ಜನರನ್ನೆಂದೂ ನಿರಾಸೆ ಮಾಡುವುದಿಲ್ಲ ಎಂದ ಉಪೇಂದ್ರ “ರಿಯಲ್ ” ಪಾಲಿಟಿಕ್ಸ್ ಶುರು !

ಆಶ್ವಾಸನೆಗಳನ್ನೇ ಕೇಳಿ ಕೇಳಿ ಬೇಸತ್ತಿರುವ ಜನರಿಗೆ ಹೊಸ ದಾರಿ ತೋರುವ ಭರವಸೆಯಲ್ಲಿರುವ ಉಪೇಂದ್ರ ಸಂಪೂರ್ಣ ಬದಲಾವಣೆ ಎಂಬ ಧ್ಯೇಯದೊಂದಿಗೆ “ಕರ್ನಾಟಕ ಪ್ರಜ್ಞಾವಂತ ಪಕ್ಷ ” ವನ್ನು ಇಂದು ಹುಟ್ಟುಹಾಕಿದ್ದಾರೆ .

ಕುಟುಂಬಸ್ಥರಾದಿಯಾಗಿ ಬೇರೆ ಬೇರೆ ಜಿಲ್ಲೆಗಳಿಂದಲೂ ಬಂದಿದ್ದ ಅಭಿಮಾನಿ ವರ್ಗವೆಲ್ಲ ಖಾಕಿ ಧರಿಸಿದ್ದರು. ಪಕ್ಷದ ಚಿಹ್ನೆ ಆಟೋ ಎಂಬುದರ ಮುನ್ಸೂಚನೆಯೂ ಇದಾಗಿತ್ತು. ಉದ್ಘಾಟನೆಯನ್ನ ಪತ್ರಕರ್ತ ಜೋಗಿ ಸೇರಿದಂತೆ ಹಲವು ಮಾಧ್ಯಮದವರಿಂದ  ಮಾಡಿಸಿದ್ದು  ಉಪೇಂದ್ರ ಬುದ್ಧಿವಂತಿಕೆಗೆ ಸಾಕ್ಷಿ .

 ಉಪೇಂದ್ರ  ನುಡಿದಂತೆ “ಕರ್ನಾಟಕ ಪ್ರಜ್ಞಾವಂತ ಪಕ್ಷ”ದ ಉದ್ದೇಶ, ಕಾರ್ಯವೈಖರಿಯ  ಪ್ರಮುಖ ಅಂಶಗಳು ಹೀಗಿವೆ.

-ಜನರಿಗೆ ಪಾರದರ್ಶಕ ಆಡಳಿತ ನೀಡುವುದೇ ಕೆಪಿಜೆಪಿ ಸಿದ್ಧಾಂತ

-ಸಂವಿಧಾನದ ಪ್ರಕಾರ ಪಕ್ಷದ ಸದಸ್ಯತ್ವ ಅರ್ಜಿಯಲ್ಲಿ ಜಾತಿ ಕಾಲಂ ಇದೆ. ನಮ್ಮ ಪಕ್ಷದಲ್ಲಿ ಜಾತಿಯಿಲ್ಲ. 

-ನನ್ನ ಸಿನಿಮಾ ಬುದ್ಧಿವಂತರಿಗೆ  ಪಕ್ಷ ಪ್ರಜ್ಞಾವಂತರಿಗೆ

-ಎಲ್ಲರಿಗೂ ಉಚಿತ ಶಿಕ್ಷಣ ಸಿಗುವಂತಾಗಬೇಕು

-ಎಲ್ಲ ರಂಗದಲ್ಲೂ ಸಂಪೂರ್ಣ ಬದಲಾವಣೆ ತರಬೇಕು

ಕೌಶಲ್ಯಯುಕ್ತ ಶಿಕ್ಷಣ ವ್ಯವಸ್ಥೆ ತರಬೇಕಿದೆ

-ಚುನಾವಣೆಗೆ ನಿಲ್ಲಲು ಇನ್ನು ಐದು ವರುಷ ಬೇಕಾದರೂ ಕಾಯಲು ಸಿದ್ದ .

-ಜನರಿಗೆ ನಿರಾಸೆಯನ್ನಂತೂ ಮಾಡುವುದಿಲ್ಲ . 

-ಇನ್ನೂರ ಇಪ್ಪತ್ತನಾಲ್ಕು ಕ್ಷೇತ್ರಗಳಲ್ಲಿಯೂ ಅಭ್ಯರ್ಥಿಗಳು ಸಿದ್ದ .

ನಮಗೆ ಸ್ಮಾರ್ಟ್ ಸಿಟಿಯಲ್ಲ, ಸ್ಮಾರ್ಟ್ ವಿಲೇಜ್ ಬೇಕು

ನವೆಂಬರ್ ಹತ್ತನೇ ತಾರೀಕು ಕೆಪಿಜೆಪಿ ಮೊಬೈಲ್ ಅಪ್ಲಿಕೇಷನ್, ವೆಬ್ ಸೈಟ್ ಆರಂಭ

-ನಿಮ್ಮ ಐಡಿಯಾಗಳನ್ನು ನಮಗೆ ಹೇಳಿ, ನಿಮ್ಮ ಪರವಾಗಿ ನಾನು ಪ್ರಚಾರ ಮಾಡ್ತೀನಿ.

ಹೊಸ ಆಶಾವಾದ ಬಿತ್ತಲು  ಹೊರಟಿರುವ ಉಪೇಂದ್ರ ಹೊಸ ಪಕ್ಷದ ಉದ್ಘಾಟನೆಗೆ ಹಾಜರಿದ್ದ ಹೆಸರಾಂತ ನಟಿ ಉಪೇಂದ್ರ ಪತ್ನಿ ಪ್ರಿಯಾಂಕಾ ಜೊತೆಗೆ ಗೆಳೆಯರಾದ ಗುರುಕಿರಣ್ , ವಿ ಮನೋಹರ್ ,ಕುಮಾರ್ ಗೋವಿಂದ್ ಮೊದಲಾದವರ ಉಪಸ್ಥಿತಿ ಕಾರ್ಯಕ್ರಮಕ್ಕೆ ಮೆರಗು ತುಂಬಿತ್ತು .

 

 

 

 

 

 

 

 

 

 

 

-Ad-

Leave Your Comments