕೊಂಡು ಅವರೊಂದಿಗೆ ಹೆಜ್ಜೆಯಾಕುತ್ತಿದ್ದರೆ ಆಹ್! ಏನೋ ಸಂತೋಷ. ಈ function ಯಾವುದು ಅಂತೀರಾ? ಅದೇ “Zee ದಶಕದ ಸಂಭ್ರಮ”.

ಕಳೆದ ದಶಕದಲ್ಲಿ ಪ್ರತೀ ಕ್ಷೇತ್ರದಲ್ಲೂ ಗಮನಾರ್ಹ ಸಾಧನೆ ಮಾಡಿದ 20 ಜನ ಸಾಧಕರನ್ನು ಗುರುತಿಸಿ ಅವರಿಗೆ ಈ ಕಾರ್ಯಕ್ರಮದಲ್ಲಿ ಸನ್ಮಾನಿಸಲಾಯಿತು. ಅಷ್ಟು ವೈಭವದಿಂದ ಕೂಡಿದ್ದ ದೀಪಾಲಂಕಾರದಿಂದ ಕಂಗೊಳಿಸುತ್ತಿದ್ದ ವೇದಿಕೆಯನ್ನೇರಿದ ದಿಗ್ಗಜರು ಕಾರ್ಯಕ್ರಮವನ್ನು ಮತ್ತಷ್ಟೂ ಶ್ರೀಮಂತಗೊಳಿಸಿದರು. ಕಳೆದ ದಶಕದಲ್ಲಿ ಕರ್ನಾಟಕದಲ್ಲಿ ಎಲ್ಲಾ ಕ್ಷೇತ್ರಗಳಲ್ಲಿ ನೆಡೆದ ಏರುಪೇರುಗಳನ್ನೆಲ್ಲಾ ಒಟ್ಟುಮಾಡಿ ರಮೇಶ್ ಅರವಿಂದ್ ಅವರು ನೆಡೆಸಿಕೊಟ್ಟ ಕಾರ್ಯಕ್ರಮ ಅದ್ಭುತವಾಗಿ ಮೂಡಿಬಂತು. ವಿಜಯ್ ಪ್ರಕಾಶ್ ಅವರ ಹಾಡು, ವಿಜಯ್ ರಾಘವೇಂದ್ರ, ಗಣೇಶ್, ಶುಭ್ರಾ ಅಯ್ಯಪ್ಪ, ಹರಿಪ್ರಿಯಾ ಅವರ ಕುಣಿತ, ಅನು ಶ್ರೀ, ಆನಂದ್ ಅವರ ನಿರೂಪಣೆ, ಡ್ರಾಮಾ ಜ್ಯುನಿಯರ್ಸ್  ಮಕ್ಕಳ ಡ್ರಾಮ ಕಾರ್ಯಕ್ರಮಕ್ಕೆ ಬಣ್ಣ ತುಂಬಿದವು.

13987552_1044344772339674_8160019826373725033_oಅಂಬರಿಶ್ ಅವರ ಮಾತುಗಳು ಹಾಗು ಅದರ ನಂತರ ಬಂದು  “ತನ್ನೊಂದಿಗೆ ಚಿತ್ರರಂಗಕ್ಕೆ ಕಾಲಿಟ್ಟು ಸಾಲು ಸಾಲು ಹಿಟ್ಟ್ ಚಿತ್ರಗಳನ್ನು ನೀಡಿದ ಪುನೀತ್ ರಾಜಕುಮಾರ್ , ದರ್ಶನ್ ಅವರ ಪರವಾಗಿ ನಾನು ಈ ಪ್ರಶಸ್ತಿ ಸ್ವಿಕರಿಸುತ್ತಿದ್ದೇನೆ ನಾನು ಬಂದು ಪ್ರಶಸ್ತಿ ಸ್ವೀಕರಿಸುತ್ತಿರುವ ಮೊದಲ ಮತ್ತು ಕೊನೆಯ ಕಾರ್ಯಕ್ರಮ ಇದು” ಎಂದು ಹೇಳಿದ ಸುದಿಪ್ ಅಭಿಮಾನಿಗಳ ಮನಗೆದ್ದರು. ರಾಧಿಕಾ ಪಂಡಿತ್ ಅವರಿಗೆ ಪ್ರಶಸ್ತಿ ಪ್ರಧಾನ ಮಾಡಿದ ರವಿಚಂದ್ರನ್ ಅವರು “ಇಂಡಸ್ಟ್ರೀಗೆ ಬಂದಾಗ್ಲಿಂದನೂ ಈ ಹುಡ್ಗಿ ಒಂದೂ controversy ಮಾಡ್ಕೊಂಡೊಲ್ಲ, ಯಾರೊಂದಿಗೂ ಜಗಳ ಮಾಡ್ಕೊಂಡಿಲ್ಲ, ಲವ್ವು-ಗಿವ್ವು ಮೊದಲೇ ಇಲ್ಲ ಇದ್ರು ಒಂದೇ ಹುಡ್ಗನೊಂದಿಗೆ ಇವಳ ಹೆಸರು ತಳುಕುಹಾಕಿಕೊಂಡಿರೊದು!, ಎಲ್ಲವುದಕ್ಕೂ ಮೊದಲು ನನ್ನೊಂದಿಗೆ ನಟಿಸಿಯೇ ಇಲ್ಲ ಅದ್ಹೇಗೆ ದಶಕದ ನಾಯಕಿ ಆದಲಳಿವಳು” ಎಂದು ಪ್ರೇಕ್ಷಕರನ್ನು ನಗೆಗಡಲಲ್ಲಿ ಮುಳುಗಿಸಿದರು.

470eee2b-0b9a-4284-85ed-c53def328718

ತನ್ನ ಹುಟ್ಟಿನಿಂದಲೂ “ಬದುಕು ಜಟಕಾ ಬಂಡಿ” ಯಂತಹ ಸಮಾಜಮುಖಿ ಕಾರ್ಯಕ್ರಮಗಳನ್ನಲ್ಲದೆ ಆಡು ಆಟ ಆಡು, ಚೋಟಾ ಚಾಂಪಿಯನ್, ಡ್ಯಾಡಿ ನಮಂಬರ್ 1, ಕುಣಿಯೋಣು ಬಾರ, Comedy ಖಿಲಾಡಿಗಳು, Home minister, ಲೈಫು ಇಷ್ಟೇನೆಯಂತಹ ವಿಭಿನ್ನ ಕಾರ್ಯಕ್ರಮಗಳನ್ನು ನೀಡಿ, ಈಗ ಸ ರಿ ಗ ಮ ಪ, ಡ್ರಾಮ ಜ್ಯುನಿಯರ್ಸ್, ಡಾನ್ಸ್ ಕರ್ನಾಟಕ ಡಾನ್ಸ್ ನಂತಹ ಕಾರ್ಯಮುಗಳಿಂದ ಎಷ್ಟೊ ಪ್ರತಿಭೆಗಳನ್ನು ಹೊರತರುತ್ತಿರುವ, ವೀಕೆಂಡ್ ವಿಥ್ ರಮೇಶ್ ನಂಥಹ ಕಾರ್ಯಕ್ರಮದಿಂದ ನಾಡಿನ ದಿಗ್ಗಜರ ಬಗ್ಗೆ ತಿಳಿಸುತ್ತಿರುವುದಲ್ಲದೆ ನಮ್ಮಮ್ಮ ಶಾರದೆ, ಜೊಗುಳ, ರಾಧಾ ಕಲ್ಯಾಣ, ಚಿ.ಸೌ. ಸಾವಿತ್ರಿ, ರಾಜಕುಮಾರಿ, ಅತಿಮಧುರ ಅನುರಾಗ, ಶ್ರೀರಸ್ತು ಶುಭಮಸ್ತು, ದೇವಿ, ಪುನರ್ವಿವಾಹ, ಮಹಾದೇವಿ, ಗೃಹಲಕ್ಷ್ಮಿ, ನಾಗಿಣಿ, ಶ್ರೀ ಮಾನ್ ಶ್ರೀಮತಿ, ಮಹಾನದಿ ಯಂತಹ ಯಶಸ್ವಿ ಧಾರವಾಹಿಗಳನ್ನು ನೀಡಿ ಕರ್ನಾಟಕ ಜನತೆಯ ಗಮನ ಸೆಳೆಯುತ್ತಿರುವ Zee ವಾಹಿನಿ ತನ್ನ 10 ವರ್ಷದ ಹುಟ್ಟುಹಬ್ಬವನ್ನು ಭರ್ಜರಿಯಾಗಿ ಆಚರಿಸಿಕೊಳ್ಳುತ್ತಿದೆ.

This slideshow requires JavaScript.

ಇದೇ ಶನಿವಾರ ಮತ್ತು ಭಾನುವಾರ 27, 28 ರಂದು ಸಂಜೆ 6:30ತ್ತಕ್ಕೆ ಪ್ರಸಾರವಾಗಲಿರುವ “Zee ದಶಕದ ಸಂಭ್ರಮ”ದ ಅದ್ಧೂರಿ ಕಾರ್ಯಕ್ರಮವನ್ನು ವೀಕ್ಷಿಸಿ ಸಂಭ್ರಮದಲ್ಲಿ ಭಾಗಿಯಾಗಿ.

*ಗಗನಚುಕ್ಕಿ

“ಅಸ್ತಿತ್ವ” ಮೂಲಕ ತೆಲುಗು ಟಿವಿಸ್ಟಾರ್ ಕನ್ನಡಕ್ಕೆ

ಇತ್ತೀಚಿನ ದಿನಗಳಲ್ಲಿ  ಕನ್ನಡ ಚಿತ್ರರಂಗದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿರುವ ಚಿತ್ರ ಅಸ್ತಿತ್ವ.
ಮ್ಯಾರೇಜ್ ಸ್ಟೋರಿ ಎಂಬ ಸಿನಿಮಾ ನಿರ್ದೇಶನ ಮಾಡಿದ್ದ ನೂತನ್ ಉಮೇಶ್ ಅವರ ಮತ್ತೊಂದು ಪ್ರಯತ್ನವಾದ ಈ ಸಿನಿಮಾ, ಸಾಕಷ್ಟು ಕಾರಣಗಳಿಗೆ ಗಾಂಧಿನಗರದಲ್ಲಿ ಸದ್ದು ಮಾಡುತ್ತಿದೆ.
VishwaCariappa-ಮುಖ್ಯವಾಗಿ, ನಿರ್ಮಾಣ ಸಾರಥ್ಯ ವಹಿಸಿರುವವರು ಬೆಂಗಳೂರಿನ ಸ್ಯಾನ್ಸಿಟಿ ಗ್ರೂಪ್ ಆಫ್ ಕಂಪನೀಸ್ ಅಧ್ಯಕ್ಷರು ಹಾಗು ಸಿಇಓ ವಿಶ್ವಕಾರ್ಯಪ್ಪ, ಇವರ “ವಿ ಸ್ಯಾನ್ ವಿಷನ್” ಎಂಬ ಹೊಸ ಬ್ಯಾನೆರ್ನಡಿ ಚಿತ್ರ ನಿರ್ಮಾಣವಾಗುತ್ತಿದೆ. ಇವರು ನಿರ್ಮಿಸಿದ ಗಣೇಶ್ ಅಭಿನಯದ “ಆಟೋ ರಾಜ”, ಗಣೇಶ್ ಗೆ “ಬ್ಯಾಕ್ ಟು ದಿ ಫಾರಂ” ಚಿತ್ರವಾಗಿತ್ತು.
madhusudan-asthitwaಎರಡನೆಯದಾಗಿ, ಚಿತ್ರದ ಮೂಲಕ ತೆಲುಗು ಸಿರಿಯಲ್‌ಗಳಲ್ಲಿ ಸ್ಟಾರ್ ಆಗಿರುವ ಬೆಂಗಳೂರು ಮೂಲದ ಮಧುಸೂದನ್ ಎಂಬ ಯುವಕ ಈ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಪರಿಚಯವಾಗುತ್ತಿದ್ದಾರೆ. ಮೂಲತಃ ಬೆಂಗಳೂರಿನವರಾದ ಮಧುಸೂದನ್ ವಿಶಾಖಪಟ್ಟಣದಲ್ಲಿ ಅಭಿನಯ ತರಬೇತಿ ಪಡೆದಿದ್ದಾರೆ.
ಅಭಿನಯ ತರಬೇತಿ ಮುಗಿದ ತಕ್ಷಣವೇ ಅವರಿಗೆ ತೆಲುಗು ಸಿನಿಮಾ ಮತ್ತು ಕಿರುತೆರೆ ಕೈಬೀಸಿ ಕರೆಯಿತು. ಸಿಕ್ಕ ಅವಕಾಶವನ್ನು ಬಿಡದ ಮಧುಸೂದನ್ ಮೂರು ತೆಲುಗು ಸಿನಿಮಾಗಳಲ್ಲಿ ಮುಖ್ಯ ಪಾತ್ರದಾರಿಯಾಗಿ ನಟಿಸಿದರು.
ಆದರೆ ಅವರಿಗೆ ನಿಜವಾಗಿಯೂ ಬ್ರೇಕ್ ಕೊಟ್ಟಿದ್ದು ಅಲ್ಲಿನ ಕಿರುತೆರೆ. ತೆಲುಗು ಇಂಡಸ್ಟ್ರಿ ಇಂದು ಮಧುಸೂದನ್ ಅವರನ್ನು ಗುರುತಿಸುವಂತೆ ಮಾಡಿರುವುದೇ ಅವರು ನಟಿಸಿರುವ ಕೆಲ ಸಿರಿಯಲ್‌ಗಳು. ಗೋರಂಥ ದೀಪಂ ಎನ್ನುವ ಸಿರಿಯಲ್‌ನಲ್ಲಿ ಮಧುಸೂದನ್  700 ಎಪಿಸೋಡ್‌ಗಳಲ್ಲಿ ನಟಿಸಿದ್ದಾರೆಂದರೆ ಅವರ ಪಾಪುಲಾರಿಟಿ ಎಷ್ಟಿದೆ ಎಂಬುದನ್ನು ನಾವು ಅರಿಯಬೇಕಿದೆ.
ಈ ಸಿರಿಯಲ್‌ಗಳಲ್ಲಿ ಅಭಿನಯಿಸುತ್ತಿರುವಾಗಲೇ  ವಿಶ್ವ ಕಾರ್ಯಪ್ಪನವರ ಪರಿಚಯವಾಗಿತ್ತು. ಈ ಪರಿಚಯ ಮಧುಸೂದನ್ ಅವರಿಗೆ ಅಸ್ತಿತ್ವ ಸಿನಿಮಾದಲ್ಲಿ ಅವಕಾಶ ಗಿಟ್ಟುವಂತೆ ಮಾಡಿದೆ. ಇದು ಇವರ ಕನ್ನಡದ  ಮೊದಲ ಸಿನಿಮಾ.
ಮಧುಸೂದನ್‌ಗೆ ಮುಂದಿನ ದಿನಗಳಲ್ಲಿ ಕನ್ನಡದ ಮತ್ತಷ್ಟು ಸಿನಿಮಾಗಳಲ್ಲಿ ಅಭಿನಯಿಸ ಬೇಕು ಎನ್ನು ಹಂಬಲ ಇದೆ.  ಆ.೧೯ರಂದು ರಾಜ್ಯಾದ್ಯಂತ  ಅಸ್ತಿತ್ವ ಸಿನಿಮಾವನ್ನು ಬಿಡುಗಡೆ ಮಾಡಲು ಚಿತ್ರ ತಂಡ ರಿಲೀಸ್ ಮಾಡಲು ತಯಾರಿ ಮಾಡಿಕೊಂಡಿದೆ. ಚಿತ್ರ ಇನ್ನೂರಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆ ಕಾಣುತ್ತಿದ್ದು, ಅದಕ್ಕಾಗಿ ಭರ್ಜರಿ ಸಿದ್ಧತೆಗಳುಡೆದಿವೆ. ಟ್ರೈಲರ್ ಮತ್ತು ಹಾಡುಗಳೂ ಈಗಾಗಲೇ  ಹಿಟ್ ಆಗಿರುವ ಪರಿಣಾಮ ಸಿನಿಮಾ ಗೆಲ್ಲುವ ಎಲ್ಲ ಲಕ್ಷಣಗಳು ಗೋಚರಿಸುತ್ತಿದೆ.
  ತಮಿಳಿನ ಹೆಸರಾಂತ ನಟ ಮತ್ತು ಸಂಗೀತ ನಿರ್ದೇಶಕ ವಿಜಯ್ ಆಂಟೋನಿ, ಈ ಸಿನಿಮಾದ ಮೂಲಕ ಕನ್ನಡಕ್ಕೆ ಬಂದಿದ್ದಾರೆ. ಒಟ್ಟಿನಲ್ಲಿ ಅಸ್ತಿತ್ವ ಸಿನಿಮಾ ಮೂಲಕ ತೆಲುಗು ಟಿವಿ ಸ್ಟಾರ್ ಮತ್ತು ತಮಿಳಿನ ಖ್ಯಾತ ನಟರೊಬ್ಬರು ಸ್ಯಾಂಡಲ್‌ವುಡ್ ಪ್ರವೇಶ ಮಾಡುತ್ತಿದ್ದಾರೆ.
ಇವರ ನಿರೀಕ್ಷೆಯಂತೆ ಸಿನಿಮಾವನ್ನು ಪ್ರೇಕ್ಷಕ ಗೆಲ್ಲಿಸುತ್ತಾನ ಕಾದು ನೋಡಬೇಕಿದೆ.

ಮಜಾ ಟಾಕೀಸ್ .. ಈಗ ಹೊಸ ಟಾಕೀಸ್.

ಯಾವುದೇ ಸೂಪರ್ ಹಿಟ್ ರಿಯಾಲಿಟೀ ಶೋ ಅನ್ನು ಕನ್ನಡಕ್ಕೆ ತಂದು ಗೆಲ್ಲುವುದು ಸುಲಭದ ಮಾತಲ್ಲ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ, ಲೋಕೇಶ್ ಪ್ರೋಡಕ್ಷನ್ಸ್ ಮೂಲಕ ಸೃಜನ್ ಲೋಕೇಶ್ “ಮಜಾ ಟಾಕೀಸ್” ಕಾರ್ಯಕ್ರಮವನ್ನು ನೀಡಿ ಗೆದ್ದು ತೋರಿಸಿದ್ದಾರೆ. ಅಪರ್ಣ, ಮನೋಹರ್ ಹಾಗೂ ಇಂದ್ರಜೀತ್ ಅಂತಹ ಗಂಭೀರ ವ್ಯಕ್ತಿಗಳನ್ನು ಹಾಸ್ಯಮಯ ಪಾತ್ರಗಳಲ್ಲಿ ಯಶಸ್ವಿಯಾಗಿ ಬಿಂಬಿಸಿದ್ದಾರೆ. ಶ್ವೇತಾ, ದಯಾನಂದ್, ಪವನ್, ವಂದನ  ಹಾಗೂ ರೇಮೋ ಅವರನ್ನೊಳಗೊಂಡ “ಮಜಾ ಟಾಕೀಸ್” ಒಂದು ಅಪರೂಪದ ತಂಡ. ಮಂಡ್ಯ ರಮೇಶ್ ಮತ್ತು ಕುರಿ ಪ್ರತಾಪ್ ಸೇರಿಕೊಂಡ ಮೇಲಂತೂ ಪ್ರೇಕ್ಷಕರಿಗೆ ಡಬ್ಬಲ್ ಬೋನಸ್. ಇತ್ತೀಚಿನ ಸೇರ್ಪಡೆ ನವೀನ್ ಪಡೀಲ್ ಕೂಡ ಅಸಾಮಾನ್ಯ ಪ್ರತಿಭೆ.

DSC_0486

ಮೊದಮೊದಲು ಮಿಶ್ರ ಪ್ರತಿಕ್ರಿಯೆಗಳನ್ನು ಎದುರಿಸಿದ ಮಜಾಟಾಕೀಸ್, ನಂತರದ ದಿನಗಳಲ್ಲಿ  ನಂಬರ್ ಒನ್ ರಿಯಾಲಿಟಿ ಶೋ ಆಗಿ ನಿಂತದ್ದು ಮಾತ್ರ ಪ್ರಶಂಸನೀಯ.

ಕಿರುತೆರೆಯಲ್ಲಿ ಎಂದಿಗೂ ಕಾಮಿಡಿ ಮಾಡದ ಚಿತ್ರರಂಗದ ಅತಿರಥ-ಮಹಾರಥರು ಮಜಾಟಾಕೀಸಿಗೆ ಬಂದು ಮಜಾ ಮಾಡಿ ಹೋಗಿದ್ದಾರೆ.

mt ciniadda

25ನೇ ಎಪಿಸೋಡಿನಲ್ಲಿ ಸುದೀಪ್, 50ನೇ ಎಪಿಸೋಡಿನಲ್ಲಿ ದರ್ಶನ್, 75ನೇ ಎಪಿಸೋಡಿನಲ್ಲಿ ಅರ್ಜುನ್ ಸರ್ಜಾ ಹಾಗೂ ಸೆಂಚುರಿ ಎಪಿಸೋಡಿನಲ್ಲಿ ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಅವರನ್ನು ಕರೆತಂದು ಪ್ರೇಕ್ಷಕರಿಗೆ ಮನೋರಂಜನೆ ನೀಡಿದ ಹೆಗ್ಗಳಿಕೆ ಸೃಜನ್ ಅವರದು. ಅರಳು ಹುರಿದಂತೆ ಪಟಪಟನೆ ಮಾತನಾಡುವ ಲೋಕೇಶ್, ಎಣ್ಣೆ ಸಿಡಿದಂತೆ ಚಿಟಚಿಟನೆ ನಗುವ ಲಂಕೇಶ್ ಜೋಡಿ ಇಂದು ಕರ್ನಾಟಕದಲ್ಲಿ ಮಾತ್ರವಲ್ಲ ವಿಶ್ವದಾದ್ಯಂತ ಖ್ಯಾತಿ ಪಡೆದ ಜೋಡಿಯಾಗಿದೆ. ಪ್ರಪಂಚದ ನಾನಾ ದೇಶದಲ್ಲಿ ಬದುಕು ಕಂಡುಕೊಂಡಿರುವ ಕನ್ನಡಿಗರು ತಮ್ಮ ತವರಿಗೆ ಬಂದಾಗ ಮಜಾಟಾಕೀಸ್ ಕಾರ್ಯಕ್ರಮಕ್ಕೂ ಭೇಟಿ ಕೊಡುವುದು ಅವರ ಪ್ರಮುಖ ಆದ್ಯತೆ ಆಗಿರುತ್ತದೆ ಎನ್ನುವುದು ಕಲರ್ಸ್ ಕನ್ನಡ ವಾಹಿನಿಗೆ ಒಂದು ಹಿರಿಮೆಯೇ ಸರಿ.

Desktop19

ನೂರರ ನಂತರ ನೂರೈವತ್ತು ಎಪಿಸೋಡ್ ಗಳನ್ನು ಮಿಂಚಿಸಿ ಕಿರುತೆರೆಯಲ್ಲಿ ಹೊಸ ದಾಖಲೆಯನ್ನು ಸೃಷ್ಟಿಸಿ ಮುನ್ನಡೆಯುತ್ತಿರುವ ಮಜಾಟಾಕೀಸ್ ಮನೆ ಈಗ ಸಂಪೂರ್ಣ ಹೊಸ ರೂಪ ಪಡೆದು ಹೊಸ ಮನೆಯಲ್ಲಿ ಕನ್ನಡದ ಪ್ರೇಕ್ಷಕರನ್ನು ರಂಜಿಸಲಿದೆ. ಹೊಸ ಮನೆಯ ಗೃಹಪ್ರವೇಶಕ್ಕೆ ಸೃಜನ್ ಲೋಕೇಶ್ ಅವರ ಆತ್ಮಿಯರಾದ ನಿರ್ದೇಶಕ ಯೋಗರಾಜ್ ಭಟ್ ಜೊತೆಯಲ್ಲಿ ನಭಾ ನಟೇಶ್, ಶುಭಾ ಪೂಂಜ, ಇಂದು-ಬಿಂದು ನಾಗರಾಜ್ ಮತ್ತು ಹಲವರು ಬರಲಿದ್ದಾರೆ.

ಎಂದಿನಂತೆ ಶನಿವಾರ ಮತ್ತು ಭಾನುವಾರ ರಾತ್ರಿ 8 ಗಂಟೆಗೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರೇಕ್ಷಕರಿಗೆ ಅದ್ಧೂರಿಯಾಗಿ ಸೆಟ್ಟೇರಿರುವ ಹೊಸ ಮಜಾಟಾಕೀಸ್ ನ ದರ್ಶನವಾಗಲಿದೆ.

Like Us, Follow Us !

122,773FansLike
1,816FollowersFollow
1,379FollowersFollow
2,263SubscribersSubscribe

Trending This Week