ಕಿಚ್ಚು ಚಿತ್ರಕ್ಕೆ ಅತಿಥಿಯಾದ ಕಿಚ್ಚ, ವೈದ್ಯನ ಗೆಟಪ್ ಅಲ್ಲಿ ಸುದೀಪ್!

ವಿಲನ್, ಪೈಲ್ವಾನ್, ಸಿಸಿಎಲ್, ಬಿಗ್ ಬಾಸ್, ಹಾಲಿವುಡ್ ಚಿತ್ರ ರೈಸೆನ್ ಚಿತ್ರಗಳಲ್ಲಿ ಬ್ಯೂಸಿಯಾಗಿರುವ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್, ಸದ್ದಿಲ್ಲದೇ ಕಿಚ್ಚು ಎಂಬ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.

ಚಿತ್ರದಲ್ಲಿ ಸುದೀಪ್ ಅವರ ಗೆಟಪ್ ಬಿಡುಗಡೆಯಾದ ನಂತರವೇ ಈ ವಿಷಯ ಗೊತ್ತಾಗಿದೆ. ರಾಜು ಕನ್ನಡ ಮೀಡಿಯಂ ಚಿತ್ರದಲ್ಲಿ ಸುದೀಪ್ ಗೆಸ್ಟ್ ಅಪಿಯರೆನ್ಸ್ ಆಗೋದು ಎಲ್ಲರಿಗೂ ಗೊತ್ತಿತ್ತು. ಆದರೆ ಕಿಚ್ಚುವಿನಲ್ಲಿ ಕಿಚ್ಚ ಕಾಣಿಸಿಕೊಳ್ತಿದ್ದಾನೆ ಅಂತಾ ಗೊತ್ತಿರಲಿಲ್ಲ. ಈಗ ಆ ವಿಷಯ ಬಹಿರಂಗವಾಗಿದ್ದು, ಅದರ ಜತೆಗೆ ಈ ಸಿನಿಮಾದಲ್ಲಿ ಸಮಾಜ ಸೇವೆ ಮಾಡುವ ವೈದ್ಯನಾಗಿ ಸುಮಾರು 10 ನಿಮಿಷಗಳ ಕಾಲ ಕಾಣಿಸಿಕೊಳ್ಳಲಿದ್ದಾರಂತೆ. ಪ್ರದೀಪ್ ರಾಜ್ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದು, ಕಾಡು ಉಳಿಸಿ ಎಂಬ ವಿಷಯದ ಆಧಾರದ ಮೇಲೆ ಈ ಚಿತ್ರ ನಿಂತಿದೆಯಂತೆ.

ಇತ್ತೀಚೆಗೆ ನಿಧನರಾದ ನಟ ಧ್ರವ ಶರ್ಮಾ ಈ ಚಿತ್ರದ ನಾಯಕರಾಗಿದ್ದು, ಚಿತ್ರದಲ್ಲಿ ರಾಗಿಣಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇವರ ಜತೆಗೆ ಸಾಯಿಕುಮಾರ್, ಸುಚೇಂದ್ರ ಪ್ರಸಾದ್ ರಂತಹ ತಾರಾಗಣವೂ ಚಿತ್ರದಲ್ಲಿದ್ದು, ಇದೇ ತಿಂಗಳು 22ಕ್ಕೆ ಚಿತ್ರದ ಟ್ರೈಲರ್ ಕೂಡ ಬಿಡುಗಡೆಯಾಗಲಿದೆ.

-Ad-

Leave Your Comments