23 C
Bangalore, IN
Tuesday, October 16, 2018
Home ಸಿನಿಮಾ ನ್ಯೂಸ್

ಸಿನಿಮಾ ನ್ಯೂಸ್

CiniAdda.com -  Kannada New Movies

  • Get latest Kannada New Movies & Films Releases from CiniAdda.com.
  • Trailers & Teasers.
  • Reviews & Ratings

ಬಿಗ್ ಬಾಸ್ ಭುವನ್ ಗೆ ಗಾಯ..!

 ಹೆಸರು ಘಟ್ಟದ ಬಳಿ ನಡೆಯುತ್ತಿದ್ದ ರಾಂಧವ ಚಿತ್ರ ಶೂಟಿಂಗ್ ವೇಳೆ ಚಿತ್ರದ ನಾಯಕ ಭುವನ್ ಪೊನ್ನಪ್ಪಗೆ ಗಾಯವಾಗಿರುವ ಘಟನೆ ನಡೆದಿದೆ. ರೋಪ್ ಹಾಕದೆ ಸ್ಟಂಟ್ ಮಾಡಿದ ಕಾರಣಕ್ಕೆ ಈ ಅವಘಡ ನಡೆದಿದೆ ಎಂದಿರುವ ಚಿತ್ರತಂಡ ಆಸ್ಪತ್ರೆಗೆ ದಾಖಲಿಸಿದೆ. ಭುವನ್ ಮೂಗು ಹಾಗು ಸೊಂಟಕ್ಕೆ ಗಂಭೀರ ಗಾಯವಾಗಿದ್ದು ವೈದ್ಯರು ಚಿಕಿತ್ಸೆ ನೀಡುತ್ತಿದ್ದಾರೆ. ನಾಳೆ ವೈದ್ಯರು ಇನ್ನಷ್ಟು ಪರೀಕ್ಷೆಗಳನ್ನು ಮಾಡಿ ಮತ್ತಷ್ಟು ಮಾಹಿತಿ ನೀಡುವ ಸಾಧ್ಯತೆ ಇದೆ.

ಕೊನೆಯುಸಿರೆಳೆದ ಸಿರಿಮೊಗದ ಶ್ರೀದೇವಿ

ಬಹುಭಾಷಾ ನಟಿ ಮೋಹಕ ತಾರೆ ಶ್ರೀದೇವಿ ಇನ್ನಿಲ್ಲ.. ದುಬೈನಲ್ಲಿ ಶ್ರೀದೇವಿ ಹೃದಯಾಘಾತದಿಂದ  ತಡರಾತ್ರಿ 11.30ರ ವೇಳೆ ಶ್ರೀದೇವಿಗೆ ಹೃದಯಾಘಾತ ಸಂಭವಿಸಿದ್ದು ಚಿಕಿತ್ಸೆ ಫಲಿಸದೆ ಸಾವನ್ನಪ್ಪಿದ್ದಾರೆ.. ನಟ ಮೋಹಿತ್​ ಮಾರ್ವ ಮದುವೆಗಾಗಿ ಶ್ರೀದೇವಿ ಪತಿ ಬೋನಿ ಕಪೂರ್​ ಹಾಗೂ ಪುತ್ರಿ ಖುಷಿ ಜೊತೆ ದುಬೈಗೆ ತೆರಳಿದ್ರು.. ಈ ವೇಳೆ ಹೃದಯಾಘಾತವಾಗಿದೆ.. ನಟಿ  ಶ್ರೀದೇವಿ ಇಬ್ಬರು ಪುತ್ರಿಯರು ಹಾಗೂ ಪತಿಯನ್ನ ಅಗಲಿದ್ದಾರೆ.

54 ವರ್ಷದ ಶ್ರೀದೇವಿ 200ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ, ಶ್ರೀದೇವಿ ನಿಧನಕ್ಕೆ ಬಾಲಿವುಡ್​​ ಸೇರಿದಂತೆ ವಿವಿಧ ಕ್ಷೇತ್ರದ ಗಣ್ಯರು ಕಂಬನಿ ಮಿಡಿದಿದ್ದಾರೆ.. ಶ್ರೀ ದೇವಿ ಕನ್ನಡ ಸೇರಿದಂತೆ ಹಿಂದಿ, ತೆಲುಗು, ಮಲೆಯಾಳಂ ಚಿತ್ರಗಳಲ್ಲೂ ನಟಿಸಿದ್ದಾರೆ.. ಕನ್ನಡದಲ್ಲಿ ರೆಬೆಲ್​ಸ್ಟಾರ್ ​ಅಂಬರೀಷ್​ ಅಭಿನಯದ ಪ್ರಿಯಾ ಚಿತ್ರದಲ್ಲಿ ಬಣ್ಣಹಚ್ಚಿದ್ರು.. 1975ರಲ್ಲಿ ತೆರೆಕಂಡ ಚಾಂದಿನಿ ಚಿತ್ರದಲ್ಲಿ ಬಾಲನಟಿಯಾಗಿ ಶ್ರೀದೇವಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ರು.. ಜೂಲಿ ಚಿತ್ರದಲ್ಲಿ ಶ್ರೀದೇವಿ ಕಮಾಲ್​ ಮಾಡಿದ್ರು.. 1997ರಲ್ಲಿ ಬಣ್ಣದ ಲೋಕಕ್ಕೆ ಗುಡ್​ಬೈ ಹೇಳಿದ್ದ ಶ್ರೀದೇವಿ, 15 ವರ್ಷಗಳ ಬಳಿಕ 2012ರಲ್ಲಿ ಬಿಡುಗಡೆಯಾದ ಇಂಗ್ಲಿಷ್​ ವಿಂಗ್ಲಿಷ್​ ಚಿತ್ರದ ಮೂಲಕ ಕಮ್​ ಬ್ಯಾಕ್​ ಮಾಡಿದ್ರು.. 2013ರಲ್ಲಿ ಶ್ರೀದೇವಿಗೆ ಪದ್ಮಶ್ರೀ ಪ್ರಶಸ್ತಿ ಕೂಡ ಲಭಿಸಿತ್ತು.

ಕನ್ನಡದಲ್ಲಿ ಶ್ರೀದೇವಿ

ಭಕ್ತ ಕುಂಬಾರ,ಬಾಲ ಭಾರತದಲ್ಲಿ ಬಾಲನಟಿಯಾಗಿ ಅಭಿನಯಿಸಿದ್ದರು. ಹೆಣ್ಣು ಸಂಸಾರದ ಕಣ್ಣು, ಸಂಪೂರ್ಣ ರಾಮಾಯಣ ಚಿತ್ರದಲ್ಲು ನಟಿಸಿದ್ದರು .

 

ದರ್ಶನ್ ಅಭಿನಯದ ಒಡೆಯರ್ ಗೆ ವಿರೋಧ!

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಇತ್ತಿಚಿಗೆ ಯಜಮಾನ ಚಿತ್ರದಲ್ಲಿ ಅಭಿನಯ ಮಾಡ್ತಿದ್ದು, ಅವರ ಹುಟ್ಟುಹಬ್ಬದ ದಿನ ಟೀಸರ್ ಕೂಡ ಬಿಡುಗಡೆ ಮಾಡಿದ್ರು. ಯಜಮಾನ ಯೂಟ್ಯೂಬ್ ಟ್ರೆಂಡಿಂಗ್ ನಲ್ಲಿ ಮಲಯಾಳಂನ ಪ್ರಿಯಾ ವಾರಿಯರ್ ಪ್ರಕಾಶ ಕಣ್ಮಿಂಚನ್ನು ಸೈಡಿಗೆ ತಳ್ಳಿ ನಾನೇ ಯಜಮಾನ ಎಂದಿದ್ದ ಸ್ಟೋರಿಯನ್ನ ಸಿನಿಅಡ್ಡಾ ಡಾಟ್ ಕಾಂ ನಿಮ್ಮ ಮುಂದಿಟ್ಟಿತ್ತು. ಇದೀಗ ಒಡೆಯರ್ ಚಿತ್ರ ವಿವಾದದ ಸರದಿ.
ದರ್ಶನ್ ಅಭಿನಯ ಮಾಡ್ತಿರೋ ಯಜಮಾನ ಚಿತ್ರದ ಬಳಿಕ ಸೆಟ್ಟೆರೋ ಹೊಸ ಸಿನಿಮಾ ಒಡೆಯರ್. ಮೈಸೂರಿನ ರಾಜಮನೆತನದ ಒಡೆಯರ್ ಹೆಸರಿನಲ್ಲಿ ಮೂಡಿಬರಲು ಯೋಜನೆ ರೆಡಿಯಾಗಿದೆ. ಆದ್ರೆ ಈ ಚಿತ್ರ ಶುರುವಾಗುವ ಮೊದಲೇ ವಿರೋಧ ಎದುರಿಸಿದೆ. ಈಗಾಗಲೇ ಬಾಲಿವುಡ್ ನ ಪದ್ಮಾವತ್ ಸೇರಿದಂತೆ ಸಾಕಷ್ಟು ವ್ಯಕ್ತಿ ಆಧಾರಿತ ಚಿತ್ರಗಳನ್ನು ಜನ ವಿರೋಧಿಸುತ್ತಿದ್ದು, ಇದೀಗ ಮೈಸೂರಿನ ರಾಜ ಒಡೆಯರ್ ಹೆಸರಿನ ಚಿತ್ರಕ್ಕೆ ವಿರೋಧ ಶುರುವಾಗಿದೆ.
ಮೈಸೂರಿನ ಕನ್ನಡ ಕ್ರಾಂತಿ ದಳ ಒಡೆಯರ್ ಚಿತ್ರ ಟೈಟಲ್‌ಗೆ ವಿರೋಧ ವ್ಯಕ್ತಪಡಿಸಿದ್ದು, ಈ ಶೀರ್ಷಿಕೆಯನ್ನ ಹಿಂಪಡೆಯುವಂತೆ ಎಚ್ಚರಿಕೆ ನೀಡಿದೆ. ಈ ಕುರಿತು ಮೈಸೂರಿನಲ್ಲಿ ಪತ್ರಿಕಾಗೋಷ್ಟಿ ನಡೆಸಿರುವ ಸಂಘಟನೆ ಒಂದು ವೇಳೆ ದರ್ಶನ್ ಚಿತ್ರದ ಟೈಟಲ್ ಅನ್ನು ಹಿಂಪಡೆಯದಿದ್ದರೆ ಬೆಂಗಳೂರಿನ ದರ್ಶನ್ ಮನೆ ಮುಂದೆ ಧರಣಿ ಕೂರುವುದಾಗಿ ಎಚ್ಚರಿಕೆ ನೀಡಿದೆ. ನಾಡು ನುಡಿ ಸೇವೆಗಾಗಿ ಮೈಸೂರು ಒಡೆಯರ್ ವಂಶಸ್ಥರ ಸೇವೆ ಅಪಾರವಾಗಿದೆ. ಹೀಗಾಗಿ ಒಡೆಯರ್ ಹೆಸರಲ್ಲಿ ಕಮರ್ಷಿಯಲ್ ಸಿನಿಮಾ ಮಾಡೋದು ಖಂಡನೀಯ ಎಂಬುದು ಸಂಘಟನೆಯ ವಿರೋಧಕ್ಕೆ ಕಾರಣವಾಗಿದೆ.
ಸದ್ಯ ನಟ ದರ್ಶನ್  ‘ಯಜಮಾನ’ ಚಿತ್ರದ ಶೂಟಿಂಗ್‌ನಲ್ಲಿ ಭಾಗಿಯಾಗಿದ್ದಾರೆ. ದರ್ಶನ್ ಹುಟ್ಟುಹಬ್ಬದ ದಿನ ದರ್ಶನ್ ಮುಂದಿನ ಚಿತ್ರ ಒಡೆಯರ್ ಎಂಬ ಶೀರ್ಷಿಕೆ ಬಹಿರಂಗವಾಗಿತ್ತು, ಸಂದೇಶ್ ನಾಗರಾಜ್ ನಿರ್ಮಿಸುತ್ತಿರುವ ಒಡೆಯರ್ ಚಿತ್ರವನ್ನ ಎಂ.ಡಿ ಶ್ರೀಧರ್ ನಿರ್ದೇಶಿಸಲಿದ್ದಾರೆ. ಈ ಚಿತ್ರ ಸೆಟ್ಟೇರೋಕೆ ಇನ್ನೂ ಕೆಲವು ತಿಂಗಳು ಬಾಕಿ ಇರುವಾಗಲೇ ವಿರೋಧ ವ್ಯಕ್ತವಾಗಿದೆ. ಮುಂದೆ ಡಿ-ಕಂಪನಿ ಹೇಗೆ ನಿಬಾಯಿಸುತ್ತೆ ಕಾದು ನೋಡ್ಬೇಕು..
ಜ್ಯೋತಿ ಗೌಡ, ನಾಗಮಂಗಲ

ರಂಗೀತರಂಗ ಬಳಗದ ರಾಜರಥ ವಿಶೇಷ..!

ರಂಗಿತರಂಗ ಸಿನಿಮಾ ಅಂದ್ರೆ ನೆನಪಾಗೋದು ಭಂಡಾರಿ ಬ್ರದರ್ಸ್.. ಇದೀಗ ಮತ್ತೆ ಭಂಡಾರಿ ಬ್ರದರ್ಸ್ ರಂಗೀತರಂಗ ಬಳಿಕ ಒಟ್ಟಿಗೆ ಬರುತ್ತಿದ್ದಾರೆ.ಅದೂ ಕೂಡ ಸ್ಯಾಂಡಲ್‍ವುಡ್‍ಗೆ ರಾಜರಥದಲ್ಲಿ ಬರ‌್ತಿದ್ದಾರೆ. ಅನೂಪ್ ಭಂಡಾರಿ ಆಕ್ಷನ್ ಕಟ್ ಹೇಳಿರುವ ಬಹುನಿರೀಕ್ಷಿತ ಚಿತ್ರ ರಾಜರಥದಲ್ಲಿ ನಿರೂಪ್ ಭಂಡಾರಿ, ಆವಂತಿಕಾ ಶೆಟ್ಟಿ, ಆರ್ಯ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ..

ರಾಜರಥ ಚಿತ್ರದ ಫಸ್ಟ್ ಲುಕ್ ಹಾಗೂ ಟ್ರೈಲರ್​ ಈಗಾಗಲೇ ಬಿಡುಗಡೆಯಾಗಿ ರಂಗೀತರಂಗ ರೀತಿಯಲ್ಲೇ ಕ್ಯೂರಿಯಾಸಿಟಿ ಬಿಲ್ಡ್ ಮಾಡಿದೆ. ಮಾರ್ಚ್ 23ರಂದು ಕನ್ನಡ ಹಾಗೂ ತೆಲುಗು ಭಾಷೆಯಲ್ಲಿ ಏಕಕಾಲಕ್ಕೆ ಬಿಡುಗಡೆ ಮಾಡಲು ಚಿತ್ರತಂಡ ನಿರ್ಧರಿಸಿದ್ದು, ಬಿಡುಗಡೆಗೂ ಮೊದಲು ಮಾಡಬೇಕಾದ ಕೆಲಸಗಳನ್ನು ಚಿತ್ರತಂಡ ಪೂರ್ಣ ಮಾಡಿಕೊಳ್ತಿದೆ.

ರಂಗಿತರಂಗ ಚಿತ್ರತಂಡದ ಮತ್ತೊಂದು ಮೂವಿ ಎನ್ನುತ್ತಿದ್ದಂತೆ ಸಿನಿ ಪ್ರೇಕ್ಷರಲ್ಲಿ ಕುತೂಹಲ, ಕೌತುಕ ಹೆಚ್ಚಾಗ್ತಿದೆ. ರಂಗೀತರಂಗ ಚಿತ್ರಕ್ಕೆ ಯಾವುದೇ ಅಬ್ಬರದ ಪ್ರಚಾರವಿಲ್ಲದೆ ಗೆಲುವಿನ ನಗೆ ಬೀರಿರುವ ಚಿತ್ರತಂಡ, ರಾಜರಥ ಚಿತ್ರಕ್ಕೆ ಪ್ರಮೋಷನ್ ಮಾಡ್ತಿದೆ. ಚಿತ್ರದುರ್ಗ, ದಾವಣಗೆರೆ, ಹುಬ್ಬಳ್ಳಿ, ಧಾರವಾಡ, ಕಲಬುರ್ಗಿ ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಚಿತ್ರವನ್ನು ಪ್ರಮೋಟ್ ಮಾಡಲು ಭಂಡಾರಿ ಬ್ರೋಸ್ ರೆಡಿಯಾಗಿದ್ದಾರೆ. ರಂಗೀತರಂಗ ರೀತಿಯಲ್ಲೇ ರಾಜರಥ ಗಾಂಧಿನಗರದ ಬೀದಿಗಳಲ್ಲಿ ಉಘೇ ಎಂದುಕೊಂಡು ಸಾಗುತ್ತಾ..? ಅಭಿಮಾನಿಗಳೇ ರಾಜರಥ ಮೆಚ್ಚಿಕೊಂಡು ಪ್ರಮೋಟ್ ಮಾಡ್ತಾರಾ ಅನ್ನೋ ಮಾತುಗಳು ಸಿನಿಲೋಕದಲ್ಲಿ ಕೇಳಲಾರಂಭಿಸಿವೆ..

ಜ್ಯೋತಿ ಗೌಡ, ನಾಗಮಂಡಲ

ಟಗರು ವಿಡಿಯೋ ವಿಮರ್ಶೆ

‘ಟಗರು’ ರೀಲು ಬರಹದಲ್ಲಿ ನಟನೆಯೇ ಹೀರೋ, ಕತೆಯೇ ವಿಲನ್!

‘ರೀಲು ಬರಹ’ ಒಂಚೂರು ಚೇಂಜ್ ಆಗಿರೋ ಪ್ರಯುಕ್ತ ಲಾಂಗ್ ಕಲಾಕಾರ್ ಶಿವಣ್ಣ ಮತ್ತು ದುನಿಯಾ ಸೂರಿ ಕಾಂಬಿನೇಷನ್ “ಕಡ್ಡಿಪುಡಿ’ ಸಿನಿಮಾದಲ್ಲಿ ಮಾಡಿದ ಮೋಡಿ ‘ಟಗರು’ ಚಿತ್ರದಲ್ಲಿ ಕಂಡು ಬಂದಿಲ್ಲ. ಹಾಗಂಥ ಸಿನಿಮಾ ಸಾರಸಗಟು ಚನ್ನಾಗಿಲ್ಲ ಅಂತ ಅರ್ಥ ಅಲ್ಲ. ಆದರೆ ಕಥಾಹಂದರ ನೋಡಿದಾಗ ಕೇಸರಿಬಾತ್ಗೆ ಚಟ್ನಿ ಬೆರೆಸಿ ಕೊಟ್ಟಂಗಿದೆ. ಹೀರೋ ಶಿವು ರೌಡಿ ಚಿಟ್ಟೆ ಪಾತ್ರದ ವಶಿಷ್ಠನನ್ನು ಕೊಚ್ಚಿ ಮಚ್ಚಿನ ತುದಿಯಲ್ಲಿ ಕಾಲರ್ ಸಿಕ್ಕಿಸಿಕೊಂಡು ಬಾಡಿ ಎಳೆದುಕೊಂಡು ಹೋದಂತೆ ಸೂರಿಯೇನಾದರೂ ಪ್ರೇಕ್ಷಕರ ಕುತೂಹಲ ಮತ್ತು ಭಾವನೆಯನ್ನು ಆರಂಭದಿಂದ ಅಂತ್ಯದವರೆಗೂ ಕಾಪಿಟ್ಟುಕೊಂಡಿದ್ದರೆ ಚಿತ್ರ ಸೂಪರ್ ಹಿಟ್ ಆಗುತ್ತಿದ್ದುದರಲ್ಲಿ ಯಾವುದೇ ಅನುಮಾನ ಇರಲಿಲ್ಲ.

ಆದರೆ ಆಗಿರುವುದೇ ಬೇರೆ. ಮಧ್ಯಂತರದವರೆಗೆ ಸಿನಿಮಾ ಯಾವ ದಿಕ್ಕಿನಲ್ಲಿ ಓಡುತ್ತಿದೆ ಎಂದೇ ಅರ್ಥವಾಗುವುದಿಲ್ಲ. ನಂತರ ಕತೆಯ ಎಳೆಗಳು ಒಂದಕ್ಕೊಂದು ಬೆರೆತು ಅರ್ಥ ಆಗುವಷ್ಟರಲ್ಲಿ ಸಿನಿಮಾ ಮುಗಿದು ಹೋಗಿರುತ್ತದೆ. ಇಲ್ಲೇನು ಮಿಸ್ ಹೊಡೀತು ಎಂಬ ಭಾವದೊಂದಿಗೆ ಪ್ರೇಕ್ಷಕ ಹೊರಬಂದಿರುತ್ತಾನೆ. ಇದರ ಸಂಪೂರ್ಣ ಹೊಣೆಗಾರರು ಸೂರಿಯೇ!

ಓಂ, ಜೋಗಿ, ಕಡ್ಡಿಪುಡಿಯಂತೆಯೇ ಟಗರುವಿನಲ್ಲೂ ಮಚ್ಚೇ ಹೀರೋ, ಮಚ್ಚೇ ವಿಲನ್. ಶಿವಣ್ಣ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿರುವುದರಿಂದ ಪಿಸ್ತೂಲಿಗೂ ಗೌರವವಿದೆ. ಸ್ಟೈಲೀಸ್ ಬಳಕೆಯಲ್ಲಿ ಮಚ್ಚು, ಪಿಸ್ತೂಲು ಎರಡಕ್ಕೂ ನ್ಯಾಯ ಒದಗಿಸಿರುವ ಶಿವಣ್ಣನ ನಟನೆ ಬಗ್ಗೆ ಮಾತಾಡುವಂತಿಲ್ಲ. ಆದರೆ ವಿಲನ್ ಪಾತ್ರದ ಧನಂಜಯ ಮತ್ತು ವಶಿಷ್ಟ ಪೈಪೋಟಿಗೆ ಬಿದ್ದು ಭೇಷ್, ವಾಹ್ ಅಂತೆನ್ನಿಸಿಕೊಳ್ಳುವಂತೆ ನಟಿಸಿದ್ದಾರೆ. ಧನಂಜಯ ಅವರಂತೂ ತೆಲುಗಿನ ರಾಣಾ ದಗ್ಗುಬಾಟಿ ಹಾಗೂ ಹಿಂದಿಯ ರಣವೀರ್ ಸಿಂಗ್ ದಾರಿಯಲ್ಲಿದ್ದಾರೆ ಎಂದರೆ ಅತಿಶಯೋಕ್ತಿ ಆಗಲಾರದು. ಸ್ವೇಚ್ಛೆಯನ್ನೇ ತನ್ನಿಚ್ಚೆ ಮಾಡಿಕೊಂಡ ಫ್ರೀಬರ್ಡ್ ಹುಡುಗಿ ಪಾತ್ರದಲ್ಲಿ ಮಾನ್ವಿತಾ ರೆಕ್ಕೆ ಮುರಿದು ಬಿದ್ದಿದ್ದಾರೆ .ಅದಕ್ಕೆ ತದ್ವಿರುದ್ಧ ಅಕ್ಕನ ಪಾತ್ರದಲ್ಲಿ ಭಾವನಾ  ಉತ್ತಮ ನಟನೆ ಕೊಟ್ಟಿದ್ದಾರೆ. ಬೇಸಿಗೆ ಮಳೆಯಂತೆ ಚಿತ್ರದಲ್ಲಿ ಸುಳಿಯುವ ಪ್ರೇಮಕತೆ ರೌಡಿಸಂ ಮುಂದೆ ಸೊರಗಿದ ಹೀರೆಕಾಯಿಯಂತಾಗುತ್ತದೆ.

ಕತೆ ವಿಚಾರಕ್ಕೆ ಮರಳುವುದಾದರೆ ಅಮಾಯಕ ಹುಡುಗಿಯರನ್ನು ಪಟಾಯಿಸಿ ಮುಗಿಸುವ ಹನಿ ಟ್ರಾಪ್ ದಂಧೆಗೆ ಕನೆಕ್ಟ್ ಆಗುವ ರೌಡಿಸಂ ವಾರಸುದಾರರಾದ ಕಾಕ್ರೋಚ್ , ಅವರಣ್ಣ ಡಾಲಿ, ‘ರಕ್ತಗೆಳೆಯ’ ಚಿಟ್ಟೆ ಇವರನ್ನೆಲ್ಲ ಕಪಿಮುಷ್ಟಿಯಲ್ಲಿಟ್ಟುಕೊಂಡು ತನ್ನ ಕುಯುಕ್ತಿಯಿಂದಲೇ ಆಳುವ ಅಂಕಲ್ ಬಾಸ್, ಇವರನ್ನೆಲ್ಲ ಮಟ್ಟ ಹಾಕಲು ನಿಯೋಜಿತರಾಗುವ ಪೊಲೀಸ್ ಅಧಿಕಾರಿ ಶಿವು ಒಬ್ಬೊಬ್ಬರನ್ನೇ ಸಫಾ ಮಾಡುವ ಮೊದಲು ಹೊಡೆಯುವ ಡೈಲಾಗ್ ಗಳು ಶಿಳ್ಳೆ, ಚಪ್ಪಾಳೆ ಗಿಟ್ಟಿಸುತ್ತವೆ. ಕೂದಲು ಬಿಟ್ಟೊರೆಲ್ಲ ಗಂಡಸೇ ಆಗುವುದಿದ್ದರೆ ಕರಡಿ ದೊಡ್ಡ ಗಂಡಸು ಆಗಬೇಕಿತ್ತು, ನೀನಾರಿಗಾದೆಯೋ ಎಲೆ ಮಾನವ ಗೀತೆ ರಚನೆಕಾರರ ಹೆಸರೇಳಿದರೇ ಜೀವ ತೆಗೆಯದೇ ಬಿಡುತ್ತೇನೆ ಎಂದು ರೌಡಿಗಳಿಗೆ ಕೊಡುವ ಆಫ್ಸನ್  ಸೇರಿದಂತೆ ರೌಡಿಗಳ ಜತೆ ಶಿವಣ್ಣನ ಶಬ್ದವೈಡೂರ್ಯ ಕತೆ ಮೀರಿ ಪ್ರೇಕ್ಷಕನ ಮನದಲ್ಲಿ ನಿಲ್ಲುತ್ತದೆ. ಜಯಂತ್ ಕಾಯ್ಕಿಣಿ ಅವರ ‘ಗುಮ್ಮ ಬಂದ ಗುಮ್ಮ’ ಸೇರಿದಂತೆ ಕೆಲ ಹಾಡುಗಳು ಸ್ತೃತಿಪಟಲದಲ್ಲಿ ಮಾರ್ಧನಿಸುತ್ತವೆ. ಸಂಗೀತ ಸೊಂಪಾಗಿದೆ. ಮಹೇಂದ್ರ ಸಿಂಹ ಅವರ ಛಾಯಾಗ್ರಹಣ ಹಿತವಾಗಿದೆ. ಆದರೆ ಚಿತ್ರಕ್ಕೆ ಕತೆಯ ಓಘವೇ ವಿಲನ್. ನಟನೆಯೇ ಹೀರೋ. ಹೀಗಾಗಿ ನಿರೀಕ್ಷೆ ಪಕ್ಕಕ್ಕಿಟ್ಟು ಸಿನಿಮಾ ನೋಡಬಹುದು. ಆದರೆ ಯಾವುದೇ ಕಾರಣಕ್ಕೂ ‘ಬಂಗಾರ ಪಂಜರ’ದ ಅಣ್ಣಾವ್ರ ‘ಮೈಲಾರಿ’ ನೆನೆಸಿಕೊಂಡು ‘ಟಗರು’ ಕಲ್ಪಿಸಿಕೊಳ್ಳಬೇಡಿ. ಹಾಗೇನಾದರೂ ಕಲ್ಪಿಸಿಕೊಂಡರೆ ಟಗರುವಿನಿಂದ ಗುದ್ದಿಸಿಕೊಳ್ಳೋದು ಗ್ಯಾರಂಟಿ!
-ಭಾನುಮತಿ

ಟಗರು ಗುದಿಯುತ್ತಾ? ಮಲಗುತ್ತಾ ನೋಡ್ಬೇಕು!

ಸ್ಯಾಂಡಲ್‌ವುಡ್‌ನಲ್ಲಿ ಇವತ್ತು ನಾಲ್ಕು ಸಿನಿಮಾಗಳು ರಿಲೀಸ್ ಹಾಕ್ತಿದ್ದು, ಅವುಗಳಲ್ಲಿ ಸೆಂಚ್ಯೂರಿ ಸ್ಟಾರ್ ಶಿವಣ್ಣ ಅಭಿನಯದ ಟಗರು ಭಾರೀ ಕುತೂಹಲ ಕೆರಳಿಸಿದೆ.. ಹೀಗಾಗಲೇ ಹಾಡು ಹಾಗೂ ಟ್ರೈಲರ್‌ ಮೂಲಕ ಹವಾ ಕ್ರೊಯೇಟ್ ಮಾಡಿದ್ದು, ಥಿಯೇಟರ್‌ನಲ್ಲಿ ಜನರ ಮನಸಿಗೆ ಗುದಿಯುತ್ತಾ ಮಲಗುತ್ತಾ ಅನ್ನೋ ಕುತೂಹಲ ಕೆಲವೇ ಗಂಟೆಗಳಲ್ಲಿ ಗೊತ್ತಾಗಲಿದೆ. ಟಗರನ್ನು ದುನಿಯಾ ಸೂರಿ ಹಿಡಿದುಕೊಂಡು ಬಂದಿರೋದು ಮಾರ್ಕೆಟ್ ನಲ್ಲಿ ಭಾರೀ ಬೆಲೆ ಸಿಗುವ ಮಾತುಗಳು ಕೇಳಿಬಂದಿವೆ. ಇನ್ನೂ ಚಿತ್ರದಲ್ಲಿ ದೊಡ್ಡ ತಾರಾಬಳಗವೇ ಅಭಿನಯಿಸಿರೋದು ಮತ್ತೊಂದು ಪ್ಲಸ್ ಪಾಯಿಂಟ್.

ಟಗರಿನ ಜೊತೆಯಲ್ಲಿ ರಂಕಲ್ ರಾಟೆ, ಗಂಡ ಊರಿಗೆ ಹೋದಾಗ ಹಾಗೂ ರಂಗ್‍ಬಿರಂಗಿ ಎನ್ನುವ ಚಿತ್ರಗಳು ಕೂಡ ರಿಲೀಸ್ ಆಗಿವೆ. ಆದ್ರೆ ಟಗರು ಈ ಮೂರು ಚಿತ್ರಗಳನ್ನು ತಿವಿದು ಓಡಿಸುತ್ತಾ ಅನ್ನೋ ಭಯದಲ್ಲಿ ನಿರ್ಮಾಪಕರಿದ್ದಾರೆ. ಸ್ಯಾಂಡಲ್ ವುಡ್ ಜೊತೆಗೆ ಬಾಲಿವುಡ್‌ನಲ್ಲಿ ನಟಿ ಸೋನಾಕ್ಷಿ ಸಿನ್ಹಾ ಅಭಿನಯ ಮಾಡಿರುವ ವೆಲ್‌ಕಮ್ ಟು ನ್ಯೂಯಾರ್ಕ್ ಸಿನಿಮಾ ಕೂಡ ಥಿಯೇಟರ್‌ಗೆ ಲಗ್ಗೆ ಹಾಕಿದ್ದು, ಗಲ್ಲಾ ಬಾಕ್ಸ್ ತುಂಬುವ ಮಾತುಗಳು ಕೇಳಿಬಂದಿವೆ..

ಜ್ಯೋತಿ ಗೌಡ, ನಾಗಮಂಗಲ

ಕನ್ನಡಕ್ಕೆ ಬರ್ತಾರಾ ಕರೀನಾ ಕಪೂರ್ ?!

ಬೆಂಗಳೂರು ಹತ್ತನೇ ಅಂತರಾಷ್ಟ್ರೀಯ ‌ಸಿನಿಮೋತ್ಸವ ಆರಂಭವಾಗಿದ್ದು, ವಿಧಾನ ಸೌಧದ ಬಾಂಕ್ವೆಟ್ ಹಾಲ್ ನಲ್ಲಿ ನಡೆದ ಅದ್ಬುತ ಕಾರ್ಯಕ್ರಮದಲ್ಲಿ ದೀಪ ಬೆಳಗುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯ್ತು. ಸಿಎಂ ಸಿದ್ದರಾಮಯ್ಯ ಸಿನಿಮೋತ್ಸವಕ್ಕೆ  ಚಾಲನೆ ನೀಡಬೇಕಿತ್ತು. ಆದರೆ ವಿಧಾನ‌ಸಭೆಯ ಕಾರ್ಯಕಲಾಪದ ನಿಮಿತ್ತ ಚಿತ್ರೋತ್ಸವಕ್ಕೆ ಸಿಎಂ ಸಿದ್ದರಾಮಯ್ಯ ಗೈರಾದರು. ಹೀಗಾಗಿ ಬಾಲಿವುಡ್ ನಟಿ ಕರೀನಾ ಕಪೂರ್, ದೀಪ ಬೆಳಗಿಸುವ ಮೂಲಕ ಕಾರ್ಯ ಕ್ರಮಕ್ಕೆ ಚಾಲನೆ ನೀಡಿದರು..
ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ನಟಿ
ಕರೀನಾ ಕಪೂರ್, ಇವತ್ತಿನ ಸಂಜೆ ನನ್ನ ಪಾಲಿಗೆ ಮ್ಯಾಜಿಕಲ್ ಇವ್ನಿಂಗ್  ಅಂದ್ರು. ಬೆಂಗಳೂರು ಡೈನಾಮಿಕ್ ಸಿಟಿ, ಇಲ್ಲಿ ಕೇವಲ ‌ಕನ್ನಡ ಸಿನಿಮಾ ಮಾತ್ರವಲ್ಲದೆ ಇಡೀ ವಿಶ್ವದ ಸಿನಿಮಾಗಳನ್ನು ನೋಡುವ ಮೂಲಕ ಸೆಲೆಬ್ರೇಟ್ ಮಾಡಲಾಗುತ್ತಿದೆ ಅಂತ ಹರ್ಷ ವ್ಯಕ್ತಪಡಿಸಿದ್ರು.  ಬಳಿಕ ನನಗೆ ನಿಮ್ಮ ಭಾಷೆ ಬರೋದಿಲ್ಲ ಮುಂದಿನ ದಿನಗಳಲ್ಲಿ ಕನ್ನಡ‌ ಸಿನಿಮಾಗಳಲ್ಲಿ‌ ನಟಿಸುವ ‌ಮೂಲಕ ಕನ್ನಡ ಚಿತ್ರಪ್ರೇಮಿಗಳನ್ನು ರಂಜಿಸುವ ಕೆಲಸ ಮಾಡಲು ಬಯಸುತ್ತೇನೆ ಅಂತ ಕನ್ನಡಿಗರ ಹೃದಯಕ್ಕೆ ಹತ್ತಿರವಾದರು. ಕರ್ನಾಟಕ ಯಾವಾಗಲೂ ಕಪೂರ್ ಫ್ಯಾಮಿಲಿಗೆ ತುಂಬಾ ಸ್ಫೆಷಲ್ ಪ್ಲೇಸ್ ಅದರಲ್ಲೂ ಬೆಂಗಳೂರು ಬ್ಯೂಟಿಫುಲ್ ಸಿಟಿ. ನಾನು ಹಲವಾರು ಸಿನಿಮೋತ್ಸವಕ್ಕೆ ಹೋಗಿದ್ದೇನೆ. ಆದ್ರೆ ಬೆಂಗಳೂರಿನ ಈ ‌ಸಿನಿಮೋತ್ಸವ ಕಾರ್ಯಕ್ರಮ ನನಗೆ ತುಂಬಾ ವಿಶೇಷ ಅಂತಾನೂ ತಿಳಿಸಿದ್ರು.
ಡಾ‌.ರಾಜೇಂದ್ರ ಸಿಂಗ್ ಬಾಬು ಅಧ್ಯಕ್ಷತೆಯಲ್ಲಿ ನಡೆಯುತ್ತಿರುವ 10ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಕಾರ್ಯಕ್ರಮ ಮಾರ್ಚ್ 1 ರ ವರೆಗೆ ನಡೆಯಲಿದ್ದು, ಸುಮಾರು 200 ದೇಶಗಳಿಂದ ಆಯ್ಕೆಯಾದ 50ಕ್ಕೂ ಹೆಚ್ಚು ಸಿನಿಮಾಗಳ ಪ್ರದರ್ಶನ ನಡೆಯಲಿದೆ. ಬೆಂಗಳೂರು ಚಲನ ಚಿತ್ರೋತ್ಸವ ಕಾರ್ಯಕ್ರಮ ದಲ್ಲಿ ಚಿತ್ರೋದ್ಯಮದ ಬಹುತೇಕ ಕಲಾವಿದರು, ಗಣ್ಯರು, ತಂತ್ರಜ್ಞರು ಭಾಗಿಯಾಗಿದ್ದರು. ಭಾರತ ಮಾತ್ರವಲ್ಲದೆ ಬೇರೆ ಬೇರೆ ದೇಶದಿಂದಲೂ ಸಿನಿಮಾ ನಿರ್ದೆಶಕರು, ಕಲಾವಿದರು, ತಂತ್ರಜ್ಞರು ಭಾಗಿಯಾಗಿದ್ದಾರೆ. ಇಂದಿನ ಕಾರ್ಯಕ್ರಮದಲ್ಲಿ ಖ್ಯಾತ ನಿರ್ದೇಶಕ ಮಣಿರತ್ನಂ‌ ಅವರಿಗೆ ಜೀವ ಮಾನ ಶ್ರೇಷ್ಠ ಪ್ರಶಸ್ತಿ ಜೊತೆಗೆ ₹10 ಲಕ್ಷ ನಗದು ಬಹುಮಾನ ನೀಡಿ ಗೌರವಿಸಲಾಯ್ತು..

ವಿಧ್ವತ್ ನ ಈ ಸ್ಥಿತಿಗೆ ತಂದವರಿಗೆ ನಾಚಿಕೆಯಾಗ್ಬೇಕು -ಶಿವರಾಜಕುಮಾರ್

ಸಿನಿಮಾ ಸ್ಟೈಲ್ ನಲ್ಲಿ ಹಲ್ಲೆಗೆ ಒಳಗಾಗಿರುವ ವಿದ್ಯಾರ್ಥಿ ವಿದ್ವತ್ ನನ್ನು ನೋಡಲು ಸ್ಯಾಂಡಲ್ ವುಡ್ ಸೆಂಚ್ಯೂರಿ ಸ್ಟಾರ್ ಶಿವರಾಜ್ ಕುಮಾರ್ ಆಗಮಿಸಿದ್ರು. ಮಗಳ ಜೊತೆ ಮಲ್ಯ ಆಸ್ಪತ್ರೆ ಬಂದಿದ್ದ ಶಿವಣ್ಣ ಅವರಿಗೆ ವೈದ್ಯರು ಭೇಟಿ ಮಾಡಲು ಅವಕಾಶ ಕಲ್ಪಿಸಲಿಲ್ಲ. ಐಸಿಯು ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ರಾಜ್ ಕುಟುಂಬ ಸ್ನೇಹಿತರ ಮಗ ವಿದ್ವತ್, ತೀವ್ರ ಜ್ವರದಿಂದ ಬಳಲುತ್ತಿದ್ದು, ಇನ್ಫೆಕ್ಷನ್ ಆಗುವ ಭೀತಿಯಿಂದ ಒಳಪ್ರವೇಶಕ್ಕೆ ಅವಕಾಶ ನೀಡದೆ ಹೊರಗಿನಿಂದಲೇ ಗ್ಲಾಸ್ ಮೂಲಕ ನೋಡಲು ಅವಕಾಶ ಮಾಡಿಕೊಡಲಾಯ್ತು.
ವಿದ್ವತ್ ಪರಿಸ್ಥಿತಿ ನೋಡಿ ಬೇಸರ ವ್ಯಕ್ತಪಡಿಸಿದ ಶಿವರಾಜ್ ಕುಮಾರ್, ವಿದ್ವತ್ ನನ್ನು ನೇರವಾಗಿ ನೋಡಲು ವೈದ್ಯರು ಅವಕಾಶ ಮಾಡಿಕೊಡಲಿಲ್ಲ. ಇನ್ಫೆಕ್ಷನ್ ಆಗುವ ಹಿನ್ನಲೆ ದೂರದಿಂದಲೇ ನೋಡಿಕೊಂಡು ಬಂದೆ. ಇಂತಹ ಪರಿಸ್ಥಿತಿ ಯಾರಿಗೂ ಬರಬಾರದು. ನಮ್ಮ ಕುಟುಂಬ ಸ್ನೇಹಿತರಾದ ವಿದ್ವತ್ ತಂದೆ ಲೋಕನಾಥನ್ ದಂಪತಿಗೆ ಸಮಾಧಾನ ಹೇಳಿದ್ದೇನೆ ಅಂದ್ರು.  ಬೆಂಗಳೂರು ಶಾಂತಿಪ್ರಿಯ ನಗರ ಅಂತಾರೆ, ಆದ್ರೆ ಇಲ್ಲಿ ಏನಾಗ್ತಿದೆ..? ಎಂದು ಪ್ರಶ್ನಿಸಿದ ಶಿವಣ್ಣ, ನಮ್ಮ ಮನೆಯ ಪೂಜೆಯಲ್ಲಿ ವಿದ್ವತ್ ನ ನೋಡಿದ್ದೆ.. ಅವನ್ನನ್ನು ಈ ಸ್ಥಿತಿಗೆ ತಂದವರಿಗೆ ನಾಚಿಕೆ ಆಗ್ಬೇಕು ಅಂದ್ರು. ನನ್ನ ಕುಟುಂಬ ನನಗೆ ಎಷ್ಟು ಮುಖ್ಯನೋ ಹಾಗೇಯೆ ಒಬ್ಬ ಕೂಲಿ ಕಾರ್ಮಿಕನಿಗೂ ಅವನದ್ದೇ ಆದ ಸಂಸಾರವಿರುತ್ತೆ, ಕಾನೂನು ಎದುರು ವಿಐಪಿ, ಎಂಎಲ್ಎ , ಬಡವರು ಎಲ್ಲರೂ ಸಮಾನರು, ತಪ್ಪಿತಸ್ಥರಿಗೆ ಕಠಿಣ ಶಿಕ್ಷೆಯಾಗಲಿ ಎಂದು ಆಗ್ರಹ ಮಾಡಿದ್ರು.
ಇನ್ನೂ ನಟ ಶಿವರಾಜ್ ಕುಮಾರ್ ಆಸ್ಪತ್ರೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ, ಬಿಜೆಪಿ ಬಳ್ಳಾರಿ ಸಂಸದ ಶ್ರೀರಾಮುಲು ಹಾಗೂ ಮಾಜಿ ಸಚಿವ ಗಾಲಿ ಜನರ್ದನ ರೆಡ್ಡಿ ಮಲ್ಯ ಆಸ್ಪತ್ರೆಯಿಂದ ಹೊರ ಬರುತ್ತಿದ್ರು. ಈ ವೇಳೆ ಇಬ್ಬರು ನಾಯಕರು ಶಿವಣ್ಣನಿಗೆ ಕೈಮುಗಿದರು, ಬಳಿಕ ಶ್ರೀರಾಮುಲು ಶಿವಣ್ಣನ  ಕಾಲಿಗೆ ಬೀಳಲು ಮುಂದಾದರು.  ಕೂಡಲೆ ಕಾಲಿಗೆ ಬೀಳದಂತೆ ನಟ ಶಿವರಾಜ್ ಕುಮಾರ್ ತಡೆದರು.
ಜ್ಯೋತಿ ಗೌಡ, ನಾಗಮಂಗಲ

ಬಿಗ್‍ಬಾಸ್ ಮನೆಗೆ ಬಿತ್ತು ಬೆಂಕಿ..!

ಬೆಂಗಳೂರಿನ ಬಿಡದಿ ಬಳಿಯ ಇನ್ನೋವೇಟಿವ್​ ಫಿಲ್ಮ್​ ಸಿಟಿಯಲ್ಲಿ ಅಗ್ನಿ ಅವಘಡ ಸಂಭವಿಸಿದ್ದು,  ಬಿಗ್​ಬಾಸ್​ ಮನೆಗೆ ಆಕಸ್ಮಿಕ ಬೆಂಕಿ ಬಿದ್ದಿದೆ. ಮೊದಲು ಬಿಗ್​ಬಾಸ್​ ಮನೆ ಬೆಂಕಿಗೆ ಆಹುತಿಯಾಗಿದೆ‌. ಬಿಗ್‍ಬಾಸ್ ಮನೆಗೆ ಹೊಂದಿಕೊಂಡಂತೆ ಅಲಂಕಾರಿಕವಾಗಿ ಮಾಡಿದ್ದ ಮೇಣದ ಮ್ಯೂಸಿಯಂಗೆ ಮೊದಲು ಬೆಂಕಿ ಕಾಣಿಸಿಕೊಂಡಿದೆ. ಬೆಳಗ್ಗಿನ ಜಾವ ಮೂರು ಗಂಟೆಗೆ ಬೆಂಕಿ ಬಿದ್ದಿದ್ದು ಆ ಬಳಿಕ ಬಿಗ್  ಬಾಸ್​ ಮನೆಗೂ ಬೆಂಕಿ ವ್ಯಾಪಿಸಿ ಹೊತ್ತಿ ಉರಿದಿದೆ.
ಮೇಣದಿಂದ ಮಾಡಿದ್ದ ಮ್ಯೂಸಿಯಂ ಆದ ಕಾರಣ ಬೆಂಕಿ ಜ್ವಾಲೆ ಶೀಘ್ರವಾಗಿ ವ್ಯಾಪಿಸಿದ್ದು, ಬೆಂಕಿ ನಂದಿಸಲು ಅಗ್ನಿ ಶಾಮಕ ಸಿಬ್ಬಂದಿ ಹರಸಾಹಸ ಪಟ್ಟಿದ್ದಾರೆ.. ವಿದ್ಯುತ್ ಶಾರ್ಟ್ ಸರ್ಕ್ಯೂಟ್​ನಿಂದ ಮ್ಯೂಸಿಯಂಗೆ ಬೆಂಕಿ ಬಿದ್ದಿದೆ ಎನ್ನಲಾಗಿದೆ. ಪೊಲೀಸರ ತನಿಖೆ ಬಳಿಕ ನಿಖರ ಕಾರಣ ತಿಳಿಯಲಿದೆ . ಸದ್ಯ ಮ್ಯೂಸಿಯಂನಲ್ಲಿ ವಸ್ತುಗಳು ಬೆಂಕಿಗಾಹುತಿ ಆಗಿವೆ ಅಂತಾ ಇನ್ನೋವೇಟಿವ್ ಫಿಲ್ಮ್ ಸಿಟಿ ಮೂಲಗಳಿಂದ ತಿಳಿದುಬಂದಿದೆ.
ದೇವರ ದಯೆ, ತಪ್ಪಿದ ಭಾರೀ ದುರಂತ..!
ಕನ್ನಡದ ಖಾಸಗಿ ವಾಹಿನಿಯ ಬಿಗ್​ಬಾಸ್​ ಕಾರ್ಯಕ್ರಮ ಮುಕ್ತಾಯವಾಗಿ ತಿಂಗಳಾಗುತ್ತಿರುವಾಗ ಈ ಅಗ್ನಿ ಅವಘಡ ಸಂಭವಿಸಿದ್ದು, ಸ್ಪರ್ಧಿಗಳು ಮನೆಯ ಒಳಗೆ ಇದ್ದಾಗ ಈ ಘಟನೆ ಸಂಭವಿಸಿದ್ರೆ‌ಅನ್ನೋ ಆತಂಕ ಕಾಡ್ತಿದೆ. ಅದೂ ಕೂಡ ಒಳ್ಳೆ ನಿದ್ರಾ ಸಮಯವಾದ ಬೆಳಗ್ಗೆ 3 ಗಂಟೆಗೆ ಬೆಂಕಿ ಬಿದ್ದು, ಎಲ್ಲಾ ಸ್ಪರ್ಧಿಗಳು ಗಾಢ ನಿದ್ರೆಯಲ್ಲಿ ಮಲಗಿದ್ದಾಗ ಅಗ್ನಿ ಅವಘಡ  ಸಂಭವಿಸಿದ್ರೆ ಹೆಚ್ಚಿನ ಹಾನಿಯಾಗ್ತಿತ್ತು ಅನ್ನೋದು ನಿಶ್ಚಿತ..

Like Us, Follow Us !

120,461FansLike
1,826FollowersFollow
1,409FollowersFollow
3,275SubscribersSubscribe

Trending This Week