ಒನ್ಸ್ ಮೋರ್ ಕೌರವನನ್ನ ಕೈ ಹಿಡಿಯದ ಕನ್ನಡಿಗರು

ಸುಮಾರು 20 ವರ್ಷಗಳ ಹಿಂದೆ ನಿರ್ದೇಶಕ ಎಸ್.ಮಹೇಂದರ್ ಅವರ ನಿರ್ದೇಶನದಲ್ಲಿ ಮೂಡಿ ಬಂದ ಬಿ.ಸಿ ಪಾಟೀಲ್ ಹಾಗೂ ಪ್ರೇಮಾ ಅವರ ಅಭಿನಯದ ಕೌರವ ಚಿತ್ರ ಸಾಕಷ್ಟು ಯಶಸ್ವಿಯಾಗಿತ್ತು. ಈಗ ಮಹೇಂದರ್ ಅವರು ‘ಒನ್ಸ್ ಮೋರ್ ಕೌರವ’ ಚಿತ್ರದ ಮೂಲಕ ಮತ್ತೆ ಸಿನಿಮಾ ಕ್ಷೇತ್ರಕ್ಕೆ ಮರಳಿದ್ದು, ಈ ಬಾರಿ ಜನರು ಕೈ ಹಿಡಿಯದೇ ನಿರಾಕರಿಸಿದ್ದಾರೆ.

ಹೌದು, ಇಂದು ಚಿತ್ರ ತೆರೆಕಂಡಿದ್ದು ಮಾಗಡಿ ರಸ್ತೆಯ ಇಟಾ ಮಾಲ್ ನಲ್ಲಿರುವ ಮಲ್ಟಿಪ್ಲೆಕ್ಸ್ ನಲ್ಲಿ ಯಾವುದೇ ಪ್ರೇಕ್ಷಕರಿಲ್ಲದ ಕಾರಣ ಮೊದಲ ಪ್ರದರ್ಶನವನ್ನೇ ರದ್ದು ಮಾಡಲಾಗಿದೆ. ಚಿತ್ರ ಬಿಡುಗಡೆಯಾದ ಮೊದಲ ಪ್ರದರ್ಶನಕ್ಕೆ ಜನರು ಬಾರದಿರುವುದು ತೀವ್ರ ನಿರಾಸೆ ಮೂಡಿಸಿದೆ. ನವೆಂಬರ್ ತಿಂಗಳಲ್ಲಿ ರಾಜ್ಯೋತ್ಸವದ ಅಲೆ ಇದ್ದು ಕನ್ನಡ ಭಾಷೆ, ಚಿತ್ರಗಳಿಗೆ ಪ್ರಾಮುಖ್ಯತೆ ಬೇಕು ಎಂಬ ಕೂಗು ಹೆಚ್ಚುವ ಸಂದರ್ಭದಲ್ಲೇ ಈ ರೀತಿಯ ಬೆಳವಣಿಗೆ ವಿಪರ್ಯಾಸವಾಗಿದೆ.

ಒನ್ಸ್ ಮೋರ್ ಕೌರವ ಎನ್ನುತ್ತಲೇ ಬಂದಿರುವ ಈ ಚಿತ್ರವನ್ನು ಒಂದು ಸಾರಿ ನೋಡಲು ಪ್ರೇಕ್ಷಕರು ಬಾರದಿರುವುದು ಹಾಗೂ ಪ್ರಥಮ ಚುಂಬನಂ ದಂತ ಭಗ್ನಂ ಎನ್ನುವಂತೆ ಮೊದಲ ದಿನದ ಮೊದಲ ಪ್ರದರ್ಶನದಲ್ಲಿ ಚಿತ್ರಮಂದಿರದ ಖಾಲಿ ಕುರ್ಚಿಗಳೇ ಪ್ರೇಕ್ಷಕನಾಗಿರೋದು ನಿಜಕ್ಕೂ ಬೇಸರದ ಸಂಗತಿ.

-Ad-

Leave Your Comments