31 C
Bangalore, IN
Monday, July 23, 2018
Home ಸಿನಿಮಾ ನ್ಯೂಸ್

ಸಿನಿಮಾ ನ್ಯೂಸ್

CiniAdda.com -  Kannada New Movies

  • Get latest Kannada New Movies & Films Releases from CiniAdda.com.
  • Trailers & Teasers.
  • Reviews & Ratings

ರಾಜಕುಮಾರನಿಗೆ ಕಂಕಣಭಾಗ್ಯ..! ರಾಜಕುಮಾರಿ ಯಾರು..?

ಸ್ಯಾಂಡಲ್ ವುಡ್ ನಲ್ಲಿ ಬ್ಯಾಕ್ ಟು ಬ್ಯಾಕ್ ಮದುವೆ ಸಂಭ್ರಮ ಮನೆ ಮಾಡಿದೆ.. ನಟ ಅನೂಪ್ ಸಾ ರಾ ಗೋವಿಂದ್ ಸಪ್ತಪದಿ ತುಳಿದ ಬೆನ್ನಲ್ಲೆ ಕನ್ನಡದ ಖ್ಯಾತ  ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಹಸೆಮಣೆ ಏರಲು ಸಜ್ಜಾಗಿದ್ದಾರೆ. ಬೆಂಗಳೂರಿನ ಜೆ  ಪಿ ನಗರ 6ನೇ ಹಂತದಲ್ಲಿರುವ ಸಿಂಧೂರ್ ಚೌಲ್ಟ್ರಿಯಲ್ಲಿ ಅದ್ಧೂರಿ ಆರತಕ್ಷತೆ ಕಾರ್ಯಕ್ರಮ ನಡೆದಿದ್ದು, ಚಿತ್ರರಂಗದ ಹಲವು ಗಣ್ಯರು ಭಾಗಿಯಾಗಿದ್ದಾರೆ.
ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಸುರಭಿ ಯನ್ನ ವರಿಸಲಿದ್ದು, ಬೆಳಗ್ಗೆ 11.30ಕ್ಕೆ ಮೂಹೂರ್ತ ನೆರವೇರಲಿದೆ. ಬ್ಲಾಕ್ ಬಾಸ್ಟರ್ ಸಿನಿಮಾಗಳಾದ ಮಿಸ್ಟರ್ ಆಂಡ್ ಮಿಸ್ಸೆಸ್ ರಾಮಚಾರಿ ಮತ್ತು ರಾಜಕುಮಾರ ಚಿತ್ರಗಳ ನಿರ್ದೇಶಕ ಆಗಿರುವ ಸಂತೋಷ್ ಆನಂದ್ ರಾಮ್ ಕಳೆದ ವರ್ಷ ನವೆಂಬರ್ 26 ರಂದು ಬಳ್ಳಾರಿಯಲ್ಲಿ ಎಂಗೇಜ್ ಮೆಂಟ್ ಮಾಡಿಕೊಂಡಿದ್ರು.
ಗ್ರೇ ಕಲರ್ ಸೂಟ್ ನಲ್ಲಿ ಸಂತೋಷ್ ಮಿಂಚಿದ್ರೆ ಪಿಂಕ್ ಕಲರ್ ಗೌನ್ ತೊಟ್ಟು ಸುರಭಿ ಗಮನ ಸೆಳೆದ್ರು. ಸ್ಯಾಂಡಲ್ ವುಡ್ ನ ಹಿರಿಯಣ್ಣ ಅಂಬರೀಶ್, ರಾಜಕುಮಾರ ಪುನೀತ್ ರಾಜಕುಮಾರ್, ಸಾ.ರಾ. ಗೋವಿಂದು, ರಂಗಾಯಣ ರಘು, ಬಾಲಾಜಿ, ನಿರ್ದೇಶಕ ರಘು, ನಟವಅಜಯ್ ರಾವ್, ರಾಮ್ ರಾವ್ , ನಟ ರಮೇಶ್ ಅರವಿಂದ್, ಪ್ರಣಯ ರಾಜ ಶ್ರೀನಾಥ್, ನಿರ್ದೇಶಕ ಟಿ.ಎನ್. ಸೀತಾರಾಂ, ವಿಜಯ್ ಸೂರ್ಯ, ಚಿಕ್ಕಣ್ಣ, ಮಿತ್ರ, ಕಾಮಿಡಿ ರವಿಶಂಕರ್, ತಬಲ ನಾಣಿ ಸೇರಿದಂತೆ ಸಾಕಷ್ಟು ಕಲಾವಿದರ ದಂಡೇ ನೆರೆದಿದ್ದು, ಈ ಅದ್ದೂರಿ ಆರತಕ್ಷತೆ ಕಾರ್ಯಕ್ರಮದಲ್ಲಿ ಭಾಗಿಯಾದ್ರು..
ಈ ವೇಳೆ ಮಾತನಾಡಿದ ನಟ ಪುನೀತ್ ರಾಜ್ ಕುಮಾರ್, ಸಂತೋಷ್ ಆನಂದ್ ರಾಮ್  ಉತ್ತಮ ಸದಭಿರುಚಿಯ ನಿರ್ದೇಶಕನಾಗಿದ್ದು  ರಾಜಕುಮಾರ ಅಂತಹ ಒಳ್ಳೆ ಸಿನಿಮಾ ಮಾಡಿ ಕೊಟ್ಟಿದ್ದಾರೆ ಅಂತ ಖುಷಿ ವ್ಯಕ್ತಪಡಿಸಿದ್ರು. ಇದೇ ವೇಳೆ ಚಿನ್ನದ ಸರವನ್ನು ಹಾಕಿ ನವ ವಧುವಗಳಿಗೆ ಶುಭ ಹಾರೈಸಿದ್ರು..
ಜ್ಯೋತಿ ಗೌಡ, ನಾಗಮಂಗಲ

ಆಸ್ಪತ್ರೆಯಲ್ಲಿ ಅಪ್ಪು ಕಣ್ಣೀರು!

ಉದ್ಯಮಿ ಪುತ್ರನಾಗಿರುವ ವಿದ್ವತ್ ಮೇಲೆ ಶಾಂತಿನಗರ ಶಾಸಕ ಎನ್.ಎ ಹ್ಯಾರಿಸ್ ಪುತ್ರ ಮಹಮ್ಮದ್ ಹ್ಯಾರಿಸ್ ನಲಪಾಡ್ ಹಲ್ಲೆ ಮಾಡಿದ್ದು, ವಿದ್ವತ್ ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದಾನೆ. ಗಲಾಟೆ ನಡೆದ ಸಂದರ್ಭದಲ್ಲಿ ವಿದ್ವತ್ ಜೊತೆ ಡಾ. ರಾಜ್ ಕುಮಾರ್ ಮೊಮ್ಮಗ ರಾಘವೇಂದ್ರ ರಾಜ್ ಕುಮಾರ್ ಮಗ ಗುರು ಸ್ಥಳದಲ್ಲೇ ಇದ್ದು, ಗಲಾಟೆ ಬಿಡಿಸಲು ಯತ್ನಿಸಿದ್ರು ಅನ್ನೋದು ಗೊತ್ತಾಗಿತ್ತು. ಇದೀಗ ನಟ ಪುನೀತ್ ರಾಜ್ ಕುಮಾರ್ ಮಲ್ಯ ಆಸ್ಪತ್ರೆಗೆ ಭೇಟಿ ನೀಡಿ ವಿದ್ವತ್ ಆರೋಗ್ಯ ವಿಚಾರಿಸಿದ್ದಾರೆ.

ವಿದ್ವತ್ ಪರಿಸ್ಥಿತಿ ಕಂಡು ಕಣ್ಣೀರಿಟ್ಟ ಅಪ್ಪು, ಸುದ್ದಿಗಾರರೊಂದಿಗೆ ಮಾತನಾಡಿ ಹೇಳಿದಿಷ್ಟು… ‘ಹಲ್ಲೆಗೊಳಗಾಗಿರುವ ವಿದ್ವತ್ ನಮ್ಮ ಫ್ಯಾಮಿಲಿ ಫ್ರೆಂಡ್, ಆತನನ್ನು ನಾನು ಚಿಕ್ಕವನಿಂದಲೂ ನೋಡಿದ್ದೀನಿ . ವಿದ್ವತ್ ನನ್ನ ತಮ್ಮನ ಹಾಗೆ. ಆತನ ಆರೋಗ್ಯದಲ್ಲಿ ಚೇತರಿಕೆ ಕಂಡಿದೆ. ಕಾನೂನಿಗಿಂತ ಯಾರು ದೊಡ್ಡವರಲ್ಲ.. ತಪ್ಪಿತಸ್ಥಿರಿಗೆ ಕಾನೂನು ಪ್ರಕಾರ ಶಿಕ್ಷೆಯಾಗಲಿ.’

ಇನ್ನು ಪುನೀತ್ ರಾಜ್‍ಕುಮಾರ್ ಮಲ್ಯ ಆಸ್ಪತ್ರೆಗೆ ಭೇಟಿ ನೀಡುವ ಮುನ್ನ ರಾಘವೇಂದ್ರ ರಾಜ್‍ಕುಮಾರ್ ಮನೆಯಿಂದ ಊಟ ರವಾನೆ ಮಾಡಲಾಗಿತ್ತು. ಸ್ವತಃ ರಾಘವೇಂದ್ರ ರಾಜ್‍ಕುಮಾರ್ ಪುತ್ರ ಗುರು ರಾಘವೇಂದ್ರ ರಾಜ್‍ಕುಮಾರ್ ಊಟ ತಂದು ಕೊಟ್ರು.

ಜ್ಯೋತಿ ಗೌಡ, ನಾಗಮಂಗಲ

ದಾಸನ ಏಟಿಗೆ ಕಣ್ಸನ್ನೆ ಬೆಡಗಿ ಔಟ್..!!

ಕಳೆದೊಂದು ವಾರದಿಂದ ಸೋಷಿಯಲ್ ಮೀಡಿಯಾ ಸೇರಿದಂತೆ ವಾಟ್ಸಪ್ ಡಿಪಿಗಳಲ್ಲೂ ಭದ್ರವಾಗಿ ಕುಳಿತಿದ್ದ ಪ್ರಿಯಾ ಪ್ರಕಾಶ್ ಎತ್ತಂಗಡಿ ಆಗಿದ್ದಾಳೆ. 4 ದಿನ ಸತತ ಟ್ರೆಂಡಿಂಗ್ ಸೃಷ್ಟಿ ಮಾಡಿದ್ದ ಕಣ್ಸನ್ನೆ ಬೆಡಗಿ ಪ್ರಿಯಾ ಪ್ರಕಾಶ್ ಅಭಿನಯದ ಒರು ಅಡಾರ್ ಲವ್ ಚಿತ್ರದ ಟೀಸರ್ ಟ್ರೆಂಡಿಂಗ್ ನಿಂದ ಕೆಳಕ್ಕಿಳಿಸಿದ್ದು ನಮ್ಮೂರ ಗಂಡು ದಚ್ಚು ದರ್ಶನ್. ಪಡ್ಡೆ ಹೈಕಳ ಹೃದಯದಿಂದ ಪ್ರಿಯಾ ಪ್ರಕಾಶ್ ವಾರಿಯರ್ ಅವರನ್ನು ಜಾಗ ಖಾಲಿ ಮಾಡಿಸಿ, ತಾನೂ ಆ ಸ್ಥಾನ ಕಬಳಿಸಿದ್ದಾರೆ.
 ದೇಶಾದ್ಯಂತ ಪಡ್ಡೆ ಹುಡುಗರನ್ನು ಹಲ್‍ಚಲ್ ಎಬ್ಬಿಸಿದ ಪ್ರಿಯಾ ಪ್ರಕಾಶ್ ವಾರಿಯರ್ ಟ್ರೆಂಡಿಂಗ್, ವ್ಯಾಲಂಟೈನ್ಸ್ ಡೇಗೂ ಹಾಗೇ ಮುಂದುವರಿದಿತ್ತು. ಪ್ರೇಮಿಗಳ ದಿನಕ್ಕೆಂದೇ ತೆರೆಕಂಡ ಕಂಡಿದ್ದ ರಾಮ್ ಚರಣ್ ತೇಜ ಅಭಿನಯದ ರಂಗಸ್ಥಲಂ ಟೀಸರ್ ಕೂಡ ಪ್ರಿಯಾ ಕಣ್ಸನ್ನೆಯ ಮುಂದೆ ನಂಬರ್ ಒನ್ ಪಟ್ಟಕ್ಕೇರುವಲ್ಲಿ ಸೋತಿತ್ತು. ಆದ್ರೆ ನಮ್ಮ ಕನ್ನಡಿಗ ಕೇರಳ ಕುಟ್ಟಿಯನ್ನು ನಂಬರ್ ಒನ್ ಸ್ಥಾನದಿಂದ ಬಡಿದೋಡಿದ್ದು, ದರ್ಶನ್ ಅಭಿನಯದ ಯಜಮಾನ ಚಿತ್ರದ ಟೈಟಲ್ ಟೀಸರ್ ನಂಬರ್ ಒನ್ ಸ್ಥಾನದಲ್ಲಿ ರಾರಾಜಿಸುತ್ತಿದೆ..

ತಲೈವಾ ರಜಿನಿಕಾಂತ್ ಸಿಎಂ ಆಗಬಾರದು.. ಕಾರಣವೇನು..?

ರಜನಿಕಾಂತ್ ಎನ್ನುತ್ತಿದ್ದ ಹಾಗೆ ಕರ್ನಾಟಕದ ಸುಪುತ್ರ ಅನ್ನೋ ಹೆಮ್ಮೆ ಕನ್ನಡಿಗರದ್ದು, ಆದ್ರೆ ರಜನಿಕಾಂತ್ ನಡೆದುಕೊಳ್ಳುತ್ತಿರೋದನ್ನು ನೋಡಿದ್ರೆ ಕರ್ನಾಟಕ ಕಂದನಲ್ಲ, ಕರ್ನಾಟಕದ ಒಳಕ್ಕೆ ರಜನಿಕಾಂತ್ ಬರೋದನ್ನೇ ತಡೆಯಬೇಕು ಎಂದು ಸ್ವಾಭಿಮಾನಿ ಕನ್ನಡಿಗರ ಮನಸು ತುಡಿದರು ತಪ್ಪಲ್ಲ. ಯಾಕಂದ್ರೆ ರಜನಿಕಾಂತ್ ಕನ್ನಡಿಗರನ್ನು ದ್ವೇಷಿಸುವ ಕೆಲಸ ಮಾಡ್ತಿದ್ದಾರೆ. ಎಲ್ಲರೂ ಸಂಭ್ರಮಲ್ಲಿ ಇರುವಾಗ ಸಂಭ್ರಮಕ್ಕೆ ಹುಳಿ ಹಿಂಡುವ ಕೆಲಸವನ್ನು ಸ್ವಹಿತಾಸಕ್ತಿಗಾಗಿ ಮಾಡುತ್ತಿದ್ದಾರೆ ಸೂಪರ್ ಸ್ಟಾರ್ ರಜನಿಕಾಂತ್.
ಎಲ್ಲರೊಳಗೆ ಒಂದಾಗದೆ ರಜನಿ ರಾಜಕೀಯ
ಕಾವೇರಿ ತೀರ್ಪನ್ನು ಇಡೀ ಕರ್ನಾಟವೇ ಒಪ್ಪಿದೆ. ಸುಪ್ರೀಂಕೋರ್ಟ್ ಈಗ ಕೊಟ್ಟಿರುವ ಆದೇಶವನ್ನು ಪಾಲಿಸೋದು ಕಷ್ಟ ಎಂದು ಗೊತ್ತಿದ್ದರೂ ದಾಯಾದಿ ತಮಿಳುನಾಡಿನ ಜೊತೆ ಕಿತ್ತಾಟ ಸೂಕ್ತ ಅಲ್ಲ ಅನ್ನೋ ಕಾರಣಕ್ಕೆ ಕನ್ನಡಿಗರು ಸ್ವಾಗತ ಮಾಡಿದ್ದಾರೆ. ಅದೇ ಕಾರಣಕ್ಕೆ ತಮಿಳುನಾಡಿನ ರೈತರೂ ಕೂಡ ಸ್ವಾಗತ ಮಾಡುತ್ತೇವೆ ಎಂದಿದ್ದಾರೆ. ಆದ್ರೆ ನಮ್ಮ ಮನೆಯ ಮಗ, ಕನ್ನಡಿಗರ ಹೆಮ್ಮೆ ರಜಿನಿಕಾಂತ್ ಕಾವೇರಿ ತೀರ್ಪನ್ನು ಖಂಡಿಸುತ್ತೇನೆ. ತಮಿಳುನಾಡು ಸರ್ಕಾರ ಕೂಡಲೇ ಮೇಲ್ಮನವಿ ಸಲ್ಲಿಸಬೇಕು ಎಂದಿದ್ದಾರೆ.
ರಜಿನಿಕಾಂತ್ ಸಿಎಂ ಆಗಲೇ ಬಾರದು..!
ರಜಿನಿಕಾಂತ್ ತಮಿಳುನಾಡು ರಾಜಕೀಯಕ್ಕೆ ಪ್ರವೇಶ ಮಾಡಿದ್ದು, ಮುಂದಿನ ಚುನಾವಣೆಯಲ್ಲಿ ಉಮೇದುವಾರಿಕೆ ಮೂಲಕ ಸಿಎಂ ಪಟ್ಟಕ್ಕೆ ಏರುವ ಕನಸು ಕಾಣ್ತಿದ್ದಾರೆ. ಒಂದು ವೇಳೆ ರಜಿನಿಕಾಂತ್ ಸಿಎಂ ಪಟ್ಟ ಅಲಂಕರಿಸಿದರೆ ಕರ್ನಾಟಕದ ಪಾಲಿಕೆ ಮತ್ತೊಬ್ಬಳು ಜಯಲಲಿತಾ ಜನನವಾಯಿತು ಎಂದೇ ಅರ್ಥ. ಯಾಕಂದ್ರೆ ತಮಿಳುನಾಡಿನ ಜನರನ್ನು ಓಲೈಸುವ ಉದ್ದೇಶದಿಂದ ಹುಟ್ಟೂರಿನ ಜನರಿಗೆ ಮಣ್ಣು ತಿನ್ನಿಸಲು ಹಿಂಜರಿಕೆ ಇಲ್ಲದ ಮನುಷ್ಯತ್ವ ಇವರದ್ದು. ಜಯಲಲಿತಾ ಕೂಡ ತವರಿಗೆ ಸಹಾಯ ಮಾಡಿದ್ರು ಅನ್ನೋ ಆರೋಪದಿಂದ ತಪ್ಪಿಸಿಕೊಳ್ಳಲು ಕಾವೇರಿ ನದಿ ವಿಚಾರವಾಗಿ ಸದಾ ಕಾಲು ಕೆರೆದು ಜಗಳಕ್ಕೆ ಬರುತ್ತಿದ್ರು. ರಜಿನಿಕಾಂತ್ ಕೂಡ ಅದೇ ಹಾದಿಯಲ್ಲಿ ಸಾಗ್ತಿದ್ದು, ಸಿಎಂ ಆಗಿ ಬಿಟ್ಟರೆ, ಕರ್ನಾಟಕದ ಪಾಲಿಗೆ ಮರಣ ಶಾಸನ ಅನ್ನೋದು ಶತಸಿದ್ಧ. ರಜಿನಿಕಾಂತ್ ಅವರ ಹೇಳಿಕೆಗಳನ್ನು ನೋಡುತ್ತಿದ್ದರೆ ಸಹಬಾಳ್ವೆ, ಅನುಸರಿಸಿಕೊಳ್ಳು ಜಾಯಮಾನ ಇಲ್ಲ ಎನಿಸುವಂತಿದೆ. ಈಗಾಗಲೇ ರಾಮನಗರ ಚೆನ್ನಪಟ್ಟಣ ಸೇರಿ ಹಲವು ಕಡೆ ರಜಿನಿಕಾಂತ್ ಹೇಳಿಕೆ ವಿರೋಧಿಸಿ ಪ್ರತಿಭಟನೆ ನಡೆದಿವೆ. ರಜಿನಿ ಸಿಎಂ ಆಗದೇ ಇದ್ದರೆ ಕರ್ನಾಟಕದ ಪಾಲಿಗೆ ನೆಮ್ಮದಿ ಸಿಗಬಹುದು ಎನ್ನುತ್ತಿದ್ದಾರೆ ಜನ..
ಜ್ಯೋತಿ ಗೌಡ, ನಾಗಮಂಗಲ

ಮಾವನನ್ನೇ ಮೀರಿಸಿದ ಅಳಿಯನ್ಯಾರು..?

ತಮಿಳು ಸೂಪರ್​ಸ್ಟಾರ್​ ರಜನಿಕಾಂತ್​ ಚಿತ್ರರಂಗದ ಜೊತೆ ರಾಜಕೀಯಕ್ಕೂ ಧುಮಿಕಿದ್ದಾರೆ. ಆದ್ರೆ ಸಿನಿಮಾ ರಂಗದಲ್ಲಿ ಕೊನೆಯ ಚಿತ್ರವಾಗಿ ಕಾಳ ರೆಡಿಯಾಗಿದ್ದಾನೆ. ರಾಜಕೀಯಕ್ಕೆ ಎಂಟ್ರಿಯಾಗುವ ಮುನ್ನವೇ ಕಾಳ ಚಿತ್ರಕ್ಕೆ ರಜನಿಕಾಂತ್ ಸಹಿ ಹಾಕಿದ್ರು.. ಇದೀಗ ಚಿತ್ರದ ಚಿತ್ರೀಕರಣ ಬರದಿಂದ ಸಾಗಿದ್ದು  ಬಿಡುಗಡೆ ಮಾಡಲು ನಿರ್ಮಾಪಕರು ಸಂಭ್ರಮದಲ್ಲಿ ಇದ್ದಾರೆ. ರಜನಿಕಾಂತ್ ಫುಲ್ ಟೈಮ್ ರಾಜಕಾರಣಕ್ಕೆ ಹೊರಟರೆ ಕಾಳ ಚಿತ್ರವೇ ರಜನಿಕಾಂತ್ ಅವರ ಕೊನೆಯ ಚಿತ್ರವಾಗಲಿದೆ.
ತನ್ನ ಸ್ಟೈಲ್ ಹಾಗೂ ಹಾವಭಾವಗಳನ್ನೇ ಬಂಡವಾಳ ಮಾಡಿಕೊಂಡ ಕನ್ನಡಿಗ, ತಮಿಳುನಾಡಿನ ರಾಜಕುಮಾರ ಅಂದ್ರು ತಪ್ಪಾಗಲ್ಲ. ಯಾಕಂದ್ರೆ ರಜನಿಕಾಂತ್ ಸಿನಿಮಾ ಅಂದ್ರೆ ರಜನಿಗೋಸ್ಕರ ಚಿತ್ರ ವೀಕ್ಷಣೆ ಮಾಡುವ ಸಿನಿಮಾ ಅಭಿಮಾನಿಗಳ ವರ್ಗವನ್ನೇ ಸೃಷ್ಟಿಮಾಡಿದ್ದಾರೆ. ರಜನಿಕಾಂತ್ ಅಭಿನಯಿಸಿದ ಯಾವುದೇ ಚಿತ್ರಗಳು ಸೋಲುವುದಿಲ್ಲ ಅನ್ನೋದು ನಿರ್ಮಾಪಕರ ನಂಬಿಕೆ. ಅದು ಯಾವುದೇ ಸಿನಿಮಾ ಆದರೂ ಕನಿಷ್ಟಪಕ್ಷ ಹಾಕಿದ ಬಂಡವಾಳ ವಾಪಸ್ ಬರಲಿದೆ ಅನ್ನೋ ಅಷ್ಟಾದರೂ ಗ್ಯಾರಂಟಿ.
ಅಳಿಯ ಹಾಲಿವುಡ್.. ಮಾವ ಕಾಲಿವುಡ್..!
ರಜನಿಕಾಂತ್ ಅಳಿಯ ಧನುಷ್ ಕೂಡ ತಮಿಳು ಚಿತ್ರಗಳಲ್ಲಿ ಒಳ್ಳೆ ಹೆಸರು ಮಾಡಿದ್ದು, ಇದೀಗ ಹಾಲಿವುಡ್ ಗೂ ಜಂಪ್ ಮಾಡಿದ್ದಾರೆ. ಅಳಿಯ ಧನುಷ್​ ಹಾಲಿವುಡ್​ನಲ್ಲಿ ಮಿಂಚಲು ರೆಡಿಯಾಗಿದ್ದು, ದಿ ಎಕ್ಸ್​​ಟ್ರಾರ್ಡಿನರಿ ಜರ್ನಿ ಆಫ್ ಫಕೀರ್ ಎನ್ನು‌ವ ಇಂಗ್ಲಿಷ್ ಮೂವಿಯಲ್ಲಿ ಧನುಷ್​ ಬಣ್ಣ ಹಚ್ಚುತ್ತಿದ್ದಾರೆ.. ಈ ಹಾಲಿವುಡ್ ಚಿತ್ರವನ್ನ ಬೆನ್ ಸ್ಕಾಟ್ ನಿರ್ದೆಶನ ಮಾಡ್ತಿದ್ದಾರೆ. ಈಗಾಗಲೇ ಧನುಷ್ ಅಭಿನಯದ ದಿ ಎಕ್ಸ್ ಟ್ರಾರ್ಡಿನರಿ ಜರ್ನಿ ಆಫ್ ಫಕೀರ ಚಿತ್ರದ ಟ್ರೈಲರ್ ರಿಲೀಸ್ ಆಗಿದ್ದು, ಕಾಲಿವುಡ್​ನ ಕ್ಯೂಟ್​ ಬಾಯ್​ ಧನುಷ್​ ಆ್ಯಕ್ಟಿಂಗ್ ಗೆ ಮೆಚ್ಚುಗೆ ವ್ಯಕ್ತವಾಗ್ತಿದೆ. ಒಟ್ಟಾರೆ ಕರ್ನಾಟಕದಿಂದ ತಮಿಳು ಚಿತ್ರರಂಗಕ್ಕೆ ವಲಸೆ ಹೋದ ರಜನಿಕಾಂತ್, ಸ್ಟಾರ್ ಆಗಿ ಮೆರದಾಡ್ತಿದ್ದಾರೆ. ಅದರೆ ಅದೇ ಸ್ಟಾರ್ ನಟನ ಅಳಿಯ ಮಾವನನ್ನೇ ಮೀರಿಸಿ ಕಾಲಿವುಡ್ ನಿಂದ ಹಾಲಿವುಡ್ ಗೆ ಹಾರಿದ್ದಾರೆ.
ಜ್ಯೋತಿ ಗೌಡ, ನಾಗಮಂಗಲ

ಬಿಗ್‍ಬಾಸ್ ಶೃತಿ ಈಗ ಯಾರ ಜೊತೆಗಾತಿ..? 

ಬಿಗ್‍ಬಾಸ್ ಮನೆಯಲ್ಲಿ ಬ್ಯೂಟಿಯಿಂದಲೇ ಕನ್ನಡಿಗರ ಮನಗೆದ್ದಿದ್ದ ಕುಂದಾನಗರಿ ಚೆಲುವೆ ಶೃತಿ ಪ್ರಕಾಶ್. ಜೆಕೆ ಜೋಡಿಯಾಗಿ ಬಿಗ್‍ಬಾಸ್ ಮನೆಯಲ್ಲಿ ಆಕರ್ಷಣೆಯಾಗಿದ್ರು. ಶೃತಿ ಕನ್ನಡ ಸಿನಿಮಾದಲ್ಲಿ ನಟಿಸಿದ್ರೆ ಅದು ಜಯರಾಮ್ ಕಾರ್ತಿಕ್ ಜೊತೆಯಾಗಿಯೇ ಕಾಣಿಸಿ ಕೊಳ್ಳಬಹುದು ಅನ್ನೋದು ಅಭಿಮಾನಿಗಳ ಮಾತಾಗಿತ್ತು. ಆದ್ರೀಗ ಅಭಿಮಾನಿಗಳ ಲೆಕ್ಕಾಚಾರ ಉಲ್ಟಾ ಆಗಿದೆ.
ಗಾಯಕಿಯಾಗಿ ಹಿಂದಿ ಭಾಷೆಯಲ್ಲಿ ಗುರುತಿಸಿಕೊಂಡಿದ್ದ ಶೃತಿ ಪ್ರಕಾಶ್ ಅವರನ್ನು  ಬಿಗ್‍ಬಾಸ್‍ ಮನೆ ಪ್ರವೇಶಕ್ಕೆ ಕಾಲಿಡಲು ಕಲರ್ಸ್ ಸೂಪರ್ ವಾಹಿನಿ ಅವಕಾಶ ಮಾಡಿಕೊಡ್ತು. ಈ ಚೆಂದುಳ್ಳಿ ಚೆಲುವೆ ಬಿಗ್‍ಬಾಸ್ ಮನೆಯೊಳಗೆ ಜಯರಾಮ್ ಕಾರ್ತಿಕ್ ಜೊತೆಗೆ ತುಂಬಾ ಕ್ಲೋಸ್ ಆಗಿದ್ದರು. ಇಬ್ಬರು ಲವ್ ಮಾಡ್ತಿದ್ದಾರಾ ಅನ್ನೋ ಅನುಮಾನ ಮೂಡುವ ಹಾಗೆ ಜೊತೆಯಾಗಿದ್ರು. ಬಿಗ್ ಬಾಸ್ ಮನೆಯಿಂದ ಹೊರ ಬಂದ ಬಳಿಕ ಇದೇ ಜೋಡಿಯನ್ನು ಹಾಕಿಕೊಂಡು ಯಾರಾದ್ರು ಕನ್ನಡ ಸಿನಿಮಾ ಮಾಡ್ತಾರೆ ಅನ್ನೋ ಮಾತುಗಳು ಕೇಳಿಬಂದಿದ್ವು ಆದ್ರೀಗ ಕಲಾ ಸಾಮ್ರಾಟ್ ಅಂಗಳದಲ್ಲಿ ಶೃತಿ ಕೇಳಿಸುತ್ತಿದೆ.
ಶೃತಿ ಪ್ರಕಾಶ್ ಈಗ ಎಸ್ ನಾರಾಯಣ್ ನಿರ್ದೇಶನದ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದು, ಕೆಲವು ದಿನಗಳ ಹಿಂದೆ ಮುಹೂರ್ತ ಕೂಡ ನಡೆದಿದೆ. ಈ ಚಿತ್ರದಲ್ಲಿ ಎಸ್ ನಾರಾಯಣ್  ಅವರ ಪುತ್ರ ಪಂಕಜ್ ಅವರೇ ನಾಯಕನಾಗಿ ಕಾಣಿಸಿಕೊಳ್ತಿರೋದು ವಿಶೇಷ. ಚೊಚ್ಚಲ ಚಿತ್ರದಲ್ಲಿ ಬಿಗ್‍ಬಾಸ್ ಚೆಲುವೆ ಜೆ.ಕೆ ಜೊತೆ ಆಕ್ಟ್ ಮಾಡ್ತಾಳೆ ಅನ್ನೋ ಮಾತು ಸುಳ್ಳಾಗಿದ್ದು ಪಂಕಜ್‍ಗೆ ಜೋಡಿಯಾಗಲು ಸಜ್ಜಾಗಿದ್ದಾಳೆ. ನಾರಾಯಣ್ ನಿರ್ದೇಶನದಲ್ಲಿ ಶೃತಿ ಅಭಿನಯ ಮಾಡ್ತಿರೋದು ಆಕೆಯ ಕೆರಿಯರ್ ಗೆ ಪ್ಲಸ್ ಪಾಯಿಂಟ್ ಆಗಿರೋದೇನೋ ಸತ್ಯ. ಆದ್ರೆ ಜೆಕೆ ಜೊತೆ ಮಿಸ್ ಆದ್ಲಲ್ಲ ಅನ್ನೋದಷ್ಟೆ ಬೇಸರ.
ಜ್ಯೋತಿ ಗೌಡ, ನಾಗಮಂಗಲ

ರಮ್ಯಾ ಕೆಚ್ಚೆದೆ ಹೆಣ್ಣು ಅನ್ನೋದನ್ನು ಸಾರುತ್ತಿದ್ದಾರಾ..? 

ನಟಿ ರಮ್ಯಾ.. ಅಲ್ಲ ರಾಜಕಾರಣಿ ರಮ್ಯಾ ಇತ್ತೀಚಿಗೆ ಭಾರೀ ಸುದ್ದಿ ಆಗ್ತಿದ್ದಾರೆ. ಕಾರಣ ಏನೇ ಇರಬಹುದು ರಮ್ಯಾ ವಿಚಾರಕ್ಕೆ ಬಂದು ನಿಲ್ಲುತ್ತಿದೆ. ಪ್ರಧಾನಿ ನರೇಂದ್ರ ಮೋದಿ ಬೆಂಗಳೂರಿನ ಸಮಾವೇಶದಲ್ಲಿ ಹೇಳಿದ್ದ ಟಾಪ್ ಹೇಳಿಕೆಯನ್ನು ಉಲ್ಟಾ ಮಾಡಿ ಪಾಂಟ್ ಎಂದಿದ್ದ ರಮ್ಯಾ ಟ್ವೀಟ್ ಭಾರೀ ಪ್ರಚಾರ ಪಡೆದಿತ್ತು. ನಟ ಜಗ್ಗೇಶ್ ಸೇರಿದಂತೆ ಹಲವರು ಕಿಡಿಕಾರಿದ್ರು. ಆದ್ರೆ ರಮ್ಯಾ ಎಲ್ಲವನ್ನೂ ನಿಭಾಯಿಸಿದ ರೀತಿ ಹಿರಿಯ ನಾಯಕರನ್ನೂ ದಂಗುಬಡಿಸುವಂತಿದೆ. ಯಾಕಂದ್ರೆ ಮೊನ್ನೆ ಉತ್ತರ ಕೊಟ್ಟಿರುವ ರಮ್ಯಾ, ನಾನು ಮೋದಿ ಹೇಳಿದ್ದ ಮಾತುಗಳನ್ನೆ ರಿವರ್ಸ್ ಆರ್ಡರ್ ನಲ್ಲಿ ಹೇಳಿದ್ದೇನೆ ಹೊರತು ಬೇರೇನು ಇಲ್ಲ. ನೀವು ನಿಮಗೆ ಇಷ್ಟ ಬಂದ ರೀತಿಯಲ್ಲಜ ಅರ್ಥ ಮಾಡಿಕೊಂಡರೆ ನನ್ನ ತಪ್ಪಲ್ಲ ಎಂದಿದ್ದರು.
ನಿರ್ಲಕ್ಷ್ಯದ ಮೂಲಕವೇ ಬಿಸಿ ಮುಟ್ಟಿಸಿದ ನಾಯಕಿ
ಶ್ರಮವಿಲ್ಲದೆ ಪಲ್ಲಂಗ ಏರಿದವರು, ಕ್ಯಾಚ್ ಹಾಕಿ ಆಕ್ಟ್ ಗಿಟ್ಟಿಸಿದವರು, ಮೇಲೇರಲು ಹೈಕಮಾಂಡ್ ಗೆ ಕ್ಯಾಚ್ ಹಾಕಿದವರು ಅಂತ ತುಂಬಾ ಕೀಳುಮಟ್ಟದಲ್ಲಿ ವಾಗ್ದಾಳಿ ಮಾಡಿದ್ದ ಜಗ್ಗೇಶ್ ಬಗ್ಗೆ ರಮ್ಯಾ ಬುದ್ಧಿವಂತಿಕೆ ಮೆರೆದಿದ್ದಾರೆ. ಜಗ್ಗೇಶ್ ತುಂಬಾ ದೊಡ್ಡ ನಟರು ಅವರ ಬಗ್ಗೆ ನಾನು ಮಾತನಾಡುವುದಿಲ್ಲ ಎಂದು ಜಗ್ಗೇಶ್ ಹೇಳಿಕೆಯನ್ನು ಕಸದ ಬುಟ್ಟಿಗೆ ಹಾಕುವ   ಮೂಲಕ ಜಗ್ಗೇಶ್ ನನಗೆ ಸರಿಸಮನಾದ ನಾಯಕನಲ್ಲ ಎಂದು ಪರೋಕ್ಷವಾಗಿಯೇ ಚುಚ್ಚಿದ್ದಾರೆ.
ರಮ್ಯಾ ರಾಜಕೀಯದಲ್ಲಿ ಬೆಳೆಯಲು ಕಾರಣ ಏನು..?
ನಟಿಯಾಗಿದ್ದ ರಮ್ಯಾ ಅಚಾನಕ್ ಆಗಿ ಕಾಂಗ್ರೆಸ್ ಪಕ್ಷದ ಮೂಲಕ ಸಂಸದೆಯಾಗಿ ಆಯ್ಕೆಯಾದವರು. ಬಳಿಕ ತಮ್ಮ ವೃತ್ತಿಯಾದ ನಟನೆಯನ್ನು ಬಿಟ್ಟು ಪೂರ್ಣ ಪ್ರಮಾಣದ ರಾಜಕಾರಣಿ ಆಗಿದ್ದಾರೆ. ಬೇರೆಲ್ಲಾ ನಾಯಕರ ರೀತಿ ಜನಪ್ರತಿನಿಧಿಯಾಗಿ ಜನರ ಕೆಲಸ ಮಾಡುತ್ತಾ ಜನರ ಮನಸ್ಸು ಗೆದ್ದು, ಸ್ವಲ್ಪ ಹಣಾ ಮಾಡಿದ್ರೋ ಇಲ್ಲವೋ ಗೊತ್ತಿಲ್ಲ. ಆದರೆ ವಿದೇಶಕ್ಕೆ ತೆರಳಿ ತರಬೇತಿ ಪಡೆದು ರಾಜಕಾರಣದ ಪಟ್ಟುಗಳನ್ನು ತಿಳಿದುಕೊಂಡು ಬಂದರು. ಅದೇ ಅವರನ್ನು ಹೈಕಮಾಂಡ್ ಸನಿಹಕ್ಕೆ ಬಂದು ನಿಲ್ಲುವಂತೆ ಮಾಡಿತು. ಇದೀಗ ಸಾಮಾಜಿಕ ಜಾಲ ತಾಣದ ಎಐಸಿಸಿ ಅಧ್ಯಕ್ಷೆಯಾಗಿರುವ ರಮ್ಯಾ ರಾಜ್ಯಕ್ಕಿಂತ ಹೆಚ್ಚಾಗಿ ರಾಷ್ಟ್ರ ರಾಜಕಾರಣದಲ್ಲೇ ಉಳಿದುಕೊಂಡಿದ್ದಾರೆ. ವಿರೋಧಿಗಳು ಸೇರಿದಂತೆ ಸ್ವಪಕ್ಷದಲ್ಲೇ ಕಾಲೆಳೆಯುವ ಮಂದಿಗೂ ರೆಬೆಲ್ ಆಗಿಯೇ ಉತ್ತರ ನೀಡುತ್ತಾ ನಾನು ಕೆಚ್ಚೆದೆ ಹೆಣ್ಣು, ರಾಜಕೀಯ ನನಗೂ ಗೊತ್ತಿದೆ ಅನ್ನೋದನ್ನು ತೋರಿಸುತ್ತಿದ್ದಾರೆ. ಆದ್ರೆ ಅಖಾಡ ರಾಜಕೀಯ ಒಂದನ್ನು ಕರಗತ ಮಾಡಿಕೊಂಡ್ರೆ ರಮ್ಯಾಕಾಲ ಬರೋದ್ರಲ್ಲಿ ಯಾವುದೇ ಅನುಮಾನವಿಲ್ಲ. ನೀವೇನಂತೀರಿ..?
ಜ್ಯೋತಿ ಗೌಡ, ನಾಗಮಂಗಲ

ನನಸಾಯಿತು ಅಣ್ಣಾವ್ರು ಕಂಡ ಕನಸು !

ಕನ್ನಡ ಕಲಾವಿದರೆಲ್ಲಾ ಒಂದೇ ಸೂರಿನಡಿ ಇರಬೇಕು ಎನ್ನುವ ಕಲಾವಿದರ ಬಹುವರ್ಷಗಳ ಕನಸು ಇದೀಗ ನಸಸಾಗಿದೆ. ರೆಬೆಲ್ ಸ್ಟಾರ್ ಅಂಬರೀಶ್ ನೇತೃತ್ವದಲ್ಲಿ ಭವ್ಯ ಕಟ್ಟಡ ನಿರ್ಮಾಣವಾಗಿದ್ದು ಸಿಎಂ ಸಿದ್ದರಾಮಯ್ಯ ಉದ್ಘಾಟಿಸಿದ್ದಾರೆ. ಡಾ ರಾಜ್ ಕುಮಾರ್ ಕಂಡ ಕನಸನ್ನು ರೆಬೆಲ್ ಸ್ಟಾರ್ ಅಂಬರೀಶ್ ನನಸು ಮಾಡಿದ್ದಾರೆ. ಸ್ವಂತ ಸೂರಿನಡಿ ಇಡೀ ಚಿತ್ರರಂಗ ಅವಿಭಕ್ತ ಕುಟುಂಬದ ರೀತಿ ಕಾಣ್ತಿದೆ.
ಹಲವಾರು ವರ್ಷಗಳಿಂದ ಕಲಾವಿದರ ಸಂಘದ ಅಧ್ಯಕ್ಷರಾಗಿರುವ ರೆಬೆಲ್ ಸ್ಟಾರ್ ಅಂಬರೀಶ್ ಆಶಯದಂತೆ, ಚಾಮರಾಜಪೇಟೆಯಲ್ಲಿ ಕಲಾವಿದರ ಭವನ ನಿರ್ಮಿಸಲಾಗಿದೆ. ಸಂಘದ ಕಾರ್ಯದರ್ಶಿ ರಾಕ್‌ಲೈನ್ ವೆಂಕಟೇಶ್ , ಸಂಘದ ಖಜಾಂಚಿ ದೊಡ್ಡಣ್ಣ ಹಗಲಿರುಳು ಪರಿಶ್ರಮ ವಹಿಸಿ ಐದು ಅಂತಸ್ಥಿನ ಭವ್ಯ ಕಟ್ಟಡ ನಿರ್ಮಿಸುವಲ್ಲಿ ಯಶಸ್ಸು ಸಾಧಿಸಿದ್ದಾರೆ. ಗುರುವಾರ ಸಿಎಂ ಟೇಪ್ ಕತ್ತರಿಸಿ ಲೋಕಾರ್ಪಣೆ ಮಾಡಿದ ಬಳಿಕ ಶುಕ್ರವಾರ ಅಧಿಕೃತವಾಗಿ ಶಾಸ್ತ್ರ ಪೂಜೆ ಪುನಸ್ಕಾರಗಳನ್ನು ನಡೆಸಲಾಯ್ತು. ಗಣಹೋಮ, ಸುದರ್ಶನ ಹೋಮ ಮಾಡಿಸಲಾಯ್ತು. ನಟ ದೊಡ್ಡಣ್ಣ ದಂಪತಿ ಪೂಜೆ ನೆರವೇರಿಸಿದ್ರು . ಅಂಬರೀಶ್ ಮತ್ತು ಸುಮಲತಾ ಕೂಡ ಪೂಜೆಗೆ ಜೊತೆಯಾದ್ರು. ರಾಕ್‌ಲೈನ್ ವೆಂಕಟೇಶ್ ಎಲ್ಲರನ್ನ ಬರಮಾಡಿಕೊಂಡ್ರು. ತಾರೆಗಳೆಲ್ಲಾ ಹೊಸ ಮನೆ ಸುತ್ತಾಡಿ ಖುಷಿ ಪಟ್ರು.
ಹಿರಿಯ ನಟಿ ಲೀಲಾವತಿ , ನಟ ರಾಜೇಶ್, ಪದ್ಮಾ ವಾಸಂತಿ , ಹೇಮಾಚೌಧರಿ , ಲೋಕನಾಥ್, ಜೈಜಗದೀಶ್, ಅನುಪ್ರಭಾಕರ್ ದಂಪತಿ , ತಬಲಾ ನಾಣಿ , ಮಿತ್ರ ಸೇರಿದಂತೆ ಅನೇಕ‌ ನಟ-ನಟಿಯರು ಕಟ್ಟಡದ ಪೂಜಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಸಂಭ್ರಮಿಸಿದ್ರು. ದಕ್ಷಿಣ ಭಾರತ ಚಿತ್ರಂಗದಲ್ಲೇ ಪ್ರಪ್ರಥಮ ಬಾರಿಗೆ ಇಂಥದ್ದೊಂದು ಕಲಾವಿರ ಸಂಘ ಕಟ್ಟಿ ಅದಕ್ಕೊಂದು ದೊಡ್ಡ ಕಟ್ಟಡ ಕಟ್ಟಿದ ಹೆಮ್ಮೆ ಕನ್ನಡ ಚಿತ್ರರಂಗಕ್ಕೆ ಸಲ್ಲುತ್ತೆ ಅಂದ್ರೆ ಸುಳ್ಳಲ್ಲ. ನಿವೇಶನ ಕೊಡಿಸುವುದರ ಜೊತೆಗೆ ಕಟ್ಟಡ ನಿರ್ಮಾಣಕ್ಕೂ ರೆಬಲ್ ಸ್ಟಾರ್  ಅಂಬರೀಷ್ ಪರಿಶ್ರಮ ಮರೆಯುವಂತಿಲ್ಲ. 
ಜ್ಯೋತಿ ಗೌಡ, ನಾಗಮಂಗಲ

ಸಲ್ಲುಮಿಯಾಗೆ ಮದ್ವೆಯಂತೆ.. ಹುಡ್ಗಿ ಸಿಕ್ಕವಳಂತೆ..!?

ಬಾಲಿವುಡ್‌ನ ಬ್ಯಾಡ್ ಬಾಯ್ ಅಂತಾನೇ ಖ್ಯಾತಿ ಗಳಿಸಿದ್ದ ಮೋಸ್ಟ್ ಎಲಿಜಬಲ್ ಬ್ಯಾಚ್ಯುಲರ್ ಸಲ್ಮಾನ್ ಖಾನ್, ಇತ್ತೀಚಿನ ದಿನಗಳಲ್ಲಿ ತನ್ನ ಬ್ಯಾಡ್ ನೇಮ್ ಅಳಿಸುವ ರೀತಿ ನಡ್ಕೊಂಡು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದ್ದಾರೆ. ಹುಡ್ಗೀರ್ ಪಾಲಿನ ಮೋಸ್ಟ್ ಹಾಟ್ ಫೇವರಿಟ್ ಸಲ್ಲು ಇವತ್ತೊಂದು ಟ್ವೀಟ್ ಮಾಡುವ ಮೂಲಕ ಭಾರೀ ಸಂಚಲನ ಮೂಡಿಸಿದ್ರು. ಟ್ವೀಟ್ ನಲ್ಲಿ ಇದ್ದಿದ್ದು ಒಂದೇ ಲೈನ್ ಸ್ಟೋರಿ ಆದ್ರು, ತುಂಬಾ ಇಂಪಾರ್ಟೆಂಟ್ ಮ್ಯಾಟರ್ ಇತ್ತು. ಅದೇನಪ್ಪ ಅಂದ್ರೆ ಮುಜೆ ಲಡ್ಕಿ ಮಿಲ್ ಗಯಿ ಅಂತ ಬರೆದಿದ್ರು. ಅಂದ್ರೆ ನನಗೆ ಹುಡುಗಿ ಸಿಕ್ಕಳು ಅಂತ ಅರ್ಥ.. ಈ ಟ್ವೀಟ್ ನೋಡ್ತಿದ್ದ ಹಾಗೆ ಅದೆಷ್ಟೋ ಹುಡ್ಗೀರು ಹೃದಯಾಘಾತವಾಗುತ್ತೆ ಬೇಗ ಬಿಡಿಸಿ ಹೇಳಿ ಅಂತ ಒತ್ತಾಯ ಮಾಡಲು ಶುರು ಮಾಡಿದ್ರು.
ಅಭಿಮಾನಿಗಳ ರಿಯಾಕ್ಷನ್ ಗೆ ಬೆಚ್ಚಿ ಬಿದ್ದ ಸಲ್ಮನ್ ಖಾನ್, ಸ್ವಲ್ಪ ಸಮಯದಲ್ಲೇ ಗೊಂದಲಕ್ಕೆ ತೆರೆ ಎಳೆದಿದ್ದಾರೆ.. ಲವ್ ರಾತ್ರಿ ಎಂಬ ಚಿತ್ರಕ್ಕೆ ಹೀರೋಯಿನ್ ಸಿಕ್ಕ ಹಿನ್ನೆಲೆಯಲ್ಲಿ ಮುಜೆ ಲಡ್ಕಿ ಮಿಲ್ ಗಯಿ ಎಂದು ಟ್ವಿಟ್ ಮಾಡಿದ್ದೆ, ನೀವಿ ಅಂದುಕೊಂಡಂತೆ ಏನೂ ಆಗಿಲ್ಲ ಅಂತಾ ಆಭಿಮಾನಿಗಳ ಗೊಂದಲಕ್ಕೆ ತೆರೆ ಎಳೆದ್ರು.. ತನ್ನ ಸೋದರಳಿಯ ಆಯುಷ್ ಶರ್ಮಾ ಅಭಿನಯದ ಲವ್ ರಾತ್ರಿ ಸಿನಿಮಾ ಬಗ್ಗೆ ಕ್ಯೂರಿಯಾಸಿಟಿ ಮೂಡಿಸಲು ಸಲ್ಮಾನ್ ಖಾನ್ ಈ ತಂತ್ರ ಬಳಸಿಕೊಂಡಿದ್ದಾರೆ..

ಶ್ರಮವಿಲ್ಲದೆ ಪಲ್ಲಂಗ ಏರಿದವರು ಯಾರು..? ಜಗ್ಗೇಶ್ ವಾಗ್ದಾಳಿ ಮಾಡಿದ್ದೇಕೆ ..?

ಶ್ರಮವಿಲ್ಲದೆ ಪಲ್ಲಂಗ ಏರಿದವರು ಯಾರನ್ನ ಬೇಕಾದರೂ ಹಂಗಿಸ್ತಾರೆ.. ಕನ್ನಡದ ಗೊತ್ತಿಲ್ಲದ ಕಾಡುಪಾಪ.. ಅಪ್ಪನ ದುಡ್ಡಲ್ಲಿ ಪಾರ್ಟಿ ಕೊಟ್ಟು ಪಾರ್ಟು ಗಿಟ್ಟಿಸಿದವರು ಹೀಗೆಲ್ಲಾ ಮನಸೋ ಇಚ್ಛೆ ಟ್ವೀಟ್ ಮಾಡಿ ವಾಗ್ದಾಳಿ ಮಾಡಿರೋದು ನವರಸ ನಾಯಕನೆಂದೇ ಖ್ಯಾತಿ ಗಳಿಸಿರುವ ಬಿಜೆಪಿ ನಾಯಕ ಜಗ್ಗೇಶ್​​.. ಈ ಟ್ವೀಟ್ ಯಾರಿಗೆ ಅನ್ನೋದನ್ನು ನೇರವಾಗಿ ಹೆಸರು ಹಾಕದೇ ಇದ್ದರು ಮಾಡಿರುವ ಟ್ವೀಟ್​ ಯಾರಿಗೆ ಅನ್ನೋದನ್ನು ಆ ಭಾಷೆಯೇ ಸಾರಿ ಹೇಳುತ್ತಿದೆ. ಟ್ವಿಟ್ಟರ್ ನಲ್ಲೇ ಮುಂದುವರಿದು, ದೊಡ್ಡವರ ನೆರಳಲ್ಲಿ ರಾಜಕೀಯಕ್ಕೆ ಬಂದ್ರಿ, ಮೆಟ್ಟಿಲು ಏರೋಕೆ ಹೆಡ್​ ಆಫೀಸ್​ಗೆ ಕ್ಯಾಚ್​ ಹಾಕಿದ್ರಿ.. ಕ್ಯಾಚ್​ ಹಾಕಿದವರಿಗೆ ಮೋದಿ ಆದರೇನು, ಗಾಂಧಿ ಆದರೇನು ಹಂಗಿಸ್ತಾರೆ.. ಶ್ರಮವಿಲ್ಲದೆ ಪಲ್ಲಂಗ ಏರಿದವರಲ್ಲವೇ ನೀವು ಎಂದು ನಟ ಜಗ್ಗೇಶ್​ ಪ್ರಶ್ನಿಸಿದ್ದಾರೆ..
ನರೇಂದ್ರ ಮೋದಿ ಬೆಂಗಳೂರಿನಲ್ಲಿ ಪ್ರಚಾರ ಮಾಡಿದ್ದಕ್ಕೆ ಟ್ವೀಟ್ ನಲ್ಲಿ ತಿರುಗೇಟು ನೀಡಿದ ರಮ್ಯಾ ಪ್ರಧಾನಿ ನಶೆಯಲ್ಲಿ ಮಾತನಾಡ್ತಿದ್ದಾರೆ ಎನ್ನುವ ಅರ್ಥದಲ್ಲಿ ವಾಗ್ದಾಳಿ ಮಾಡಿದ್ರು. ಅದೇ ಟ್ವಿಟರ್ ಗೆ ತಿರುಗೇಟು ಕೊಡುವ ರೀತಿಯಲ್ಲಿ ಟ್ವೀಟ್ ದಾಳಿ ಮಾಡಿರುವ ಜಗ್ಗೇಶ್, ರಮ್ಯಾ ಹೆಸರು ಹೇಳದೆ ವೈಯಕ್ತಿಕವಾಗಿ ದಾಳಿ ನಡೆಸಿದ್ದಾರೆ. ಪಾರ್ಟಿ ಕೊಟ್ಟು ಪಾರ್ಟು ಗಿಟ್ಟಿಸಿದ್ರಿ, ಹೆಡ್ ಆಫೀಸ್ ಅನ್ನೇ ಕ್ಯಾಚ್ ಹಾಕಿಕೊಂಡ್ರಿ,  ಮೋದಿ ಬಗ್ಗೆ ಮಾತನಾಡೋದಕ್ಕೆ ಈಕೆ ಯಾರು..? ಶ್ರಮವಿಲ್ಲದೆ ಪಲ್ಲಂಗ ಏರಿದವರು ಯಾರನ್ನು ಬೇಕಾದರೂ ಹಂಗಿಸ್ತಾರೆ ಅಂತಾ ಸಣ್ಣತನ ಪ್ರದರ್ಶನ ಮಾಡಿದ್ದಾರೆ.
ಜಗ್ಗೇಶ್ ವಾಗ್ದಾಳಿ ಹಿಂದಿನ ಕಾರಣ ಏನು..?
ನಟ ಜಗ್ಗೇಶ್ ರಮ್ಯಾ ಜೊತೆ ನೀರ್ ದೋಸೆ ಹಾಕಲು ರೆಡಿಯಾಗಿದ್ರು. ಆದ್ರೆ ಶೂಟಿಂಗ್ ಸ್ಪಾಟ್ ಗೆ ಹೋಗ್ತಿದ್ದ ಹಾಗೆ ರಮ್ಯಾ ಹೊಸ ವರಸೆ ಶುರು ಮಾಡಿದ್ರು. ನಾನು ಜಗ್ಗೇಶ್ ಜೊತೆಯಲ್ಲಿ ಸಿನಿಮಾ ಮಾಡೋದಿಲ್ಲ ಅಂತ ಅವತ್ತು ಕಿತ್ತು ಹೋದ ನೀರ್ ದೋಸೆ ಇಲ್ಲೀ ತನಕ ಕೂಡಿಸೋಕೆ ಆಗಿಲ್ಲ. ನೀರ್ ದೋಸೆಯನ್ನ ಬೇರೆಯವರು ಬಂದು ಹಾಕಿ ಬೇಯಿಸಿ ತಿಂದಿದ್ದೂ ಆಯ್ತು ಆದ್ರೆ‌ ಕಿತ್ತು ಹೋದ ನೀರ್ ದೋಸೆ ಹಾಗೇ ತಟ್ಟೆಯಲ್ಲೆ ಬಿದ್ದಿದ್ದು ಇಂದು ಹಳಸಿ ಗಬ್ಬುನಾಥ ಬೀರಿದೆ ಅಷ್ಟೇ ಅಂತಿದೆ ಗಾಂಧಿ ನಗರ.
 ಆದರೂ ವೈಯಕ್ತಿಕ ದ್ವೇಶ ಏನೇ ಇರಲಿ ಟೀಕೆ ಮಾಡಲು ಸಾವಿರ ದಾರಿಗಳಿದ್ದವು. ಅದೂ ಅಲ್ಲದೇ‌ ಹೆಣ್ಣುಮಕ್ಕಳಿಗೆ ಮಾತೃಭಾವ ತೋರುತ್ತೇವೆ ಅನ್ನುವ ಬಿಜೆಪಿ ಪಕ್ಷದಲ್ಲಿ ಇದ್ದುಕೊಂಡು ಓರ್ವ ಹೆಣ್ಣನ್ನು ಶ್ರಮವಿಲ್ಲದೆ ಮಂಚಕ್ಕೆ ಏರಿದವರಲ್ಲವೇ ಎಂದರೆ ಏನರ್ಥ..? ಓರ್ವ ಹೆಣ್ಣು ಮಗಳಿಗೆ ಗೌರವ ಕೊಡದ ಈ ರೀತಿಯ ವ್ಯಕ್ತಿಗಳನ್ನು ಬಿಜೆಪಿ ಇನ್ನೂ ಉಳಿಸಿಕೊಂಡಿದೆ ಅಂದರೆ, ಜಗ್ಗೇಶ್ ಮಾತಿಗೆ ಸಹಮತ ಇದೇ ಅಂತ ಅರ್ಥವೆ ಅನ್ನೊದು ಸಾಕಷ್ಟು ಜನರ ಪ್ರಶ್ನೆಯಾಗಿದೆ. ಪಾರ್ಟಿ ಕೊಟ್ಟು ಪಾರ್ಟು ಗಿಟ್ಟಿಸಿದವರು ಅಂದರೆ ರಮ್ಯಾಗೆ ಆಕ್ಟಿಂಗ್ ಬರೋದಿಲ್ಲ ಎಂದು ಅರ್ಥವೇ..? ಹೆಡ್ ಆಫೀಸ್ ಕ್ಯಾಚ್ ಹಾಕೊಂಡ್ರಿ ಅಂದ್ರೆ ಹೈಕಮಾಂಡ್ ರನ್ನೇ ಬುಟ್ಟಿಗೆ ಹಾಕಿಕೊಂಡಿರಿ ಅಂದ್ರೆ ಏನರ್ಥ.. ಹೆಣ್ಣಿನ ಬಗ್ಗೆ ಮಾತನಾಡುವಾಗ ಕನಿಷ್ಟ ಸೌಜನ್ಯ ತೋರುವ ಬುದ್ಧಿಯೂ ಇಲ್ಲ ಅಂದ್ರೆ ರಾಜಕೀಯದಲ್ಲಿ ಬದುಕೋದು ಕಷ್ಟ ಅಂತಿದೆ ರಾಜಕೀಯ ವಲಯ.. ಮುಂದೆ ಅದ್ಯಾವ ತಿರುವ ಪಡೆಯುತ್ತೋ ಅನ್ನೋ ಕುತೂಹಲ ಉಳಿದುಕೊಂಡಿದೆ
 ಜ್ಯೋತಿ ಗೌಡ, ನಾಗಮಂಗಲ

Like Us, Follow Us !

122,699FansLike
1,826FollowersFollow
1,409FollowersFollow
2,513SubscribersSubscribe

Trending This Week