ಸಿನಿಮಾಗೂ ಬಂತು “ಸುಪ್ರೀಂ” ಆರ್ಡರ್ ! ನೋಡೋಕೆ ಮುನ್ನ ಎದ್ದು ನಿಲ್ಲಬೇಕು ಯಾಕೆ ?

ಸಿನಿಮಾ ನೋಡೋಕೆ ಹೋಗುವವರಲ್ಲಿ ಬಹಳಷ್ಟು ಮಂದಿಗೆ ಬೇಕಿರುವುದು ಮನರಂಜನೆ. ಯಾಕೋ ಬೋರ್ ಹೊಡಿತಾ ಇದೆ ಒಂದು ಸಿನಿಮಾಕ್ಕೆ ಹೋಗೋಣ ಬಾ ಅಂತ ನಾವೇ ಎಷ್ಟೋ ಸಾರಿ ಹೇಳಿರ್ತೀವಿ. ಪ್ರೀತಿ-ಪ್ರೇಮ ಶುರುವಿಟ್ಟ ಹೊತ್ತಲ್ಲಿ ಪಾರ್ಕು , ಹೋಟೆಲ್ಲಿನ ಜೊತೆಗೆ ಸಿನಿಮಾ ಇದ್ದೇ ಇರತ್ತೆ. ಕತ್ತಲ ಹೊತ್ತಲ್ಲಿ ಚೂರು ಪಾರು ಚೇಷ್ಟೆಗೆ ಒಳ್ಳೆ ಅಡ್ಡ ಚಿತ್ರಮಂದಿರ. ಇನ್ನು ಮದುವೆಯಾದ ಹೊಸತರಲ್ಲು ಹೋಗುವುದು ಸಿನಿಮಾಕ್ಕೇನೆ. ಅದೊಂತರ ತೀರದ ಸೆಳೆತ!! ಒಂಥರಾ ಮಜದಮಂದಿರ ಅನ್ನಿಸುವ ಚಿತ್ರಮಂದಿರಗಳಲ್ಲಿ ಇನ್ನು ಮುಂದೆ ಫಿಲಂ ನೋಡಲಿಕ್ಕೆ ಮುನ್ನ ಎಲ್ಲರೂ ಪಾಲಿಸಲೇ ಬೇಕಾದ ನಿಯಮ ಬಂದಿದೆ. ಇದು ಭಾರತದ ಸರ್ವೋಚ್ಛ ನ್ಯಾಯಾಲಯ ನೀಡಿರುವ ಆದೇಶ !!

suprim-court

ಏನಿದು ಆದೇಶ?

-ಇನ್ನು ಮುಂದೆ ಸಿನಿಮಾ ಶುರುವಾಗುವ ಮುನ್ನ ದೇಶದ ಎಲ್ಲಾ ಚಿತ್ರಮಂದಿರಗಳಲ್ಲೂ ರಾಷ್ಟ್ರಗೀತೆ ಮೊಳಗಿಸಬೇಕು.

-ಥಿಯೇಟರ್ ನಲ್ಲಿರುವ ಪ್ರತಿಯೊಬ್ಬರೂ ಎದ್ದು ನಿಂತು “ಜನಗಣ ಮನ”ಕ್ಕೆ ಗೌರವ ಸಲ್ಲಿಸಲೇ ಬೇಕು.

-ರಾಷ್ಟ್ರಗೀತೆಯ ಜೊತೆಗೆ ತೆರೆಯ ಮೇಲೆ ರಾಷ್ಟ್ರ ಧ್ವಜವನ್ನೂ ಪ್ರದರ್ಶಿಸಬೇಕು

-ಮನೋರಂಜನಾ ವಾಹಿನಿಗಳಲ್ಲಿ ವಾಣಿಜ್ಯ ಉದ್ದೇಶಗಳಿಗೆ ರಾಷ್ಟ್ರಗೀತೆ ಬಳಸಿಕೊಳ್ಳುವಂತಿಲ್ಲ. ಹಾಡುವಾಗಲಾಗಲಿ, ನುಡಿಸುವಾಗಲಾಗಲಿ ನಾಟಕೀಯತೆ ಬೆರೆಸುವಂತಿಲ್ಲ.

ಯಾರು ?ಯಾಕಾಗಿ ಕೊಟ್ಟದ್ದು ?

ನ್ಯಾಯಮೂರ್ತಿ ದೀಪಕ್ ಮಿಶ್ರ, ಅಮಿತ್ ರಾಯ್ ಒಳಗೊಂಡ ಸುಪ್ರೀಂ ಪೀಠ ಇಂದು ಅಂದರೆ ಬುಧವಾರ ಆದೇಶ ಹೊರಡಿಸಿದೆ. ಅವ್ರ ಪ್ರಕಾರ ನಾಗರೀಕರು ರಾಷ್ಟ್ರಗೀತೆಯ ಬಗ್ಗೆ ಹೆಮ್ಮೆ ಪಡಬೇಕು. ಇತ್ತೀಚಿನ ನಮ್ಮ ಜನಕ್ಕೆ  ರಾಷ್ಟ್ರಗೀತೆಯನ್ನ ಹೇಗೆ ಹಾಡಬೇಕೆನ್ನುವುದೇ ಗೊತ್ತಿಲ್ಲ . ಆ ಕಾರಣದಿಂದ ಎಲ್ಲರಿಗು ಸರಿಯಾಗಿ ಹಾಡುವುದನ್ನು ಹೇಳಿಕೊಡಬೇಕು. ನಮ್ಮ ರಾಷ್ಟ್ರಗೀತೆಯನ್ನು ನಾವೆಲ್ಲಾ ಗೌರವಿಸಲೇ ಬೇಕು. ಅಂಥಾ ಸಮಯವೀಗ ಬಂದಾಗಿದೆ. ಇದು ಸಾಂವಿಧಾನಿಕವಾದ ರಾಷ್ಟ್ರಭಕ್ತಿಯ ಭಾಗವೂ ಆಗಿದೆ. ಜನರಿಗೆ ಇದು ನಮ್ಮ ದೇಶ ಎಂಬ ಭಾವ,ಬದ್ಧತೆ ಇರಬೇಕು. ಇಲ್ಲಿರುವ ಮಂದಿ ಸ್ವಾತಂತ್ರ್ಯ ಅನುಭವಿಸುತ್ತಿರುವುದು ದೇಶದಿಂದಲೇ ತಾನೇ ?

ಯಾವಾಗಿಂದ ಜಾರಿ ?

ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಗೆ ಸುಪ್ರೀಂ ಕೋರ್ಟ್ ಆದೇಶ ಜಾರಿಗೊಳಿಸಲು 10 ದಿನಗಳ ಕಾಲಾವಕಾಶ ನೀಡಿದೆ. ಕೇಂದ್ರ “ಸುಪ್ರೀಂ” ಆದೇಶವನ್ನು ರಾಜ್ಯ ಸರ್ಕಾರಗಳ ಮುಖ್ಯ ಕಾರ್ಯದರ್ಶಿಗಳಿಗೆ ಕಳುಹಿಸುವುದಾಗಿ ಹೇಳಿದೆ. ಜೊತೆಗೆ ಪತ್ರಿಕೆ ಹಾಗು ವಿದ್ಯುನ್ಮಾನ ಮಾಧ್ಯಮಗಳಲ್ಲಿ ಪ್ರಕಟಿಸುವುದಾಗಿ ತಿಳಿಸಿದೆ.

-ಸರ್ವೋಚ್ಛ ನ್ಯಾಯಾಲಯದ  ಆದೇಶ  ನಿಮಗೆಲ್ಲ ಏನನ್ನಿಸುತ್ತಿದೆ  ಎಂದು ತಿಳಿಯುವ ಕುತೂಹಲ ನಮಗೂ ಇದೆ. ciniadda.com ನಲ್ಲಿ ನಿಮ್ಮ ಅಭಿಪ್ರಾಯ ದಾಖಲಿಸಿ.

-ಭಾನುಮತಿ ಬಿ ಸಿ

ಚಿತ್ರ ಕೃಪೆ -THE HINDU

 

-Ad-

1 COMMENT

  1. I am really surprised!! Prevention of Insults to National Honour Act, 1971 specifies as the Flag shall not be hoisted in closed doors also after 6pm. And the Act read with the amendment Act 2005 clearly says National Anthem should not be sung in a public place after the sun sets and one need not stand up when it is sung.
    I think I need to read the judgement in detail.
    If Anthem is made to hold all of us together as a Nation then certain facts in the existing National Anthem are changed altogether hence it’s time to either change or alter the existing National Anthem.

Leave Your Comments