17 C
Bangalore, IN
Wednesday, January 24, 2018
Home ಸಿನಿಮಾ ನ್ಯೂಸ್

ಸಿನಿಮಾ ನ್ಯೂಸ್

CiniAdda.com -  Kannada New Movies

  • Get latest Kannada New Movies & Films Releases from CiniAdda.com.
  • Trailers & Teasers.
  • Reviews & Ratings

ರಾಕಿಂಗ್ ಸ್ಟಾರ್ ಯಶ್ ಗೆ ಸಂತಾನವಾಗಲಿ – ಪ್ರಥಮ್

ಇವತ್ತು ಆಧುನಿಕ ಭಗೀರಥ, ರಾಕಿಂಗ್ ಸ್ಟಾರ್ ಯಶ್ ಹುಟ್ಟಿದ ಹಬ್ಬ. ಅಭಿಮಾನಿಗಳು ಎರಡು ದಿನದಿಂದಲೇ ಸಾಮಾಜಿಕ ಜಾಲತಾಣದಲ್ಲಿ ಹಾರೈಸಲು ಶುರು ಮಾಡಿದ್ದರು. ನಾನೇ ಬೇರೆ ನನ್ನ ಸ್ಟೈಲೇ ಬೇರೆ ..ನೋಡಿ ಸ್ವಾಮಿ ನಾವಿರೋದೇ ಹೀಗೆ ಎನ್ನುವ ಪ್ರಥಮ್ ವಿಭಿನ್ನವಾಗಿ ತಮ್ಮದೇ ಸಿಗ್ನೇಚರ್ ಶೈಲಿಯಲ್ಲಿ ಹಾರೈಸಿದ್ದಾರೆ.

ಪ್ರಥಮ್ ಯಾವ ಕ್ಷಣದಲ್ಲಿ ಬೇಕಾದರೂ ನಂಟನ್ನು ಬೆಸೆದುಬಿಡೋದು ಬಹುತೇಕರಿಗೆ ಗೊತ್ತಿದೆ. ರಾಧಿಕಾ ಪಂಡಿತ್ ಹುಟ್ಟುಹಬ್ಬಕ್ಕೆ ಹರಸುವಾಗ ಅವರು ನನ್ನ ಅಕ್ಕ ಅಂದಿದ್ದರು. ರಾಧಿಕಾ ಅಕ್ಕ ಆದ್ಮೇಲೆ ಯಶ್ ಭಾವನವರಲ್ಲವೇ . ಯಶ್ ಭಾವನ ಹುಟ್ಟುಹಬ್ಬಕ್ಕೆ  ಫೇಸ್ಬುಕ್ ನಲ್ಲಿ ವಿಶ್ ಮಾಡಿರುವ ಪ್ರಥಮ್ ಅವರದೇ ಚಿತ್ರದ ಡೈಲಾಗ್ ಹೇಳುವುದರ ಜೊತೆಗೆ ಆದಷ್ಟು ಬೇಗ ಸಂತಾನವಾಗಲಿ ಎಂದಿದ್ದಾರೆ.

ಪ್ರಥಮ್ ಬರೆದಿರುವುದು ಹೀಗೆ 

Happy birthday Yash ಭಾವ. ನೀವ್ ಬರೋ ತನಕ ಮಾತ್ರ ಬೇರೇಯವರ ಹವಾ…
ನೀವ್ ಬಂದಮೇಲೆ ನಿಮ್ಮದೇ ಹವಾ…ನಿಮ್ಮ ಜೊತೆಲಿ ನಾನಿದ್ರೆ ನನ್ನದು ಅಲ್ಪಸ್ವಲ್ಪ ಹವಾ…
ಆದಷ್ಟು ಬೇಗ ಮರಿ ಯಶ್(junior Yashಅಥವಾ ಜೂನಿಯರ್ Radhika Pandit ಬರಲಿ…
ಇಲ್ಲಾಂದ್ರೆ ಅವಳಿ ಜವಳಿ ಬಂದ್ರೂ ನೋ ಪ್ರಾಬ್ಲಮ್…
ಅದ್ಸರಿ ಹೊಸ ಕಾರ್ ತಗೊಂಡ್ರಲ್ಲ ಹಳೇ ಕಾರ್ ನನಗೆ ಕೊಟ್ಬಿಡಿ ಭಾವ…ಎಲ್ಲರೂ ಮದರ್ gift ಅಂತ ಹಾಕಿದ್ರೆ ನಾನು “ಭಾವನ ಗಿಫ಼್ಟ್” ಅಂತ ಹಾಕೊಂಡು ನಿಮ್ಮ ಕಾರ್ ನಾನಿಟ್ಕೋತಿನಿ….ಹೊಸ
ನಿಮ್ಮ ಕಾರ್ ಇಟ್ಕೊಂಡು shaking star ಆಗ್ತೀನಿ ನಾನು…
Happy birthday ಭಾವ….

ಒಂದೇ ದಿನದಲ್ಲಿ ಮೂರುವರೆ ಲಕ್ಷ ದಾಟಿದ ಕೆ ಜಿ ಎಫ್ ಟೀಸರ್ !

ಬಿಗ್ ಬಾಸ್ ಮನೆಯಿಂದ ಕೃಷಿ ಔಟ್ ?

ಕನ್ನಡದ ಕಲರ್ಸ್ ಸೂಪರ್ ನಲ್ಲಿ 12ನೇ ವಾರ ಯಶಸ್ವಿಯಾಗಿ ಪೂರೈಸಿ, ಫೈನಲ್ ಕಡೆಗೆ ಹೆಜ್ಜೆ ಹಾಕುತ್ತಿರುವ ಬಿಗ್ ಬಾಸ್ ಬಾಸ್ ಕಾರ್ಯಕ್ರಮದಲ್ಲಿ ಶನಿವಾರ ಎಲಿಮಿನೇಟ್ ಮಾಡಲಾಗುತ್ತೆ. ವಾರದ ಕಥೆ ಕಿಚ್ಚನ ಜೊತೆ ಎನ್ನುವ ನಟ ಸುದೀಪ್ ಕಾರ್ಯಕ್ರಮದ ಕೊನೆಯಲ್ಲಿ ಒಬ್ಬ ಸ್ಪರ್ಧಿಯನ್ನು ಮನೆಯಿಂದ ಹೊರಗೆ ಕಳಿಸೋದು ಸಾಮಾನ್ಯ. ಆದರೆ ಕಳೆದ ವಾರ ಡಬಲ್ ಎಲಿಮಿನೇಡ್ ಅಂತಾ ಸಂಖ್ಯಾ ಶಾಸ್ತ್ರಜ್ಣ ಜಯ ಶ್ರೀನಿವಾಸನ್ ಜೊತೆ ದಿವಾಕರ್ ಅವರನ್ನು ಹೊರಕ್ಕೆ ಕರೆತರಲಾಗಿತ್ತು. ಬಳಿಕ ಬಿಗ್ ಬಾಸ್ ಸೀಕ್ರೆಟ್ ರೂಮಿಗೆ ದಿವಾಕರ್ ಹೆಜ್ಜೆ ಹಾಕಿದ್ರು.
ಜಯ ಶ್ರೀನಿವಾಸನ್ ರೀತಿ ದಿವಾಕರ್ ಹೊರ ಬರ್ತಾರಾ..? 
ಹತ್ತನೇ ವಾರ ಕಳೆದ ಬಳಿಕ ಹನ್ನೊಂದನೇ ವಾರವನ್ನು ಸಮೀರ್ ಜೊತೆ ಸೀಕ್ರೆಟ್ ರೂಮು ಸೇರಿದ್ರು. ಆ ಬಳಿಕ ಸೀಕ್ರೆಟ್ ರೂಮಿನಿಂದ ನೇರವಾಗಿ ಮನೆ ಕಡೆಗೆ ಹೊರಟು ಬಿಟ್ರು. ಕಡೇ ಪಕ್ಷ ಬಿಗ್ ಬಾಸ್ ಸ್ಪರ್ಧಿಗಳಿಗೆ ಶುಭ ಕೋರುವ ಅವಕಾಶವನ್ನೂ ಕೊಡಲಿಲ್ಲ. ಈ ವಾರ ಕೂಡ ದಿವಾಕರ್ ಸೀಕ್ರೆಟ್ ರೂಮು ಸೇರಿದ್ದು, ಮನೆಯಿಂದ ಹೊರಕ್ಕೆ ಬಂದು ಬಿಡ್ತಾರಾ ಅನ್ನೋ ಆಂತಂಕ ಶುರುವಾಗಿದೆ. ಶನಿವಾರ ಮಧ್ಯಾಹ್ನದಿಂದಲೇ ದಿವಾಕರ್ ಅಭಿಮಾನಿಗಳು ಹೊರಕ್ಕೆ ಬಂದವರು ಯಾರು ಅನ್ನೋ ಪ್ರಶ್ನೆಗಳ ಸುರಿಮಳೆ ಸುರಿಸುತ್ತಿದ್ದಾರೆ.
ಕೃಷಿ ಮಾಡೋದು ಕಷ್ಟ ಎಂದಿದ್ದು ಯಾರು..? 
ಶನಿವಾರ ನಟ ಸುದೀಪ್ ಬಿಗ್ ಬಾಸ್ ಮನೆಯಲ್ಲಿ ಕೃಷಿ ಮಾಡೋದು ಇನ್ಮುಂದೆ ಕಷ್ಟ ಎಂದಿದ್ದಾರೆ. ಹಾಗಂದ್ರೆ ನಟಿ ಕೃಷಿ ಇನ್ಮುಂದೆ ಮನೆಯಲ್ಲಿ ಇರಲು ಸಾಧ್ಯವಿಲ್ಲ ಎಂದು ಬಿಟ್ಟಿದ್ದಾರೆ. ಹಾಗಾದ್ರೆ ಈ ವಾರ ಮನೆಯಿಂದ ಹೊರ ಬರುತ್ತಿರೋದು ನಟಿ ಕೃಷಿ ಅನ್ನೋದು ಕನ್ಫರ್ಮ್ ಆಯ್ತು. ಹಾಗಾದ್ರೆ ಸಾಮಾನ್ಯನಾಗಿ ಮನೆಯೊಳಕ್ಕೆ ಎಂಟ್ರಿ ಕೊಟ್ಟಿದ್ದ ದಿವಾಕರ್, ಮನೆಯೊಳಕ್ಕೆ ಪ್ರವೇಶ ಪಡೆದ ಬಳಿಕ ತಮ್ಮ ಮುಗ್ದತೆಯಿಂದಲೇ ಜನರ ಮನಸ್ಸು ಸೂರೆಗೊಂಡಿದ್ದರು. ಈ ವಾರ ಮನೆಯಿಂದ ಕೃಷಿ ಹೊರ ಬಂದಿದ್ದು, ದಿವಾಕರ್ ಮನೆಯೊಳಕ್ಕೆ ಮತ್ತೆ ಪ್ರವೇಶ ಆದಂತಾಗಿದೆ. ಸಾಮಾನ್ಯ ಕೋಟದಲ್ಲಿ ಮನೆಯೊಳಗೆ ಹೋಗಿದ್ದ ದಿವಾಕರ್ ಫೈನಲಿಸ್ಟ್ ಸ್ಪರ್ಧಿ ಅನ್ನೋದು ಅಭಿಮಾನಿಗಳ ಮಾತು.. ನೀವೇನಂತೀರಿ.. ಕಾಮೆಂಟ್ ಮಾಡಿ..
ಜ್ಯೋತಿಗೌಡ, ನಾಗಮಂಗಲ

ವಿಷ್ಣುವರ್ಧನ್ ಓದಿದ ಶಾಲೆ ಕನ್ನಡ ಶಾಲೆ ಮುಚ್ಚಲಿದೆ

ಉಪೇಂದ್ರ ಇಂದಿಗೂ ಹುಡುಕುತ್ತಿರುವ ಆ ಪ್ರತಿಭಾವಂತ ಗೆಳೆಯ ಯಾರು ?

“ಕುರುಕ್ಷೇತ್ರ”ದಿಂದ ದರ್ಶನ್ ಕಲಿತ ಪಾಠವೇನು ?

ಸುದೀಪ್ ಪತ್ನಿ ಮತ್ತು ಮಗಳು ಹೋಗಿದ್ದೆಲ್ಲಿಗೆ ?

ಹದ್ದು ಪರ್ವತದ ಸುತ್ತ ಹಾರಿದಂತೆ ಭಾಸವಾಗುತ್ತಿದೆ.
– ಇದು ಕನ್ನಡದ ಸೂಪರ್ ಸ್ಟಾರ್ ಕಿಚ್ಚ ಸುದೀಪ್ ಪತ್ನಿ ಪ್ರಿಯಾ ರಾಧಾಕೃಷ್ಣನ್ ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿರುವ ಸಾಲು. ಆ ಸಾಲಿನೊಂದಿಗೆ ಅವರು ನಾಲ್ಕೈದು ಫೋಟೋಗಳನ್ನು ಅಪ್ ಲೋಡ್ ಮಾಡಿದ್ದಾರೆ.
ಆ ಫೋಟೋಗಳಲ್ಲಿ ಮಂಜು ಕವಿದ ಪರ್ವತ ಶ್ರೇಣಿ, ಚಳಿಯನ್ನು ಹಾಸು ಹೊದ್ದಂತೆ ಕಾಣುತ್ತಿರುವ ನದಿ ಇದೆ. ಜೊತೆಗೆ ವಿಶೇಷವಾಗಿ ಪ್ರಿಯಾ, ಸುದೀಪ್ ಮಗಳು ಸಾನ್ವಿ ಮತ್ತು ಪ್ರಿಯಾ ಅವರ ಫ್ರೆಂಡ್ಸ್ ನಿಂತಿರುವ ಒಂದು ಫೋಟೋ ಇದೆ. ಸ್ವೆಟರ್ ಮತ್ತು ಮಂಕಿ ಕ್ಯಾಪ್ ಧರಿಸಿ ಬೆಚ್ಚಗೆ ನಿಂತು ನಗುತ್ತಿದ್ದಾರೆ ಅವರೆಲ್ಲರೂ.
 ಹೊಸ ವರ್ಷದಲ್ಲಿ ಪ್ರಿಯಾ ಮತ್ತು ಸಾನ್ವಿ ಪ್ರಪಂಚದ ಅತ್ಯಂತ ಎತ್ತರದ ಪರ್ವತ ಶ್ರೇಣಿ ಮೌಂಟ್ ಎವರೆಸ್ಟ್ ಅನ್ನು ದರ್ಶನ ಮಾಡಿದ್ದನ್ನು ಈ ಫೋಟೋಗಳು ಸಾರುತ್ತಿವೆ. ಆದರೆ ಸುದೀಪ್ ಇವರ ಜೊತೆ ಈ ಟೂರಲ್ಲಿ ಭಾಗವಹಿಸಿದಂತೆ ಇಲ್ಲ. ಯಾಕೆಂದರೆ ಕಿಚ್ಚ ಸುದೀಪ್ ಅವರು ದಿ ವಿಲನ್ ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸಿರುವ ಸಾಧ್ಯತೆ ಇದೆ. ಒಟ್ಟಾರೆ ಈ ಫೋಟೋ ನೋಡುವುದೇ ಒಂದು ಖುಷಿ.

ಅತ್ತ ಸೂಪರ್ ಸ್ಟಾರ್-ಇತ್ತ ರಿಯಲ್ ಸ್ಟಾರ್!

ಸಿನಿಮಾ ರಂಗದ ತಾರೆಯರು ರಾಜಕೀಯಕ್ಕೆ ಸೇರುವುದು ಹೊಸದಲ್ಲ. ಈ ಹಿಂದೆ ಆಂಧ್ರಪ್ರದೇಶದಲ್ಲಿ ಎನ್‌ಟಿಆರ್, ತಮಿಳುನಾಡಿನಲ್ಲಿ ಎಂಜಿಆರ್ ಸಿನಿಮಾದಿಂದ ರಾಜಕೀಯಕ್ಕೆ ಎಂಟ್ರಿ ಕೊಟ್ಟು ಯಶಸ್ವಿಯಾಗಿದ್ದಾರೆ. ಇನ್ನು ಹಿಂದಿ ಚಿತ್ರರಂಗದಲ್ಲಿ ಹೇಮಾಮಾಲಿನಿ, ಧರ್ಮೇಂದ್ರ, ರಾಜ್ ಬಬ್ಬರ್, ಗೋವಿಂದ ಹೀಗೆ ಹಲವಾರು ಸಿನಿ ತಾರೆಯರು ರಾಜಕಾರಣಕ್ಕೆ ಇಳಿದು ಸಕ್ರೀಯ ರಾಜಕಾರಣಿಗಳಾಗಿದ್ದಾರೆ.
ಸಿನಿಮಾರಂಗದ ಜನಪ್ರಿಯತೆಯನ್ನು ರಾಜಕಾರಣದಲ್ಲಿ ಉಪಯೋಗಿಸಿಕೊಂಡು ಯಶಸ್ವಿಯಾದವರೂ ಇದ್ದಾರೆ. ಸಿನಿಮಾ ಹೀರೋಗಳು ರಾಜಕೀಯಕ್ಕೆ ಬಂದು ಸ್ವಂತ ಪಕ್ಷವನ್ನು ಕಟ್ಟಿ ರಾಜಕೀಯ ನಾಯಕರಾಗಿ ಒಂದು ರಾಜ್ಯದ ಮುಖ್ಯಮಂತ್ರಿಯಾದ ನಿದರ್ಶನಗಳೂ ಇವೆ. ಹಲವಾರು ರಾಜಕೀಯ ಪಕ್ಷಗಳು ಸಿನಿತಾರೆಯರನ್ನು ತಮ್ಮ ಪ್ರಚಾರಕ್ಕೆ ಕರೆಯಿಸಿಕೊಳ್ಳುವುದು ಒಂದು ಸಂಪ್ರದಾಯವಾಗಿದೆ.
ಕರ್ನಾಟಕ ಮತ್ತು ಕನ್ನಡ ಚಿತ್ರರಂಗದ ಮಟ್ಟಿಗೆ ಸಿನಿಮಾ ನಾಯಕರು ರಾಜಕೀಯ ನಾಯಕರಾಗಿದ್ದು ಕಡಿಮೇಯೇ ಎನ್ನಬಹುದು. ಆದರೆ ಈಗ ಹೊಸದೊಂದು ಸಂಚಲನದಂತೆ ಸದಾ ಹೊಸತನಕ್ಕೆ ತುಡಿಯುವ ಡಿಫರೆಂಟ್ ತಾರೆಯೊಬ್ಬರು ರಾಜಕೀಯ ರಂಗಕ್ಕೆ ಪ್ರವೇಶಿಸಿದ್ದಾರೆ.
 ಕನ್ನಡ ಚಿತ್ರರಂಗದಲ್ಲಿ ತಮ್ಮ ಚಾಪನ್ನು ಮೂಡಿಸಿದಂತೆಯೇ ರಾಜಕೀಯದಲ್ಲೂ ಏನನ್ನಾದರೂ ಬದಲಾವಣೆ ತರಬೇಕು ಎಂಬ ಉತ್ಕಟ ಮನೋಭಾವದಿಂದ ಇದು ರಾಜಕೀಯ ಅಲ್ಲ ಪ್ರಜಾಕೀಯ ಎನ್ನುತ್ತಾ ರಿಯಲ್ ಸ್ಟಾರ್ ಉಪೇಂದ್ರ ಅವರು ರಾಜಕೀಯಕ್ಕೆ ಧುಮಕಿದ್ದಾರೆ.
 ಕರ್ನಾಟಕ ಪ್ರಜ್ಞಾವಂತ ಜನತಾ ಪಕ್ಷ ಎನ್ನುವ ಹೊಸ ಪಕ್ಷದ ಮೂಲಕ ರಾಜಕೀಯಕ್ಕೆ ಅರಂಗೇಟ್ರಂ ಮಾಡಿದ ಉಪ್ಪಿ ಹೊಸ ಕಾತುರವನ್ನು ಹುಟ್ಟುಹಾಕಿದ್ದಾರೆ. ಈಗಾಗಲೇ ಪ್ರಜಾಪ್ರಭುತ್ವಕ್ಕೆ ತನ್ನದೇ ಆದ ವಾಖ್ಯಾನ ನೀಡುತ್ತಾ ಪಕ್ಷದ ಸಂಘಟನೆಯಲ್ಲಿ ತೊಡಗಿದ ಉಪೇಂದ್ರ ಅವರು ಎಲ್ಲೆಡೆ ಮಿಂಚಿನಂತೆ ಸಂಚಾರ ಮಾಡುತ್ತಿದ್ದಾರೆ. ಇಂದಿನ ಯುವಕರು ನಾಳಿನ ನಾಯಕರು ಎನ್ನುವ ಉಪ್ಪಿ ಯುವಕರನ್ನು ಎಚ್ಚರಿಸುವ ದಿಕ್ಕಿನಲ್ಲಿ ಸಾಗುತ್ತಿದ್ದಾರೆ ಎನ್ನಬಹುದು.
 ಇನ್ನೊಂದೆಡೆ ತಮಿಳುನಾಡಿನಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ತಮ್ಮ ರಾಜಕೀಯ ಪ್ರವೇಶವನ್ನು ಖಚಿತಪಡಿಸಿದ್ದಾರೆ. ಪ್ರಪಂಚದಾದ್ಯಂತ ಅಭಿಮಾನಿಗಳನ್ನು ಹೊಂದಿರುವ ರಜನಿಕಾಂತ್ ಅವರು ತಮಿಳುನಾಡಿನ ಜನತೆಗೆ ತಲೈವಾ ಎಂದು ಚಿರಪರಿಚಿತರು.
 ಹಲವಾರು ಬಾರಿ ತಮ್ಮ ಅಭಿಮಾನಿಗಳು, ಬೆಂಬಲಿಗರೊಡನೆ ಸಭೆ, ಸಮಾರಂಭ ನಡೆಸಿ ನಂತರ ನಿರ್ಧಾರ ಪ್ರಕಟಿಸಿರುವ ರಜನಿಕಾಂತ್ ಸಾಕಷ್ಟು ಮುಂದಾಲೋಚನೆ ಮತ್ತು ಯೋಜನೆಗಳನ್ನು ಮಾಡಿಯೇ ರಾಜಕೀಯಕ್ಕೆ ಬರುತ್ತಿರುವುವಂತೆ ಮೇಲ್ನೋಟಕ್ಕೆ ಕಂಡುಬರುತ್ತದೆ. ಈಗಿನ ತಮಿಳುನಾಡು ರಾಜಕೀಯ ಪರಿಸ್ಥಿತಿಯೂ ಇಂತಹ ನಾಯಕರನ್ನು ಬಯಸಿದಂತೆ ಕಾಣುತ್ತದೆ.
ಒಟ್ಟಾರೆ ಈ ಇಬ್ಬರು ಸಿನಿ ತಾರೆಯರು ರಾಜಕೀಯಕ್ಕೆ ಬಂದಿರುವುದು ಸಕ್ರೀಯ ರಾಜಕಾರಣಿಗಳಿಗೆ ನುಂಗಲಾರದ ತುಪ್ಪದಂತಾಗಿದೆ. ಕೆಲವರು ಅವರ ಸಿನಿಮಾ ಆಟ ಇಲ್ಲಿ ನಡೆಯುವುದಿಲ್ಲ ಎಂದೂ ಮಾತನಾಡಿಕೊಳ್ಳುತ್ತಿರುವುದು ಉಂಟು. ಅದು ಏನೇ ಇರಲಿ ಮುಂಬರುವ ಚುನಾವಣೆಗಳಲ್ಲಿ ಮತದಾರರು ಇವರ ಹೊಸ ಪ್ರಯತ್ನಕ್ಕೆ ಯಾವ ರೀತಿ ಪ್ರತಿಕ್ರಿಯಿಸುತ್ತಾರೆ ಎನ್ನುವುದು ಸದ್ಯ ಎಲ್ಲರ ಕುತೂಹಲ.

ಕನ್ನಡ ಚಿತ್ರ ನಿರ್ಮಿಸುತ್ತಿರುವ ತಮಿಳು ಸೂಪರ್ ಸ್ಟಾರ್ ಯಾರು ಗೊತ್ತಾ?

ಸೂಪರ್ ಸ್ಟಾರ್ ಗಳೆಲ್ಲಾ ನಿರ್ಮಾಪಕರಾಗುತ್ತಿರುವುದು ಹೊಸತೇನಲ್ಲ. ಬಾಲಿವುಡ್ ನಲ್ಲಿ ಅಮಿರ್ ಖಾನ್, ಶಾರುಕ್ ಖಾನ್, ಸಲ್ಮಾನ್ ಖಾನ್ ರಿಂದ ಹಿಡಿದು ಹಲವಾರು ಹೀರೋಗಳು ನಿರ್ಮಾಪಕರಾಗಿದ್ದಾರೆ. ಅದೇ ಥರ ನಮ್ಮಲ್ಲಿ ಪುನೀತ್ ರಾಜ್ ಕುಮಾರ್ ಪಿಆರ್ ಕೆ ಸಂಸ್ಥೆ ಕಟ್ಟಿಕೊಂಡಿದ್ದಾರೆ. ಹೀಗೆ ಅವರವರ ಭಾಷೆಯಲ್ಲಿ ಸಿನಿಮಾ ನಿರ್ಮಿಸುವುದು ನಡೆದೇ ಆದರೆ. ಆದರೆ ಈಗ ತಮಿಳು ಸೂಪರ್ ಸ್ಟಾರ್ ಒಬ್ಬರು ಕನ್ನಡ ಚಿತ್ರ ನಿರ್ಮಾಣಕ್ಕೆ ಮುಂದಾಗಿದ್ದಾರೆ. ಅವರು ಬೇರೆ ಯಾರೂ ಅಲ್ಲ. ರಜನಿಕಾಂತ್ ಅಳಿಯ, ರಾಷ್ಟ್ರ ಪ್ರಶಸ್ತಿ ವಿಜೇತ ನಟ ಧನುಷ್.
ಧನುಷ್ ಕನ್ನಡದಲ್ಲಿ ಚಿತ್ರ ನಿರ್ಮಿಸುತ್ತಿದ್ದಾರೆ. ಕನ್ನಡದ ಖ್ಯಾತ ನಿರ್ದೇಶಕ ಜೇಕಬ್ ವರ್ಗೀಸ್ ಅವರು ಧನುಷ್ ಅವರಿಗೆ ಜೊತೆಯಾಗಿದ್ದಾರೆ. ಇವರಿಬ್ಬರೂ ಸೇರಿ ಕನ್ನಡ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಈ ಚಿತ್ರದ ಜೋಡಿ ಯಾರು ಗೊತ್ತಾ? ರಿಷಿ ಮತ್ತು ಶ್ರದ್ಧಾ ಶ್ರೀನಾಥ್.
ಆಪರೇಷನ್ ಅಲಮೇಲಮ್ಮ ಮೂಲಕ ಕನ್ನಡಿಗರ ಮನಗೆದ್ದ ಜೋಡಿಯನ್ನಿಟ್ಟುಕೊಂಡೇ ಧನುಷ್ ಸಿನಿಮಾ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಆದರೆ ಈ ಕುರಿತು ಅಧಿಕೃತ ಪ್ರಕಟಣೆ ಹೊರಬಂದಿಲ್ಲ. ಈ ತಿಂಗಳಾಂತ್ಯಕ್ಕೆ ಎಲ್ಲವೂ ಅಂತಿಮವಾಗಲಿದೆ ಅಂತ ಜೇಕಬ್ ಹೇಳುತ್ತಾರೆ. ಉಳಿದಂತೆ ಧನುಷ್ ಈ ಚಿತ್ರದಲ್ಲಿ ನಟಿಸುತ್ತಾರಾ ಇಲ್ಲವೋ ಅನ್ನುವುದು ಇನ್ನೂ ನಿರ್ಧಾರವಾಗಿಲ್ಲ. ಅವರದೇ ನಿರ್ಮಾಣದ ಚಿತ್ರವಾದ್ದರಿಂದ ಗೆಸ್ಟ್ ಅಪೀಯರೆನ್ಸ್ ಇದ್ದರೂ ಇರಬಹುದು.

ವಿಭಿನ್ನ ಶೈಲಿಯ “ಚೂರಿಕಟ್ಟೆ “

Like Us, Follow Us !

122,773FansLike
1,816FollowersFollow
1,379FollowersFollow
2,263SubscribersSubscribe

Trending This Week