ದೀಪಿಕಾ ಪಡುಕೋಣೆಯನ್ನು ಸೂರ್ಪನಖಿ  ಮಾಡ್ತೇವೆ!

ಬಾಲಿವುಡ್​ನ ಮೋಸ್ಟ್​ ಎಕ್ಸ್​ಪೆಕ್ಟೆಡ್​ ಚಿತ್ರ ಪದ್ಮಾವತಿ ಬಿಡುಗಡೆಗೆ ದಿನಗಣನೆ ಆರಂಭವಾಗಿರುವ ಬೆನ್ನಲ್ಲೇ ಸಿನಿಮಾ ವಿರುದ್ಧ ಭಾರೀ ಆಕ್ರೋಶ ಭುಗಿಲೇಳುತ್ತಿದೆ.. ಸಂಜಯ್​ ಲೀಲಾ ಬನ್ಸಾಲಿ ನಿರ್ಮಾಣದ ಈ ಚಿತ್ರ ಬಿಡುಗಡೆ ಆಗಲು ಬಿಡುವುದಿಲ್ಲ ಅಂತಾ ಕರ್ಣಿಸೇನಾ ಸಂಘಟನೆ ಮುಖ್ಯಸ್ಥ ಲೋಕೇಂದ್ರ ಸಿಂಗ್​ ಕಾಲ್ವಿ ತಿಳಿಸಿದ್ದು,  ಒಂದು ವೇಳೆ ನಮ್ಮೆಲ್ಲರ ವಿರೋಧದ ನಡುವೆ ಪದ್ಮಾವತಿ ಚಿತ್ರ ಏನಾದ್ರೂ ರಿಲೀಸ್​ ಆದ್ರೆ, ಡಿಸೆಂಬರ್​ 1ರಂದು ಇಡೀ ಭಾರತ್ ಬಂದ್​ಗೆ ಕರೆ ನೀಡಲಾಗುವುದು ಅಂತಾ ಎಚ್ಚರಿಕೆ ನೀಡಿದ್ದಾರೆ.. ಈ ಚಿತ್ರದಲ್ಲಿ ಇತಿಹಾಸದ ಅಂಶಗಳನ್ನು ತಿರುಚಲಾಗಿದ್ದು, ಚಿತ್ರ ನಿರ್ಮಾಣಕ್ಕೆ ದುಬೈನಿಂದ ಹಣಕಾಸಿನ ನೆರವು ಬಂದಿದೆ ಎಂದು ಲೋಕೇಂದ್ರ ಸಿಂಗ್​​ ಕಾಲ್ವಿ ವಾಗ್ದಾಳಿ ಮಾಡಿದ್ದಾರೆ.
ದೀಪಿಕಾ ಪಡುಕೋಣೆಯನ್ನು ಸೂರ್ಪನಖಿ  ಮಾಡ್ತೇವೆ..!
ಬಾಲಿವುಡ್​ನ ಪದ್ಮಾವತಿ ಚಿತ್ರದಲ್ಲಿ ನಟಿ ದೀಪಿಕಾ ಪಡುಕೋಣೆ ಆಕ್ಟ್​ ಮಾಡಿದ್ದಾರೆ. ಒಂದು ವೇಳೆ ವಿರೋಧ ಲೆಕ್ಕಿಸದೆ ಚಿತ್ರ ಬಿಡುಗಡೆ ಮಾಡಿದರೆ, ಪುರಾಣ ಕಾಲದ ಸೂರ್ಪನಖಿಗೆ ಆದ ಘಟನೆ ನಟಿ ದೀಪಿಕಾ ಪಡುಕೋಣೆಗೆ ಮರುಕಳಿಸಲಿದೆ ಅಂತಾ ಎಚ್ಚರಿಸಿದ್ದಾರೆ. ಅಂದ್ರೆ ಸೂರ್ಪನಖಿ ರೀತಿ ದೀಪಿಕಾ ಪಡುಕೋಣೆಯ ಮೂಗನ್ನು ಕತ್ತರಿಸುತ್ತೇವೆ ಅಂತಾ ಎಚ್ಚರಿಸಿದ್ದಾರೆ.
ಕಾನೂನು ಸುವ್ಯವಸ್ಥೆ ಕಷ್ಟ ಅಂದ್ರು ಯೋಗಿ ಆದಿತ್ಯನಾಥ..!
ಉತ್ತರ ಭಾರತದಲ್ಲಿ ಪದ್ಮಾವತಿ ಬಿಡುಗಡೆಗೆ ತೀವ್ರ ಆಕ್ರೋಶ ವ್ಯಕ್ತವಾಗಿರುವ ಬೆನ್ನಲ್ಲೇ ಉತ್ತರ ಪ್ರದೇಶ ಸರ್ಕಾರ ಒಂದಡಿ ಮುಂದಿಟ್ಟಿದ್ದು, ಡಿಸೆಂಬರ್​ 1ನೇ ತಾರೀಕು ಸಿನಿಮಾ ಬಿಡುಗಡೆ ಆಗೋದ್ರಿಂದ ಕಾನೂನು ಸುವ್ಯವಸ್ಥೆ ನಿರ್ವಹಣೆ ಮಾಡೋದು ಕಷ್ಟ ಅಂತಾ ಹೇಳಿದ್ದು, ಸಿನಿಮಾ ಬಿಡುಗಡೆಗೆ ಮಾಡದಿರುವ ಬಗ್ಗೆ ಕೇಂದ್ರ ಸರ್ಕಾರದ ಮಾಹಿತಿ ಮತ್ತು ಪ್ರಸಾರ ಇಲಾಖೆಗೆ ಉತ್ತರ ಪ್ರದೇಶ ಪ್ರಿನ್ಸಿಪಾಲ್​ ಸೆಕ್ರೇಟ್ರಿ ಪತ್ರ ಬರೆದಿದ್ದಾರೆ..
-Ad-

Leave Your Comments